Ичбуруг - Медицина - Рефераты

Ичбуруг

Загружено в:

20.09.2019

Скачано:

0

Размер:

99 KB

Ичбуруг Режа: 1. Ичбуруг ҳақида тушунча, 2. Ичбуруг этиологияси, даволаш ва профилактикаси.

Дизентерия шигеллалар кузгатадиган, интоксикация ва йугон ичак дистал кисмининг зарарланиши билан таърифланадиган юкумли касалликдир. Дизентерия - бузилиш ва йугон ичак деган сузлардан ташкил топган бўлиб, ичак фаолиятининг бузилиши деган маънони англатади. Узбекистон худудидини иссик иклимини,сув танкислигини, этиборга олганда ичак инфекцияни купллиги хайраттат колдирмайди. Уткир ичак касалликлар юкумли касалликлар структурасида биринчи уринни эгалайди,мой ойидан бошлаб токи кеч куз киргунча кузатилади.Ичбуруг касаллигидан кейин беморлар анча вактгача холсизланиб юради ,айрим холатларда огир асоратлар ,касалликнинг сурункали кечиши кузатилади. Уҳбу сабабларга кура дизентнрия уз долзарблигини йукотмаган. Тарихий маълумотлар : Милоддан салкам уч минг йил илгари утган машхур ҳақим Гиппократ ичак касалликларини икки гурухга ажратган: 1) оддий ичкетар (диарея) ва 2) дизентерия - корин огриги билан утадиган ич кетиши. Асрлар давомида дизентерия одамларга куп фалокатлар келтирган. Айникса, табиий фалокатлар пайтида (уруш ва очарчилик йилларида) у эпидемия ва баъзан пандемия куринишида кенг таркалган ва куп бахтсизликларга сабаб булган. Этиологияси: Дизентерия бактериялари SHIGELLA авлодига киради, уларнинг 50дан ортик серологик турлари маълум. Халкаро классификация буйича шигеллалар 4 гурухга булинади: А, В, С, D . Хар бир гурухнинг серологик турлари ажратилади. Дизентерия бактериялари ферментатив ва антиген хусусиятларига караб уч гурухга булинади: Шигеллалар таёкча шаклида бўлиб, катталиги 0,3-0,6 ва 1-3 мкм келади. Улар харакатсиз, спора ва капсулалари йук, грамм манфий, факультатив анаэроб. Оддий озука мухитларида купаяверади.

Шигеллаларнинг термостабил, яъни иссикликка чидамли соматик О - антигени бор. Григорьев – Шиг бактериялари кучли экзотоксин ишлаб чикаради, парчаланганида эса улардан эндотоксин хам ажралиб чикади. Колган хамма шигеллалар эндотоксин хосил килади. Дизентерия бактерияларининг токсинлари нейротроп ва энтеротроп хусусиятига эга. Григорьев – Шига бактерияларининг вирулентлиги жуда юкори. Колганлари унча вирулент эмас. Шигеллаларнинг ташки мухит шароитига караб бир неча кундан бир ойгача тирик саклана олади. Сут ва сутли махсулотларда шигеллалар тирик сакланибгина колмай, балки тез суръат билан купая олади. Улар совук хароратда ва куритилганда халок булмайди. 60 даража иссикликда 30 минутдан сунг, 100 даражада эса дархол халок булади. Куёш нури хам уларни улдиради. Дезинфекцияловчи моддалар (гипохлорит, хлорамин, лизол ва бошкалар) бу бактерияларни бир неча минут ичида халок килади. Дизентерия билан огриган бемор организмида хосил буладиган иммунитет кучсиз булади ва узокка чузилмайди. Дизентерия кузгатадиган бактерияларнинг турлари вакт утиши билан узгариб туради. Масалан, 1930- 1935 йилларгача асосан (50-80%) Григорьев – Ш ига бактерияси учрар эди. 1940-йиллардан бошлаб Европада (60-80%) беморларда касалликнинг кузгатувчиси Флекснер таёкчаси бўлиб чикди. 1960-йиллардан сунг унинг урнини Зонне микроби эгаллади. Хозир Зонне таёкчаси купрок учрамокда. Ер юзининг бошка жойларида Флекснер ва Григорьев – Шига бактериялари кузгатган дизентерия хали хам тез-тез учраб туради. Эпидемиологияси: Инфекция манбаи дизентерия билан огриган беморлар ва бактерия ташувчилардир. Беморлар ва бактерия ташувчилар шигеллаларни ахлат билан бирга ташкарига чикаради. Сунгра улар хар хил йуллар билан соглом одам огзига киради. Григорьев – Шига бактерияси купинча контакт йули билан, Флекснер шигелласи сув оркали, Зонне таёьчаси эса озик-овкатлар оркали юкади. Одамларда дизентерия

