Мавжуд гидротехника иншоотларининг ишлаш шароитлари - Водное хозяйство - Рефераты

Мавжуд гидротехника иншоотларининг ишлаш шароитлари

Загружено в:

29.10.2019

Скачано:

0

Размер:

142 KB

Мавжуд гидротехника иншоотларининг ишлаш шароитлари Режа: 1. Гидротехника иншоотларининг ишончлилиги, узок ишлашлиги ва таъмирлашлар оралигини чўзилиш даврига таъсир килувчи омиллар 2. Эксплуатация хизматининг тузилмаси ва ташкил килиниши 3. Гидротехника иншоотларида диспетчерлик хизмати.

Мавжуд гидротехника иншоотларининг ишлаш шароитлари Маълумки мавжуд гидротехника иншоотларига хаво атмосфераси, сувнинг мухити, тўлкинлар, майда музлар ва муз, паст ёки юкори харорат, атмосфера ёгингарчилиги, шамоллар ва довуллар, куёш радиацияси, сейсмик кучлар ва бошк., шунингдек асос ва иншоотларнинг бир-бирига берадиган зўрикиш холатлари таъсир килади. Хаво атмосфераси гидротехника иншоотларини бузулишига олиб келадиган кимёвий бирикмалар, чанг ва газлар массалари билан тўйинган бўлади. Хаво таркибидаги кимёвий бирикмалар, хусусан, нам билан кўшилганда бетон конструкциялар, механик жихозлар ва уларнинг асосий кисмларида коррозия (занглаш) хосил килади, ёрилишни келтириб чикаради, конструкциялар ва жихозларни ифлослантиради ва бузулишига олиб келади. Бунга мисол килиб Жанубий Мирзачўл каналининг марказий ўнг тармогидаги ПР-3 каналига сув берадиган тўсувчи иншоот затворлари ва уларнинг болтларини коррозиясини келтиришимиз мумкин. Канал 1966 йилда ишга туширилган, биз кузатган 2005 й. 17.07 да затворларнинг тепа кисми, зичлагични котириш учун ўрнатилган ёгоч рейканинг сувдан ташкари кисми чириган, диаметри 10 мм. лик болтдан диаметри 4 мм. ли болт колган эди. Затворнинг сувдаги кисмида емирилиш ва коррозия тападагидан анча кам эди. Тоза (емирувчи кимёвий брикмаларсиз) сувда бетоннинг мустахкамлиги ошиши мутахассисларга маълум. Худди шундай курук ва тоза атмосфера шароитида бетон, металл, тош иншоотлар юз йиллаб бузулмасдан сакланиши хам кузатилган. Шундай килиб иншоотларнинг холати хаво атмосферасининг емирувчанлигига боглик экан. Хар хил ёнилгиларни ёнишидан хосил бўлган махсулотлар ва кимёвий корхоналарни ташламалари мухитнинг емирувчанлигини ошишига олиб келади ва асосий ифлослантирувчи хисобланади. Сувли мухитнинг гидротехника иншоотларига жадал механик, физик- кимёвий ва биологик таъсирлари бор.

Механик таъсирлар статик, динамик ва абразив таъсирларга бўлинади. Статик таъсирларга сув, муз, тескари тўкилмадаги грунт, иншоотлар олдида чўкиб колган окизинди ва ш.ў. ларнинг босимлари киради. Динамик таъсирларга сув окими, музлик, сузиб окувчи жинслар, йўл кўйилмайдиган даражадаги тўлкинлар зарбалари, гидравлик зарба ва сейсмик кучлар ва ш.ў. зарбалар киради. Механик абразив таъсирлар остида гидротехника иншоотларини емирилиши Кампирровот гидроузелини водослив кисмидаги шовва (водоскат) да (2002 й. 25.03), Оксув гидроузели тез окарининг чапки пролети пастки бьефи (2003 й. 18.06) да, Юкори Чирчик сув узелининг тўгонини водослив кисмида, чап киргок пролетлари (8,9,10 пролетлар) шоввосида (2001й. 20. 04) ва бошка бир канча иншоотларда кузатилган. Иншоотларга сувнинг физик-кимёвий таъсири металлар ва бетоннинг коррозияси, бетоннинг музлаши ва эришидаги бузулишлар, окимни сизиб ўтиши (фильтрация) натижасидаги грунт ва бетоннинг суффозияси шаклида намаён бўлади. Иншоотлар элементлари сиртидан юкори тезликларда сув окканда, оким билан сирт орасида паст босимли махаллий зоналар хосил бўлиб бетон сиртида коверна (ўйик, чукурга) хосил бўлишига ва сиртни кавитацион емирилишига олиб келади. Металлар коррозиясига мисол килиб Республикадаги кўпчилик гидротехника иншоотлари гидромеханик (затворлари) жихозларидаги занглашларни келтириш мумкин. Мисол учун металлар коррозияси (2003 й. 25.08) Бешарик гидроузели, Катта Фаргона каналини кўшимча тўйинтириш каналидаги тусувчи иншоот (2003 й. 11.05), Хархур гидроузели (2002 й.28.01) затворлари, шунингдек Жиззах насос станциялар I ва II кўтарилиши босимли кувурларда (2005 й.) ва бир канча бошка иншоотларда кузатилган. Бетонлар коррозияси Жанубий Фаргона канали 1-ГЭС тўсувчи иншооти устунларида (2005 й.12.09) кузатилди, бетонлар умаланиб 5-8 см калинликда тушиб кетган.

