Хужайра физиологияси ва - Biologiya - Referatlar

Хужайра физиологияси ва

Yuklangan vaqt:

20.09.2019

Ko'chirishlar soni:

0

Hajmi:

107.5 KB

Ko'chirib olish

ежа: 1. Фагоцитоз. 2. Пиноцитоз. 3. Хужайранинг таъсирланувчанлиги. 4. Хужайранинг ҳаракати 5. Хужайра патологияси.

Хужайра-куп ҳуйрали организмнинг элементар кисмдир. У биологик система булиб, ташки муҳит билан унинг уртасида доимо модда ва энергия алмашиниб туради. Куп ҳужайрали организмда ҳужайра учун ташки муҳит булиб ҳужайра ташкарисидаги суюклик ҳисобланади. Куп ҳужайрали организмда ҳар бир ҳужайра узининг модда алмашинуви даражаси билан фаркланиб туради. Ташки муҳитдан ҳужайрага, ҳужайра ичи тузилмаларини ҳосил килишда иштирок этадиган пластик ҳамда ҳужайрада парчаланиб энергия берувчи моддалар ва кислород киради. Юкорида айтилган моддалар ҳамда сув, ионлар витаминлар, гормонлар (ҳужайра функциясини бошкариб турувчи) ҳужайрани ташки муҳитдан ажратиб турувчи плазматик мембрана оркали актив ва пассив транспорт йули билан ҳужайрага киради. Худди шу йул билан ҳужайра метаболизми маҳсулотлари ҳужайрадан ташкарига чикарилади. Моддаларнинг ҳужайрага ичига актив кириши (эндоцитоз) ва ташкарига чикарилиши (экзоцитоз) энергия сарф булиши билан кечади. Купгина ҳужайра мембраналарида шу жараённи таъминловчи АТФ-аза системаси яхши ривожланган булади. Моддаларнинг ҳужайра ичига киришида ҳужайра органоидлари, ҳусусан эндоплазматик тур, Гольжи комплекси ҳам иштирок этади. Фагоцитоз. Куп ҳужайрали организмларнинг ҳужайралари зарур моддаларни эритмалар ҳолида олади. Плазматик мембрана оркали ҳатто йирик молекулаларнинг ҳужайралар ичига кириши ҳам электрон микроскопда курилган. Баъзи бир хужайралар эса каттик моддаларни ҳам ютиш кобилиятига эга. Бу жараён фагоцитоз деб номланади, буни биринчи марта Н.Н. Мечников томонидан томонидан утган аср охирида аникланган. Фагоцитоз кобилияти бириктирувчи тукима ҳужайралари макрофагаларида, жигар синусоид капиллярнинг эндотелила ҳужайраларида, буйрак усти бези, гипофиз, кон ишловчи органларнинг ретикуляр ҳужайраларида (суяк кумиги, талок, лимфа тугуни) ҳам бор. Бу ҳужайраларнинг ҳаммаси ретикулоэндотелиал системага киради. Фагоцитоз кетма-кет буладиган 4 фазадан иборат: 1) фагоцит ва фагоцитоз килинувчи модданинг узаро якинлашиши. Бу-фагоцитознинг моддага нисбатан

