Aholini geografik o`rganish - Geografiya - Referatlar

Aholini geografik o`rganish

Yuklangan vaqt:

20.09.2019

Ko'chirishlar soni:

0

Hajmi:

75.5 KB

Ko'chirib olish

Aholini geografik o`rganish Iqtisodiy va sotsial umumjahon an`analariga mos ravishda ijtimoiy geografiya fani tizimida aholi nihoyatda muhim va markaziy o`rinni egallaydi. U, ba`zi olimlar ta`biri bilan aytganda, ushbu fanning ichki o`zak bo`lagi, qanoti sifatida xizmat qiladi. Shu bois iqtisodiy va sotsial geografiyada aholiga e`tibor juda kuchli bo`lgan. Xatto jahon geografiyasida ham vaziyat deyarli shunday: ma`lumotlarga qaraganda, geografiyada bajarilayotgan jamiki ilmiy ishlarning choragidan ko`prog`i aynan ana shu aholi muammolariga to`g`ri keladi. Aholi – ma`lum bir hududda joylashgan kishilar birligi, jamoasidir. Binobarin, halqimiz uni «ahl» ko`rinishida ham ishlatib kelishgan: tuman ahli, shahar ahli va h.k. Shu bilan bu yerda yashovchi halqlarning yadilligi, do`stligi, ahilligi ta`kidlangan. «Halq» aholi tushunchasidan biroz farq qiladi, u etnografik ma`noga yaqin turadi, fuqaro esa ko`proq huquqiy, siyosiy mazmunga ega. «Shaxs» tushunchasi asosan falsafa, sotsiologiya fanida ishlatiladi. Aholining rus tilida «naselenie» deb yuritilishida ozroq kamchilik, tushunmovchilik mavjud. Chunki «naselenie» so`zi kengroq biologik ma`noga ega bo`lib, u faqatgina aholiga, kishilar majmuasiga tegishligina emas. Chunonchi, qushlar, hayvonlar aholisi deb aytish ham mumkin. Ana shu chalkashlikni bartaraf etish maqsadida rus ilmiy adabiyotlarida «narodonaselenie» (ya`ni, lyudskoe, a ne jivotnoe naselenie) tushunchasi qo`llaniladiki, bu mazmun va mohiyatiga ko`ra to`g`riroqdir. Biroq, o`zbek tilida aholini boshqacha talqin qilishga ehtiyoj yo`q, zero u hamma vaqt kishilar birligini anglatgan. Aholi juda qamrovi keng, murakkab ob`ekt – tizim hisoblanadi. Mohiyatan u to`la ma`noda sotsial – iqtisodiy kategoriyadir. Aholi muammolarining turli qirralari bilan qator fanlar, shu jumladan, demografiya, etnografiya, tarix, sotsiologiya, iqtisod, tibbiyot va boshqalar shug`ullanadi, buya gona, umumiy bo`lgan ob`ektda barcha fanlarning o`ziga xos alohida jihatlari, tomonlari, faqat

ularnigina qiziqtiradigan va binobarin tadqiqot doirasiga mos tushadigan qirralari mavjud. Yuqoridagi fanlar qatorida aholini o`rganishda geografiyaning ham o`ziga munosib o`rni bor. Bu xissa balki, boshqa fanlarga ko`ra ko`proqdir. Aholi tug`iladi, o`qiydi, ishlaydi, uylanadi, oilali bo`ladi, farzand ko`radi, dam oladi, davolanadi, vafot etadi va h.k. Uning, aniqrog`i – Hazrati Insonning «dunyosi» bor, u tom ma`noda yashaydi, turmush sharoiti va tarzi, e`tiqodi, moddiy va ma`naviy hayoti, urf – odatiga ega. Ana shu serqirrali aholi bilan tutash bo`lgan muammolarning hududiy jihatlarini geografiya o`rganadi. Zero, yuqoridagi voqealar (tabiiy va notabiiy, siyosiy, iqtisodiy va ijtimoiy hodisalar) faqatgina qachon va ma`lum vaqt doirasidagina emas, balki qaerdadir muayyan geografik muhitda, hudud – makonda sodir bo`ladi. Shu nuqtai nazardan qaraganda, geografiya aholini o`rganishda yuqorida tilga olingan fanlar natijalarini umumlashtiruvchi vazifasini ham o`taydi. Demak, aholini «sof» maxsus geografik o`rganishdan tashqari, uni qo`shni, turdosh fanlar qirrasida ham tadqiq etish mumkin. Bu esa fanning rivojlanishidagi muhim ijobiy xususiyati, ichki imkoniyati va fazilatiga ishoradir. Ammo bu yerda nihoyatda ehtiyotkorlik talab etiladi, aks holda geografiya qolib qo`shni fanga, bir qirg`oqdan boshqasiga o`tib ketishi xavfi bor. Agar ana shu me`yor va mezonlarga rioya qilinsa, turli fanlar usullaridan foydalanishi tufayli samarali natijalarga erishiladi va bunday tadqiqotlarning amaliy ahamiyati ham beqiyos salmoqli bo`ladi. Masalan, aholining iqtisodiyot fani qirrasida o`rganilishi uning, eng avvalo mehnat faoliyatiga ustuvor e`tibor berilishini taqozo etadi. Shuning uchun bu yo`nalishda asosan mehnat bozorining shakllanishi va ulardan foydalanishning hududiy jihatlari tadqiq qilinadi. Xuddi shunday sotsiologiya Fani qirrasida aholini o`rganishda, avvalambor uning shaxs sifatida shakllanishi, hayot faoliyati, yashash sharoiti va tarzi, kasb – hunari va h.k – lar ma`lum hududiy birliklar doirasida tahlil etiladi. Bunday yondashuvni sotsiografiya va sotsiogeografiya deb atash

