Ёшлар манфаати ва ҳуқуқларининг ҳимоя қилиниши - Huquqshunoslik - Referatlar

Ёшлар манфаати ва ҳуқуқларининг ҳимоя қилиниши

Yuklangan vaqt:

20.09.2019

Ko'chirishlar soni:

0

Hajmi:

55 KB

Ko'chirib olish

Ёшлар манфаати ва ҳуқуқларининг ҳимоя қилиниши Ёшларнинг манфаатлари ва ҳуқуқларини ҳимоя қилиш борасидаги етилган муаммоларни ўз вақтида ҳал этиш, узлуксиз таълим тизимида ислоҳотларни янада чуқурлашириш, реал иқтисодиётда ва мамлакат фаолияти соҳаларида таълим муассасалари томонидан тайёрланадиган мутахассисларга бўлган талабни таъминлаш мақсадида 2008 йилнинг «Ёшлар йили» деб эълон қилинганлиги муносабати билан Давлат дастури қабул қилинди. Ушбу дасурда ёшларнинг манфаатларини янада тўлиқ таъминлаш ва ҳуқуқларини ҳимоя қилишга қаратилган ҳуқуқий базани такомиллашириш ҳамда мустаҳкамлаш, амалдаги қонун ва норматив-ҳуқуқий ҳужжатларга ўзгартириш ва қўшимчалар киритиш белгилаб берилди 1 . «Ёшлар йили» Давлат дастури доирасида, авваламбор, мустақиллик йилларида қабул қилинган амалдаги қонун ҳужжатларининг ёшлар манфаатлари ва ҳуқуқларини ҳимоя қилишга оид қисми бугунги кунда олиб борилаётган кенг кўламли ислоҳотлар, ёшларга оид давлат сиёсатининг асосий йўналишлари ва дасурларининг мазмун-моҳиятига мослиги нуқтаи- назаридан таҳлил қилиб чиқилди. Бу борада юздан ортиқ норматив-ҳуқуқий ҳужжат рўйхати тузилиб, қайси қонун ҳужжатлари такомиллаштиришни тақозо этади ва яна қандай янги ҳуқуқий ҳужжатлар қабул қилиниши лозимлигига жиддий эътибор қаратилди. Жумладан, 2008 йилнинг 8 январидан эътиборан «Бола ҳуқуқлари- нинг кафолатлари тўғрисида»ги қонун кучга кирди. Бола ҳуқуқлари соҳасидаги муносабатларни ҳуқуқий жиҳатдан тартибга солиш механизмини такомиллаштириш йўли билан болаларни, шу жумладан, етим болаларни ва ота-она қарамоғидан маҳрум бўлган болаларни ижтимоий ва ҳуқуқий ҳимоя 1 Ўзбекистон Республикаси Олий Мажлиси палаталарининг Ахборотномаси. 2008.№2 (1382). 65-105 бетлар.

қилишнинг амалдаги тизими самарадорлигини ошириш мазкур қонуннинг асосий мақсадини ташкил этди. Президентимиз томонидан 2008 йил 16 апрелда «Вояга етмаган шахсларнинг ҳуқуқларини ҳимоя қилиш тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартириш ва қўшимчалар киритиш ҳақида»ги қонун имзоланди. Эътиборли жиҳати шундаки, болалар ўртасидаги жиноятчиликнинг олдини олиш самарадорлигини оширишга йўналтирилган мазкур қонун билан амалдаги бир қанча қонун ҳужжатлари такомиллаштирилди. Мамлакатимизда ёшларга оид давлат сиёсати халқаро ҳуқуқнинг умумэътироф этилган қоида-талабларига ҳам асосланади. Ўзбекистон бевосита ёшларнинг ҳуқуқлари ва эркинликларини таъминлашга қаратилган ўттиздан ортиқ халқаро ҳуқуқий ҳужжатнинг иштирокчиси ҳисобланади. Жумладан, 2008 йил 4 апрелда «Ишга қабул қилиш учун энг кичик ёш тўғрисида»ги конвенцияни (Женева, 1973 йил 26 июнь) ратификация қилиш ҳақида»ги қонун, 8 апрелда эса «Болалар меҳнатининг оғир шаклларини таъқиқлаш ва йўқ қилишга доир шошилинч чоралар тўғрисидаги конвенцияни (Женева, 1999 йил 17 июнь) ратификация қилиш ҳақида»ги қонун кучга кирди. «Ўтган давр мобайнида бу йўналиш бўйича Президент ва ҳукумат томонидан 13 та қарор, 1 та фармойиш қабул қилинди ва 2 та қонун лойиҳаси қабул қилиниш арафасида турибди» 1 -деб таъкидлади юртбошимиз ўз маърузасида. Ана шу қонун ҳужжатларида болаларни туғилганидан то вояга етгунча бўлган даврда саломатлигини ҳимоя қилиш, Меҳрибонлик уйлари ва махсус мактаб-интернатларнинг моддий-техник базасини мустаҳкамлаш ва 1 Каримов И.А. Ватанимизнинг босқичма-босқич ва барқарор ривожланишини таъминлаш бизнинг олий мақсадимиз//Халқ сўзи, 2008, 6 декабр.