хемотаксиси билан белгаланади: 2) фагоцит ва фацитоз килинувчи модданинг жуда ҳам якинлашиши (атракция даври): 3) модданинг ютилиши: 4) ҳазм килиниши (30-расм). Моддаларнинг фагоцитоз килиниши фагоцит плазматик мембранасининг инвагинацияси оркали руй беради. Ютилган моддалар гидролитик ферментларга бой лизосомаларда парчаланади. 30-расм. А-фагоцитоз: В-пиноцитоз: С,Д-ҳужайраларда кузатилиши. Пиноцитоз. Қаттик моддаларни фагоцитоз килишдан ташкари ҳужайра суюк моддаларни ҳам ютиши мумкин. Бу жараённи биринчи марта Льфис кузатган (30- расм). Электрон микроскопда охирги йилларда олиб борилган текширишлар пиноцитоз жараёнида ҳужайра плазматик мембранасининг аҳамияти катталигини курсатди. Суюклик томчиси ҳужайра мембранасининг бир кисми билан уралиб, цитоплазмага утади ва у ерда ҳужайра кобигидан ажралади. Шундай килиб, пиноцитоз пуфакча девори плазматик мембранада ташкил топган. Пиноцитоз механизми куйидаги фазаларни уз ичига олади: 1) ташки цитоплазматик мембрана инвагинациясининг ҳосил булиши: 2) шу инвагинацияларга суюклик томчисининг ютилиши: 3) пуфакчаларнинг цитоплазмага утиши ҳамда цитоплазматик вакуолаларнинг ҳосил булиши. Пиноцитозга якин жараён рофеоцитоз булиб, бунда субмикроскопик заррачалар ва макромолекула ютилади. Рофеоцитозни пиноцитоздан фаркли равишда факат электрон микроскопда куриш мумкин. Эриган модда молекулалар (ёки ионлари) ни кисман ёки тамомила тутиб коладиган ярим утказгич парда оркали эритувчининг утиши осмос деб аталади. Осмометр деб юриталидаган алоҳида бир идиш бу ходисани намойиш этиш учун хизмат килади. Бу идишнинг огзи шиша най утказилган тикин билан маҳкам беркитилган. Осмометрнинг туби урнига ярим утказгич парда (масалан, коллодий пардаси) куйилган. Осмометр катта идишга жойлаштирилади. Иккала идишга ичида эриган моддасининг концентрацияси жиҳатидан бир-биридан фарк

киладиган суюклик, тоза сув ва кандай булмасин бирор модда, масалан, метилен куки деган буёк эритмаси куйилади (31-расм). 31-расм. Осмометрда осмос ва осмотик босим вужудга келиш схемаси. Бу икки ҳолни куриб чикайлик. Биринчи ҳолда сув молекулаларини утказадиган, аммо метилен куки молекулаларини ушлаб коладиган майда тешикли парда осмометрнинг туби булиб хизмат килади. Осмометрга метилен кукининг сувдаги 0,5 %ли эритмаси, катта идишга тоза сув куйилади. Сув катта идишда 100 % ни, осмометрда эса факат 99,5 % ни ташкил килганлиги, эритмалар концентрацияси эса бараварлашишга интилганлиги учун катта идишдан сув осмометрга ута бошлайди, яъни осмос ходисаси руй беради (осмометрдаги суюклик ранги учиб боради). Шунинг натижасида шиша найдаги суюклик устунчаси (h) сувни ярим утказгич осмометр туби оркали утиб туришга мажбур киладиган куч билан босими бараварлашмагунча кутарилиб боради. Мана шу куч осмотик босим деб аталади. Осмотик босим эриган модда концентрациясига (мазкур ҳолда буёк концентрациясига ) тугри пропорционал, яъни эриган модда барча молекулалари ва ионларининг ярим утказувгич пардага курсатадиган босими йигиндисига тенгдир. Иккинчи ҳолда (31-расм В,С) тажрибани тирик ҳужайрада булиб турадиган ҳодисаларга бирмунча якинлаштиришга уриниб курамиз. Осмометрда йирик молекулалар, масалан, оксил молекулалари эриган суюклик, катта идишда эса метилен куки эритмаси булсин. Бу тажрибада осмометр тубига тешикчалари бирмунча йирикрок булиб, сув ва метилен куки молекулаларини утказадиган, лекин оксил молекулаларини ушлаб коладиган бошка парда тортилган дейлик. Метилен кукининг молекулалари шу парда текширишлари оркали утиб, унинг иккала тарафида бир текис таксимланади. Осмометрда оксил молекулалари билан метилен куки молекулаларининг умумий сони купрок булиб колади, шунга кура унда осмотик босим (h) ортади. Тирик организмда, энди бизга маълум булганидек, ярим утказгич пардалар- купчилик эриган моддаларни ушлаб коладиган ҳужайра мембраналари ва ҳужайра ичидаги мембраналар бор.

