Корпус деталларини тайёрлаш. - Транспорт - Рефераты

Корпус деталларини тайёрлаш.

Загружено в:

20.09.2019

Скачано:

0

Размер:

375.5 KB

Корпус деталларини тайёрлаш. Режа: 1. Умумий ва конструктив технологик хусусиятлари. 2 .Орқа кўприклар картерини кўриниши. 3. Кичик литражли автомобилларнинг орқа кўприги картерини тайёрлаш. 4. Цилиндрлар блокини тайёрлаш.

1.Умумий ва конструктив технологик хусусиятлари. Корпус-деталлари (корпуслар) ичига алоҳида деталлар ва йиғма жойлаштирилган. Корпуслар мураккаб шаклга эга бўлади. Уларда ишлов бериш мақсадида станок моламаларига ўрнатиладиган оддий ва ишончли асос юза йўқ, шунинг учун улар ишлов бериш жараёнида ҳам, станокдан станокка узатилаётганда ҳам йўлдош-мосламаларга ўрнатилган ҳолда туради. Ишлов беришда технологик асос сифатида бир-бирига параллел, иккита аниқ тешик ва ҳамма амалларда бир хил мосламалардан фойдаланиш имконини беради. Агар корпусдаги асос юзалар қониқарли бўлмаса (масалан, калта бўлса) ёки асос тешиги умуман йўқ бўлса, унда технологик юза ҳосил қилиб, тешиклар очилади ва шуларга таяниб ишлов берилаверади. Корпусларга ишлов бериш учун автомат қаторлардан фойдаланилади. Уларда кесиб ишлаш бўйича турли-туман амаллар: фрезалаш, сидириш, пармалаш, резьба кесиш, тешикни йўниб кенгайтириш, хонинглаш ва шу кабилар бажарилади. Кесиб ишлашдан ташқари айрим йиғув ишлари (втулкаларни уриб киритиш, болтларни қотириш ва ҳ.к.), ювиш, синов ва назорат амаллари ҳам бажарилади. Корпуслар асосан кулранг ва болғаланувчи чўянлардан ёки алюминий қотишмаларидан қуйиб тайёрланади. Шунингдек, пўлат листлардан штамплаб пайвандланган корпуслар ҳам бўлади (кичик литражли автомобилларнинг орқа кўприк картери, юк автомобилидаги олдинги тортувчи кўприк корпуси, ЗИЛ-131 двигателининг картери ва б.). Қуйма корпусларнинг энг катта ўлчамлари ва массаси, материали ва тайёрлаш усули деворлар қалинлигини белгилаб берадиган энг муҳим омиллар ҳисобланади. Штамплаб пайвандланган корпуслар чўян қуймаларга қараганда кичикроқ, енгилроқ ва ишловга қулайроқ бўлади. Бундай корпусларнинг айрим қисмларини турли конструкцион материаллардан: катта куч остида ишлайдиганларини юқори мустаҳкамликка эга бўлган легирланган ва углеродли пўлатдан тайёрлаш мумкин. Шунингдек, сортли ва мураккаб бичимли прокат, штампланган ва қуйма қисмларни аралаш ишлатиш мумкин. Автомобилнинг корпус деталлари конструкцияси ва ўлчамлари жиҳатидан турли- туман, шунинг учун уларни тайёрлаш технологик жараёнлари ҳам бир-бирига ўхшамайди. Мисол тариқасида бир нечта шундай деталларни тайёрлашни ўрганамиз: орқа кўприк картери, кичик литражли автомобил узатмалар қутисининг картери, цилиндрлар блоки, енгил автомобил тирсакли валнинг ўзак подшипниклари қопқоғи ва ҳ.к.

