Марек касаллиги Neurolimphomatos - Сельское и лесное хозяйство - Рефераты

Марек касаллиги Neurolimphomatos

Загружено в:

20.09.2019

Скачано:

0

Размер:

46.5 KB

Марек касаллиги Neurolimphomatos Режа: 1. Тарихий маълумот 2. Қўзғатувчиси 3. Клиник белгилари 4. Олдини олиш

Марек касаллиги товуқлар касаллиги бўлиб, вирус қўзғатади. Оёқлар нервининг чала ва тўлиқ фалажланиши, кўз рангдор пардасининг кўкимтир рангга кириши, лимфоцит ва плазматик ҳужайралар томонидан бошқарилмайдиган пролиферитик ўзгариш билан ифодаланади. Марказий нерв системаси, шунингдек қанотлар, дум ва бўйин зарарланади. Тарихий маълумот. Касаллик биринчи марта 1907 йилда венгер олими Марек томонидан аниқланди. Унинг вируси узоқ муддат ўрганилиб, 1967 йилги Халқаро конгрессда мустақил касаллик деб эълон қилинди. Марек касаллиги ҳозирги пайтда паррандачилик тараққий қилган мамлакатларнинг ҳаммасида тез-тез учраб туради. Жумладан бизнинг мамлакатимизда ҳам кейинги 15-20 йил ичида қайд қилиниб турибди. Иқтисодий зарар. Асосан 4 ҳафталикдан 22 ҳафталикгача бўлган жўжалар касалланади. Ўлим 1-30 фоиз, кўппинча 3-5 фоиз атрофида рўй бериб, ойлаб давом этади. Касаллик бошлангандан 1-1,5 ой кейин ўлим 30 фоизгача етади. Касаллик лейкоз билан ассоциация ҳолатида кечса, лейкоз вирусига нисбатан синергизм кучайиб, талофат 90 фоизга етиши мумкин. Касаллик чиққудек бўлса, хўжаликни соғломлаштириш ва карантин ўтказиш учун маълум миқдорда маблағ сарфлаш талаб этилади. Қўзғатувчиси. Касалликнинг қўзғатувчиси бўлган вирус товуқ эмбриони ва культура ҳужайраларида яхши ўсиб ривожланади ва кўпаяди. У ҳар хил объектлар (тўшама, асбоб-анжомлар ва бошқалар)да 1 йилгача сақланиши мумкин. Вирус парранда пати фолликулаларининг эпителиал ҳужайраларида ўсиб ривожланади. Эпизоотологияси. Касаллик кенг тарқалган бўлиб, Европа мамлакатларининг кўп жойларида учрайди. Асосан товуқлар, айрим ҳолларда эса беданалар, ўрдак, курка, оққуш, тустовуқлар касалланади. Касалликка энг мойили жўжалар ҳисобланади. Уларда 2 ҳафталикгача кўпроқ учрайди. Касал паррандалар касаллик қўзғатувчи асосий манбадир, чунки улар нафас олиш ва овқат ҳазм қилиш аъзоларининг чиқиндилари билан ташқи муҳитга вирус ажратиб туради. Қуриб кўчиб тушган пат

фолликулалари ва қазғоқлар билан ҳам вирус ажралиб тушади. Вируслар товуқхоналарнинг чангларида кўп учрайди. Табиий шароитда вирус икки йўл билан тарқалади: касал товуқлардан олинган эмбрионлар-вирус ташувчилар орқали (вертикал йўл билан тарқалиш); бевосита ва билвосита касаллик қўзғатувчисининг манбаи орқали (горизонтал йўл билан тарқалиш). Бундан ташқари, қора қўнғизлар ҳам вирус ташувчи хизматини ўтайди. Вирус ташувчанлик ва вирус тарқатувчанлик Марек касаллигида умр бўйи давом этиши мумкин. Жўжаларнинг қорин пардасига, мускули орасига, венасига, териси остига, интрацеребрал ва интраназал усулларда юқумли материал юбориб, касаллик қўзғатиш мумкин. Бир кунлик жўжалар яхши ва қулай объект ҳисобланади. Патогенези. Касалланган паррандалар қонида вирус аниқланади. Организмда вирус лейкоцитлар билан тарқалиб, лимфоид ҳужайраларда ўсиб, ривожланади (фабриция халтачаси, талоқ, тимус, муртак ва кўр ичакда). Буйрак каналининг эпителиал тўқималари ҳамда патлар фолликулалари вирус ривожланиб ўсиши учун энг қулай жойдир. Оқ қон таначалари кучли зарарланади. Клиник белгилари. Марек касаллигининг вируслари вирулентлик хусусияти бўйича бир-биридан фарқ қилади. Унинг бир хиллари ўткир кечадиган касаллик қўзғатса, бошқа хиллари сурункали кечадиган касаллик қўзғатади, айримлари эса авирулентдир. Кўпчилик кузатувчилар Марек касаллигида хўрозлар товуқларга қараганда чидамлилигини аниқлашди. Оқ плимутар зотлар касалликка ўта мойил бўлади. Касаллик сурункали кечганда яширин даври 2-3 ҳафта давом этиб, марказий ва периферик нерв системаси зарарланади: касал парранда оқсайди, оёқ, бўйин, қанот ва дум чала ёки тўлиқ фалажланади, кўзнинг рангдор пардаси кўкимтир бўлиб, қорачиғи кичрайиб кетади, бу пировард натижада кўрликка олиб бориши мумкин. Ўткир кечганда 1 ойлиқдан 5 ойликгача бўлганлари кўп касалланади. Касаллик бирданига бошланиб, чала ёки тўлиқ фалаж кузатилади. Бир ҳафта