Сувнинг иншоотларга биологик таъсири сувли мухит ва иншоотлар элементларида хаёт кечираётган микроорганизмларнинг таъсирида хар хил элементлар (ёгоч, металл) чириб, кувурлар сирти ўсиб кетади, иншоотларнинг баъзи бир кисмини моллюскалар босиб панжараларини беркитиб кўяди. Бугунги кунда, микроорганизмлар металларни биологик коррозияга олиб келиши «Боботог» насос станцияси босимли кувурларида мавжудлиги Ўзбекистон ФА Сув муоммолари институти тадкикотлари натижаларида тасдикланган. Чакмок канали (Тошкент вилояти) ўзанини (2006 й.15.12) хар хил майда чигоноклар босиб сув ўтказиш кобилиятини пасайтириб, канални дим холатда ишлашишга олиб келганлиги кузатилди. Доимо оддий ва тоза сувда турувчи ёгоч материаллар хам мустахкамлигини ўн йиллаб, хаттоки юз йиллаб ўзгартирмаслиги мумкин. Мисол учун Кармана гидроузели 1973 йилда курилган, 1998 йилда тошкин гидроузелни Флетчингер полини бузуб кетган, эксплуатация хизмати ўшанда 25 йил сувда бўлиб, бузулгандан кейин окиб чиккан ёгочларни худди янгидек сакланганлигини гувохи бўлишган. Шунинг билан бирга сув сатхини ўзгариб турадиган зонасида, вакти- вакти билан атмосфера таъсирига учрайдиган ёгочларда бузулиш, чириш жараёнлари жадал кечиши барчага маълум. Шунинг учун хам иншоотларнинг ёгоч конструкциялари антисептик ишлов берилиб, ёгочга нефт махсулотлари шимдирилиб, бўялиб ва ш.ў. тадбирлар кўлланилиб ишлатилади. Тўлкинлар гидротехника иншоотлари элементларига динамик таъсир кўрсатади. Тўлкиннинг кияликка урилиб чикиш баландлиги ва тўлкиннинг ўзини баландлиги билан биргаликда тўгон тепаси (ўркачи) дан сув ошиб ўтишига ва тўгонга урилиб бузулишига олиб келиши мумкин.

Мамлакатимизда тўгонларни тўлкин таъсирида бузулиши кузатилмаган, лекин тўлкин зарбаси таъсирида тўгонларни мустахкамловчи копламаларини сингани мисол учун: Кургон тепа (2002 й. 17.03), Кизилсув (2003 й. 29.06), Лангар (2003 й. 22.06) Толлимаржон (2000 й.30.08) сув омборларида, хаттоки бетон плиталарни кўтариб бир бирини устига тушиб колган холатлар (Хожимушкент с/о. 2003 й.03.06) кузатилган. Майда муз ва муз хосил бўлиши хавонинг манфий хароратли кунларидан бошлаб то дарё музи эриб, муздан тозаланган давригача давом этади. Сувдаги майда муз дарё ўзанининг кўндаланг кесмига тикилиб шовуш (зажор) хосил килади, бунда дарёнинг юкори кисмида сув димланади. Дарёнинг кискарган кисмининг ўзанида йигилиб колган муз тикилиш (затор) хосил килади, уни бартараф килиш хавфли, чунки юкоридан келаётган муз массаси иншоотга кўп микдорда урилиши мумкин. Шовуш Амударёни пастки участкасида совук (манфий харорат) бўлганда жуда кўп вужудга келади, бунда сув тошиб далаларни, кишлокларни босган пайтлари кўп бўлган. Тикилишга мисол килиб Амударёни Чоржўй кўпригига келиб тикилган музларни, сув тошиб Чоржўй шахрини босганини айтиб ўтиш мумкин. Музнинг зарбаси иншоотларнинг механик жихозлари, зичлагичлари, устун ва ён деворлари, энергия сўндиргичларини шикастлантириши мумкин. Муз ва майда музларининг мавжудлиги тошкин сувларини хавфсиз ўтказишни, баликларни химояловчи иншоотларни ишини кийинлаштиради. Паст харорат тўгонлар дренаж курилмаларини кисман ёки батомом музлашига, кияликларида ёриклар хосил бўлишига, зичлагичларни очилишига, кувурларни музлашига, гил тупрокни шишиб чикишига олиб келиши мумкин. Булардан ташкари механик жихозларни мойлари котиб колади, панжаралар, затворлар юриш йўл (паз) лари ва зичлагичлари музлаб колади, сунъий материаллар - пластмасса, полиэтилин, резиналарнинг мустахкамлик ва эластик хусусиятлари пасаяди.

