Транспорт-экспедицион хизматларни кўрсатувчи субъектлар фаолияти аудитининг ташкилий ва ахборот таъминотининг ҳолати ҳамда уларни такомиллаштириш йўналишлари - Транспорт - Рефераты

Транспорт-экспедицион хизматларни кўрсатувчи субъектлар фаолияти аудитининг ташкилий ва ахборот таъминотининг ҳолати ҳамда уларни такомиллаштириш йўналишлари

Загружено в:

16.02.2024

Скачано:

0

Размер:

361.5 KB

Транспорт-экспедицион хизматларни кўрса тувчи субъектлар фаолияти аудитининг ташкилий ва ахборот таъминотининг ҳолати ҳамда уларни такомиллаштириш йўналишлари Режа: 1. Транспорт - экспедицион хизматларни кўрсатувчи субъектлар фаолияти аудитининг ташкилий таъминоти ва уни такомиллаштириш йўналишлари 2. Транспорт-экспедицион хизматларни кўрсатувчи субъектлар фаолияти аудитининг ахборот таъминоти ва уни такомиллаштириш йўллари

Транспорт-экспедицион хизматларни кўрсатувчи субъектлар фаолияти аудитининг ташкилий таъминоти ва уни такомиллаштириш йўналишлари Корхона ва ташкилотларда ўтказиладиган аудиторлик текширувларининг самараси бевосита уни ташкилий таъминотига боғлиқ. Аудитнинг ушбу таъминотининг мазмун-моҳияти адабиётларда атрофлича ёритилган. Уларда келтирилган таърифларга кўра, аудитнинг ташкилий таъминоти деганда уни режалаштириш ва ўтказишга доир барча ишлар мажмуаси тушунилади. Бироқ, таъкидлаш жоизки, транспорт-экспедицион хизматларни кўрсатувчи субъектлар хусусиятларидан келиб чиқиб, уларда ўтказиладиган аудитининг ташкилий жиҳатлари адабиётларда махсус ёритилмаган. Шу боис, қуйида транспорт-экспедицион хизматларни кўрсатувчи субъектлар фаолияти хусусиятларидан келиб чиқиб, уларда ўтказиладиган ташқи ва ички аудитнинг ташкилий таъминоти масалаларини тадқиқ этишни мақсадга мувофиқ, деб билдик. Республикамизнинг аудиторлик фаолияти тўғрисида қонуни ва ушбу қонун асосида қабул қилинган стандартларга кўра ҳам ташқи, ҳам ички аудит 4 та босқичга ажратилади. Булар: 1.Аудитни режалаштириш босқичи; 2.Аудитни ўтказиш босқичи; 3.Аудит натижаларини умумлаштириш ва расийлаштириш босқичи; 4.Аудит натижаларини амалиётга тадбиқ этиш босқичи. Аудитни режалаштириш босқичи ўз ичига аудит текширувлари бошлангунга қадар амалга ошириладиган ишларни олади. Республикамизнинг “Аудитни режалаштириш” номли 3-сон АФМСга мувофиқ ташқи ва ички аудитни режалаштириш аудит текширувлари буюртмачилари уни олиб борувчилари томонидан олиб бориладиган бир қатор ишларни олади. Чунончи, ташқи аудитда бундай ишлар сирасига қуйидагиларни киритиш мумкин (6-жадвалга қаранг).

Ички аудитни режалаштириш ташқи аудитни режалаштиришдан фарқ қилади. Бу жараённи режадлаштиришда, бир томондан корхонанинг бошқарув органи, иккинчи томондан эса, ички аудиторлар иштирок этади. Ички аудитни режалаштиришда бажариладиган асосий ташкилий ишлар таркиби жадвалда келтирилган. жадвал Ташқи аудитни режалаштиришга доир ишлар Буюртмачи корхонада Аудиторлик ташкилотида 1.Корхона бошқарув органи ташқи аудитга танлов эълон қилинади. 1. Эълон қилинган тендерга қатнашиш учун тижорат таклифи ҳамда аудиторлик текширувини ўтказишга ҳуқуқ берувчи лицензия, аудиторлар сертификатлари, суғурта полиси ва бошқаларни тақдим этилади 2. Ташқи аудиторларнинг тижорат таклифларини қабул қилинади 2. Аудитни ўтказишга асос бўлувчи ҳужжатларни - аудит режаси, аудит дастури ва шартнома вариантини тақдим этишга мурожаат-хат қабул қилинади 3.Ташқи аудиторларни ўрганиш асосида улар ичидан макбули танланади ва унинг тасдиғи масаласи акциядорлар умумий йиғилишига олиб чиқилади 3.Мижознинг хат-мурожаати асосида мижоз фаолияти ўрганилади. 4.Умумий мажлисда тасдиқланган аудитор ташкилотига аудитни ўтказишга асос бўлувчи ҳужжатларни - аудит режаси, аудит дастури ва шартнома вариантини тақдим этишга мурожаат- хат 4. Аудит режаси, аудит дастури ва шартнома варианти тайёрланади. 5.Аудитнинг ташкилий асосларини белгиловчи аудит режаси, аудит дастури ва шартномалар имзоланади 5.Аудитнинг ташкилий асосларини белгиловчи аудит режаси, аудит дастури ва шартномалар имзоланади 7-жадвал Ички аудитни режалаштиришга доир ишлар Бошқарув органи Ички аудитор 1.Бошқарув органи ички аудитор лавозимига танлов эълон қилади. 1. Эълон қилинган тендерга мувофиқ бошқарув органига ички аудиторлик лавозимига давогар шахс ўзига доир тегишли ҳужжатларни (анкета, диплом, аудитор ёки ички аудитор сертификати нусхаларини ) тақдим этади 2. Ички аудиторлик лавозимига даъвогарлардан тегишли ҳужжатлар (анкеталари, дипломи, сертификати, меҳнат дафтарчаси нусхалари) қабул қилинади 2. Бошқарув органи, чунончи кузатув кенгаши аъзолари суҳбатидан ўтади

