Чорва молларини боқиш ва озиқлантириш - Сельское и лесное хозяйство - Рефераты

Чорва молларини боқиш ва озиқлантириш

Загружено в:

20.09.2019

Скачано:

0

Размер:

99.5 KB

Ч орва молларини боқиш Режа: 1. Чорва молларини боқиш. 2. Ем-хашакларнинг химиявий таркиби. 3. Саноат чиқиндиларидан фойдаланиш. 4. Озиқларни молларга беришга тайёрлаш. 5. Озиқларга ишлов бериш.

Таянч сўз ва иборалар: Тўғри озиқлантириш, озиқ нормаси, рацион, биологик қиммати, микроэлементлар, углеводлар, клечатка, азотсиз моддалар, экстрактив моддалар, хазм бўлиш коэффициенти. 1. Чорва молларини боқиш Чорва моллари ва паррандаларни тўғри боқиш уларнинг ўсиши ва ривожланишини жадаллаштиришда хамда махсулдорлигини кескин оширишда мухим ахамиятга эга. Химиявий таркибига кўра тўла қимматли ва тўйимли озиқлар билан боқиш хайвонларни тўғри озиқлантириш дейилади. Физиологик жихатдан тўла қимматли деганда, хайвонларнинг физиологик холати (бўғозлиги, соғин даври, сутдан чиқарилганлиги, маoлум мақсад асосида боқилиши ва хоказолар) га кўра ва уларнинг ёши, вазни, жинси, махсулдорлик даражасини хисобга олган холда озиқ миқдорига бўлган эхтиёжини тўла таoминлаш тушунилади. Агар моллар сифатсиз озиқ билан нотўғри боқилса, уларнинг махсулдорлиги пасайиб кетади, соғлиғи ёмонлашади, ёш моллар ўсиш ва ривожланишдан тўхтайди. Хайвон организмнинг озиқ моддаларга бўлган талабини қонлириш учун сарфланадиган ем-хашак миқдори, озиқ нормаси дейилади. Рацион озиқ нормаси асосида хайвонларга бир суткада бериладиган ем-хашак миқдоридир. Рацион хайвон организмининг озиқ моддаларга бўлган эхтиёжини қондирадиган ва махсулдорлигини оширишга физиологик холатини яхшилашга қаратилган бўлиши керак. 2. Ем-хашакларнинг химиявий таркиби Чорва моллари паррандаларни хилма-хил ем-хашак билан таoминлашда улар таркибидаги химиявий моддаларнинг миқдори, тўйимлилиги вабиологик қиммати катта ахамиятга эга. Бинобарин бериладиган ем-хашакнинг таркиби турли хил фойдали химиявий

элементларга бой, сифати ва хазм бўлиш хусусияти қанча юқори бўлса, унинг самарадорлиги хам шунча юқори бўлади. Сув хайвон ва ўсимликлар организмида мухим физиологик функция бажаради. У организмда озиқ моддаларни бир жойдан иккинчи жойга етказишда воситачи бўлиши билан бирга, овқат хазм қилишда тана температурасини бошқаришда, қолдиқ моддаларни ажратиб чиқаришда мухим ролp ўйнайди. Ем-хашак таркибида сувқанча кўп бўлса, унинг қиммати шунча паст бўлади. Илдизмевалар, кўк ўт, сут махсулотлари, пиво заводи чиқиндилари (барди) да сув кўп бўлади. қуруқ моддалар асосан минерал (кул) ва органик бирикмалардан иборат. Минерал моддалар бирикмалари организмда мухим физиологик функция бажаради. Масалан, улар хужайраларнинг озиқ моддалар шимишида ва ўзлаштиришида, осмотик босмини сақлашда мухим вазифа беради (1-расм). Минерал моддалар иккита группани (макро ва микроэлементларни) ташкил этади. Макроэлементлар калpций, фосфор, натрий, хлор, калий каби моддалардан ташкил топган. Микроэлементлар темир, мис, марганец, кобалpт, йод ва хоказолардан иборат. Бу моддалар хайвон организмлари учун жуда мухим хисобланади. Органик моддалар азотли, азотсиз моддалардан ва витаминлардан ташкил топган. Азотли моддалар , яoни аралашмали протеин таркибида азот бўлса, оқсилсиз бирикмалардан иборат аминлар хисобланади. Ем-хашак таркибида протеин турли миқдорда бўлади. Масалан, дуккакдош ўсимликлар поясида 15%, донидан 25-30%, балиқ унижа 50-60% атрофида бўлиши аниқланган. Оқсил хайвонлар организмида жуда мухим ахамиятга эга бўлиб, ем- хашак таркибида турли миқдорда учрайди. Масалан, кунжара ва шротда 30- 45%, дуккакдош ўсимликлар донида 25-30% бўлиши аниқланган.

