Автомобилларнинг трансмиссиясига техник хизмат кўрсатиш ва таъмирлаш ишлари технологияси - Транспорт - Рефераты

Автомобилларнинг трансмиссиясига техник хизмат кўрсатиш ва таъмирлаш ишлари технологияси

Загружено в:

20.09.2019

Скачано:

0

Размер:

861 KB

Автомобилларнинг трансмиссиясига техник хизмат кўрсатиш ва таъмирлаш ишлари технологияси Режа: 1. Трансмиссия агрегатларининг асосий носозликлари. 2. Трансмиссия агрегатларининг техник ҳолатини диагностика қилиш. 3. Асосий ва карданли узатмаларга техник хизмат кўрсатиш.

Маълумки, автомобил трансмиссиясининг асосий агрегатларига илашиш муфтаси, карданли узатма, шестерняли ёки гидромеханик узатмалар қутиси, тақсимловчи қути ва етакловчи кўприк (асосий узатма ва дифференциал) киради. Автомобилларнинг трансмиссияси агрегатлари барча носозликларнинг 10-15% ни ва техник хизмат кўрсатиш умумий меҳнат ҳамда материаллар сарфининг 40% ини ташкил этади. Трансмиссия агрегатларининг асосий носозликлари . Трансмиссия агрегатларидаги носозликлар автомобилнинг эксплуатация қилиш жараёнида, шунингдек, айрим деталларнинг ростланишини бузилиши, ейилиши ёки синиши оқибатида вужудга келади. Агрегатларнинг бошланғич ҳолатини тиклайдиган ростлаш ишларини бажариш ёки айрим деталларни алмаштириш натижасида носозликлар бартараф этилади. Илашиш муфтаси даги носозликлар кўпинча унинг тўлиқ, уланмаслиги ёки тўлиқ ажралмаслиги натижасида келиб чиқади. Тўлиқ уланмасликда айлантирувчи момент двигателдан тўлиқ узатилмайди, илашиш муфтасининг тепкиси қуйиб юборилганда автомобил ўрнидан жуда секин қўзғалади ёки умуман қўзгала олмайди, илашмадаги етакланувчи диск эса жуда тез ейилади ва қисқа муддат ичида ишдан чиқади. Илашманинг тўлиқ ажралмаслиги туфайли, узатмаларни улаш чоғида металларни зарбли ва қийинчилик билан қўшилиши кузатилади ҳамда ричакка кўпроқ куч билан таъсир этиш талаб этилади. Бу носозликларга илашмани ажратиш юритмасининг ростланишини бузилиши, етакланувчи дискнинг мойланиб қолиши ёки ейилиши сабаб булади. Илашмаси гидроюритмали бўлган автомобилларда эса гидроюритма тизимига ҳавони кириб қолиши ёки тизимдан суюқликни қисман оқиб кетиши илашмани носоз ишлашига сабаб бўлиши мумкин.

Узатмалар қутиси ва тақсимлаш қутиси даги носозликлар узатмаларни алмашлаб улашда қийинчиликларни, узатмаларни ўз- ўзидан узилиб қолишини ёки ишлаш вақтида шовқинларни келтириб чиқаради. Алмашлаб улаш механизмининг айриси ёки каллагидаги болтларни бўшаб кетиши, фиксаторларни қадалиб қолиши, шестернялар, подшипниклари ва втулкаларини ейилиши оқибатида узатмаларни улаш кийинлашади. Синхронизатор муфтаси ва шестернялар тишларининг ён томонида ҳамда ишчи юзаларидаги ейилишлар, узатмаларни тўлиқ, уланмаслиги, фиксатор пружиналарининг бўшашиши туфайли узатмаларни ўз-ўзидан узилиб қолиши содир бўлади. Узатмалар қутисидаги шовқин эса валлар подшипникларидаги ҳамда шестерня тишларининг ишчи юзаларидаги ейилишлар ва синишлар, мой сатҳининг пасайиши келтириб чиқаради. Асосий ва карданли узатмалар, дифференциал, ярим ўқлар ва тенг бурчак тезлигига эга бўлган шарнирлардаги носозликлар уларни узоқ муддат ишлатиш ёки сифатсиз техник хизмат кўрсатиш оқибатида юзага келади. Асосий узатма ва дифференциалдаги носозликларга шестерня тишларини, дифференциал крестовинасини ҳамда подшипникларнинг ейилиши ёки синиши, шунингдек, асосий узатма салникларининг зичлигини бузилиши мисол бўлади. Уларнинг ҳаммаси ҳаракатланиш чоғида орқадаги кўприк картерида шовқиннинг кучайиб кетиши билан намоён бўлади. Автомобил ўрнидан қўзғалаётганда, бурилаётганда ёки ҳаракатланаётганда тақиллашлар ҳамда зарбларнинг мавжудлиги, карданли узатмалардаги ёки тенг бурчак тезлигига эга бўлган шарнирлардаги носозликлардан дарак беради. Бу носозликлар, крестовина ўқларини ва шарнир косачаларини кўп ейилишидан юзага келади, Кардан валининг мувозанати бузилганда, трансмиссияда кучли титраш ва шовқинлар ҳосил булади. Ярим ўқлардаги асосий носозликлар эса уларнинг шлицаларини ейилишидир.

