Ичи бўш цилиндрлар типидаги деталларни тайёрлаш. - Транспорт - Рефераты

Ичи бўш цилиндрлар типидаги деталларни тайёрлаш.

Загружено в:

20.09.2019

Скачано:

0

Размер:

157.5 KB

Ичи бўш цилиндрлар типидаги деталларни тайёрлаш. Режа: 1. Ичи бўш цилиндрларнинг конструктив ва технологик хусусиятлари. 2. Поршен бармоқларини тайёрлаш хусусиятлари.

1. Ичи бўш цилиндрларнинг конструктив ва технологик хусусиятлари. Ичи бўш цилиндр турига кирадиган деталларнинг конструктив хусусияти шундаки, уларда бир марказ атрофида жойлашган (концентрик) бир нечта цилиндрсимон юзалар мавжуд бўлади. Бу деталлар нафақат ичи ковак цилиндрни билдиради, Айни пайтда, мураккаб ички ва ташқи юзаларга эга бўлган айланиб ишлайдиган цилиндр шаклли жисмдир (тормоз барабани, тракторларнинг таянч ғалтаклари, дифференциал сателлитларининг товоқча- чашкаси ва ҳ.к). Бундай деталларнинг заготовкалари фақат асосий туташ юзаларига-ташқи ва ички цилиндрсимон юзаларига-ишлов берилиши билан тавсифланади. Ишлов, одатда, заготовка айланиб турганида берилади, баъзан тескариси, яъни қўзғалмас заготовкага айланиб кесувчи асбоб билан ишлов бериладиган ҳолатлар ҳам бўлади (масалан, тракторнинг таянч ғалтакчаси тешигини йўниб кенгайтириш). Ишловдан ўрнатиш асоси вазифасини заготовканинг кўндаланг юзаларидан бири ва ички ёки ташқи цилиндрсимон юза бажаради. Мураккаб деталларнинг заготовкаси баъзан шаклдор ташқи юзаси билан ҳам асосланади. Кейинги ишловларда доимий асос қилиб ишлов берилган юзалар олинади (кўндаланг юза ва цилиндрсимон юза). Бурчак бўйича қотириш (буралиб кетишдан асраш) да деталнинг биронта туртиб чиққан жойидан ёки кўндаланг юзадаги тешикдан фойдаланилади. Ичи бўш цилиндрларга (втулка ва вкладиш сингари майда деталлар бундан мустасно) ишлов беришнинг технологик жараёни қуйидаги умумий кетма-кетликда бажарилади: 1) ташқи ва ички юзаларни, бир томондаги кўндаланг юзани хомаки йўниш; 2) шу ишнинг ўзи-иккинчи томондан; 3) биринчи амалдаги юзаларни ярим тоза ва тоза йўниш; 4) шу ишнинг ўзи- иккинчи томондан; 5) бўртма жойда фреза билан кичкина текислик тайёрлаш; 6) бўртмалар ва фланесларда тешик очиш, уларни цековкалаш,

развёрткалаш ва резьба очиш; 7) ички ва ташқи цилиндрсимон, шаклдор ва конуссимон юзаларга нафис ишлов бериш. Гусеницали тракторларнинг таянч ғалтакчалари, юк автомобиллари ғилдирагининг гупчаги ва поршен бармоқчаларини тайёрлаш технологиясини кўриб чиқамиз. 2. Поршен бармоқларини тайёрлаш хусусиятлари. Қуйида енгил автомобилларнинг кичик иш ҳажмли двигатели поршенининг бармоқчасини тайёрлаш технологияси келтирилади. Босим остида ишлов бериш. Поршен бармоқчаси заготовкаси 12ХН2 русумли пўлатдан, комплекс оқимли қаторда эзиб чиқариш усули билан олинади. Заготовка доналарини кесиб олиш 21,5кН кучли прессда бажарилади. Унинг иш унуми- соатига 2740 дона. Бу доналар лентали конвейерда назорат-саралаш автоматига келиб тушади. У ерда заготовкалар массасига қараб (нормал,камайтирилган, оширилган), 50  1 г. аниқликда 3 серияга ажратилади. Шундан сўнг заготовкалар лентали конвейер бўйлаб чўктирадиган прессга юборилади. Пресс бир соатда 1370 дона бармоқчани чўктиради. Пресснинг назорат қурилмаси заготовка баландлигини текширади. Баландлик берилган қийматдан оғиб кетган бўлса, прессни тўхтатишга буйруқ берилади. Уни қайтадан ишга тушириш учун яроқсиз заготовкани прессдан олиш керак. Чўктиргандан сўнг заготовкалар ювилади, юмшатилади ва фосфатланади. Юмшатиш махсус печда, 650-850 0 С ҳарорат остида ва ҳимояловчи муҳитда амалга оширилади. Фосфатлаш ҳам махсус агрегатда кечади. Унинг охирги ваннасида заготовкалар 75-80 о С даражада, 3 минут давомида совутилади. Эзиб чиқариш прессининг иш унуми соатига 1480 дона. Поршен бармоқчасини диаметри ( d )га нисбатан анча катталигида ( h  d  ).