расм. ЕМ -ХАШАК Сув К урук модда Орг а н и к модда М и н ера л модда ла р Азотли модда ла р (п ротеи н ла р) А зотси з модда ла р Ё г ла р М а к ро в а ми к роэлемен тла р А зотси з эк стра к ти в модда ла р: кра хма л, ш а к а рУг лев одла р К летча тк а (ц еллюлоза )Ок си л булма г а н модда ла р (а ми дла р в а бош к а ла р)О к си лла р Азотсиз моддалар ёғлар ва углеводлардан ташкил топган. Ўсимликлар таркибида ёғлар оз (0,1-6%) миқдорда учрайди. Лекин таркибида ёғ моддаси бўлган ўсимликлар донида ва унинг чиқиндилари (кунжара, шрот) да у кўпроқ бўлади. Ёғ мойлар хайвонлар организмида энергия манбат хисобланади. Углеводлар асосан клетчатка (целлюлоза) ва азотсиз экстрактив моддалардан ташкил топган. Уларнинг ичида энг қимматлиси қанд ва крахмал хисобланади. Углеводлар хайвонлар организмида ёғ, гликоген, қон шакарига айланади. Углеводларнинг химиявий ўзгариши натижасида иссиқлик энергияси ажралиб чиқади ва организмнинг харакати учун сарфланади. Клетчатка ўсимликлар хужайраларининг пўсти хисобланади. Унинг хазм бўлиши ва организм томонидан ўзлаштирилиши анча мурккабдир. Бинобарин ўсимликлар таркибида клетчатка қанча кўп бўлса унинг озиқлик қиммати шунча паст бўлади. Лекин барча турдаги хайвонлар (айниқса, кавш қайтарувчилар) нинг овқат хазм қилиш процессида клетчатка салмоқли ўрин тутади. Дағал озиқлар таркибида клетчатка кўпроқ бўлади. Масалан,

бошоқдош ўсимликлар поясида 35-45%, пичанда 22-33%, донида 2-10%, илдизмеваларда 0,8-1,7% клетчатка бўлиши аниқланган. Азотсиз экстрактив моддаларнинг юқори даражада озиқлик қимматига эга бўлгани крахмал ва қанд хисобланади. Крахмал картошка, бошоқдош ўқисликлар донида кўпроқ бўлади. Уларнинг поясида ва баргида оз (2%) бўлади. қанд лавлагида (24%), маккажўхори, оқжўхори ва полиз эканларида (қовун, қовоқ, тарвуз ва хоказоларда) кўпроқ, сутда каром (3-5%) бўлади. Витаминлар нихоятда мухим ахамиятга эга. Улар етишмаса хайвон ориқлайди, махсулдорлиги пасаяди ва турли касалликларга чалинади. Шунинг учун улар озиғида витаминлар бўлишига алохида эoтибор бериш керак. Хозирги замон классификациясига кўра, ем-хашак ва умуман хайвонлар ва паррандаларга бериладиган озиқлар уч группага (ўсимликлардан тайёрланадиган, хайвон ва паррандалардан олинадиган ва минерал қўшимчаларга) бўлинади ва кенг тарқалган қисми биринчи группа, яoни ўсимликлардан тайёрланадиган озиқлар хисобланади. Уларнинг асосий турлари: кўк ўт, дағал озиқ (пичан, сомон), сенаж, силос, илдизмевалар, ун тортиш ва озиқ-овқат саноати чиқиндиларидан иборат. Кўкат озиқлар . Табиий ва сунoий холда ўстириладиган барча турдаги ўсимликлар кўкат озиқ хисобланади. Масалан, хар хил ўтлар, бошоқдош (арпа, сули, буғдой), дуккакдош ўсимликлар (беда, нўхат, ловия), илдизмеваларнинг пояси, барги шулар жумласидандир. Бу озиқ турлари асосан бахор, ёз ва куз ойларида чорва молларига кўпроқ берилади. Улар таркибида сув, протеин, каротин, витаминлар (А, Д, Е, С) каби моддалар кўп бўлиши билан қимматлидир. Булар хайвонларнинг ўсиши, ривожланиши, семириши ва махсулдорлигига ижобий таoсир кўрсатади. Датал озиқлар . Дағал озиқлар асосан: пичан, сомон, турли хилдаги ўсимликларнинг (маккажўхори, ғўзапоя, оқжўхори, кунгабоқар ва хоказоларнинг) пояси, сўтаси ва чиғаноғидан иборатдир. Мамлакатимизнинг

