Чорва молларининг сут махсулдорлиги - Сельское и лесное хозяйство - Рефераты

Чорва молларининг сут махсулдорлиги

Загружено в:

20.09.2019

Скачано:

0

Размер:

83 KB

Ч орва молларининг сут махсулдорлиги Режа: 1. Чорва молларининг сут махсулдорлиги. 2. Сут сифатини аниқлаш. 3. Сутнинг физик ва химик кўсаткичлари. 4. Сут миқдори. 5. Ем-хашакларнинг сут сифатига таoсири.

Таянч сўз ва иборалар: Биологик хусусиятлари, сутнинг химиявий таркиби, витаминлар, ферментлар, сутнинг кислоталилиги, осмотик босими, таoсир этувчи факторлар, казсин, минераллар моддалар, оқсил, сутнинг таркиби. Чорва молларининг сут махсулдорлиги Серсут сигирларнинг биологик хусусиятлари. Биология фанидан маoлумки, хар бир органнинг тузилиши ва шакли унинг бажарадиган функциясига чамбарчас боғлиқ бўлади. Масалан, сигирларнинг курак тиши ўткир қиррали бўлгани холда ўсимликни узиб олса, юза қисми кенг ва яссилашган (жағ) тишлари уни майдалайди. Ёки серсут сигирларнинг сут безлари олиб кўрилса, уларда сут бези тўқимаси ва унинг миқдори бириктирувчи тўқимага кўра деярли икки марта кўпроқ бўлиши аниқланган. Камсут сигирларда эса бунинг аксини кўриш мумкин. Серсут сигирлар истеoмол қилган ем-хашакни максимал даражада сутга айлантира олиш хусусиятига эга,бинобарин, уларнинг озиқ рационига алохида эoтибо берилмаса, улар тезда ориқлаб кетади. Юқорида айтиб ўтилганидек, серсут сигирларнинг елини катта хажмга эга ва йил сайин у яна катталашиб бориш хусусиятига эга. Айрим сигирларнинг елини катта бўлса хам, сусти беярли кўп бўлмаслиги хам мумкин. Чунки бунда сут бези асосан бириктирувчи тўқмадан иборат бўлади. Бундай елиндан сут соғиб олингача хам унинг хажми жуда кам кичраяди, у юмшоқ, хамирсимон бўлади. Сигирлар елинининг шакли турлича бўлади. Бу уни қоринга бириктириб турувчи боғловчилар холатига боғлиқдир. Юқори кўрсаткичга жга бўлган елин сигирнинг орқа томонидан баландроқ, бўртиб чиққан, кенг хажмли, олд қисми қоринга тақалган, туби текис-горизонтал холда бўлади. Елиннинг хар бир палласи йирик ва бир-бирига тенг, улар оралиғида чуқурлик ёки бўртмалар бўлмаслиги керак. Сўрғичлар цилиндр ёки бир оз конуссимон, лекин унча йўғон, ингичка, узун ёки калта бўлмаслиги керак,

акс холда бундай сўрғичлар машинада соғишга ярамайди. Масалан, сўрғичларнинг узунлиги 7-8 см, эни 2-3 см, бир-биридан узоқлиги ўртача 10- 15 см бўлса, нормал хисобланади. Айрим сигирлар елинининг иккита палласи анча чўзиқ, сўрғичлари олд томонга қараб қийшайган бўлади. Баoзан сўрғичлари хар хил катакларда ёки улардан бирортаси ривожланмасдан қолган бўлиши хам мумкин. Сигирларнинг бундай хусусияти асосан наслдан-наслга берилади вабу камчиликларни йўқотиб бўлмайди. Бинобарин, бундай сигирлар брак қилинади. Сигир сутининг ахамияти. Сигирларнинг сути уларнинг энг қимматли асосий махсулоти хисобаланади. Сигирлар сутимазали, серқаймоқ бўлади ва хеч қачон киши меoдасига тегмайди. Шу билан бирга сут инсон учун энг қимматли озиқ хисобланади. Айниқса ёш болалар, қариялар ва айрим касалликларга чалинган кишилар учун сутни бошқа озиқ билан ажратиб бўлмайди. Бундан ташқари, сутдан хилма-хил сут махсулотлари тайёрланадики, инсон хаётида улар салмоқли ўрин тутади. Масалан, сариёғ, қатиқ, қаймоқ, кефир, простокваша, ряжинка, творог, пишлоқ, бринза шулар жумласидандир. Сут сифатини аниқлаш Сигир сутининг химиявий таркиби. Кузатишлардан маoлум бўлишича, сигир сутининг химиявий таркиби ўзига хос турли хил элементлардан ташкил топган. Масалан, унда ўртача 87,5% сув, 3,3% оқсил, 4,7% сут шакари, 3,8% ёғ, 0,7% минерал моддалар бўлади. Бундан ташқари, турли хил витаминлар, ферментлар, гармонлар, органик кислоталар, микроэлементлар, баoзи бир газ бирикмалари ва бошқа моддалар хам борлиги аниқланган.

