Хужайра ядроси - Biologiya - Referatlar

Хужайра ядроси

Yuklangan vaqt:

20.09.2019

Ko'chirishlar soni:

0

Hajmi:

101 KB

Ko'chirib olish

Х ужайра ядроси Режа : 1. Ядронинг тузилиши ва фаолияти. 2.Ядро кобиги (Кариолема). 3. Ядроча. 4. Хроматин. 5. Хромосоманинг нозик тузилиши ва унинг шаклланиши.

Ядро ҳужайраларнинг энг муҳим таркибий кисмларидан булиб , у эукариот организмлар ҳужайраларнинг ҳаммасида учрайди . Факат айрим юксак даражада тузилган ҳужайралардагина (сут эмизувчиларнинг эритроцитларида) ядро булмаслиги мумкин. Хужайра ядросини Роберт Броун 1831 йилда аниклаган. Ядро (юноноча-каryoп; лотинча- пусleus) терминини 1833 йилда Броун тарафидан фанга киритилган булиб, у усимлик ҳужайраларидаги шарсимон доимий тузилмаларни шу ном билан атаган. Ядро цитоплазма билан доимий узаро муносаботда булиб, у билан бирга ҳаётий жараёнларда иштирок этади. Ядросиз ҳужайраларнинг асосий ҳаётий фаолияти тухтайди. Ядродан маҳрум булган амёба озикланиши мумкин, аммо уни ҳазм килолмай тезда нобуд булади. Ядросиз ҳужайраларнинг булиниши тухтайди. Масалан, бир ҳужайрали сув ути-ацетабулярия кундаланг кесилганда, ядросиз соябон кисми ҳалок булади. Ядро жуда мураккаб фаолиятларни бажаради; ядро ҳужайранинг энг зарур кисми булиб, барча ҳаётий жараёнларни бошкаради; ядро ирсий белгиларнинг наслдан наслга берилишида ва ҳужайрада оксил моддалар синтезланишида асосий роль уйнайди; тукима, орган ва организм ҳужайранинг булиниши ҳисобига усади ва ривожланади, яъни кариокинез булиниши таъминлайди ва шундан кейингина ҳужайра булиниб купаяди. Ядро ва унинг таркибий кисмлари ҳужайранинг интерфаза ҳолатида урганилади. Ядро умумий тузилишга эга булса ҳам, улар катталиги,шакли ҳамда ички тузилмаларининг ривожланиши, куринишига кура фаркланади. Купгина ҳужайраларнинг ядроси юмалок,тухумсимон шаклларда булади. Ядронинг шакли ҳужайранинг шаклига мос булади, факат баъзи ҳужайраларда нотугри шаклда ҳам булиши мумкин. Шарсимон, кубсимон, куп киррали ҳужайраларда ядро юмалок шаклга эга. Призматик, цилиндрсимон ҳужайраларда ядро узун эллипссимон, ясси ҳужайрада эса дуксимон булади. Нотугри шаклдаги ядроларга баъзи бир лейкоцитларнинг ядроси мисол булади.