барча зоналарида чорва молларини озиқлантиришда улардан кенг фойдаланилади. Пичан барча турдаги дағал озиқлар ичида кўпроқ фойдаланилади. Айниқса беда пичани от, қўй ва қорамоллар учун мухим озиқ хисобланади. Унинг химиявий таркибида бедани ўстириш процессида кўлланилган агротехника тадбирларига ва шоналаш (гуллаш) вақтида ўриб олинишига, қуритирш ва сақлаш технологиясига боғлиқ бўлади. Бошқа турдаги барча ўсимликлар поясидан хам пичан тайёрланади. Пичаннинг химиявий таркиби унинг сифатига кўра турлича бўлади. Масалан, 4-26% протеин, 3-7% ёғ, 20-35% клетчатка, 28-49% БЭВ, 3-11% кулдан иборат. 1 кг сифатли беда пичанида 0,5 кг гача озиқ бирлиги бўлиши мумкин. Ўт (беда) уни кўк ўтлардан, кўпроқ бедадан тайёрланади. Унинг 1 кг таркибида 170-200 г оқсил, 200-250 г каротин бўлади. Аралаш озиқ тайёрлашда у кўп ишлатилади. Ўт уни қоғоз қопларда сақланади. У кўп жой эгалламайди. Лекин орадан 6-7 ой ўтгач унинг таркибидаги каротин камая боради. Ўт уни чўчқа ва паррандалар учун кўшимча витаминли озиқ сифатида хизмат қилади. Бузоқларга ем кўшиб бериш яхши натижаларга олиб келади. Ўт уни асосан АВМ-0,4 ва СБ-15 маркали қуритгич агрегатларда тайёрланади. Бунда бир соатда 0,4 ва 1,5 т масса 700-900 0 да бир неча ўн секунд ичида қуритилиб майдаланиб, ун холига келтирилади. Бинобарин, бу процесс тез борганлиги учун унинг таркибидаги тўйимли ва қимматли элементларнинг атиги 2-3% камайиши аниқланган. Умуман, ўт унининг 1 кг да 0,7-0,8 г озиқ бирлиги, 80-130 г хазм бўладиган оқсил, 250 мг каротин бўлиши аниқланган. Сомон ўз хусусияти, таркиби ва қандай ўсимлик поясидан тайёрланганлигига кўра турлича бўлади. Масалан, кузги жавдар сомони таркибида 35-45% клетчатка, буғдой сомонида 10 дан 20 гача озиқ бирлиги ва 0,8 кг хазм бўладиган оқсил борлиги аниқланган.

