Tuproq кolloidlari va tuproqning singdirish qobiliyati. Tuproq unumdorligi - Сельское и лесное хозяйство - Рефераты

Tuproq кolloidlari va tuproqning singdirish qobiliyati. Tuproq unumdorligi

Загружено в:

20.09.2019

Скачано:

0

Размер:

61.5 KB

Tuproq к olloidlari va tuproqning singdirish qobiliyati. Tuproq unumdorligi Reja: 1. Tuproq kolloidlarining tarkibi,tuzilishi va xossalari. 2. Singdirish qobiliyatining turlari. 3. Tuproqning kislotaliligi va ishqoriyligi.Tuproqning buferligi va uning ahamiyati. 4. Tuproq unumdorligi.

Tuproq paydo bo’lish jarayonlari natijasida turli tog’ jinslari minerallar va organik moddalarning to’xtovsiz maydalanishi va parchalanishi yuzaga keladi. Hamda tuproq tarkibida zarralar aralashmasi-dispyers sistema hosil bo’ladi. Dispyers sistemadagi o’lchami 0,2 dan 0,001m(mikron)gacha bo’lgan zarrachalarga tuproq kolloidlari deyiladi.Tuproqning turli qattiq,suyuq va gazsimon moddalarni o’zida singdirishi yoki kolloidlar yuzasida ular konsentratsiyasini oshirish xossasiga tuproqning singdirish qobiliyati deyiladi. Tuproq kolloidlari asosan ikki yo’l: yirik zarralarning mexanik va kimyoviy nurab,maydalanishi va ionlarning kimyoviy yo’llar bilan birikishi(kondensatsiyasi) natijasida hosil bo’ladi. Tuproq kolloidlari ham boshqa kolloidlar kabi ikki, ya’ni zol va gel holida bo’ladi. Natijada tuproqlarning fizik-suv, fizik mexanik xossalari yaxshilanadi.Demak tuproq kolloidlari bilan bevosita bog’liq bo’lgan koagullanish va singdirish jarayonlari dehqonchilikda muhim ahamiyatga ega. Quyida tuproqning singdirish qobiliyati haqida batafsilroq to’xtab o’tamiz. Tuproqda kechadigan singdirish jarayonlari o‘z tabiati bilan nihoyatda murakkab bo’lib,jumladan turli moddalarning zarrachalar yuzasida yutilib, ushlanib qolinishi yoki ularning bevo-sita singdirilmasligi kabi har-xil hodisalar yig’indisini o‘z ichiga oladi. Tuproqning singdirish qobiliyati turli kimyoviy, fizikaviy, fizik-kimyoviy va biologik jarayonlar ta’sirida ro’y beradi. Mexanik singdirish qobiliyati. Atmosfyera yoig’nlari va sug’orish suvlaridagi mayda loyqa zarrachalarining tuproq qatlamlarida to’lik yoki qisman ushlanib qolinishiga mexanik singdirish deyiladi. O’rta Osiyoning qator daryolarning loyqa suvlari bilan (masalan, Amudaryo suvida loyqa ko’p bo’ladi) yerni sug’organda tuproqda mexanik singdirilish natijasida,loyqa bilan birga ko’plab ozuqaviy moddalar to’planadi va tuproq unumdorligi ham oshib boradi. Biologik singdirish qobiliyati o’simliklar va tuproq mikroorganizmlarining xayot faoliyati bilan bog’liq, ya’ni o’simliklar rivojlanish davrida tuproq yeritmasidan o’ziga kyerakli moddalarni tanlab oladi va ularning organik