шу даргоҳларда ишлаётган ходимларни моддий қўллаб-қувватлаш масалалари ҳар томонлама ўрин олди. Ушбу қарорлар қаторида 2009-2014 йилларда болалар мусиқа ва санъат мактабларининг моддий базасини мустаҳкамлаш ва янги муассаса- ларни қуриш бўйича давлат дастури ҳамда иқтидорли ёшларни тақдирлаш ва моддий рағбатланиришга оид ҳукумат қарорлари қабул қилинди 1 . Шу тариқа мамлакатимизда ёшлар ҳуқуқларини барча соҳаларда ҳимоя қилиш мақсадида тегишли ташкилий-ҳуқуқий асослар тўла шакллантирилди. Айни чоғда ушбу ҳуқуқий асосни янада такомиллаштириш ишлари давом эттирилмоқда. Қабул қилинаёган барча қонунлар, норматив ҳуқуқий ҳужжатларнинг замирида ягона ғоя мужассам. Бу ғоя, Президентимиз таъбири билан айтганда, соғлом зурриёт, яъни жисмоний ва маънавий етук авлод шаклланиши ва ўз имкониятларини ҳамда салоҳиятини рўёбга чиқариши учун зарур тизимни яратиш, ёшларимизнинг ҳуқуқ ва манфаатларини ҳимоялаш, замонавий билим ва касбга эга бўлишини, жамиятимиз ҳаётида муносиб ўрин эгаллашни таъминлашдан иборат. Бу борадаги миллий қонунчилик тизимимиз халқаро ҳуқуқнинг демократик тамойилларига мос келиши билан бирга, ривожланган демократик давлатларнинг ҳуқуқни қўллаш амалиётининг ижобий жиҳатларини ўзида мужассам этди. Мазкур демократик стандартлар ёшларга оид давлат сиёсатининг асосини ташкил этиб, қонунчилик жараёнида ва ҳуқуқни қўллаш амалиётида кенг тадбиқ этилди. Жаҳон миқёсидаги иқтисодий инқироз энг ривожланган давлатлар иқтисодиётига салбий таъсир кўрсатаётган бир шароитда Президентимиз томонидан халқимиз, шу жумладан, ёшларимизнинг даромадлари ва турмуш 1 «Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган давлат дастури тўғрисида»//Халқ сўзи, 2008 9 июль.

даражасини муттасил ошириб бориш, уларга ижтимоий мададни янада кучайтиришга мунтазам равишда эътибор қаратиб келинмоқда.

O'xshashlar

Қонунларимизда фуқароларнинг уй-жойга бўлган ҳуқуқларининг ҳимоя қилиниши

Истеъмолчилар ҳуқуқларининг давлат томонидан ҳимоя қилинишини таъминлаш

Конунларимизда фукароларнинг уй-жойга булган хукукларининг ҳимоя қилиниши

Ёшлар меҳнати

Ўлим ( Улим ) жазоси бекор қилиниши инсон ҳуқуқлари ва эркинликларини ҳуқуқий ҳимоя қилишнинг муҳим босқичи