Дон-дуккакли экинларни умумий тавсифи Кўк нўхат экини - Сельское и лесное хозяйство - Рефераты

Дон-дуккакли экинларни умумий тавсифи Кўк нўхат экини

Загружено в:

20.09.2019

Скачано:

0

Размер:

49 KB

Дон-дуккакли экинларни умумий тавсифи Кўк нўхат экини Режа: 1.Дуккакли экинларни халқ хўжалигидаги ахамияти ва тарқалиши 2.Кўк нўхатни халқ хўжалигидаги ахамияти хосилдорлиги ва майдони. 3.Кўк нўхатнинг биологик хусусиятлари. 4. Кўк нўхатни етиштириш технологияси.

1.-Дуккакли дон экинларига дуккакдошлар оиласига мансуб бўлиб, бу гурухга нўхат, ясмиқ, кўк нўхат, соя, ловия, мош, вика, оддий нўхат ва люпин ўсимликлари киради. Дуккакли дон экинларининг энг аввало, дони пояси ва барглари таркибидаги оқсил миқдори кўплиги билан белгиланади. Бу экинларни кўпчилигини донини таркибида 20-30% оқсил бор. Бу ғалла экинлари донидаги оқсилга қараганда 2-3 марта кўпдир. Соя дони таркибида 35-52% оқсил ва -17-27% мой хам бўлади. Бу экинларнинг донини таркибида А,В,В2,С,Д,Е,РР ва бошқа витаминлар бор. Бу уларнинг озиқ-овқатлик ва ем- хашаклик қимматини янада оширади. Бу дуккакли экин донидан ташқари,поясидан тўйимли пичан, силос, хашаки ун, тайёрланади. Похоли таркибида 8-15% оқсил бўлиб, бу галла экинлар похолидан 3-5 марта ортиқ. Кўпчилик дуккакли экинлар дони озиқ-овқат ва енгил саноатида қимматли хом ашё хисобланади. Кўк нўхат ва ловия консерваси, ёрма, ун тайёрланади ва хакозалар. Дуккакли дон экинлари азот тўпловчи ўсимликлардир, туганак бактериялари орқали дуккакли дон ўсимликлари хар гектар ерга 50-100 кг хаводан азот тўплаши аниқланган. Нўхат, мош ва люпиннинг илдизи қийин эрийдиган фосфорли бирикмаларни ўзлаштира олади. Дон дуккакли экинларини кўпи :кузги нўхат, мош, вика, соя, люпин, кўкат ўғит сифатида ишлатилади.Буларни кўпинча тупроқга қўшиб хайдаб юборилса, ерни органик моддалар ва азотга бойитади.Бу эса кейинги экинларни хосилини анча оширади.Мустақил Республикамизни суғориладиган ерларида хар гектар ерга 20-30 тонна кўкатни тупроққа аралаштириб хайдаб юборилганда,азот миқдори гектарига 140-200 кг/га етган,хосил эса 30-50% ортган. Шундай қилиб ,дуккакли дон экинлар тупроқнинг унумдорлигини оширишга суғориладиган ерлардан унумли фойдаланилган ва ўсимликларни умумий махсулдорлигини оширишга ёрдам беради. Дунё дехқончиликда дуккакли дон экинлари 135 млн/гектар атрофида экилади.

Дуккакли дон экинлари Хиндистон, Хитой ва Америкада кенг тарқалган.Республикамизда дуккакли дон экинлари 1998 йили 22,2 минг/га атрофида экилди.Ўзбекистонда кўпроқ мош,жайдари нўхат, соя, оддий нўхат ловия экилади. 2. Кўк нўхат энг кўп тарқалган дуккакли экиндир.Дони озиқ-овқат, чорва молларига озуқа ва агротехникавий ахамиятга эгадир. Доннинг таркибида 26-30% гача оқсил 4-10% гача қандлар, А1,В1,В2,С, витаминлар ва минерал моддалар бор. Кўк нўхатни пишган ва хом дони шунингдек дуккаги консерваланади. Кўк нўхат чорва молларига озуқа сифатида кенг фойдаланилади 1 кг нўхатда 1,17 озиқ бирлиги ва 145г хазмланадиган оқсил бор. Нўхатнинг пояси таркибида 12-13%,Ю пичани таркибида 5-8% оқсил бўлади. Нўхатнинг агротехникавий ахамияти нихоятда катта, у хар гектар ерда камида 50-70 кг азот тўплайди. Нўхатни лалмикор ерларда етиштириш мумкин. Республикамизда ўртача хосилдорлик 10-14ц/га.ни ташкил этади. Суғориладиган ерларда 20-40 ц/га дон 350-450ц/га кўк масса хосил олинади.,лалми ерлардан ўртача дон хосил 5-6 дан 10ц/гача,кўк масса 60-70 ц/га етган.Кўк нўхат дунё бўйича умумий экин майдони 15 млн гектар атрофида. Кўк нўхат Овропадаги кўпгина давлатларда, АқШ, Канада, Хитой, Хиндистон ва Украина,Россияда кўп тарқалган.Ўзбекистонда нўхатни экин майдони унча катта эмас.Асосан суғориладиган, қисман лалмикор ерларда экилади. 3. Кўк нўхат бахори экинлар қаторига киради,бироқ қишловчи хилларини кузда эка бошлаш, мумкин у совуқга чидамли ўсимлик. Иссиқга кам талабчан,уруғи 2-6°С да униб чиқа бошлайди. 15-20°С ўсиш учун энг қулай шароит хисобланади.Агар нўхат гуллаётганда харорат юқори , намлик кам бўлса,ёмон чангланиб хосил камайиб кетади.Унинг майсалари айрим холларда -8-12°С ва ундан хам паст хароратга чидайди. Кўк нўхат ўртапишар навлари майсалагандан 30-40 кун кейин гуллай бошлайди. Ўсув даври 70-100 кун, кечпишар навларининг 120-125 кун. Кўк нўхат намга