2. Орқа кўприклар картерини кўриниши. Конструктив ва технологик хусусиятлари. Орқа кўприк катта кучлар таъсирида ишлайди. У турли материаллардан ясалган, турли шаклларга эга деталларни пайвандлаб, уриб, ўрнатиб, тайёрланади. Қуйма корпусли ва штампланган кожухли ажралмас бирикмаларда қувурлар, цапфалар, кронштейн ва ҳ.к. деталлар ишлатилади. Картерни йиғишдан олдин бундай деталларнинг заготовкалари металл кесувчи станокларда ишланади, сўнгра йиғилган картерга якуний ишлов берилади. Орқа кўприкнинг картерида бошқарувчи ва бошқарилувчи тишли конуссимон ғилдираклар, дифференциал ва ярим ўқлар жойлашган; картернинг цапфасида ғилдирак, гупчаги, ярим кожухда-тормоз диски, осма таянчи ва бошқа деталлар ўрнатилади. Юқорида айтилган хусусиятларга кўра картер етарли даражада бикр ва аниқ бўлиши керак. Конструкцияси жиҳатидан орқа кўприк картерлари яхлит қуйма, штамплаб пайвандланган усулда тайёрланган бўлади. Яхлит қуйма картерлар бикр, оғир ва катта бўлади. Улар катта юк кўтарувчи автомобилларда, катта қувватли шатаклагичлар, ғилдиракли ва ўрмаловчи тракторларда ишлатилади. Кўп юк кўтарадиган автомобилларнинг картери қуйма пўлатдан, яримўқлар эса пўлат қувурлардан тайёрланади. Унча кўп бўлмаган юк кўтарувчи автомобиллар ва кичик тракторлар картери болғаланувчан чўяндан ясалади. Яхлит картер заготовкаси хом қум қолипларда олинади. Бу қолипларни эса, металл моделлар бўйича машина ёрдамида қолиплаб тайёрланади. Олинадиган қуйманинг аниқлиги ГОСТ 2009-55 бўйича 1-классга тўғри келади. Бундай заготовкаларни кесиб ишлаш анча қийин ва қиммат, чунки конструкциянинг картери икки кўринишда тайёрланади: орқа кўприк механизмлари учун картер. Кейингиси технологиябоплироқ, чунки кичикроқ, енгил ва қулай. Штамплаб пайвандланган картерлар юк кўтарувчанлиги ўрта ва кичик бўлган юк автомобилларида, кичик литражли енгил автомобилларда ишлатилади. Бу конструкция яхлит қуйма конструкцияларга қараганда кичик, енгил ва кам чиқиндили, бироқ бикрлиги нисбатан кам, тайёрлаш қийинлиги юқори ва дастлабки материали қиммат. Унинг бикрлигини ошириш учун кўп куч тушадиган жойларга қовурғалар, дисклар учбурчак таянчлар пайвандлаб қўйилади. Бу картерлар икки бўлакдан иборат бўлиб, ҳар бир бўлак пўлат тунукадан штамплаб тайёрланади: кўринишидан - тоғарасимон балка, бир-бирига ёпиштирилганда кийимнинг енгига ўхшаб қолади. Унинг қалинлиги автомобилнинг юк кўтариш қобилятига қараб 3,5- 9,5 мм бўлади.

Аралаш тайёрланадиган картерлар ўрта класс енгил автомобилларда ва юк кўтариш қобилятига ўрта ва катта бўлган юк автомобилларда қўлланади. Бу конструкциянинг марказий қисми-бош узатманинг корпусидир. У, одатда, болғаланувчан чўяндан қуйиб тайёрланади. Оғир шароитларда ишлайдиган автомобиллар ва тягачларнинг бош узатма корпуси пўлатдан қуйилади ёки штампланган ва очилиб-ёпиладиган қопқоқ билан яхлит қуйилган ҳолда тайёрланади. Бундай корпус икки бўлакдан ажралади ва уларнинг ичига дифференциал қутисининг подшипниклари ўрнатилади. Картернинг иккала конструкциясида ярим ўқлар ғилофининг қувури пресслаб кегизиладиган енг бор. /илдиракли тракторларнинг орқа кўприк картери яхлит қуйма бўлиб, ярим ўқнинг қуйма енглари унга бураб қотирилган. Бош узатманинг қуйма корпуси ярим ўқлар ғилофи билан улангунга қадар кесиб ишлашдан тўлиқ ўтади. /илоф, пўлат қувурлардан тайёрланиб, учининг ташқи диаметри цапфа билан пайвандлашга мосланиб «ўтқазилади». Цапфалар тормоз лаппагининг фланеси билан яхлит қилиб ёки дисксимон фланес кўринишда тайёрланади. Уларни улашга тайёрлаб қўйилган яримўқ ғилофининг ишловидан чиққан бўйнига ўтказиб, сўнгра пайвандланади. Шундан кейин кесиб ишланадиган якунловчи ишлов берилади. Аралаш тайёрланган картернинг афзаллиги-унинг ихчамлигида ва турли қисмларни ҳар хил материлдан тайёрлаш имкониятидир. Камчиликлари-уланмалар кўп бўлгани сабабли бикрлиги етарли бўлмайди, шу сабаб девор қалинлигини кўпайтириш ва ўтказиш юзаларини каттароқ масофага чўзиш керак. Орқа кўприклар картери конструкциясининг турли-туманлигига қарамай, ўлчамларнинг аниқлигига, туташув юзаларнинг ғадир-будурлигига ва уларнинг ўзаро жойлашуви аниқлигига бўлган умумий тарафларни ёзиш мумкин: - цапфанинг думалаш подшипниги ва ғилдирак гупчаги мой тутқичи қўйиладиган бўйни диаметри 6-7 квалитет аниқликда ва юза ғадир-будурлиги R a қ1,25 мкм бўлиши керак; - енгил автомобилларнинг штамплаб пайвандланган ва аралаш тайёрланган картеридаги подшипник ўрни 6-7, баъзан 5- квалитет аниқликда ғадир-будурлиги R a қ1,25 мкм бўлиши керак; - юк автомобилларининг яхлит қуйма ва штамплаб уланган картерининг ўртасидаги, бош узатма корпуси ўрнатиладиган тешик 8-9 квалитет аниқликда ишланиши керак(300-400 мм диаметрли тешик аниқлиги 0,10-0,15 мм); - енгил автомобилларнинг штамплаб пайвандланган картерининг ўртасидаги катта тешик аниқлиги - Н14. Қуйма картердан фарқли ўлароқ бу картер ишлатилганда бош