Трансмиссия агрегатларининг техник ҳолатини диагностика қилиш . У агрегатларнинг техник ҳолати ҳақида ҳамда зарур ростлаш ишларини бажаргандан сўнг уларни яна ишлатиш мумкинлиги тўғрисида ҳулоса қилишга имкон беради. Трансмиссия агрегатларини автомобил ҳаракатланганда, шунингдек, махсус жиҳозда текшириш мумкин. Бундай ҳолатда, жиҳозни конструкциясига қараб илашмани тўлиқ қўшилмаслигига, узатмалар қутиси, карданли узатма ва орқа кўприкни эса(шовқин бўйича) тишли илашмаларни ейилганлик даражасига диагностика қилинади. Трансмиссияни диагностика қилишнинг оддий усули 52-расмда келтирилган асбоб ёрдамида етакловчи кўприк, кардан вали ва узатмалар қутисидаги айлана люфтлар йиғиндисини аниқлаш ҳисобланади. Асбоб қамровчи скобали динамометрик қурилмадан ва уни ташкил этувчи қўзралмас жағлардан иборат. қамровчи скобани текширилаётган объектга кийдирилади, масалан, ярим ўққа ёки кардан валига, сўнг қўзғалувчан жағни червяк ёрдамида суриб агрегат деталига маҳкамланади.Люфтни аниқлаш учун дастак куч билан буралади ва пружинали товуш дараклагичиси овоз чиқаргач, ўлчагич стрелкаси томонидан люфт қайд қилинади. Ўлчагич шкаласини ихтиёрий бурчакка буриш мумкин. Шунинг учун текширилаётган агрегатга ўрнатилган асбобнинг стрелкасини нолга келтириш зарур. Трансмиссия агрегатларига техник хизмат кўрсатиш КХК ва даврий ТХК жараёнида амалга оширилади. КХК да трансмиссия агрегатлари, автомобилни ўрнидан жилдиришда ва ҳаракатланиш вақтида узатмаларни алмашлаб улаб текширилади. Етакловчи кўприкнинг ҳолати ва зичлиги назорат қилинади. Даврий ТХК да КХК даги ишларга қўшимча равишда илашиш муфтаси тепкисининг эркин юриш йўли текширилади ва зарур бўлса ростланади, юритма деталлари пластик метериаллар билан мойланади.

Узатмалар қутисини, карданли узатмани, тақсимлаш қутисини, орқа кўприк картерини маҳкамланиши текширилади, агрегатлардаги мой сатҳлари меъёрига келтирилади, зичлагичларнинг ҳолати текширилади, мойлаш харитасига мос равишда агрегатлардаги мойлар алмаштирилади. Агар агрегатларда носозликлар аниқланса, уларни ишчи ҳолатига келтириш учун таъмирланади. 52-расм. Трансмиссия агрегатларининг техник ҳолатини аниқловчи асбоб: а-люфтомер; бдиномометрик қурилма. Қўшимча равишда, ҳар бир трансмиссия агрегатлари бўйича бажариладиган ишларни алоҳида-алоҳида кўриб чиқамиз. Илашиш муфтасига техник хизмат кўрсатиш . Эксплуатация жараёнида илашма ростлаб турилади, аммо бундан олдин илашма тепкисининг эркин йўли текширилади. Бунинг учун иккита сурилгичи