moddalarga aylantirib, tuproqda, mustahkam ushlab koladi. Demak, biologik singdirish natijasida tuproqda o’simliklar uchun zarur oziqa moddalar, jumladan,azot to’planadi va tuproq unumdorligi yaxshilanib boradi. К imyoviy singdirish qobiliyati .Tuproqda kechadigan kimyoviy reaksiyalar natijasida yeritmadagi birikmalarning qiyin eriiydigan holda cho’kmaga tushishi va tuproqda mustahkam ushlanib qolinishiga kimyoviy singdirish deyiladi. Fosforli o’g’itlardan foydalanilayotganda tuproqning kimyoviy singdirish qobiliyatiga alohida e’tibor byerish lozim. Fizikaviy singdirish qobiliyati tuproqning mayda dispyers (kolloid) zarrachalari yuzasida turli moddalar konsentratsiyasining oshirilishiga fizikaviy singdirish qobiliyati deyiladi. Fizik-kimyoviy singdirish qobiliyati .Tuproqning kolloid zarrachalari yuzasida turli ionlarning singdirishi va yeritmadagi ionlar bilan ekvivalent miqdorida almashinish qobiliyatiga fizik-kimyoviy yoki o‘rin almashinadigan adsorblanish deyiladi. Tuproqda hosil bo’ladigan Na 2 CO 3 (soda) va K 2 CO 3 suvda oson eriydi va zararli tuzlardan hisoblanadi. Eritmada ularning ko’payishidan ishqoriy reaksiya vujudga keladi,tuproq strukturasi buziladi.Hamda o’simliklarga zararli ta’sir etadi.Sodali tuzlar bilan sho’rlangan yerlarni o’zlashtirish ancha qiyin. Tuproqdagi almashinuvchi kationlar bilan bir qatorda ma’lum miqdorda almashinmaydigan yoki fiksatsiyalangan kationlar ham bo’ladi. Bu kationlar tuproqni neytral tuz eritmalari bilan ishlaganda, undan siqib chiqarilmaydi. Yerga kaliyli va ammoniyli o’g’itlar solinganda, ularning bir qismi almashmaydigan tarzda tuproqqda singdirilib, uning o’simliklarga samarasi pasayib ketadi. Bu jarayonni chuqurroq o’rganish tuproqshunoslik va agrokimyoda katta amaliy ahamiyatga ega. Birinchi guruhga tuproqda kimyoviy jihatdan yaxshi singdiriladigan anionlar kiradi.Bu anionlar tuproq yeritmasi va tuproq singdirish kompleksidagi kalsiy, aluminiy, temir singari kationlar yoki oksidlarning gidratlari bilan suvda qiyin yeriydigan birikmalar hosil qiladi.

Ikkinchi guruhga tuproqda singdirilmaydigan yoki manfiy singdiriladigan anionlar,jumladan,suvda qiyin yeriydigan tuzlar hosil qilmaydigan CL-,NO 3 - anionlari kiradi. Bir valentli anionlar tuproqda yomon singdirilganidan, tuproqning pastki qatlamlariga yuvilib ketadi. Masalan, sho’rlangan yerlarni yuvish jarayonida xlorli tuzlarning tez yerib,yuvilib ketishi muhim ahamiyatga ega, ammo nitratlarning yuvilishi dehqonchilikda noqulay hodisadir. Shuni e’tiborga olib kaliyli,azotli o’g’itlar-ning qo’llanish muddatlariga va normalariga e’tibor byerish kyerak. Uchinchi guruhga singdirilishi jihatdan yuqoridagi har ikkala guruh oralig‘ida turuvchi (SO 4 2- ,CO 2- 3 ,SiO 2- 3 kabi) anionlar kiradi. Magniy, kaliy, natriy sulfat tuzlari suvda yaxshi eriydi. Sho’rlangan yerlarni yuvib,sulfat tuzlarini oson ketkazish mumkin Turli tuproqlar almashinuvchi kationlar tarkibi bilan farq qiladi.(19-jadval) Tuproqda singdirilgan kationlardan ko’pincha Ca 2Q , Mg 2 +,K + , Na + , NH 4 + , H + , Al 3 +, Fe 3 + singarilar bo’ladi. Demak, tuproqda natriyning ko’payishi,uning unumdorligini pasaytirib yuboradi. К ationlarning singdirish sig’imi. Eritmadagi neytral tuzlar ta’siri bilan tuproq tarkibidan siqib chiqarilishi mumkin bo’lgan kationlarning umumiy miqdori almashinuvchi kationlar yig’indisini (S) tashkil etadi hamda 100g tuproqqa nisbatan mg.ekv bilan ifodalanadi. Bundan ko’rinib turibdiki, qora tuproqlarda kationlarning singdirish sig’imi yuqori bo’lib,ayniqsa ko’p gumusli qismi bu jihatdan aktivdir (100g tuproqda 53,7mg/ekv). Bo’z tuproqlarning singdirish sig’imi yuqori qatlamda biroz ko’p bo’lsada, umuman gorizontlari bo’yicha deyarli bir xil (8,0-8,6mg/ekv) Tuproq reaksiyasi tuproq yeritmasidagi vodorod (N) va gidroksil (ON-) ionlarining mavjudligi hamda ular konsentratsiyasining nisbatiga bog’liq bo’lib RN bilan ifodalanadi. Tuproq eritmasidagi erigan moddalar bilan tuproq qattiq qismi orasidagi o’zaro ta’sirlashuv natijasida yuzaga keladigan vodorod va

