Бир неча эргаш гапли қўшма гаплар - Лингвистика - Рефераты

Бир неча эргаш гапли қўшма гаплар

Загружено в:

20.09.2019

Скачано:

0

Размер:

98 KB

Бир неча эргаш гапли қўшма гаплар Режа: 1. Бир неча эргаш гапли қўшма гаплар, ҳақида умумий маoлумот. 2. Эргаш гапларнинг бош гапларга боғланиш усуллари: а) биргалик эргашиш; б) кетма-кет эргашиш; в) аралаш эргашиш. 3. Бир неча эргаш гапли қўшма гапларда эргаш компонентларнинг ўрни. 4. Бир неча эргаш гапли қўшма гапларни анализ қилиш тартиби. 5. Қўшимча адабиётлар. 1

Фикрни тўла атрофлича ифодалаш мақсадида таркибида бир неча эргаш гапи мавжуд бўлган бирдан ортиқ эргаш гапларнинг иштирок этиши хисобига орта боради. Бир неча эргаш гапли констукцияларда эргаш гаплар оддий эргаш гапли қўшма гап таркибидаги эргаш гапдан, асосан, фарқ, қилмай. Фарқ эргаш гапларнинг миқдорида бўлади. Бир неча эргаш гапли қўшма гап таркибида содда гапларнинг ҳаммаси бир бўлгани ҳолда, грамматик ва логик бутунликни ташкил этадилар, умумий интонацияга эга бўлиб, тугал бир фикрни реаллаштирадилар. Ҳозирги ўзбек адабий тилида эргаш гапларнинг ҳамма тури такрорланиб келиб, мураккаб конструкция ҳосил қилади. Ҳозирги ўзбек адабий тилида бир неча эргша гапли қўшма гаплар таркибидаги эргаш гаплар бош гапга уч хил йўл билан боғланади: 1. Биргалик эргашиш. 2. Кетма-кет эргашиш. 3. Аралаш эргашиш. Биргалик эргашишни юзага чиқарувчи қўшма гап таркибидаги эргаш гаплар бош гапнинг бирор бўлагини ёки унинг умумий мазмунини тўлдириб келиши мумкин. Шунга кўра, биргалик эргашиш иккига бўлинади: 1. Умумий эргашиш. 2. Бўлакка эргашиш. Биринчи ҳолатда эргаш гаплар бош гапнинг умумий мазмунига алоқадор бўлиб, уни умуман изоҳлайди – бу умумий эргашиш дейилади. Иккинчи ҳолатда шундай бўладики, эргша гаплар бош гапнинг бирор бўлагига боғланиб, унинг мазмунини тўлдиради. Бундай эргашишни бўлакка эргашиш деб юритилади. Қуйидаги умумий ва бўлакка эргашишни юзага чиқарувчи биргалик эргаш гаплар, одатда, бир типли ёки турли типдаги эргаш 2

гаплардан иборат бўлади. Шунга кўра умумий биргалик эргашиш иккига бўлиб ўрганилади: 1. Бир типли умумий биргалик эргашиш. 2. Турли типли умумий биргалик эргашиш. 1. Бир типли умумий биргалик эргашиш. Бир типли умумий биргалик эргашишда эргаш гапларнинг ҳаммаси бил хил характерда бўлади. Умумий эргаш гаплар бош гапнинг структурал-грамматик марказига –эга ва кесимига тўлиқ, боғланади, унинг бутун составига алоқадор бўлади. Биргалик эргаш гаплар ўзаро параллел ҳолатда жойлашадилар. Шунинг учун ҳам айрим текширувчилар биргалик эргаш гапларни «параллел» эргаш гаплар (параллелнқе придаточнқе», бу хил эргашишни эса «параллел эргашиш) (параллелное подчинение» деб изоҳлайдилар. Ҳозирги ўзбек адабий тилида умумий ўзгаришни хосил қилувчи бир тпли биргалик эргаш гаплар қуйидагилар: 1. Уюшган пайт эргаш гаплар: Туман ғарб томонга учиб кетганда, Карвон ўз йўлига сафар этганда. Унумсиз саҳрода бўлиб ғамгин доғ, Уч кўркам хурмодан ку қолди оппоқ. (Лермонтов). Хури, Зайнаб, қош қорайганда, Кеч қоп-қора чойшаб ёйганда, Ичкарига кириб келдилар, Ва Анора салом бердилар. (Ҳамид Олимжон). 2. Уюшган шарт эргаш гаплар: Агар сени дўст алдаса, Қалбинг урушдан чарчаса, 3

