Tuproq paydo bo’lish jarayoni - Сельское и лесное хозяйство - Рефераты

Tuproq paydo bo’lish jarayoni

Загружено в:

20.09.2019

Скачано:

0

Размер:

41.5 KB

Tuproq paydo bo’lish jarayoni R е ja: 1.Tuproq paydo bo’lishi. 2.Tog’ jinslarining kurash qobig’i. 3.Tuproq paydo bo’lish jarayonida moddalarning absolyut to’planishi.

Tayanch tushunchalar: Tog’ jinslarining kurash qobig’i nisbiy to’planish, absolyut to’planish, tuproq paydo qiluvchi jarayon. Tuproq paydo bo’lishi jarayoni deb, Yerning tabiiy va antropogen ekosistemalarida tuproq paydo qiluvchi omillar kompleksi ta‘sirida tuproqlarning hosil bo’lishi, rivojlanishi va evolyutsiyasi jarayonlarining yig’indisiga aytiladi. Tuproqlarning mustaqil tabiiy tana ekanligi, tuproqda kechadigan hamma hodisalarni mustasnosiz tuproq paydo qiluvchi jarayonlarni tashkil etuvchilar deb qarashni taqozo etadi. Ular o’z tabiati bo’yicha turlicha bo’lsalarda, lekin o’zaro bog’liqlikda namoyon bo’ladilar. Tuproqning paydo bo’lishi tog’ jinslariga yoki ularning nurash mahsulotlariga tirik organizmlarning qo’nishidan boshlanadi. Bu jarayonning dastlabki bosqichi o’z mohiyati jihatidan tog’ jinslarining nurashiga o’xshashdir. Keyinchalik, yer yuzasi rivojlanishining ko’proq yetuk bosqichlarida nurash va tuproq paydo bo’lishi jarayonlari makon va zamonda ajralib ketadilar, tuproq esa faqat tog’ jinslari nurash qobig’ining eng yuqori qatlamida vujudga keladi. Shu bilan birga Yerning uzoq o’tmishida, yuza qismining abiotik rivojlanganligini, uning yuzasida nurash qobig’i mavjud bo’lganligi, lekin tuproq paydo bo’lmaganligini ham esda tutish lozim. Nurash va tuproq paydo bo’lishi jarayonlari, demak shunga muvofiq nurash qobig’i va tuproqni har xil tabiiy tana sifatida ajratish jiddiy ahamiyat kasb etadi. Nurash va tuproq hosil bo’lish jarayonlarining yuzaga keltiruvchi omillar o’xshash va bir xil termodinamik sharoitlarda yuzaga chiqsalarda, bu jarayonlar va ularning oxirgi mahsulotlari har xildir. Tog’ jinslarining nurash qobig’i Bu ularning parchalanishi, mineral komponentlarning bir joydan ikkinchi joyga ko’chirilgan, saralangan va qayta yotqizilgan mahsulotlari qatlamidir. Tuproq bu maxsus biokos tabiiy tananing yangidan hosil bo’lishi natijasi bo’lib,

nurash qobig’idan farqli chirindi mavjudligi, morfologik tuzilishi, asosiy funktsiyalari bilan ajralib turadi. Tuproq paydo bo’lishi jarayonining umumiy sxemasini quyidagicha tasavvur qilish mumkin. Yuqorida qayd qilinganidek, tog’ jinslarining nurash mahsulotlariga sodda organizmlarning qo’shilishi bilan birlamchi tuproq paydo bo’lishi jarayoni boshlanadi. Ular nobud bo’lishidan hosil bo’lgan organik qoldiqlari nurayotgan tog’ jinslarini organik moddalar bilan boyitadi va boshqa guruh organizmlari yashash uchun sharoit yaratadi. Bakteriya va tuban suv o’tlaridan to yuksak o’simliklar rivojlanishiga qadar ko’plab yillar o’tadi. Yuksak o’simliklar paydo bo’lgandan so’ng, ularning kuchli ildiz tizimlari jinslarning ichiga kirib boradi va tuproq paydo bo’lishi jarayonini kuchaytiradi. O’simliklar bilan bir qatorda, ularga mos bo’lgan hayvon organizmlari ham bu yerda yashay boshlaydi va tuproq paydo bo’lishi jarayoniga ta‘sir ko’rsata boshlagan. O’simlik va hayvonlar faoliyati natijasida, tarkibida, azot, kul elementari kabi oziq elementlarini ko’plab ushlaydigan, organik moddalar, jumladan, tuproq chirindisi paydo bo’lgan. Mineral tuproqlarda organik moddalarning to’planishi tufayli, ularning suv rejimi yaxshilangan, u barqaror xarakterga ega bo’lgan. Shunday qilib, tog’ jinslaridan tuproq paydo bo’la boshlagan. O’simlik dunyosining sodda mikrofaunasidan boshlab, to yuksak o’simliklargacha rivojlanish davri millionlab yillar davom etgan bo’lsa, tuproq paydo bo’lishi jarayoni ham shunday uzoq davr tarixiga ega. Shu bilan birga Yerda hayot jarayoni rivojlanishi tarixida o’simlik va hayvonlarning guruhlari, ularning ayrim turlari ko’paya borgan. Bu ular tomonidan vujudga keltirilgan organik moddalarning umumiy massasini ko’paytirgan, yashil o’simliklar to’playdigan quyosh energiyasi oshgan. O’simlik dunyosining evolyutsiyasi bilan bog’liq holda, tuproq paydo bo’lishi jarayoni rivojlangan va murakkablashgan, tuproq esa asta-sekinlik bilan o’z unumdorligini oshira borgan.

