Дон дуккакли экинлар

Загружено в:

20.09.2019

Скачано:

0

Размер:

82 KB

Скачать

Дон дуккакли экинлар Режа: 1. Нўхат 2. Соя 3. Мош 4. Картошка 5. Қанд лавлаги

Ахамияти - бу гуруХ ловия, ясмиқ, бурчоқ, нўхат, кўк нўхат, соя ва бошқа экинларни уз ичига олади. Бу экинларнинг дони юқори сифатли, таркибида 21 дан 50 % гача оқсил бўлади, 2-20 % мой бўлади. Етиштирилган маХсулот экологик тоза бўлади, бу ўсимликлар Хаво азотини узлаштириб тупроқ унумдорлигини оширади. Бир йилда бир гектарда 50-150 кг азот тўпланади. Ер юзида 135 млн.га ерга экилади, энг куп соя, ловия, нўхат экилади НЎХАТ Ахамияти - нўхат дони озиқ-овқатда ишлатилади, ундан Хар хил миллий таомлар тайёрланади, хашаки навларини дони ем бўлади, кўкати тўйимли озуқадир. Донни таркибида 19-30% оқсил, 4-7% мой, 47-60% азотсиз экстрактив моддалар, 2,4-12,8% туқима, витаминлар ва минерал тузлар мавжуд. Тарихи - нўхат Осиёнинг қурғоқчил минтақасида қадимдан экиб келинган. Ер юзида 10 млн.га ерга экилади. Ўзбекистонда лалми ва суғориладиган ерларда экилмоқда. Сувли ерларда 15-20 ц/га дон олинади. Биологияси – Биологияси бўйича баХори . Намгарчиликда аскохитоз касаллиги билан зарарланади. Тупроқни унча танламайди, шўрланган унумдорлиги паст, қумлоқ ерларда кам Хосил беради. Ўсув даври 65-100 кун. Навлар. Ўзбекистонда “Лаззат”, ”Ўзбекистон-32”, ”Юлдуз» ва бошқа навлар экилади. Етиштириш технологияси.Ўтмишдоши - буғдой, арпа; нўхатдан кейин бошқа дала экинлари экилади. Ерга ишлов бериш - ер 22-25 см чуқурликда шудгорланади. Эрта баХорда борона қилинади. Экишга яқин 10 см. чуқурликда культивация қилинади, кетма-кет борона қилинади ва мола юргизилади. Ўғитлаш - шудгорлашдан олдин 5 т/га гўнг, 50 кг. фосфор. Экишдан олдин 30-40 кг/га азот солинади. Экиш - уруғ тозаланади, сараланади, нитрагин билан ишланади.

Экиш муддати - лалми ерларда эрта баХорда экилади - февраль март ойларида. Кузда Хам экиш мумкин. (октябр-ноябр). Экиш усули - кенг қаторлаб, қатор ораси 45-60 см ёки ёппасига қаторлаб, қатор ораси 30 см қилиб экилади. Экиш меъёри - 0,5-0,8 млн.дона уруғ бир гектарга сарфланади ёки 40-100 кг/га, экиш чуқурлиги 4-7 см. Парваришлаш Борона қилинади қатқалоқга ва бегона ўтларга қарши. Кенг қаторлаб экилганда қатор ораси 1-2 марта ишланади. Суғорилади - шоналаш, гуллаш даврини бошланишида ва дони етилаётганда. Хосилни йиғиш- Пишганда барги тўкилади, дон комбайнлари ёрдамида йиғиб олинади. Дон тозалагич машиналарида тозаланади ва қуруқ жойларда сақланади СОЯ Ахамияти -Соя халқ хўжаликда кенг қўлланади.Доннинг таркибида 30- 52% оқсил, 17-27% мой, 20% карбон сувлари мавжуд. Соя ем-хашак экин сифатида Хам экилади.Ем сифатида дони , кўкати, сомони ишлатилади, силосга кўкати ва дони қўшилади.Соядан тайёрланган озуқаларнинг тўйимлилиги юқори бўлиб бир озуқа бирлигига 200 г.дан ортиқ оқсил тўғри келади. Тарихи -.қадимдан соя Осиё минтақасида экилиб келинган. Ер юзида соя 73,5 млн.га майдонда экилади. Ўзбекистонда ўртача 20 минг га ерга экилмоқда., дон Хосили 2,5-3,5 т/га. Биологияси -баХори ўсимлик, ўсув даври 75-140 кун. Соя унумдор, тоза, муХити рН-6,5-7,0 бўлган тупроқларда экилади.Озуқага талабчан, 1 ц.дон ва тегишли сомон етиштириш учун 8 кг азот, 1,5-2,0 кг.фосфор ва 5-6 кг калий талаб қилинади.Соя биологик азот тўплайди ва экологик тоза маХсулот беради.

