Yevrosiyo materigining issiq iqlim mintaqalari - Geografiya - Dars ishlanmalar

Yevrosiyo materigining issiq iqlim mintaqalari

Yuklangan vaqt:

01.10.2019

Ko'chirishlar soni:

0

Hajmi:

447 KB

Ko'chirib olish

Geografiya Mavzuning texnologik xaritasi va o‘tkazilish ishlanmasi Mavzu IV – chorak 53-dars Yevrosiyo materigining issiq iqlim mintaqalari. Maqsad, vazifalar O`quvchilarda Yevrosiyo iqlimi haqidagi bilim va tushunchalarini shakllantirishda davom etish; ob-havo, iqlim va iqlim hosil qiluvchi omillarni yodga tushirish; mavzuga oid yangi atamalar bilan tanishtirish; Yevrosiyo iqlimiga xos bo`lgan xususiyatlarni ochib berish, o`rganilgan materiklar iqlimi bilan qiyoslash. O`quvchilarni darslikdan tashqari adabiyotlarni o`qishga da’vat etish; o`z maqsadiga erishish ruhida tarbiyalash; jamoa bo`lib ishlash, o`zaro yordam va berilgan vazifani bajarishda ma’suliyat sezish ko`nikmalarini tarkib toptirish. O‘quv jarayonining mazmuni Vazifalar: O`quvchilarni mustaqil fikrlashga o`rgatish, nutq madaniyatini o`stirish, o`z-o`zini boshqarishga yo`naltirish, hozirjavoblik, topqirlik xususiyatlarini rivojlantirish. O‘quvchilarda mavzu asosida bilim va ko‘nikmalarni shakillantirish, geografik atlas va xaritalar bilan ishlashga qiziqish o‘yg‘otish. O‘quvchilarning savol-javob, xarita bilan ishlash ( amaliy mashg‘ulot ) orqali yangi mavzuni qay darajada o‘zlashtirilganligi nazorat qilinadi. O‘quv jarayonini Amalga oshirish texnologiyasi Uslub: “Aqliy hujum”, “Juftlikda ishlash”, “Guruhlar bilan ishlash”, “Sinkveyn”. Shakl: Savol-javob, jamoa va yakka tartibda ishlash, amaliy mashg‘ulot. Vosita: Yarim sharlar tabiiy xaritasi, Yevrosiyoning tabiiy va iqlim xaritalari, atlas, yozuvsiz xarita, Yevrosiyo davlatlari bayroqlari maketlari, vatman, markerlar. Texnik vositalar: Telivizor, multimedia, videomagnitafon, Dunyo tabiiy xaritasi, 6-sinf o‘quv atlasi, yozuvsiz xarita, 6-sinf darsligi, “Kompyuter Osiyo” ITP tomonidan yaratilgan o‘quv filmi, tarqatma savollar. Usul: Tayyor yozma materiallar, Akvarium , mavzuga oid xaritalar asosida. Nazorat: Savol-javob, o‘z-o‘zini nazorat qilish. Baholash: Rag‘batlantirish, 5 ball tizim asosida baholash. Kutilayotgan natijalar O‘qituvchi: Mavzu belgilangan vaqt ichida barcha o‘quvchilar tomonidan o‘zlashtiriladi. O‘quvchilarning darsda faolligi oshadi. Ularda fanga nisbatan qiziqish o‘yg‘onadi. Amaliy mashg‘ulot davomida barcha o‘quvchilar baholanadi. O‘z oldiga qo‘ygan maqsadlariga erishadi. 2

