Узум сақланадиган омборларни мавсумга тайёрлаш ва уларга маҳсулотни жойлаш - Сельское и лесное хозяйство - Рефераты

Узум сақланадиган омборларни мавсумга тайёрлаш ва уларга маҳсулотни жойлаш

Загружено в:

20.09.2019

Скачано:

0

Размер:

33 KB

Узум сақланадиган омборларни мавсумга тайёрлаш ва уларга маҳсулотни жойлаш Режа: 1. Узум сақланадиган омбор турлари. 2. Омборларни мавсумга тайёрлаш. 3. Омборларга узум махсулотни жойлаш.

1. Омборларга ертўла, оддий бино омборлари киради. Бундай омборлар эшик ва дарчалар орқали шамоллатиб турилади. Омбор ҳарорати ташқи ҳавога боғлиқ бўлади. Махсус ускуналар билан жихозланган омбор анча мукамал бўлиб, улар яхши «изоляция» қилинган ва узум сақланадиган камераларга эга. Махсулот сақланадиган хоналар компрессорли қурилмалар, камераларни ускуналарига қараб омбор совутиладиган ҳамда эритмалар ёрдамида ҳавони совутадиган турларига ажратиш мумкин. Ҳаво билан совутилган омборларда совитиш ускуналари камераларнинг шипига ўрнатилади. Вентиляторлар уларга совутилган ҳавони юбориб туради. Энг оддий омборларга қуйидагилар киради: Ертўла-қуруқ ерда чуқурлиги бир метр қилиб қазилган устига том қилинади, ён томонларига тахта қоқилади ёки ғишт териб чиқилади. Девори бўйлаб сақичлар сурилади. Ертўланинг узунлигига қарата ҳар 3.5 метрда биттадан йўғонлиги 10х10 сантиметр вентилация қувурлари ўрнатилади. Мевалар токчаларга ёки қутиларга жойлаштирилиб сақланади. (4) Оддий омборлар ерни қазимасдан қуриладиган бинолар бир қаватли, ғиштли бўлади. Девор ва шифтлардан пўкак, қамиш, қипиқ ва бошқа материаллардан тайёрланган плиталар билан қопланади. Бинони шамоллатиб турилиши учун қопқоқли туйнуклар очилади. (1) 2. Омборларни мавсумга тайёрлаш учун омбор экин мева қолдиқлари ва хас-чўпдан тозаланилади. Бино теварагидаги майдон ҳам тозаланилади. Чириган мевалар 500 метр узоқликка олиб борилиб устига 4 фоизли хлорли охак сепилиб ерга кўмилади. (5) Ёзда омбор шамоллатиб қуритиб турилади. Ёғоч жихозлар қирғич билан тозаланиб бир фоизли формалин эритмаси пуркалади ва офтобда қуритилади. Бино олтингугурт ёки формалин эритмаси билан дезинфекция қилинади. Ҳар бир метрга 50-60 г олтингугурт сарфланади. Бунинг учун бино ичи вақтинча герметик холатга беркитилади. Ишчиларга противогаз ва махсус кийим кийгизилади. Ҳосил жойлашга 2-3 ҳафта қолганда бинони ичи оқланади.

Бунда бир челак сувга 1.5 кг охак ва 200 г мис купороси қўшиш керак бўлади (2, 3) Узоқ вақт сақлаш учун асосан кечпишар навлар ажратилади. Узум маҳсулотини узиш, ташиш, навларга ажратиш ва яшикларга жойлашда эҳтиётсизликка йўл қўйиш, узумни эзилишига ва яшиклар шикастланишига сабаб бўлади. Бундан ташқари, барча каламуш инларига тош ва ойна парчалари тиқиб, устидан цементланади. Омборлар ўз вақтида зарур асбоб-ускина ва материаллар, чунончи термометр, психрометр, тароз, чироқ, қути, сават ва бошқа жихозлар билан жихозланади (3) 3. Терилган узум ҳосилини саралаб яшикларга жойлангандан сўнг транспорт воситаларига ортиб, омборларга олиб борилади, тарозида тортилгандан кейин совутгич, оддий омбор ёки ертўлаларга жойлаштирилади. Яхши сараланган маҳсулотни узоқ сақлаш мумкин. Бу ишда узум шакли, ранги, узум бошларининг катта-кичиклиги, зичлиги ва ғужумига қараб навларга ажратилади (5) Узум бошларини ортиқча зич ва шикастлантирмай тўғри жойлаш, ортиқча тиқиштирмаслик, яшикларнинг оғирлиги бир хил бўлиши, меҳнат унумдорлигини ошириш ва омборда сақлашни тўғри уюштириш имконини беради (2) Узум тахланган яшикларни совутиш камераларига худди бошқа мевалар сингари тахлаб қўйилади. Узумни яхши сақлаш учун камералар ҳар ойда икки маротаба олтингугурт гази билан дудлантирилади. Бунда ҳар бир м 3 майдонга 3 г олтингугурт сарфланади. Сақланаётган узумни сифати ҳар ойда 2 марта кўздан кечирилади (3, 4)

Адабиётлар: 1. Х. Бўриев, Р. Ризаев. «Мева-узум маҳсулотлари биокимёси ва технологияси.»Меҳнат»1996.,63-70 бет. 2. Х.Ч.Бўриев, Р.Жўраев., О.Алимов. «Мева-сабзавотларни сақлаш ва уларга дастлабки ишлов бериш». Т. «Меҳнат», 2002. 51-55 бет. 3. С.Ю.Дженеев. «Хранение столового винограда в хозяйствах» Колос, 1978, 96-112стр. 4. А. А. Рыбаков. Мева ҳосилини йиғиб олиш, сортларга ажратиш, жойлаш ва ташиш. Т., Уз Фа нашриёти, 1952, 54-56 бет. 5. А.А.Рыбаков ва бошқалар «Ўзбекистон узумчилиги», Т. «Ўқитувчи». 1969, 17-бет.

Похожие

Узум ҳосилини чамалаш ва узишга тайёрлаш

Пиллаларни тайёрлаш ва уларга дастлабки ишлов бериш

Ҳосилни териш, ташиш ва сақлашда ишлатиладиган анжом-ускуналар, идишлар ва жойлаш материаллари

Ток селекцияси ва узум навлари

Бетон қоришмасини жойлаш