Кўнглинг боғи сўлар бўлса, Ўша йироқларда бот, Мени қилгил ёд. (Лермонтов). 3. Уюшган равиш эргаш гаплар: Кеч кириб, тоғдан эсган майин шабада ҳам тиниб, хирмон жит-жит бўлиб қолди. (Ч.Айматов.) Бундай констукцияларда эргаш гапнинг кесими таркибида келувчи ёрдамчи феoл уюшган равиш эргаш гапларнинг фақат биттасида қўлланиши мумкин, лекин у ҳар иккала эргаш гапнинг кесимига тааллуқли бўлади: Турмуш халқнинг фаровон, ўлкамиз обод бўлиб, Қаҳрамон чўлларда яшнар боғу бўстон, Янги йил. (Мушкин) 4. Уюшган мақсад эргаш гаплар: Бахтим борми экан деб, Менга ёрми экан деб, Кела бердилар бари Каттакон чинор сари (Ҳ.Олимжон). 5. Уюшган сабаб эргаш гаплар: Ерда яшайдиган барча кишилар Москва марказ, деб атайдилар, чунки: Кишилик йўлининг чороғбону у , Барча мазлумларнинг меҳрибони у, Тинчликнинг ҳуқуқин поспон у (Ғ.Ғулом) Юқоридаги қўшма гапда уюўшган эргаш гапларни бош гапга бириктирувчи грамматик восита фақат бир ерда қўлланиб, («чунки» боғловчиси) ҳамма эргаш гаплар учун умумийдир. 4

6. Уюшган тўсиқсиз эргаш гаплар: Олдда – ортда ва ўнгу сўлда Кесилса ҳам йўлим; кўкрагим Ўқ еб, қонга беланганда ҳам, Бўш келмадим, ёшим тўкмадим. (Мусо Жалил). 7. Уюшган ўхшатиш эргаш гаплар: Ҳар нарсанинг маoлум қонунияти бўлганидек, ҳар нарса ва ҳодисани тақазо қиладиган омили бўлганидек, дўстлик ҳам шундайлардандир. (В.Воҳидов). Умумий эргашишни юзага чиқарувчи биргалик эргаш гаплар сонини маoлум миқдор билан чегаралаб бўлмайди, уларни ҳоҳлаганча давом эттириш мумкин. Эргаш гап қанча такрорланиб келса, бош гап кесимининг маoноси ҳам шунча кўп очилади: Агар бўлмаса қиши ёзи, Чиқмаса ҳеч кўча-куйга овози, Бошларига ҳеч тушмаса можаро, Ҳамма жойда гап қилмаса фуқоро, Эл ичида чиқармаса ёмон от, Қариндош қилмаса ҳар жойда мот. Ва қилмаса отасини шарманда, Онасини номус уятга банда , Қилмаса у, бизга ўзи улуғ бахт. (Ҳ.Олимжон). I. Турли типдпги умумий биргалик эргашиш. Эргашишнинг ба турини ҳосил қилишда мазмунан турли хил функциясида келувчи эргаш гаплар иштирок этади. Лекин эргаш гаплар турли типда бўлишидан қатoий назар, улар бош гапнинг кесимига боғланиш ҳамда унинг умумий мазмунига тобе бўлиши 5