узатма корпусини марказлаштириш ўрнатиладиган юзаларига эмас, координат тешикларга мўлжалланади; - яхлит қуйма картерлардаги ярим ўқлар ўрнатиладиган тешик, аралаш тайёрланган картерларнинг енгидаги (ташқи) ярим ўқлар ғилофи ўрнатиладиган тешик ва марказлаштирадиган чуқурчалар, тракторларнинг орқа кўприги картеридаги яримўқларнинг ҳажмдор ғилофи ўтказиладиган тешик 7-8 квалитет аниқликда ва тешик ғадир-будурлиги R a  2,5 мкм бўлиши керак; - яримўқлар ғилофидаги ташқи ўтказиш бўйинларининг ва яримўқ қувури, қувурлар ўтказиладиган тешикларнинг ўқдошлиги 0,05 мм; - бош узатма корпусининг таянч юзасидан яримўқлар марказигача бўлган масофа аниқлиги 0,2-0,3 мм; - бош узатма корпусининг таянч юзаси ва яримўқларнинг чизма ўқи орасидаги нопараллеллик 300 мм узунликда 0,10-0,15 мм дан ошмаслиги керак. 3.Кичик литражли автомобилларнинг орқа кўприги картерини тайёрлаш. Штамплаб-пайвандлаб тайёрланган картер заготовкасини ясаш ва унга кесиб ишлов бириш технологик схемалари бир-бирига ўхшайди. Фарқи-жараёнларнинг комплекслигида. Масалан, Москва автомобил заводида («Москвич») картер бўлакларни пайвандлаш фланесни пайвандлаб ёпиштириш ишлари автомат қаторига бириктирилмаган пайвандловчи автоматларда бажарилади, фланесни пайвандлаб улашдан олдин картер учларига тешик кенгайтирувчи икки томонини станок ёрдамида ишлов берилади. Волга автомобил заводида орқа кўприк картерлари заготовкасини пайвандлаш ва механик ишловдан ўтказиш учун автомат ёки автоматлаштирилган қаторлар комплексидан фойдаланади. Комплекс учта оқимдан иборат. Ҳар қайси оқимда 4 тадан автомат қатор, 3 тадан автоматлаштирилган қатор ва зичликни текширадиган автомат қурилма бор. «Жигули» автомобили орқа кўприги картерини тайёрлаш учун қаторлар комплекси. 34-расмда автомобил картери кўрсатилган. У юқорига ва пастки қисмлардан иборат. Қисмлар қизиган ҳолда жўваланиб, ўрама қиладиган пўлат тунукадан совуқлайин штамплаш усулида тайёрланган. Пўлатнинг русуми 15КП(НВ143), қалинлиги 3,5  0,15 мм. Қисмлар узунасига жойлашган иккита чок билан пайвандланган. Қувур шаклига кирган картер учларига болғалаб тайёрланган иккита фланес (1) пайвандланади. Улар 30 (НВ179) русумли пўлатдан ясалади. Унда яримўқлар подшипниги 34-расм. Жигули автомобили ор=а кыпригининг штамлаб пайвандланган картери.