бактерияларга табиий қаршилик курсатиш кучи деярли йук. Шу сабабдан шигеллалар юккач, деярли хамма вакт касаллик ривожланади. Купинча мактабгача ёшдаги болалар касалланади. Хамма беморларнинг 2ғ3 кисмини 6 ёшгача булган болалар ташкил килади. Бу касаллик ёз ва куз ойларида купрок учрайди. Иммунитет касаллик кузгатган турдаги бактериянинг узигагина хос булади, бир йилдан узокка чузилмайди. Патогенези: О ғ из оркали кирган шигеллаларнинг бир кисми меъда ва ичакда хазм ферментлари таъсирида халок булади. Уларга ичакдаги микроблар хам таъсир килади. Ана шу тусикларни енгиб утган шигеллалар йугон ичак эпителий хужайраларига жойлашиб олиб, уларда узок вакт саклана олади ва купаяди. Хужайраларнинг бир кисми халок булади ва улардан чиккан шигеллаларни нейтрофил лейкоцитлар ва макрофаглар ютиб олади (фагоцитоз). Айни вактда ажралиб чиккан токсинлар организмга уз кучини курсатади. Токсиннинг нейротропик хусусиятига эга кисми марказий нерв системаси, вегетатив нерв системаси ва симпатико-адренал системага таъсир килади. Бу интоксикация моддалар алмашинуви жараёнининг бузилишига сабаб булади. Токсиннинг энтеротоп хусусиятли кисми - энтеротоксин асосан йугон ичак дистал кисмининг шиллик пардасига таъсир килади. Бу токсин аденилатциклазани фаол холга келтиради ва натижада ичакда суюклик ва электролитлар тупланиб боради. Шигеллалар ва уларнинг токсинлари таъсирида ичак шиллик пардаси яллигланади, эрозия ва яралар пайдо булади. Токсин таъсирида биологик фаол моддалар (гистамин, серотонин) куп ишлаб чикарилади ва улар яллигланиш жараёнини кучайиб, ичак функцияларини бузилишига сабаб булади. Дизентерия огир утганда, айникса ёш болаларда токсикоз ва эксикоз белгилари яккол куринади. Баъзан кон томирлари функцияси каттик бузилиши натижасида бемор улиб колиши хам мумкин. Дизентериянинг огир ёки енгил утиши ва клиникасининг баъзи хусусиятлари шигеллаларнинг хилларига богликдир.

Патологик анатомияси: йугон ичакда юз берадиган узгаришларни шартли равишда 4 даврга булиш мумкин: 1. уткир катарал яллигланиш даври; 2. фибриноз-некротик яллигланиш даври; 3. яра пайдо булиш даври; 4. яраларни битиб, ичак шиллик пардасида чандик пайдо булиш даври. Охирги йилларда 2- ва 3-даврларга хос узгаришлар жуда кам учрамокда. Асосан катарал яллигланиш белгилари куринмокда. Яллигланган шиллик пардада кон куйилиш аломатлари - конталашлар ва эрозиялар топилади. Ичак йулида шиллик ва кон аралаш экссудат тупланиб колади. Касаллик огир утганида шиллик пардада некроз бошланиб, халок булган тукималар кучиб тушгач, яралар пайдо булади. Бу яралар купинча саёз булади, лекин баъзан анчагина чукур бўлиб, ичак деворининг мушак каватигача боради. Ичак шиллик пардасида катарал яллигланиш булганда касалликнинг 2- 3-кунларидаёк эпителий тукимасининг регенерацияси бошланади. Шунга карамасдан, ичакдаги анатомик узгаришлар, хатто дизентериянинг енгил хилларида хам 4-5 ой утгандан кейингина бархам топади. Регенерация аломатлари билан бир каторда яллигланиш белгилари хам кузатилади. Сурункали дизентерияда регенерация жараёни чузилиб кетади. Мейснер ва Ауэрбах нерв чигалларида, симпатик нерв тугунларида, умурткалараро ганглияларда дистрофик узгаришлар аникланади. Бу хилдаги дистрофик узгаришлар куёшсимон нерв чигали, буйин симпатик тугунлари, адашган нерв ганглиясида хам юз беради. Клиникаси: Кабул килинган расмий классификацияга кура дизентериянинг куйидаги хиллари ва шакллари учрайди: I. Уткир дизентерия. 1. Колитик хили: А) енгил шакли;

