Adabiyotdan sinfdan tashqari ishlar - Adabiyot - Referatlar

Adabiyotdan sinfdan tashqari ishlar

Yuklangan vaqt:

08.09.2022

Ko'chirishlar soni:

0

Hajmi:

2051.5 KB

Ko'chirib olish

ADABIYOTDAN SINFDAN TASHQARI ISHLAR Reja 1. Sinfdan tashqari mashg`ulotlarni hosil qilishning vositasi (to`garaklar). 2. Adabiy-ijodiy to`garaklar. Mashg`ulotlar mavzusi va o`tkazish shakllari. 3. Drama to`garagi. 4. Ifodali o`qish va badiiy hikoya qilish to`garaklari. 5. Adabiy vistavkalar tashkil etish metodikasi. 6. Adabiy ekskursiya, kino, teatr.

“Bizning ajdodlarimiz hamisha uzoqni ko`zlab yashagan. Millat, Vatan, xalq istiqboli degan muqaddas tushunchalar hamma vaqt qalbimizning to`ridan joy olib, har birimizning hayotimizda, ongimizda charx urib turishi darkor. Chinakam xalq bo`lsak, chinakam millat bo`lsak, ulkan, qudratli daryoga aylanaylik, farzandlarimizga o`zgalar havas qiladigan ozod va obod Vatan qoldiraylik”. Prezident I.A.Karimov. / 1997 y 29 avgust. O`zbekiston Respublikasi Oliy majlisi To`qqizinchi sess.so`z.n./ Mazkur nutqdan kelib chiqib, ta`lim sohasini tubdan isloh qilish, uni o`tmishda qolgan mafkuraviy qarashlar va sarqitlardan to`la xalos etish, rivojlangan demokratik davlatlar darajasida, yuksak ma`naviy va axloqiy talablarga javob beradigan o`quvchi yoshlarni tarbiyalash ishida maktabdan tashqari olib boriladigan mashg`ulotlar katta rol o`ynaydi. Shu sababli ham o`qilayotgan asar yuzasidan umumiy fikrga kelish, maslahatlashish, aniq tushuncha hosil qilishning eng yaxshi vositasi-to`garakdir. To`garak o`quvchilarni uyushtirishda, asar ustida ishlashga o`rgatadi.O`qituvchi bu ishda rahbar bo`ladi. Adabiyot va adabiy o`qish mashg`ulotlariga aloqador bo`lgan to`garaklar asosan 3 turlidir. Adabiy – ijodiy to`garak. Drama to`garagi. Ifodali o`qish va badiiy ijod to`garagi. Ma`lumki bu uch to`garak ham o`quvchilarning bilim doirasini kengaytiradi, adabiyotdan yanada ko`proq ma`lumot olishni, o`z ustida ishlashni talab qiladi, ijodga ilhomlantirish uchun xizmat qiladi. Shu sababdan mazkur to`garaklarning maqsad va vazifalari bir nuqtada birlashadi. To`garakda o`quvchilar o`zlarini qiziqtirgan yangiliklar bilan tanishadilar. Ularni qiziqarli, jonli bo`lishiga harakat qilish kerak. To`garak a`zolarining saviya va