Тирик ҳужайра маълум бир даражада осмотик ячейка тарикасида ишлаб боради. Муайян бир организмнинг ҳужайралари ва суюкликларидаги осмотик босим бир кадар доимий катталикни ташкил этади-ҳайвонларда 8 атм. дан усимликларда 60 атм. гача боради. Сут эмизувчи ҳайвонларда бу босим 0,85% ли ош тузи (Na CL)эритмасининг осмотик босимига мос келади. Хужайрани ураб олган эритмадан тузлар концентрацияси мана шу катталикдан кам булса, бу эритманинг осмотик босимидан паст булиб чикади. Бундай эритма гипотоник эритма деб аталади. Бундай эритмада турган ҳужайра, унга сув кириши туфайли буртиб боради, ҳужайранинг ички муҳити билан ундан ташкаридаги осмотик концентрация фарки етарли даражада катта булса, ҳужайра ёрилиб, ҳалок булиб кетиши ҳам мумкин. Бордию, ҳужайра концентрацияси юкори, яъни гипертоник деб аталадиган эритмада, бошкача айтганда осмотик босими бирмунча катта буладиган эритмада турадиган булса, у вактда сувни куп йукотиш туфайли ҳужайра бужмайиб, буришиб колади. Бундай ҳодиса плазмолиз деб аталади ва баъзан ҳужайранинг нобуд булишига ҳам олиб келади (32-расм). Тирик ҳужайра ёки тукиманинг концентрацияси цитоплазма тузлари концентрацияга тенг келадиган туз эритмасига (изотоник эритмага)солиб куйиладиган булса, уша ҳужайра ёки тукима бирмунча вакт уз ҳаёт фаолиятини саклаб колиши мумкин. Шу хилдаги изотоник эритмалар физиологик эритмалар деб аталади. Сут эмизувчи ҳайвонлар учун ош тузининг 0,85% ли эритмаси, амфибиялар (бакалар)учун шу тузнинг 0,64% ли эритмаси физиологик эритма булиб ҳисобланади (32-расм). 32-расм. Хар ҳил микдордаги эритмаларнинг ҳужайрага таъсир этиши. А-эритроцитлар; В-усимлик ҳужайраси Нормал ҳолатда ҳужайра тигизлик, яъни эластик деворларнинг суюкликка босими билан тенглашиб туради (дам бериб шиширилган шина ёки коптоклардагига ухшаб). Хужайранинг ана шундай нормал тигиз ҳолати тургор деб аталади (лотинча turgore-шишинмок, тулиб-тошмок деган суздан олинган).

Хужайра суюклигининг осмотик босими нечогли юкори босим мухитдагига нисбатан олганда одатда бирмунча юкорирок булади. Тирик усимлик ҳужайраларига яятургор ҳолати хос, узиб олинган усимлик эса сулий бошлайди, чунки ҳужайрани тигиз тутиб чузиб турадиган катта-катта вакуолалардаги ҳужайра суви аста-секин бугланиб боради ва тукима узининг ички тигизлигини йукотиб куяди. Соглом одам ва ҳайвон тукималари ҳам худди бояги суз билан “тургор” деб аталади томирлар, буйраклар фаолияти изидан чикиши муносабати билан баданига шиш келганида тургор кучайиб колади. Очлик ёки сувсизланишда ҳам ҳайвон организмлари тукималарининг тургори бузилади. Баъзи касалликларда (масалан, вабо, заҳарланиш ҳолатларида), кахексияда ана шундай ҳодиса кузатилади. Бирок усимликлардан фарк килиб, ҳайвонлар ҳужайрасида томчилар куринишида эркин сув булмайди, цитоплазмадаги сув эса оксиллар ва бошка моддалар билан богланган голатда туради, шу муносабат билан ҳайвон тукималари бирмунча кам сув йукотиш мумкин. Хайвонларнинг сувсизланиши асосан ҳужайралараро бушликлари, кон ва лимфадаги сув микдорининг камайиши ҳисобига руй беради. Хужайранинг таъсирланувчанлиги. Юкорида айтиб утилганидек, ҳужайра очик система булиб, у ташки муҳит билан доимо алокада булади. Хужайра температура, кимёвий таркиби ва бошка муҳитларнинг узгаришига узига хос таъсирланиши билан жавоб беради. Хужайранинг бу универсал реакция ҳужайранинг таъсирчанлиги дейилади. Хужайрада у ёки бу узгаришларга олиб келувчи фактор эса таъсирловчи ҳисобланади. Хужайранинг таъсирловчи факторларга булган жавоби унинг компонентларининг функционал ва морфологик узгаришлари оркали ифодаланади. Агар таъсирловчи факторга жавобан ҳужайра тинч ҳолатдан узига хос функцияни, секриция, утказувчанлик, кискариш ва бошкаларни бажаришга утса, бунга ҳужайра кузгалувчанлиги деб аталади. Хужайра кузгалувчанлиги таъсирланувчанликнинг юкори формасидир.