Б) уртача огирликдаги шакли; В) огир шакли; Г) белгилари аник булмаган шакли. 2. Гастроэнтероколитик хили: А) енгил шакли; Б) уртача огирликдаги шакли; В) огир шакли; Г) белгилари аник булмаган шакли. II. Сурункали дизентерия.  кайталаниб ёки кузиб турадиган, яъни рецидивланувчи хили;  узлуксиз давом этадиган хили. III . Бактерия ташувчилик. Дизентерия касаллиги давомида 5 даврга ажратилади:  инкубацион давр;  бошлангич даври;  касалликнинг авж олган даври;  симптомларнинг суниш даври;  согайиш даври. Умуман олганда дизентерия асосан интоксикация ва колитик синдром билан таърифланади. Гастроэнтероколитик хилида булардан ташкари гастрит ва энтерит аломатлари хам куринади. Инкубацион давр купинча 2-3 кун давом этади, у 1 кунгача кискариши ва 7 кунгача чузилиши мумкин. Касаллик купинча тусатдан бошланади. Беморнинг эти увушиб, харорати 38- 39 0 С гача кутарилади ва 2-4 кунгача юкори бўлиб туради. Харорат субфебрил даражада ёки нормал булиши хам мумкин. Харорат юкори булганда купчилик беморларнинг боши огрийди, дармони куриб, бадани какшайди, кайфияти ёмон булади.

Томир уриши узгарувчан булади, пульс мароми бузилиб, кон босими пасаяди, юрак тонлари бугиклашади, нозик систолик шовкин эшитилади. Интоксикация кучли булганида коллапс юз бериши мумкин. Бемор корнининг чапки паст томони бураб огрийди. Хар гал хожатхонага бориш олдидан корин огриги безовта килади. Хожатхонага бориш зарурияти тугилганда, орка тешик ачишиб, каттик огрийди ва бу беморни анча безовта килади. Коринни пайпаслаганда йугон ичакда, айникса, унинг чапки кисми безиллаб туради ва кискарган холда худди арконга ухшаб кулга унайди. Симптомлари яккол куринган дизентерияда беморнинг ахволи огир булади, у бир кеча-кундузда 20-30 марта хожатга бориши мумкин. Лекин хар гал тувакдан турганда бемор енгиллик сезмайди, у гуё узини хожат килмагандек хис килади. Бир кеча-кундузда беморнинг ичи тез-тез келса хам тушадиган ахлат микдори 0,5-1,0 л дан ошмайди. Чунки бемор хожатга борганида озгина ахлат ва унга аралашиб асосан шиллик ва йиринг чикади. Шилликка озгина кон аралашган булади. Касаллик зуриккан вактда беморнинг ичидан ахлат эмас, балки факат кон аралаш шиллик билан йиринг келади. Йугон ичак кискарган холда булганлиги сабабли ахлат ингичка ичакда тухтаб колади. Дизентерия огир утганида бемордан худди гушт селига ухшаш суюклик келади. Дизентерия интоксикацияси окибатида сулак бези ва бошка хазм безларининг фаолияти бузилади: огиз курийди, меъда ширасининг протеолитик хусусияти, ундаги кислота миьдори камаяди. Меъда ва ичакларнинг харакат фаолияти ва секрецияси хам бузилади. Интоксикация кучли булган холларда меъда ости бези ва жигар фаолияти бузилади. Протеинурия, микрогематурия, лейкоцитурия, цилиндрурия ва ковук сфинктерининг спазмига хос белгилар аникланади. Кон текширилганда бир оз лейкоцитоз, лейкоцитар формуланинг чапга сурилиши моноцитоз аникланади. ЭЧТ бир оз тезлашади. Дизентериянинг авжига чикадиган даври 1-2 кундан 8-9 кунгача давом этади.

