Фармацевтика бозорида улгуржи савдо фаолиятини ташкиллаштириш - Медицина - Рефераты

Фармацевтика бозорида улгуржи савдо фаолиятини ташкиллаштириш

Загружено в:

20.09.2019

Скачано:

0

Размер:

66.5 KB

Фармацевтика бозорида улгуржи савдо фаолиятини ташкиллаштириш Режа 1. Дорихона омборининг асосий вазифалари. 2. Омборхонага молларни қабул қилиш тартиблари. 3. Дорихона омборида молларни сақлаш тартиби. 4. Дорихона омборидан моддий бойликларни бериш қоидалари 5. Омборхона бўлимлари ҳақида маълумот. 6. Омборхонага келаётган молларни сифатини текшириш. 1

Дорихона омборининг зиммасига қуйидаги вазифалар юкланади; 1.Тиббиёт молларини етказиб беришнинг алоҳида шартлари ва тузилган шартномаларга мувофиқ таъминотчилардан миқдори ва сифати жиҳатидан қабул қилиб олиш. 2. Дори воситаларининг физикавий кимёвий хоссаларини эътиборга олган ҳолда уларни сақлаш учун давлат фармакопеясининг талаблари, юқори ташкилотлар тасдиқланган буйруқ ва йўриқномалардаги қоидаларга биноан тегишли шарт-шароитлар яратиш. 3. Бўлимлардаги моддий бойликларни тўлиқ сақланишини таъминлаш 4. ДПМ ва бошқа муассасаларнинг буюртмаларини бажариш. 5. Дорихона тармоқларига молларни етказиб бериш. Дорихона омборининг фаолиятида молларни қабул қилиш бўлимининг аҳамияти катта. Бу бўлим таъминотчилар томонидан келтирилган барча тиббиёт молларини қабул қилиш билан шуғулланади. Мол 2хил жойдан олинади. 1. хориждан(валютный) 2. махаллий (мест н ый) Хориждан келган дори воситалари божхонада расмийлаштирилади. келган партия дори восталарига декларация қилинади. Миқдори “Ташэкспертиза”да текширилади. Хулосани “Ўзбекистон Дори таъминотига” беради. Кириш ҳужжатлари расмийлаштирилади. Божхонадан ўтказилганда дори сифатини текширувчи “Дори воситалари ва тиббий техника маҳсулотлари сифатини назорат қилиш Бош бошқармаси” томонидан серия бўйича” “Мувофиқлик сертификати”ни беради. У эса божхона ҳужжатлари таркибига қўшилиб “Ўзбекистон Республикаси Дори таъминоти” га берилади. Қабул қилиш жараёни. “Ўзбекистон Республикаси Дори таъминоти” хулосаси сони саналади (экспертиза хулосаси асос бўлади) мувофиқлик сертификати (сифати) сақланиш группаларига қараб бўлимларга топширилади. мухрланган дафтар тутилади. Унда сертификат номери, истеъмол муддати, сертификат берилган сана кўрсатилади. Қабул қилиш далолатномаси (приёмный акт)- қабул қилиш хайъатида қабул қилинади “Ўзбекистон Республикаси Дори таъминот” директори буйруғи билан аъзолар сайланади. Қабул қилиш бўлимида 5та мутахассис ишлайди, 4таси олий маълумотли, 1та таъминотчи экспедитор. 2