Юкори харорат бетон ва жихозларнинг металл кисимларини кенгай- ишига олиб келади, шикастлантиради, микроёриклар хосил килади. Жуда катта хароратда мойлаш материаллари окиб чикиб кетади, киялакларни мустахкамловчи плиталар чокларидаги битум юмшаб чикиб кетади ва х.к ва ш.ў. Атмосфера ёгингарчилиги узок муддат ва кўп микдорда бўлса сув омборларини тўлдириб, тошишига, натижада тўгонни ювилишига олиб келиши мумкин. 1968 йил 27-28 апрелдаги ёгингарчилик ва сел Тошкент сув омборини тўлдириб юборган, хавфни олдини олиш максадида фавкулодда сув ташламадан 300 м 3 /с сув ташланган, бу сув йўлдаги ёгингарчилик ва сел сувлари билан билан кўшилиб 500 м 3 /с микдорида Оккўргон гидроузели олдида тўпланган, сўнг химоя дамбаларини ювиб кетган. Кўп микдордаги ёмгир тўгонларни пастки киялигини эгат шаклида ювиб кетиши, бузуши, ёмгирни йигиб тушириб юборидиган новларни бузуши мумкин. Манфий хароратда кор билан ёмгир иншоотларни музлатиб, ишлатишни кийинлаштиради. Шамол ва тўзонлар баъзи холатларда, республикамиз шароитида иншоотларни кум бостирмокда, юк кўтаргич жихозларни ишдан чикармокда. Бундай кум босиш холатлари Карши магистрал канали насос станциялари каскадида, Хоразм вилояти Диванкўл коллекторида, Бухоро вилоятининг ГВСТ коллекторларида кузатилган. Тўзонлар затворларини кўтаргичлари мойини котириб, кўтаргичларни ишлашишини чеклаб кўйган холатлар кўп ўчрайди. Куёш радиацияси корларни эришини тезлаштириб тошкин бўлишига олиб келади, резина материаллари, пластмасса ва бошка сунъий материалларга салбий таъсир ўтказади. Сейсмик таъсирлар ер кимирлаш баллига боглик равишда гидротехника иншоотларини тўлигича бузулишига олиб келиши мумкин. Кичик балли ер силкинишларида иншоотлар элементларида ёриклар хосил

бўлади, затворлар кийшайиб юрмайдиган бўлиб колади, чоклар зичлагичлари жойидан чикиб кетади, дренаж тизимлар конструкциялари бузулади ва х.к. ва ш.ў. Иншоот ва асоснинг бир-бирича ўзаро таъсирида сув омборини тўлиш даражасига караб зўрикиш холати, эгилувчанлик модули, асос, киргокнинг геологик тузилиши ўзгаради. Кучсиз асосларда, баъзи холатларда, иншоот элементларининг нотекис чўкиши вужудга келади. Бу бетон (грунт) тўгонлар танасида ёриклар хосил бўлишига, уларнинг сувни сизиб ўтишига карши курилмаларини бузулишига, йўл кўйиб бўлмайдиган даражада сувнинг сизиб чикишига, ёхуд иншоотнинг тургунлигини йўколишига олиб келади. Баъзи холатларда затворлар кийшайиб колади. Юкорида гидротехника иншоотларига бўладиган асосий таъсирлар ва уларнинг окибатлари санаб ўтилди, бундай холатлар иншоотларини ишлатишда жудаям кўп кузатилиши мумкин. Гидротехника иншоотларига берилаётган кўпчилик таъсирлар эксплуатация хизматидан ўз вактида техник каров (эксплуатацион тадбирлар), иншоотларни техник кузатиш, таъмирлаш ишларини ўтказишни талаб килади. Шу ишлар амалга оширилса иншоотларнинг ишончли ишлаши таъминланади. Гидротехника иншоотларининг ишончлилиги, узок ишлашлиги ва таъмирлашлар оралигини чўзилиш даврига таъсир килувчи омиллар Гидротехника иншоотларининг ишончлилиги (надежность) – гидротехника иншоотларини ёки уларнинг баъзи бир элементларини мўътадил (нормал) ишлатиш (эксплуатация) шароитида, белгиланган хизмат муддатлари давомида, ўз функциясини инкор (отказ) сиз бажариш хусусиятидир. Эксплуатацион ишончлилик (гидротехника иншоотлари функциялари) нинг асосий кўрсаткичлари куйидагича бўлинади: конструктив ишончлилик кўрсаткичлари – мустахкамлик (прочность), тургунлик (устойчивость), сув ўтказмаслик (водонепроницаемость), совукга чидамлилик (морозостойкость)

ва бошкалар; технологик ишончлилик кўрсаткичлари – напор, сув сарфи, сув омборидаги сув хажми, электр энергияси ишлаб чикариш, сув олиш ва сув узатишни таъмин этиш, баликларни, кемаларни ўтказиб юбориш ва ш.ў., архитектуравий мутоносиблик кўрсаткичлари – фактурасига, ранг, ташки кўринишга ва бошкаларга риоя килиш. Гидротехника иншоотларининг ишончлилиги лойихага киритилган, юкоридаги санаб ўтилган кўрсаткичлар ва иншоотларни тиклаш (куриш) давридаги бажарилган ишларнинг сифати билан белгиланади. Ишлатиш жараёнида гидротехника иншоотларининг ишончлилиги амалда ўша даражада колиши, ортиши ёки пасайиши мумкин. Ишлатишнинг дастлабки йилларида (5-7 йил) баъзи бир иншоотлар ва уларнинг элементларини ишга тушиши кийин кечади, кўп сонли инкор кузатилади, яъни ишончлилик паст кийматларга эга бўлади. Ундан кейинги даврларда иншоотларнинг мўътадил иш даври бошланади, инкорлар сони камаяди. Хизмат муддатларидан келиб чикиб йирик ва ўрта иншоотларда, бу давр 30-70 йилни ташкил этади. Ундан кейин иншоотларнинг ишончлилиги пасайиб, инкорлар сони ўсиб боради. Шуни таъкидлаш лозимки, гидротехника иншоотларининг баъзи бир элементлари ишончлиликнинг хар хил таксимланган конуниятларига эга бўлиши, юкоридаги кўриб ўтилганлардан вакт бўйича фарк килиши мумкин. Мисол учун, дастлабки даврда, дренаж тизими энг юкори ишончлиликга эга бўлиши мумкин, кейин эса у пасаяди, сувни сизиб ўтишига карши конструкциялар дастлабки даврда кам ишончлилик билан ишлаши мумкин, баъзи бир элементларида колматация жараёни бўлгандан сўнг эса ишончлилиги ўсади ёки, тескариси, агар ишлатиш жараёнида сувни сизиб ўтишига карши элементларда грунт зичлашгандан кейинги шикастланиш (бузулиш) хосил бўлса, пасаяди. Гидротехника иншоотларининг ишончлилиги инкор килмаслик (безотказность), узок муддат ишлашлик (долговечность) ва таъмирлашга яроклилик (ремонтнопригодность) билан белгиланади. Бу тушунчалар эхтимоллик тавсифи (характер) га эгадир.