Касаллик симптомларининг суниш даврида интоксикация ва колит аломатлари камаяди. Согайиш даврида хамма органларниннг фаолияти нормаллашади ва организм дизентерия бактерияларидан халос бўлиб боради.  Уткир дизентерия. - Колитик хили. А) Касалликнинг енгил шакли тусатдан бошланади, харорат киска муддатда 37-38 0 С даражагача кутарилади. Бемор дармони куриб, иштахаси бугилади, кейинрок корни бир оз огрийди. Бир кеча-кундузда 3-5 марта хожатга боради. Ахлати суюк ва шилимшик, баъзан кон аралаш булади. Лекин беморларнинг иш кобилияти сакланиб туради. Пайпаслаганда йугон ичакнинг чапки паст кисми огрийди ва кискариб, таранг тортиб тургани кулга унайди. Ректоскоп билан текширилганда йугон ичакда катарал ва катарал-геморрагик яллигланиш аломатлари курилади. Дизентериянинг бу шакли купинча 3-4 кун, баъзан 7-8 кун давом этади. Сунгра бемор согая бошлайди. Б) Дизентериянинг уртача огирликда утадиган колитик шакли тусатдан бошланади, бемор боши огриб, эти увишади, бадани какшайди. Харорати 39- 40 0 С гача кутарилади ва 2-3 кун утгач, пасаяди. Иштаха йуколиб, бемор кунгли айниб, баъзан кусади, корни каттик бураб огрийди. Бир кеча-кундузда 10-20 мартагача хожатга боради, хожат вактида асосан кон аралаш шиллик келади. Бундай симптомлар 2-3 кундан сунг аста-секин камаяди ва бемор ахволи яхшилана бошлайди. Ректоскоп билан текширилганда катарал- геморрагик ва катарал-эрозив проктосигмоидит аникланади. Бир ярим икки хафтадан сунг согайиб кетади. В) Дизентериянинг огир колитик шакли бирданига бошланади, харорат 39-40 0 С гача кутарилиб, кучли интоксикация булади. Бемор баъзан алахлайди, кунгли айниб, кайт килади. Корни каттик огрийди, тез-тез сияди, орка тешиги доим деярли ачишиб огриб туради. Бир кеча-кундузда 50 ва ундан купрок марта хожатга боради. Хожат вактида кон аралаш шиллик, баъзан гушт селига ухшаш суюклик келади. Бемор дармони куриб, жуда