Ядро ҳужайрада асосан битта (бир ядроли ҳужайрада) ёки иккита(икки ядроли ҳужайрада) булади. Масалан, инфузория туфелькасида иккита ядро, яъни катта ядро (макронуклеус) ва кичик ядро (микронуклеус) булади. Куп ядроли ҳужайралар ёки симпластлар ҳам мавжуддир. Масалан, карнайчи деган инфузориянинг ядроси тасбеҳсимон, кизил кумикдаги ҳужайраларда узуксимон, лейкоцитларда колбасимон сигментланган булади. Ядронинг улчами, катталиги турлича булиб, 4 мкм дан (сперматозоид) 40 мкм гача (тухум ҳужайра) булади. Ядро улчами цитоплазма улчамига купинча тугри пропорционал булади. Ядро ва цитоплазманинг хажм нисбати ядро-плазма нисбати деб аталади. Ядронинг ҳужайрада жойлашиши ҳар хил булиб, ҳужайранинг фаолияти ва шаклига боглик булади. Дифферциаллашмаган ҳужайраларда ядро геометрик марказда жойлашади. Хайвон ва одамларнинг без ҳужайраларида ядро ҳужайраларнинг базал кисмида жойлашиб, апикал кисми секрет билан банд булади. Ядро куйидаги асосий структуравий компонентлардан иборат: 1-ядро кобиги;2-хроматин структуралари; 3-бир ёки неча ядроча; 4-кариоплазма (ядро шираси) (7-расм). 7-расм.А.Хужайра ядроси кундаланг кесимининг схематик ифодаси: 1-ядро пусти; 2-ядро поралари; 3-ядроча; 4-кариоплазма;5-ички мембрана;6-ташки мембрана; 7-ядро пустининг поралари. Б. Ядронинг электрон микроскопда куриниши. Ядронинг асосий кимпонентлари, хромосомалар ДНК дан иборат булиб, узида генетик информацияни (ахборотни) саклайди. ДНК дан ташкари ҳужайра ядросида 3 хил: информацион, рибосомалар ва транспорт РНК бор. Хужайра ядроси таркибида яна гистон типидаги оксиллар булиб, ДНК билан тузлар типидаги бирикмалар ҳосил килади. Шунинг билан бирга ногистон типидаги колдик оксиллар ҳам мавжуд. Улар суюлтирилган туз суюкликларда эримайди. Ядрода бир хил ферментлар АТВ-аза, гликолитик

ферментлар бор, лекин оксидланиш ферментлари учрамайди. Гистокимёвий ва биокимёвий усуллар оркали ядрода оксилар билан липопротеид ва липонуклеопротеидлар ҳамда бириккан липидлар топилган. Улар ядро курук огирлигининг 10-20% ни ташкил килади. Ядрода кальций, магний, натрий, фосфор, темир, рух, мис, кобальт ва бошка элеменлар ҳам топилган. Ядро кобиги (кариолемма). Ядро кобигининг мавжудлиги оддий (ёруглик) микроскопи остида курилган. Электрон микроскоп ядро кобиги мураккаб тузилишга эга эканлиги курсатди. У икки мембранадан ташкил топган булиб, ҳар бирининг калинлиги 10 нм ва аник 3 каватдан тузилган. Ички ва ташки ядро кобиги орасида 10-30 баъзан 100 нм га тенг перинуклеар бушлик булади. Ядронинг ташки кобиги цитоплазматик тур мембраналари сингари оксил ва липиддан ташкил топган. Ядро кобигининг узигахос ҳусусияти куп микдорда ядро тешикларининг булишидир. Тешиклар (поросомалар) нинг диаметри уртача 80-90 нм. Тешиклар атрофида ядро кобиги мембраналари узаро бирлашади. Тешиклар мураккаб тузилишга эга булган глобуляр ва фибрилляр тузилмалар билан тулган булади. Ядро тешиклари билан бу тузилмаларни кушиб, ядро тешиклари комплекси деб аталади. Бу комплекс актогонал тузилишга эга булади. Ядро тешиги деворини ҳосил килувчи ядро кобигида уч катор доначалар жойлашади. Хар бир каторига 8 тадан донача туташади (8-расм). Биринчи катор доначалар ядро шираси тарафида, учинчи катор доначалар эса тешикнинг марказида ётади. Доначаларнинг катталиги 25 нм га тенг. Бу доначалардан фибрилляр тортмалар чикиб, тешик марказида жойлашган марказий гранулага келиб бирлашади. Бир ядрода тахминан 12000 тешик булиши мумкин ёки 1мм2 га 45 та тешик тугри келади. тешиклар сони ҳужайранинг функционал активлигига боглик. Цитоплазма билан ядро алокаси оддий эмас, яъни моддалар алмашинуви анча мураккаб асосида содир булади. Ядро кобигидан ҳатто майда ионлар - К,Na, Са ҳам эркин утолмайди. Na, К ионларнинг микдори буйича, ядро