Инкор килмаслик – иншоотнинг берилган вакт давомида баъзи бир эксплуатация шароитида, ўз ишчанлик кобилиятини саклаб колиш эхтимоллиги билан характерланади. Узок муддат ишлашлик деганда иншоотнинг ўз эксплуатацион кўрсаткичларини берилган чегарада, ишдан чикиш пайтигача саклаб колиш хусусияти тушунилади. Таъмирлашга яроклилик шикастланиш ёки инкор килиш (отказ) ни бартараф килиш учун керак бўладиган вакт ва кийматни ўзида камраб олади. Бу техник-иктисодий асослаш билан белгиланади. Иншоотлар ёки улар элементларининг талаб килинган эксплуатацион сифатларини йўкотилиши эскириш (старение) ёки ейилиш (износ) дейилади. Икки хил эскириш фаркланади: качонки иншоотлар ўзининг дастлабки физик-техник (мустахкамлик, тургунлик, сувни ортикча энергиясини сўндиришни таъминлашлик, сув ўтказмаслик, совукга чидамлилик ва х.к.) хусусиятларини йўкотса жисмоний эскириш (физическое старение) бўлади ва замонавий талабга жавоб бермайдиган хамда илмий-техник прогресснинг замонавий даражасига мос бўлмаган технологик номутоносиблик кузатилганда – маънавий эскириш (моральное старение) бўлади. Гидротехника курилиши амалиётида кўпчилик холатларда жисмоний эскириш омили пойда бўлиб иншоотларда таъмирлаш-кайта тиклаш ёки куриш ишларини олиб боришга тўгри келмокда. Гидротехника иншоотларини ишончлилигини белгилашда махсус адабиётлардан фойдаланишни тавсия киламиз. Бундан ташкари статистик тахлил учун кузатиш маълумотлари комплексига эга бўлиш ва иншоотларнинг куйида келтирилган хизмат муддатларини хисобга олиш лозим бўлади.

Гидротехника иншоотларининг хизмат муддатлари Объектларнинг номлари Ўртача хизмат муддати, йилларда Грунтли, бетонли, темир-бетонли тўгонлар 100 Магистрал сугориш каналлари (копламасиз ва копламали) 100 Водосливлар, сув олгичлар, сув тиндиргичлар, новлар, лотоклар, дюкерлар, баликларни ўтказувчи ва химоя килувчи иншоотлар 80 Тупрок тўгонли сув омборлари (йирик ГЭС сув омборларидан ташкари) 100 Бетонли ва темир-бетонли сув ташламалар ва ховуз (пруд) лар олди сув кабул килгичлари 40 Гидротехник туннеллар 70 Тартибга солувчи (ўзанни тўгриловчи) фашинли, сепояли, габионли, тош-камишли дамбалар 10 Гидротехника иншоотлари: хўжаликлараро каналларда хўжаликлар ички каналларида 40 30 Хўжаликлар ички сугориш тармоклари: тупрокдаги (ердаги) каналлар: копламасиз тош, бетон, темир-бетон копламаликлари темир-бетонли лотоклар асбестоцементли кувурлар пўлат кувурлар 40 30 25 40 25