Сигир сутининг химиявий таркиби (Г.С.Инихов маoлумоти) Сут таркибидаги моддалар Ўзгариш чегараси (%) Ўртача миқдор (%) Сув қуруқ қолдиқ Сут ёғи Фофатидлар Оқсиллар (жами) Жумладан: алpбумин глобулин казеин Сут шакари Анорганик кислоталар тузи Органик кислоталар тузи Кул (ёки минерал моддалар) Пигментлар Витаминлар: А-ретинол Д-эргокалpциферол Е-токоферол В 1 -тиамин В 2 -рибофлавин С-аскорбин кислота РР-никотин кислота Газлар (СО 2 , N 2 , О 2 ) Пигментлар Сутнинг серқаймоқ бўлишига таoсир этувчи факторлар. Сутнинг серқаймоқлиги сигир туққан кунига ва соғиш муддатига хам боғлиқ. Умуман хужаликларда, сигирлар туққан кундан бошлаб 300-305 кун мобайнида соғилади. Тажриба ва кузатишларда маoлум бўлишича, сигир сутининг серқаймоқлиги биринчи ойдан камаяди ва сут бериш даврининг иккинчи ва учинчи ойида бошқа ойлардагига қараганда кескин камаяди. Учинчи- тўртинчи ойдан бошлаб, сутнинг қаймоғи аста-секин кўпая бошлайди ва

ўнинчи ойга бориб, айниқса сутдан чиқариш арафасида энг максимум даражага етади. Сутнинг серқаймоқ бўлишига таoсир этувчи факторларда яна бир сигир соғиш усули ва вақти хисобланади. Бундан ташқари соғувчиларни тез-тез алмаштириб туриш хам сигирларнинг сути миқдорига ва серқаймоқлигига салбий таoсир кўрсатади. Сутнинг серқаймоқ бўлишининг яна бир факторларидан бири улар елинидаги сутни мумин қадар тўла, сўнги томчиларигача қолдирмасдан соғиб олишдир. Маoлумки, сутнинг дастлабки соғиб олинган порциялари анча суюқ, ёғ миқдори оз (1,5-2,5%) бўлса, энг сўнггида соғиб олинадиган қисмида ёғ 10-12% ва ундан хам кўпроқ бўлиши аниқланган. Шундай қилиб, кузатишлардан маoлум бўлишича, ёз ва бахор ойларида туққан сигирларникига қараганда қиш ва куз ойларида туққан сигирларнинг сути кўпроқ ва таркиби хар хил моддаларга бой бўлар экан. Лекин бундай сигирлардан асосан қиш ойларида бузоқ олишни ташкил этиш керак, деган хулоса чиқмайди. Халқимизнинг сутга ва сут махсулотларига бўлган талаби йил бўйи бир хилда тўла таoминланиши керак. Ёзнинг жазирама иссиқ кунлари барча сигирларнинг миқдорига хам, унинг серқаймоқлигига хам салбий таoсир кўрсатар экан. Шунинг учун ёз ойларида соғин сигирларни салқин, сершабада жойларда, усти берк ва атрофи очиқ шийпонларда асраш, кунига чўмилтириш мақсадга мувофиқдир. Хозирги вақтда республикамиздаги кўпгина илғор хўжаликларда (жумладан, Фарғона водийсидаги кўплаб фермаларда) бу усулда унумли фойдаланиш натижасида ёзда сигирларнинг соғлиғини сақлаш, физиологик холатини яхшилаш, сутини кўпайтириш ва сути сифатини ошириш борасида катта ютуқларга эришилмоқда. Лекин бу сохада Ўзбекистон учун ягона тавсия ва қўлланма йўқ. 7.3. Сутнинг физик ва химик кўсаткичлари Сутнинг кислоталилиги. Сутнинг бу хусусияти унда фосфор тузлари ва оқсил моддаларнинг оз-кўплигига ва уларнинг гидролитик парчаланишига