Етиштириш технологияси –Ўтмишдоши- ғûза, шоли, маккажўхори, буғдой.. Сояни кунгабоқар ва акация дарахти ёнига экмаслик керак (акс холда хашоратлар соя экинзорига кўчади). Ерни тайёрлашда асосий тадбир - 22-25 см чуқурликда шудгорлаш. Бегона ўтлар кўп бўлса, шудгордан олдин дискалаш ёки чизеллаш ўтказилади. БаХорда борона қилинади.Экиш муддатигача зарурият бўлса ёппасига культивация ёки чизеллаш ўтказилади, ғовак тупроқларда борона билан мола босилади. Ўғитлаш - Ер Хайдашдан олдин10-15 т. гўнг, 100 кг фосфор ва 50 кг калий ўғити солинади. Экишдан олдин - 20-30 кг азот, экиш билан бир вақтда 10-15 кг азот, фосфор ва калий солинади ва ўсув даврида 1-2 марта озиқлантирилади, бунда 30-50 кг фосфорли ўғит солинади.Нитрагин ишлатилмаса гектарига 100-150 кг азот солинади. Экиш муддати. Экиш муддати - апрел ойининг охири, май ойининг биринчи ўн кунлиги. Такрорий экин сифатида июн ойида экилади. Экиш усули - кенг қаторлаб, қатор ораси 60 см, экиш чуқурлиги 4-6 см. Экишдан олдин уруғ нитрагин (ризоторфин) билан ишланса Хаво азотини ўзлаштириш жараёни фаол ўтади. Буни “Мобитокс” ёки ПС-10 машиналарида бажариш мумкин ва қуёш нури тушмайдиган жойда соя сергитиб дархол экилиши лозим. Экиш меъёри -300-500 минг дона уруғ(60-80 кг/га) гектарига экилади. Кечпишар навлар кам экилади, эртапишар навлар кўп экилади. Дон учун соя уруғи кам экилади, кўкат олиш учун уруғ экиш меъёри ошади. Парваришлаш - Ўсув даврида қатор орасига ишлов берилади, суғорилади. Суғориш сони 600-800 м 3 /га. Бегона ўтларга қарши гербицидлардан трефлан (1-1,5 кг/га) экишдан олдин, базагран (1,5-3,0 кг/га) майсаланиш даврида қўлланилиши мумкин. Касаллик ва хашоратларга қарши рухсат қилинган кимёвий моддалар ишлатилади. Хосилни йиғиш. Сояни Хосили дон комбайнлари ёрдамида йиғилади. Кечпишар навларда ўсимликнинг қуриши учун десикация қилинади.Бунинг

учун 45-55% дуккак пишганда хлорат магний (20 кг/га) ёки реглон (3л/га) ишлатилади. Бир гектарга 100 л ишчи раствор сарфланади.Йиғилган донни намлиги 14% дан ошмаслиги керак. Қў нғирбошли экинлар билан сояни қўшиб экиш . Соя силос тайёрлаш учун маккажўхори, жўхори, судан ўти билан қушиб экилади. Бу экиш усулидан мақсад - силос тайёрлаш учун зоотехния талабига жавоб берадиган кўкат тайёрлаш. Соя билан маккажўхори бир қаторда ёки Хар хил қаторларда навбатма навбат жойлаштирилади. Маккажўхори, жўхори ва судан ўтининг экиш меъёри ўзгармайди, соя меъёридан 75% экилади Мош Ахамияти. Уруғ таркибида 24-28% оқсил, 46-50% крахмал, 2-4% мой бўлади. Дони озиқ-овқатда қўлланилади, тез пишади ,осон хазм бўлади.Уни макарон тайёрлашда ишлатилади.Кўкати чорвачиликда тўйимли озуқа бўлиб Хисобланади.Агротехник Ахамиятига эга, тупроқнинг унумдорлигини оширади(биологик азот тўплайди, органик модда қолдиради). Тарихи. Марказий Осиёда кенг тарқалган.Ўзбекистонда қадимдан экиб келинади.Суғориладиган ерларда 10-16ц/га, такрорий экилганда- 8-12ц Хосил беради.Кўкатининг Хосили 80-200ц.ни ташкил қилади. Биологияси. Биологияси бўйича баХори ўсимлик, иссиқсевар, намсевар ўсимлик. Унумдор ўтлоқи тупроқларда яхши ривожланади.Шурланган, ботқоқланган ва нордон тупроқларда ўсмайди.Асосан ўзидан чангланади.Ўсув даври 80-100 кун. Етиштириш технологияси. Ерни экишга тайёрлаш БаХорда экиш учун ер кузда 25-27см чуқурликда шудгорланади, эрта баХорда борона қилинади, экишдан олдин, агар талаб қилинса, ёппасига культивация қилинади. Ўғитлаш -гектарига 40-60кг.фосфор ва 20-40 кг калий солинади.Ўсув даврида шоналаш ва гуллашга кирганда 20-30кг фосфор ва 10-20кг калий берилади.

