Tolalarni titishning yangi jihozlari - Текстиль - Рефераты

Tolalarni titishning yangi jihozlari

Загружено в:

20.09.2019

Скачано:

0

Размер:

223 KB

Tolalarni titishning yangi jihozlari Reja: 1. Tolalarni titish jarayoni, usullari va jihozlari 2. Titish uskunalari yangiliklari. Avtotoytitkichlar 3. Uskunalarning afzallik va kamchiliklari

Tolalarni titish jarayoni, usullari va jihozlari Titish jarayonining maqsadi paxta tolasini tozalashga, aralashtirishga tayyorlash va qaytimlarni qayta ishlanishi uchun imkoniyat yaratishdir. Titish jarayonining mohiyati toydagi tolaning solishtirma zichligini kamaytirishdan iborat. Titish usullari ikki xil bo’lib, mexanik va chimdib titishdan iborat. Mexanik usulda asosan zarbiy ta‟sirdan foydalaniladi. Titish jarayonida beixtiyor iflosliklardan tozalash sodir bo’ladi. Ingliz va fransuz tillarida “titish” so’zi o’rnida “ochish” (opener, ouvrir) so’zi ishlatiladi. Bu ko’p jihatdan asoslidir, chunki toydagi tola bo’laklarining solishtirma zichligi(og’irligi) kamaytirilsa-da, tola tozalanmasligi mumkin, ya‟ni iflosliklar tola bo’lakchasi sirtiga chiqmaguncha tolali massadan ajralmaydi. Titish va tozalash jarayonlari ketma-ket amalga oshadigan jarayonlardir, oldin titish so’ngra tozalash sodir bo’ladi. Titilmaguncha har qancha zarbiy ta‟sir ko’rsatilmasin ifloslik chiqmaydi, chunki hamma yo’nalishda tolalar ifloslik yo’lini to’sib turadi. Shuning uchun tola tutamchalarining eng kichiklari ham maydaroq bo’laklarga bo’linib, pirovord natijada alohida tolalarga ajratiladi. Titish, tozalash jarayonlari titish tozalash agregati mashinalarida amalga oshadi. Titish tozalash mashinalari avtotoytitkichlardan, dastlabki tozalagchlardan, aralashtirgichlar, asosiy tozalagichlar, separatorlar va changsizlantiruvchi mashinalardan tashkil topadi. Avtotoytitkichlar yonida qaytimlarni ishlovchi ta‟minlagichlar ham o’rnatiladi. Ular ta‟minlagich- aralashtirgich sifatida qo’llanilib, ishlanayotgan tola turiga qarab har xil bo’ladi. Qaytimlarga, sintetik tolalarga mo’ljallangan alohida ishlovchi hamda universal ta‟minlagichlar sifatida chiqariladi (1, 2, 3-rasmlar).

1-rasm. Universal BO-U toytitkich sxemasi Mazkur BO-U toytitkich yuqori unumdorlik bilan tejamkor ishlaydi. Ko’pincha BLENDOMAT BO-A kichik partiyalarda alohida ishlashi mumkin. Uning yangiligi shundaki, bunkeri ikkita bo’lganligi tufayli ikki turdagi tolalarni aralashtirib, tozalangan chiqindi va qaytimlarga qo’shishi mumkin. Hech qanday muammsiz tozalagichlarga tutashtirilishi mumkin. Faqat chiqindi tolalar va qaytimlarni titish va stavkaga qo’shish maqsadida BO- R tituvchi mashina qo’llaniladi(2-rasm). 2-rasm. BO-R tituvchi mashina sxemasi. Buning asosiy tomoni shundaki. uni kam hajmdagi chiqindilarni aralashtirishda qo’llaniladi. Ayniqsa pilta qaytimlarini titishga mos keladi, shuningdek eng past (5kg/c) mahsuldorlikda ishlab, dozlash aniqligini saqlab qoladi. Sintetik tolalar uchun tozalovchi valigi bo’lmagan tituvchi mashina qo’llaniladi (3-rasm).