gidroksil ionlari konsentratsiyasining nisbatiga ko’ra tuproq neytral (RN-7), kislotali (RN<7) yoki ishqoriy (RN>7) reaksiyaga ega bo’ladi. Nordon tuproqlarning xossalarini yaxshilashda yerni oxaklash usulidan foydalaniladi.Yerga ohak solinganda tuproqning kislotaliligi neytrallanadi. Ohaklash usuli tayga o’rmon zonasidagi podzol,chimli podzol va botqoq singari kislotali tuproqlarda keng ishlatiladi. Tuproq ishqoriyligi . Yeritmada gidroqsil ionlari vodorod ionlariga nisbatan ko’p bo’lganda (RN>7) yeritma va tuproqning ishqoriy reaksiyasi vujudga keladi.Ishqoriy reaksiyaning kelib chiqishida eritmadagi kuchli asosli va kuchsiz kislotali xaraktyerdagi (K 2 CO 3 , KHCO 3 , Na 2 CO 4 , NaHCO 3 ) tuzlar asosiy rol o’ynaydi. Ishqoriy reaksiyaga ega bo’lgan sho’rtob va sho’rtobsimon tuproqlarning salbiy xossalarini yaxshilash uchun gipslash usulidan foydalaniladi. Tuproqning singdirish qobiliyati bilan bevosita bog’liq xossalaridan biri,uning bufyerligidir.Tuproq yeritmasi va qattiq fazasining kislotali yoki ishqoriy reaksiyalar ta’siriga qarshi tura olish qobiliyatiga bufyerlik deyiladi. Tuproqlarga muntazam ravishda organik o’g’itlar solib turish, engil mexanik tarkibli tuproqlarga loyqa yotqazish (kolmotaj) yo’li bilan ularning bufyerligini oshirish muhim agronomik tadbirlardan biri hisoblanadi. Tuproqning turli tog’ jinslaridan farq qiladigan eng muhim sifat belgilaridan biri unumdorlikdir. Qishloq xo‘jalik ishlab chiqarishining asosiy vositasi hisoblangan tuproqning xalq xo’jaligidagi ahamiyati ham, ana shu unumdorligi bilan belgilanadi. O’simliklar uchun oziq moddalardan tashqari yorug’lik, issiqlik va kislorod uning yashil qismi uchun esa karbonat angidridi zarur. Ana shu moddalar va zarur shart-sharoitlar o’simliklarga tuproq orqali turli darajada etkazib turiladi. Unumdorlik deb tuproqning o’simliklarni o’sishi va rivojlanishi (hosil byerish) uchun zarur suv, oziq elementlar va shuningdek boshqa barcha shart- sharoitlar bilan ta’min eta olish qobiliyatiga aytiladi. Tuproq unumdorligi nisbiy tushuncha bo’lib, unumdorlik nafaqat tuproq xossalariga, balki o’stiriladigan ekinlar turiga ham bog’liq. Masalan, muayyan bir tuproq alohida o’simliklar uchun