Экиш муддати. Мош баХорда ва анғизга экилади.Анғизга экилганда, олдинги экинни Хосили йиғилгандан кейин ер суғорилади, кейин хайдалади, кетидан борона ва мола юргизилади Экиладиган уруғ сифати Давлат андозаларига жавоб берадиган, унувчанлиги 85%дан юқори, тоза бўлиши керак.Ўзбекистонда мош 5 апрелдан 15 июлгача экилиши кузатилган Экиш усули. .Мош кенг қаторлаб, қатор ораси 45-60см қилиб экилади, экиш чуқурлиги 3-5 см, экиш меъёри 20-30кг; кўкат олиш учун 50-60 кг/га экилади Парваришлаш. .Ўсув даврида гуллаш ва дон тугишида 3-4 маротаба суғорилади, суғориш меъёри 700-900м 3 . қатор ораси култивация қилинади.Дуккакларнинг 75-80% пишганда Хосил йиғилади.Дуккаги пишганда қораяди, дони навга хос рангга киради. Мош куннинг эрталабки ёки кечқурунги вақтларда ўрилади ўроқ машина ёрдамида.Ўрилган Хосил хирмонда қуритилади, янчилади, дон тозалайдиган машиналарда тозаланади.Дони 14-15% намликда сақланади. Навлари: Ўзбекистонда Победа - 104 ва Радость навлари экилмоқда.Победа 104 нави 1954 й., Радость –1984 й. туманлаштирилган. Касалликлари: фузариоз, бактериоз, аскохитоз,ун-шудрингн, сариқ мозаика. Зараркунандалар : қўнғизлар, яланғоч шиллиқ қурт, дала қандаласи. КАРТОШКА Ахамияти .Картошка Халқ хўжалигида озиқ - овқат, ем – хашак ва техник аХамиятга эга.Дунё қишлоқ хужалигида картошка, шоли, буғдой ва маккажухори билан бир қаторда етакчи ўринни эгалайди. Картошкани туганамевасида 25% гача қуруқ модда (крахмал 14-22%, оқсил 1,4-3,0%, клетчатка 1,0%, ёғ 0,3% ва 0,8-1,0%), Хар Хил витаминларга бой. Картошка озиқ-овқат сифатида кўп истъемол қилинадиган маХсулотдир.

Тарихи. Бутун дунёда ФАО маълумотларига қараганда картошка 17,9 млн. гектар ерга экилган. Ўзбекистода охирги йиллари картошкани экин майдони анча кенгайди ва 1998 йил 134 минг гектар ерга экилган, ўртача хосилдорлик 103 ц.ни ташкил қилди. Биологияси .Картошканинг ўсиш мудати уч даврга бўлинади. Биринчи давр – майса пайдо бўлишидан гуллашгача. Бу даврда асосан поя ўсади, барги кўпаяди ва илдиз ривожланади.Иккинчи давр – гуллаш даврдан поянинг ўсиши тўхтагунча давом этади. Бу даврда жадал равишда туганакмевалар пайдо бўлади.Учинчи даврда – поянинг ўсиши тўхтаганда табиий сўлиш давригача давом этади. Бу давр туганак мевалар пайдо бўлиши давом этади лекин иккинчи даврга нисбатан секинлашади, туганакмеваларда крахмал миқдори кўпайиб боради. Ўзбекистонда Хавонинг иссиқлиги ьэкинга салбий таъсир қилади. Навлар. Ўзбекистонда картошкани Ранняя роза, Лорх, Диамант, Зарафшон,Романо,Пикассо, Умид навлари экилади. Хозирги вақтда кўпроқ Голландиядан келтирилган навлар Хам экилади. Етиштириш технологияси. Ўтмишдош. Картошкани бир ерда сурункасига экилса у сўлиш касали билан касалланади. Шунинг учун уни алмашлаб экишда карам, бодринг, қовун, тарвуз, хамда илдизмевалардан кейин экилиши керак. Ёзда экилганда кузги буғдой ва арпадан кейин экилади. Ўғитлаш. Ўғитга талабчан, тупроқ шароитига қараб бир гектарга ўртача 100 – 120 кг азот, 80 – 90 кг фосфор ва кам миқдорда 40 –60 кг калий бериш керак. Ўғит экишдан олдин ва ўсиш даврида берилади. Экиш муддати. Уруғлик туганакмеванинг катталиги ўртача 50 –70 г. бўлиши керак. Картошка 3 –хилмуддатда экилади. Картошка эртагиси февраль ойининг охири март ойларининг бошларида, кечки картошка май ойининг охири июнь ойларининг бошларида ва кеч кузда-ноябрнинг охирида экилади.