лозим. Шундай вақтдагина турли типли умумий эргашиш ҳолати юзага чиқади. Турли типли биргалик эргашишда эргаш гаплар бош гапга алоҳида-алоҳида боғлангани билан, формасига кўра, бир хил бўлмагани учун , уюшиқ эргаш гаплар эмас, уюшмаган эргаш гаплар ҳисобланади: а) пайт ва тўсиқсиз эргаш гаплар: Пахта терими бошлангач , ҳаво очиқ бўлса ҳам, кўпчилик колхозлар сушилкаларни тайёрлаб қўйдилар. б) пайт ва ўхшатиш эргаш гаплар: Раиснинг номини тилга олишим билан, Салтанат, худди чаён чаққандай, ўрнидан сакраб турди. (О.Ёқубов); в) шарт ва пайт эргаш гаплар : Агар бир иложини қилиб, уни қишдан омон-эсон сақлаб чиқсам, Чотқолга борганимиздан кейин, бахтимиз очилиб кетармиди. (Ч.Айтматов). Агар сиз рози бўлсангиз, шу бугун тонг отмасданоқ, ЧЕКА сизни қамайди. (Ғ.Ғулом). г) ўхшатиш ва пайт эргаш гаплар: Бу кеча гўё бутун жаҳоннинг Севинчи хоамга йиғилган каби, Ёруғ истиқболдан сўз очилганда, Кулгуга кўмилди дўстларнинг лаби. (Уйғун). Бўлакка эргашишда эргаш гаплар семантик жиҳатдан бош гапнинг бирор бўлагига алоқадор бўлиб, унинг маoносини конкретлаштиради. Бундай эргашиш бўлакка эргашиш дейилади. Масалан: У нима учун курашган бўлса, нимагаки меҳнати синган бўлса, зое кетмади. (С.Аҳмад). Кимки чеккан бўлса севги дардини, Кимники тўйдирган бўлса кулфат ғам, Ортиқ, қўзғата олмас унинг қалбини Умид орзулару ҳаяжон ҳеч дам. 6

(Лермонтов). Бўлакка эргашишни ташкил этган биргалик эргаш гапларнинг бош гапга боғланиш ҳолати схема орқали шундай ифода этилади: Баoзан шундай характердаги биргалик эргаш гаплар учрайдики, улардан бири бош гап билан умумий эргашишни юзага чиқарса, иккинчиси бўлакка эргашиш усули билан боғланади. Қуйидаги костукцияда турли типли биргалик эргаш гапларнинг биринчиси бош гап таркибида яшириниб келган тўлдирувчининг маoносини изоҳлаб, бўлакка эргашишни ҳосил қилган. Иккинчи эргаш гап, яoни шарт эргаш гап бош гапнинг умумий мазмунини аниқлаган ҳолда, умумий эргашиш ҳолатини юзага чиқарган: Қайси журналки бор, янги моданинг расми чқса, суриштириб ўтирмай, шартта йиртиб олади (С.Аҳмад) Бу конструкциянинг схемаси: Юқоридагилардан кўринадики, умумий ва бўлакка эргашишни юзага чиқарувчи биргалик эргаш гаплар бош гапга тўғридан-тўғри тобеланадилар. Улар бош гап атрофида бир фикрий доира ташкил этиб, ёнма-ё ўринлашади: Биргалик эргаш гапларнинг ёнма-ён , параллел равишда, биридан кейин иккинчисининг жойлашуви уларнинг уюшган эргаш гаплар эканлигини ифодаловчи грамматик белгиларидан биридир. Уюшган эргаш гаплар бўлиши учун, эргаш гаплар ўртасида тенг 7А

алоқа ўрнатилиши керак – бу нарса фақат бир типли эргаш гапларнинг ёнма-ён жойлашуви асосида амалга ошади. Уюшган биргалик эргаш гаплар ўртасидаги тенлашиш муносабати қуйидаги йўллар билан амалга ошади: 1. Боғловчисиз бирикиш - бунда эргаш гаплар ўртасида боғловчилар ишлатилмайди, эргаш гаплар интонация ёрдамида бирикади: Агар биз бўлмаак, бизнинг хийла-найрангларимиз бўлмаса, бу оёқ яланг халқ бир кунда буларнинг оёғини осмондан келтиради. (С.Айний) Қасд қилганлар паст бўлсин, душман ўлсин деб, Ўғлим баҳодирим омон бўлсин деб, Яхши тилак тила, яхши ният қил. (Уйғун) Ўзбек тилида эргаш гапларнинг деярли ҳамма турлари боғловчисиз бириккани ҳолда тенгланиш муносабатига кириша олмадилар. 2. Эргаш гаплар тенг боғловчилар ва уларнинг функциясидаги айрим юкламалар ёрдамида тенгланиш алоқасини юзага чиқарадилар: Шамол тинганиданми ё ҳавога анана иси ўрнашиб қолганиданми ниҳоятда ўткир, ёқимли ҳид димоғимга урилди. (С.Аҳмад). Демак, юқоридаги мисоллардан маoлум бўладики, турли типли умумий биргалик эргашиш ҳар хил функциясида келувчи уюшмаган эргаш гаплар ёрдамида юзага чиқади. Бир типли умумий биргалик эргашиш эса бир хил фунциядаги уюшган эргаш гаплар ҳисобига ташкил топади. Уюшган ва уюшмаган биргалик эргаш гаплар қуйидаги белгилари билан бир-биридан фарқ қилади: а) эргаш гапларнинг типи турига кўра; б) уларнинг интонациясига кўра; 8

