Мавжуд гидротехника иншоотларининг компановкаланиши ва ишлаш шароитлари - Водное хозяйство - Рефераты

Мавжуд гидротехника иншоотларининг компановкаланиши ва ишлаш шароитлари

Загружено в:

29.10.2019

Скачано:

0

Размер:

10155.5 KB

Мавжуд гидротехника иншоотларининг компановкаланиши ва ишлаш шароитлари Режа: 1. Мавжуд гидротехника иншоотлари ва уларнинг компановкаланиши бўйича кискача маълумотлар 2. Фарход гидроузели 3. Андижон сув омбори

Сув ресурслари халк хўжалигида истеъмол килиш учун ярокли бўлган дарёлар, кўллар, каналлар, сув омборлари, денгизлар, океанлар, ер ости сувларидан иборатдир. Сув хўжалиги эса халк хўжалигининг бир сохаси бўлиб сув ресурсларини ўрганиш, хисобга олиш, комплекс фойдаланиш, тартибга солиш, сувни ифлосланиши ва камайишидан мухофаза килиш, уларни тайинланган жойи (истеъмолчилар) га транспортировка килиш билан шугулланадиган сохадир. Сув ресурсларини ўрганиш, улардан халк хўжалиги эхтиёжи учун фойдаланиш ва махсус (гидротехника) иншоотлар, курилмалар ва жихозлар ёрдамида сувнинг емириш таъсирига карши курашиш билан шугулланадиган фан ва техниканинг сохасига гидротехника дейилади. Сув ресурсларидан фойдаланиш, шунингдек сув офати таъсирига карши курашиш учун кўлланиладиган иншоотларга гидротехника иншоотлари деб аталади. Шунинг билан бирга адабиётларда гидротехника иншоотлари сувни димловчи (тўгонлар, дамбалар ва ш.ў.), сувни ўтказувчи (каналлар, кувурлар, туннеллар ва бошк.), ростловчи (сув окими режимини тартибга солувчи ва киргокларни, иншоотлар асосларини химоя килувчи бўйлама дамба (полузапруда) лар кўринишидаги гидротехника иншоотлари, химоя дамбалари ва ш.ў.), сув олувчи , сув ташловчи , махсус (ГЭС ва НС бинолари, шлюзлар, кемаларни кўтаргичлар) ва бошка турларга бўлиниши таъкидланган. Ўзбекистон Республикасининг «Гидротехника иншоотларининг хавфсизлиги тўгрисида» ги Конунига (1999) мувофик Гидротехника иншоотлари – тўгонлар (плотиналар) , гидроэлектр станциялар бинолари, сув ташлаш, сув бўшатиш, сув ўтказиш ва сув чикариш иншоотлари, туннеллар, каналлар, насос станциялари, сув омборлари киргокларини, дарёлар ва каналлар ўзанларининг киргоклари ва тубини тошкин хамда емирилишдан мухофаза килиш учун мўлжалланган иншоотлар, саноат ва кишлок хўжалиги

ташкилотларининг суюк чикиндилар сакланадиган жойларини ўраб турувчи иншоотлар (кўтармалар) ига айтилади. Биргаликда ишлаш шартига мос ва жойлашуви бўйича бирлашган гидротехника иншоотлари гурухларига гидроузеллар дейилади. Ўрни келганда шуни таъкидлаш керакки, эксплуатация атамаси французча exploitation сўзидан олинган бўлиб, у фойдаланиш , фойда олиш, ишлатиш, ишга тушириш маъноларини билдиради. Шунинг учун хам [68] да «тасарруфида (балансида) гидротехника иншооти бўлган корхона, муассаса ва ташкилот – фойдаланувчи ташкилот » деб ёзилган. Нокулай сув ва хаво режими, кимёвий ва физик хоссалар, шамол ва сувнинг зарарли механик таъсирига дучор ерларни тубдан яхшилаш бўйича амалга ошириладиган ташкилий-хўжалик ва техник тадбирлар мажмуига мелиорация дейилади. Сув хўжалигига тааллукли ишлар билан Республикамизда асосан Кишлок ва сув хўжалиги вазирлиги ва унинг жойлардаги, тасарруфида гидротехника иншоотлари бўлган ташкилотлари шугулланади, биз уларни сув хўжалиги ташкилотлари деб атаймиз. Мавжуд гидротехника иншоотлари ва уларнинг компановкаланиши бўйича кискача маълумотлар Гидротехника иншоотларини лойихалаш, конструкциялаш усуллари махсус адабиётларда берилган [6, 13,16,18,55]. Эксплуатация хизмати кандай гидротехника иншооти лойихаланган, курилган ва ишга туширилган бўлса, шу иншоотни ишлатади, бу гидротехника иншоотларини компановкаланишига хам тааллуклидир. Шунинг учун биз, бу ерда, ўкувчи тассавур килишига имкон яратиш максадида Республикадаги мавжуд гидротехника иншоотларининг баъзи бирлари ва уларнинг компановкаланишини хамда улардан фойдаланувчи ташкилотлар хакида кискача маълумотларни кўриб чикамиз.