$Экиш усули . Картошка қатор ораси 70 см қилиб, ўсимлик ораси 25 – 30 см қилиб экилади. Бир гектар ерга ўртача 25 центнер уруғ сарифланади (1,5-4 т/га бўлиши мумкин)ва уруғлар тупроқ шароитига қараб 6 – 16 см чуқурликка кўмилиши керак. Экинни парваришлаш. Картошкани парвариш қилиш қатор ораларини ишлаш, чопиқ қилиш, озиқлантириш ва суғоришдан иборат. Картошканинг қатор оралари 3-4 марта культивация қилинади.Картошкани чопиқ қилиш туганакларни тугиши учун яхши шароит туғдиради.Шу сабабли картошка амал даврида 1-2 марта чопиқ қилинади. Суғориш. Картошка ўсимлиги намга талабчан.Эртаги картошка ер ости сувлари чуқур жойлашган тупроқларда 7-9 марта суғорилади. Кечки картошка эса 10-12 марта суғорилади.Гуллаш давригача картошканинг хар 12-15 кунда, гуллаш даврида 6-8 кунда суғориш керак.Ёзда экилган кечки картошкани 8-10 кунда суғорилиши мақсадга мувофиқдир. Хосилни йиғиш. Эртаги картошка май-июн ойларида, ўртаги картошка сентябр ойларида, кечки картошка эса октябрнинг иккинчи ярмидан бошлаб ноябрь ойининг биринчи яримларида йиғилади. Қанд лавлаги Ахамияти. қанд лавлаги қанд олиш учун етиштириладиган энг аХамиятли техник экиндир. Унинг илдизмеваси таркибида 16-22% қанд бўлади. Илдизмевасининг Хосили 40-50 т\га бўлганда бир гектарда 7-8 тонна қанд тўпланиши мумкин. қанд заводларида қанд ишлаб чиқарилгандан кейин шинни ва жом қолади. Шиннидан спирт ва глицерин олинади. Жом чорва моллари учун юқори сифатли озиқа хисобланади. Бундан ташқари қанд лавлагининг илдизи, барглари хам ем-хашак сифатида ишлатилади. Тарихи. Ер юзида қанд лавлаги 7,9 млн. гектар майдонга экилади Ўзбекистонда Хозирги вақтда қанд лавлагини экин майдонини кенгайтириш, қанд заводларини қуриш ва қанд ишлаб чиқаришни кўпайтириш кўзда тутилмоқда.Шу мақсадда Хоразмда қанд лавлаги заводи қурилди. қанд$