в) эргаш гапларнинг бириктирувчи боғловчиларнинг бўлиши ёки бўлмаслиги билан; г) эргаш гапларнинг ўринлашувига кўра ; д) эргаш гапларнинг бош гапга боғловчи грамматик алоқа воситаларининг тури, хусусиятларига кўра; е) компонентларнинг қўшма гап таркибидаги группалашувига кўра. II. КЕТМА-КЕТ ЭРГАШИШ Бир неча эргаш гапли қўшма гапларнинг бу кўринишида эргаш ва бош гапларнинг ўзаро грамматик алоқаси бир оз мураккаброқ бўлади. Кетма-кет эргаш гапларнинг ҳаммаси бош гапга тобе бўлмай, уларнинг бири, бошқа эргаш гапларни бошқариб келган тури бош гапга боғланади, уни изоҳлайди, шунинг учун ҳам кетма-кет эргашишда эргаш гапларнинг ўрнини аламаштириб бўлмайди, уларнинг ўрни қатoий бўлади; Пилла топширилиб, клуб биноси бўшагандан кейин, Саида бир гуруҳ комсомол-ёшларнинг ёрдами билан клубни яхши безатди ва тезда очилиш маросимини ўтказди.(А.Қаҳҳор). Меҳмонлар, қоринлари ишгунча еб, қўлларини артганларидан кейин, товоқлар олинди (С.Айний). Компонентлари кетма-кет эргашиш йўли билан бирикувчи қўшма гап таркибидаги содда гаплар мазмунан ва грамматик жиҳатдан зич алоқада бўлади, қўшма гап таркибидаги бирорта эргаш гапни тушунтириб бўлмайди, акс ҳолда, фикр тўлиқ, англашилмай қолади. Агар эргаш гаплар ўрни алмаштирилса кетма-кет эргашиш ҳолати бузилади, компонентлари ўртасидаги грамматик алоқа йўқолади, шунинг учун ҳам бундай қўшма гаплар ёпиқ, синтактик 9

конструкциялар дейилади. Чунки бундай эргашиш ҳолатида эргаш гапларни биргалик эргаш гаплар сингари давом эттриб бўлмайди. Кетма-кет эргашишда бош гапга тўғридан тўғри биринчи бўлиб боғланадиган эргаш гаплар биринчи даражали эргаш гаплар, уларга бирикувчи эргаш гаплар эса иккинчи даражали, учинчи даражали гаплар деб юритилади. Ўзбек тилида нашр этилган дастлабки синтаксисга бағишланган айрим адабиётларда кетма-кет эргашувини ҳосил қилувчи эргаш гаплар «биринчи босқичли эргаш гап», «иккинчи босқичли эргаш гап» номи билан изоҳланади; а) шарт ва мақсад эргаш гаплар; Йигитлар кечикса, ош ланж бўлиб қолмасин деб гуручни солмади. (Ғ.Ғулом.) б) равиш+ шарт эргаш гаплар: Эшик очилиб равон, Қиз кирсаки, чароғон - Бир уй; унда гиламлар Осиғлиқмиш санамлар (А.С.Пушкин) Тўрт девори тикланиб, усти ёпилган бўлса ҳам, ҳали ишнинг энг оғири-сомон сувоғи, қум сувоғи турган эди. (Ч.Айтматов) в) равиш +ўхшатиш эргаш гаплар: Водий бўйлаб майин шамол эсиб, гўё ҳаво илигандек, чўкинди қорлар остини ўйиб, шилдираб сув оқарди. (Ч.Айтматов). Мисоллар шуни тасдиқлайдики, ҳозирги ўзбек адабий тилида икки эргаш гапнинг кетма-кет холда бош гапга бирикуви кўп учрайдиган ходисадир. Иккидан ортиқ эргаш гапнинг бундай ҳолатда бош гапга боғланиши кам учрайди: Чой дамлаб, қопқоғи ёпилгач, устидан қайноқ , сув севаланса, яой то ичиб бўлгунча, ҳароратини бир хил сақлайди. (Меҳнат ва турмуш» журнали). 10