Узок ишлашлик ва таъмирлашлар оралигини чўзилиш даврларига таъсир киладиган асосий омилларга гидротехника иншоотнинг лойихани тузиш давридаги кабул килинган техник карорнинг даражаси, курилиш ишларининг бажарилиш сифати, ишлатиш даражалари киради. Шунинг учун хам иншоотларнинг ишончлилигини ошириш ва таъмирлашлар оралигини кўпайтириш максадида лойихани тузаётганда ва курилишда хисобий схемаларни фарк килишига, геологик, гидрогеологик, инженерлик-геологик, иклимий ва техник ёки технологик характеристикаларни етарли хисобга олмасликка, лойихачилар томонидан муаллифлик назоратини пасайтиришга йўл кўйиб бўлмайди. Курилиш даврида лойихадан асоссиз четга чикишга, курилиш-йигиш (монтаж) ишларининг паст сифатда бажаришга, технологияга риоя килмасликга, лойихада кўзда тутилмаган курилиш материалларини асоссиз кўллашга йўл кўйилмайди. Эксплуатация ходимлари иншоотларни ишлатишга охиригача битмаган, лойихадан четга чикишлар билан кабул килмасликлари керак. Бунинг устига эксплуатация хизматининг ўзлари етарли малакавий тайёргарликка эга бўлишлари, ўз вактида иншоотларга техник каровни амалга оширишлари, техник холатини назорат килиш маълумотларини мунтазам тахлил килиб боришлари, ўз вактида таъмирлаш – кайта тиклаш ишларини ўтказишлари зарур. Эксплуатация хизматининг тузилмаси ва ташкил килиниши Республикадаги мавжуд гидротехника иншоотларининг лойихалари таркибида эксплуатация хизматини ташкил килиш бўлими бўлиб, унда шу хизматнинг таркиби, вазифалари, таъмирлаш, эксплуатация ишларининг хажми ва технологияси келтирилган. Улар учун техник ишлатиш коидалари ишлаб чикилган. Иншоотларни куриш ва кабул килиш даврида эксплуатация хизмати (куриладиган иншоотлар бирлашган дирекцияси, вазирликлар) курилиш ишлари, ўрнатиладиган жихозлар сифати устидан назорат килиб, курилиш – монтаж ишларини лойихага мослигини текшириб боради, куриб битказилган

иншоотларни кабул килиб олади, лозим бўлса курилиш даврида иншоотларнинг техник холатини кузатиш ишларини ташкил килади. Эксплуатация хизмати таркиби гидротехника иншоотларини олдига куйилган вазифаларга караб хар хил бўлиши мумкин. Сув хўжалиги объектлари асосан Республиканинг Кишлок ва сув хўжалиги вазирлиги тасарруфидаги фойдаланувчи (сув хўжалиги) ташкилотлари томонидан ишлатилади. Амударё, Сирдарё дарёларининг мамлакатимиз худудидаги участкаларда жойлашган хукуматлараро гидротехника иншоотлари эса Давлатлараро сув хўжалигини мувофиклаштирувчи комиссия (МКВК) таркибига кирувчи «Амударё» ва «Сирдарё» хавзаси сув хўжалиги бирлашмалари (ХСХБ) томонидан ишлатилади. Республикадаги мавжуд гидроэнергетика объектлари «Ўзбекэнерго» Давлат акционерлик кампанияси (ДАК) томонидан ишлатилади. Куйида хар бир идорага тегишли эксплуатация хизматининг тузилмаларини алохида кўриб чикамиз. Кишлок ва сув хўжалиги вазирлиги тизимида, хозирги пайтда, сув хўжалигини бошкаришнинг маъмурий - худудий принципидан хавза принципига ўтилган, вазирлик марказий аппаратида Сув хўжалиги Бош бошкармаси тузилган (1.12, 1.13 – расмлар). Хозир Республикада 10 (Норин-Корадарё, Норин-Сирдарё, Сирдарё-Сўх, Куйи Сирдарё, Чирчик-Охангарон, Аму-Сурхон, Аму-Кашкадарё, Аму- Бухоро, Куйи Амударё, Зарафшон) ирригация тизимлари хавза бошкармалари ва Бирлашган диспетчерлик марказига эга бўлган Фаргона водийси магистрал каналлар тизими бошкармаси фаолият олиб бормокда, улар 1.14 - расмга мувофик Республиканинг барча худудларига хизмат кўрсатишмокда. Хар бир ирригация тизимлари хавза бошкармаларига 3 тадан 9 тагача ирригация тизими бошкармалари бириктирилган (1.14 – расм).

Сув хўжалиги Бош бошкармасининг асосий вазифалари килиб куйидагилар белгиланган: - сувдан фойдаланишнинг бозор принципларини ва механизмларини жорий этиш асосида сув ресурсларидан максадли ва самарали фойдаланишни ташкил этиш; - истеъмолчиларни сув билан узлуксиз ва ўз вактида таъминлашни ташкил этиш; - ирригация тизимлари ва сув хўжалиги иншоотларининг техник ишончлигини таъминлаш; - ирригация тизимлари хавзалари бўйича сув ресурсларини окилона бошкариш хамда унинг тезкорлигини ошириш; - сув ресурсларидан фойдаланишни аник хисоби ва хисоботини таъминлаш; - сув хўжалигида иктисодий ислохатларни чукурлаштириш, мулкчиликнинг турли шаклларини ривожлантириш ишларини мувофиклаштириш ва улар амалга оширилишининг мониторингини олиб бориш; - «Сувдан фойдаланиш» бўлими бўйича давлат сув кадастрини юритиш. Гидротехника иншоотларида диспетчерлик хизмати. Вазирлик бўйича сув хўжалиги сиёсати, сув ресурсларини бошкариш, улардан фойдаланиш, сув ресурсларини хисобини олиб бориш Марказий технологик ва диспетчерлик хизмати хамда ирригация тизимлари хавза бошкармалари, уларнинг ирригация тизимлари бошкармалари, магистрал каналлар бошкармалари диспетчерлик хизмати оркали амалга оширилади. Гидротехника иншоотларида юкори техник-иктисодий кўрсаткичларга эришиш учун алока техника воситалари, сигнализация, телемеханика ва автоматика ёрдамида ишлаб чикаришни назорат килиш ва бошкаришни марказлаштириш ва координациялаш максадида хар бир сув хўжалиги, энергетика тизимида диспетчерлик хизмати ташкил килинган.