unumdor hisoblansa, boshqasiga kam unumli bo’ladi. Chunki har xil o’simliklarning tuproq unumdorligiga bo’lgan talabi bir xil emas. Tuproqning o’ziga xos xususiyati hisoblangan unumdorligi tuproq paydo bo’lish jarayonlari davomida shakllanib boradi va tuproqning qandaydir bir yoki ikkita xossasi (masalan,oziq moddalar, gumus miqdori yoki fizik xossalari) bilan emas,balki tuproqning barcha xossalari yig’indisi bilan belgilanadi. Unumdorlik tuproq barcha qatlamlari (profili)ning haraktyeri va xususiyatlari bilan belgilanadi. Tuproq unumdorligining elementlariga o’simliklarning o’sib-rivojlanishi uchun zarur oziq moddalar (N,P,K kabilarning) o’zlashtirish uchun oson shakllarining bo’lishi, o’simliklarga qulay tarzdagi suv, havo va issiqlik kabi omillarning mavjud bo’lishi singarilar kiradi. Qishloq xo‘jalik ishlab chiqarishida tuproqdan foydalanilayotganda tuproq unumdorligining barcha omillari va shart-sharoitlariga ta’sir etish lozim. Tabiiy unumdorlik . Insonlar qo’li tegmagan tabiiy holatdagi tuproqlar uchun xaraktyerli unumdorlik hisoblanadi. Sun’iy unumdorlik. Insonlarning maqsadli faoliyati (yerni haydash, unga davriy ravishda mexanikaviy ishlov byerish, melioratsiyalash, o’g’itlardan foydalanish singarilar) ta’sirida yuzaga keladi. Potensial unumdorlik . Tabiiy tuproq hosil bo’lish jarayonlari natijasida paydo bo’lgan xossalar va shuningdek insonlar faoliyati ta’sirida yaratilgan yoki o’zgartirilgan tuproq xususiyatlari bilan belgilanadigan barcha unumdorliklar yig’indisidan iborat. Effektiv (samarali) unumdorlik, Muayyan iqlim va texnik-iqtisodiy (agrotexnologik) sharoitda ekinlardan hosil olish uchun tuproq potensial unumdorligining foydalaniladigan qismi hisoblanadi. Demak, hosildorlik miqdori samarali unumdorlikning asosiy ko’rsatkichi va konkret ko’rinishidir. Nisbiy unumdorlik -muayyan guruh yoki turdagi o’simliklarning tuproq unumdorligiga nisbatan bo’lgan munosabati bilan belgilanadi. Bir turdagi o’simliklar uchun unumdor hisoblangan tuproq boshqasiga yaroqsiz bo’lishi mumkin.

Iqtisodiy unumdorlik- tuproqning potensial unumdorligi va yer uchastkalarining iqtisodiy haraktyeristikasiga ko’ra tuproqlarni iqtisodiy jihatdan baholashdir. Tuproq unumdorligini qayta takroriy yaratish-tuproqning samarali unumdorligini potensial unumdorlikka yaqin darajada saqlash maqsadida, tuproqqa ta’sir etadigan meliorativ va agrotexnika tadbirlari sistemasi yoki tabiiy tuproq jarayonlari yig’indisidan iborat.Tuproqlarni madaniylashtirishning biologik, kimyoviy va fizikaviy usullaridan foydalaniladi. Biologik usul tuproqda chirindi va azotning ko’proq to’planishiga imkon beradigan tadbirlarni o’z ichiga oladi.Shu maqsadda ko’p yillik o’tlar (beda va turli dukkaklilar) ekiladi va mahaliy organik o’g’itlardan foydalaniladi. К imyoviy usul yerga minyeral o’g’itlar solish yo’li bilan tuproqda o’simliklar uchun zarur va tez o’tadigan oziq elementlari miqdorini ko’paytirish hamda tuproqning kimyoviy xossalarini yaxshilashga qaratilgan. Fizikaviy usullarga fizik-mexanikaviy va meliorativ tadbirlar qo’llanishi ya’ni yerni ishlash, haydalma qatlamda agronomik jihatdan yaxshi struktura yaratish, tuproqning suv-fizik, issiqlik xossalari va rejimlarini yaxshilash singari tadbirlar kiradi. Ana shu maqsadda tuproq-agronomik tadqiqotlar matyeriallaridan, jumladan, tuproq kartalari, agrokimyoviy kartogramma-laridan hamda sho’rlanish, botqoqlanish va yeroziyalanish darajasi-ni ko’rsatuvchi tuproq kartog’rammalaridan samarali foydalanish kyerak. Tuproq unumdorligini muntazam oshirib borish va uning imkoniyatlaridan qishloq xo‘jalik ekinlari hosildorligini yanada oshirish maqsadida samarali foydalanish, hozirgi tuproq-shunoslikning aktual muammolaridan biridir. Tuproqqa maqbul darajada ishlov byerish, o’g’itlar va turli meliorativ tadbirlardan foydalanish, almashlab ekish,yerdan foydalanishni ilmiy asosda tashkil etish tuproqning ekologik holatini yaxshilash singari tadbirlar tuproq unumdorligining samaradorligini keskin oshirish imkonini beradi. O’rta Osiyo tuproqlari unumdorligini o’rganishga doir vegetativ tajribalar shuni ko’rsatadiki,gumusga boy