лавлаги юқори Хосилли экин. Ундан ер юзида ўртача 32,8 тонна илдизмева Хосили олинади. Ўзбекистонда 1998 йил 119,7 ц/га илдизмева Хосили олинган. Уруғ Хосили 15-20 ц/га хисобланади. Қ анд лавлаги етиштириш технологияси.Ўтмишдош. қанд лавлаги алмашлаб экишда кузги дон экинлар, ем-хашак ўтлар, беда, маккажўхори ва бошқа чопиқталаб экинлардан бўшаган майдонларга экилади. қанд лавлаги юқори Хосилли экин, у тупроқдан жуда кўп озуқа моддалар олади. Шунинг учун уни бир неча йил бир ерда экиш мумкин эмас. Акс холда тупроқнинг унумдорлиги пасайиб кетади. Ерни экишга тайёрлаш . Ер тайёрлашда хайдов сифатига ( чуқурлиги ва муддатига) катта ахамият берилади. Кузги шудгорни эрта ўтказиш керак. Бизни шароитимизда кузги шудгорни октябр ойи ва ноябр ойининг бошларида ўтказилади. қанд лавлагини тупроққа бўлган талабини Хисобга олиб, хайдов 30-32 см чуқурликда ўтказилиши керак.Эрта бахорда биринчи имконият туғилиши билан шудгорни бороналаш лозим. Сўнгра экишдан олдин борона ва мола босилади. Ўғитлаш. қанд лавлагига органик ўғитлар билан маъдан ўғитлар берилиши керак. Гўнг 10 - 20 т.гача кузги шудгорда тупроққа солинади. Ўртача бизни шароитимизда маъдан ўғитларнинг меъёри қуйидагича:бўз тупроқларда- N -75, Р-90, К-60, ўтлоқи тупроқларда- N -75, Р-90, К- 30.Фосфорли ва калийли ўғитларни асосий қисми (75%) кузги шудгорда ва экишдан олдин берилади. Ўғитларни қолган қисми қанд лавлагини ўсиш даврида озиқлантиришда берилади. Ўсимликларни ўсиш даврида 2 марта озиқлантирилади. Биринчи озиқлантириш ягонадан сўнг ва иккинчи озиқлантириш биринчи сувдан кейин берилади. Қ анд лавлагини экиш, уруғни экишга тайёрлаш, экиш муддатлари, усуллари ва меъёри. Экиш учун районлаштирилган навларни уруғлик сифатлари юқори бўлган уруғни керак..қанд лавлаги эртаги экинлар гурухига киради, шу сабабли эрта бахорги экинлар билан бир вақтда (март ойининг охирида

$экилади).қанд лавлаги кенг қаторлаб, қатор оралари 60-70 ёки 90 см қилиб экилади.1га.да тўпроқ ўнумдорлигига қараб 70дан 100 минггача ўсимлик қолдирилади.Шу сабабдан хар 10-15 см масофада 1-тадан ўсимлик қолдирилади.Уруғни экиш меъёри унинг йириклигига қараб 10-20 кг хисобланади. Парваришлаш. қанд лавлаги эрга экилганлиги учун ёмғирдан кейин тупроқда Хосил бўладиган қатқалоққа дучор бўлади.Тупроқ қатқолоғини ротацион мотигалар ёрдамида йўқотилади.Майсалар тўла пайдо бўлганда қатор ораларига биринчи ишлов берилади, сўнгра кетма кет майсалар ягана қилинади.Яганада режалаштирилган ўсимлик сони қолдирилади, яганани мумкин қадар эрта ўтказиш керак.Яганадан сўнг қатор оралари икки марта ишлатилади.Умуман қанд лавлагини амал даврида қатор оралари 2-3 марта культивация қилинади, озиқлантирилади ва суғорилади.Ўзбекистон шароитида тупроқ хусусиятига қараб 4-6 мартадан 8 мартагача сув берилади.Суғориш муддати ,меъёри ва сони тупроқ иқлим шароитига қараб берилади. Хосилни йиғиш. Илдизмеваси етилганда (барглари сарғаяди, сўлийди)махсус комбайнларда ёки кўтарғичларда трактор билан йиғиб олинади. Уруғчилиги. Юқори сифатли уруғ олиш учун қанд лавлагини илдизмеваси майдароқ бўлиши керак, бунинг учун экиш меъёри оширилади ва далада ўсимлик сони 140 минг.гача бўлади. Уруғлик илдизмевалар танланиб сақлайдиган жойга келтирилади.Уруғлик илдизмевалар яна сараланади,сўнгра баХорда далага экилади.Уруғлик илдизмевалар март ойининг бошларида қатор оралари 60 см Хар 30-35 см масофада биттадан илдизмева экилади.Экилган уруғлик илдизмеваларни ўсиш даврида 1-2 марта чопиқ қилинади,биринчи марта 90 кг\га меъёрида азот билан озиқлантирилади ва усиш даврида 3-4 марта суғорилади. Меваларни 70% кўнғир рангга кирганда ўриб олиниб хирмонларда қўритилиб янчилади ва сараланиб қопларда сақланади.$ Бундан ташқари қанд лавлаги уруғни экиб хам уруғлик олиш мумкин.Буниниг учун эртаги экинлардан бўшаган ерларни яхши ишлаб,ёзни иккинчи ярмида уруғ экилади ва суғорилади.Бундай экинлар кузгача кичик илдизмевалар хосил қилади ва шу холича қишлайди.Кейинги йили у уруғ хосил қилади.

Дон дуккакли экинлар

20.09.2019

0

82 KB

Похожие