Хужайра узи учун адекват (мос) таъсиридан ташкари нормал холатда учрамайдиган ва унинг учун фавкулодда булган таъсирловчи факторларга дуч келади. Бу турдаги кузгатувчиларга ионловчи нурлар, температура, механик ва бошка таъсирлар киради. Табиийки, таъсирловчи факторлар турли вакт давом этгани сингари, ҳужайранинг уларга жавоби ҳам ҳар хилдир. Йирик цитолог олим Д.Н.Носонов ва унинг шогирдлари узок йиллар давомида ҳужайранинг турли таъсирларга жавобини урганишган. Бунинг натижасида Д.Н.Носонов паранекроз концепциясини яратган. Хужайрага турли факторлар (температура, ионлавчи нурлар, гипоксия ва бошкалар) таъсир килганда ҳужайранинг уларга жавоби принципиал бир хил булади. Бу узгаришлар ядро ва цитоплазма коллоиди дисперслигининг узгаришидан иборат. Цитоплазманинг ёпишкоклиги, буёк билан буялиши ошади, унинг муҳити узгаради. Бу узгаришлар йигиндисига паранекроз дейилади. Паранекроз бошланиш даврида таъсирланиш тухтатилса, оркага кайтади. Узок ва кучли таъсирланиш натижасида ҳужайра нобуд булади. Паранекроз ҳужайранинг улими-некрозга утишда бир боскич ҳисобланади. Хужайра органоидлари шикастловчи таъсирларга турлича сезги билан жавоб беради. Энг сезгир органоидлар митохондрия, Гольжи компплекси, силллик эндоплазматик тур мембраналари ҳужайра кобигининг структураларидир. Грануляр эндоплазматик тур, ядро кобиги шикастловчи таъсирларга анчагина чидамли булади. Хужайра ҳаракати таъсирот билан узвий боглик булиб, ҳаракат таъсирчанликнинг ташки куринишидир. Харакат ҳужайра ичида модда алмашинувининг узгариши натижасида ҳосил булади. Харакатининг энг оддий тури циклоз ҳисобланади. Бу ҳаракатда протоплазма ичида органоидларнинг ва бошка тузилмаларнинг силжиши кузатилиб, ҳужайра ташки тарафдан ҳаракасиз куринади. Бу ҳаракатга мисол килиб митоз булиниш даврида ценриолаларнинг ва хромосомаларнинг силжишини олиш мумкин. Протоплазма ёпишкоклигининг ошиши (зольдан гель ҳолатга утиши) ҳаракатини секинлаштирса, ёпишкоклигининг пасайиши (гельдан зольга утиши) циклозни кучайтиради.

Амёбасимон ҳаракат бир ҳужайрали ҳайвонлар билан куп ҳужайрали ҳайвонларнинг баъзи ҳужайраларига хосдир. Амёбасимон ҳаракат килиш ок кон таначалари - лейкоцитларга, бириктирувчи тукима ҳужайралари макрофагларга тааллукли булса ҳам, аммо регенерация даврида организмнинг мутлок купчилик ҳужайралари шу йул билан ҳаракат килиши мумкин. Амёбасимон ҳаракат даврида ҳужайралар ёлгоноёк (псевдоподия)ҳосил килиб, шу ёлгоноёкларга ҳужайра танасининг борлик тузилмалари куйилади. Натижада ҳужайра ёлгоноёк узинлиги буйича ҳаракат килади. Киприкчалар ва хивчинлар ёрдамида ҳаракат килиш ҳайвон ва усимлик ҳужайраларида кузатилади. Нафас йулларидаги киприкчалар ҳаракати натижасида бу йулларга тушган ёт моддалар ташкарига чикариб юборилади. Бачадон найларидаги киприкли эпителий тухум ҳужайранинг ҳаракатини таъминлайди. Киприкчалар келишиб ҳаракат килади, яъни бир киприкчадан сунг кейингиси кискариб, ялписига тулкинсимон ҳаракатни юзага келтиради. Хивчинлар ёрдамида эркак жинсий ҳужайралари-сперматозоидлар ҳаракат килади. Эволюцион тараккиёт давомида ҳаракатнинг энг олий формаси-мушак ҳаракати шаклланади. Бу ҳаракатни силлик мушак ҳаракати шаклланади. Бу ҳаракатни силлик мушак ҳужайралари ва кундаланг-таргил мушак толалари бажаради. Бундай ҳаракат махсус оксиллар- актин ва миозининнг узаро таъсири натижасида юзага келади. Хужайранинг усиши. ҳар бир тирик мавжудот маълум улчамларга эга. Бу улчамларга организм ҳужайраларининг купайиши ва усиши оркали эришилади. Одам танасининг ҳамма ҳужайралари усиш кобилиятига эга. Аммо бизнинг аъзоларимиздаги купчилик ҳужайралар узининг уртача улчамларини саклаб колади, аъзо активлигининг кескин ошиши патологик жараёнлар натижасида ҳужайра улчамлари одатдагидан кура катталашиши-гипертрофия кузатилади. Хужайра потологияси

