Oliy maktabdagi pedagogik texnologiyalarning ilmiy-nazariy asoslari - Педагогиka - Рефераты

Oliy maktabdagi pedagogik texnologiyalarning ilmiy-nazariy asoslari

Загружено в:

20.09.2019

Скачано:

0

Размер:

65.5 KB

Oliy maktabdagi pedagogik texnologiyalarning ilmiy-nazariy asoslari Reja: 1. Pedagogik texnologiya tushunchasi. 2. Pedagogik faoliyatni texnologiyalashtirish ijtimoiy zaruriyat ekanligi. 3. Pedagogik texnologiya aspektlari. 4. Pedagogik texnologiya tarkibi. 5. Texnologiya mezonlari va prinsiplari.

Asosiy tushunchalar: pedagogik texnologiya aspektlari, ierarxik darajalari, pedagogik texnologiya tarkibi, texnologik jarayon, texnologiya mezonlari, bilimlarni o'zlashtirish, pedagogik texnologiya tushuchalari. O'zbekiston Respublikasi ijtimoiy taraqqiyotining demokratik-huquqiy, fuqarolik jamiyati qurish yo‘lidan dadil bormoqda. Iqtisodiy, madaniy-ma‘rifiy, xalq ta'limi sohalarida islohotlar va yangilanish jarayonlari bosqichma-bosqich, izchillik bilan amalga oshirilmoqda. Zero, jamiyatning taraqqiyoti, uning rivojlangan mamlakatlar qatoridan munosib o'rinni egallashi bugungi kunda ta'lim olayotgan yoshlarning ma'naviy salohiyati, keng dunyoqarashi va chuqur ilmiy, mustaqil fikrlashiga bog'liq. Mustaqillik tufayli pedagogika fanining taraqqiyotida olamshumul o'zgarishlar yuz berdi. Mamlakatimizning ma‘naviy salohiyatini oshirish, ta'lim tizimini tubdan isloh qilish, kadrlar tayyorlash Milliy dasturi, “Ta'lim to'g'risida”gi Qonunni tayyorlash va amalga oshirish pedagogika fanining zimmasiga tushdi. Pedagogikaning predmeti shaxsni shakllantirish muammosi Kadrlar tayyorlash Milliy modelida o'z aksini topdi. Mustaqil O'zbekiston taraqqiyotida hal qiluvchi muammolar: xalqimizning ming-ming yillik qadriyatlarini, pedagogik merosini o'rganish va ta'lim-tarbiya jarayonini milliylashtirish, jamiyat taraqqiyotida ma‘naviyatning ustivorligini ta‘minlash va ma‘naviy tarbiya nazariyasini, amaliyotini takomillashtirish; yoshlar ongiga milliy mafkura, milliy g'oyani singdirish, vatanparvarlik tarbiyasini yangi mazmun va metodikasini ishlab chiqish; jahon andozalariga mos ta'lim tizimini yaratish, ilg'or pedagogik tajribalarni ommalashtirish, pedagogik kadrlarni hozirgi davr talabi asosida ta'lim-tarbiya ishiga tayyorlash, pedagogik texnologiya bilan qurollantirish kabilar pedagogika fanining dolzarb vazifasi bo'lib qoldi. O'zbekistonda Kadrlar tayyorlashning Milliy dasturida ta'lim-tarbiyani tubdan isloh qilish ilg'or pedagogik texnologiyalarni joriy etish; «Ta'lim berishning ilg'or pedagogik texnologiyalarini, zamonaviy o'quv-uslubiy majmualari yaratish va o'quv-tarbiya jarayonini didaktik jihatdan ta‘minlash”ga bog'liqligi ko'rsatiladi. Ma‘lumki, Milliy dastur bosqichma-bosqich amalga oshirilishi ko'zda tutilgan edi.