ва мой тутқичлар ўрнатиладиган жой ва тормоз ҳитлари билан подшипникларни қотирадиган пластиналарнинг болти кирадиган 4та тешик бор бўлиб, улар ҳам ишловдан ўтади. Картернинг ўртаси кенгайган ва катта тешиги бор. Тешикнинг гардиши қайрилиб, фланес (5) таянч юзага айлантирилган. Унга бош узатманинг картери уланади. Фланеснинг 2 томонига 2та ярим ҳалқа қопланиб пайвандланган бўлиб, уларда 8та М8х 1,25 ўлчамли резьба бор. Ўртадаги бу катта тешик орқа томондан қопқоқ билан беркитилган. Қопқоқда мой қуйиш тешиги бор. У конуссимон резьбаси билан ўз-ўзидан зичланиб кирадиган тиқин билан беркитилади. Мой тўкиш тешиги (6) картернинг пастида бўлиб, у ҳам тиқин билан беркитилган. Картернинг юқориги қисмида ҳаво кириб туриши учун сапун ўрнатилган. Картер юқориги бўлагининг консол қисмига 2та ёстиқча (2, османинг пружиналарини ўрнатишга хизмат қилади), кронштейн (3, османинг юқориги штангасини ўрнатишга хизмат қилади), скобалар (4, гидротормоз найчаларини ўрнатишга хизмат қилади), кронштейн (орқа тормозлардаги босимни ростлайдиган юритгичга хизмат қилади) ва баъзи бир бошқа деталлар пайвандланган. Картер пастки бўлагининг консул қисмига кронштейн (7)лар (пастки штангалар ва орқа осма амортизаторларига хизмат қилади) пайвандланган. Орка кўприк картерини ясаш иккала бўлакни штамплаб тайёрлашдан бошланади. Бўлаклар биринчи 8 вазиятли автомат қатори икки томонлама узунасига кетган чок билан, флюс остида пайванланади ва шлаклар тушуриб ташланади. Кейин заготовка 15 вазиятли автомат қаторга узатилади (2-расм). Бу қатор 4та бир ва икки томонлама ишлайдиган горизонтал ва вертикал агрегат станоклардан (С1,С2,С3,С4) ва тамғаловчи механизмдан иборат. Қаторнинг асосий техник кўрсаткичлари: Унумдорлик, дона/с …………………………………………….60 Станоклар , дона…………………………………………………….4 Куч берувчи каллаклар, дона……………………………………….5 Ишчи вазиятлари, дона………………………………………………5 35-Расм. Ор қ а кыприк картери заготовкасини кесиб ишлайдиган 15 ў ринли автомат қ атор схемаси.

Б у р и л и ш с т а н ц и я с и , д о н а … … … … … … … … … … … … … … … … … … . 1 Электр двигателлари, дона………………………………………………15 Электр двигателларининг умумий қуввати, кВт …………………60 Қаторнинг ўлчамлари, м …………………….……………12,5х6,2 Масса, т………………………………………………………………44,5 Қатор бажарадиган ишлар: кўндаланг юзаларни кесиш, тешикни йўниб кенгайтириш ва икки томондан рах чиқариш (икки томонлама, горизонтал агрегат станок - С1); узунасига туширилган, бир томондан пайванд чокини тозалаш (вертикал фрезаловчи) худди шундай чокни-иккинчи томондан- тозалаш (С3); тамғалаш; картер заготовкаси ўртасидаги тешикни йўниб кенгайтириш ва рах чиқариш (икки шпинделли, вертикал, кесиб кенгайтирувчи агрегат станок-С4). Учинчи, 9 вазиятли автомат қаторда иккита фланес-картер (яримўқлар ғилофи) билан, иккита пастки кронштейн-орқа османинг амортизатори билан уланади, бошқа деталлар флюс остида пайвандланади. Автоматлаштирилган, 4 вазиятли қаторда осма пайвандлаш машиналари ўрнатилган. Улар пайванд чокларини, учма-уч туташган жойларни пайвандлаб тугатади, ярим халқа қопламаларни ичкаридан пайвандлайди. Деталлар вазиятдан вазиятга транспортёр билан ташиб турилади. Шундан сўнг заготовкалар осма транспортёрга илиб қўйилади. Бу транспортёр бошқа йўналишдан қопқоқларни олиб келади, улар картерга флюс остида пайвандланади. Кейин автомат пневматик ускуна заготовканинг зичлигини текширади, шундан сўнг заготовкалар тозалаш ва бўяш қаторига олиб кетилади. Ундан кейин шу осма конвейернинг ўзи тайёр маҳсулотни 16 тонналик гидропрессларга олиб боради. Пресс картерни узунасига ва кўндалангига сиқиб, тўғрилайди. Иккита пайвандловчи ва битта механик ишлов берадиган бу қаторлар занжирли транспортёр- тўплагич воситасида ўзаро уланади. Пайвандловчи машиналар, тўғриловчи пресслар, назоратчи постлар ва зичликни текширадиган автоматик ускуна, ҳаммаси конвейер воситасида ўзаро боғланган. Орқа кўприк картери заготовкасини тўлиқ кесиб ишлаш. Орқа кўприк картерининг асосий юзалари: редуктор картери маҳкамланадиган таянч юза; орқа кўприк ретуктори маҳкамланадиган болт тешиклари; орқа тормозлар шчитини улашга мўлжалланган тешиклар; подшипникларнинг таянч текислиги ва орқа тормоз шитлари. Орқа кўприк картерини кесиб ишлашга бўлган асосий талаблар: редуктор уланадиган таянч юзанинг ғидир-будурлиги R z қ20 мкм дан ортиқ бўлмасин; резьбали тешикларнинг қийшиқлиги ва оғиш 0,08 мкм гача; подшипниклар ўрнатиладиган тешиклар - Ø 030,0 005,072   мм; мой тутқичлар ўрнатиладиган