ичида 1-2 ойлик жўжалар касалга чалиниб бўлади. Касалга чалинган паррандаларда депрессия, атаксия ва бўғилиш ҳоллари кузатилиб, озиш ҳамда дегидратация ҳолатлари намоён бўлади. Касаллик бошлангач, 2-6 ҳафтадан кейин паррандалар ўла бошлайди. Кўпинча Марек касаллиги юқумли бронхит, респиратор микроплазмоз, колибактериоз ва кокцидиозлар билан асоратли ҳолатда учрайди. Лейкоз билан ҳам ассоциация шаклда намоён бўлади. Патологоанатомик ўзгаришлар. Касаллик сурункали кечаётганда ўлган паррандаларда толаларининг диффуз ўчоқли йўғонлашганлиги кузатилади. Ички аъзоларда 20 фоизгача шиш пайдо бўлади. Бундай ўзгариш кўпинча тухумдон ва уруғдонда кўзга яққол ташланади. Ўлим касалликнинг ўткир кечаётган пайтида рўй берса, шиш ички аъзолар, тери-мускулларда кузатилиб, асосий ўзгаришлар марказий ва периферик нерв системаларида намоён бўлади. Зарарланган нерв толалари йўғонлашиб, шишади ва сарғиш рангда кўринади. Лимфоид тўқималарда пролифератив ўзгаришлар рўй беради. Периферик нервларда шиш пайдо бўлиб, нерв устуни ва унинг ташқи пўстлоқларида диффуз ўчоқли ўзгариш вужудга келади. Кўз рангдор пардасининг эпителиал тўқималарида лимфоид, псевдоэозинофил ва плазмоцит ҳужайралар мавжудлиги кузатилади. Диагноз ва дифференциал диагноз. Касалликка диагноз қўйиш учун унинг эпизоотологияси, клиник белгилари, патологоанатомик ўзгаришлари ҳисобга олиниб, вирусологик, серологик ва гистологик текширишлар ўтказилади. Вирусдан тайёрланган антиген пат фолликуласи материали билан РДП қўйиш яхши кўрсаткичдир. Вирус товуқ эмбриони ва кулътура ҳужайраларида яхши ўсиб ривожланади. Иммунитет. Касалликнинг олдини олиш учун куркаларнинг герпес вирусидан тайёрланган (ФС-126 штамми) қуруқ культурал вирус вакцина қўлланилади. Вакцина куркалар вирусининг вирулентли штаммидан олинган бўлиб, ўрдак, бедана, товуқ фибриобластларида ўстирилади. Эритилиб тайёрланган

вакцина 0,2 мл дан жўжаларнинг сон мускули орасига юборилади. Иммунитет 2 ҳафтадан кейин пайдо бўлиб, парранда ҳаётининг охиригача давом этади. Шу билан бирга паррандачилик фабрикаларида комплекс чора- тадбирлар ҳам ўтказилади. Олдини олиш. Инкубаторга тухум фақат соғлом хўжаликлардан олиб келиниши шарт. Жўжа сотиб олиб келишга ҳам худди шундай талаб қўйилади. Паррандалар қатъий ёшига қараб сақланиши зарур. Чала ёки тўлиқ фалаж кузатилиб қолгудек бўлса, дарҳол текшириб, диагнози аниқланади. Ўз вақтида профилактик дезинфекция ўтказиб турилади. Чеклаш тадбирлари кўрилади.

Фойдаланилган адабиётлар: 1. Р.Ф. Сосов. Эпизоотология. М. “Колос” 1974. 2. А.А. Конопаткин . Эпизоотология. М. “Колос” 1984. 3. И.А. Бакулов., А.Д. Третьяков. Руководство по общей эпизоотологии. М. “Колос” 1979. 4. М.С. Ганнушкин. Общая эпизоотология. М. “Сельхозгиз” 1961. 5. М.П. Пармонов ва бошқалар. Эпизоотология. Т. 1996 6. М.П. Пармонов. “Ўта хавфли юқумли касалликлар” маърузалар матни. Сам. 2002 7. Ф.А. Ниёзов. “Паррандалар касалликлари”. Т. 1995 8. М.П. Пармонов., А.А. Қамбаров Эпизоотология. Т. 2006 9. М.П. Пармонов ва бошқалар. Эпизоотология фанидан амалий – лаборатория машғулотлари. Сам. 2007 й 10. А.А. Поляков. Ветеринарная дезинфекция. М. “Колос” 1975 11. В.П. Урбан. Практикум по эпизоотологии. Ленинград. 1987

Похожие

Куйдирги касаллиги Anthrax

Чечак касаллиги Variola

Сил касаллиги Tuberculosis

Ауески касаллиги Morbus Aujeszky

Қутуриш касаллиги Lyssa, Rabies