Бу конструкцияда учинчи гап – шарт эргаш гап биринчи даражали, иккинчи гап – пайт эргаш гапли иккинчи даражали, биринчи гап – равиш эргаш гап учинчи даражали эргаш гаплар бўлиб ҳисобланади. Бу қўшма гап таркибидаги гапларнинг грамматик алоқасини схема орқали шундай ифодалаш мумкин: учинчи даражали эргаш гап иккинчи даражали эргаш гап биринчи даражали эргаш гап бош гап. III .КОМПОНЕНТЛАРИ АРАЛАШ ЭРГАШИШНИ ҲОСИЛ ҚИЛУВЧИ ҚЎШМА ГАПЛАР Қўшма гап таркибида эргашишнинг бирдан ортиқ тури иштирок этади.Бунда айрим эргаш гаплар бош гапга нисбатан биргалик эргашиш орақали боғланса, айримлари кетма-кет эргашиш йўли билан бирикадилар. Эргаш ва бош гаплар ўртасидаги бундай мураккаб алоқага аралаш эргашиш деб айтилади. Аралаш эргашиш рус тили қўшма гап синтаксисига бағишланган айрим тадқиқот ишларида «комбинированное подчинние» номи билан ҳам юритилди.Аралаш эргашишни юзага чиқарувчи синтактик конструкцияларнинг таркибида энг камида тўрта содда гап иштирок этиши шарт. Шулардан бири бош гап, қолган иккитаси бир типли ёки турли типдаги эргаш гаплардан иборат бўлади. Аралаш эргашишда эргаш гапларнинг сони учтадан кам бўлмаслиги керак.Агар эргаш гапларнинг миқдори учтадан камайса, бу холда биргалик ёки кетма-кет эргашиш холатигина юзага чиқади, холос. Аралаш эргашишни юзага чиқарувчи эргаш гапларнинг умумий белгиларидан бири уларнинг уюшган ёки уюшмалан холда 111 1 2 3 4

бўлишидир. Шунга кўра қўшма гап таркибидаги эргаш гаплар бир- биридан фарқ қиладилар. Ҳозирги ўзбек адабий тилида аралаш эргашувини юзага чиқарувчи мураккаб конструкцияларнинг характерли кўринишлари қуйидагича тузилади; Биринчи моделp: бош гапга нисбатан икки эргаш гап биргалик эргашувини юзага чиқаради, шу эргаш гаплардан бирига кетма-кет боғланган яна бир эргаш гап мавжуд бўлади. Лаoлихон колхозга раис бўлсин деган таклиф овозга қўйилганда, ҳамма бир қўлини кўтарса, Бодом хола икки қўлини кўтарди. (С.Аҳмад.): Иккинчи моделp:бош гапга нисбатан иккидан ортиқ, эргаш гаплар биргалик эргашувини ҳосил қилади, шулардан бирини кетма- кет эргаш гапи бўлади: Ёв таслим бўлди деб келганда хабар, Муяссар бўлганда муқаддас зафар, Москва сўнги бор салют берганда, Қизлар ғолибларга чечак терганда, Буйруқ берганда Олий Қўмондон, Келади музаффар соҳибқироннинг. (Уйғун.) 12

Учинчи моделp: бош гапга бир эргаш гап боғланиб, бу эргаш гап иккита биргалик эргаш гапни ўзига бириктиради.Эргаш гапга бирикувчи биргалик эргаш гаплар икки хил характерда бўлиши мумкин: а) бир типли эргаш гаплардан: Ўзаро текшириш ўтказилганда ҳам, мусобақа якунланганда ҳам ҳамма эoтибор хўжалик масалаларига берилиб, шартноманинг бошқа моддалари фақат хўжа кўрсин учунгина тилга олинар эди. (А.Қаҳҳор.) Тўртинчи моделp : бош гапга биргалик эргашиш усули билан боғланаётган икки биргалик эргаш гапларнинг ҳар бири биттадан ўз эргаш гапига эга бўлади: Она қолиб, бола ўлса, қари қолиб, ёш кетса, қандай чидай, болам? (У.Назаров.) Бу конструкция таркибида бешта содда гап бор. Улардан дастлабки тўртаси эргаш гаплар ҳисобланиб, бу эргаш гаплар бош гап билан аралаш эргашишни юзага чиқарадилар. Биринчи эргаш гап иккинчисига,учинчи эргаш гап тўртинчисига, нисбатан кетма-кет бириккан эргаш гаплардир. Иккинчи ва тўртинчи эргша гаплар ўз кетма-кет эргаш гапларига эга бўлганлари холда, бир-бирларига нисбатан параллел жойлашиб, бош гап билан биргалик эргашишни хосил қилади. Аралаш эргашишнин бу моделини қуйидаги график орқали ифодалаш мумкин: 131 3 2 4 5