Бундай диспетчерлик пунктларини махаллий диспетчерлик пунктлари деб аталади, уларда диспетчернинг иш жойи-операторлик хонаси, ёрдамчи жихозлари бўлган аппаратлар хонаси мавжуд. Хозир улар замонавий компьютерлар билан жихозланган. Диспетчерлик алокаси - бу бажарувчилар билан диспетчер олиб борадиган мулокотларда фойдаланиш учун ишлатиладиган симли телефон, кўзгалувчан телефон, радиоалока воситалари, телеграф, телетайпдан иборат. Диспетчерлик алокаси бир иншоот билан бошка иншоотлар орасида алока богланишини, бир вактда эксплуатация хизматининг бир неча ходимларига кўрсатма беришни таъминлайди. Диспетчерлик пульти - бу гидротехника иншоотлари башкарилиб туриладиган курилма. У иншоотлар холати хакида маълумотларни тўплайди ва улар асосида диспетчер кабул килган карорларни иншоотларга узатади, иншоотларда сув такимлаш ишларини амалга оширади. Диспетчерлик пульти назорат-ўлчов асбоблари, комитация аппаратлари, иншоотларни жойлашуви, уларда назорат-ўлчов асбобларини жойлашуви акс эттирилган схемалар, сув таксимлаш графиклари, назорат ишлари, техник каров, таъмирлаш ишлари график (режа) лари, телефон ва телетайп, телеўлчов аппаратларидан тузилади. Иншоотлар затворларини кўтаргичлари, затворлар холатини, сув олиш ва таксимлашни дистанцион бошкаруви диспетчерлик пульти ёрдамида амалга оширилади. Кўпчилик гидротехника иншоотларидаги диспетчерлик пультлари автоматлаштирилган, маълумотларни йигадиган, уларни хисобга оладиган ва маълумотларга дастлабки кайта ишлов берадиган, бошкарувни осонлаштирадиган замонавий информацион технологиялар билан жихозланган. Диспетчерлик пункти ишлаб чикариш ёки сув ресурсларини бошкаришнинг, иншоотларга каров, уларнинг техник холатини назорат килиш ва таъмирлаш ишларининг кандай бориши, транспорт хизмати, ер казиш техникалари иши, электр ва техник таъминот ва бошка ишлар

тўгрисида ахборот тўплайдиган диспетчерлик бошкарув тизимининг маркази хисобланади. Сув хўжалиги тизимида гидротехника иншоотларини бошкаришни марказлаштирилган диспетчерлик хизмати ташкил килинган, яъни хар бир гидротехника иншоотининг диспетчерлик хизмати сув хўжалигининг юкори ташкилотлари бўлмиш ирригация тизимлари, хавза бошкармалари, республика бирлашмалари, вазирликлар диспетчерлик хизматлари билан богланган. Масалан, Зарафшон ирригация тизимлари хавза бошкармаси марказий диспетчерлик пункти Самарканд шахрида жойлашган, у ўзига карашли барча ирригация тизимлари бошкармалари, йирик гидротехника иншоотлари (гидроузеллар, сув омборлари, магистрал каналлар), Самарканд вилояти кишлок ва сув хўжалиги бошкармаси (К ва СХБ) ва унинг барча туманлардаги К ва СХБ лари, Жиззах вилояти кишлок ва сув хўжалиги бошкармаси ва унинг Бахмал, Галлаорол, Жиззах туманлари К ва СХБ лари, Навоий вилояти ва унинг Хатирчи, Навоий (Норпой канали зонаси), Конимех, Новбахор туманлари К ва СХБ лари, Кашкадарё вилояти К ва СХБ ва унинг Чирокчи (Эски анхор канали зонаси) тумани К ва СХБ марказий ва махаллий диспетчерлик пунктлари хамда Кишлок ва Сув хўжалиги вазирлиги (сув хўжалиги Бош боркармаси) Марказий диспетчерлик пункти (Тошкент ш.) богланган. Бундан ташкари хавза бошкармаси марказий диспетчерлик пункти хавза бошкармаси хизмат кўрсатадиган барча вилоятлар ва туманлар насос станциялари бошкармалари, гидрогеология- мелиорация экспедициялари, курилаётган корхоналар бирлашган дирекциялари, сув хўжалиги курилиши ташкилотлари, сув хўжалиги автобазалари, фавкулодда вазиятлар вазирлигининг жойлардаги органлари хамда вилоятлар ва туманлар хокимликлари билан тўгридан – тўгри алокага эга.