yoshlarini, albatta, e`tiborga olib reja tuziladi va har bir to`garak rahbari shu to`garakning xususiyatini aniqlagan holda ish yuritadi. Drama to`garagiga rahbarlik qiladigan o`qituvchi dramatik asarlarning xususiyatlarini egallagan va ma`lum darajada aktyorlik san`atidan ham xabardor bo`lishi, o`quvchilar oldida biror-bir personajning harakat va nutqini, odat va xarakterini ko`rsatib bera oladigan bo`lishi lozim. Adabiy-ijodiy to`garak rahbari esa adabiyot asarlarini tahlil etish, nazariy bilim berish bilan birga ijod ishidan ham xabardor bo`lsa va o`z ijodini o`quvchilarga manzur qila oladigan bo`lsa, nuqsonsiz ifodali o`qish mahoratiga ega bo`lsa, mazkur to`garaklar obro`si yanada oshadi. To`garak mashg`ulotlari bir oyda, bir yoki ikki marta o`tkaziladi. Mashg`ulotlar oddiy sinfda emas, balki maktab adabiyot kabineti maktab sahnasida o`tkazilgan ma`qul. Mashg`ulot o`tkaziladigan joyning tashqi ko`rinishi ham o`quvchilar ruhiyatiga kuchli ta`sir qiladi / portretlar, asarlari bilan bezab./ Mashg`ulotlar mavzusini xilma-xilligi ishning mazmuniga o`quvchilarning qiziqishlariga ta`sir etadi. Bir yillik mashg`ulot uchun tuzgan reja o`z navbatida dastur materiallari asosida adabiyot va adabiy o`qish yuzasidan o`quvchilarga beriladigan ma`lumotni boyitish va kengaytirishda, ayniqsa drama va adabiy-ijodiy to`garaklar ahamiyatlidir. Adabiy-ijodiy to`garaklar Mazkur to`garakning mashg`ulotlari 2 xil xarkterga egadir. Mashg`ulotning bir xili sinfda olingan bilmni mustahkamlash va to`ldirishga, adabiy asarlar yoki ayrim yozuvchilarning ijod yo`li bilan tanishishga qaratilsa, ikkinchi bir xili o`quvchilarning mustaqil ravishda olib boradigan ijodiy ishlarini o`stirish va unga rahbarlik qilish,yo`llanma berishga qaratilgan bo`ladi. Buning yaxshi tomoni shundaki, o`quvchilar bir mashg`ulotda biror yozuvchining asarini tahlil qilsalar, ikkinchi mashg`ulotda xuddi shu asoda to`garak a`zolari tomonidan yozilgan she`r va hikoyalar tahlil qiladilar. Olingan nazariy bilimlar va asarning badiiy xususiyatlari, ma`naviy va madaniy san`atlar haqida bilimlari yuzasidan hosil

qilgan malakalarini o`z asarlari muhokamasiga ham tatbiq qiladilar. Xuddi shu yo`sinda o`tkazilgan mashg`ulot natijasida o`quchilarda adabiy asrlar o`qishga havas uyg`onadi. To`garkning vazifasi va maqsadi esa o`quvchilaning qiziqishini tarbiyalashdan ularga sistemali ravishda ko`rsatma berib borishdan iborat bo`lmog`i lozim. Mustaqil ijodiy ishlar albatta nuksonli bo`ladi. Bu ishda juda ehtiyot bo`lmoq kerak. Rahbar to`garak a`zosini bezdirib qo`ymasligi, tahlil va tuzatish jarayonida bosiqlik bilan, ilmiy nuqtai nazardan yondoshmog`i lozim. Ijodiy mustaqil ishlarni tahlilda kichik hajmli asrlarni ayniqsa she`rlarni doskaga yozish, va doskada tushuntirib berish lozimdir. Umumiy muhokama to`garak a`zolari o`z fikrlarini aytdilar. O`qituvchi rahbarligida shu ish nuqsonlarini tuzatib chiqish, kelgusida qanday yozish yo`llarini ko`rsatib berildi. Drama to`garagi – o`quvchilaning adabiyotga, ayniqsa dramatik asarlarga bo`lgan qiziqishlarini tarbiyalash vositasidir. Xsusiyatlari: o`gark a`zolari oldiga qo`yiladigan talablarning xarakteridan kelib chiqi, to`garak a`zolari adabiyot nazariyasi, badiiy asarni tahlil qilish yo`llari, janrlar va ularning xususiyatlari, tuzilishi va ishlari bilan tanish bo`lishlari lozim. To`garakka qiziquvchi havaskorlar to`planadi. Mashg`ulotlar rejasi tuziladi. To`garakning eng muhim bosqichlaridan biri asarni sahnaga qo`yishga tayyorgarlik davridir. Bu davrda o`quvchilar asrning maqsadi, badiiy xususiyati va uni o`qish texnikasi bilan tanishdi. Muhum ahamiyatga ega bo`lgan narsa repertuardir. Har qanday sahna asarlarini emas, balki tarbiyaviy ahamiyatga ega bo`lgan, o`quvchilarda mehr-shavqat, muhabbat, vatanparvarlik ruhini tarbiyalaydigan, ularning hayotlariga yaqin turgan asarlarni, o`quvchilarga tanish bo`lgan yozuvchilaning asarlarilni / hikoya, roman, povest, h.z./ ishlab chiqilsa maqsadga muvofiq bo`ladi. Drama to`garaklarda mashg`ulotning yana bir turi adabiy mantajlardir. Tanlangan mavzuni yoritish uchun turli asrlardan kerakli epizodlarni, she`riy parchalar, ashullalar kiritiladi.