Tuproq paydo bo’lishi jarayoni Yer yuzasida tasodifiy hol emas. U katta miqyosdagi geologik, jumladan, iqlim, tektonik va morfostruktura jarayonlari bilan bog’liq bo’lgan landshaftlarning umumiy tarixiga mos keladi. Tuproq paydo bo’lishiga ma‘lum ma‘noda moddalarning akkumuliyatsiyasi (to’planishi) va chiqarib yuborilishi jarayonlarining nisbati sifatida qarash mumkin. SHuni qayd etish kerakki, tuproq paydo bo’layotgan qatlamdan, faqat ba‘zi bir moddalar chiqib ketadi, boshqalari esa unda absolyut yoki nisbatan т o’ планадилар . Tuproq paydo bo’lishi jarayonida moddalarning absolyut to’planishi. Bu tuproq paydo qiluvchi jinslarga atmosfera yoki gidroferadan moddalarning kelishi va ularning vujudga kelayotgan tuproq tarkibida yig’ilishidir. Shunday yo’l bilan tuproqlarda uglerod (fotosintez-biomassasining yaratilishi-biomassaning o’lishi-parchalanishi-gumifikatsiya-chirindi to’planishi), azot (azotfikatsiyasi-organizmlarning azotni o’zlashtirishi-biomassaning-o’sishi- nirifikatsiya, ammonifikatsiya), suvda eriydigan tuzlar, gips, ohak, temir birikmalari kremnezem suv rejimida to’planadi. Tuproq paydo bo’lishida moddalarning nisbiy to’planishi-bu qandaydir boshqa moddalarning qatlamidan chiqib ketishi hisobiga ayrim moddalar miqdorining nisbiy ko’payishidir. Masalan, nurayotgan jinslarning ishqoriy va ishqoriy-er materiallarining birikmalari chiqib ketishi natijasida, unda kremnezem va bir yarim oksidlar miqdori oshadi. Moddalarning tuproq paydo bo’lishi jarayonida to’planishi va chiqib ketishi yer yuzasida moddalarning kichik biologik va katta geologik aylanma harakatning o’zaro ta‘siri natijasi bo’lib, u har xil tabiiy sharoitlarda qarama-qarshi va bir xil emas. Biologik aylanma harakatining natijasi, avvalo, tuproqda uglerod, azot va qator boshqa biofil elementlarning biologik yo’l bilan to’planishidir. Geologik aylanma harakatning natijasida tuproqning ayrim elementlar bilan kambag’allashuvi (ellyuvial jarayon), shuningdek, boyishi (sho’rlanish, gips va

karbonatlar to’rlash) mumkin. Shuning uchun ham, yuqorida qayd qilingan jarayonlarning o’ta muhimligini hisobga olib, tuproq paydo bo’lishini, umuman, tog’ jinslarining nurashga uchragan chegaralarida kichik biologik va katta geologik aylanma harakatlar va energiya almashinuvi murakkab o’zaro ta‘siri jarayoni bo’lib, tuproqning hosil bo’lishiga rivojlanishi va evolyutsiyasiga olib keladi deb qaraladi. Tuproq paydo qiluvchi jarayonlar -bu Yerning pedosferasi chegarasida energiya moddalarning harakati, o’zgarishi, almashinuvi hodisalarning yig’indisidir.

Adabiyotlar: 1 . Bouls., Xoul F., Mak-Krekken R. – Genezis i klassifikatsiya pochv. M., Progress, 1977 g. 2. Boboxo’jaev I. , Uzoqov P. “Tuproqshunoslik” T., “Mehnat” 1995 y. 3. Genusov A.Z. Qo’ziev R. “Aktualno’e problemo’ ekologii i modelirovanie plodorodiya oroshaemo’x pochv” Uzbekistana II Institutu pochvovedeniya i agroximii 70 let, Tashkent, 1990. 4. Kovda V.A. Pochvenno’y pokrov. Yego uluchshenie, ispolzovanie i oxrana. M., Nauka 5. Kuziev R. Serozemno – oazisno’e pochvo’, ix evolyutsiya i plorodorodiya. Tashkent. 1991. 6. Qo’ziev R. Genetik tuproqshunoslik muammolari.O’zFA. Tuproqshunoslik instituti. Toshkent. 1996. 7. Rode A.A. Genezis pochv i sovremenno’e protsesso’ pochvo obrazovaniya. M. Nauka. 1984 g. 8. Zokirov T.S. Rahmatov I.M. Dehqonchilik asoslari. Qarshi. “Nasaf” 1999 y.

Похожие

Ozuqalarning hazm bo’lish koeffisientini aniqlash

Elyemyentar tuproq jarayonlari

Tuproq kolloidlari va tuproqning singdirish qobiliyati. Tuproq unumdorligi

Tuproq кolloidlari va tuproqning singdirish qobiliyati. Tuproq unumdorligi

Tuproq yeroziyasi va unga qarshi kurash tadbirlari. Tuproq muhofazasi