o`rinli. Biroq bu tor ma`nodagi sotsial geografiyadir, keng tarzda esa u yuqorida ta`kidlaganimizdek ijtimoiy (inson, gumanitar) geografiyasiga muvofiq keladi. Aholini o`rganishda geografiya fani ayniqsa demografiya bilan yaqin turadi. Agar demografiya aholini biosotsial kategoriya sifatida tabiiy va migratsiya harakatlarini tadqiq etsa, geografiya ana shu muammolarga, eng avvalo makon jihatdan hududiy tafovutlarni aniqlash nuqtai nazaridan qaraydi. Geografik tomonlarni o`rganishda ikki holatga e`tibor qaratmoq lozim. Gap shundaki, bu yerda ba`zan geodemografiya tushunchasi ishlatilsa, boshqa hollarda geodemografiya deb yuritiladi. Xo`sh qaysinisi to`g`ri? Aslini olganda ikkala tushuncha ham qo`llanilishiga to`la haqli. Ammo ularni o`z o`rnida, mavridida ishlatgan ma`qulroq. Ushbu lug`aviy ma`noni hal etish uchun tizim – tarkib g`oyasiga murojaat etamiz. Ma`lumki, har qanday tizim (tarkib) asosan ikki ko`rinishda bo`ladi: biri tarmoq soha tizimi bo`lsa, ikkinchisi hududiy va geotizimdir. Turli xil sharoitlarda ular birlamchi yoki ikkilamchi va demak, tizim yoki tarkib maqomida kelishi mumkin. Bu yerda biri gapning egasi bo`lsa, ikkinchisi uning kesimi vazifasini o`taydi. Yuqoridagi fikr va mulohazalardan kelib chiqqan holda qo`yilgan muammo yechimiga qaytaylik. Chunonchi, demografiya deganda birlamchi «demo», ya`ni tub demografik jarayonlar nazarda tutiladi. Mazkur tushunchaning ikkinchi qismi esa ana shu jarayonlarning hududiy tafovutlari, farqlanishini anglatadi. Masalan, aholining tug`ilish jarayonini o`rganish ishning asosiy maqsadi bo`lsa, u holda bu soha tizimi shaklida ko`rinadi. Biroq o`z – o`zidan ma`lumki, bu jarayon hamma joyda ham bir xil emas, u o`zining hududiy tarkibi va xususiyatiga egadir. Binobarin, bu yerda hudud masalasi soha, tarmoq tizimiga nisbatan ikkilamchi tarkib shaklida namoyon bo`ladi. Geodemografiya esa ko`rilgan holatning aksidir; bunda ular o`z o`rinlarini almashtirishadi, ya`ni hudud – tizim, demografik jarayon tarkib vazifasini bajaradi. Agar biz Namangan viloyati aholisini o`rganmoqchi bo`lsak, unda sodir bo`layotgan demografik jarayonlarni inobatga olishimiz darkor. Boshqacha qilib