3.Ички аудитор лавозимига даъвогарлар ичидан макбули танланади ва унинг тасдиғи масаласи кузатув кенгаши аъзолари йиғилишига олиб чиқилади 3. Кузатув кенгаши йиғилишида макбул деб топилгач, ички аудитор лавозимига меҳнат шартномасини имзолайди 4.Кузатув кенгаши йиғилишида макбул деб топилган ички аудитор билан меҳнат шартномаси тузилади, унинг режаси ва дастури тасдиқланади 4. Ички аудит режаси ва дастурини ишлаб чиқади ва уни кузатув кенгаши тасдиғига тақдим этади Ҳам ташқи, ҳам ички аудитни режалаштириш босқичида тузиладиган муҳим ҳужжатлар бўлиб, юқорида келтирилган маълумотлардан кўриниб турибдики, шартномалар ҳамда уларнинг таркибий элементлари ҳисобланадиган аудит режаси ва дастури ҳисобланади. Ташқи аудиторлик хизматлари тўғрисида шартнома - бу аудиторлик ташкилоти ва хўжалик юритувчи субъектлар ўртасида аудиторлик текшируви ёки бошқа касбий хизматларни кўрсатиш бўйича ўзаро муносабатларга статус берувчи юридик ҳужжат. Ушбу шартномада аудиторлик фаолиятининг аниқ тури (аудиторлик текшируви, консалтинг, бухгалтерия ҳисобини юритиш, бухгалтерия ҳисобини тиклаш ва шу каби бошқа касбий хизматлар), уларни қайси давр учун ўтказилиши, ўтказилиш муддатлари, томонларнинг ҳуқуқ ва мажбуриятлари, жавобгарликлари, ишнинг қиймати, форс-мажор ҳолатлар ва бошқалар аниқ кўрсатилади. Аудиторлик текширувлари режасида қуйидагилар акс эттирилиши лозим: • аудит ўтказишга доир чора-тадбирлар (ишлар) рўйхати; • чора-тадбирлар (ишлар)ни бажариш муддатлари; • чора-тадбирлар (ишлар)ни бажариш бўйича масъул шахслар. • чора-тадбирлар (ишлар)ни бажаришда эришиладиган натижалар. 3-сон АФМС «Аудитни режалаштириш»га мувофиқ аудит режаси тузилганидан сўнг унинг дастури тузи лади. Аудиторлик текштирувлари дастурида барча аудиторлик амалларининг батафсил рўйхати баён килиниши керак. Дастур аудиторлар учун батафсил йурикнома бўлиб, унда текширилиши лозим булган бухгалтерлик ҳисобининг барча бўлимларини текшириш, шунингдек

ички назорат тизимини тахлил қилиш бўйича уларнинг барча хатти- ҳаракатлари акс этирилган бўлиши лозим. Аудит дастурини пухта бўлиши керак, чунки у аудиторлар ишидаги таъсирчан назорат дастаги бўлиб хизмат килади. Дастур аудиторлик ҳисоботи ва аудиторлик хулосасини тузиш учун асос бўлиб хизмат қилиши лозим. Аудиторлик дастури амалиётда аудит режасини реализация қилиш стратегиясини акс эттиради. Аудиторлик дастури аудиторлар иш сифатини назорат этувчи асосий восита ҳисобланади. Юқорида таъкидлаб ўтилганидек, транспорт-экапедицион хизматларни кўрсатувчи субъектлар учун махсус аудиторлик режаси ва дастури ишлаб чиқилмаган. Тадқиқотлар аудиторлик ташкилотлари томонидан ушбу соҳага кирувчи субъектларда аудитни махсус режа ва дастурларни тузилмасдан ўтказилаётганлигини кўрсатмоқда. Адабиётларда бевосита транспорт- экапедицион хизматларни кўрсатувчи субъектлар фаолиятига мўлжалланган режаси хамда дастури ҳам махсус ёритилмаган. Улар махсус стандартларда хам келтирилмаган. Шу боис, биз ўзимиз бевосита транспорт-экапедицион хизматларни кўрсатувчи субъектлар фаолияти ташқи аудити режаси ҳамда дастурини ишлаб чикишга харакат килдик. Улар жадвалларда келтирилган. N Режалаштирилаётган иш турлари Ўтказиш даври Бажарувчи масъул аудитор Эриши-ладиган натижа