tipik bo’z tuproqlar hamda o’tloq va botqoq-o’tloq tuproqlar ancha yuqori unumdorlikka ega bo’lib, och tusli bo’z tuproqlar kamroq va taqirlar past unumdorlikka ega. Masalan, azotli o’g’itlar barcha tuproqlarda ekinlarning hosilini oshirsada, ammo kam gumusli och tusli bo’z tuproq va taqir tuproqlarda uning samarasi yuqoriroq bo’lgan, fosfor taqirlarda azot va fosfor aralashmasi esa barcha tuproqlarda hosilni oshirish imkonini beradi. Har yili bir tonna paxta hosili uchun 300- 400 kg miqdorida gumus sarflanadi. Buning o’rnini qoplash uchun esa gektariga kamida 20t, go’ng yoki boshqa organik o’g’itlar solish kyerak bo’ladi. Agronom mutaxassislarning asosiy diqqat e’tibori ham tuproqning unumdorligini oshirib, uning ekologik holatini yaxshilab byerishga qaratilmog’i zarur.

Adabiyotlar: 1. Abdullayev X.A. O’zbekiston tuproqlari. T:,1977 2. Boboxo’jayev.I. Uzoqov P. Tuproqning tarkibi, xossalari va analizi. 3. Boboxo’jayev I. Uzoqov P. «Tuproqshunoslik» T: Mehnat 1995. 4. Bohodirov M. Rasulov A. «Tuproqshunoslik» T: O’qituvchi 1975. 5. К aurichev I.S. Pochvovedenie M. К olos 1989. 6. Peyve Ya.V Bioximiya pochv M.Selxozgiz 1949. 7. Rasulov .M. Irmatov I. Tuproqshunoslik, dehqonchilik asoslari bilan T. O’qituvchi 1980 8. Tursunov L. Tuproq fizikasi T.Mehnat 1988. 9. O’zbekiston Respublikasi Yer К odeksi T.1998. 10. O’zbekiston Respublikasining «Yer kadastri to’g’risida»gi qonuni T: “1998- 2000 yildagi davrda qishloq xo’jaligida iqtisodiy islohotlarni chuqurlashtirish dasturi.”T.1998 11. G’afurova L.A. Maxsudov X.M Adel M.Yu Yeroziyaga uchragan neogen yotqiziqlar-da shakllangan bo’z tuproqlarning biologik faoliyati T.O’zbekiston 1999. 12. К achinskiy N.A. Mexanicheskiy i mikroagregatno’y sostav pochvi M.1958.

Похожие

Tuproq kolloidlari va tuproqning singdirish qobiliyati. Tuproq unumdorligi

Tuproq unumdorligi va uni modyelllashtirish muammolari

Tuproq unumdorligi, madaniyligi va struкturasi. Tuproqning oziq rejimi va uni boshqarish usullari

Tuproq strukturasi. Tuproqning fizik, fizik – mexanikaviy xossalari. Tuproqning suv xosslari

Tuproq yeroziyasi va unga qarshi kurash tadbirlari. Tuproq muhofazasi