Махаллий таъминотчилардан олинадиган дори воситаларини ўзлари гоҳида эса ”Ўзбекистон Республикаси Дори таъминот и ” нинг ўзи олиб келади. Қабул қилиш бўлимидан ташқари “Ўзбекистон Республикаси Дори таъминоти” да (омборхонада)қуйидаги бўлимлар мавжуд; 1. Бухгалтер ия бўлими. 2. Таъминот бўлими (экспедиция бўлими). 3. Дори сақлаш бўлими а). захарли, наркотик воситалари, прекурсорлар б). оддий дори воситалари в). резина ва шиша буюмлар. 4. Авто гараж 5. АСУ Қабул қилиш далолатномасида дори воситасининг тартиб номери, номланиши, коди, серия- партияси, санаси, яроқлилик муддати, сертификат санаси, таҳлил натижалари, ўлчов бирлиги, фактик миқдори, ҳужжат бўйича миқдори, асосий нархи, омборхона қўяётган нарх, камчиликлари, ортиқчалари, синган ва яроқсизлиги кўрсатилади. Далолатномадаги биринчи рақам унинг номери, иккинчи рақам бўлим номерини, учинчи рақам эса санани билдиради. Қабул қилиш далолатномасига директор, комиссия раиси ва комиссия аъзолари имзо чекадилар. Қабул қилиш далолатномасининг бирламчи ҳужжатлари ҳам бўлади. Ушбу ҳужжатда қуйидагилар ҳақида маълумот бўлади. Товарнинг тартиб номери, шифри, номланиши, серияси, юборилган миқдори ва келган миқдори камчиликлари, яроқсиз бўлиб келгани ҳисобдан чиқарилади. Бунлан ташқари ортиқчалари ёки етишмовчиликлари бўлса арз қилинади Улгуржи нарх бу хужжатда расмийлаштирилади. Ушбу хужжат автоматлаштирилган бошқариш тизими (АСУ) бўлимига топширилади. улар нарх қўядилар (компьютерга нарх қўйиб киргизадилар). Тиббиёт моллари тегишли бўлимларда, уларнинг физик-кимёвий хоссаларига биноан сақланади. Уларнинг номерлари, серияси, яроқлик муддатларини ҳисобга олган ҳолда с ў кчакларда тартиб билан жойлаштирилади. Бўлимлардаги молларнинг алоҳида номлари бўйича ҳисоби миқдор ва суммада “молларни омборхона ҳисоб варақаси”да олиб борилади. Дорихона омборидан дорихоналарга дори-дармонлар ва бошқа тиббиёт молларини бериш буюртма- талабнома асосида амалга оширилади. Талабномаларга биноан омборнинг тегишли бўлимларида моллар ажратиб, жамланади. Бу хужжатда молларнинг номлари, чакана ва улгуржи нархи суммаси аниқ кўрсатилади. Таркибида заҳарли, наркотик моддалари ва этил спирти бўлган дори- дармонлар учун алоҳида счётлар тузилади. Дорихона омборидаги моллар ҳаракати ҳисоби механизациялаштирилган тартибда олиб борилиб, жўнатишга тайёрланган моллар маълум 3

шаклдаги буюртма ёки талабномага мувофиқ ажратилган бўлса, 5 нусха “Мол транспорт юк хати” тўлдирилади. Биринчи ва иккинчи нусхалари мол олинган бўлимда, 2 таси ўзида (ДПМнинг бухгалтерия бўлимида), 1 таси экспедиция бўлимида қолади. Ушбу хужжатнинг ҳам 3 та номери бўлади. Биринчи номери тартиб сонини, иккинчиси бўлимни, учинчиси санани билдиради. Ушбу хужжатда молларнинг номланиши, номери, ўлчов бирлиги, миқдори, чакана нархи, суммаси кўрсатилади. Бу хужжатга бўлим бошлиғи (экспедиция) шу бўлимнинг бухгалтерия ва назоратчиси имзо чекади. Моддий бойликларни омборхонадан бериш режали равишда юқори ташкилотнинг кўрсатмаси бўйича берилади. Бунинг учун дорихона омборида буюртмаларни бериш бўйича тасдиқланган график бўлади. Оператив бўлимлар омборхонанинг қабул бўлимида молларни олаётганларида ҳар бир молни шахсан текшириб олишлари, лаборатория анализи натижаларини келтирилган молларни хужжат асосида тўғрилигини ҳар томонлама текшириб олишлари шарт (яъни, молларни тўғрилигини санаб, ҳисоблаб олиш, тортиб ёки ўлчаб олиш зарур). Бўлимлардаги ҳамма моллар ва дори-дармонлар ўзларининг физик ва кимёвий хоссаларига қараб сақланиши шарт. Бўлим бошлиғи ҳамма моллар учун жавобгар шахс ҳисобланади. Шунинг учун бўлимдаги молларни системали равишда тафтиш ўтказиб турилади. Бўлимдаги ҳамма моллар стелажларга ва тагига таглик қўйилган ерларда номлари,ю сериялари ва сақлаш муддатлари аниқ ёзиб қўйилган ҳолда сақланади. Ҳар бир номдаги дори ёнига стелаж карточкаси ёзилган бўлиб, бу дориларни ўз вақтида яъни, сақланиш муддатини ўтказмаган ҳолда реализация қилишга яхши ёрдам беради. Сақланиш муддати 2 йилдан кам бўлган дориларга бўлимни ўзида алоҳида журнал юритиб, дорининг серияси, аниқ сақлаш муддати, олинган муддати, молни миқдори ва унинг сақлаш муддатини тугашига 3 ой қолганда ва ҳар 1 ой учун унинг умумий сарфи ҳисобга олинади. Мабодо унинг сақлаш муддати қайта текширилиб узайтирилган бўлса, у ҳам қайд қилинади. наркотик моддалар қандай дори формаси бўлишидан қатъий назар алоҳида хонада, хонанинг ойналари решёткали, эшиклар темир билан қопланган хонадаги темир сейфларда сақланади. Хона шамоллатгич (вентиляция) ва ҳавони сўрувчи шкаф, сақловчи (светозвуковая сигнализация, блокировка), яъни эшик ва ойналарга қўйиладиган сигнализациялар билан жиҳозланадилар. Бажарилган ишларига қараб, омборхоналарда ҳар хил бўлимлар ташкил қилинади. Уларда дори-дармонларнинг сақлаш, қадоқлаш, ажратиш, дорихона ва даволаш муассасаларини буюртмаларини бажарадилар: Ҳамма бўлимлар 2га бўлинади: 1. дори-дармонлар бўлими; 2. дори-дармонлар бўлмаган бўлими (яъни бошқа бўлимлар); 4