M.A. Navoiyning yoshlik yillari mavzusida adab montajda shu davriga oid parchalar, she`r, tarixiy manba` memuar va vaqtli matbuot materiallaridan foydalanish mumkin. To`garak a`zolari nazariy malakani oshirish uchun ko`rgan kino, teatri haqida, aktiyorlar mahorati haqida muhokama va muzokaralar o`tiladi. Bu ish ularning qiziqishlarini yanada oshiradi. Ifodali o`qish to`garagi – asosiy maqsadi o`quvchilarning ifodali o`qish va badiiy hikoyalashga, o`z fikrini og`zaki va yozma ravishda ravon anglatishga o`rgatishldan iborat. Reja tuziladi va shu asosida o`qiladigan asrlar ro`yhati aniqlanadi, o`qish texnikasi va asarlar mazmuni tushunishga yordam beruvchi nazariy ma`lumotlar bilan o`quvchilarni tanishtiriladi. Adabiy kechalar odatda barcha to`garaklar ko`riga hisoblanadi, to`garak kuchi ma`lum bo`ladi. Doklad muzokarasi badiiy qism. /adabiy mantaj/ iyetsepirovkalar, xotiralar, hikoyalar, deklomatsiya, bino, bezak. Adabiy vistavkalar. Yozuvchi, shoir, kitoblar haqida. Yozuvchining hayotiga oid bo`lgan eksponatlar quyidagicha: Yozuvchining portreti, oila a`zolari, hayotining ayrim momentlari kurs illiyustratsiyalari. Yozuvchining tarjimai holiga yoki yozuvchining sayohatlariga oid karta. Yozuvchi va uning zamondoshlari. O`quvchilari ishlagan rasmlar. Asar yuzasidan ishlangan maketlar ko`rinishi. Sinxronik tablitsa ijb. Siyosat hayot va davrning adabiy harakati bilan bog`langan holda yozuvchining ijodiy yo`li. Asarning obrazli va kompozitsiyasining o`zaro insbatini ko`rsatish grafikasi. Asarning yaratilish tarixi. Poetik tilning tahlil namunalari. Yozuvchining adabiy guruhlari o`rt. tutgan o`rni. Turli davrlarda turli sinflar vakillarining yozuvchiga bergan baholari. Yozuvchining ijodi va u yashagan zamondagi rasm san`ati.

Yozuvchining asarlari musiqada. Asarlari teatrda va kinoda. Yozuvchilarning san`atlari va qimmatli fikrlari. Yozuvchi haqida nimalar o`qish kerak. Asosiy tanqidiy adabiyot namunasi. Bizning davrda yozuvchining ijodiga berilgan baho. Vistavkalar aniq kishiga ta`sir qiladigan, tassurot qoldiradigan bo`lishi kerak. Bu juda ma`sulyatli ish. Tayyor bo`lgach, ochiq deb e`ln qilinadi. Adabiy ekskursiya, tashkil etishdan oldin, o`qituvchi asosiy maqsadni belgilab oladi. Mas.: VI-VII sinflarda biror yozuvchi tarjimai holini o`tgandan keyin, shu bobni mustahkamlash uchun muzeyga ekskursiya uyushtirishi mumkin. Kuzatish maqsadga ma`lum darajada pedagogik protsess bilan ham bog`lanadi: 1. O`tilgan mavzularni mustahkamlash. 1. Sinfdan tashqari mashg`ulotlarning maqsad va vazifalarini qanday tushunasiz? 2. Sinfdan tashqari mashg`ulotlarning qanday to`garaklar tuzish mumkin: 3. Adabiy ekskursiya qayerlarda o`tkiziladi? Sinfdan tashqari mashg`ulotlar-adabiy ijodiy to`garaklar o`tkazish, o`quvchilarni adabiy ekskursiyalarga jalb qilish va h.k. Adabiy ekskursiya – o`quvchilarni yozuvchilar yashagan joylarga, ularning uy muzeylariga olib borish yoki ular haqidagi telefilm, kinofilmlarni birgalikda tomosha qilish. Adabiyotdan sinfdan tashqari ishlar Adabiy o`qish va adabiyot yuzasidan sinf, maktabdan tashqari ishlar asosan sinfda dars jarayonida olgan bilimlarni to`ldirish hamda mustahkamlashga, o`quvchilarning dunyoqarashini yanada aniqroq, to`liqroq shakllantirishga xizmat qiladi. Adabiyot darslarida o`quvchilarni qiziqtirishning muhim shartlaridan biri maktabdan tashqari ishlarni to`g`ri yo`lga qo`yishdir. Sinfdan tashqari o`qish, to`garak ishlari, o`quvchilarning adabiy – ijodiy mashg`ulotlari, adabiy – badiiy