1 2 3 4 5 6 Корхонада бухгалтерия ҳисоби ва ички назорат ҳолатини текшириш 1.03.2016 – 2.03.2016 Алланазаров А.Г Ҳисоб ва ички назорат ҳолати аниқланади Таъсис хужжатлари, корхона фаолиятининг ҳуқуқий асослари, устав капитали аудити 3.03.2016 – 5.03.2016 Алланазаров А.Г Таъсис ҳужжатлари ва уларга амал этилганлик ҳолати аниқланади 3 “Молиявий натижалар тўғрисида ҳисобот” моддалари реаллигини текшириш 5.03.2016 – 10.03.2016 Алланазаров А.Г Молиявий натижалар кўрсаткич-лари реаллиги аниқланади 4“Бухгалтерия баланси” моддалари реаллигини текшириш 10.03.2016- 15.03.2016 Алланазаров А.Г Баланс моддалари реаллиги аниқланади 5Аудиторлик хисоботи ва аудиторлик хулосасини тайёрлаш 21.03.2016 25.03.2016 Алланазаров А.Г Аудиторлик хисоботи ва аудиторлик хулосаси тайёрлаади 5Аудиторлик текшируви натижаларини мухокама этиш ва тегишли карорларни кабул килиш 26.03.2016 30.03.2016 Алланазаров А.Г Аудиторлик текшируви натижалари асосида молиявий ҳисоботдаги четланишлар аниқланади ва уларни тузатишга оид тегишли карорлар кабул килинади Аудиторлик ташкилоти раҳбари Аудиторлик гуруҳи раҳбари

N 1 2 3 4 Аудит булимлари буйича аудиторлик тадбирлари руйхати Ўтказиш муддати, кун Бажарувчи Аудиторнинг иш хужжатлари Корхонада бухгалтерия ҳисоби ва ички назорат ҳолатини текшириш 2 Алланазаров А.Г Ҳисоб сиёсати, корхонада фойдала- наётган бухгалтерия ҳисобининг шакли, ва ишчи счётлар режаси Таъсис хужжатлари, корхона фаолиятининг хуқуқий асослари, устав капитали аудити 2 Алланазаров А.Г Таъсис шарт-номаси, корхона лицензияси корхона устави Молиявий натижалар тўғрисида ҳисобот моддалари аудити: *даромадлар *харажатлар *соликлар *якуний молиявий натижалар 6 Алланазаров А.Г Хўжалик опера-цияларини қайд этиш журнали, синтетик счётлар бўйича айланма қайдномаси, бош китоб журнал ордерлар ва қайдномалар Б у3хгалтерия баланси моддалари аудити *узок ва қиска муддатли активлар (асосий воситалар,номоддий активлар, молиявий ва капитал инвестициялар, ТМЗ, пул маблағлари, дебиторлик қарзлар) *мажбуриятлар (иш хаки, соликлар, банк кредити ва бошка карзлар) *хусусий капитал элементлари (устав капитали, резерв ва қўшилган капитал, тақсимланмаган фойда ва бошкалар) 6 Алланазаров А.Г Активлар, мажбурият-лар, хусусий капитал элементларини акс бошланғич ҳужжатлар, журналлар, синтетик счётлар бўйича айланма қайдномаси, бош китоб, журнал ордерлар ва қайдномалар Фикримизча, биз томонидан ишлаб чиқилган аудит режаси ва дастури транспорт-экапедицион хизматларни кўрсатувчи субъектлар фаолияти аудитини самарали ташкил қилиш ҳамда ўтказишда муҳим дастак ролини ўйнайди. Аудитнинг иккинчи босқичи - бу бевосита унинг ўтказилишидир. Ушбу босқичда тасдиқланган дастурга мувофиқ аудит объектлари танланган

усулларда текширишдан ўтказилади. Одатда, аудит текширувларини умумийликдан хусусийликка қараб (дедукция) ёки хусусийликдан умумийликка қараб (индукция) текшириш усуллари асосида ўтказиш мумкин. Ушбу усулларга мувофиқ корхоналар фаолияти кўрсаткичлари, мос равишда, юқоридан пастга ва пастдан юқорига қараб қуйидаги кетма- кетликда текширилади (расмга қаранг). Изланишлар “Самарқанд - тола” МЧЖ фаолияти асосан дедукция усулида аудит кўригидан ўтказилганлигини кўрсатмоқда. Ушбу усулга асосан “Самарқанд - тола” МЧЖда 2014-2016 йилларда “Жавлон-аудит сервис” ва “Комил-Ишонч” аудиторлик ташкилотлари томонидан ўтказилган аудиторлик текшируви натижаларига ишимизнинг 3-бобида тўхталамиз. Аудит текширувида аудиторлар кўпинча танлаб текширув ва ёппасига текширув усулларини қўллайдилар. Ушбу усулларни транспорт-экспедицион хизматларни кўрсатувчи субъектлар фаолиятига доир кўрсаткичларда қўллаш тартибини биз қуйидаги жадвалда умумлаштирдик.