aytganda, u yerda viloyat aholisining o`sishi va joylashishiga ta`sir etuvchi tabiiy va mexanik harakatlarni tahlil qilish talab qilinadi. Shu bilan birga ta`kidlash lozimki, geodemografik yondashuv ma`lum bosqichda demografiyaga va aksincha demografik tadqiqot geodemografik tahlilga o`tib turadi. Keltirgan misolimizda Namangan viloyati tumanlarida aholining tabiiy harakatini o`rganish geodemografik tadqiqotning demogeografik tahlilga o`zgarishini bildiradi. Albatta, geografik tadqiqotlarda o`zimizning fanimizga ustuvor urg`u berish maqsadida bunday yo`nalishlarni «geodemografiya» deb atash to`g`riroqdir. Mohiyatapn u «regional demografiya» tushunchasining o`zginasidar (Xuddi regional iqtisod, geoiqtisodga o`xshash). O`z navbatida kasbi demograf bo`lgan mutaxassislar ular qiziqtirgan muammoning xududiy tomonini ham o`rganishlari kerak. Bu yo`sinda ularga geografik yondashuv juda qo`l keladi va bajarilgan ishni mazmunan demografik tadqiqot sifatida baholashlari mumkin. Aholini asosan geografik jihatdan o`rganishda ham ikki yo`nalish mavjud. Birinchisida aholiga uning o`sishi, yoshi va jinsi, milliy tarkibi masalalariga ko`roq e`tibor berilsa, ikkinchisida bu jarayonlarning natijasi – aholi punktlari, shahar va qishloqlar to`ri turadi. Rus tilida bu holat «rasselenie» atamasi bilan ifodalanadi. O`zbek tilida hozircha unga aynan mos keluvchi maqbul tushuncha yo`qligi sababli, uni taxminan yoki shartli ravishda aholi va aholi manzilgohlarining joylanishi, ularning katta – kichikligi, o`zaro hududiy munosabatlari ma`nosida ishlatishga to`g`ri keladi. Turli yiriklikdagi shahar va qishloqlar, ularning murakkab tizimlari aholining hududiy tashkil etish shakllaridir. Uning ijtimoiy tashkil etilishidagi shakllar esa har xil yosh, jins, millat,elat, kasb – hunarga mansub kishilar uyushmasi bo`lib, ularga makon jihatdan umumiylik shart emas. Shunday qilib biz yuqorida aholini o`rganishda demografik jarayonlarning muhim o`rin tutishini ta`kidladik. Bu xususida iqtisodiy masalalar ham anchagina an`anaviy xususiyatga ega bo`lsa, qolgan «qirraviy» yo`nalishlar uncha

rivojlanmagan. Biz bu yerda aholini sotsiologiya, psixologiya, tibbiyot va boshqa fanlar bilan hamkorlikda tahlil etilishini nazarda tutmoqdamiz. Darhaqiqat, o`tgan yillar va sho`rolar davrida aholi iqtisodiy geografiya uchun (qolaversa mamlakat rahbariyati uchun ham) eng avvalo mehnat resursi, ishchi kuchi, ya`ni iqtisodiy kategoriya sifatida talqin qilinar edi. U ishlab chiqarishning egasi, sub`ekti darajasida baholanardi xolos. Vaholanki, aholi – kishilar butun umrlari davomida faqatgina ishlamaydilar, balki ular Ayni paytda o`zlari yaratgan moddiy va ma`naviy boylikni iste`mol ham qiladilar. Afsuski fanimizda ana shu insoniy, ijtimoiy jihatlar o`rganilmagan: o`simlik, hayvonot geografiyasi bor – ammo u taajubki, eng oliy mavjudot – Inson geografiyasi yo`q. Shuning uchun fanimiz hamon iqtisodiy bo`lib kelmoqda. Aholining mehnat va hayot faoliyati albatta ma`lum bir tabiiy va ijtimoiy muhit doirasida kechadi kechadi. Bu esa har qanday jamiyat sotsial – iqtisodiy tuzilmasining o`zagini, asosini tashkil etadi, ya`ni barcha ijtimoiy, siyosiy – iqtisodiy jarayonlar markazida eng avvalo tabarruk inson turadi. Ana shu ob`ektiv holatni hisobga olgan tarzda ko`pgina xorijiy mamlakatlarda biz uchun an`ana bo`lib qolgan iqtisodiy, iqtisodiy va sotsial geografiya, ya`ni notabiiy geografik fanlar turkumi Inson, gumanitar, ijtimoiy geografiya deb yuritiladi. Bunday fanning bosh maqsadi jamiyat hayotining hududiy tashkil etilishini o`rganishdan iboratdir. Demak, inson geografiyasi bu aholi geografiyasi emas: Bu yerda birinchisi ikkinchisiga nisbatan ancha kengroq. Shuning uchun, inson yoki ijtimoiy geografiyaga doir masalalarni o`rganish navbatdagi vazifalar bo`lib, ularning yechilishi Ushbu fanning yanada rivojlanishiga, uning mavqei va nufuzini jahon darajasiga yaqinlashtirishga olib keladi. Endi bevosita aholini geografik o`rganish masalalariga qaytaylik. Ma`lumki, bunday tadqiqotlar dastavval aholining o`sishi va joylanish muammolarining tahlil etilishini nazarda tutadi. Tabiiyki, aholi soni vaqt davomida o`zgarib turadi, unda tadrijiy siljishlar yuz beradi – Ki, ularni geografik jihatdan izohlash katta ahamiyatga ega. Buning uchun o`rganilayotgan hudud aholisini yaqin o`tmish

