Зоогигиена асослари - Сельское и лесное хозяйство - Рефераты

Зоогигиена асослари

Загружено в:

20.09.2019

Скачано:

0

Размер:

71 KB

З оогигиена асослари Режа: 1. Зоогигиена асослари. 2. Чорвачилик биноларига бўлган санитария ва гигиена талаблари. 3. Комплекс қуриш учун махсус қисмларга бўлинган зогигиена талаблари. 4. Ёруғликнинг гигиеник ахамияти. 5. Хаво режимининг хайвон организмига таoсири.

Таянч сўз ва иборалар: Зоогигиена, ветеринария, ззотехника, микроиқлим, хусусий зоогигиена, санитария холати, бино фундаменти, ёруғлик коэффициенти,хаво режими, микроиқлим. Зоогигиена асослари Зоогигиена (қишлоқ хўжалик хайвонлари гигиенаси) чорва молларининг соғлиғини сақлаш, шунингдек, уларни боқиш, асраш, парваришлаш ва тўғри фойдаланиш қоида хамда тадбирлари асосида махсулдорлигин оширишга қаратилган фандир. Зогигиена фани хайвон организмига ташқи мухит таoсирлари (об-хаво, иссиқлик, ёруғлик, совуқ, шамол, намлик, турли хил газлар, тупроқ, сув, озиқ ва бошқалар) ни ўрганади ва бу таoсирларга нисбатан турли хил хайвонлар учун нормал шароит режаларини тузади. Шунингдек, чорвачилик биноларини қуриш ва улардан фойдаланиш усул хамда нормативларини ишлаб чиқиш хам зоогигиена фани зиммасига тушади. Зоогигиена фанининг асосий мақсадларидан бири хайвонларни турли хил касалликларда сақлаш, касалликларнинг олдини олиш каби тадбирларни ишлаб чиқишдан иборатдир. Амалий жихатдан бу фаннинг вазифаси фақатгина чорва молларининг соғлиғини сақлаш, махсулдорлигини ошириш билан чекланмасдан улардан сифатли махсулот олиш, унинг таннархини арзонлаштириш хамда кам маблағ сарфлаган холда кўп махсулот етиштиришдир. Кейинги йилларда чорвачиликни саноат асосида жадал ривожлантириш ва бу борада ишлаб чиқариш жараёнларини комплекс механизациялаштириш, шунингдек, йирик чорвачилик комплексларини қуриш зоогигиена фани олдига янада катта ва мухим вазифаларни юклади. Зоогигигена фани биринчи галда ветеринария билан боғлиқ бўлса, зоотехния, экономика, физика, химия, физиология, микробиология, климатология ва инженерлик фанлари билан алоқадордир. Зоогигиена фани маoлумотлари турли умумпрофилактик, ветеринария-санитария ишларида,

қишлоқ хўжалик хайвонлари касалликларининг олдини олиш сохасида фойдаланилади. Бу фан одам гигиенаси билан хам боғлиқдир. Зоогигиена фани кўрсатмаси билан олиб бориладиган бир қанча тадбирлар чорвачиликда хизмат қиладиган мутахассисларни хам турли хил касалликлардан сақланиш чораларини ишлаб чиқади. Чорва молларини тўғри асраш ва боқиш, молхоналар миқроиқлимини юқори даражада бўлиши, чорва ходимлар мехнат гигиенасини кўтариш имконини беради. Зоогигиена фани ўз хусусиятига кўра икки қисмга: умумий ва хусусий зоогигиенага бўлинади. Умумий зоогигиена фани барча турдаги чорва хайвонлариги тааллуқли бўлган соғлиқни сақлаш, махсулдорликни ошириш каби масалаларни ўрганади. Хусусий зоогигиена эсахир бир тур хайвоннинг хўжалик ва биологик хусусиятларини хисобга олган холда махсус тавсиялар бериш тўғрисида кузатишлар олиб боради. Чорвачилик биноларига бўлган санитария ва гигиена талаблари Чорвачиликнинг барча сохаларини саноат асосида ривожлантиришга кўчириш ва йирик чорвачилик комплексларининг қурилиши муносабати билан молхоналар микроиқлимига ва хайвонлар гигиенасига алохида эoтибор бериш мухим масала бўлиб қолмоқда. Бунга асосий сабаб боқиладиган хайвонлар сонининг тоборо ортиб бориши, молхоналар йирик бўлишига қарамасдан уларнинг зич холда жойланиши, кўплаб хайвонларни йил мобайнида фақатгина молхоналарда сақланиши, шунингдек, барча мехнат жараёнларини механизация ва автоматизация ёрдамида олиб борилишидир. Лекин шунга қарамасдан хозирги замон молхоналари хамма турдаги хайвонлар учун қулай, майдони етарли, тоза, ёруғ ва хар томонлама талабга жавоб берадиган бўлиши керак. Бундан ташқари замон талабига тўла жавоб бера оладиган молхоналар санитария ва гигиена қоидалари асосида қурилиши, унда сақланадиган молларга қулайликлар яратилган холда бўлиши, мутахассис ва ходимлар хизматини осонлаштиришга қаратилган,