kechalar hamda ekskursiyalarga yetarli darajada ahamiyat bermaslik, shubhasiz, o`quvchilar malakasiga, ulardagi bilimning chuqur va mustahkam bo`lishiga yomon ta`sir ko`rsatadi. Maktabdan tashqari mashg`ulotlarning turlarini to`g`ri tashkil qilish va uyushtirish uchun o`quvchining sharoitini, maktabdan tashqaridagi mashg`ulotini, qisqacha aytganda, maktabdan tashqaridagi muhitini o`rganib chiqish va shularni hisobga olgan holda ish olib borish lozim. O`quvchining qanday kitoblar o`qishi, bu kitoblarni qayerdan olishi, uning shaxsiy kutubxonasidagi kitoblarning xarakteri, kitob o`qishda kimlardan maslahat olishi, shu kitoblar uning yosh xususiyatiga qanchalik mosligi masalalarini puxta o`rganish har bir o`qituvchining muhim vazifasidir. Adabiy o`qish va adabiyot yuzasidan mashg`ulot olib boradigan har bir o`qituvchi o`z predmeti doirasida maktabdan tashqari ishlarni o`rganishi, shunga qarab mashg`ulot davomida ayrim momentlarga e`tibor berishi, suhbatlar va o`quvchilarni qiziqtirgan masalalar yuzasidan yozma insholar, ijodiy ishlar uyushtirish yo`li bilan o`z o`quvchisiga puxta bilim berishi zarur. O`quvchilarning maktabdan tashqari mashg`ulotlarini o`rganish va uni to`g`ri uyushtirish maqsadida o`qituvchi maktab kutubxonasi bilan yaqin aloqada bo`lishi kerak. O`qituvchi o`z o`quvchilarining kutubxonaga a`zolik kartochkalarida yozilgan kitoblar bilan tanishadi, o`quvchilarning qanday kitoblarga qiziqishlarini kutubxona xodimlaridan aniqlaydi va, nihoyat, qanday kitoblarni berish lozimligini ko`rsatadi. O`quvchilarning qiziqishlarini hisobga olish maqsadida ayrim asarlar yoki mavzular yuzasidan muhokamalar uyushtiradi. Sinfdan tashqari o`qish Adabiyotdan, sinfdan va maktabdan tashqari ishlarning eng muhimi sinfdan tashqari o`qishni pedagogika talablari asosida to`g`ri tashkil qilishdir. Maktabdan tashqari o`qishdan kuzatilgan maqsadga erishish uchun uni sinf mashg`uloti bilan ma`lum darajada bog`lash lozim. Sinfdan tashqari o`qish mashg`ulotini to`g`ri uyushtirish uchun ishni o`zbek maktablarining V-VIII sinflari uchun tuzilgan “Ona tili va adabiyot”, IX- X sinf