анчагина талабчан ўсимлик. Доннининг бўртиши учун вазнининг 110% миқдорида сув талаб қилади. Транспирация коэффиценти ўртача 400-450 га тенг. Тупроқ намлиги дала нам сигимининг 70-80% дан кам бўлмаса,кўк нўхатдан юқори хосил олинади. Нўхат гуллаш ва хосил туғиши даврида нам етишмаса ёмон ривожланади. Нўхат ўтлоқ-ботқоқ,бўз тупроқли, механик таркибига кўра ўртача, фосфор ва калийга бой енгил қумлоқ ва қумоқ тупроқли ерларда яхши ўсади. Ўзбекистонда кўк нўхатнинг Восток-55, Восток-85, Усатўй навлари экилмоқда. 4- Кўк нўхатни экиш муддатига қараб,ер турли усулда ишланади. Агар у эрта бахорда экиладиган бўлса фосфорли ўғитдан 40-50кг/га миқдорида солиб ерни 25-30 см чуқурликда шудгорлаш зарур. Нўхат анғизга экиладиган бўлса, биринчи экин йигиштириб олингандан кейин дала суғорилади. Ерни 25-30см чуқурликда хайдаш билан бороналанади ва мола бостирилади. Кўк нўхат кеч кузда экиладиган бўлса,ер 25-30 см чуқурликда хайдалади. Шўр босган ерларни экиш олдидан ерни шўрини ювиш керак. Кўк нўхат энг аввало фосфорли ўғитларга эхтиёж сезар. Ерга фосфорли 50-100 кг миқдорда солинади. Нўхат ўз илдизидаги туганак бактериялар хаёт фаолияти хисобига азот билан озиқланади. Бироқ туганаклар ривожланиш давригача дастлабки вақтларда азотли ўғитларга эхтиёж сезади, шунинг учун экиш олдида хар гектарига 20-30 кг дан азотли ўғит солинади.Кўк нўхат калийли ўғитга кам талабчан бўлади,бироқ калийли ўғитни гектарига 30-50 кг/га миқдори шудгорлаш ёки экиш олдидан солинади. Хар гектарга экиладиган уруғга ярим литр нитрагин билан дориланади.Нитрагин икки литр сувга аралаштирилади, уруғ экиладиган куни дориланади.қуёш нури таьсирида туганак бактериялар нобуд бўлади,шунинг учун уруғни сояда дорилаш керак. Бундан ташқари қўнгизлар, замбуруғ, тупроқ зарар кунандаларига қарши уруғ экишдан олдин дориланади. Нўхатни унувчанлиги 92--95%,

тозалиги- 98- 99% бўлган. 1 ва 2 синф талабига жавоб берадиган уруғ экилади.Нўхат уруғини СЗТ-47, СД-24, СУБ-48 маркали ва бошқа машиналарда экилади.Экиш меъёри гектарига 1-1,2 млн/дона , вазн хисобида йирик донли нўхатлар 250-300 кг/га, майда донли нўхат 120-150кг/га, енгил тупроқли ерларда 5-7 см, оғир тупроқли ерларда 4-5 см чуқурликда экилади. Кўк нўхат ўсимлигини майсалари 3-4 та барг чиқарганда бўйи камида 5-6 см га етганда далалар енгил ёки ўртача борона билан ишланади. Нўхат орасидаги бегона ўтларга ва зараркунандаларга қарши кимёвий ишлов берилади.Нўхат 1-2 марта суғорилади, ер ости сувлари юза жойлашган ерларда бир марта суғорилади Ёғин кўп бўлган йиллари нўхатни суғормаса хам бўлади.Нўхат лалми ерларда 30 см, суғориладиган ерларда 60-70 см оралиқда экилиб эгатчалар орқали суғорилади. Нўхатнинг хосили бир вақтда етишмайди. Аввал энг тўлиқ пастки дуккаклар, сўнгра юқоридагилари пишади, тупдаги хамма дуккакларни пишишини кутиб бўлмайди, чунки пастки дуккаклари донлари тўкилиб кетади. Нўхат пишганда тупи одатда ерга ётиб қолиб бир-бирига чирмашиб кетади.Шунинг учун алохида икки муддатда йигиш энг яхши усул хисобланади. Нўхатни 70% пастки дуккаклари пишганда терила бошланади. нўхат палаги ЖБЛ-3,5, ЖНУ-3,2, ЖНБ-3,5 маркали махсус ўроқ машиналарида ўрилади.2-3 кундан кейин СК-3,СК-4,маркали ўзи юрар комбайнларда йигиб олинади. Донни эрталабки салқинда ўриш керак.Янчиб олинган нўхат, дон тозалаш машиналарида тозаланиб, нами 14-15% қолгунча қуритиб шомоллатилган қуруқ биноларда 1,2 - 2м қалинликда ёйиб ёки қопларга солиб сақланади.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

Похожие

Дон-дуккакли экинларни умумий тавсифи. Нухат экини

Дон-дуккакли экинларнинг умумий тавсифи. Нўхат биологияси, етиштириш технологияси

Дуккакли дон экинларининг умумий тавсифи

Дон дуккакли экинлар

Дуккакли - дон экинлари