қурилиши ва кўп маблағ талаб қилмайдиган ва узоқ муддатга чидайдиган бўлиши керак. Чорвачилик бинолари хар бир зона ва вилоятнинг об-хаво, иқлим, тупроқ, ишлаб чиқариш ва иқтисодий шароитларини хисобга олган холда тасдиқланган типовой молхоналар асосида қурилиши лозим. қуриладиган молхоналарнинг катталиги хайвонларнинг тури, махсулот йўналиши, ер ресурслари ва ем-хашак билан тўла таoминлай олинишини назарда тутган холда бўлиши мақсадга мувофиқдир. Масалан, сут йўналишидаги чорвачилик комплекслари асосан 200, 400, 800, 1200 ва 2000 бош сигирга сўлжалланган бўлиши керак. Сут-товар ва наслчилик фермаларини қуришда молхоналар молларни боғлаб боқишда 200 ва 400 бош сигирга, бошбоғсиз боқишда эса 400 ва600 бошга мўлжалланган бўлиши мумкин. Бузоқхоналар бузоқларни туғилганидан то сутдан чиққунга қадар даврда боқишни мўлжалланган холда 114, 228 ва 342 бошга мўлжалланиши лозим. Сигирларнинг туғруқхоналари эса 24, 28 ва 72 бошга мўлжалланган бўлиши мақсадга мувофиқ. Умуман чорвачилик биноларининг у ёки бу типини қуриш мўлжалланганда барча факторларга: механизация даражаси, ташқи мухит шароити, ўлканинг хусусияти, хайвонларнинг тури, ёши, махсулоти, сақлаш усули ва асосан қўйилган мақсад диққат марказида бўлмоғи лозим. Комплекс қуриш учун махсус қисмларга бўлинган зогигиена талаблари Ўзбекистон зоналари шароитида чорвачилик юиноларининг деворлари ташқи иссиқ ва совуқ хароратни ушлаб қоладиган материал ва ускуналардан қурилиши керак. Шунинг учун девор материаллари ғалвирак, тешик-тешик материаллардан бўлгани маoқул. Чунки бундай материаллар ўзидан хавони қисман ўтказгани холда иссиқ ва совуқ хавони ўтказмайди.

Бинонинг фундаменти мустахкам ва чидамли материаллардан қурилиши керак. Ердан фундамент орқали бино деворларига намлик ўтишига йўл қўймаслик мақсадида бинонинг фундаменти билан девори ўртасига икки қават тўл ёки бошқа нам ўтказмайдиган материал қўйилиши лозим. Фундамент ер ости сувларидан камида 0,5 м баландроқ қурилиши керак. Бинонинг девори юқорида айтилиб ўтилганидек иссиқ ва совуқ хароратни ўтказмайдиган, қуруқ хавони бир оз ўтказа оладиган ғилвираксимон материаллардан қурилиши лозим. Унинг қалинлиги хар бир областнинг иқлим шароитларига боғлиқ бўлади. Деворлар тез-тез оқланиб, тозаланиб ва дезинфекция қилиб турилади. Бинонинг шипи хонани хаддан ташқари исиб кетишига йўл қўймайдиган, қуруқ, енгил, текис ва мустахкам материаллардан қурилади. Бундай материалар бино ичини дезинфекция қилиб туриш учун хам қулай бўлиши керак. Бинонинг поли хонадаги микроиқлим, санитария ва гигиеник холат, молларнинг соғлиғи, тозалаги, махсулотнинг сифатига ижобий таoсир кўрсатувчи факторлардан бири хисобланади. Шунинг учун у иссиқ, қуруқ, сув ўтказмайдиган, тозалашга қулай, мустахкам, эластик, хайвонларнинг сирпаниб кетишига йўл қўймайдиган, дезинфекция қилиш қулай бўлиши керак. Бино полининг мухим кўрсаткичи ўзидан сув ўтказмаслик хусусиятидир. Хайвон сийдигини канализация томон оқиб тушиши учун у бир оз нишаб, хар бир метрда 1-2 смбаландроқ бўлиши керак. Тахта пол иссиқ бўлгани билан ўзидан намлик ўтказади, 3-5 йилда ишдан чиқади ва дезинфекция қилиш учун хам ноқулай хисобланади. Асфаpлт пол ўзидан нам ўтказмагани холда анча совуқ бўлади. Бетон пол мустахкам бўлади, ўзи орқали сув ўтказмайди, лекин хайвон учун совуқ хисобланади. Шунинг учун хам хозирги вақтда барча талабларга жавоб бера оладиган полимерланган керамзит асфалpтобетон, керамзитобетон поллар ишлаб чиқиш конструкциялари тавсия этилган.