тешиклар -Ø45 + 0,06 мм; бу тешикларнинг ғадир-будурлиги R z  2,5 мкм; подшипникларнинг таянч текислиги орасидаги масофа 1208  0,05 мм. 4.Цилиндрлар блокини тайёрлаш. Цилиндрлар блокининг конструктив ва технологик хусусиятлари. Автомобил двигателининг цилиндрлар блоки-асосий узеллардан биридир. У мураккаб конструкция бўлиб, кривошип-шатунли механизм, мой хайдагич, газ тақсимлагич, тирсакли валлар ва шу кабиларни ўз ичига олади. Цилиндрлар блокига каллак, илашма картери, таглик, тақсимлаш тишли ғилдираклар қопқоғи, сув насоси кабилар маҳкамланади. Цилиндрларнинг жойлашувига қараб блоклар икки хил бўлади, бир қаторли ва V -симон. Цилиндрлар блоки чўяндан ёки алюминий қотишмасидан тайёрланади. Иш хажми кичик двигатель блокида қуруқ ярим гильза кўринишидаги цилиндрлар бир қаторда жойлашади. Ўрта ва катта иш хажмига эга бўлган двигателлар блокидаги цилиндрлар V -симон йўналишда жойлашади; блокнинг ўзи чўян ёки алюминий қотишмасидан қуйиб тайёрланади; цилиндр вазифасини сув билан совутиладиган чўян гильзалар бажаради; клапанлар тепадан пастга очилади. Чўян блокларни газ чиқарувчи клапанлар учун ўта чидамли легирланган қотишмалардан тайёрланган, алмаштирилувчи ўриндиқлар қўйилади. Цилиндрлар блокига кесиб ишлов бериш технологик жараёнларининг хусусияти шундаки, битта холатда икки томондан ишланаётган блок ўлчамлари юқори аниқликда бажарилиши ва юзалар билан ўрнатув тешиклари бир-бирига нисбатан аниқ жойлашиши зарур. Масалан, цилиндр кўзгуси ва тирсакли валнинг ўзак подшипниклари вкладиши уясининг ўлчамлари ва шаклининг аниқлиги, каллак қўйиладиган юзанинг ўзак подшибниклар ўқига нисбатан жойлашувидаги аниқлик. Цилиндрлар блоки мураккаб шаклли бўлганидан, қўйилган заготовка совуш пайтида деформацияланади. Шунинг учун қуйманинг нуқсонларини аниқлаш ва деформациянинг камайтириш мақсадида тоза (нозик) ишловнинг дастлабки технологик амалларида энг катта ўлчамларга эга бўлган юзалардан (узунлик ва юза) ишлов қатлами (қўйим) олинади. Бундай узунлик ва юза бир қаторли блокда юқориги ва пастки, олдинги ва орқа юзалар ҳисобланади. Патки юза таглик (поддон) билан, юқори юза-блок каллаги билан туташади. Уларга барабан- фрезерли ёки сидириш станокларида ишлов берилади. Олдинги юза тақсимлаш тишли ғилдираклар қопқоғи билан, орқа юза-илашма картери билан туташади. Улар узунасига фрезаловчи ёки барабан- фрезали станокда ишланади. Юқориги ва пастки юзаларга ишлов беришда цилиндрлар блоки ёрдамчи технологик базаси билан ўрнатилади. Бундай база сифатида блокнинг ён томонида, пастроқда, икки томонда иккитадан жойлашган (1 ва 2) тўртта қуйма 36-расм. Цилиндрлар блокининг к ў ринишлари.