Юкори Зарафшон сув олиш узели ёки иккинчи номи - Ровотхўжа тўгони, 1930 йилда ишга туширилган, Зарафшон дарёсида, Самарканд вилоятининг Ровотхўжа кишлогида жойлашган, чап киргок – Янги Даргом ва ўнг киргок каналларига сув олиш максадида курилган. Янги Даргом канали Самарканд вилоятидан ташкари Кашкадарё – вилоятининг Эски Анхор каналига, чап киргок канали эса Жиззах вилоятига Эски Туя тортор канал оркали сув беради. Чап ва ўнг киргок каналларининг хар бирини сув ўтказиш кобилияти 110 м 3 /с. Гидроузел таркибига (1.1- расм) 1) ўзи оркали сувни туширувчи яхлит тўгон (водосливная плотина), 2) тўгоннинг сув туширувчи кисми билан бир чизикда жойлашган чўкиндиларини ювувчи икки (чап киргок ва ўнг киргок) шлюзлар, 3) икки магистрал каналларни бош тартибга солувчи (регулятор) (чапкиргок ва ўнгкиргок) иншоотлари, 4) юкори ўнг киргок окимни йўналтирувчи дамба, 5) ўнг киргок сувни ушлаб турадиган дамба ва 6) иккала каналнинг бош кисми киради. Гидрузел 1350 м 3 /с сувни ўтказишга хисобланган, компановкаси Хинд дарёсидаги Саккур барражи нусхасидан олинганлиги учун сув олишнинг хинд турига мансуб сув олувчи гидроузел хисобланади. Бу турдаги гидроузел Республикада ягона бўлиб, окиб келаётган (влекомые наносы) окизиндиларни махсус дарё сув тиндиргичи – чўнтак (карман) да ушлаб колиш, сўнг эса у ердан окизиндиларни гидроузелнинг пастки бъефига гидравлик ювиш оркали тушириб юборишга мўлжалланган. Гидроузелни Зарафшон ирригация тизимлари хавза бошкармасига карашли «Зарафшон» магистрал тизими бошкармасининг юкори Зарафшон сув олиш узелидан фойдаланиш бошкармаси ишлатади. Гидроузелнинг асосий камчилиги – тургун бўлмаган сув олишдир.

Бу камчиликнинг келиб чикишига каналларга тушаётган окизиндилар, уларни карманларда йигилиб колган кисмини ювиб чикариш учун шарт- шароитларни етишмаслиги, пастки бьефга тушган окизиндилар сув сатхини ошириб юбориб карманларни ювишини кийинлаштираётганлиги ва бошка бир канча сабабларни келтириш мумкин. 11– расм. Юкори зарафшон сув олиш узели. Шунинг учун хам гидроузелнинг эксплуатация хизмати, сув олишни яхшилаш максадида, ўнг киргок ва чап киргок каналларига кўшимча тўйинтириш каналлари куриб сув беришни таъминламокдалар. Чорвок гидроузели Чирчик дарёсининг сув ресурсларидан комплекс фойдаланиш максадида курилган бўлиб, дарё окимини мавсумий тартибга солади. Сув омборининг тўла хажми - 2,05 км 3 , фойдали хажми - 1,6 км 3 . Гидроузел 1968 й ишга туширилган (1.2 - расм). Гидроузел таркибига баланд тош-тупрокли тўгон, сув ташловчи иншоотлар ва ГЭС иншоотлари комплекси киради. Чорвок гидроузели тўгони суглинок грунтли ядроли, симметрик кўндаланг кесимга эга, ён призмалари тош ташлама ва кум шагал тошли ўтиш зоналари билан курилган, тўгоннинг энг кўп баландлиги – 168 м,

узунлиги – 762 м, тепаси (ўркачи) бўйича кенглиги – 12 м, тепа киялиги – 1:2, пасткиси – 1:1,9. Гидроузелнинг сув ташловчи иншоотлари чап киргокда жойлашган бўлиб, умумий сув олиб кетувчи трактга эга бўлган шахтали сув ташлагич ва иккинчи ярус сув ташлагичидан иборат. Фавкулотда (катастрофик) сув сарфини (1200 м 3 /с) гидроузел оркали ўтказиш II ярус туннели оркали – 450 м 3 /с, ГЭС агрегатлари оркали – 500 м 3 /с сувни ўтказиш ва сув омборида – 250 м 3 /с сувни ушлаб колиш йўли билан амалга оширилади. 1.2 – расм. Чорвок гидроузели плани: 1 – тўгон; 2 – ГЭС биноси; 3 – ГЭСни сув кабул килгичи; 4 – сув олиб келувчи туннел; 5 – I ярус сув ташламаси кириш кисми (оголовка); 6 - II ярус сув ташламаси кириш кисми; 7 – шахтали фавкулотда сув ташлама; 8 – сув олиб кетувчи канал.