Ёруғликнинг гигиеник ахамияти Барча чорвачилик биноларида табиий, сунoий ва аралаш холдаги ёруғликдан фойдаланилади. Ёруғликнинг хайвон организми учун ахамияти каттадир. Ёруғлик хайвонлар учун иссиқлик, нур ва химиявий таoсир кўрсаатади. Иссиқлик бўйича асосан инфрақизил ва қизил нурларни ахамияти катта. Бу нурлар хайвон танасига бир неча см гача кириб боради. Фермалардан бундай нурлардан касал хайвонни иситиш ва ёш моллар танасини чиниқтириш мақсадида фойдаланилади. Маoлум бўлишича улpтрабинафша нурлар хайвон терисига 0,7-0,9 мм гача кириб боради ва химиявий таoсир кўрсатади. Хамма хайвонларда кўз ва тери орқали қабул қилинадиган ёруғлик нурлари бош мия пўстлоғидаги кўриш марказларига ва у орқали эндокрин системасига хамда бутун танага таoсир этади. Хайвонлар учун қуёш нурининг ахамияти нихоятда каттадир. У бактерицидлик хусусиятига эга. Бундан ташқари хайвон организмида модда алмашув жараёнларини тезлаштиради. Бунинг натижасида хайвоннинг иштихаси кучаяди, овқат яхши хазм бўлади, қон айланиши ва қондаги шаклий элементларнинг хосил бўлиши жадаллашади. Шунингдек, газ ва кислоротнинг тўқималарга етиб бориши яхшиланади. Агар қуёш нуридан нормал фойдаланилса хайвон танаси соғлом, харакатчан ва чиниққат бўлади, махсулдорлиги ошади. қуёш нури хайвон терисини бир қатор касалликларга чидамлилигини оширади, жун қатламини ўсишини тезлаштиради, яраларинитез тузалишига ёрдам беради. қуёш нури хайвонларнинг урчишига ва жинсий органларига ижобий таoсир кўрсатади. Ёш хайвонлар учун қуйш нури ва ёруғлик етарли бўлмаса урчиш органларининг ривожланиши сусаяди, катта ёшдаги хайвонларда жинсий активлар пасаяди ва серпуштлилик хусусияти яхши натижа бермайди. Юқорида келтирилган ёруғлик ва қуёш нурининг хайвон организмига кўрсатадиган хамма ижобий таoсирларини яхши билган чорвадорлар ўз

молларини боқиш, асраш, сақлаш ва парваришдаги илмий тавсияларга алохида ахамият бурган холда яхши натижаларга эришмоқдалар. Молхоналарни ёритишбиринчи набватда бинони жойланиш хусусиятига, дераза ойналарининг сатхига боғлиқ бўлади. Молхоналрнинг ёруғлиги “ёруғлик коэффициенти” билан белгиланади. Ёруғлик коэффициенти деб молхонага ёруғлик тушиб турадиган дераза ойнасининг сатхини пол сатхига бўлган нисбатига айтилади. Бу нисбат турли хил чорва моллари учун тулича бўлиши мумкин. Шундай қилиб парваришдаги чорва моллари ва паррандалар учун ёруғлик коэффициентини тузишда уларнинг ёши, махсулот йўналиши ва физиологик холати хисобга олинади. Чанг ва уни хайвон организига таoсири. Атмосферада бўлганидек, молхоналардаги хавонинг таркиби хали маoлум миқдорда чанг бўлиши мумкин. Чанг асосан қуруқ озиқлар берилганда, молларнинг танаси ва ости тозаланганда, хоналар супирилганда хосил бўлади. Хаво режимининг хайвон организмига таoсири Хаво режими хаво организмига хар томонлама таoсир этади. Метеорологик шароитлардан қор ва ёмғир вақтинча таoсир кўрсатса, айримлари яoни: харорат, намлик, шамол ва хавонинг харакати кабилар доимий таoсир этади. Об-хавонинг хайвон соғлиғига ва махсулдорлигига катта таoсир қилиши кўплаб тажрибаларда аниқланган. Кескин ўзгарувчан об-хаво ва иқлим хайвон организмига кучли ва салбий таoсир қилади. Айниқса ёш моллар ташқи мухитни кескин ўзгаришига чидамсиз бўлади. Республикамизнинг вилоятларида боқилаётган хайвон турлари ўз шароитига яхши мослашган бўлади. Шунга кўра уларнинг физиологик фунцияси, клиник кўрсаткичлари, модда алмашув жараёнлари, овқат хазм қилиш, урчиш ва кўпайиш хусусиятлари муайян холда талабга жавоб беради. Лекин бир-биридан кескин фарқ қиладиган зоналарга олиб борилган