жадвал Транспорт—экспедицион хизматлар аудитида қўлланиладиган усуллар № 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 Ҳужжатлар, кўрсаткичлар , ҳисоб бўлинмалари Аудитда қўлланиладиган усуллар Танлаб текшириш усули (+,-) Ёппасига текшириш усули (+,-) Счёт-фактуралар + Кирим касса ордери + Чиқим касса ордери + Касса китоби + Тўлов топшириқномалари + Банк кўчирмалари + Йўл варақалари + Сафар харажатлари бўйича бўнак ҳисоботлари + Корхона харажатлари + Корхона даромадлари + Солиқлар ва тўловлар + Фойда кўрсаткичлари + Асосий воситаларнинг ҳолати ва харакати + Амортизация ажратмалари + Қимматли қоғозлар бўйича олинадиган фоиз тўловлари + Иш ҳақининг тўғри ҳисобланиши + Иш ҳақидан ушланмалар + Дебиторлик қарзлар ҳолати + Кредиторлик қарзлар ҳолати + Ижобий ва салбий курс фарқлари + Устав капиталидаги ўзгаришлар + Қайта баҳолаш натижалари + Дивидендларнинг тўғри ҳисобланганлиги + Банкдаги бошқа счётлардаги операциялар + Товар- моддий бойликларнинг моддий жавобгар шахслар бўйича ҳолати + Хўжалик юритувчи субъектларда аудиторлик текширувини ўтказишнинг 3-босқичи бўлиб унинг натижаларини умумлаштириш ва расмийлаштириш ҳисобланади. Аудиторлик текшируви натижаларини умумлаштириш деганда шартномада кўрсатилган объектлар бўйича аудиторлик текширувида

аниқланган далилу-исботларни расмий ҳужжатларда акс эттириш тушунилади. Ушбу расмий ҳужжатлар бўлиб аудиторнинг ҳисоботи ва аудиторлик хулосаси ҳ исобланади. Ўзбекистон Республикасининг «Аудиторлик фаолияти тўғрисида Қонун»ига мувофиқ (18-модда) « аудитор ҳисоботи - бу аудиторлик текширувининг бориши, бухгалтерия ҳисобини юритишнинг белгиланган тартибидан аниқланган четга чиқишлар, молиявий ҳисоботдаги қоида бузарликлар тўғрисидаги муфассал маълумотлардан, шунингдек аудиторлик текшируви ўтқазиш натижасида олинган бошқа ахборотлардан иборат бўлган ва хўжалик юритувчи субъект раҳбарига, мулкдорига, қатнашчилари (акциядорлари) нинг умумий йиғилишига йўлланган ҳужжат». Хўжалик юритувчи субъектларнинг молиявий ҳисоботларини текшириш бўйича ўтқазилган аудиторлик текширувлари натижалари тўғрисида аудитор ҳисоботи 70-сон АФМС «Аудитор ҳисоботи ва молиявий ҳисобот тўғрисида аудиторлик хулосаси» га мувофиқ тузилади. Ушбу АФМС га мувофиқ аудиторнинг ҳисоботи қуйидаги уч қисмдан (бўлимдан) иборат бўлади. Қисм (бўлим) Нима акс эттирилади 1. Кириш қисм Аудиторлик ташкилоти ва аудиторлар тўғ рисидаги маълумотлар, шунингдек аудиторлик текширувини ўтқазишга доир умумий маълумотлар кўрсатилади 2.Асосий қисм Аудиторлик текширувини олиб бориш жараёнлари, ва текширув натижалари, мавжуд хато-камчиликлар, уларнинг сабаблари кўрсатилади. Ушбу қисм алоҳида мавзулар (бўлимлар)ни акс эттирувчи параграфларга бўлиниши мумкин 3.Хулоса қисми Текшириш объекти (объектлари) бўйича аудиторлик хулосаси, аниқланган четланишлар ва қонунбузарликларни бартараф этиш, шунингдек хўжалик юритувчи субъектнинг молиявий хўжалик фаолияти самарадор-лигини ошириш бўйича тавсиялар ва таклифлар берилади

Аудитор ҳисоботи икки нусхада тузилади ва унинг бир нусхаси буютмачига топширилади, иккинчи нусхаси аудиторлик текширувида қолади. Аудиторлик ташкилотида қоладиган нусханинг охирида аудиторлик текширувини буюртган ташкилот рахбари ва бош бухгалтерининг аудитор ҳисоботи билан танишганлиги ва унинг бир нусхасини олганлиги тўғрисида тилхат ёзилади ва имзоланади. Агар аудиторлик текшируви мулкдорлар, прокуратура ва бошқа ҳ уқуқни муҳофаза қилиш органлари буюртмаси билан ўтқазилган бўлса, у ҳолда аудиторнинг ҳисоботи уч нусхада тузилади ва унинг бир нусхаси аудитни буюртган томонга тақдим этилади. Ушбу ҳолатда аудитор ҳисоботи билан танишганлик ва уларни нусхаларини олганлик тўғрисидаги тилхатлар аудит ўтқазилган хўжалик юритувчи субъектнинг рахбари ва бош ҳисобчиси, шунингдек аудитни буюртган орган (шахслар) томонидан имзоланади. Аудиторлик ҳисоботининг ҳажми варақлар сони жиҳатидан, одатда, чегараланмайди. Аудитор ҳисоботининг ҳар бир варағи аудиторлик текширувини ўтказган аудитор (аудиторлар) томонидан имзоланади. Аудитор ҳисоботида акс эттирилган ахборот махфий ҳисобланади ва ошкор қилиниши мумкин эмас. Ушбу ахборотдан фойдаланган шахслар ахборотни ошкор қилганлик учун қонун ҳужжатларига мувофиқ жавобгарликга тортилади. Аудиторнинг ҳисоботи аудиторлик хулосасини тузишга асос бўлади. Ўзбекистон Республикасининг аудиторлик фаолияти тўғ рисида Қонунига асосан (19-модда) «аудиторлик хулосаси - молиявий ҳисоботнинг тўғрилиги ва бухгалтерия ҳисобини юритиш тартибининг қонун ҳужжатларида белгиланган талабларга мувофиқлиги тўғрисида аудиторлик ташкилотининг фикри ёзма шаклда ифодаланган, хўжалик юритувчи субъект молиявий ҳисоботидан фойдаланувчилар учун очиқ бўлган ҳужжат». Хўжалик юритувчи субъектларнинг молиявий ҳисоботларини текшириш бўйича ўтқазилган аудиторлик текширувлари натижалари тўғрисида