бўлган чизғичдан фойдаланилади. Чизғичнинг бир учи кабина полига тиралади, сурилгич эса тепки майдончасига тўғриланади. Илашма тепкиси ҳаракатланишга қаршилик кескин ортгунга қадар босилади ва шу вазият иккинчи сурилгич ёрдамида қайд қилинади. Чизғични иккала сурилгичи орасидаги масофа тепкини эркин йўлини аниқлайди. Механик юритмали илашмалардаги тепкининг эркин йўлини ростлаш (53-расм) учун тепки ўқининг ричаги ҳамда ажратиш айрисини туташтириб турувчи тортқининг (2) узунлиги ўзгартирилади. Кўпчилик юк автомобилларида бундай ростлаш ишлари тортқини юритма деталларидан ажратмаган ҳолда бажарилади, яъни тортқидаги гайкани (1) бурашнинг ўзи кифоя қилади. Бунда гайка бўшатилса, тепкининг эркин йўли ортади, қотирилса, эркин йўли камаяди. Гидроюритмали илашиш муфтасидаги созлаш ишларини бажаришда асосан ишчи цилиндр итаргичининг эркин юриш йўли(4-5мм) меъёрига келтирилади. Бунинг учун чегараловчи гайка бўшатилиб, сўнгра итаргич созловчи гайкаси бўшатилади ёки қотирилади (54-расм). Созлаш ишлари бажарилгандан сўнг илашиш муфтаси яхши ажралмаса ва узатмаларга қўшиш қийинчилик билан кечса, бу тизимда ҳаво борлигидан дарак бериши мумкин. 53-расм. ЗИЛ-130 автомобилидаги механик юритмали илашма тепкисининг эркин йўлини ростлаш 1-тортқидаги гайка; 2- ажратиш айрисини туташтириб 54-расм. ВАЗ автомобили илашиш муфтаси юритмасининг ишчи цилиндри ва ажратиш вилкаси: 1-илашиш муфтасининг ажратиш подшипниги; 2шарли таянч; 3-илашиш муфтасини

турувчи тортқи. ажратиш вилкаси; 4-итаргич; 5-созлаш гайкаси; 6-чегараловчи гайка; 7-таранг тутиш пружинаси Нексия автомобиллларида созлаш йўли билан илашиш муфтаси юритмаси тепкисининг тўлиқ ҳаракатланиш йўли меъёрига келтирилади (54-расм). Тўлиқ ҳаракатланиш йўлини аниқлаш учун илашиш муфтасининг тепкиси билан рул чамбарагининг пастки қисмигача бўлган масофа-А аниқланади, сўнгра тепки тўлиқ босилиб яна масофа-В аниқланади. А ва В масофалар орасидаги фарқ 130-136 мм бўлиши керак. Агар бу масофа меъёридан фарқ қилса, у ҳолда созлаш ишлари бажарилади. Тепки (30) нинг тўлиқ ҳаракатланиш йўли (38)-чегараловчи гайка бўшатилиб, (37)-таянч болтни бураш билан созланади. Тепкининг эркин ҳаракатланиш йўли эса (58)-чегараловчи гайка бўшатилиб, (57)- штокнинг узунлигини ўзгартириш билан созланади. Тепкининг эркин юриш йўли 8-15 мм оралиғида бўлиши керак. 55-расм. Нексия автомобилининг илашиш муфтаси бўйича созлаш ишлари

ISUZU автомобилларида (56-расм), агар илашма муфтасининг кучайтиргичи ўрнатилаётганда ишчи стержен узунлиги созланган бўлса, илашма педали созланмайди. Илашма муфтаси кучайтиргичининг ишчи стерженини узунлиги - ўрнатилиш юзаси ва каллакли штифтнинг шплинт учун тешиги маркази оралиғидаги масофа 156,5...155 мм гача бўлиши керак. Илашма тепкисининг юриш йўли текширилади ва тепки билан илашмани ишга тушириш болти оралиғидаги масофа созланади. Илашма тепкиси баландлиги (А) 160...170 мм гача, тепкининг тўлиқ йўли (В) 159...169 мм гача, эркин юриш йўли 15...25 мм гача бўлиши зарур. Илашма тепкиси ва илашмани ишга тушириш болти оралиғидаги тирқиш 0,5 ...1,0 мм гача бўлиши керак. 56- расм. ISUZU автомобиллари илашма муфтаси тепкисини созлаш. Nexia автомобилида Isuzu автомобилида