Хар кандай патологик жараён турли хил сабабларга карамасдан, ҳужайра, тукима, органлар ва улар оркали бутун организмнинг узгаришидан, издан чикишидан бошланади. Тирик организмнинг турли даражада (молекуляр, субҳужайралар, тукима, орган, организм) шикастланишидан келиб чикадиган тузилиши ва функциясининг бузилиши нормал ҳаётга тускинлик килади ва ташки муҳит шароитида организмнинг мосланган холда яшашини кийинлаштиради. Бу патологик жараён касалликнинг ривожланишига олиб келади. “Патология” грекча - “pathos” -азобланиш, озор чекиш, касаллик, “Logos” - таълимот, фан сузларидан келиб чиккан. Хужайра патологиясининг энг умумий шакли-бу ҳужайрада модда алмашинувининг бузилиши, узгариши-унинг дистрофияси, паранекрози, некробиози ва ниҳоят ҳалокати-некрози ҳисобланади. Хужайра патологиясининг асли ҳолига кайта оладиган ва асли ҳолига кайта олмайдиган ҳамда махсус (специфик) ва умумий (носпецифик) турлари фарк килинади. Хужайрадаги патологик жараён ҳужайрани шикастловчи омилларга боглик булиб, бу омиллар асосан уч гурухга ажратилади: Физик омиллар. Механик таъсирлар, улар плазмолемма структураси ва субхужайра тузилмалари мембранасини бузади. Хужайра яшаётган мухит харорати, яъни ҳароратнинг кутарилиши ҳужайра мембранаси утказувчанлигини ошириб юборади. Хароратнинг пасайиб кетиши эса метаболистик жараёнларнинг сусайишига, узилишига, ҳужайра ички суюклигининг кристалланиши ҳамда мембраналар узилишига олиб келади. Хужайрада осмотик босимнинг узгариши, унда чала парчаланган органик моддала ва ионлар тупланишининг натижасидир. Бунинг окибатида ҳужайра билан унинг атрофидаги муҳит уртасидаги осмотик градиент нисбати бузилади ва суюклик ҳужайрага куп кириб, ҳужайра букиб шишади ва плазмолемма ёрилади. Хужайра ичидаги осмотик босимнинг пасайиши натижасида эса ҳужайра сувсизланиб, буришиб колади (пикноз) ва ниҳоят ҳалок булади:

Ионловчи радиоция таъсирида эркин радикаллар пайдо булиб, уларда ута оксидланищ жараёнлари кучаяди, бундан ҳосил булган маҳсулотлар эса мембраналарни шикастлаб, ферментларни денатурацияга учратади. 2. Кимёвий омиллар. Уларга асосан турли экзоген омиллар, яъни органик ва анорганик кислоталар, асослар, огир металл тузлари ва бузилган метаболизм маҳсулотлари (эндоген омиллар) ва бошкалар киради. Уларнинг патологик механизми узига ҳос булиб, яъни кимёвий тузилиши билан белгиланади, Масалан, дори моддаларни нотугри ишлатиш ҳам ҳужайранинг кимёвий шикастланишига олиб келади. 3. Хужайра аксарият биологик омиллар - вируслар, микроблар, риккетсиялар, замбуруглар, яъни патоген микроблар таъсиридан шикаст топади. Бу хил омиллар ҳужайра фаолиятини, унда кечадиган метаболитик реакцияларни, ҳужайра мембранасининг утказувчанлиги ва бутунлигини бузади. Улар аллергик ва иммун жараёнлар оркали ҳам ҳужайрани шикастлайди. Демак, ҳужайрани шикастловчи омиллар эндоген (организмнинг узида ҳосил булган) ва экзоген (ташкаридан кирган) булиши мумкин. Бундан ташкари инфекцион (микроблар ёки уларнинг токсинлари) ва ноинфекцион омиллар келтириб чикарган шикастланиш фарк килинади. Шикастловчи омиллар таъсирида ҳужайранинг асосий узгариши, биокимёвий узгаришлардан иборатдир. Биокимёвий баъзи бузилишлар юзага келган булсада, ҳужайра фаолияти узгарган ёки функционал жиҳатдан тулик меъёр атрофида булиши мумкин. Купинча ҳужайрада функционал резерв имконият мавжудлиги туфайли катта шикастлар таъсирида ҳам унинг фаолияти кескин узгармаслиги мумкин. Хужайрада патологик жараённинг умумий механизмлари асосан куйидагилардан иборат. 1. Хужайраларнинг узида ҳосил булувчи энергия билан таъминланиш жараёнларининг узгаришлари, уларнинг шикастланиши - альтерация механизмида етакчи ролни уйнайди. Энергия билан таъминланиш жараёни ҳужайрада АТФ синтези, уни ташиш ёки сарфлаш боскичларда бузилиши

мумкин. Энергия билан таъминланиш жараёнининг бузилиши уз навбатида ҳужайра мембрана аппаратининг бузилишига, ферментлар системаси, ионлар нисбати ҳамда бошкарув механизмларининг узгаришига сабаб булади. 2. Мембрана ва ферментлар шикастланиши эса ҳужайра фаолияти тикланиш мумкин булиб турган узгаришларда уни тикланмайдиган ҳолатга утишига сабаб булади. 3. Трансмембран жараёнларинг руй бериши ионларнинг ҳужайра ичидаги ва ташкарисидаги нисбатларнинг узгариши, ҳужайра энергия билан таъминланиши, мембраналар шикастланиши ва ферментларининг фаолиятига богликдир. Бу жараёнлар мембраналарнинг утказувчанлиги, кузгалиши, электромеханик ҳодисаларида иштирок этадиган калий, натрий, кальций, магний, хлор ионларининг ҳолатига боглик. Ионлар нисбатининг бузилиши даставвал калий, натрийга боглик. Хужайрада генетик аппаратнинг зарарланиши унинг фаолиятини бузувчи асосий омилдир. Хужайра генетик ахборотининг бузилиши мутация, патоген генларнинг депрессияси (масалан,онкогенез) ҳаёт учун зарур генларнинг узгариши ёки геномга ёт ДНК булакларининг кириши сифатида кузатилади. Генетик дастур бузилиши митоз ва мейоз жараёнларининг, хромосома аппаратининг узгариши, митозга дахлдор тузилмаларнинг шикастланиши ва цитоплазманинг булиниши туфайли содир булади. Хужайра шикастланишининг асосий куринишлари куйидагича: Дистрофиялар. Хужайра модда алмашинуви ва шунга боглик пластик жараёнларнинг бузилиши ҳамда структур узгаришлар окибатида ҳужайра ҳаёт - фаолиятининг издан чикишига дистрофия дейилади. Донадор дистрофияда ҳужайра цитоплазмасида оксил доналари пайдо булади. Улар ҳужайралараро суюкликдан инфильтрация туфайли карбонсувлар ва ёгларнинг оксилга трансформацияси ҳамда липопротеидлар парчаланиши окибатида вужудга келади. Гиалинли дистрофия - цитоплазмада оксил табиатли гиалин “томчилари” пайдо булишидир.