3-rasm. BO-S tituvchi mashina sxemasi Tituvchi mashina yoki titkichlar asosan qaytimlar va chiqindilarga mo’ljallangan bo’lib, ularni toy paxtalarni titishda ham qo’llash mumkin. Bu holda titkichlarni tola bilan yuklash qo’lda amalga oshiriladi. Yuqoridagi titkichlar vazifasi bir xil bo’lsa-da, ularning tarkibi hamda parametrlari turlicha, ya‟ni qayta ishlanuvchi tola, qaytim yoki chiqindi turiga qarab farqlanadi. Stavkadagi toy tolalarini titish uchun avtota‟minlagichlar (avtotitkichlar) qo’llaniladi. Ulardan hozir barcha korxonalarda keng ko’lamda foydalanilmoqda. Avtota’minlagichlar asosan titish jarayonini amalga oshiradi. Ular oddiy titkichlarga nisbatan ancha takomillashgan va hozirgi kunda berilgan rejimda bir maromda, toydagi paxta bo’laklarini bir xil massada titishga xizmat qiladi. Avtota‟minlagichlar tuzilishiga qarab to’g’ri chiziq bo’yicha ilgarilama-qaytma harakatlanuvchi va bir tomonga aylanma harakatlanuvchi turlarga bo’linadi. To’g’ri harakatlanuvchi avto ta‟minlagichlarning gorizontal va qiya tekislikda harakatlanuvchi turlari mavjud. Birinchi turda lot bir yo’la tugasa, ikkinchisida lotga asta-sekin toylar tugashiga qarab yangi toylar qo’shib turiladi. Har ikkala holatning afzallik va kamchiliklari mavjudligiga qaramay ularning asosiy yangiligi titilganlik darajasining yuqoriligi hamda stavka toylarining ikki qator qilib joylashtirishdir. Ma‟lumki, avtotitkichning asosiy ishchi organi ilgarilama-qaytma haraktlanuvchi mashina minorasida joylashgan tituvchi valigidir. Uskunani tayyorlaydigan firmaga qarab, tituvchi valik bitta (Unifloc A11) yoki ikkita (Blendomat BO-A) bo’lishi mumkin. Unifloc A11 ning tituvchi valigi ikkala yo’nalishda titadigan universal tishli disklar bilan jihozlangan bo’lsa (4-rasm), 4-rasm. UNIfloc 11 avtotitkichning ishchi valigi

Blendomat BO-A avtotitkichidagi ikkita tituvchi valikning har biri faqat bitta yo’nalishda ishlaydigan tishlar bilan jihozlangan (5-rasm). 5-rasm. Blendomat BO-A avtotitkichi sxemasi Ishchi valiklar minoraning harakat yo’nalishiga qarab, navbatma navbat ishlaydi. Minora chapdan o’ngga harakatlanganda o’ng valik, minora o’ngdan chapga harakatanganda chap valik ishlashi 6-rasmda ko’rsatilgan. 6-rasm. Minora harakatiga mos ravishda tituvchi valiklar ishlashi Titilganlik darajasi bir xilligini ta‟minlash maqsadida minorada bosuvchi valiklar va orasida tituvchi valik tishlari harakatlanadigan panjara o’rnatilgan. Bosuvchi valiklar panjara bilan birgalikda toydan katta bo’laklar ajralishining oldini oladi va tituvchi valik tishlari toydan ajratib oladigan bo’lakchalar massasining bir xilligi ta‟minlanadi. Titish jarayoni va o’timidagi yangiliklardan biri bitta avtotoytitkich to’rtta assortimentdagi mahsulot ishlab chiqarishga tola etkazib berishi hisoblanadi (7rasm).

7-rasm. Avtotitkichning to’rtta assortimentda ishlashi Bundan tashqari avtotitkich minorasi stavkadagi toylar sathi har xiligiga mos ravishda harakatlanishi (8-rasm) natijasida titilganlik darajasi bir xilligi ta‟minlanadi. 8-rasm. Bo’lakchalar bir xilligini ta‟minlash sxemasi Avtotoytitkich minorasi katta masofada harakatlangani bois tola bo’lakchalarini so’ruvchi havo kuchi kattaligini o’zgarmas qilib ushlash kerak. Bu masalani echish uchun so’ruvchi ventilyator avtotitkichdan keyingi mashinaga o’rnatilgan bo’lib, titilgan tolalarni bir xil kuchda so’rib transportirovka qilishi 9 rasmda ko’rsatilgan.

9-rasm. Elektr quvvatini SP-MF qurilmasi yordamida tejash Shunday qilib, titish jarayoni va uskunalar bo’yicha yangiliklar shulardan iborat.

Foydalanilgan adabiyotlar: 1. O’zbekiston Respublikasi Prezidentining 4 mart 2015 yildagi «2015-2019 yillar uchun tarkibiy islohotlar, modernizatsiya qilish va ishlab chiqarishni diversifikatsiya chora-tadbirlari dasturi to’g’risida» gi PQ-4707 Qarori; 2. www.rieter.com, mashina pasportlari; 3. www . truetzschler . com , mashina pasportlari; 4. www.marzoli.it , mashina pasportlari

Похожие

Tolalarni aralashtirishda yangi texnologik jihozlar

Tolalarni aerodinamik tozalash texnologiyasi va texnikasi

Tolalarni tozalash mexanik tozalash texnologiyasi va texnikasi

Uzib shtapellash mashinalarida uzish usuli bilan tolalarni shtapellash

Tolalarni paralellash uzluksiz mahsulotni shakllantirish va uni tekislash