davridagi miqdor ko`rsatkichlari statistikma`lumotlar asosida tahlil etiladi. O`sish va ko`payish sur`atlari, uning o`rtacha, eng past va eng yuqori darajalari atroflicha o`rganiladi, sabablari, omil va jarayonlari ilmiy jihatdan aniqlanadi. Odatda, geografik tadqiqotlarda aholining o`tmishdagi (retrospektiv) rivojlanish davrini 15 – 20 yil bilan cheklash kifoya qiladi. Aynan shu ko`lamdagi tarixiy davr hozirgi vaziyatni to`g`ri baholash va uni taxminan shuncha yilga bashorat qilish uchun zamin yaratadi. Aholining o`sishini o`rganishda uning tabiiy va mexanik harakatlariga murojaat qilinadi. Shu maqsadda tug`ilish, o`lish, tabiiy ko`payish, shuningdek, aholining ko`chib yurishi – migratsiya jarayonining miqdori, intensivligi, migratsiya qoldig`i kabilar batafsil tahlil etiladi. Bularning natijasida aholi ko`payishidagi ikki asosiy omil – tabiiy va mexanik harakatning o`rni, hissasi ko`rsatiladi. Mexanik ko`payish yoki kamayishda faqatgina aholining keldi – ketdisi emas, balki ana shu tadqiqot ob`ektining ma`muriy – hududiy jihatdan o`zgarish oqibatlari ham inobatga olinadi. Shu bilan irga aholining tabiiy harakatini geografik o`rganishda umumiy demografik ko`rsatkichlar tahlili bilan qanoatlangan ma`qul. Masalan, aholi tug`ilishi, o`lishi va tabiiy ko`payishining yakuniy ko`rsatkichlari kifoya. Yana bolalar (1 yoshgacha) o`limi, o`rtacha umr ko`rish kabilarni ham hisobga olish mumkin. Ammo, maxsus demografik jarayonlar: farzandlar tug`ilishi oralig`idagi vaqt, tug`ilish va o`lish sabablari, oilaning o`rtacha hajmi, oilani «rejalashtirish», oila qurish va ajralish, turli yoshdagi onalarning farzand ko`rish miqdori, farzand ko`rish davrining davomiyligiga o`xshash masalalarni geografik tadqiqotlarda batafsil o`rganish shart emas. Agarda ular ham inobatga olinsa, u holda geografiya (xatto demografiya va geodemografiya) qolib ketib, sof demografiyaga o`tib qolinadi va tadqiqot natijalari ma`lum maqsad doirasidan chetga chiqib ketadi. Aholi o`sishini yaxshi tasvirlash va dalillar bilan isbotlash uchun har xil statistik jadvallar, grafik va diagrammalar tuzilishi maqsadga muvofiqdir. Bunday qo`shimcha materiallar ish matnini yanada boyitishi va ilmiy asoslanishining muhim sharti hisoblanadi.