ҳужайра оралик модасига якин. Ядро кобигининг цитоплазматик тур мембраналарига кадар давом этиши, ядро билан цитоплазманинг узаро ионлар билан алмашинишига имкон яратади. Эндооплазматик турнинг баъзи бир булимлари плазматик мембрана билан алока киладидеган фикрлар ҳам бор. Шунинг учун булса керак баъзи бир буёклар ҳужайрани буямасдан ядрогача ута олади. Ядро кобигининг утказувчанлиги ирсий информацияни ядродан цитоплазмага юкори полимер РНК оркали утиши тугрисидаги замонавий маълумотлар алоҳида аҳамиятга эга. Бир томондан ионларниниг майда молекулалари учун бу тешиклар утиб булмас чегара булса, иккинчи тарафдан, катта молекула информацион РНКнинг цитоплазмага утишини таъминлайди. Цитоплазмадан ядрога цитоплазмада синтезланувчи ва ядрони энергия билан таъминлашда керак булган мононуклеотид трифосфатнинг катта молекулалари утади. Аминокислоталар пурин, пиримидин асослар ва АТФ ядрога фаол транспорт йули билан утади. Баъзан ядродан цитоплазмага ядро моддасининг ажралиб утиши мумкин деган фикр ҳам бор. Уз навбатида ядро кобигида ботиклар пайдо булиб, худди фагоцитоз каби цитоплазма моддасини камраб олади. Ядро кобиги цитоплазматик тур ҳосил булишида иштирок этади, деган фикрлар ҳам мавжуд. Профазада ядро кобиги фрогментацияга учраб донадор эндопламатик тур билан бирлашади. Телофазада эса ядро кобиклари кайтадан эндоплазматик тур элементларидан ҳосил булади. Шундай килиб, ядро кобиги ташки мембрана, ички мембрана, уларорасидаги перинуклеар бушлик ва ядро тешикларидан иборатдир. Ядроча. Ядрода базофил буялувчи гомоген тузилишга эга булган битта ёки иккита ядроча бор. Ядрочалар факат ядронинг эмас, балки бутун ҳужайранинг энг зич кисми ҳисобланади.

Электрон микроскопик тадкикотлар ядроча ипсимон куринишдаги нуклеолонемалар (толали доналар) ниннг калинлиги 4-8 нм ипчалардан иборат булиб, уларда катталиги 15 нм келадиган гранулалар жойлашган. РНК ядрочанинг характерили кимёвий компоненти ҳисобланиб, уни биринчи марта Касперсон 1939 йилда аниклаган. РНК дан ташкари куп микдорда фосфопротеидлар учрайди. Биокимёвий усуллар билан ядрочадан ДНК ажратиб олинган. Ядрочада ядродаги ДНК нинг 6-17% жойлашган булади. Ядрочадаги ДНК рибосомал РНК нинг ҳосил булишида муҳим урин тутади. Ядроча атрофидаги хроматин айрим хромосомаларнинг ядроча ҳосил килувчи кисмида жойлашган булади. Ядрочада РНК нинг куп булиши унинг оксил синтези билан богланган. Хужайрада оксил синтези бошланишидан олдин ядрочадаги РНК нинг микдори ошади ва ядроча катталашади. Ядроча доимо бир хил структура эмас, у митоз даврларининг бошланишида таркалиб кетади ва телофазада яна кайтадан шаклланади. Хужайранинг синтез даврида эса, РНК ни интенсив синтез килинаётган, ядрочада катталиги ва тузилиши рибосомага ухшаш гранулалар сони ошади. Ядрочалар овогенез вактида ҳатто бир нечтагача ҳосил булиши мумкин. Ядрочанинг сони хромосоманинг икиламчи белбогидаги ядроча ҳосил килувчи жой микдорига ва ҳужайра фаолиятига боглик булади. Масалан,ривожланаётган тухум ҳужайраларида (суякли баликлар, амфибияларнинг овоцитларидаги сарикликнинг вужудга келишида) ядрочалар микдори бир неча марта купаяди ва бу жараён тугаганидан кейин кайтадан камаяди. Шундай килиб, ядроча ҳам юкори полимер ва эрувчи РНК нинг синтезида ва рибосомалар ҳосил булишида муҳим роль уйнайди. Ядро шираси ёки кариолимфа (кариоплазма)- интерфазадаги ядронинг диспирализация булган хромосомалари ва ядроча жойлашган муҳитдир. Ядро шираси- бу таркибида оксилнинг коллоид эритмаси булган суюклик булиб, ядрода бажариладиган мураккаб жараёнларни таъминловчи барча фермент ва бошка моддаларни узида мужассамлантиради.