бўртма хизмат қилади. Дастлаб бўртмалар ихтисослаштирилган кўп шпинделли фрезалаш станогида фрезаланади. Бунда блокни ўзак подшипник вкладишлари қўйиладиган иккита чекка уяси билан асослаб, пружиналаштирилган призма шаклли иккита ўрнатув сухарлар билан тираб қўйилади. Блокнинг тирсакли вал бўйлаб мўлжалини олиш учун учи қирқилган конус втулка ёрдамида охирги цилиндрнинг муайян ҳолати турғунлаштирилади. Шу тиқин ва яна, ясси қисқич ёрдамида блок пастки юзаси билан мослама плитасига босиб қўйилади. Ўлчамлари ва массаси катта бўлмаган блокларнинг технологик бўртмалари фрезалашда, блокни кенгаювчи иккита оправкага, энг чеккадаги иккита цилиндри билан ўрнатилади (оправка цилиндрларга киради). Блокни иккита бўртма ва пастки юзаси билан асослаганда қўшимча қилиб, иккита тешик (ёрдамчи технологик асос) очилади ва развёрткаланади. Блокнинг олдинги ва орқа юзаларини фрезалашда ҳам блок худди шу тарзларда асосланади. Автомат қаторларда ишлов берилганда ўзгармас асослар-блокнинг пастки юзаси иккита ўрнатув тешиги билан (ёрдамчи технологик асаслар)-иш беради.(37-расм) V -симон цилиндрлар блокининг заготовкаси пастки юзалар ва иккита ўрнатув тешиги билан асосланади. Бу юзалар автомат қаторда ишланади: асос сифатида технологик бўртмаларнинг текислиги ва ўзак подшипниклар уяси олинади. Блокни автомат қаторда хомаки мўлжаллаб олиш учун унинг ён текислигидаги бўртмаларнинг кўндаланг юзасидан фойдаланилади. Цилиндрлар блоки заготовкасини олиш. Цилиндрлар блоки-мураккаб ва кўп меҳнат талаб қиладиган қуйма деталдир. Юзаларнинг кўплиги ва мураккаблиги, нисбатан юпқа ташқи ва ички деворлар, кескин ўтишлар, бикрлик учун қўйиладиган қовурғалар, шунингдек детал заготовкасига қўйиладиган юксак талаблар-ҳаммаси қуйма заготовка олиш технологиясини мураккаблаштириб боради. Масалан, стерженларни тайёрлаш, уларни бир-бири билан туташтириш, блокни қуйиш ва ҳ.к. Мураккаб шаклли стерженларнинг ўлчамлари ва шаклларини аниқ таъминлаш мақсадида улар махсус мосламалар ёрдамида бир-бирига ёпиштирилади. Уларни юқориги ва пастки ярим қолипларга ўрнатишда ҳам махсус мосламлардан фойдаланилади. Цилиндрлар блоки заготовкаси СЧ 18, СЧ21 ва бошқа русумли кулранг чўянлардан, қум қолипларга машина ёрдамида қуйиб тайёрланади. Эриган чўяннинг ҳарорати 1340 0 С дан кам бўлмаган пайтда қолипга қуйилади. Блок заготовкасининг мураккаблигини ҳисобга олиб, қуйманинг ҳарорати 500 0 С дан тушгандагина опокадан чиқариб олинади, стерженлар эса 400 0 С дан пастроқда чиқарилади. Қуйма майда донали, зич таркибга эга бўлиши керак; чуқурчалар, дарзлар ва бошқа хилдаги қуйма нуқсонлар 37-расм. Цилиндрларнинг айрисимон блоки заготовкасидаги асос юзалар ва тешиклар.

бўлмаслиги лозим. Асосий сиртлар ва ён томондаги юзалар текис бўлиши талаб қилинади. Қотиб қолган қуйиш ариқчаси, ҳовураклар (выпор) ортиқча қуйилмалар ва нотекисликлар махсус камераларда питра билан отиб тозаланади. Блокнинг ички юзаларидаги қум ва тупроқ қолдиқлари ҳам шу камераларда чиқариб ташланади. Заготовка 150-200 0 С ҳароратда, 5 соат давомида чиниқтирилади. Цилиндрлар, сув ғилофи ва газ ўтказувчи йўлаклар деворларининг қилинлиги-номинал ўлчамдан 2мм дан ортиқ оғмайдиган қилиб ишланади. Чизмада кўрсатилмаган қуйма радиуслар 5 мм, қияликлар эса 2 0 гача олинади. Чўян заготовкаларнинг қаттиқлиги НВ 143-289 бўлиб, у кулранг чўян русумига боғлиқ. Ҳар бир блок заготовкасининг сув ғилофи (3-5) 10 5 Па миқдоррда суюқлик босими билан, 3 минут давомида синалади. Бунда ҳеч қаердан сув сизмаслиг ёки терлаш ҳодисаси бўлмаслиги лозим. Чўян блокларни кесиб ишлаш учун бир томонга 3-5 мм қўйим қолдирилади. Цилиндрлар блоки алюминий қотишмасини металл қолипларга ёки босим остида-металлдан ясалган пресс-қолипларга қуйиб тайёрланади. Бундай блоклар чўяндан ишланганларига нисбатан енгил, механик ишловга қолдирилган қўйим кам бўлади; уларнинг ишлов бериладиган жойлари ҳам камроқ- уланадиган ва бошқа деталлар билан бирикадиган текисликлари ишланади, холос. Босим остида (10-12)10 6 Па қуйиш вертикал ҳолатда, махсус машиналарда бажарилади. Бунда пресс-қолип 250 0 С гача, алюминий қотишмаси эса 650 0 гача қиздирилади. Алюминий қотишмаларни кокилга қуйишда стерженлар ишлатилади. Улар автомат ёки яримавтомат тарзда ишлайдиган қум пуркайдиган машиналарда тайёрланиб печда қуритилади. Стержен материалига ёпиштирувчи сифатида формалдегидли қатрон аралаштирилади. Алюминий блокни босим остида пресс-қолипли қуйишдан олдин, унинг ичига цилиндрнинг чўян гильзалари, мой ўтказувчи найча (иккита пўлат втулкалар билан бирга), блокнинг пастки қисмида иккита пўлат втулка ўрнатилади. Мой найчалари тақсимлаш вали бўйлаб жойлаштирилади. Пастроққа ўрнатиладиган иккита пўлат втулка жуда муҳим детал бўлиб, дастлабки ишловда технологик база бўлиб хизмат қилади. Шунинг учун блок қуйилиб бўлгач, механика цехида, кондуктор ёрдами билан ўша втулкалар ўрнатилган жойда тешик очилади ва развёртка қилинади. Қуйилган металл қотгандан сўнг кокил очилади, заготовка чиқариб олинади ва 2 соат давомида совитилади. Кейин стерженлар уриб чиқарилади, қуйиш ариқчаси махсус станокда кесиб ташланади. Кесиб ишлаш учун техник шартлар. Цилиндрлар блокининг асосий юзалари ўлчамлари, ўзаро жойлашуви юқори даражада аниқлик билан, ғадир-будурлигини иложи борича кам қилиб, кесиб ишланади. Блоклар цилиндр диаметрига кўра серияларга бўлинади. Масалан, ГАЗ автомобиллари двигатели цилиндрлари 5 сериядан иборат. Кўндаланг ва бўйлама йўналишда шакллари оғишини ҳисобга олган цилиндр диаметри сифатида энг кичик қиймат қабул қилинади.