Бошоқдош ўсимликлар сомони таркибида 4-5%, дуккакдош ўсимликлар сомонида 6-7% протеин бўлади. Унинг таркибида каротин, калpций ва фосфор каби моддалар хам оз бўлади. Бинобарин, сомоннинг тўйимлилиги паст, хазмланиши қийин бўлади. Сифатли пичанни молларга махсус ишловчиз бериш мумкин. Айрим холларда юқори сифатли сомон хам шу усулда берилиши мумкин. Лекин сомон рационда салмоқли ўринга эга бўлмаса, акс холда унга махсус дастлабки ишлов бериш талаб этилади. Биринчидан , у майдаланади ва баoзан ем билан ёки майдаланган илдизмевалар билан аралаштирилади. Ана шунда уни моллар иштаха билан ейди. Сомон отлар учун 1,5 см кавш кавш қайтарувчи хайвонлар учун 2,5 см узунликда қилиб майдаланади. Жуда хам майдалаб юборилган сомон хайвонларда хазм қилиш органлари функциясини сусайтиради. Иккинчидан , сомонни буғлаш керак. Бунда моғорлаган, зах ерда қолган сомон зарарсизлантирилади, сифати яхшиланади, таoми оширилади. Кузатишларга қараганда юқори босимда буғлантирилган сомоннинг тўйимлилиги ва хазм бўлиш хусусияти деярли икки марта ошар экан. Учинчидан , сомон ўз-ўзидан қиздирилади. Бунинг учун деворлари нам ўтмайдиган қилиб ишланган махсус ўралар тайёрланади. Майдаланган сомон ана шу ўраларга 20-30 см қалинликда солиниб, кучсиз намакоп билан намланади (100 кг сомонга 70-80 л хисобидан) ва устига кепак сепилади. Шу тариқа бир неча қават қилиб ўра тўлдирилади. Унинг устига сим тўр, тахта ва хоказо қўйиб, оғир тош ёки бошқа нарса билан бостириб қўйилади. Орадан 3- 4 кун ўтгач, сомон таркибида органик моддалар ва кислоталар хосил бўлади, натижада унинг мазаси ва хазм бўлиши яхшиланади. Тўртинчидан , химиявий моддалар ёрдамида ишлов берилади. Бунда унинг тўйимлилиги 1,5 марта ортади. Ишлаб чиқаришда кўпроқ сода (Na 2 CО 3 ), аммиакли сув ва сўндирилган охакдан фойдаланилади. Сомонни ишқорлаш учун 2-3 ли Na 2 CО 3 дан фойдаланилади ва аралашма 5-6 соат мобайнида тайёр бўлади. Сомонни молларга беришдан

аввал тоза сувда чайилади. Охакли сувдан фойдаланишда майдаланган сомон яшикларга солиниб, устидан иситилган сув қуйилади, сўнгра охакли сув эритмаси солинади. 3-5 кун ўткач, масса тоза сув билан ювилади ва молларга берилади. Аммиакли сувдан фойдаланишда, махсус ўралар бўлмасада, ғарамлардаги сомон устига у яхшилаб сепилади ва полиэтилен плёнка билан беркитиб қўйилади. 4-5 кун ўткач, очилади ва аммиякнинг хиди тарқалиб бўлгач молларга берилаверади. Бу усулдан фойдаланганда ферма хизматчилари химоя кўзойнаги, противогаз, фартук, қўлқоп ва резина этиклар кийиб олишлари мақсадга мувофиқдир. Республикамизда пахта саноати корхоналарида хар йили чигитли пахтани тозалаш процессида ўртача 20-25 минг тонна ўлик пахта чигити; 18- 20 минг тонна янчилган пахта барги, 200-250 минг тонна чиқиндилар аралашмаси тўпланиб қолади. Бу чиқиндилар молларга берилса, ўртача 25 млн. сўм даромад олиш мумкин. 3. Саноат чиқиндиларидан фойдаланиш Бу сохада Ўзбекистон Чорвачилик илмий-текшириш институтида кўплаб кузатишлар олиб борилган. Пахта саноати чиқиндилари химиявий таркиби бўйичадонли экинларнинг дала чиқиндилари ва пахта ўлхасидан қолишмайди, органик кислоталар (шу жумладан, олма, лимон кислоталар) кўпроқ бўлади. Ем асосан дондан, ёғ-мой саноати чиқиндиларидан (кунжара, шротдан) тайёрланади ва биологик хусусиятларига кўра (хамма вақт бир хил даражад бўлмаса), тўйимлилиги ва яхши хазм бўлиши билан қимматли хисобланади. Дон озиқлар турли бошоқдош (сули, арпа, буғдой, маккажўхори) ва дуккакдош (соя, нўхат, мош, ловия) ўсимликлар дони ва ёрмасидан тайёрланади. Улар таркибида углеводлар ва айниқса крахмал кўп бўлади. Дон озиқлар тўйимли, оқсилга бой ва биологик жихатдан тўла қимматлилиги билан катта ахамиятга эга.