Эзиб чиқариш, тешик очиш ва ташқи диаметр бўйича калибрлангандан кейин заготовкалар назорат ва шнекли агрегатда ювишдан ўтиб, конвейер ёрдамида иккита агрегат станокка узатилади. Уларнинг айланувчи столи бор. Кесиб ишлов бериш. Иккита агрегат станокда заготовканинг кўндаланг юзалари қирқилади ташқи ва ички рахлар ҳосил қилинади, диаметри 9,0 мм.лик тешик кенгайтирилади. Ҳар қайси станокнинг бир соатлик иш унуми - 640 донадан. Сўнгра заготовкалар термик цехга-цементациялаш, тоблаш ва бўшатиш учун юборилади. Цементлаш чуқурлиги 0,6-0,8 мм., ташқи юза қаттиқлиги  HRC 60; ичкарисидаги қаттиқлик HRC 21-30. заготовкаларнинг ҳаммаси ташқи юзаси бўйича назоратдан ўтади. Цементлаш чуқурлиги ва ичкаридаги қаттиқлик эса, ҳар тўртинчи идишда текширилади. Бармоқчаларнинг ташқи юзаси 3та автомат қаторда хомаки ва тоза силлиқланади. Қаторларнинг ҳар биридан 3тадан марказсиз-силлиқлаш станоги бор. Ҳар қайси автомат қаторнинг бир соатлик иш унуми 425 дона заготовка. Қатор автомобил заводларида бармоқчалар, ташқи юзасининг узил-кесил (якуний) ишлови сифатида жилоланади. Бу иш марказсиз-силлиқлаш станогида кенг доира (  мм) ёрдамида бажарилади. Юза ғадир-будурлиги R ɸ  мкм бўлади. Суперфиниш ишлови ҳам бериладиган пайтлар учрайди. Уни марказсиз-суперфиниш станоги бажаради. Бу станокда 5та суперфиниш каллаги бўлиб, уларга турли доналарга эга бўлган жилвир қайроқчалар ўрнатилган. Совитувчи ва мойловчи суюқлик сифатида керосин ва мой аралашмаси ишлатилади. Ишлов берилган юза ғадир-будурлиги R ɸ  4  2 мкм.39-расм. поршен бармо ғ ини босим остида ишлаш

Станокнинг техник кўрсаткичлари қуйидагича: Бир соатлик унумдорлик, дона………………………….330 Суперфиниш каллаклар сони……………………………5 Жилвир қайроқчалар сони……………………………….5 Ишлов диаметри, мм………………………………………5,5-7,0 Жўваларнинг айланиш частотаси, айл/мин………….64-386 Заготовкаларнинг айланма тезлиги, м/мин…………..20-120 Заготовканинг бўйлама сурилиши, м/мин………….. 0,2-3,32 Тебраниш амплитудаси, мм………………………………3-6 Қайроқчаларга босим, МПа………………………………0-4 Электр двигател қуввати, кВт……………………………1,4 Станок ўлчамлари, м……………………………………... 0,6х1,57х1,4 Масса, т………………………………………………………1,05 Ювилгандан кейин поршен бармоқчаларининг узунлиги, оваллиги, конуслиги, шунингдек, икки еридаги ташқи диаметри якуний назорат қилиниб, 5 серияга (3та серия - ишга яроқли, бир-биридан 4 мкм фарқи билан; тузаладиган брак; тузалмайдиган брак) сараланади ва ҳар қайси серия махсус ранг билан белгиланади. Назоратни автомат бажаради, у бармоқчаларни қуйидаги серияларга ажратади: Серия 1 2 3 Диаметр, мм 21,972-21,976 21,976-21,980 21,980-

21,984 Автоматнинг индуктив датчиги ҳарорати билан назорат қилинаётган поршен бармоқчасининг ҳарорати орасидаги фарқ энг кўпи билан 3 0 С ни ташкил қилади . Фарқ шундан катта бўлса автомат тўхтайди. Автоматнинг иш унуми, соатига 1800 дона бармоқча. Саралангандан кейин поршен бармоқчалари лентали конвейер билан пакетловчи автоматга узатилади. Бу ерда бармоқчалар жуфт-жуфт қилиб ўтказмайдиган қоғозга ўралади ва қоғозга ҳам ранг белги қўйилади. Тайёр детал омборга жўнатилади.

Адабиётлар: 1. Ф.П. Гурин, В.Д. Клепиков, В.В. Рейн. Автомобилсозлик технологияси. I - II китоб. Тошкент, 2001. 2. Т.Абдусатторов, О.В.Лебедев, В.Ш.Ахмедов. «Транспорт машинасозлиги технологияси», ТошТЙМИ, Тошкент, 2003. 3. Ф.П.Гурин, М.Ф.Гурин, «Технология автомобилестроения», 1986, 246 стр. 4. С.М.Қодиров, О.В.Лебедев, А.М.Хакимов, под общей редакцией К.М.Сиддикназарова, «Восстановление деталей автомобиля», Тошкент, Ўқитувчи, 1995, 272 стр.

Похожие

Диск типидаги деталларни тайёрлаш.

Вал ва ўқ типидаги деталларни таьмирлаш

Деталларни клейлаш ёрдамида таьмирлаш

Кузов ва кабина деталларини тайёрлаш технологияси.

Корпус деталларини тайёрлаш.