аудиторлик хулосаси 70-сон АФМС «Аудитор ҳ исоботи ва молиявий ҳ исобот тўғ рисида аудиторлик хулосаси» га мувофиқ тузилади. Ушбу АФМС га мувофиқ аудиторлик хулосаси худди аудиторнинг ҳисоботи каби қуйидаги уч қисмдан (бўлимдан) иборат бўлади: • Кириш қисм - унда аудиторлик ташкилотига доир маълумотлар кўрсатилади; • Асосий қисм - унда аудитни ўтқазилишига асос бўлган шартнома ва меъёрий ҳужжатлар, аудит объектлари, томонларнинг жавобгарликлари кўрсатилади. • Хулоса қисми - унда молиявий ҳисоботнинг қонунлар ва бошқа меъёрий хужжатларга мос келиши ёки келмаслиги кўрсатилади. Аудиторлик хулосаси юқорида келтирилган маълумотларни ўз ичига олган, қисқа мазмунли хужжат ҳисобланади. Аудиторлик ҳисоботи аудиторлик текширувини ўтқазган аудитор, аудиторлик ташкилоти раҳбари томонидан имзоланади ва аудиторлик ташкилоти муҳри билан тасдиқланади. Аудиторлик хулосаси камида уч нусхада тузилади, унинг икки нусхаси аудиторлик текшируви ўтказилган хўжалик юритувчи субъектга тақдим этилади, бир нусхаси эса аудиторлик ташкилотида қолади. Аудиторлик хулосасига корхонанинг аудиторлик текшируви материаллари асосида тузилган бухгалтерия баланси ва молиявий натижалар тўғрисидаги ҳисоботи илова қилинади. Аудиторлик хулосасига илова қилинадиган ушбу хужжатлар ҳам аудитор ва аудиторлик ташкилоти раҳбари томонидан имзоланиши, аудиторлик ташкилотининг муҳри билан тасдиқланиши лозим. Мажбурий аудиторлик текширувидан ўтган хўжалик юритувчи субъектлар олинган аудиторлик хулосасининг бир нусхасини давлат солиқ идорасига қонун ҳужжатларига мувофиқ тақдим этишлари ва қайд эттиришлари керак. Ташаббусли асосда аудиторлик текширувини ўтказган хўжалик юритувчи субъектлар ҳам олинган аудиторлик хулосаларини давлат солиқ органига топширишлари ва қайд эттиришлари мумкин. Аудиторлик хулосалари асосан тўртта турга ажратилади:

1.Ижобий аудиторлик хулосаси -бу молиявий ҳисоботни тўғрилиги, унинг қонунлар ва бошқа меъёрий ҳужжатларга тўлиқ мос келишини тасдиқловчи ҳужжат 2.Шартли ижобий аудиторлик хулосаси - бу молиявий ҳисоботнинг умуман тўғрилигини, унинг қонунлар ва бошқа меъёрий ҳужжатларга асосан мос келишини, шунинг билан бирга хўжалик фаолиятида унинг кўрсаткичларини бузиб кўрсатилишига ва фойдаланувчилар қабул қиладиган қарорларга муҳим таъсир этмайдиган айрим ҳолатларни борлигини тасдиқловчи ҳужжат. 3.Салбий аудиторлик хулосаси - бу молиявий ҳисоботни тўғри эмаслиги, унинг қонунлар ва бошқа меъёрий ҳужжатларга мос келмаслигини тасдиқловчи ҳужжат. 4.Аудиторлик хулосасини беришдан бош тортиш - бу молиявий ҳисоботни тўғрилиги, унинг қонунлар ва бошқа меъёрий ҳужжатларга мос келиш ёки келмаслигини аниқлаш учун мижоз томонидан етарлича маълумотлар тақдим этилмаганда аудиторлик ташкилоти томонидан тақдим этиладиган ҳужжат. Аудиторлик фаолияти тўғрисидаги қонун хужжатларига мувофиқ сохта тузилган аудиторлик ҳисоботи ва аудиторлик хулосаси учун уни тақдим этган аудиторлик ташкилотининг лицензияси, жавобгар аудиторларнинг малака сертификатлари бекор қилинади, шунингдек уларга жиноий жавобгарликга тортишгача бўлган жазо чоралари қўлланиши мумкин. Аудитнинг якуний босқичи бўлиб унинг натижаларини тадбиқ этиш ҳисобланади. Аудит натижаларини тадбиқ этиш деганда аудитор ҳисоботида акс эттирилган хато ва камчиликларни бартараф этиш бўйича амалга ошириладиган ишлар мажмуаси тушунилади. Одатда, ушбу ишлар аудиторлик текширувидан кейин кўпи билан 15 кун ичида ўтказилади. Аудит натижаларини тадбиқ этишга доир ишларга қуйидагилар киради:

•аудиторлик текшируви натижаларини хўжалик юритувчи субъект рахбарияти, мулкдорлар, кузатув кенгаши аъзолари ва бошқа қизиқувчилар иштирокида муҳокама қилиш; •аудиторлик текширувида аниқланган хато ва камчиликларни бартараф этиш бўйича тадбирларни ишлаб чиқиш ва уларни амалга ошириш муддатларини, аниқ маъсул ходимларни белгилаш; •аудиторлик текширувида аниқланган камчиликларни ҳақиқатда бартараф этилганлигини назорат қилиш ва муҳокама этиш. Аудиторлик текшируви натижаларини тадбиқ этишга маъсул бўлиб хўжалик юритувчи субъектларнинг раҳбарлари ҳисобланади. Раҳбар аудиторлик ташкилоти билан тузилган шартномага мувофиқ аниқланган хато ва камчиликларни текширувни ўтказган аудиторларнинг иштирокида ўтказиши мақсадга мувофиқ. Чунки, бир томондан, аудиторлар тўплаган исботу-далиллар асосида хатоларни қай даражадалигини, кимлар томонидан йўл қўйилганлигини, уларни қандай тузатиш кераклигини мутахассис сифатида чуқурроқ биладилар. Иккинчи томондан, аудиторлар иштирокида тузатилган хато камчиликлар тузатилган молиявий ҳисоботга расмий аудиторлик хулосасини олишни тезлаштиради. Транспорт-экспедицион хизматларни кўрсатувчи субъектлар фаолияти аудитининг ахборот таъминоти ва уни такомиллаштириш йўллари Транспорт-экспедицион хизматларни кўрсатувчи субъектлар фаолияти аудитининг самараси унинг ташкилий таъминоти сингари ахборот таъминотига ҳам бевосита боғлиқ. Аудитнинг ахборот таъминоти деганда, одатда, исботу далилларни йиғишда манба бўлиб ҳисобланадиган барча ахборотлар ва уларнинг ташувчилари тушунилади. Бундай ахборот манбаларини 2 та гуруҳга ажратиш, бизнингча, мақсадга мувофиқ. Булар: 1. Аудит ўтказишга асос бўлувчи меъёрий ҳуқуқий ҳужжатлар. 2. Аудит ўтказишда аниқланган маълумотларга гувоҳлик берувчи ва

уларни тасдиқловчи ҳужжатлар. Транспорт-экспедицион хизматларни кўрсатувчи субъектлар фаолияти аудити ахборот таъминотини ташкил этувчи ва юқоридаги иккита гуруҳга кирувчи ахборот манбалари таркибининг биз томонимиздан ишлаб чиқилган тизими 11-жадвалда келтирилган.

Аудитнинг мақсади ва аудиторларнинг муҳим вазифалари бўлиб, олдинги бобда таъкидлаб ўтилганидек, корхоналарда қонун ҳужжатларига амал қилиш ҳолатига баҳо бериш ҳисобланади. Ушбу мақсадга эришиш ва вазифани бажарилишини холис текширишда асосий манба бўлиб меъёрий- ҳуқуқий ҳужжатлар (қонунлар ва қонуности ҳужжатлари) ҳисобланади. Транспорт-экспедицион хизматларни кўрсатувчи субъектлар республикамизда асосан АЖ, МЧЖ, ХКлар шаклларида ташкил этилган. Турли мақомдаги ушбу корхоналар фаолияти аудитини ўтказишда айнан улар мақомини белгилаб берувчи қонунлар, чунончи “Акциядорлик жамиятлари ва акциядорлар ҳуқуқларини ҳимоя қилиш тўғрисида қонун”, “Масъулияти чекланган ва қўшимча масъулиятли жамиятлар тўғрисида қонун”, “Хусусий корхоналар тўғрисида қонун” асосий манба бўлиб ҳисобланади. Маълумки, ҳар бир субъект давлат солиқларини тўловчиси бўлиб ҳисобланади. Шу боис ҳам корхоналарни солиқ тўловчи нуктаи назаридан таҳлил килмаслик мумкин эмас. Бунда асосий манба сифатида, табиий равишда, республикамизнинг Солиқ кодекси бош ролни ўйнайди. Барча хўжалик юритувчи субъектларда меҳнат муносабатлари, чунончи ходимлар билан бўладиган молиявиймуносабатлар аудитнинг ўта муҳим объектлари бўлиб ҳисобланади. Аудиторлик текширувларида ушбу муносабатларни қонунийлигини текширмасдан аудиторлик хулосасини бериш мумкин эмас. Бунда асосий манба бўлиб, табиий равишда, республикамизнинг меҳнат кодекси ва ходимлар билан бўладиган молиявий муносабатларни тартибга солиб турувчи қонуности ҳужжатлари ҳисобланади. Аудиторлик текширувлари, мълумки, республикамизда махсус “Аудиторлик фаолияти тўғрисида қонун” (2000 йил) билан, шунингдек ушбуқонун асосида ишлаб чиқилган аудиторлик фаолияти миллий стандартлари (АФМС) асосида ўтказилиши шарт. Аудиторлар, бир томондан