Тирик ҳужайрадларда ядро шираси структурасиз масса ҳисобланади. Фиксация килинган препаратларда эса кариолимфа оксиллари коагуляция булиши натижасида нозик турга ухшаб куринади. Ядро оксилларининг глобулин фракцияси асосан кариолимфада булади. Ультрацентрафуглаш натижасида ядро ширасидан рибосомалар учун керак булган юкори полимер РНК ажратиб олинган. Ядро шираси органик фосфатларо алмашинувида иштирок этувчи турли ферментлар ҳам топилган. Хроматин . Хужайранинг ирсий аппарати-хромосома интерфазада бир бирига чирмашган, нозик ипчалар шаклида, яъни хроматин тури тарзида куринади. Интерфазада хроматин буёкни яхши кабул килмайди. Оддий ёруглик микроскопи остида хроматин нозик ипча шаклида куринади. Хроматиннинг асосий цитокимёвий белгиси унда ДНК нинг булишидир. Интерфазадаги ядро ДНК си асосан ДНК учун ҳос булган фельген реактиви билан буялганда яхши билинади. Хроматин таркибидаги ДНК нуклеогистонлар билан биргаликда ҳосил булган нуклепротеид комплекси турлича булади ва натижада (ҳар бир хромосомага ҳос) гетеро ва эухроматин ҳосил булади. Ядронинг интерфаза даврида ишкорий буёклар билан яхши буялувчи кисмлари, Гейтц томонидан 1928 йилда гетерохроматин буёклар деб номланган. Бу булимлар хромосомаларнинг бошка кисмлари, эухроматин кескин фаркланиб туради. Гетерохроматин ута спираллашиб кетган хроматин булиб, электрон микроскопда анчагина зич булиб куринади, эухроматин эса электрон жиҳатдан оч, майда донадор хроматин ҳисобланади. ДНК ва нуклеогистон биргаликда ДНК молекуласининг спираллашишини ва ута буралиб сикилиши-суперстирилизациясини таъминлайди. Суперстирилизация натижасида ДНК даги генетик информация учун фаол булган очик юза (сайт) “берк” булади ва ирсий маълумот шу кисмдан берилмай колади. Уз навбатида ҳужайранинг функционал ҳолатига караб хромосомада гетерохроматин ва эухроматин эгаллаган жойлар узгариб туради. Хужайра фаолиятининг жадаллашиши айрим ядронинг баъзи

гетерохроматинларининг эухроматинга айланиши билан юзага келади. Бундай хроматин факультатив гетерохроматиндир. Эухроматинлашмайдиган хроматин эса конститутив гетерохроматин булади. Хужайралар фаолиятининг сусайиши ядро хроматинининг эухроматин эгаллаган жойини камайтиради, яъни эухроматин ДНК си стерилизациясига учраб, гетерохроматинга айланиб боради. Интерфаза ҳолатидаги генетик омил тузилмалари булиниш бошланиши билан хромосомани шакллантиради. Хромосома булинишининг метафазасида бутунлай шаклланади. Хромосомаларнинг шакли улардаги центромернинг (бирламчи белбог) жойлашишига кура уч хил булади: метацентрик, субметацентрик ва акроцентрик (9-расм). Метацентрик хромосомаларда центромера хромосоманинг уртасида жойлашганлиги учун хромросомалар тенг елкали булади. Субметацентрик хромосомаларда центромера хромосоманинг уртасида жойлашмайди, шунинг учун хромосома елкаларининг узунлиги ҳар хил булади. Акроцентрик хромосомаларда центромера хромосоманинг охирги (теломера) кисмига якин жойлашган булиб, хромосоманинг битта елкаси жуда узун, иккинчи елкаси эса жуда калта булади. Шунинг учун бундай хромосомалар таёкчасимон куринишда булади. Центромера ёки бирламчи белбог ҳужайранинг булиниши пайтида хромосомаларнинг кутбларга таркалишини таъминлайди. Ахроматин ипчалари шу центромерага бирлашади ва хромосомани кутбларга тортади.Центромада ДНК занжирининг бурами чузигрок булганлиги учун центромерада хромосоманинг бошка жойларга караганда ДНКга хос буёк билан хромосомаларни буяганда центромера кисми буялмасдан колади ва буни микроскопда аник куриш мумкин. Центромерасидан ажралган хромосома кутбларга етиб бормасдан, ҳужайранинг навбатдаги булинишида йуколиб кетади. Одатда, битта хромосомада битта центромера булади. Лекин