O‘quvchilar og‘zaki va amaliy mashg‘ulotlarni mustaqil bajaradilar, boshqalarga yetkazish, savol va javob berishga o‘rgatiladi. O‘quvchi: Mavzu yuzasidan yangi bilimga ega bo‘ladilar. Guruhlar bilan ishlashni o‘rganadilar, eslab qolish, ayta olish, ko‘rsata olish ko‘nikma va malakalarga ega bo‘ladilar Kelgusi rejalar (tahlil, o‘zgarishlar) O‘qituvchi: Yangi pedagogik texnologilarni o‘zlashtiradi va darsda tatbiq etib, takomillashtirishga erishadi. O‘z ustida ishlaydi. Mavzuni hayotiy voqiyalar bilan bog‘laydi va solishtiradi. O‘quvchi: Mavzu yuzasidan berilgan topshiriq ustida mustaqil ishlashi o‘rganadi. O‘z fikrini ravon bayon eta oladi. Guruh fikrini tahlil qilib, bir yechimga kelish malakasini hosil qiladi. Yangi mavzuga oid qo‘shimcha materiallar topishga harakat qiladi. Mashg‘ulotni ng borishi Dars rejasi: 1. O`qituvchining kirish so`zi. (2 daqiqa) 2. Guruhlarga bo`linish. (2 daqiqa) 3. Biz bilgan bilimlar. (xotirani sinash-5daqiqa) 4.“Yevrosiyo relyefi” filmini tomosha qilish. (5 daqiqa.) 5. Juftlikda ishlash uchun topshiriq. (2 daqiqa) 6. Mavzuga ijodiy yondashish. (8 daqiqa) 7. Atlas va yozuvsiz xarita bilan ishlash. (7 daqiqa.) 8. “E’tiborni jamlash” o`yini. (5 daqiqa.) 9. Mavzuni mustahkamlash. (5 daqiqa.) 10. O`quvchilarni baholash. (2 daqiqa.) 11. Uyga vazifa. (2 daqiqa.) Darsning tashkil etilishi: a) Salomlashish, davomatni aniqlash; b) O`quvchilarni darsga hozirlab, jonli muhit yaratish; 3

O`quvchilar iqlim elementlariga ko`ra 4 ta guruhga bo`linadilar. I-guruh. Quyosh. II-guruh. Bulut. III-guruh. Shamol. IV-guruh. Yomg`ir. O`quvchilar bilan birgalikda guruhlarda ishlash uchun amal qilinishi lozim bo`lgan qoidalar ishlab chiqiladi: Oltin qoidalar. 1. Faollik. 2. Vaqtga rioya qilish. 3. Fikrni takrorlamaslik. 4.O`zaro hurmat. 5. To`g`ri javob uchun rag`bat. 6. O`ng qo`l qoidasi. 7. “Bir yoqadan bosh chiqarish”. 8. Intizom. O`qituvchi Yevrosiyo materigi haqida she’r o`qiydi. Menman-Yevrosiyo, barcha biladi, Qirg`og`im to`rttala okean yuvadi. Egri-bugri qirg`oqda g`arbiy qismim, Mo`jizakor asli bu mening jismim. Kurrada eng katta materik o`zim, 4

Shimolni yaxshiroq ko`radi ko`zim. Ovrupo, Osiyoni birlashtiraman, Ummonu tog`larni sirlashtiraman. Guruhlarga Yevrosiyo materigining iqlimi mavzusi bo`yicha “Biz bilgan bilimlar” so`rovnomasi beriladi. Ular qog`ozchalardagi javoblardan to`g`ri javobni topib, savollar yoniga joylashtirishlari kerak. Savollar : 1. Shimoliy yarim sharning “sovuqlik qutbi” qayer va unda havo harorati necha gradusni ko`rsatgan? – Oymyakonda – 71 0 2. Dunyoda eng ko`p yog`in yog`adigan joy Yevrosiyodagi qaysi hudud? – Hindistondagi Cherrapunja rayoni – o`rtacha 12665 mm yog`in yog`adi. 3. Sovuq iqliom mintaqasiga qaysi iqlim mintaqalari kiradi? – Arktika va subarktika iqlim mintaqalari. 4. Mo`tadil iqlim mintaqasida qanday iqlim tiplari bor? – dengiz, kontinental va musson iqlim tiplari. Har bir to`g`ri javob uchun guruh a’zolari Yevrosiyo davlatlari bayroqlari maketi bilan rag`batlantirib boriladi. Videoikkilik orqali “Yevrosiyo relyefi” filmidan parcha namoish etiladi. Filmda Yevrosiyodagi qaysi tog` haqida ko`rsatilganini guruh a’zolari rangli qog`ozchalarga yozib beradilar. 5