1-чи бўлимга қуйидагилар киради; Қуруқ дорилар бўлими, суюқ дорилар бўлими, заҳарли дорилар бўлими, антибиотиклар бўлими, қабул қилиб олиш бўлими. 2-чи бўлимга қуйидагилар киради. Дезинфекцияловчи моддалар бўлими, боғлов материаллар бўлими, санитария гигиена буюмлари бўлими, кўзойнаклар бўлими ва тиббий асбоб-ускуналар бўлими, тара бўлими. Ҳамма бўлимларни бўлим бошлиқлари бошқарадилар ва улар қуйидаги вазифаларни бажарадилар: - молларни сифатли ва тўғри қабул қилиш; - дорихона ва даволаш-профилактика муассасаларига ўз вақтида ва тўғри мол бериш; - дори-дармонларга йиллик буюртма (заявка-заказ) лойиҳасини тузиш ва база мудирига ўз вақтида топшириш; - бўлимларда дори-дармонни қатъий равишда давлат фармакопеяси талаблари асосида сақлаш; - бўлимларда санитария қоидаларига амал қилиш; - бўлимларда олиб борилаётган, яъни картотекадаги ҳисоб-китоб билан уйғунлигини назорат қилиб бориш; - бўлим ходимларини иш юритиш малакасини ошириб бориш ва хоказо. Тузилган шартномаларга асосан тиббиёт саноат корхоналари томонидан (яъни фармзаводлар, фабрикалар ва хоказолар) ажратилган фондлар (яъни дори-дармонлар) дорихона омборига келиб тушади. Бу дори-дармонлар темир йўллар, сув йўли ва ҳаво йўллари орқали келиб, омборхона машиналари ёрдамида тушириб олинади. келтирилган дорилар омборхонанинг қабул қилиб олиш бўлимига келиб тушади. Келиб тушган молларни қабул қилиб, тегишли бўлимларга жўнатиш учун 3 кишидан кам бўлмаган таркибда комиссия тузилади. Қабул қилиб олиш бўлимининг бошлиғи шу комиссиянинг раиси ҳисобланади. Комиссия таркибига омборхона мудирлари сифат бўйича назоратчилар, жамоат ташкилотининг вакиллари қабулга алоқаси бор кишилар кириши мумкин. айрим холларда комиссия таркибига моллар экспертизаси вакиллари ва бошқа четдан дорихона омборхонасига алоқаси бўлмаган кишилар киради. хокимият, жамоа хўжалик раислари, завод директорлари уларнинг профком, местком раислари кириши мумкин. комиссия таркиби (корхона) омборхона мудирининг тавсияси асосида “Дори дармон” компанияси ёки бирлашмаси томонидан тасдиқланади. Қабул комиссиясининг раиси омборхона мудирига бўйсинади ва қабул қилиб олган молларни тегишли бўлимларга жўнатгунча шу молларга моддий жавобгар шахс ҳисобланади. Омборхонага келтирилган моллар синчиклаб текширилади ва уларга тўғри шароит яратиш керакки, уларни бузилишини олдини олиш зарур. Омборхонага келтирилган заҳарли ва наркотик дори воситалари қабул қилиш, бўлиниш билан заҳарли ва наркотик дорилар 5