айрим чувалчанг ва ҳашаротларнинг хромосомалари куп центромерали ҳолда булиши мумкин. Хромосомада бирламчи белбог (центромера) дан ташкари иккиламчи белбогга ахроматин иплари бирлашган булади. Шунинг учун у хромосомаларни кутбларга йуналишини таъминлайди. Иккиламчи белбогнинг айримлари ядроча ҳосил килишида катнашади, шунинг учун улар ядроча ҳосил килувчилар деб аталади. Иккиламчи белбогда ядрочадаги р- РНК синтезини ва унинг етилишини бошкарувчи генлар жойлашган булади (10-расм). Айрим хромосомаларда иккиламчи белбог хромосома теломерасига якин жойлашган булади. Бундай хромосомаларда иккиламчи белбогдаги ДНК занжирининг урами анча узун булганлиги учун иккиламчи белбогдан кейинги кисми, яъни теломераси бор кисми хромосомадан анча узокда жойлашиб, йулдош ҳосил килади. Бу йулдош кисм хромосомага йулдош ипи билан туташиб туради. Одам хромосомалари орасида ҳам йулдошлари булади. Масалан, одам кариотипидаги баъзи хромосомаларда йулдошлари ҳам бор. 10- расм. Хромосоманинг тузилиши. Теломера - хромосоманинг охирги кисми булиб, хромосомаларнинг мустакиллигини ва бутунлигини таъминлайди. Хромосоманинг узилган кисмлари бир-бири билан осонгина бирлашиши мумкин. Лекин теломера кисмлари бир-бири билан ҳеч качон бирлашмайди. Хромосоманинг узунлиги буйича унинг ирсий жиҳатдан фаоллиги бир хил эмас.хромосомаларни махсус буёклар билан буялганда, унинг айрим кисмлари тук буялиб, бошка кисмлари эса оч буялади, яъни гетерохматин ва эухроматин ҳосил килади. Хромосомаларнинг узунлиги 0,2-5,0 мкм,эни 0,2-3,0 мкм булиши мумкин.айрим ҳашорот ва амфибияларнинг хромосомалари йирик,замбуруг ва сувутларининг хромосомалари эса майда булади. Одам хромосомаларининг катталиги 1-10 мкм га тенг. Бир турга кирувчи

организмларда хромосомаларнинг сони ва катталиги доимо бир хил булиши керак,аммо доимо бир хил булавермайди. Хужайрадаги хромосомалар-шу ҳужайра хромосомаларининг туплами дейилади. Соматик ҳужайраларда хромосомалар диплоид (2n), етилган жинсий ҳужайраларда эса гаплоид (п) тупламда булади. Одамнинг ҳужайраларида диплоид 46 ёки 23 жуфт (2n), дрозофилла мева пашшасида 8 ёки 4 жуфт. Организмнинг ривожланганлиги улардаги хромосомалар сонининг куп- озлигига боглик эмас. Куп сонли хромосомага эга булган организмлар (дарё кискичбакаси, зогора балик ва бошкалар), кам хромосомали органимларга (одам,маймун ва хакоза) караганда жуда содда тузилган булиши мумкин. Хромосоманинг нозик тузилиши ва унинг шаклланиши. Профаза давридаги хромосомалар аста-секин катталашиб,йугонлашиб боради. Метафазага утгач, аник бир шаклга эга булади. Шунинг учун хромосомаларнинг тузилиши одатда метафазада урганилади. Телофазага утгач, у яна ингичкалашиб, узунлашади. Хромосома ДНК ва оксил комплекси ДНПдан иборат. Хромосома ҳужайранинг кайси даврда булишидан катъий назар, у эшилиб буралувчан, спералсимон дезоксирибонуклеопротеид ипидан иборат. Синтез давридан кейин хромсомада бир-бирига тенг булган ва узунасига кетган иккита бир хил кисм, яъни хроматидалар ҳосил булади. Шу хроматидаларнинг ҳар бири дезоксирибонуклеопротеид ипидан ёки хроманемадан ташкил топган (11-расм). Хромосоманинг одатда 20 дан 200 гача булади. Хромонемалар ДНК дан ташкил топган жуда нозик хромофибриллалардан иборат. Хромосомалар ҳужайранинг булиниш даврида спираллашиб, йугонлашади. 11-расм. Хромосоманинг таркибий кисмлари. Интерфазада эса ингичкалашиши мумкин. Хромосоманинг яхши буяладиган кисмларига ҳромомералар дейилади. Хроматин электрон микроскопда курилганда,унинг нозик тузилгани куринади, яъни хроматин фибрилларининг йугонлиги уч хил булиши