Birinchi bosqich (1997-2001 y.) mavjud kadrlar tayyorlash tizimini isloh qilish va rivojlantirish uchun huquqiy, ilmiy-uslubiy, moliyaviy moddiy shart-sharoitlar yaratish “...jumladan pedagog va ilmiy-pedagogik kadrlar tayyorlash hamda ularni malakasini oshirishni zamon talablariga javob beradigan darajada tashkil etish”. Ikkinchi bosqich: (2002-2005 y.) Milliy dasturni to'la ro'yobga chiqarish, mehnat bozorini rivojlantirish va real ijtimoiy-iqtisodiy sharoitlarini hisobga olgan holda unga aniqlik kiritish, “Ta'lim muassasalarini moddiy texnika va axborot bazasini mustahkamlash davom ettiriladi, o'quv-tarbiya jarayoni yuqori sifatli o'quv adabiyotlar va ilg'or pedagogik texnologiyalar bilan ta‘minlanadi”. Uchichnchi bosqich: (2005 va undan keyingi yillar) to'plangan tajribalar tahlil etilishi,ularni umumlashtirish asosida mamlakatni ijtimoiy-iqtisodiy rivojlantirish istiqbollariga muvofiq kadrlar tayyorlash tizimini takomillashtirish va yanada rivojlantirish” ko'zda tutilgan edi. Ta'lim muassasalarini resurs, kadrlar va axborot bazalari yanada mustahkamlash, o'quv - tarbiya jarayonini yangi o'quv-uslubiy majmualar, ilg'or pedagogik texnologiyalar bilan to'liq ta‘minlash ko'zda tutilgan” edi. Bunda biz pedagogik texnologiya Milliy dasturni amalga oshirishning muhim vositasi ekanini ko'ramiz. Belgilangan vazifalar asosida bugungi kunda ta'lim sohasida juda katta ishlar amalga oshirildi va oshirilmoqda. Zamonaviy texnologiyaning ta'lim jarayoniga kirib kelishi jadallashmoqda. Jamiyat taraqqiyoti hozirgi davrda ijtimoiy hayotning barcha sohalarini texnologiyalashtirishni taqozo qilmoqda. Ayniqsa pedagogik faoliyatni texnologiyalashtirish har qachongidan ham zaruriyatga aylanmoqda. Bu zaruriyat quyidagilar bilan izohlanadi: - birinchidan, jamiyatimizning taraqqiy etgan mamlakatlar qatoridan o'rin olishi hamda aholi ta'limini jadallashtirish va samaradorligini oshirish maqsadida; - ikkinchidan, o'qituvchi faoliyatiga faqatgina o'quv jarayonining tashkilotchisi emas, balki nufuzli bilimlar manbai sifatida qaralayotganligi;

- uchinchidan, fan-tehnika taraqqiyotining o'ta rivojlanganligi natijasida axborotlarning keskin ko'payib borayotganligi va ularni yoshlarga etkazish uchun vaqtning chegaralanganligi; - to'rtinchidan, kishilik jamiyati o'z taraqqiyotining shu kundagi bosqichida nazariy va empirik bilimlarga asoslangan tafakkurdan tobora foydali natijaga ega bo'lgan, aniq yakunga asoslangan texnik tafakkurga o'tib borayotganligi; - beshinchidan, yoshlarni hayotga mukammal tayyorlash talabi ularga eng ilg'or bilim berish usuli hisoblangan ob‘ektiv borliqqa tizimli yondashuv tamoyilidan foydalanishni talab qilayotganligi. Pedagogik faoliyatni texnologiyalashtirish yuqorida sanab o'tilgan beshta shartlarning barcha talablariga javob beradigan ta'limiy tadbirdir. Hozirgi davr ta'lim nazariyasida pedagogik texnologiya tushunchasiga keng urg'u berilmoqda. Pedagogik adabiyotlarda “texnologiya”, “pedagogik texnologiya” terminiga har xil ta'riflar mavjud. Bu ta'riflar har bir muallifning pedagogik texnologiyaga o'ziga xos yondashuvi asosida vujudga kelmoqda. Pedagogik texnologiya nima? Bu haqida ko'pgina mualliflar o'z ta'riflarini berganlar. Bular: BMT ning nufuzli idoralaridan biri bo'lgan YUNESKO ta'rificha: Ta'lim texnologiyasi – ta'lim modellarini optimallashtirish maqsadida, inson va texnika resurslari va ularning o'zaro ta‘sirini hisobga olgan holda, butun o'qitish va bilimlarni o'zlashtirish jarayonini aniqlash, yaratish va qo'llash tizimidir. V.P.Bespalko: «har qanday faoliyat yoki texnologiya, yoki san‘at bo'lishi mumkin. San‘at ichki sezgi (intuitsiya)ga, texnologiya esa fanga asoslanadi. hammasi san‘atdan boshlanadi va texnologiya bilan tugaydi va yana qaytadan boshlanadi» - degan edi. M.Ochilov “Pedagogik texnologiya – tizimli, texnologik yondashuvlar asosida ta'lim shakllarini qulaylashtirish, natijasini kafolatlash va ob‘ektiv baholash uchun inson salohiyati hamda texnik vositalarning o'zaro ta‘sirini