Зарафшон ирригация тизимлари хавза бошкармасига «Зарафшон» магистрал тизими бошкармаси (Самарканд ш.), «Туятортор-Кли» (Бахмал тумани), «Мирза-Пай» (Челак ш.), «Даргом» (Тойлок тумани), «Эски Ангор» (Чирокчи тумани), «Ок-Корадарё» (Окдарё тумани), «Мианкал-Тос» (Каттакўргон тумани), «Кармана-Конимех» (Кармана ш.), «Норпой-Навоий» ирригация тизимлари бошкармалари, Юкори Зарафшон сув олиш узели (Ургут тумани), Ок-Корадарё гидроузели (Самарканд ш.), Дамхўжа гидроузели (Каттакўргон тумани), Норпой гидроузели (Каттакўргон ш.), Кармана гидроузели (Кармана тумани), Каттакўргон (Каттакўргон ш.), Окдарё (Иштихон тумани), Тусунсой (Кўшработ тумани), Корасув (Челак тумани), Кора тепа (Ургут тумани), Собирсой (Нуробод тумани), Коровул тепа (Галлаорол тумани) сув омборларидан фойдаланиш бошкармалари карайди, уларда махаллий диспетчерлик пунктлари ташкил килинган. Зарафшон ирригация тизимлари хавза бошкармаси марказий диспетчерлик пункти Зарафшон дарёсининг режимини киска ва узок вактли башорат килиш, амалдаги режими билан солиштириш, сувдан фойдаланиш (сув таксимлаш) режасини тузиш ва унга аникликлар киритиб бориш, объектлар техник холатлари, технологик жараёнларни бориши тўгрисида маълумотларга дастлабки ишлов бериш, объектларни бошкаришга топшириклар бериш, эксплуатация хизматига жорий маълумотларни бериш, техник-иктисодий ва тезкор-ишлаб чикаришни режалаштириш, марказий бухгалтерлик хисоби ва хисоботини юритишга амалий ёрдам кўрсатиш, юкорида санаб ўтилган масалалардан келиб чикадиган илмий ишларни режалаштириш каби бир канча ишлар билан шугулланади. Кишлок ва сув хўжалиги вазирлиги марказий диспетчерлик пункти Республикадаги сугориш манбаларини серсувлиги, магистрал каналларга сув олиш, сув омборлари, йирик насос станциялари иш режимлари тўгрисидаги аник маълумотларини олинишини таъминлайди. Диспетчерлик хизмати жуда катта майдонга сувни тезкор таксимлашни амалга оширади.

Диспетчернинг ўз вактида берган кўрсатмалари авариялар, сел, тошкин хавфларини ва ш.ў. олдини олмокда. Маълумотлар, ахборотларни мунтазам олиниб турилиши вазирликка ва унинг жойлардаги ташкилотларига барча масалаларни тезкор хал килишга ёрдам бермокда. Шунингдек диспетчерлик хизмати, «Сирдарё», «Амударё» хавзалари сув хўжалиги бирлашмаларига карашли йирик гидротехника иншоотлари хамда «Ўзбекэнерго» ДАКга карашли ГЭСларда хам ташкил килинган, улар мос равишда бирлашмалар ва компания марказий диспетчерлик хизмати билан богланган. Ўрни келганда шуни айтиш керакки, дарёларнинг режими ва серсувлигини ўрганиш кўп хорижий мамлакатларда космик йўлдошлар ёрдамида амалга оширилмокда ва олинган маълумотлар шу мамлакатларнинг сув хўжалиги диспетчерлик пунктларида дастлабки ва кайта ишлов берилиб амалиётда фойдаланилмокда. Сув ресурларини тўгри таксимлаш, улардан тўгри фойдаланишни назорат килиш Вазирликнинг «Ўзсувназорат» Республика инспекциясига юклатилган. Вазирлик тизимида сув хўжалиги объектларини куриш, уларни техник кайта жихозлаш, реконструкция килиш ва улардан фойдаланиш билан боглик лойиха-кидирув ишлари «Сувлойиха», «Ўзгипросувлойиха». «Ўзгипромелиосувлойиха» лойиха институтлари хамда ирригация тизимлари хавза бошкармаларининг лойиха-кидирув гурухлари томонидан ўзаро хўжалик хисоби асосида бажарилади. Шу масалалар билан боглик илмий-тадкикот ишларини эса САНИИРИ илмий ишлаб чикариш бирлашмаси, Тошкент ирригация ва мелиорация институти, Давлатлараро сув хўжалигини мувофиклаштирувчи комиссиянинг илмий-ахборот маркази хамда Ўзбекистон Республикаси Фанлар Академиясининг сув муаммолари ва бошка илмий-текшириш институтлари олиб боради.

Тизим учун кадрлар тайёрлаш, кайта тайёрлаш ва уларни малакаларини ошириш Тошкент ирригация ва мелиорация институтида олиб борилади. «Сирдарё» ХСХБ тасарруфида 198 гидротехника иншооти бўлиб, улар Сирдарёни Норин ва Корадарё кўйилган жойидан Орол денгизигача бўлган 2337 км участкасида, Козогистон, Киргизистон, Тожикистон ва Ўзбекистон Республикалари худудларида жойлашган. Бу иншоотлар таркибида 3000 м 3 /с сув ўтказиш кобилияти эга бўлган Норин дарёсидаги Учкўргон гидроузели (1400 м 3 /с), Чирчик дарёсидаги Юкори Чирчик гидроузели (1800 м 3 /с), умумий хажми 19,5 км 3 , фойдали хажми 14 км 3 бўлган Токтагул сув омбори, мос равишда 1,9 км 3 , 1,75 км 3 бўлган Андижон сув омбори (акваторияси), худди шундай 4,03 км 3 ; 2,55 км 3 бўлган Койраккум сув омбори, 2,05 км 3 ; 1,6 км 3 - Чорвок сув омбори (акваторияси), 5,4 км 3 ; 4,4 км 3 - Чордара сув омбори бор. Мазкур иншоотлар Сирдарё» ХСХБ таркибидаги: - Норин-Корадарё гидроузеллар (Андижон вилояти Куйганёр шахрида); - Мирзачўл гидроузеллар ва Дўстлик канали (Сирдарё вилояти Гулистон шахри); - Юкори Чирчик гидроузеллар (Тошкент вилояти Чирчик шахрида); - Чорвок сув омбори (Чорвок ш.); -Токтогул сув омбори бошкармалари томонидан ишлатилади. Сирдарё ХСХБ марказий аппарати Тошкент шахрида жойлашган. Сирдарё ХСХБ тасарруфидаги гидротехника иншоотларини таъмирлаш шу бирлашма таркибидаги кўчма механизациялашган колонналар томонидан бажарилади. «Амударё» ХСХБ (Урганч шахрида жойлашган) 84 гидротехника иншооти (шу жумладан 36 дарёдан сув олгич бош иншоот), 169 гидропост, 386 км давлатлараро каналлар, шунингдек ишлатиш билан боглик кўп сонли коммуникация (йўллар, электр таъминоти, техник воситалар ва бошк.) ни ишлатади.