мумкин: 250 А, 100 А, 30-50 А. Учинчи хил фибриллалар генетик жихатдан жуда фаол фибриллалар хисобланади. Маълумки,ДНК куш занжирининг диаметри 20 А, учинчи хил фибрилланинг диаметри эса 30-50 А. Демак,учинчи хил фибриллаларнинг диаметри оксил (гистон ва гистонсиз) молекуласи ҳисобига катталашган. Диаметри 100 А булган иккинчи хил фибриллалар, диаметри 30-50 А булган биринчи хил фибриллаларнинг спираллашишидан, урамидан ҳосил булади. Диаметри 250 А булган фибриллалар эса биринчи хил фибриллаларнинг учинчи маротаба спираллашишидан ҳосил булса керак. Метафаза даврида хромосомаларда фибриллалар учинчи даражада спираллашган булишии мумкин. Ана шу спираллашган иплар узаро бирлашиб, электрон микроскопда куриш мумкин булган хромосома тасвирини юзага чикаради. Дезокнуклеопротеид ипи таркибида молекуляр огирлиги 1000-2000 булган(Н1 Н2А,Н3В,Н3,Н4) гистонли оксиллар учрайди. Гистонсиз оксиллар эса жуда кам булиб,улар асосан ферментлар таркибида булади ва хроматин ипчаси бир неча марта такрорланадиган ва гистонли оксиллар тупламидан иборат булган нуклеосомаларга уралган булади. Битта нуклеосома 4 хил оксилнинг (Н2А,,Н2В,Н3,Н4) асосан иккитаси ҳисобига ҳосил булади. Бу оксиллар узаро бирлашгач, цилиндрга ухшаш куринишни ҳосил килади. Нуклеосоманинг иккита фаол кисми булиб, бири “узак”, иккинчиси эса “богловчи” кисм деб аталади. “Богловчи” кисми нуклеосомаларни узаро бир- бирлари билан боглаб туради. Нуклеосоманинг бир-бутунлигини ва мустаҳкамлигини Н1 гистонли оксиллар таъминлайди. Спиралнинг калинлиги 1,5 нм булган ДНК ипи нуклеосомага уралади. ДНК ва нуклеосомадан иборат булган уюшманинг диаметри 10-13 нм га тенг (12- расм). ДНК ипининг яна спиралланиши ва оксилнинг бирлашишидан диаметри 20-25 нм булган ип ҳосил булади. Бундай диаметрга эга булган ипни интерфазада ҳам метафазада ҳам электрон микроскоп ёрдамида куриш мумкин. Бу ипнинг яна спираллашиши натижасида метафазада хромосома