холдан кетади. Териси ва шиллик пардалари куруклашиб колади. Кон босими пасаяди, тахикардия кузатилади. Корин дам бўлиб шишади, анус сфинктери ишламайди, гушт селига ухшаш суюклик окиб туради. Кучли интоксикация таъсирида бемор баъзан кома холатига тушиб, алахлаб ётади. Кон айланишида чукур узгаришлар юз беради. Бундай беморларга кечиктирмай ёрдам бериш зарур булади. Йугон ичак пайпаслаб курилганда каттик огрик булади. Бундай огир ахвол 7-10 кунгача давом этади. Ректоскоп билан текширилганда катарал-геморрагик, катарал-эрозив узгаришлар, баъзан эса яралар аникланади. 2. Дизентериянинг гастроэнтероколитик хили худди овкат токсикоинфекциясига ухшаб, киска инкубацион даврдан сунг бирданига бошланади. Кучли интоксикация ва гастроэнтероколитга хос симптомлар кузатилади. Бемор кайта-кайта кусади, шир-шир ичи кетади. Бошланишида ахлатида кон ва йиринг булмайди. Кориннинг хамма ери огрийди. Бемор ахволининг огир ёки енгиллиги организм йукотган суюклик микдорига боглик булади. Касаллик енгил утганда сувсираш - дегидратация кузатилмайди, дизентерия уртача огирликда утганда 1-даражадаги дегидратация юз беради, касаллик огир утганда 2- ва 3-даражадаги дегидратация аникланади. Бемор куп суюклик йукотган холларда гиповолемик шок бошланиши мумкин. Дизентериянинг гастроэнтерик варианти хам учрайди. Бунда гастроэнтерит белгилари ва дегидратация аломатлари яккол курингани холда колит симптомлари булмайди. Дизентериянинг колитик хилида хам, гастроэнтероколитик хилида хам касаллик белгилари етарли билинмайди. Беморнинг корни салгина огрийди, 1-2 кун давомида ичи бузилади. Ахлатида кон ва шиллик булмайди. Бемор харорати кутарилмайди, корин пайпасланганда сал-пал огрийди. Ахлат микроскоп остида текширилганда хар бир куриш майдонида 20 ва ундан куп лейкоцитлар куринади. Ректоскоп билан текширганда катарал проктосигмоидит манзараси куринади. Диагностикада анамнез маълумотлари мухим роль уйнайди. Баъзан уткир

дизентерияга хос белгилар 1,5 ойдан 3 ойгача чузилиши мумкин. Касалликнинг бундай хилини чузилган дизентерия деб аталади. II . Сурункали дизентерия . Уткир дизентерияли беморлар 2-5% холларда сурункали хилига утади. Нерв системаси, меъда, жигар, меъда ости безлари касалликлари ва хар хил гижжа ёки содда хайвонлар инвазияси, авитаминоз, алиментар дистрофия ва бошкалар сурункали дизентерия шаклланишига сабаб булади. 1 . Сурункали дизентериянинг рецидивли хили купрок учрайди. Бунда вакти-вакти билан дизентерия симптомлари кайтарилиб туради. Рецидивлар бир неча марта такрорланиши мумкин. Рецидив вактида асосан колит синдроми кузатилади. Бундай беморларда меъда, ингичка ичак, меъда ости бези, гепатобилиар система аъзолари зарарланади. Беморлар асаби бузилиб, тажанг бўлиб колади. Купинча бош огрийди, иш кобилияти пасаяди. Вегетатив нерв системаси фаолияти хам бузилади. Рецидивда ректоскопия манзараси худди уткир дизентериядагига ухшаш булади. Рецидивлар орасида беморлар ахволи бир кадар яхшиланиб колади. Иш кобилияти тикланади. Аммо бундай кишиларнинг корни дам бўлиб, мижиглаб огриб туради, эпигастрал сохада огирлик сезилади. 2. Сурункали дизентериянинг узлуксиз давом этадиган хилида касаллик симптомлари кундан-кунга авж олиб, бетухтов давом этади ва беморнинг ахволи борган сари огирлашиб боради. Овкат хазм килиш бузилади, бемор озиб кетади, гиповитаминоз, камконлик ва дисбактериоз аломатлари кузатилади. Сурункали дизентериянинг бу хили кексайиб колган ва умман касалманд, заиф кишиларда учрайди. III . Бактерия ташувчилик. Бактерия ташувчиларда интоксикация аломатлари ва ичак функциялари бузилишига хос белгилар булмайди. Аммо бактерия ташиб юрувчи киши замонавий усуллар билан хар томонлама текширилса, унинг организмида инфекцион жараён белгилари борлиги аникланади. Демак, бактерия ташувчиларда касаллик субклиник холатда, зимдан кечади.