боғлиқ. Янги соғиб олинган сутнинг кислоталилиги 16-18 0 Т (Тернер хисобида) га тенг бўлади. Баoзан айрим сигирларда ёки бутун подадаги сигирлардан соғиб олинган кислоталилиги 18 0 Т дан ортиқ бўлиши мумкин. Лекин бу тоза, янги соғиб олинган сутнинг кислоталлик холатини ифодалаш билан бирга унда сут кислота мавжуд деган маoнони англатилмайди. Умуман янги соғиб олинган сут иссиқ жойда сақланса ёки у тезда совутилмаса кислоталилиги ортиб боради ва ачийди, нордонлашади. Бу асосан сут таркибидаги сут кислота хосил қилишига боғлиқ. Агар сутнинг кислоталилиги 21 0 Т дан ортиқ бўлса, унда сифатли махсулот олиб бўлмайди. Аксинча, бу кўраткич 23-24 0 Т га тенг бўлса, у холда сут қайнатилганда ивиб қолади. Агар кислоталилиги 60-65 0 Т дажарада бўлса, сут ўзидан-ўзи ивиб қолади. Умуман, сутнинг кислоталилиши қабул қилинган нормадан ошмаслиги керак, акс холда ундан хар хил мақсадларда фойдаланиб бўлмайди. Сутнинг зичлиги. Сутнинг зичлиги асосан унинг таркибидаги қуруқ моддалар миқдорига боғлиқ. Сутнинг зиялиги +20 0 С ли сутнинг ўша хажмдаги +4 0 С ли сув вазнига нисбатидир. Сутнинг зичлиги, 1,028 дан 1,003 гача, айрим вақтларда 1,026 ёки 1,034 га тенг бўлиши мумкин. Сутнинг зичлиги уни сифатини аниқлашдаги усуллардан бири хисобланади. Сутнинг таркибига таoсир кўрсатадиган барча моддалар зичлигига хам тааллуқлидир. Сутнинг қаймоғи ошган сари зиялиги камайиб боради ва аксинча бўлиши мумкин. Сутнинг осмотик босими. Сутнинг осмотик босими биринчи галда унинг таркибий қисмига боғлиқ бўлиб, ўртача 6,6 атмосферага тенг. Сут 0,55 0 да музлайди, 100,2 0 да қайнайди. Сутнинг ёпишқоқлик хусусияти 1,7-2,0 га тенг (сувнинг ёпишқоқлиги эса 1 га тенг). Сутнинг ёпишқоқлиги унинг таркибидаги ёғ ва оқсил моддалар миқдорига боғлиқ.