шаклланади. ДНК ипининг нуклеосомага уралиши натижасида унинг узунлиги 6 мартага камаяди, натижада ирсий омилнинг хромосомада янада жипс жойлашишига кулайлик яратилади. Кариотип. Кариотип тушунчасини тор ва кенг маънода таърифлаш мумкин. Тор маънода кариотип-сони, шакли, узунлиги аник курсатилган битта соматик ҳужайра хромосомаларнинг диплоид тупламига тушинилади. Кенг маънода эса кариотип-сони, шакли ва узунлиги аник курсатилган организмдаги соматик ҳужайралардаги хромосомаларнинг туплами тушунилади. Кариотип ҳар бир тур учун доимий булиб, шу турнинг асосий белгиларидан бири ҳисоблиниди. Кариотипда аутосомалар ва жинсий хромосомалар алоҳида курсатилади. Масалан, одамнинг соматик ҳужайраларида кариотип 23 (2n) хромосомалар тупламида булиб, аутосомалари 22 (2n), жинсий хромосомалари ёки гетеросомалари ХХ ва XV куринишда булади (13-расм). 12-расм. Нуклеосомалар (нуклеосомалар 8 молекула гистондан ташкил топган). Кариотипни тузишда аутосомаларнинг узунлигига караб бирин кетин жойлаштирилади. Дастлаб энг узун аутосомалар олинади. Халкаро систематика буйича Патау (1960) одам хромосомаларини 7 та гуруҳга булади ва бу гуруҳларни А дан бишлаб G ҳарфигача белгилайди. Агар хромосомаларни бир-биридан жуда ажратиш керак булса,уларнинг идиограммаси тузилади. Идиограмма-барча морфологик белгилари курсатилган гаплоид туплам хромосомаларнинг график тасвири (13-расм). Политен (йирик) хромосомалар. Хромосомалар жуда кичик булиб, уларни урганиш анча нокулай. Лекин айрим организмларнинг соматик ҳужайраларидаги хромосомалар жуда йирик ва бошка оддий хромосомаларга караганда 100-120 марта узун ва 1000 марта куп хромонемага эга булади. Булар политен хромосомалардир. Политен хромосомаларни биринчи марта италиялик олим Е.Бальбиани хирономус личинкасининг ичак, мальпиги

томирлари, сулак безлари ҳужайраларида ва айрим усимлик ҳужайраларида аниклаган. 13-расм. Одам хромосомаларининг туплами. 1-аёл хромосомалари; 2-эркак хромосомалари; 3-одам хромосомаларининг идиограммаси. Политен хромосомаларнинг узига хос шакли ва узунлиги улардаги ДНК молекуласи сонининг ҳужайра булинмасдан бир неча марта ошиши ва спиралининг узайиши ҳисобига ҳосил булади. Политения жарёнида ҳосил булган янги хромонема шу хромтин таркибида колади ва куп хромонемали хромосома ҳосил булади. Хромонеманинг спираллашиши унинг айрим жойларида кучайса, бошка жойларида сусаяди ва ана шу жойда хромонема буртади. Хромонеманинг буртган жойида транскрипция юзага келади. Буртиб чиккан жойлар йирик хромосомалар учун доимий булмасдан, индивидуал ривожланиш даврида йуколиб яна бошка жойда ҳосил булиб туради. Демак, индивидуал ривожланишнинг маълум даврида маълум генлар уз таъсирини юзага чикаради.

Фойдаланилган адабиётлар : 1. Трошин А.С., Браун А.Д., Вахтин Ю.Б., Жинкин Л.Н., Суханова К. Цитология. Москва, “Просвещение”, 1970. 2. Ченцов Ю.С. Общая цитология. МГУ, 1977. 3. Зуфаров К.А. Гистология. Тошкент, “Медицина”, 1982., 4. Альбертс Б., Брей Д., Льюис Ж., Рэфф М., Робертс К., Уотсон Ж. Молекулярная биология клетки. Москва, “Мир”, 1986 5. Рейвн П., Эверт Р., Айкхорн С. Современная ботаника.I том. Москва, “Мир”, 1990. 6. Соттибоев И., Қучкоров К. Усимлик ҳужайраси. Тошкент, “Укитувчи”, 1991. 7. Туракулов Ё. Х. Молекуляр биология. Тошкент, “Укитувчи”, 1993. 8.Қодиров Э. Гистология. Тошкент «Укитувчи», 1994 9. Туракулов Ё. Х. Биохимия. Тошкент, “Узбекистон”, 1996. 10. Холиков П. Х., Шарафиддинхужаев Н. Ш., Олимхужаева П. Р., Рахимов Ж. Р., Тошхужаев П. И Биология. Тошкент, “Ибн Сино”, 1996. 11. Абдуллаев Н. Х., Каримов Х. Ў. Патофизиология. Тошкент « Ибн Сино », 12. Raven Р . Н ., Johnson G.B. Biology updated version, 1995. 13. www.ziyonet.uz

O'xshashlar

Хужайра инженерияси

Хужайра органоидлари

Хужайра физиологияси ва

Ҳужайра мухандислиги ( хужайра инжинерияси )

Хужайра тирикликнинг элементар бирлиги