Lasetti, автомобилида Epica ва Captiva автомобилларида 57-расм. Турли автомобилларда илашиш муфтаси юритмасидан ҳавони чиқариш. Илашиш муфтасининг юритмасидан ҳавони чиқариш асосан бош ёки ишчи цилиндрларнинг манжетлари алмаштирилганда ёки юритма қувури зичсизлигини бартараф қилинганда амалга оширилади (57- расм).Бунинг учун ишчи цилиндр чанг ва ифлосликлардан тозаланилади. Илашиш муфтаси юритмасининг суюқлик қуйиш сиғимининг қопқоғи очилади ва суюқлик сатҳи текширилади. Суюқлик сатҳи сиғимнинг резбали қисмидан 15-20мм дан ёки ”min” белгисидан паст бўлмаслиги керак. Ишчи цилиндрнинг чиқариш клапани(59) нинг резина қопқоғи олиниб, ўрнига резина шланга тиқилади ва бир учи 1  3...1  2 ҳажмда тормоз суюқлиги тўлдирилган шиша идишга туширилади. Юритма тепкиси қаршилик сезилгунча, яъни тепкининг юриш йўли ўзгармагунга қадар тез-тез босиб ҳаракатлантирилади, сўнгра тепкини босиб туриб клапан 1  2...3  4 айланага буралади ва тепки охиригача босилгач клапан маҳкамланади ҳамда тепки секин қўйиб юборилади. Бу ҳолат шиша идишда ҳаво пуфакчалари чиқмай қолгунча давом эттирилади. Операция вақтида вақти-вақти билан сиғимдаги тормоз суюқлиги сатҳи текширилиб ва меъёрига келтириб турилади. Ниҳоят клапан қотирилиб, шланга ечиб олинади.

Узатмалар қутиси ва тақсимлаш қутисига техник хизмат кўрсатиш. Қутиларнинг қандай ишлаши ҳар кунги кўрикда ҳамда автомобилнинг ҳаракатланишида текшириб турилади. Зичликка, узатмаларнинг осон ва шовқинсиз уланишига алоҳида эътибор берилади. Текширилаётган агрегатларнинг ишлаши вақтида тақиллашлар ва шовқинлар бўлмаслиги керак. Узатмалар уланганда шестернялар тўлиқ бирикиб қолиши лозим, узатмаларнинг ўз-ўзидан узилиб қолишига йўл қўйилмайди. Узатмалар қутиси корпусининг қизиши, автомобил тўхтатилганда қўлни куйдирмайдиган даражада бўлиши керак. КХК ва даврий ТХК да назорат қилиб, эшитиб ҳамда ҳароратга қараб текширишдан ташқари, қутилар корпуси кирлардан тозаланади, қотирилганлиги текширилади ва тортиб қўйилади, мой сатҳи текширилади (58-расм), зарур бўлса меъёрига келтирилади ёки мойлаш картаси бўйича алмаштирилади. Бу иш кўтаргич ёки кўриш ариқчаларига эга бўлган махсус постларда бажарилади. қутидаги мой двигател тўхташи билан, яъни қути совиб улгурмасдан тўкилади ва янгисига алмаштирилади. 58 -расм. ISUZU автобус-ларида узатмалар қутисининг мой сатҳини текшириш: 1-мой қуйиш тиқини; 2- мой тўкиш тиқини.

ISUZU автомобилининг узатмалар қутисидаги мой сатҳи қуйидагича текширилади: 1- мой қуйиш тиқини ечилади; 2- бармоқни мой қуйиш тиқини тешигига киритилиб мой сатҳи текширилади. 3- агар мой сатҳи белгилангандан кам бўлса, меъёрига келтирилади (Besco 5W-30 туридаги трансмиссия мойи). 4- мой қуйиш тиқини 39 Нм момент билан қотирилади. ISUZU автомобилининг узатмалар қутисидаги мойни алмаштириш тартиби: 1. Двигател ўт олдирилади ва трансмиссия салт юриш ҳолатига қўйилади. 2. Двигател ўчирилади, тўкиш тиқини ечилади ва мой тўкилади. 3. Мой тўкиш тиқини 39 Н.м момент билан жойига қотирилади. 4. Мой қуйиш тиқини ечилади. 5. Мой қуйиш тиқини тешиги орқали тешикни пастки қиррасигача мой қуйилади. Қўлланадиган мой - трансмиссия мойи, тури Besco (5W-30) Мой қуйиш тиқини 39 Н.м момент билан қотирилади. Мой миқдори (L) Узатмалар қутиси тури 6МТ 5МТ Базавий автомобил учун 3.5 2.8 4WD (4 ғилдираги етакланувчи) автомобил учун - 3.5 Агрегатлардаги мой сатҳи шчуп ёрдамида ёки назорат тешиги орқали текширилади. Агар мой сатҳи пасайган бўлса, тоза мой қуйиб сатҳ тўғриланади ва сапун каналлари тозалаб қўйилади. Мой