Гидропик (сувли,вакуол) дистрофия эса цитоплазма оксиллари физик кимёвий хусусиятларининг узгариши туфайли онкотик босим ошиши ва оксил молекулаларининг гидратацияси окибатида келиб чикади. Бунда цитоплазмада суюклик тула вакуолалар-пуфакчалар тупланиб колади. Липоидозлар - ҳужайрада ёгларнинг купайиши ёки уларнинг пайдо булишии билан ифодаланади. Карбонсув дистрофияси полисахаридлар (гликоген,мукополисахаридлар) ва глюкопротеидлар (муцин, мукоидлар) алмашинувининг бузилишидан юзага келади. Полисахаридли дисстрофиялар уларнинг ҳужайрада камайиши, йуколиб кетиши ёхуд куплаб тупланиб колишидан иборат. Глюкопротеидли дистрофияларда ҳужайрада шиллик-муцин ва мукоидлар тупланади, шунинг учун буни шилликли дистрофия (масалан, микседема касаллигида) дейилади. Минерал дистрофиялар - ҳужайрада минералларнинг камайиб ёки купайиб кетиши натижасидир. Бунда айникса, кальций, калий, темир ва мис алмашинувининг бузилиши муҳим урин тутади. Чунки бу моддаларҳужайра мембранасининг утказувчанлиги, ферментларнинг фаоллиги, потенциаллар фаркининг пайдо булишида аҳамиятга эга. Дисплазиялар-ҳужайранинг ривожланиш жараёнининг издан чикиши туфайли содир буладиган тургун структур узгаришлар окибатида ҳужайра фаолиятининг бузилиши. Дисплазия, асосан ҳужайра геноми бузилишининг окибатидир. Шу сабабли ундаги узгаришлаар бошка дистрофиялардан фаркли тургун ва тикланмас булади. Агар патоген омил таъсирида ҳужайра органоидлари координацияси (мувофиклашуви) узгарса, унинг гемостаси бузилади ва ҳужайра ҳалок булади- некрозга учрайди. Некроз- дистрофия, дисплазия ва кучли шикастловчи омиллар таъсирининг сунги якуний боскичидир. Некроздан аввал некробиоз кузатилади. Некробиоз меъёрда ҳам ҳаёт циклини тамомлаган ҳужайраларда кузатилади.

Шикастланишда ҳужайра органоидлари структураси ва фаолиятининг узгаришлари Хужайра шикастланганда уни барча компонентларининг тузилиши ва фаолияти турли даражада бузилади. Турли патоген омиллар таъсирида ҳужайра мембранасидан сунг купрок у ёки бу органоиднинг узига ҳос шикастланиши кузатилади. Митохондриялар-патоген омиллар таъсирида сон ва структура жиҳатидан узгаради. Масалан, узок вакт оч колиш ва кандли диабетда митохондриялар сони камайиб кетади. Купчилик патоген омиллар (гипоксия экзо ва эндотоксинлар, радиация, осмотик босимнинг узгаришлари ва х.к) митохондрияларнинг шишиши ва вакуолизациясига, улар мембранасининг узилишига, кристалларнинг гамоген ҳолатга келишига сабаб булади. Матриксда органик ва анорганик моддаларнинг чукиши кузатилади. Митохондриялар структурасининг бузилиши ҳужайра нафасини ва АТФ ҳосил булиниши узгартиради ҳамдаа ионлар нисбатини бузади. Ядро-ҳужайранинг генетик дастурини тутувчи манбадир. Ядро шикастланганда унинг шаклининг узгариши туфайли хроматин конденсацияси ва ядро кобигининг парчаланиши руй беради. Лизосомаларнинг ферментлари патоген таъсиротлар окибатида ташкарига чикади ва уларнинг фаоллиги туфайли аутолиз содир булиши мумкин. Хужайрада водород ионлари, токсинлар, ёгларнинг ута оксидланиш махсулотларининг тупланиши натижасида лизосома мембранаси парчаланиб, гидролитик ферментлар чикади ва юкоридаги узгаришлар руй беради. Рибосомалар-ҳужайра генетик дастурини амалга ошириш учун зарур тузилмалардир. Рибосомалар иштирокида и-РНК таъсирида оксиллар синтезланади. Патологияда эса рибосома бирикмаларини ташкил этган гурухлар парчаланиб, мономерлар пайдо булади ва оксил синтезини бузади. Эндоплазматик тур шикастланганда каналчаларнинг кенгайиши, вакуола ва цистерналарнинг пайдо булиши ва баъзи жойларда эса деструкция кузатилади.