бўлимига жўнатилади. ҳамма бўлимлар шкафлар, стелажлар, точкалар билан жиҳозланиб, унда моддалар сақланади. Дорихона омборларида молларни ортиш ва тушириш ишларини алоҳида жиҳозланган асбоблар ва механизмлар ёрдамида бажарилади. Уларга юк кўтаргичлар, транспортёрлар, ўзи юрар ортиб туширувчи механизмлар киради. Дори воситалари сақланадиган хоналарда вентиляция ва иситиш системалари бўлиши лозим. Уларни санитар меъёрга амал қилган ҳолда ишлатиш зарур. Уларни назорат қилиш учун термометр ва психрометрлар бўлади. Тиббий ва сунъий ёритгичлардан фойдаланиш ҳам меъёрга мувофиқ бўлиши даркор. Шунинг учун деразалардан тушаётган ёруғликни шкафлар ва стелажлар билан тўсиб қўйиш қатъиян ман этилади. Тез аланга олувчи моддалар иситилмайдиган хоналарда сақланади. наркотик дори воситалари алоҳида хоналардаги сейфларда сақланади. Деразаларида темир решёткалар бўлиши лозим. Вентиляция, ҳаво тортувчи шкаф, свет – овоз сигнализацияси, потолоклар, деворлар мустаҳкам қурилган бўлиши лозим. Дорихона омборининг меҳнатини илмий асосда ташкил қилиш лозим. Ўзбекистон Республикасининг 16 декабр 2002 йилда 547 сонли “Дори воситалари ва тиббий буюмлар улгуржи савдоси қоидалари. Асосий ҳолатлар” - тармоқ стандартини тасдиқлаш ҳақидаги буйруғи чиқди. Дорихона омборхонаси – соғлиқни сақлашнинг мустақил ташкилоти бўлиб, у дорихоналарни, ДПМларнинг дори воситалари, тиббий техника маҳсулотлари, дорихона жиҳозлари ва инвентарлари билан таъминлайди. Логистика – “ logistika ” - муҳокама қилиш санъати (искусство рассуждать). Улгуржи воситачиларнинг функциялари: - товарларни қабул қилиш, сақлаш, товар заҳираларини бошқариш. - маҳсулот реализацияси. - товар транспортировкаси. - ўз клиентларини кредитлаш (кредитга моллар бериш). - режалаштирилмаган ҳаракатларни қайта тарқатиш риски. (таваккаллиги) - информация. - маркетинг-бозорни комплекс текшириш. Дорихона омборхонасига тушган маҳсулотлар сифат назоратидан ўтадилар.Унда препаратнинг номи, ташқи кўриниши, физик хоссалари, чинлиги, тозалиги, ёрлиқларнинг мос келиши, ҳажми, механик аралашмалар, ўртача оғирлиги, камчилиги, парчаланиши, намлиги, зичлиги, эриш ҳарорати , таъминловчи, серия номери, сериядаги миқдори, яроқлилик муддати, 6

таҳлилга сарфланган сони, бўлимга топширилган қолдиқ ва хулоса фармацевт имзоси билан расмийлаштирилади. Адабиётлар 1. Ўзбекистон фармацевтик хабарномаси. 2002 йил № 4. 29-бет 2. Юсупов М.А., Комилов А.М., Хидоятова З.Ш., Эрматов Ш.Х. Фармация ишини ташкил қилиш ва унинг иқтисодиёти. Тошкент – 2004 й. 66-76 – бетлар. 3. Ўзбекистон Республикасининг 16 декабр 2002 йилда 547 сонли “Дори воситалари ва тиббий буюмлар улгуржи савдоси қоидалари. Асосий ҳолатлар” - тармоқ стандартини тасдиқлаш ҳақидаги буйруғи. 4. Тошмухамедов Э.Р ва бошқалар Фармацевтика ишини ташкил қилиш. Тошкент - 2007 Б.-218. 7

Похожие

Фармацевтика хизматини назорат рухсатнома тизими

Эшитиш фаолиятини текшириш

Дорихона шароитида дори воситаларини тайёрлаш ва сифатини назорат ишларини ташкил қилиш

Ўзбекистон Республикасида Соғлиқни сақлаш ишлари ва фармацевтика хизматини ривожлантириш асослари

Эшитув найининг фаолиятини аниқлаш