алмаштириш куйидагича бажарилади: қутидаги ишлаб бўлган мой тўкиб ташлангандан сўнг, унинг ўрнига 1-2 л миқдорда ювиш мойи қўйилади. Автомобил орқа купригининг бирорта ғилдираги кўтариб қўйилади, двигател ишга туширилади ва биринчи узатма уланади. Трансмиссия ишлай бошлайди, бунинг эвазига қутининг ички бўшлиги ювилади ва чўкиндилардан тозаланади. Бир неча дақиқадан сўнг ювиш мойи тўкиб ташланади, унинг ўрнига эса тоза мой қуйилади. Мой алмаштирилаётган пайтда, тўкиш тешиги тиқинининг магнити хам тозаланади. Тақсимлаш қутисининг бошқариш ричагларини зарур вазияти, тортқилар узунлигини ростлаш орқали таъминланади. Шу мақсадда тортқи бармоқлари шплинтлардан озод қилинади ва айридан ажратилади. Фиксаторлар аниқ ишлаган вақтда, штокларни тўлиқ уланган ҳолатга ўрнатилади. Ричаглар узатмалар уланган вазиятга қўйилади ва айрини айлантириб, тортқининг керакли узунлиги ўрнатилади. Сўнг тортқи ўз жойига қўйилади, бармоқ шплинтланади ва чегараловчи гайка қотириб маҳкамланади. Гидромеханик узатмалар қутисининг асосий камчилик ва нуқсонларига етакловчи диск пружинасининг ишдан чиқиши, дисканинг (стандарт талабларига жавоб бермайдиган мойда ишлашидан) ейилиши ва қийшайиши, марказдан қочма куч таъсирида ишлайдиган ростлагичлар ростланишининг бузилиши, ростлаш винтининг ёмон тақалиб туриши натижасида, узатмани қайта улаш механизми ростланишининг бузилиши ва бошқалар мисол бўла олади. Гидромеханик узатманинг асосий носозлигини ифодаловчи кўрсаткич, бу, мой гидротрансформатордан тўкиб юборилаётганда, уни назорат қилиб туриладиган ҳарорати бўлиб, унинг энг юқори чегараси 125  С дан ортиқ бўлмаслиги, тагликда (йилнинг энг иссиқ вақтида) 110  С, минимал ҳарорат эса 70  С ёки 60  С бўлиши керак. Мойнинг ҳарорати тагликдаги датчик орқали ва тўкиш клапанидан назорат

қилинади. Гидротрансформатордаги мойнинг қизишини назорат қилиш лампочкаси 120-125  С да ёнади. ТХК пайтида ҳар 15 минг км масофадан сўнг гидромеханик узатманинг мойи алмаштирилади. Тагликдаги мой сатҳи (ТХК вақтида) узатмалар қўшилган ҳолда 40- 50  С ҳароратда (дроссел қия, кичик очиқлигида) автомобилни тормозлаб текширилади. ТХК вақтида (5 минг км дан сўнг) уайт- спирти билан автоматик узатма тозалаб ювилади. Электромагнит клеммалари тозаланади ва назоратни улаб-узгич ҳам тозаланиб, стартер билан қўшилиб ишлаши текширилади. 30 минг км дан сўнг мой қабул қилгич ечиб олиниб текширилади  яна 30 минг км дан сўнг бошқариш механизми(периферик золотникли) текширилади ва созланади. Узатмалар қутисининг олдинги узатма уланганда, шовқин билан ишлаб, ҳаракатлар яхши қўшилмай қолганда (бу сихронизатор ҳалқасини ишга яроқсиз бўлиб қолишидан келиб чиқади), сихронизатор муфтаси тишларининг ташқи, ёнбош сиртлари ейилганда, подшипниклар, валлар ейилганда, шестерня тишлари синганда жорий таъмирланади. Ейилган деталлар ҳолатига қараб, (бирикиш жуфти билан) алмаштириб, таъмирланади. Деталларни алмаштириш-узатмалар қутисини қисмларга ажратмай, узоқ муддатли шикастланмай ишлашини таъминлайди ва бу алмаштирилган деталнинг узоқ муддатли ишлаши натижасида таннархи камаяди, ҳамда таъмирлашга кам меҳнат сарф этилади. Узатма шестернясининг сихронизатор гупчаги ва бошқа деталларини ечиб (чиқариб) олишда махсус ечгичлардан фойдаланилади. Асосий ва карданли узатмаларга техник хизмат кўрсатиш. Карданли ва асосий узатмаларни назоратдан ўтказиш автомобил ҳаракатланганда амалга оширилади. Бунда, трансмиссияда айлантирувчи момент узатиш режими тортишдан тормозланишга ёки аксинча, ўзгарганда, шовқинлар ва тақиллашлар кузатилмаслиги лозим.