Эндоплазматик тур структураси узгарганда ҳужайра дистрофияси кузатилади, импульс таркалиши бузилади, цитотоксик моддаларни заҳарсизлантириш фаолияти издан чикади. Гольжи комплекси-ҳужайрада моддалар ташилишида аҳамиятлидир. У айникса, ички секреция безларида ва секрет ишлаб чикарадиган ҳужайраларда мухим урин тутади. Патологияда эса махсулотларнинг ҳужайралардан секреция йули билан чикарилиши бузилади. Цитоплазмада хар хил шикастловчи омил таъсирида суюклик камаяди ёки купаяди, протеолиз,оксил коагуляцияси руй беради, меъёрда учрамайдиган хар хил бирикмалар пайдо булади. Цитоплазма холатининг узгариши уз навбатида ҳужайра фаоллигини кескин сусайтиради. Хужайра шикастланишида узига хос мослашув реакциялари амалга ошиб туради ва ниҳоят шикастланган ҳужайрани тиклашга каратилган булади. Хужайра фаолиятини тиклаш механизми. Бунда, унинг бошкариладиган фаолиятининг сусайиши аҳамиятли. Унда энергия ва субстратларнинг камрок сарфланиши шикастланиш даражасини бирмунча чеклаб, шу тарика кейинчалик ҳужайра структураларининг тезрок тикланишига ёрдам беради. Унинг механизмлари, асосан нерв марказларидан келаётган эффектор импульсларни, рецепторлар сони ва сезувчанлигини камайтириш, метаболик раекцияларни тормозлаш ҳамда фаол генларни репрессиялашдан иборат. Давомли ва кучли таъсиротлар окибатида ҳужайрада мослашувнинг структур куринларидан булган регенерация, гипертрофия, гиперплазия ва гипотрофия жараёнлари юзага келади. Регенерация-шикастланиш окибатида ёки хаёт цикли тугаб булган ҳужайра ёхуд алоҳида структур элементлар урнининг тикланиши. Хужайра ва ҳужайра элементлари регенерацияси фаркланади. Хужайра регенерацияси митоз ва амитоз йули билан,иккинчи эса органеллаларнинг тикланиши оркали руй беради.

Фойдаланилган адабиётлар : 1. Трошин А . С ., Браун А . Д ., Вахтин Ю . Б ., Жинкин Л . Н ., Суханова К . Цитология . Москва , “ Просвещение ”, 1970. 2. Ченцов Ю . С . Общая цитология . МГУ , 1977. 3. Зуфаров К.А. Гистология. Тошкент, “Медицина”, 1982., 4. Альбертс Б., Брей Д., Льюис Ж., Рэфф М., Робертс К., Уотсон Ж. Молекулярная биология клетки. Москва, “Мир”, 1986 5. Рейвн П., Эверт Р., Айкхорн С. Современная ботаника.I том. Москва, “Мир”, 1990. 6. Соттибоев И., Қучкоров К. Усимлик ҳужайраси. Тошкент, “Укитувчи”, 1991. 7. Туракулов Ё. Х. Молекуляр биология. Тошкент, “Укитувчи”, 1993. 8.Қодиров Э. Гистология. Тошкент «Укитувчи», 1994 9. Туракулов Ё. Х. Биохимия. Тошкент, “Узбекистон”, 1996. 10. Холиков П. Х., Шарафиддинхужаев Н. Ш., Олимхужаева П. Р., Рахимов Ж. Р., Тошхужаев П. И Биология. Тошкент, “Ибн Сино”, 1996. 11. Абдуллаев Н. Х., Каримов Х. Ў. Патофизиология. Тошкент « Ибн Сино », 12. Raven Р . Н ., Johnson G.B. Biology updated version, 1995. 13. www.ziyonet.uz

O'xshashlar

Хужайра инженерияси

Хужайра органоидлари

Хужайра ядроси

Ирсият ва ўзгарувчанлик, хужайра назарияси

Прокариотларнинг морфологияси ва хужайра тузилиши