uchun tuzilgan “Adabiyot” dasturlarining oxiridagi sinfdan tashqari o`qish uchun tavsiya etilgan asarlar ro`yxati bilan tanishib chiqishdan boshlash lozim. Tavsiya qilingan ro`yxatdagi asarlarni asosan 3 guruhga bo`lish mumkin: Sinfda o`rganiladigan yozuvchilarning dasturga kirmagan asarlari. Dasturga kirmagan, lekin adabiy o`qish va adabiyot darslari uchun zarur hamda xarakterli bo`lgan yozuvchilarning asarlari. Sinfda o`rganiladigan materiallarga aloqasi bo`lmasa ham, o`quvchilarning bilim saviyalarini oshirish uchun xizmat qiladigan asarlar. O`quvchilarning qiziqishlarini tarbiyalash uchun shu ro`yxatda ko`rsatilgan asarlardan ma`ruza mavzulari uchun ham yordamchi material sifatida foydalanish tavsiya qilinadi. Olingan bilimni mustahkamlash yuzasidan o`tkazilgan mashg`ulotlarda, ayniqsa, yuqori sinflardagi referat xarakterida o`tkaziladigan ishlarda sinfdan tashqarida o`qish natijasida olingan bilimni mustahkamlash, uni shu sinfdagi ish bilan bog`lash lozim. Sinfdan tashqari o`qishni to`g`ri uyushtirishning ikkinchi yo`li—«Adabiyot yangiliklari» degan plakatlar tuzish va shu plakatlarda kundalik adabiyot yangiliklarini aks ettirib borishdir. Shu «Adabiyot yangiliklari» nomli plakatda ko`rsatilgan asarlarning qisqacha annotatsiyasini berib borish lozim. Bu annotatsiyada asarning avtori, nashr qilingan vaqti, nomi, hajmi, mavzu va g`oyasi, asosiy qahramonlari, bahosi ko`rsatilishi lozim. Eng yaxshisi, shu yangi chiqqan asarni sinfga olib kelib ko`rsatishdir. O`qituvchining bu ishiga maktab kutubxonasi ham yaxshi yordam berishi kerak. Maktab kutubxonasi alohida vitrinalarda vaqti-vaqti bilan yangi kitoblarning ko`rgazmasini tashkil qilib borishi lozim. Nihoyat, rahbarlik ishining yana bir turi o`quv yilida bir yoki ikki marta o`quvchilarning sinfdan tashqari o`qishlari yuzasidan umumiy ko`rik o`tkazishdir. Bu ko`rikda o`quvchilar o`qigan asarlari yuzasidan o`z fikrlarini aytadilar. O`qilgan asarlarning qaysi jihatdan yokqanligini so`zlab beradilar. Shundan so`ng o`qituvchi o`qilgan asarlar yuzasidan aytilgan fikrlarga xulosa yasaydi. Shu asarlar

ichidan eng muhimlarini ajratib ko`r-satadi. Ayniqsa, qaysi asarni o`qish. kerakligini aytib beradi. Asar yuzasidan daftarga o`z fikrlarini qayd qilishda o`quvchilar quyidagi masalalarni e`tiborga olishi lozim: o`quvchining yozuvi asardan olgan tushunchalari doirasida bo`lishi kerak, yozuvda o`quvchi nimani istasa, qanday tushungan bo`lsa, shunday aks ettirsin. Bundan tashqari, o`qituvchi yozuvning qisqa bo`lishini o`rgatsin. Bu yozuv asosan quyidagi moddalarni o`z ichiga olishi kerak: 1. Muallif va asarning nomi. 2. Asarda nimalar haqida so`zlanadi? 3. Asar qaysi jihatdan ahamiyatli? (Qahramonlar, voqealar, tasvir, ayrim fikrlar va boshqalar.) Sinfdan tashqarida o`qilgan asarlar yuzasidan uyushtiriladigan konferensiyalarda bayon qilinadigan annotatsiyalar xuddi shu sxema asosida yoritilsa, o`quvchilarda o`qishga havas yana ham ortishi mumkin. Kitobxonlarning konferensiyalari ham o`qilganlarni hisobga olishda ahamiyatga egadir. Konferensiyalar bir yilda bir yoki ikki marta o`tkaziladi. Konferensiyada ma`ruza qiluvchi kitobxonlar oldindan tayyorlanib keladilar. O`z ma`ruzalarida qanday asarlarni o`qiganliklarini, yana qaysi asarlarni o`qimoqchi ekanliklarini aytadilar. Bunday konferensiyalarni jonli va qiziqarli o`tkazish maqsadida maktabning sharoitiga qarab, mehmonlar—yozuvchi va shoirlar ham taklif qilinadi. Ota- onalar, boshqa sinflarning o`quvchilari, hatto, boshqa maktabning vakillari ham taklif qilinadi. Konfereitsiyada o`qilgan asarlarning ko`rgazmasi tashkil kilinadi. O`qituvchilar ba`zi asarlarni ifodali o`qib beradilar, mazmunini gapirib beradilar, kichik parchalarni yod aytib beradilar. Maktab jurnali va devoriy gazeta Demak, maktab devoriy gazetasi va jurnalning sifatini yaxshilash uchun maktabda tashkil etilgan adabiyot to`garaklari va bu to`garaklarda o`tkaziladigan dokladlar,