Аралаш эргашишнинг юқорида кўрсатилган моделларида бош гап битта бўлиб, у иккидан ортиқ биргалик, биргалик ва кетма-кет эргаш гаплар билан грамматик алоқага кирган. БИР НЕЧА ГАПЛИ ҚЎШМА ГАПЛАРДА ЭРГАШ ГАПЛАРНИНГ ЎРНИ МАСАЛАСИ. а) биргалик эргашишни юзага чиқарувчи эргаш гаплар бош гапдан олдин ҳам, кейин ҳам жойлашуви мумкин. Бош гаплан аввал: Роса уч йил ўтганда, Оламни гул тутганда, Ям-яшил эрта баҳор Бунёд бўлди намоён (Ҳ.Олимжон) б) бош гапдан сўнг: Шундай одамлар ҳам бўладики, улар ўз ақл идрокларига бойвачадек қарайдилар, идроклари у қадар ўткир бўлмасада, ўз талантларини шу идрокларига бўйсундирадилар. (М.Горкий) в) кетма-кет эргашишда эса эргаш гаплар фақат бош гапдан олдин қўлланади: Ёғингарчилик тугаб, ҳаво очилиб кетгач, Шукуров колхоз … командирлари – бригадирларни тўплади. (И.Раҳим) Эшик очилиб равон, Қиз кирсаки, чароғон – Бир уй, унда гиламлар Осиғликмиш санамлар. (А.С.Пушкин). БИР НЕЧА ЭРГАШ ГАПЛИ ҚЎШМА ГАПЛАРНИ ТАҲЛИЛ ЭТИШ ТАРТИБИ: 1. Бир неча эргаш гапли қўшма гап тури: 14

а) биргалик эргашишли; б) кетма-кет эргашишли; в) аралаш эргашишли; 2. Эргаш гапларнинг типи: а) бир типли (уюшган) ; б) турли типли (уюшмаган). 3. Эргаш гаплар ёрдамида бош гапни изоҳланиши: а)умумий изоҳ; б) бўлак изоҳи. 4. Эргаш гапларни бош гапга боғловчи воситалар. 5. Бир неча эргаш гапли қўшм агапнинг схемаси ТАҲЛИЛ НАМУНАСИ Яна кимки Ватан учун жанг қилса, Яна кимки ёв ҳолини танг қилса, Яна кимки ёвни қувса ватандан Менинг чеҳрам кшринади ўшанда. (Ҳ.Олимжон) 1. Бир неча эргаш гапли қўшма гап; уч эргаш коипонент ва бир бош гаплан иборат , биргалик эргашишли . 2. Бир типли биргалик эргашишни юзага чиқарувчи изоҳ эргаш гаплар уюшиб келган. 3. Эргаш гаплар ёрдамида бош гап таркибидаги «ўшандан» (тўлдирувчи бўлаги) изоҳланган. Демак, бўлак, изоҳи. 4. Эргаш гаплар бош гапга аналитик – синтетик усул билан боғланган. 5. Схемаси: 15

Асосий адабиётлар 1. Абдураҳмонов Ғ . Қўшм агап синтаксиси асослари . Т ., фан , 1958 йил . 2. Ўзбек тили грамматикаси. II том Синтаксис. Т.,1976 йил. 3. Абдураҳмонов Ғ. Сулаймонов Ҳ. Ҳолиёров Х. Ж.Омонтурдиев .Ҳозирги ўзбек адабий тили. Синтаксис. 1976 йил. 4. Ғуломов А.Ғ. Асқарова М. Ҳозирги ўзбек адабий тили. Т., 1987 йил. 5. www.ziyonet.uz 16

Похожие

Эргаш гапли кушма гаплар

Кесим эргаш гапли қўшма гап

Аниқловчи эргаш гапли қўшма гап

Чоғиштириш ва ўхшатиш эргаш гапли қўшма гап

Қўшма гаплар услубияти