«Амударё» ХСХБ ўзига юклатилган вазифаларини амалга ошириш учун таркибида сув олувчи иншоотлар, гидроузеллар, давлатлараро каналларни ишлатиш бўйича куйидаги худудий бошкамаларни ташкил этган: - Кўргонтепа гидроузеллар бошкармаси (янги номи –Юкори Дарё бошкармаси, Тожикистон Республикаси Кўргонтепа шахарида жойлашган) 8 сув олувчи иншоотни ишлатади, Вахш, Пяндж, Кофирнигон дарёларидан Амударёнинг Келиф гидропостигача бўлган 246 км участкасидан сув олишни назорат килади. - Туркманобод гидроузеллар бошкармаси (янги-номи Ўртадарё бошкармаси, Туркманистоннинг Туркманобод шахрида жойлашган) Амударёнинг Келиф гидропостидан Даргонати гидропостигача бўлган участкасида сув олишни назорат килади, балансида 8 йирик дарё гидроузели бор. - Амударё республикалараро каналлар бошкармаси (Упрадик, Урганч шахрида жойлашган) 11 дарёдан сув олгич иншоотлар, магистрал каналлардаги 52 гидротехника иншоотини, 385 км магистрал каналларини ишлатади, Амударёнинг Туямўйин гидроузелидан Кипчок гидропостигача бўлган участкаси (167 км) бўйлаб сув олишни назорат килади. Таркибида Тошсака, Киличниёзбой ва Кипчок-Бўзсув йирик сугориш тизимлари мавжуд. - Нукус гидроузеллар бошкармаси (янги номи – Пасткидарё бошкармаси, Кораколпогистон Республикасини Тахиатош шахрида жойлашган) Тахиатош гидроузели, Хон-ёп ва Жумабойсака каналларини дарёдан сув олгич бош иншоотларни ишлатади, Амударёни Кипчок гидропостидан Орол денгизигача бўлган (283 км) участкасида сув олишни назорат килади. «Амударё» ва «Сирдарё» ХСХБ лари Козокистон, Киргизистон, Тожикистон, Ўзбекистон Республикаларининг ажратмаларидан молиялаштирилади.

«Ўзбекэнерго» ДАК марказий аппаратида электростанциялардан фойдаланиш бошкармаси тузилган бўлиб, у Ўрта-Чирчик, Кадрия, Тошкент, Пастки-Бўзсув, Чирчик ГЭСлар каскади ва Фарход ГЭСи хамда Андижон, Самарканд электр тизимлари маъсулияти чекланган акционерлик (МАЖ) жамиятлари оркали мавжуд 28 ГЭС ни ишлатишни ташкил килади. Бу объектларни капитал таъмирланиши ва кайта курилиши билан боглик лойиха ишлари «Гидролойиха» МАЖ лойиха институтида бажарилади. ГЭСлар каскадларида гидротехника иншоотларини ишлатиш билан гидротехника цехлар шугулланади. Уларнинг таркибларига эксплуатацион ва таъмирлаш-курилиш бригадалари билан таъмирлаш-эксплуатация участкалари, кузатувчилар гурухи, ёрдамчи участка ва бўлинмалар (устахона, омборхона ва бошк.) киради. Кишлок ва сув хўжалиги вазирлиги тасарруфидаги Туямўйин, Андижон, Даргом канали 84-ПК даги кичик ГЭСлар вазирликнинг «Сувэнерго» дирекцияси томонидан ишлатилади. Шу дирекция курилаётган ГЭСларни куриш бўйича буюртмачи хам хисобланади. Эксплуатация хизматининг иши кайси объектда бўлмасин, мос равишда, маълум бир коидалар, кўрсатмалар, низомлар, меъёрий хужжатлар билан тартибга солинади. Бундан ташкари гидротехника иншоотларини ишлатиш билан банд шахсларнинг лавозимий кўрсатмалари мавжуд бўлади. Намунавий низомлар эксплуатация хизматининг барча бошкармалари ва гурухлари орасидаги ўзаро мунособатларни тартибга солади.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоголди кисмларида тўгонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

Похожие

Мавжуд гидротехника иншоотларининг компановкаланиши ва ишлаш шароитлари

Гидротехника иншоотлари ва уларнинг ишлаш шароитлари

Гидротехника иншоотларининг пастки бьефида таъмирлаш ишларини ўтказиш

Дарё гидроузелларидан фойдаланиш тўғрисида умумий маълумотлар

Гидротехника иншоотлари