kitoblarni muhokama qilish, adabiy kechalar va adabiy konferensiyalar, disputlar —umuman, sinfdan tashqari hamma ishlar katta yordam beradi. Adabiy ko`rgazmalar Adabiy ko`rgazma sinfdan tashqari ishning muhim turlaridan biridir. Ko`rgazma maktab talablariga javob beradigan tarzda tuzilishi va o`quvchilarning bilim saviyasiga javob berishi kerak. Ko`rgazma tuzganda, eng yaxshi kitoblarga va eng yaxshi yozuvchilarning hayoti va ijodiy faoliyatiga e`tibor qilish lozim. Ko`rgazmani tashkil etish anchagina mas`uliyatli ishdir. Shuning uchun bu vazifani o`z zimmasiga olgan o`quvchilar ko`pgina kitob va matnlarni o`kigan bo`lishlari, illyustratsiyalarni ko`zdan kechirishlari, bibliografik ko`rsatmalar va boshqa spravochniklarni diqkat bilan qarab chiqishlari, muzeylarga maxsus ekskursiya qilishlari lozim. Ko`rgazma tayyor bo`lgach, u ochiq deb e`lon qilinadi, uni ko`rgani tomoshabinlar keladilar, o`quvchilar esa kelgan tomoshabinlarga ko`rgazmadagi materiallarni sodda, ochiq va ravon til bilan tushuntirib berishlari lozim. Shunday qilib, ko`rgazma o`quvchilarning og`zaki nutqini rivojlantirish uchun ham katta yordam beradi. Adabiy ekskursiya Maxsus jihozlangan adabiy muzeyga ekskursiya qilish adabiy ekskursiyaning asosiy turi hisoblanadi. Adabiy muzeyning vazifasi va uning mundarijasi nimalardan iborat? Ekskursiyadan kuzatilgan maqsad ma`lum darajada pedagogik protsess bilan ham bog`lanadi. Bu xildagi ekskursiya shundan iborat bo`ladiki, yo o`tilgan darsni mustahkamlash ko`zda tutiladi, yoki o`qituvchining kirish so`zi vazifasini bajaradi. Ekskursiyadan muayyan bir maqsad ko`zda tutilsa, o`quvchilarning tashabbuskorligi, ularning aktivligi ortadi va ekskursiya jonli o`tadi. Bemaqsad ekskursiya o`quvchilarni qiziqtirmaydi va ularga biror manfaat bermaydi. Shuning uchun ekskursiyada ma`lum maqsad ko`zda tutilishi kerak. Teatr va kino

Teatrlarga ekskursiya qilish, sahna asarlarini kollektiv ravishda borib ko`rish ma`rifiy, ta`lim-tarbiyaviy ahamiyatga egadir. Xulosa qilib aytganda, kinoga ekskursiya qilish bemaqsad bo`lmasligi kerak, bu ekskursiya ma`lum maqsadni ko`zda tutishi lozim. Shuning uchun adabiyot o`kituvchisi kinoga ekskursiya qilishda o`quv-tarbiya ishini asosiy maqsad qilib olishi lozim.

ADABIYOTLAR: 1.Islom Karimov. Tarixiy xotirasiz kelajak yo`q. “Sharq” nashriyot-matbaa konserni Bosh tahririyati. 1998. 2.Islom Karimov. O`zbekiston: milliy istiqlol, iqtisod, siyosat, mafkura. T.1. T.- O`zbekiston, 1998. 3.Adabiy turlar va janrlar. T.: “Fan”. 1991. 4.N.Xudoyberganov. A.Rasulov. O`zbek adabiy tanqidchiligi. T.: O`qituvchi, 1990. 5.Botur Valixo`jayev. O`zbek adabiyotshunosligi tarixi. T.: O`zbekiston, 1993. 6.O`zbek adabiy tanqidi tarixi 1-2 tom. T.: 1987. 7.I.Sulton. Adabiyot nazariyasi. T., O`qituvchi, 1980. 8. Haqiqat ijod bayrog`i. T. Adabiyot va san`at nashriyoti, 1986. 9.Abdug`afur Rasulov O`zbek adabiyotshunosligi va tanqidchiligi tarixi kursidan ma`ruza matnlari. T.: «Universitet 2000.

O'xshashlar

Adabiyot bo’yicha sinfdan va maktabdan tashqari ishlar

Uzluksiz ta`lim tizimida o`zbek tilidagi adabiy materiallarni darsdan tashqari ishlar jarayonida o`rganish

Adabiyot darslarida o`quvchilar mustaqil ijodiy ishlarini tashkil etish

Adabiyot bo`yicha fakultativ mashg`ulotlar. adabiyot to`garagi

Rusiyzabon o`quvchi (talaba)larning o`zbek tilidagi adabiy namunalarni mustaqil o`qishlariga rahbarlik qilish