ушбу қонун ва қонуности ҳужжатларига асосланишлари ҳамда уларга текширилаётган субъектларда амал қилиш ҳолатига баҳо беришлари лозим. Аудиторлик текширувларида корхоналарнинг ички меъёрий ҳужжатлари, чунончи “Бизнес режа”, “Ҳисоб сиёсати”, ички Низомлар, корхона раҳбарининг буйруқлари ҳам энг муҳим ахборот манбалари бўлиб ҳисобланади. Аудиторлар нафақат ушбу ички меъёрий ҳужжатларнинг мавжудлиги, балки уларнинг нақадар тўғри тузилганлиги, республикамиз қонун ҳужжатларига мослиги, ижроси ва бошқа жиҳатларига баҳо беришлари керак. Транспорт-экспедицион хизматлар аудитини улар фаолиятини бухгалтерия ҳисобига оид норматив ҳужжатлар, шунингдек амалга оширилган хўжалик операцияларига гувоҳлик берувчи бухгалтерия ҳисоби ҳужжатлари, регистрлари ва ҳисобларисиз амалга ошириб бўлмайди. Олдинги бобда таъкидлаб ўтилганидек, транспорт экспедицион хизматларни кўрсатувчи субъектлар даромадлари ва харажатлари таркиби, уларни шакллантириш тартиблари махсус норматив ҳужжатлар билан белгиланмаган. Улар ҳам барча бошқа субъектлар сингари даромадлар ва харажатлар ҳисобини Вазирлар Маҳкамасининг 1999 йил 5 февралдаги 54- сон қарори билан тасдиқланган “Маҳсулот (иш, хизмат) ларни ишлаб чиқариш ва сотиш харажатлари таркиби ҳамда молиявийнатижаларни шакллантириш тартиби тўғрисида Низом”, шунингдек амалдаги 21-сон БҲМсга асосан юритмоқдалар. Ушбу меъёрий ҳужжатлар, бироқ, соҳа субъектлари хусусиятларини тўлиғича қамраб олмаган. Шу боис ҳам, транспорт-экспедицион хизматларни кўрсатувчи субъектлар учун махсус тармоқ Низомини ишлаб чиқиш, шунингдек улар учун счётлар режасини тасдиқлаш фойдадан холи бўлмайди. Фикримизча, бундай норматив ҳужжатларни кабул килиниши транспорт-экспедицион хизматларни кўрсатувчи субъектларда улар фаолияти аудитини ўтказишнинг ахборот таъминотини янада яхшилашга имкон беради.

Транспорт-экспедицион хизматлар, олдин таъкидлаб ўтганимиздек, юкларни тушириш, сақлаш ва харидорларга юклашга доир ишлардан иборат. Ушбу хизмат турларидан олинадиган даромадлар ва уларга кетадиган сарф- харажатларни тасдиқловчи ҳужжатлар бўлиб буюртмачига тақдим этиладиган счёт-фактуралар, турли ҳисоб-китоблар, реестрлар ҳисобланади. Изланишлар мазкур ҳужжатларнинг типовой шаклларини тасдиқланмаганлигини кўрсатмоқда. Корхоналарда, чунончи “Самарканд- Тола” МЧЖда барча учун бир хил бўлган счёт-фактура тузилмоқда. Ушбу счёт-фактура транспорт-экспедицион хизматлардан олинадиган даромадларни тўғри ҳисоб-китоб қилинганлигини бевосита ушбу ҳужжатлар асосида назорат қилиш имконини бермайди. Фикримизча, счё-фактуранинг ахборот бериш имкониятини кенгайтириш мақсадида унинг предмет қисмида кўрсатилган хизмат тури, унинг ҳажмини ифодаловчи ўлчов бирлиги, бир бирлик хизмат тарифи, хизматга тўғри келадиган тўлов суммаси кўрсатилиши лозим. Шунингдек, бизнингча, счёт-фактураларни ҳар бир хизмат тури бўйича алоҳида-алоҳида тузиш мақсадга мувофиқдир. Шуни ҳам таъкидлаш жоизки, ҳозирги кунда пахта терминаллари томонидан “Ўзпахтаэкспорт” га тақдим этилаётган реестр ҳам фақат счёт- фактуралар тартиб рақамлари ва уларнинг умумий суммасини кўрсатиш билан чегараланиб қолган. Мазкур реестрдан қайси хизмат учун қанча ҳақ талаб этилаётганлиги тўғрисида ахборот олиб бўлмайди. Бизнингча, ушбу реестрни хизматлар турлари кесимида қуйидаги шаклда тузиш ва “Пахтаэкспорт” АЖга тақдим этиш мақсадга мувофиқдир (жадвалга қаранг).