O`qituvchi o`quvchilarning iqlim mavzusi bo`yicha bilimlarini bilish uchun juftliklarga topshiriq beradi. Ular “Bilaman. Bilishni istayman. Bilib oldim“ jadvalining 1-va 2-qismini yozib berishadi. 5-sinfda olgan bilimlaridan ob-havo, iqlim, shamol, izoterma atamalari yodga olinadi. Ob-havo deb troposferaning biror joydagi ayni paytdagi yoki ma’lum bir vaqtdagi holatiga aytiladi. Ob-havoning biror joyga xos bo’lgan ko’p yillik rejimi shu joyning iqlim i deyiladi. Havoning gorizontal harakati shamol deyiladi. Iqlim xaritasida harorati bir xil bo’lgan nuqtalarni tutashtirib turuvchi chiziqlar izotermalar deyiladi. Har bir guruhda ijodiy yondoshish uchun mavzu beriladi. Guruhlarga karta asosida mavzular beriladi: I-guruh. Geografik o`rinning iqlimga ta’siri. II-guruh. Okeanlarning iqlimga ta’siri. III-guruh. Relyefning iqlimga ta’siri. IV-guruh. Yevrosiyoning iqlim kartasidan eng ko`p, eng kam yog`in yog`adigan hamda eng yuqori, eng past haroratli hududlarni aniqlang. Yangi mavzu bo`yicha guruhlarga alohida topshiriqlar beriladi: I-guruh. Subtropik iqlim mintaqasi . 6

II-guruh . Tropik iqlim mintaqasi . III-guruh. Subekvatorial iqlim mintaqasi . IV-guruh. Ekvatorial iqlim mintaqasi . Guruhlar taqdimoti tinglanadi. Yangi mavzuni mustahkamlash. O`quvchilar Yevrosiyo materigining yozuvsiz xaritasiga sovuq, mo`tadil va issiq iqlim mintaqalarini tushirishadi. Dars boshida tarqatilgan jadvalning ”Bilib oldim” bo`lagi o`quvchilar tomonidan juftliklarda to`ldiriladi. O`quvchilarni baholash: Dars yakunida o`quvchilar to`plagan Yevrosiyo davlatlari bayroqlari sanaladi, g`olib guruh aniqlanadi va rag`batlantiriladi. Guruhlarga darsdagi ishtirokiga qarab ”Eng bilimdon guruh” ”Eng faol guruh” ”Eng hamjihat guruh” va ”Eng iste’dodli guruh” unvonlari o`z egalariga topshiriladi. Uyga vazifa: Mavzuni o`qish, Atlasdagi ”Yevrosiyoning iqlim kartasi”ni yozuvzis kartaga tushirish. 7

SINKVEYN. 1. Qor Oppoq, momiq Yog`adi, muzlaydi, eriydi Qishda uni orziqib kutiladi Mazza! 2. Yomg`ir Ho`l Yog`adi, quyadi, tinadi Ekinlar uchun eng foydali Suv. 3. Shamol Kuchli, mayin Esadi , yemiradi, qo`poradi Havoni tinmay almashtirib turadi Dovul. 4. Quyosh Issiq, sariq Isitadi, yoritadi, qizdiradi Tiriklik va yorug`lik manbai Hayot manbai! 8

TOPISHMOQLAR VA SHE RLAR.’ 1. Meni so`rashadi, kelsam qochishadi. (Yomg`ir) 2. G`uv-g`uv shamol ovozi Bahorning cholg`u, so`zi. Bulut g`amni yo`q etdi, Ko`ngilga shodlik yetdi. 3. O`zi tanho-yagonadir, Tabiatga chin onadir. Tilla barkash yarqiraydi, Baxt ulashib charaqlaydi. (Quyosh) 4. Kuchli yomg`ir zarbidan Gullar qoldi urinib. Va sayroqi bulbul ham Yo`q bo`ldi bir ko`rinib. 5. Yorug`i bor, dovrug`i bor, O`zi yoq, ovozi bor. (Momaqaldiroq) 6. Oyog`i yo`q – qochadi, Qanoti yo`q – uchadi. (Shamol) 7. Ko`kda surpa ochildi, Uni yerga sochildi. (Qor) 9

KONSEPTUAL XARITA. QUYOSH GEOGRAFIK RADIATSIYASI O`RIN IQLIM RELYEF OKEANLAR HAVO MASSALARI 10

O'xshashlar

Yevrosiyo aholisi va siyosiy xaritasi 6-sinf

Shimoliy Amerika iqlimi va ichki suvlari

Yevrosiyoning geologik tuzulishi va foydali qazilmalari. Relyefi

Zarafshon vodiysi. Geografik o‘rni, Yer yuzasi, geologik tuzulishi va foydali qazilmalariю 7-sinf

O`rta Osiyoning geografik o‘rni, chegaralari va o‘ziga xos xususiyatlari