Гидроузелнинг асосий сув ташловчи иншооти бўлиб шахтали сув ташлагич хизмат килади. У сегментли затворлар билан ёпиладиган 14 м ли 4 та ораликли, тўлик бўлмаган даганак (воронка) шаклидаги кириш кисми (оголовка) ли, айлана коник шахтадан ташкил топган. Даганакнинг умумий бурилиш бурчаги 91 0 , айлана бўйича даганакка кириш узунлиги- 91 м, шахтанинг ўзи 11 м ли доимий ички диаметрга эга бўлган 80 м. ли вертикал цилиндрик ўзак (ствол) дан иборат, ўзак сикилган тешик (горловина) ни ташкил килган ва ундан сув окими эгри чизикли 11 м. ли тирсакдан сикилувчи бўртик-товон (выступ-носок) билан чикиб кетади. Шахта темир- бетонли, калинлиги 1,5 м бўлган коплама билан копланган, тирсак кисмида эса сувнинг босимини юкори даражада ўзгариши (пульсация) ни хисобга олиб коплама калинлиги 2,0 м гача кучайтирилган. Иккинчи ярус сув ташлагичи туннел шаклида, диаметри – 9 м, кириш кисмида затворларни ишлатиш учун хона ва ундан кейинг очик босимсиз кувур килиб курилган. Сув ташлагич ГЭСнинг сувини ва иригацияга сув бериш ва катастрофик тошкин сувларини тушириш учун хизмат килади. ГЭС иншоотлари Чирчик дарёсининг ўнг киргогида жойлашган бўлиб, чукурлаштирилган сув кабул килгич, босимли икки туннел, ГЭС биноси ва сув олиб кетувчи каналдан иборат. Сув кабул килгич остонаси сув омборининг нормал димланган сатхидан 80 м пастда, панжараларни алмаштириб куйиш учун мўлжалланган эхтиёт из(паз)и билан панжарали килиб жихозланган. Оким бўйича туннелнинг пастида таъмирлаш затворларини бошкариш учун шахта жойлаштирилган. Сув олиб келувчилар икки сатхда: юкори кисми – сув кабул килувчи белгисида, пасткиси эса – турбина спирали сахнида килинган. Босимли туннеллар узунликлари 770 ва 852 м, туннелларнинг хар бири икки агрегатга сув берувчи айиргичлар билан тугайди. ГЭС биноси тог жинсли (скала) казилмада, тўгоннинг ўнг киргок канотидаги пастки кияликларига якин жойлаштирилган.

ГЭС иш гилдраги 4,1 м. диаметрли, 4 радиал-ўкий турбиналар ва 176 минг кВт кувватга эга генераторлар билан жихозланган. Асосий жихозлардан ташкари ГЭС биносида диаметри 5 м бўлган дискли затворлар хам жойлаштирилган. ГЭС биносининг пастки бьеф кисмида блоклар устинида 200 минг кВт ли 4 кучлантириш трансформатори ўрнатилган. Чорвок гидроузели ГЭСнинг тўгон олди компановкасига мансуб гидроузел хисобланади. Чорвок гидроузелини «Ўзбекэнерго» Давлат Акционерлик Кампанияси (ДАК) нинг Ўрта-Чирчик ГЭСлар каскади корхонаси ишлатади, сув омборининг акваториясини эса «Сирдарё» хавзаси сув хўжалиги бирлашмаси (ХСХБ) нинг Чорвок сув омбори бошкармаси ишлатади. Фарход гидроузели Сирдарёда жойлашган бўлиб 5800 м 3 /с сувни ўтказишга мўлжалланган, Фарход ГЭС деривация канали, Жанубий Мирзачул канали, Дўстлик канали ва Далварзин каналларига сув беради, 1947 йил ишга туширилган. Гидроузел таркибига (1.3 – расм) узунлиги 450 м, энг кўп баландлиги 27 м бўлган тўкма грунтли тўгон, хар бири 10 м. ли 7 ораликдан иборат ва 4430 м 3 /с сарфга хисобланган 91 м. ли, ўзидан сув туширувчи бетон тўгон (водосливная плотина),дарёнинг ўнг киргогида жойлашган Далварзин каналига сув олгич, чап киргогида жойлашган ГЭС деривацион канали бош иншоотлари киради. Деривацион канал 23 км узунликда, сув ўтказиш кобилияти 470 м 3 /с, суви ГЭСни босимли ховузига келиб тушади. Босимли ховуздан сув босимли кувурлар оркали Фарход ГЭСи турбиналарига, босимсиз сув кабул килгичидан эса Жанубий Мирзачўл каналига узатилади. Босимли кувурлар, агрегатлар сонига мос, 4 кувурдан иборат. ГЭС биноси ковлама (выемка)да жойлашган, ундаги 2 агрегатнинг хар бирини куввати 30 минг кВт, яна иккитасининг хар бириники эса – 33 минг кВт (ГЭСнинг белгиланган куввати – 126 минг кВт). ГЭС биносидан босимсиз сув олиб кетувчи канал курилган.