Транспорт-экспедицион хизматларни кўрсатувчи субъектларда даромад ва харажатлар ҳисобини аск эттиришга мўлжалланган счётлар тизимларини ҳам такомиллаштириш заруратлари мавжуд. Чунончи, транспорт - экспедицион хизматларнинг алоҳида турларидан олинаётган даромадлар тизимли ҳисобини юритиш учун тармоқ счётлар режасида қуйидаги счётларни назарда тутиш лозим, деб ҳисоблаймиз: *9031 “Юкларни тушириш хизматларидан даромадлар” *9032 “Юкларни сақлаш хизматларидан даромадлар” *9033 “Юклаш хизматларидан даромадлар” *9034 “Бошқа хизматлардан даромадлар”. Ушбу тавсия этилаётган счётларни алоҳида хизматларни тасдиқловчи ҳужжатлар асосида юритилиши уларда ҳар бир хизмат туридан олинган даромадлар тўғрисидаги ахборотларни тизимли шакллантирилишига имкон беради. Бу, ўз навбатида, аудиторлар томонидан хизматлардан олинган даромадлари реаллигини текширишни енгиллаштиришга, шунингдек унга кетадиган вақт сарфини анчагина камайтиришга имкон беради.

Транспорт - экспедицион хизматлар таннархи кўрсаткичининг муҳим аҳамиятга моликлигини эътиборга олиб, ҳар бир хизмат тури таннархини тизимли ҳисобини юритиш учун тармоқ счётлар режасида қуйидаги счётларни назарда тутиш лозим, деб ҳисоблаймиз (жадвалга қаранг). жадвал Транспорт - экспедицион хизматлар таннархи ҳисобини юритишга мўлжалланган счётлар тизими (тавсия) Хизматларни кўрсатиш жараёни Хизматларни сотиш жараёни 201 1 Юк тушириш хизматлари 9131 Юкларни тушириш хизматлари таннархи 201 2 Юкларни сақлаш хизматлари 9132 Юкларни сақлаш хизматлари таннархи 201 3 Юклаш ортиш ва жўнатиш хизматлари 9133 Юклаш хизматлари таннархи 201 Бошқа хизматлар 9134 9139 “Бошқа хизматлар Транспорт - экспедицион хизматларни кўрсатувчи субъектларда давр харажатлари ҳисоби “Маҳсулот (иш, хизмат) ларни ишлаб чиқариш ва сотиш харажатлари таркиби ҳамда молиявийнатижаларни шакллантириш тартиби тўғрисида Низом” да белгиланган моддалар ҳамда 21-сон БҲМСда келтирилган счётлар кесимида юритилиши лозим, деб ҳисоблаймиз. Фикримизча, юқорида келтирилган таклифларимиз транспорт- экспедицион хизматларни кўрсатувчи субъектларда бухгалтерия ҳисобини янада такомиллаштиришга, шунингдек уларда ўтказиладиган аудиторлик текширувлари ахборот таъминотини яхшилашга имкон беради.

Адабиётлар: 1. Ўзбекистон Республикаси Конституцияси. - Т: “Ўзбекистон”, 2012 (кейинги ўзгартиришлар ва қўшимчалар билан). 2. Ўзбекистон Республикаси Солик кодекси. 25.12.2007 й. ЎРҚ-136- сон Қонуни билан тасдиқланган) 3. Ўзбекистон Республикаси қонуни “Бухгалтерия ҳисоби тўғрисида”, 2016 йил 13 апрель 4. Ўзбекистон Республикаси қонуни “Аудиторлик фаолияти тўғрисида”, 2000, 25 май 5. « 2017 - 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси» Ўзбекистон Республикаси Президенти Ш.М. Мирзиёевнинг 2017 йил 7 февралдаги «Ўзбекистон Республикасини янада ривожлантириш бўйича ҳаракатлар стратегияси тўғрисида» 4947-сон фармони билан тасдиқланган. 6. “2016-2020 йилларда хизматлар соҳасини ривожлантириш дастури тўғрисида”. Ўзбекистон Республикаси Вазирлар Маҳкамасининг 2016 йил 26 февралдаги 55-сонли қарори. 7. «Ишлаб чикарилган ва сотиладиган пахта толаси учун ҳисоб- китоб қилиш механизмини такомиллаштириш тўғрисида». Ўзбекистон Республикаси Вазирлар Маҳкамасининг 2003 йил 3 июндаги 240- сонли қарори 8. “Маҳсулот (иш, хизмат)ларни ишлаб чиқариш ва сотиш ҳаражатлари таркиби ҳамда молиявий натижаларни шакиллантириш тартиби тўғрисида Низомни тасдиқлаш тўғрисида”.Ўзбекистон Республикаси Вазирлар Маҳкамасининг 1999 5 февралдаги 54-сон қарори

Похожие

Транспорт-экспедицион хизматларни кўрсатувчи субъектлар фаолияти асосий кўрсаткичлари реаллигининг аудити ва улар бўйича бизнес режа бажарилишининг таҳлили

Транспорт-экспедицион хизматлар аудитининг назарий асослари

Мамлакат ягона транспорт тизими эксплуатациясини такомиллаштириш

Транспорт воситаларининг техник ҳолати ва ишлаш қобилияти

Автомобил транспорт воситаларини танлаш ва уларни ҳисоблаш.