Дизентерия асоратлари: Уткир дизентериядан сунг беморларнинг 5- 15% да рецидив учрайди. Рецидивда баъзан дизентериянинг хамма симптомлари куринади, бошка холларда эса унинг айрим белгиларигина пайдо булади. Баъзи холларда тугри ичак чикиб колиши, орка тешик девори дарз кетиши, бавосилнинг зурайиши ва камдан-кам ичак ёрилиши, натижада перитонит ривожланиши мумкин. Диагностикаси: Эпидемилогик маълумотлар ва клиник симптомлар билан бир каторда дизентериянинг диагностикасида лаборатор натижалар хам мухим роль уйнайди. Бактериологик усул жуда мухим, бирок беморларнинг факат 22-80% дангина дизентерия микробларини ажратиб олиш мумкин булади. Бемор ахлатини экиб ундиришда тартиб коидаларига алохида эътибор бермок керак. Беморга антибиотиклар тайинланмасдан олдин унинг ахлати Плоскиров озик мухитига экилади. Эгри гемагглютинация реакцияси хам касалликнинг 5-кунларидан бошлаб мусбат натижа бера бошлайди. Унинг диагностик титри 1:160 ва ундан юкори.Унинг титри 2 хафта давомида купайиб боради-да, 4 ва 5- хафталардан кейин камая бошлайди. Иммунофлюресцент усулдан хам фойдаланилади. Бемор ахлатини микроскоп остида текширилганда лейкоцитлар, эритроцитлар ва эпителиал хужайралар топилади. Ректороманоскопия жуда катта ахамиятга эга булган текширув усулидир. Ректоскоп ёрдамида йугон ичакнинг пастки 30 см ли кисми шиллик пардасида юз берган патоморфологик узгаришларни куз билан куриш мумкин булади. Ректоскопда куйидагича манзаралар кузга ташланади: 1. катарал проктосигмоидит; 2. катарал геморрагик проктосигмоидит; 3. эрозив проктосигмоидит; 4. ярали проктосигмоидит. Дизентерия диагностикасида Цеверкалов аллергик реакциясидан хам фойдаланилади.

Эпидемиологик маълумот, клиник симптомлар, лаборатория текшириш натижалари ва ректоскопия манзараларини чукур тахлил килиш йули дизентерияни куйида кайд килинган касалликлардан ажратиб, аниклаб олиш мумкин булади. Даволаш: Дизентериянинг енгил хилига уй шароитида хам даво килиш мумкин. Бунда албатта, уйдаги имкониятлар, унинг санитария холати, оила аъзоларининг гигиена коидаларига риоя килишини эътиборга олиш керак. Озик-овкат махсулотларига алокадор жойда ишлайдиган беморлар албатта касалхонага жунатилади. Бемор урнидан турмай ётиши керак, хожатга бориш учун туришга рухсат этилади. Купрок ухлаш фойдали. Дизентериянинг дастлабки даврида беморга 4-ракамли пархез тайинланади. Ич кетиши тухтагач 2 ёки 15- пархезлар таомларига утиш рухсат берилади. Пархезнинг хилидан катъий назар беморга етарли микдорда углеводлар, ёг, оксил моддалари ва витаминлар бериш керак. Беморга овкат танлашда хамма вакт унинг йугон ичагидаги патоморфологик узгаришларни назарда тутмок зарур. Касаллик кузгатувчи микробга қарши таъсир утказиш: Охирги йилларда олиб борилган кузатишлар ва текширувлар натижасига кура шигеллалар невиграмон ва канамицин, полимиксин-М-сульфат, фурозолидонга етарли даражада сезувчан эканлиги аникланган. Шу туфайли дизентерияга даво килишда ана шу препаратларни куллаш максадга мувофикдир. Невиграмон кунига беморнинг 1 кг огирлигига 60 мг хисобидан 5-7 кун берилади. Полимиксин-М-сульфат кунига 100 мгғкг хисобидан 5-7 кун берилади. Фуразолидон 0,05 г дан кунига 3 махалдан 1 хафта берилади. Патогенетик даво: Дизентерия огир утиб, интоксикация белгилари яккол куринганда дезинтоксикацион дорилар ишлатилади: ош тузининг физиологик эритмаси, Рингер-Лок эритмаси, «Трисоль», «Дисоль», «Ацесоль», «Лактосоль» эритмалари 1-2 литр микдорида юборилади. Булардан ташкари коллоид эритмалари бир кеча-кундузда 400-800 мл