Унинг 6 - км да сув бўлгич иншооти курилган бўлиб, ундан чап томонга «Дўстлик» канали кетади, ўнга эса Сирдарёга ташлама. ГЭСнинг деривацион канали горизонтал бермали (ўзи тартибга туширувчи) килиб курилган. Бунда йигилган кўшимча сув хажмидан, окимини кундалик тартибга солишдагидек, ГЭС ишини тартибга солиш амалга оширилади. 1.3 – расм. Фарход гидроузели: а – схематик плани; 1 – Фарход гидроузели; 2 – «Дўстлик» каналининг эски боши; 3 – деривацион канал; 4 – «Дустлик» каналининг эски ўзани; 5 – Сирдарё; 6 – сув бўлгич; 7 – ташлама; 8 – «Дўстлик» канали; 9 – жанубий Мирзачўл канали; б – гидроузел плани; 1 – водослив тўгон; 2 – Далварзин канали регулятори; 3 – грунт тўгон; 4 – деривацион канал регулятори

Канални бундай режимдаги иши пайтида, одатда, босимли ховуздан бекорчи сув ташлаш амалга оширилмайди. Шунга карамасдан ГЭС тўлик юклама билан ишламаган ёки тўхтаганда «Дўстлик» каналини узлуксиз сув билан таъминлаш максадида босимли ховуздан сув ташлама оркали 100 м 3 /с атрофида сув ташлаб турилади. Фарход гидроузели бош иншооти Тожикистон худудида жойлашган, гидроузелни Далварзин каналига сув олгич иншоотини «Сирдарё» ХСХБ га карашли ташкилот, колган иншоотларини эса Фарход ГЭСи корхонаси ишлатади. Туямўйин гидроузели Амударёнинг Туямўйин сикилишида жойлашган (1.4, 1.5 –расмлар). Гидроузел таркибига дарё ўзанида ювиш усули (намывная) билан курилган грунтли ва сув ташлама тўгон, ГЭС, чап ва ўнг киргок сув олувчи иншоотлар- тартибга солувчи иншоотлар (головные регуляторы), кема катнайдиган шлюз, баликларни ўтказувчи иншоотлар, чап ва ўнг киргок каналларининг сув тиндиргичлари, юкори ва пастки бьефлар окимини йўналтирувчи дамбалар киради. Гидроузел сувни нормал димлаш (НДС) сатхи 130 м гача димлайди, натижада димланган сув дарё ўзанида сув омбори хосил килган, у эса ўз навбатида Капарас ва Султонсанжар куйилма сув омборларини сув билан тўлдиради. Султонсанжар сув омборини тўлдириш учун гидроузелдан шаркга караб 2,5 км масофада 500 м 3 /с сувни ўтказадиган иншоот, худди шундай сув сарфи билан сув омборидан сув кўйувчи иншоот сув омборининг жануб томонидан ўраб турган тупрокли тўгон танасида курилган. Сув кўйувчи иншоотдан Амударёгача 20 км узунликда сув олиб келувчи канал курилган, унинг Туямўйин канали билан кесишган жойида эса гидроузелдан Амударё сувини ёки Султансанжар сув кўйувчи иншоотидан тиндирилган сувни узатадиган, ёки Туямўйин каналига берилаётган сувнинг лойкалигини камайтириш учун тиндирилган сувни аралаштирадиган иншоотлар курилган.