Донни турли хилдаги чорва молларига ёрма-майдаланган холда бериш фойдалидир. Чунки у холда тез ва тўла хазм бўлади. Лекин ёрма холига келтирилган дон кўпи билан 2-3 кун сақланиши мумкин, акс холда унинг таркиби бузилади ва фойдаси камайиб кетади. Айрим вақтларда эса махсулот сифатини пасайтириб юборади. Шунинг учун молларга бериладиган донни олдиндан майдалаш керак. Саноат чиқиндилари хам чорвачиликда кенг фойдаланилади. Масалан, ун тортиш саноати чиқиндилари - дон ёрмаси, ун гарди, кепаги ва хоказолар, қанд саноати чиқиндилари - лавлаги турпи, пўстлоғи, ёғ-мой саноати чиқиндиси - кунжара, шрот; пиво заводи чиқиндилари - барди ва дон чиқиндиси, мева-консерва заводи чиқиндилари - дони, пўсти, барги, ўзаги ва хоказолар шулар жумласиндандир. Кепак турли хил дон (буғдой, арпа, сули, ловия, шоли ва хоказолар) нинг пўстидан тайёрланади. Унинг тўйимлилиги ва хазм бўлиш коэффициенти сомонникидан юқори бўлади. Санаж озиқларининг энг самаралиси хисобланади. Намлиги 50-55% га келтирилиб сўлитилган ўтлардан тайёрланиб, майдаланган герметик шароитда консервалаштирилган кўк масса сенаж дейилади. Сифатли қилин тайёрланган сенаж пичанга қараганда гектарига қўшимча равишда 1000-1500 озиқ бирлиги беради. Сенаж таркибида углеводлар, ёғлар, протеин, минерал моддалар ва витаминлар кўпроқ сақланади. Молларнинг махсулдорлигин оширишда сенаж мухим ролp ўйнайди. Сенаж тайёрлаш технологияси силос тайёрлашдагига қисман ўхшаб кетади. Лекин ўсимлик массасида юз берадиган физиологик - биохимиявий процесслар силос боштиришдагидан кўра фрқ қилади. Асосий фарқ шундаки, ўриб олинган кўк масса намлигини тезда 40-55% га қадар камайтириш керак. Бу эса массани майдалашга қадар сўлитиш эвазига юз беради. Ўсимлик намлигини қуритиш шикафларида 105 0 иссиқликда аниқлаш мумкин. Силос асосан маккажўхори, оқжўхори думбуллигида ўриб олиб майдаланган поя ва сўталаридан тайёрланади. 1 кг сифатли силосда 0,20-0,25

озиқ бирлиги бўлади. Силос тайёрланадиган массанинг ўртача намлиги 70- 75% бўлиши керак. Улар 4-5 см узунликда майдалаб бостирилади, зичланади ва хаво кирмайдиган қилиб шиббаланади. Силос бостиришда бетонланган траншея ва миноралардан фойдаланиш мумкин. Силос барча турдаги чорва моллари учун қиш ойларида бериладиган асосий озиқлардан бири хисобланади. Хайвон махсулотларидан тайёрланадиган озиқлар. Хайвон махсулотларидан бир неча хил озиқ (сут, сутдан тайёрланадиган махсулотлар, сут чиқиндилари ва хоказолар) тайёрланади. Шунингдек, қушзона чиқиндилари (қон уни, суяк уни, хайвон ички органлари), балиқ консерва заводлари, паррандачилик фабрикалари, инкубация станциялари, мўйна тайёрлаш хўжаликлари чиқиндилари хам қуритилиб, уни қилинган холда фойдаланилади. Сўнги йилларда пилла ғумбаги, моллюскалар, сувда яшовчи бўғимоёқлилардан фойдаланиш ишлари синаб кўрилмоқда. Бу хилдаги озиқлар таркиби протеинга, витамин ва минерал элементларг бойлиги билан қимматлидир. Сунoий усулда тайёрланган аралаш озиқлар . Карбамид, яoни синтетик мочевина кавш қайтарувчи хайвонлар рационида протеин миқдорини ошириш учун ишлатилади. Карбамид асосан таркибида азот моддаси оз бўлган ем-хашакка қўшиб берилади. 100 г гача моллар уни ёмон ўзлаштиради. Витаминли препоратлар чорва моллари ва паррандалар махсулдорлигини оширишда мухим ахамиятга эга. Шунга кўра, саноатда махсус витаминли препоратлар кукун ва суюқ холда тайёрланади ва чорва моллари озиғига аралаштириб берилади. Антибиотиклар чорвачиликда кенг қўлланилади. Улар молларни касалликлардан сақлашда, соғлиғини мустахкамлашда ва айниқса ёш моллар жадал ўсиши, ривожланши ва семириши учун мухим ахамиятга эга. Айниқса, пенициллин, биомицин, тетрациклин, синтомицин каби антибиотиклар кўп,