Ta`kidlash lozimki, geografik tadqiqotlarda aholining joylashuv masalalariga jiddiy e`tibor beriladi. Chindan ham bu masala har qanday geografik ishlarning markazida turadi. Sababi – aholining joylashishi, zichligi geografiya fanining bosh falsafiy muammosi bo`lgan tabiat va jamiyat, tabiat va inson masalasiga kelib taqaladi. Aholi zichligi va joylashuviningko`rsatkichlari ayni paytda ana shu hududning demografik va ekologik sig`imini aniqlashga yordam beradi, ular joyning mavjud salohiyatidan qay darajada foydalanishini ham aks ettiradi. Geografik tadqiqotning chuqur va aniq bo`lishi uchun aholining umumiy va o`rtacha zichlik ko`rsatkichlari bilan chegaralanib qolishi yetarli emas. Chunki, ma`lum darajadagi bunday ko`rsatkich cho`lga va vohaga, tog` va tekislikka, suv va quruqlikka ham birday dahldor bo`lib qoladiki, bu aslo geografiyaning belgisi hisoblanmaydi. Shu bois tadqiqotda aholi zichligining hududiy tafovutlari, uning turli real geografik rayonlarda – tog` va tog` – oldi, tekislik, voha va vodiylarda, shahar atrofidagi miqdori ko`rsatiladi, bularning sabab va qonuniyatlari ochib boriladi. Aholini geografik o`rganishda uning yosh va jinsiy, milliy tarkiblari ham tahlil etilmog`i zarur. Biroq bu kabi demografik va etnografik masalalar, eng avvalo, hududiy tomondan ko`rilishi kerak. Shu bilan birga ularni tadqiq etish va tegishli xulosalar chiqarish asosan aholini ijtimoiy muhofaza qilish, mehnat resurslari va bozorining shakllanishi nuqtai nazardan olib borilgani ma`qul. Ayni paytda turli millatga mansub bo`lgan aholining hududiy tarkibi, ya`ni etnogeografik masalalarni o`rganish alohida ahamiyatga ega. Aholining joylashishi, albatta maxsus xarita va grafiklarda tasvirlanishi kerak. Ammo, bunday har xil ko`rinishdagi ko`rgazma materiallari bir – birlarini takrorlamasligi, aksincha, to`ldirishlari maqsadga muvofiqdir. Geografik tadqiqotlarda aholining shahar va qishloq joylarida taqsimlanishi ham tahlil etilmog`i lozim. Bunda aholining necha foizi shahar yoki qishloqlarda istiqomat qilishi (umumiy urbanizatsiya darajasi) shahar va qishloq aholisining o`sish va ko`payishini qiyosiy o`rganish nazarida tutiladi. Shuningdek, shahar va

qishloqlar, to`ri va tizimi, ularning katta – kichikligi, turli vazifalar bo`yicha taqsimlanishi, aholi manzilgohlarning zichligi, ular o`rtasidagi masofa kabi masalalar ham qisman o`rganiladi. Ushbu muammolarni chuqur va atroflicha tahlil etish esa aynan ularga bag`ishlangan maxsus tadqiqotlar doirasida amalga oshiriladi. Aholi sonining o`sishi va tahlil va tashhis etish uni bashorat qilishga asos bo`lib xizmat qiladi. Bu vazifa, ilgari qayd qilganimizdek, turli usullar yordamida va har xil ko`rinishda (variantda) bajariladi. Taxminan 10 – 15 yilga (o`rta muddatga) mo`ljallangan demografik bashoratning hozirgi nisbatan o`zgarishining sur`at va sabablari, uning rayon va boshqa darajasidagi tadrijiy vaziyati tavsiflanadi.

Adabiyotlar ro`yxati : 1. Алесеев Л.И., Алаев Э.Б. «Социально – экономическая география». Понятийно – терминологический словарь. М:. 1980. 2. Тойн.П., Ньюби.П. «Методы географических наследований». М:. 1977. 3. Манак.Б.А. «Методика экономико – географических наследований». Минск. «Университетское». 1985. 4. Маергойз.И.М. «Методика мелкомасштабных экономико – географических исследований». М:. 1981. 5. Меркушева.Л.А. «География сферы обслуживания населения (теория и метология)». Красноярск. 1989. 6. Алесеев.А.И., Ковалев.С.А., Ткаченко.А.А. «География сферы обслуживания». Калинин. 1988. 7. Soliev. A.S. «Iqtisodiy geografiyaning nazariy va amaliy masalalari». Toshkent. 1999. 8. Iqtisodiy geografiyaning tadqiqot usullari MA`RUZALAR MATN. Tuzuvchi: o`qit. X.Jumayev 9. www.ziyonet.uz

O'xshashlar

Yevropaning geografik o`lkalari

Osiyoning tabiiy geografik o`lkalari

Afrika materigining tabiiy geografik o`lkalari

O`zbekistonning umumiy tabiiy -geografik tavsifi geografik o`rni, chegaralari, maydoni va umumiy tavsifi

Janubiy Amerika materigining tabiiy geografik o`lkalari