Кўшбулок куйилма сув омбори Султансанжар канали билан туташтирилган, у оркали сув омбори хам тўлдирилади, хам бўшатилади. Капарас ва Кўшбулок сув омбори гидроузелдан 2 км узунликда жойлашган бир иншоотдан тўлдирилади ва бўшатилади. 1.1.Туямўйин гидроузели таркибига кирувчи сув омборлари Сув омборлари Хажми, км 3 …м. белгигача бўшатиштўла Фойдали Ўзанли 2,34 2,07 119-120 Куйилма: Капарас 0,96 0,55 120 Султонсанжар 2,69 1,63 116 Кўшбулок 1,81 1,02 120 Жами: 7,8 5,27 ш. ж.куйилма 5,46 3,20 Ўзбекистон, Кораколпогистон ва Туркманистоннинг сувдан фойдаланувчилари ерларининг шўрини ювиш ва экишдан олдин сугориш пайтида сув такчиллигини камайтириш максадида Туямўйин гидроузели Амударёнинг мавсумий сув окимини тартибга солади. Амударёнинг Туямўйин створидан йилига 200 млн.т. окизинди ўтади, унинг 80% микдори тошкин (май-сентябр) ойларига тўгри келади. Ўзанли сув омбори хажмни кўп йилларга саклаб колиш, айни такчиллик пайтида сугориладиган майдонларни сув билан таъминлаш учун сентябр ойидан Капарас сув омбори НДС-130 гача тўлдирилади, ундан кейин феврални охиригача Султонсанжар ва Кўшбулок сув омборлари тўлдирилади. Тошкинлар бошлангунча ўзанли сув омбор 120 белгигача бўшатилган бўлиши лозим. Тошкинлар тўгон олди белгиси 120 бўлганда дарё ўзани бўйлаб ўтказилади ва окизиндилар пастки бьефга ташланади. Гидроузел сув ташловчи оралик НДС-120 бўлганда 7500 м 3 /с сувни ўтказишига хисобланган, жуда катта хажмда сув келганда (0,01% таъминланганлик бўлганда) 130 белгида 12890 м 3 /с сув ўтказишга йўл кўйилади.

1.4 – расм. Туямўйин гидроузели схематик плани: 1- Ташсака канали бош иншооти; 2 – чап киргок канали; 3 – сув ташлама канал; 4 – ахоли яшайдиган шахарча; 5 – ўнг киргок магистрал канали; 6 - № 1 ўнг киргок дамбаси; 7 – Туямўйин гидроузели; 8 - № 2 ўнг киргок дамбаси; 9 – Капарас сув омбори иншооти; 10 Туямўйин гидроузели иншоотларининг сув ўтказувчанлик к обилиятлари Иншоотлар Ораликлар сони Фронти узунлиги, 119 120 130 м. белгиларда сув сарфи, м 3 /с Сув ташлама тўгон Тубидаги сув ташламалар (6х12) 8 4300 4800 8700 Ўзидан сув туширгич (водослив, 12х12) 1 141 40 70 920 Г Э С Агрегатлари 6 110 - 480 1140 Сув ташламалари (3х2,5) 12 660 720 1310 Чап киргок сув олувчи иншооти Бош регулятор 6 500 500 500 Окииндиларни ювувчи галереялар (4х4,3) 4 47,5 560 630 1080

1.5 – расм. Туямўйин гидроузели плани: 1 –дюкер; 2 – кема юрадирган шлюз; 3 - № 1 дамба; 4 – ўнг киргок магистрал канали; 5 – грунт тўгон; 6 – ўнг киргок сув олгич иншооти; 7 - водослив тўгон; 8 – ГЭС биноси; 9 – сув олгич иншоот. 150 минг кВт кувватга эга тўгон олди ГЭСи (6 агрегат) белгиланган режимда ишламокда. Ўртача йиллик электр энергияси ишлаб чикарилиши – 470 млн кВт . соат. Чап ва ўнг киргок бош иншоотлари (регуляторлари) 129 белгида мос равишда 500 ва 200 м 3 /с сув сарфини ўтказади. Уларнинг таркибига лойка ювадиган галереялар хам киради. Регуляторлардан пастда жойлашган сув тиндиргичлар факат керак бўлгандагина ишлатилади. Кемалар ўтказадиган шлюз ўнг киргокда жойлашган, камерасининг ўлчамлари – 18х80 м., хисобий юк айланиши 535 минг т. Гидроузел иншоотларининг сув ўтказувчанлик кобилиятлари 1.2-жадвалди келтирилган.