стрептомицин, полимиксин, эритромицин, герамицин С, нистатин, неомицин, левомицин кабилар камроқ ишлатилади. Аралаш озиқлар махсус рецепт асосида тайёрланади, бунда хар қайси турдаги ва махсулот йўналишидаги хайвонларнинг барча хусусиятлари хисобга олинади. Масалан Бутуниттифоқ Чорвачилик институти олимлари томонидан соғин сигирлар учун тайёрланган (60-4) рецепт қуйидагича: 20% ўт уни, 28% ёрма маккажўхори ёки қора буғдой, 35% арпа ёки сули ёрмаси, 7% кунжара, 5% лавлаги турпи, 2,5% мочевина, 1,5% фторсизлантирилган фосфат ва 1% ош тузидан иборат. 1 кг аралаш озиқда 0,92 озиқ бирлиги, 165 г хазм бўладиган протеин, 10,5 г калpций, 6,8 г фосфор бўлиши мумкин. Шунингдек, аралаш озиқларга витаминлар ва темир моддаси, мис, рух каби микроэлементлар қўшилади. Донадор (гранулаланган) озиқлар ўт уни, ем ва витаминлардан хамда турли хил минерал моддалар қўшиб тайёрланади. Улар қуруқ сочма холда бўлганлиги учун узоқ вақт сақланади ва молларга механизмлар ёрдамида тарқатиш мумкин бўлади. Брекитланган озиқлар пичан, сомон, кунжара, дон ва хоказолар аралашмасини майдалаб, прессланган холда тайёрланади. Шунга кўра, сақлаш учун жой талаб этилади. қуруқ бўлганлиги учун узоқ вақт сақлаш ва механизмлар ёрдамида тарқатиш мумкин. 4. Озиқларни молларга беришга тайёрлаш Хар хил озиқлар (сомон, пичан, кепак, картошка, илдизмевалар, дон, кунжара ва хоказолар) нинг тўйимлилигини ва хазм бўлишини яхшилаш мақсадида уларга турли усулларда ишлов берилади. Сомон майдаланади. қорамолллар учун 3-4 см, отлар учун 1,5-2,5 см бўлиши керак. Молларга беришдан олдин унга кучсиз намакоб сепилади, сўнгра дон ёрмаси, барди, силос ва майдаланган илдизмевалар қўшиб аралаштирилади. Айрим холларда умумий миқдорининг 1-1,5% атрофида карбомид қўшилади. Маккажўхоридан силос тайёрлашда хам бир тонна кўк

массага 5-6 кг хисобидан карбомид қўшилади. Бунинг натижасида силом таркибида хазмланувчи протеин миқдори 1,5-2 марта ортади. Ачитқилар (хамиртуруш) хам ем-хашакни молларга беришга тайёрлашда салмоқли ўрин тутади. Масалан, кепак, дон ёрмаси, кунжара, шрот кабиларга ачитқи қўшилса, таркиби витамин, оқсил моддаларга бойийди ва таoми яхшиланади. Агар 0,5-1 кг хамиртурушни 5 л сувда эритиб, 100 кг қуруқ озиққа қўшилса, у хайвонлар учун (айниқса қорамоллар ва қўйлар учун) жуда яхши озиқ хисобланади.

Адабиётлар: 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

Похожие

Чорва молларини боқиш ва озиқлантириш

Чорвачилик тармоғида ишлаб чиқаришни ташкил қилиш ва режалаштириш

Чорва молларининг сут махсулдорлиги

Ипак қурти боқиш агротехникаси

Қишлоқ хўжалик ҳайвонларининг озиқлантириш асослари