V -симон цилиндрли блокларни автоматлаштирилган ҳолда кесиб ишлаш. Бир қатор цилиндрли блокларга нисбатан тараққий этган. ЗИЛ автомобил заводида бешта автомат қатордан иборат мажмуа мураккаб таркибга эга ва уларни бирлаштириб автоматлаштирилган участка ҳосил қилинган. Бу ерда бензинли ва дизел двигателларнинг V -симон блоклари тўлиқ ишловдан чиқади. Саккиз цилиндрли блокларни кесиб ишлашда қаторларни қайта созлаб ўтирилмайди иккала турдаги двигател блоклари қаторларга аралаш ҳолда келаверади. Қаторга келиб тушган блок заготовкаси қайси турдаги двигателга тааллуқли бўлса, ўзига яраша сигнал берилади ва ўшанга яраша қатордан ўрин олган ишчи аъзолар ҳаракатга келади. Автоматлаштирилган участка 147 станокдан иборат. Уларда 312 та куч узеллари бор: шпинделларнинг умумий сони 1554та; ҳаммаси бўлиб 455 та электр двигател ишлайди; умумий қуввати 2216 кВт; жаъми ускунанинг массаси таъминан 1688 т; участка майдони 3605 м 2 . «Автодизел» ишлаб чиқариш бирлашмасидаги автоматлаштирилган участка катта қувватли дизел двигателларни V -симон блокларга мўлжалланган ва кўп жиҳатдан ЗИЛдаги участкага ўхшайди. Баъзи фарқлари ҳам бор. Бу қатор 6 ва 8 цилиндрли блокларга ишлов беради. Блоклар аралаш келаверади, иш вазиятлари қаторни тўхтатмасдан, автомат тарзда ўзини-ўзи қайта созлаб олади. Автомат қаторларга тушган блоклар вертикал ва горизонтал ўқ бўйича кўп маротаба айлантирилади. Қаторнинг куч узеллари, айлантирувчи механизмлар, ташувчи воситалар ва қурилмалар, заготовкаларни сиқиб турувчи ва муайян бир ҳолатда турғун тутувчи механизмлар, мосламалар-ҳаммаси, гидростанцияларнинг юритгичларидан куч олади. Ёрдамчи механизмлар ишини бошқариш учун назорат қилувчи, ростловчи ва тақсимлаш аппаратлар қўйилган. Улар қаторлар билан ёнма-ён турган гидростанцияларнинг вертикал ҳитларига ўрнатилган. Гидроюритгичлар ичидаги мойнинг ҳарорати терморегуляторлар, сувли иситгич ёки совитгичлар ёрдамида доим бир хил ушлаб турилади. Ҳароратни муҳим ушлаб турадиган қурилмалар гидростанцияларнинг мой ишлари ичига жойлаштирилган. Ишқаланадиган юзаларни мажбуран мойлаб туриш мақсадида қаторларга меъёрловчи «насослар» ўрнатилган. Улар маълум цикллар сони бажарилгандан кейин автомат тарзда ишга тушади. Қаторлар ёнида асбоблар учун жавонлар қўйилган. Уларда кесувчи асбоблар тўпламларининг заҳираси сақланади. Кескич асбобларни муайян ўлчамларга мослаб олиш қатордан ташқаридаги мосламаларда бажарилади. Цилиндрлар блокини текшириш. Назорат-сермеҳнат жараён. Уни автоматлаштириш баъзи ҳолларда қийин. Амаллар орасидаги назоратдан ташқари ишлов тугагач, якуний назорат ҳам ўтказилади. Блокларни назорат қилиш-ташқи кўринишини кўздан кечириш билан бошланади ва ўлчамларнинг аниқлиги, юзаларнинг бир-бирига нисбатан жойлашуви, тешикларнинг ўқдошлиги каби кўрсаткичлар турли асбоблар ёрдамида текширилади. Ўзак подшипниклари ва тақсимлаш валининг подшипниклари ўтирадиган тешиклар пневмоэлектрик датчикли қурилмалар ёрдамида текширилади.