Тўямўйин гидроузелини Кишлок ва сув хўжалиги вазирлигининг «Ўзсувтаъмирфойдаланиш» Республикаси бирлашмасини Туямўйин гидроузелидан фойдаланиш бошкармаси ишлатади. Андижон сув омборинин г бетон тўгони жуфтлашган контрофорслари билан яхлит-контрофорсли, планда 1000 м. радиус билан эгри чизикли килиб курилган. Тўгоннинг энг кўп баландлиги- 115,5 м, тепаси (ўркачи бўйича) нинг узунлиги- 965 м., тепа ва пастки кияликлари – 0,5, тепасининг белгиси – 907,5 м (1.6, 1.7 – расмлар). 1.6 – расм. Андижон сув омбори

1.7 – расм. Андижон сув омбори Тўгон узунлиги бўйича харорат-чўкиш чоклари билан 33 секция ва 2 киргок устунига бўлинган. Тўгон секциялари ичи бўш (ковак), кенглиги – 25 м. дан. Чап киргок устунига узунлиги 165 м., баландлиги – 28,5 м., тепа киялиги – 3,0, пастки киялиги – 2,5 бўлган грунтли тўгон келиб туташган. Бу тўгоннинг юкори киялиги 30 см. калинликдаги темир-бетонли плиталар билан мустахкамланган. Тўгон секциялари ичида асосига биринчи катори 30 м чукурликда, иккинчиси 20 м чукурликда бўлган икки катор скважиналардан иборат чукур дренаж килинган. Киргок кияликлари дренажи штолня килиниб 810 м. белгида, узунлиги 360 м., чукурлиги 30 м килиб ўрнатилган. Сув кўйувчи иншоотлар уч ярусли килиб тўгон танасининг ичида беш секцияда жойлаштирилган. Биринчи ярус 18-20 секцияларда курилиш пайтидаги сув сарфини ўтказиш учун вактинчалик килинган ва икки доимий

сув кўйувчи иншоотлар останаси белгиси 807,5 м килиб 16 ва 21 секцияларда жойлаштирилган. Иккинчи ярусдаги доимий чукур тешиклар 845 белгида бўлиб, улардан бири- сув кўйувчи, тўрттаси- сув ташловчидир. Учинчи ярус 901 м. белгида сув ташловчилар ўртасида 18-19, 19-20 ва 20-21 секциялар орасидаги кенглиги 10 м. ли 3 та водосливли ораликдан иборат. Сув олиб келувчи каналга сув кўйувчи иншоотнинг сув сарфи – 230 м 3 /с, ортикча сувни Корадарёга ташлаш учун курилган сув ташламаларники – 1700 м 3 /с. Сув кўйувчи иншоот оркали сувни ўтказиш ёз пайти, сугоришга бериладиган сув ГЭСнинг сув сарфи (136 м 3 /с) дан кўп бўлгандагина амалга оширилади. Сув кўйувчи иншоотнинг сув урилма ховузи, тог жинсли асосда 795 белгигача, чукурлаштирилган. Бундан ташкари тўгонли узел таркибига тўгон олди турига мансуб ГЭС биноси хам киради. ГЭС биноси босимини ўзида кўтармайди. ГЭСнинг белгиланган куввати – 100 минг кВт (4 агрегат 25 минг кВт. дан). Хисобий сарфи 136 м 3 /с бўлган сув ГЭСга тўгонни 13 ва 14 секцияларида жойлашган, диаметри 4 м ли икки кувур оркали узатилади. ГЭСнинг максимал напори- 95 м., йиллик электр энергияси ишлаб чикарилиши (факат ёзда) – 503 млн. кВт соат. Андижон сув омбори хам «Ўзсувтаъмирфойдаланиш» Республика бирлашмасига карашли Андижон сув омборидан фойдаланиш бошкармаси томонидан ишлатилади. ГЭС ни эса «ЎзСувэнерго» Республика Бирлашмаси ишлатади. Тўполон гидроузели таркибига тош-грунтли тўгон, сув кўйувчи-сув ташлама, ГЭС сув кабул килгичи, босимли кувур ва ГЭС биноси киради (1.8- расм). Тош-грунтли тўгон суглинокдан иборат марказий ядро ва тог жинсларидан иборат таянч призмали килиб курилмокда. Энг кўп баландлиги – 180 м, тепаси бўйича узунлиги – 401 м., тепасининг кенглиги – 10 м.,