Сутнинг ранги биринчи галда ёғ заррачалари миқдорига ва казеин моддасининг калpций билан аралашмасидан хосил бўлган калpций казеинат деб аталадиган химиявий модданинг миқдорига боғлиқ. Сутнинг хиди ўзига хос, турлича ва кўпроқ ёқимлидир. Сутнинг таoми мазали ва ёқимли бўлгани холда, бу хусусияти биринчи галда унинг таркибидаги органик ва анорганик моддалар миқдорига боғлиқ. Сут миқдори Сигирланда кўп ва сифатли сут соғиб олиш учун биринчи галда уларнинг тўйимли ва хилма-хил ем-хашак билан тўла таoминлаш керак. Ана шунда фақат сути кўпаймасдан, балки сутнинг химиявий таркиби хам яхшиланади. Айниқса, ундаги ёғ, оқсил, витамин ва минерал элементлар миқдори ортади. Шунинг учун хам соғин сигирларни сифатли ем-хашак билан тўйдириб боқиш улардан мўл-кўл серқаймоқ сут соғиб олишда мухим факторлардан бири хисобланади. Сигирларни хилма-хилем-хашаклар билан тўйдириб боқиб юқори натижаларга эришиб бўлмайди. Тажрибалардан маoлум бўлишича, сигирлар фақат бир хил ем-хашак билан тўйдириб боқилган тақдирда хам сути кўпаймайди ва сифати паст бўлади. Шунинг учун улар рациони мумкин қадар хилма-хил сифатли озиқларга бой бўлиши керак. Ана шунда сути кўп, сифати ва таркиби юқори даражада бўлиши таoминланади. Рациондаги озиқлар хилма-хил бўлиши билан бирга улар мумкин қадар минерал моддаларга, витаминлар ва микроэлементларга бой бўлиши керак. Акс холда уларнинг фойдаси кам бўлади, бўғозсигирлар эмбириони (хомиласи) суст ривожланади ва улардан нозим касалликларга чидамсиз, нимжон ва кеч туғулувчан бузоқ туғилади. Ана шуларни назарда тутган холда соғин сигирларга йил фаслларига қараб маккажўхори силоси, беда сенажи, пичан, янги ўриб олинган ўсимликлар (маккажўхори, арпа, сули, суданўт, беда кабилар) хамда қанд лавлаги, хашаки лавлаги, полиз мевалар бериш мақсадга мувофиқдир.

Сигирларга пиво заводи чиқиндилари (барди), ем озиқлар, жумладан, омихта, ем, арпа, маккажўхори ёрмасини буғланган ёки намланган холда бериш хам беда ва ўт унидан(витаминли озиқ сифатида) фойдаланиш, шунингдек, сабзавотлар ва консерва заводлари чиқиндилари(кунжара, шрот, шулха) ва биркетланган хамда донадор озиқлардан унумли фойдаланиш яхши натижа бериши кўплаб тажриба ва кузатишлардан аниқланган. Ем-хашакларнинг сут сифатига таoсири Сигирларнинг серсутлиги уларнинг зоти, истеoмол қиладиган ем-хашак миқдори ва турига, насли ва ташқи мухит таoсиридан ташқари, физиологик холатига ва индивидуал хусусиятларига хам боғлиқ. Бошқача қилиб айтганда, бир подада, бир хил шароитда, бир хил рационда боқиладиган сигирларнинг махсулдорлиги турлича бўлиши мумкин. Сигирларнинг физиологик холати деганда, кўпроқ уларнинг ориқ- семизлиги,ёши, бўғозлиги, сутдан чиқиши, туғиши, моддалар алмашинуви процессининг жадал ёки суст бориши, ташқи мухит шароитига мосланиши, бинобарин, уларнинг соғлиғи ва клиник кўрсаткичлари хисобга олинади. Шунинг учун хам серсут сигирлар сутининг сифати ва уларнинг физиологик холатига ва индивидуал хусусиятларига хам боғлиқ. Сигирларнинг физиологик ва клиник холати улардан соғиб олинадиган сутнинг хам миқдорига, хам таркибига таoсир кўрсатиши кўп тажрибаларда текшириб кўрилган. Масалан, сигир касал бўлиб қолганда, касалликнинг оғир ёки енгиллигига кўра, сутнинг таркиби турлича ўзгариши мумкин экан. Агар сигир елини яллиғланиб қолса, яoни мастит билан оғриса, унинг сутидани ёғ, оқсил, сут шакари, витаминлар ва қуруқ моддалар миқдори кескин камайиб, унинг ўрнига хлор ва айрим минерал тузлар кўпайиб кетиши мумкин экан. Бундан ташқари, сигирнинг касалланиб қолган елин паласидан соғиб олинган сутнинг таркиби соғлом паласиникига нисбатан сифатсиз бўлиши кузатилган.

Адабиётлар : 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

Похожие

Қорамолларнинг гўшт махсулдорлиги

Чорвачилик тармоғида ишлаб чиқаришни ташкил қилиш ва режалаштириш

Қишлоқ хўжалик хайвонларининг биологик хусусиятлари

Кишлок хужалик хайвонларининг махсулдорлиги

Зоогигиена асослари