хайвонларда ташқи мухит шароитига мосланиш даврида бир қанча қийинчиликларга дуч келинади. Совуқ иқлимда хайвонлар совуқдан қийналса, иссиқ иқлим шароитида уларнинг танаси қизиб кетади, нафас олиш ва юрак фаолияти оғирлашади. Хайвон организми учун фасллар хам маoлум даражада таoсир кўрсатади. Айрим фаслларда юқумли, юқумсиз ва инвазион касалликлар кўпайиб кетиши мумкин. Шунинг учун хам чорвачилик комплексларини қуришда ва бошқа ишларин планлаштиришда технологик жараёнлар диққат марказида турмоғи лозим. Масалан, бу борада чорвачилик комплекслари атрофини кўкаламзорлаштириш, сув билан таoминлаш, комплекс биноларида микроиқлим, иситувчи мосламалар, вентиляция, канализация, хайвонларни зичлиги, махсулот йўналиши, ёши ва бошқалар шулар жумласидандир. Микроиқлим деганда молхоналардаги хаво мухитининг физик холати ва химиявий таркиби комплекси тушунилади. Бунгабир қанча факторлар, яoни хавонинг харорати, таркиби, намлиги, харакати (шамол), ёруғлик, газ, хавонинг чангланиши ва бошқалар сўзсиз таoсир кўрсатади. Бундан ташқари теварак-атрофнинг қандай бўлиши масалан, қир-адирми ёки боғ-роғларми, кўкаламзорларми, пастлик ёки тепаликми, молхоналардаги ишларни механизация ёрдамида бажарилиши, хайвонлар зичлигини нормативлар асосида бўлиши хам микроиқлим холатига таoсир кўрсатади. Чорвачиликни саноат асосида ривожлантирувчи йирик чорвачилик комплексларида микроиқлимга бўлган талаб нихоятда каттадир. Чунки юқори махсулдор моллар ва зотлар, ўсувчан группалар микроиқлимга жуда талабчан бўлади. Акс холда, яoни улар учун етарли даражада микроивлим яратилиб берилмаса, чорвачилк тармоқларининг ривожланиши пасаяди, хацвонларнинг соғлиғига путур етади ва уларнинг махсулдорлиги кескин камайиб кетади. Оптимал даражадаги микроиқлим хайвонларнинг соғлиғини яхшилашга, жинсий фаолиятини нормал бўлишига, уларнинг ўсиши ва

ривожланишига, сут, гўшт, жун ва тухум махсулотини ортишига, харакатчанлигининг юқори бўлишига қаратилиши лозим. Шундай қилиб, хозирги вақтда автоматлар томонидан бошқарилиб турувчи нормал даражадаги микроиқлим яратиб берувчи қурилмалар бўлмоғи керак ва улар барча турдаги хамда типдаги чорвачилик комплексларида ўз ишини муайян холда давом эттирмоғи лозим. Молхоналарни шамоллатиш ишлари (вентиляция). Хоналарни шамоллатиш деганда ундаги эскирган зарарли хавони ташқарига чиқариб, унинг ўрнига тоза хаво киритиш тушинилади. Хоналарни шамоллатиш микроқлим ташкил этиш билан чамбарчас боғлиқдир. Хоналарни шамоллатиб туриш туфайли талаб этилган харорат, намлик ва хавонинг харакати вужудга келтирилади, шунингдек, зарарли ва захарли газлар тоза хаво билан алмашинади. Агар молхоналар яхши шамоллатилмаса, захарли ва зарарли газлар миқдори, намлик ва хавонинг харорати ортиб кетади, бу эса хацвонларнинг соғлиғига ва махсулдорлигига салбий таoсир кўрсатади.

Адабиётлар : 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

Похожие

Сабзавотчиликнинг биологик асослари

Уругчиликнинг назарий асослари

АЛТнинг принципал асослари

Агрономик токсикологик асослари

Чорва молларида учрайдиган асосий касалликлар