Бундай қурилмалар тешикни 3та кўрсаткич бўйича текширади: диаметрнинг энг катта ва энг кичик оғиши, тешикнинг энг кичик диаметрдан оғиши берилган чегарада бўлган ҳолатдаги нисбий брак. Агар тешикнинг диаметри берилган чегарадан чиқиб кетса, шунга мувофиқ чироқли сигнал берилади. Чироқ такрор ёнса, автомат қатор тўхтаб қолади. Цилиндр гильзаси ўрнашадиган тешикларни ва гильза бўртмаси билан ўтирадиган ариқча чуқурлигини текширишда махсус қурилмадан фойдаланилади. қурилманинг электр ёрдамида уланувчи датчиги бўлиб, йўл-чироқ (светофор) каби ишлайди. Диаметрнинг ноаниқлиги ва калибр- тиқинлар текширилаётган тешикка кирмаслиги ҳақидаги товушлар микроулагич-узгичлар орқали берилади; қаторни тўхтатиш ҳақида товуш берилганда ўлчов қурилмасида йўлчироқ ёнади. Диаметри тешикнинг номинал диаметридан 0,1 мм га кам бўлган назорат тиқинида ўлчов улагичларини жойлаштирадиган ариқча бор. Улагичлар ричагли тизим орқали датчиклар билан уланган. Ўзак подшипниклари ўтирадиган тешик ўқининг цилиндр ўқига нисбатан перпендикулярлиги жўвали индикатор-мослама билан қуйидаги тартибда текширилади. Энг чеккадаги ўзак таянч тешикларига конус втулка киритиб, унинг ичига жўва киритилади. Жўвага кронштейнли призма ўрнатилган, унинг ичига индикатор жойланган. Кронштейндаги таянч ва цилиндр деворига тегиб турган улагич ёрдамида индикатор кўрсатадиган маълумот қайд этилади. Кейин призмани кронштейн билан бирга 180 0 га айлантириб, яна индикатор маълумоти қайд этилади. Қайд этилган маълумотларнинг фарқи хатоликнинг иккиланган қийматини билдиради. Бу хатолик ўзак подшипниклар тешигининг цилиндр ўқига нисбатан жойлашув хатосини билдиради. Жўвали индикатор мосламадан бошқа текширувларда ҳам фойдаланиш мумкин. Масалан, турткич ўқининг тақсимлаш вал подшипникларининг ўқига нисбатан жойлашуви; тақсимлаш вал ўқидан мой насоси қотириладиган юзагача бўлган масофа киради. Тирсакли ва тақсимлаш валлари остидаги тешиклар ўқларининг параллеллигини индикаторли мослама ёрдамида текширганда ҳар бир ўқ оправкадаги тешиклар серияга киритилади. Иккала оправка тирқишсиз ўрнатилади, оправкалар ўқи орасидаги масофа индикатор билан ўлчанади. Индикатор ўлчов ричагининг бурилиш бурчакларини акс эттиради. Ричаг оправканинг ташкил этувчисига тегиб туради. Резьба очиладиган тешикларнинг мавжудлиги ва чуқурлиги автомат қатордаги қурилмалар ёрдамида текширилади. Улар ичи ковак цилиндрли пайпаслагичлар ўрнатилган кўп шпинделли каллакдан иборат. Тешикларда қолган қириндилар сиқилган хаво билан ҳайдаб тозаланади. Бундай қурилманинг ташқи кўриниши кўп шпинделли пармалаш каллагини эслатади, фақат бу ерда парма ўрнига пайпаслагич ўрнатилган. Ҳамма блоклар махсус қурилмада ўтади. Шундан сўнг улар двигателни йиғиш конвейерига узатилади.

Адабиётлар: 1. Ф.П. Гурин, В.Д. Клепиков, В.В. Рейн. Автомобилсозлик технологияси. I - II китоб. Тошкент, 2001. 2. Т.Абдусатторов, О.В.Лебедев, В.Ш.Ахмедов. «Транспорт машинасозлиги технологияси», ТошТЙМИ, Тошкент, 2003. 3. Ф.П.Гурин, М.Ф.Гурин, «Технология автомобилестроения», 1986, 246 стр. 4. С.М.Қодиров, О.В.Лебедев, А.М.Хакимов, под общей редакцией К.М.Сиддикназарова, «Восстановление деталей автомобиля», Тошкент, Ўқитувчи, 1995, 272 стр. .

Похожие

Кузов ва кабина деталларини тайёрлаш технологияси.

Диск типидаги деталларни тайёрлаш.

Ичи бўш цилиндрлар типидаги деталларни тайёрлаш.

Ишлов бериш аниқлиги.

Асосий технологик жиҳозларни таъмирлаш