микдорда венадан юборилиб турилади. Бемор ахволи жуда огир булганда баъзан киска муддат давомида кортикостероид гормонлар ишлатилади. Бемор организмининг химоя кучларини ошириш максадида сурункали дизентерияда Чернохвостов тавсия этган ва спиртда тайёрланган вакцина ишлатилади, вакцина беморнинг териси остига юборилади. Огиз оркали бериладиган дизентерия иммуногени хам организм химоя кучларини оширади. Кайта-кайта рецидив билан утадиган дизентерияга даво килишда протеин, плазма, альбумин яхши натижа беради. Зардоб полиглобулини хам муваффакият билан кулланилади. Бу препаратларда гаммаглобулиндан ташкари бетаглобулин хам бор. Зардоб полиглобулини мушак орасига ёки венага 3 мл дан кун оралаб юборилади. Беморга албатта поливитамин бериш керак. Поливитамин бошка жихатлардан ташкари антибиотиклар билан даволанганда юз берадиган ичак дисбактериозига қарши чорадир. Тукималарда модда алмашинувини яхшилаш учун бир кеча-кундузда 0,2-0,4 дан 4 махал пентоксил, 1-2 г дан 4 махал метилурацил ичириб турилади. Дизентерияда ишлатиладиган пирогенал, продигиозон организм химоя кувватини оширади, регенерация жараёнини ва фагацитозни кучайтиради. Йод билан поливинилалкоголнинг бирлашмаси - йодинол хам организм резистентлигини кучайтиради. Йодинол ичирилади ёки 1% ли эритмаси хукна килиб юборилади. Полийодин 1 кунда 1 таблеткадан берилади. У дизентериянингсубклиник формасида купрок ишлатилади. Ичак дисбактериозини йукотиш учун беморга колибактерин, бифидумбактерин, бификол ёки лактобактерин берилади. Бу дорилар антибактериал препаратлар билан даволаш тугагандан сунг 1-2 кун утгач берилади. Улар дизентерия сурункали шаклга утишини, касаллик рецидиви ва бактерия ташувчилик шаклланашини олдини олади. Профилактикаси: Аввало дизентерия диагнозини имкони борича барвакт аниклаб, беморни касалхонага жунатиш ёки касалликнинг ундан бошкаларга юкмаслик чораларини куриш зарур. Дизентериянинг билинар-

билинмас белгилари билан утадиган ва айникса субклиник турини аниклашга алохида эътибор килинади. Ичи кетган беморларнинг хаммаси назорат остида булиши керак. Бемор ётган уй дезинфекция килинади. Беморнинг касалхонадан уйига кетишига касаллик симптомлари бархам топиб, ахлати текшириб курилганда дизентерия микроблари йуклиги аник булгандан кейингина рухсат берилади. Уйига кайтган бемор поликлиника врачи назоратида булади. Ахоли орасида санитария-гигиена коидаларига риоя килиш зарурлигини тушунтириш ва умуман ахолининг санитария-гигиена ҳақида тегишли билимларга эга булиши жуда мухим.

Адабиётлар: 1. Е.П.Шувалова, Инфекционнўе болезни, М., Медицина, 1999г. 2. В.М.Маджидов, Юқумли касалликлар, Тошкент, 1992й. 3. В.Ф.Учайкмн, Руководство по инфекционнўм болезням у детей, М., Медицина, 1998 г. 4. И.К.Мусабаева, Руководство по воздушно-капельнўм инфекциям, Ташкент. 5. А.Г.Коломиец, В.И.Вотяков и др., Генерализованная герперическая инфекция, фактў и концепция, Минск, Наука и техника, 1992г. 6. В.Ф.Учайкин, Специфическая профилактика инфекционнўх заболеваний у детей, М., Медицина, 1995г. 7. Н.Д.Юшук, А.Д.Царегородцев, Лекции по инфекционнўм болезням, М., ВУНМИ, 1996г. 8. Г.А.Тимофеева, Л.А.Антипова, Инфекционнўе заболеван ия у детей первого года жизни, М., Медицина, 1985

Похожие

Нерв системасининг касалликлари

Безгак

Асосий аъзоларининг анатомияси ва физиологияси

Ички юқумсиз касалликлар

Хирургик касалликлар