кияликларини юкоридагиси – 2,1 пасткиси – 1,9, юкори киялиги бермасининг кенглиги – 12,8 м., пасткиси – 6 м. 1.8 – расм. Тўполон гидроузели. 1 – ГЭС сув кабул килгичи; 2 – затворлар узели; 3 – келинадиган П-3 штольня; 4 – ГЭСни сув олиб келувчи туннели; 5 – монтаж камераси; 6 – келиш ёрдамчи туннели; 7 – ГЭС турбиналари сув ташигичи; 8 – ТЛ-2 транспорт туннели; 9 – ТЛ-3 транспорт туннели; 10 – ГЭС биноси; 11 – ГЭС кичик агрегатлари турбиналари сув ташигичи; 12 – ТП-3 туннели; 13 – курилиш туннели; 14 – бетон пробка; 15 – сув кўювчи иншоот сув кабул килгичи; 16 – сув кўювчи иншоот сув кабул килгичи; 16 – сув кўювчига сув олиб келувчи кувур; 17 – сув кабул килгич башнясига олиб келувчи йўл; 18 – сув кўювчи туннели; 19 – ГЭС сув ташигичини кўшиш узели; 20 – коллектор; 21 – асосий ва авария – таъмирлаш затворлари биноси; 22 – П-4 келиш штольняси; 23 – таъмирлаш затворларини ер ости биноси; 24 – П-7 келиш штольняси. Тўгоннинг дренажи пастки киялигида йирик тошлардан призма кўринишида килинган. Сув кўйгич тошкин сувлари ва сув истъемоли графигига мувофик истъемолчиларга бериладиган сувларни ўтказиш учун мўлжалланган, сув кўйувчининг хисобий сарфи – 300 м 3 /с. Сув кўйувчи иншоот таркибига башня туридаги сув кабул килувчи, сув кабул килувчидан сувни ташувчининг бош кувурли кисми - водоводнинг

туннел участкаси, таъмирлаш затворлари камераси (ТЗК), сув кўйувчининг туннел участкаси, асосий ва авария-таъмирлаш затворлар биноси киради. Сув кабул килувчи, кувур ва туннелнинг бир кисми сув кўйувчи иншоот билан бирлаштирилган. Туннелни сув кўйувчи билан бирга узунлиги – 964,5 м. Хусусан туннел сув кўйувчи билан 3+98,1 ПК дан ажралиб кетади. Эксплуатацион сув ташлама Тўполон дарёсини чап киргогида, 300 м 3 /с сув ўтказадиган килиб лойихаланган. ГЭС биноси тўгон олди турига мансуб, белгиланган куввати 175 мВт. ГЭС ва тўгон курилиши хали тугалланмаган. Сув омбори 100 млн. м 3 .га ишга туширилган. Тўполон гидроузели тўгони ва сув кўйувчи иншооти «Ўзсувтаъмирфойдаланиш» РБ га карашли Тўполон сув омборидан фойдаланиш бошкармаси, тугалланмаган ГЭС эса (2 кичик агрегати ишга туширилган) «ЎзСувэнерго» РБ томонида вактинчалик ишлатиш шароитларида ишлатилмокда. Даргом каналини Гўлва шаршараси (перепади) даги кичик ГЭС таркибига (1.9-расм) Даргом каналидан кесишув жойидаги автомобил йўли ўтувчи кўприк билан бирлашган тартибга солувчи иншоот, сув ости окимини йўналтирувчи дамба, кичик ГЭС дан сув олиб кетувчи канал, «Ўрта» канали сув олгич иншооти, чап киргок дамбаси, ўнг киргок дамбаси, кичик ГЭС биносига олиб келувчи ўнг гиргок йўл киради. Кичик ГЭСнинг белгиланган куввати – 5 МВт, хисобий сув сарфи – 67,5 м 3 /с, напори: энг кўпи – 10,35 м., энг ками – 8,45 м., хисобий – 9,0 м. 10 та ПР40-Г-125 гидротурбина ўрнатиш лойихалаштирилган. Кичик ГЭС курилиши бошланган.

1.9 – расм. Даргом канали Гулва шаршарасидаги кичик ГЭС: 1 – станция биноси; 2 – КГЭС сув олиб келувчи канали; 3 – КГЭС сув олиб кетувчи канали; 4 – 35 кв очик таксимлаш курилмаси; 5 – тартибга солувчи димловчи иншоот; 6 – «Ўрта» каналига сув куйгич иншоот; 7 – сув ости йўналтирувчи дамба; 8 – пастки бьефларини ажратувчи иншоот. О х ангарон кичик ГЭСи мавжуд Охангарон гидроузели таркибида курилмокда (1.10-расм). Бу станция таркибига сув олиб келувчи тракт, 2 агрегатли ГЭС биноси, сув олиб кетувчи тракт, 35 кВт очик таксимлаш курилмалари киради. Сув олиб келувчи тракт таркибида: мавжуд «Отвод» туннелига хар бири 20,8 м 3 /с сарфга хисобланган, босимли кувурларни улайдиган 2 узел, диаметри 2,5 м, узунлиги (чапкиси) 180,3 ва (ўнгдагиси) 218,3 м ва худди ўшандай сарфга хисобланган 2 ипли босимли кувурлар бор.