Карданли узатмаларга техник хизмат кўрсатишда карданли бирикма фланецларини маҳкамланиши текширилади ва тортиб қўйилади. Агар кардан валида автомобилнинг ишлаш жараёнида кузовга таъсир этувчи тебранишлар пайдо бўлса, кардан вали ечиб олиниб мувозанатланади. Кардан вали мосламага маҳкамланади (59-расм) ва рақамли индикатор щчупини валнинг марказий қисмига текказган ҳолда, унинг уриши текширилади. Бу катталикнинг қиймати стандарт 0.5 мм, рухсат этилгани эса 1.0 мм гача бўлиши керак. Агар уриш меъёрдан ошиб кетса пресс ёрдамида тўғриланади ёки алмаштирилади. 59-расм. Кардан валини ўқ бўйича уришини текшириш. Хизмат кўрсатишда кардан шарнирларининг подшипниклари ва валларнинг шлицали бирикмалари мойланади. Бунинг учун № 158, УС-1 ва бошқа мойлаш материаллари ишлатилади. Енгил автомобилларда кардан шарнирлар трансмиссион мойда, Литол24, пластик мойлаш материалида ёки тайёрловчи завод кўрсатмаларига мос келадиган бошқа материалларда мойланади. Мойни кардан крестовинасига махсус шприц ёрдамида ўтказиш клапанида ёки унинг ўқлари подшипникларининг салниклари остида мой пайдо бўлгунча юборилади. Агар автомобилга мой тўлдирилиши назарда тутилмаган кардан шарнирлар ўрнатилган бўлса, мойлаш ишлари фақат қисмларга ажратилганда амалга оширилади. Етакловчи кўприк картеридаги мой сатҳи ТХК даврида текширилади (60-расм) ва мой қуйиш тешигининг қиррасигача тўлдирилади. Мойни тўлиқ алмаштириш, мойлаш харитасига мувофиқ

ва иш мавсуми ўзгарганда амалга оширилади. Етакловчи кўприк картеридаги мойни алмаштириш жараёни хам трансмиссиянинг бошқа агрегатлари учун қабул қилинган технология асосида бажарилади. Ярим ўқ шлицаларидаги ейилиш ёки бошқа шикастлар текширилади. Ярим ўқнинг ўқ бўйича тепиши мослама ва микрометр ёрдамида текширилди. Рухсат этилган қиймат 1,00 мм. Ярим ўқ фланецини тепиши текширилади. Рухсат этилган қиймат 0.05 мм. 60-расм. Ярим ўқни кўрикдан ўтказиш. Агар асосий узатмадаги етакловчи шестернянинг илашишидаги бўйлама тирқиши рухсат этилган қийматдан орта бошласа, конуссимон подшипниклар ростланади. Ростлаш завод кўрсатмасига биноан бажарилади ёки кардан вал фланеци ажратилади, ярим ўқлар суғурилади, асосий узатма картерини маҳкамловчи болтлар бўшатилади ва етакловчи шестерня йиғилган ҳолатида суғуриб олинади. Етакловчи шестерня стакани тискига ўрнатилади, маҳкамлаш узели қисмларга ажратилади ва подшипник остидаги қистирмаларнинг қалинлиги ўзгартирилади. Сўнгра йиғилади ва бирикма маҳкамлаш даражаси динамометрда текширилган ҳолда маҳкамланади. Асосий узатма шестернялари илашишидаги туташиш ва ён тирқиш фақат деталлар алмаштирилганда (подшипниклар ҳаддан зиёд ейилганда), яъни асосий узатма таъмирланганда ростланади.

Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т. Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори. 4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675- сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

Похожие

Автомобилларнинг юриш қисмига техник хизмат кўрсатиш ва таъмирлаш ишлари технологияси

Автомобилларнинг электр жиҳозларига техник хизмат кўрсатиш ва таъмирлаш технологияси

Бошқариш механизмларига техник хизмат кўрсатиш ва таъмирлаш ишлари технологияси

Автомобил двигателига техник хизмат кўрсатиш ва таъмирлаш ишлари технологияси

Кабина кузов ва платформага техник хизмат кўрсатиш ва таъмирлаш технологияси