1.10 – расм. Охонгорон кичик ГЭСи: 1 – станция биноси; 2 – сув олиб кетувчи канал; 3 – уланиш узели; 4 – 35 кВ очик таксимлаш курилмаси (ОРУ 35 кВ); 5 – хизмат-ишлаб чикариш корпуси; 6 – копрессор хонаси; 7 – аппаратлар хонаси, устахона, ёг хўжалиги; 8 – КГЭС турбиналарига сув ташувчи кувурлар (водоводы); 9 - затворлар хонаси; 10 – босимли туннел; 11 – турбиналар водоводларини уланиш узели; 12 – хўжалик ховлиси; 13 – кириш жойи; 14 – факел насос станцияси;15- насос станцияси. Сув олиб кетувчи тракт таркибида эса: туташтирувчи участка, мавжуд «Отвод» ли босимсиз туннелига ГЭСни улаш узели ва сув олиб кетувчи каналлар бор. Карши магистрал канали (КМК), йирик гидротехника иншоотлари мажмуидан иборат бўлиб 176,6 км узунликга эга. Канални бош 78,4 км кисми Туркманистон Республикаси худудида жойлашган, сувни Амударёдан олиб 6 насос станциялари ёрдамида 132,2 м баландликка чикаради. Канални нормал сарфи – 175 м 3 /с, энг кўп сув сарфи (форсированный)- 195 м 3 /с. Каналдаги 7 – насос станция кишги мавсумда сувни Толлимаржон сув омборига ташлашга хизмат килади (1.11-расм).

Канал 370 минг га. якин сугориладиган майдонга хизмат кўрсатади. Канал ўзанининг кўп кисми бетон коплама билан мустахкамланган. 1.11 - расм. Карши магистрал канали. Канални бетон билан копланмаган участкаларида киска - киска дренажлар 300…400 мм ли асбестоцементли кувурлардан килинган, улардан сув махсус кудукларга тўпланиб йигилади, сўнг 5 НДв (сарфи 750 л/с) насослари ёрдамида каналга олиб ташланади. КМК нинг бош кисми насос станцияларида (№ 2 – 6 НС) ОП-10-260, (№ 1 НС) ОП-11-260 бурилувчи-парракли ўкий насослар ўрнатилган. Жами 36, шу жумладан хар бир насос станциясида 6 тадан насос агрегатлари ўрнатилган.

Насос агрегатларининг иш гилдракларини диаметри – 2,6 м, параклар бурилиш бурчаги +1 дан – 11 0 гача. ОП-11-260 насоси 26-39 м 3 /с сувни 17-20 м баландликка, ОП-10-260 эса 24-26 м баландликка чикариб беради. Насосларни максимал сўриш чукурлиги 6 м. Каналга сув Амударёнинг Пулизиндан бурунида тўгонсиз олинади. Бу ерда асосий муаммо канални бош участкаси ( № 1 НС гача) га лойка чўкиши, уларни тозалаш земснарядлар оркали олиб борилишидир. Насос станциялари бинолари яхлит темир-бетондан, тўгри тўрт бурчак шаклида курилган. Уларнинг тепа кисми (машина зали) металл каркасдан иборат, уларга йигиш майдончаси туташган. КМК насос станциялари биноларининг ўлчамлари ва конструкциялари бир хил килиб курилган. Хар бир насос агрегати ўз босимли кувурига эга, кувурлар диаметри 3,6 м. Босимли кувурлар охирида сифон туридаги босимли ховуз (сув чикарувчи иншоот) билан туташган. Насослар куввати 12,5 минг кВт бўлган ВДС-375/130-24 электродвигателлар билан харакатлантирилади. Хар бир насос станциясининг белгиланган куввати 75 минг кВт. Насос станцияларини электр таъминоти 220 кВ ЛЭП билан хар бир насос станциясида иккитадан 63 минг кВт трансформатор ёрдамида «Карши» подстанциясидан амалга оширилади. Насос станцияларини бошкариш автоматика ва телемеханика воситалари ёрдамида амалга оширилади. Гидротехника иншоотлари тўгрисидаги бундай рўйхатни янаям давом эттириш мумкин, аммо максадимиз ўкувчига гидротехника ишоотлари тўгрисида тассавур бериш ва гидроузеллар таркибига кандай иншоотлар киришини санаб бериш бўлганлиги сабабли юкорида келтирилганлар билан чегараланамиз. Демак Республикадаги мавжуд гидротехника иншоотларининг турлари ва уларнинг таркиби хар хил экан, уларни ишлатишнинг хусусиятларини ўрганиш жуда мухимдир.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоѓолди ќисмларида тўѓонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

Похожие

Мавжуд гидротехника иншоотларининг ишлаш шароитлари

Гидротехника иншоотлари ва уларнинг ишлаш шароитлари

Гидротехника иншоотларининг пастки бьефида таъмирлаш ишларини ўтказиш

Дарё гидроузелларидан фойдаланиш тўғрисида умумий маълумотлар

Дарё гидроузеллари барқарор иш фаолиятига таъсир этувчи омиллар