inobatga olib, ta'lim maqsadlarini oydinlashtirib, o'qitish va bilim o'zlashtirish jarayonlarida qo'llaniladigan usul va metodlar majmuidir”, degan ta'rifni beradi. Pedagogik texnologiyaga professor N.Saidahmedov: “Pedagogik texnologiya bu o'qituvchi (tarbiyachi) tomonidan o'qitish (tarbiya) vositalari yordamida o'quvchilarga ta‘sir ko'rsatish va bu faoliyat mahsuli sifatida ularda oldindan belgilab olingan shaxs sifatlarini shakllantirish jarayoni”-degan ta'rifni beradi. Ta'lim texnologiyasi – oldindan belgilangan o'quv maqsadlariga erishishni kafolatlaydigan, ta'lim jarayonida inson va texnika resurslaridan foydalanishning loyihalashtirilgan muayyan tizimi. XTV “Multimediya umumta'lim dasturlarini rivojlantirish” markazi ta'rifi. Keltirilgan ta'riflarni ilmiy-falsafiy nuqtai nazardan tahlil qiladigan bo‘lsak, uzoq horijda berilgan ta'riflar bilan MDH mamlakatlari olimlari bergan ta'riflari bir-biriga yaqin kelsada, farqi ham anchaligini ko‘ramiz. Jumladan, YuNYESKO ta'riflarida tizimli yondashuv tamoyillariga alohida urg'u berilgan. Pedagogik texnologiya fan sifatida ham, shuningdek, ta'lim jarayonida qo'llaniladigan prinsiplar, yo'l va usullar sifatida ham shakllanib kelmoqda.. “Pedagogik texnologiya” ni uchta aspektda ko'rish mumkin. Nazariya: Pedagogik texnologiya pedagogika fanining, ta'limning maqsadi, mazmuni va metodlarini ishlab chiquvchi, pedagogik jarayon loyihasini tuzuvchi qismi. Harakatli jarayon : Ta'limning rejalashtirilgan natijasiga erishish uchun uning maqsadi, mazmuni, metod va vositalariga erishishni tasvirlash jarayoni yoki algoritmi. Amaliy jarayon : Pedagogik texnologiya jarayonini amalga oshirish, shaxsga ma‘lum sifatlarning shakllanishi uchun pedagogik jarayon vositalarini ishga solish. Pedagogik texnologiyani o'quv amaliyotida uzviy bog'liq uch ierarxik darajada ko'rsatish mumkin:

Pedagogik texnologiya tarkibiga quyidagilar kiradi. Pedagogik texnologiya quyidagilarni ta‘minlaydi. Pedagogik texnologiya O'quvchilarning rivojlanishi, ijodiy shug'ulla- nishining me- tod va vositalarini tafakkur rivojini, o'rganadi, qiyinchiliklarni енгишга ўргатади. O'quvchilarda o'quv materialini tushunishning, muammoli izlanishning yangi shakllarini egallashlarigа imkon beradi. O'quv yurtida ijodiy ta'limiy shart- sharoitlar yaratadi. Har xil real ijodiy pedagogik vazifalarn i echish tajribasini egallashga yordam beradi. Bilish, izlanish jarayonini boshqarishni ta‘minlaydi

Texnologiya mezonlari: Pedagogik texnologiya quyidagi talablarga javob berishi lozim: - o'quv-tarbiyaviy jarayonda o'quv-texnik vositalari ob‘ekt va usullaridan maqsadli foydalanish. - pedagogik jarayonda muloqot tizimini to'g'ri tashkil etish va pedagogik ma‘lumotlarni taqdim etish. - o'quvchilarning bilim olish jarayonini boshqarish tizimi. (o'zlashtirish faoliyatidagi boshqaruv tizimi). - belgilangan masalani echish maqsadida pedagogik jarayon uslub va vositalarini shakllantirish. - o'qish va tarbiya jarayonini rejalashtirish - bir-biriga bog'liq g'oyalar tizimi, insonlar faoliyatini tashkil etish vositalari, ta'lim maqsadiga erishish resurslarini ichiga olgan yaxlit integrativ jarayon. -pedagogik tizimni texnologik loyihalash. Ta'lim jarayonini amalga oshirish va baholashni rejalashtirishda quyidagi mezonlarga tayaniladi: Konseptuallik : Har bir pedagogik texnologiya o'z tarkibida falsafiy, psixologik, didaktik, ijtimoiy pedagogik asosni qamrab olgan aniq ilmiy kontsepsiaga tayanishi lozim. Tizimlilik: Pedagogik texnologiya hamma o'zaro bog'liq qismlardan iborat tizimning mantiqiy jarayoni belgilariga ega bo'lishi va yaxlit bo'lishi lozim: Jarayonning mazmun-mohiyati uning qismlarining uzviy bog'liqligi, yaxlitligidan iborat. Samaradorlik.

Zamonaviy pedagogik texnologiyalar raqobatli shartlar asosida mavjud bo'lib, natijalar bo'yicha samara berishi, optimal harakatli bo'lishi va ta'limning ma‘lum bir standartlarini kafolatlashi shart. Qo'llanuvchanlik. Pedagogik texnologiya bir xil ta'lim muassasalarida boshqa sub‘ektlar tomonidan ham qo'llanilish imkoniyatini beradi. Pedagogik texnologiyaning ilmiy asoslari. Har qanday umumpedagogik ta'lim texnologiyasi falsafiy asosga ega. Biroq o'qitish metodi va vositalarida falsafiy asosni topish qiyin. Gohida g'oya nuqtai nazaridan bir-biriga zid bo'lgan texnologiyalarda ham bir xil metodlar qo'llanilishi mumkin. Shuning uchun ham texnologiyaning o'zi o'zgaruvchan bo'lib, u yoki boshqa falsafiy asosga moslashishi mumkin. Bir nechta alternativ falsafiy asoslarni qayd etamiz. - materializm va idealizm. - dialektika va metofizika. - gumanizm va antigumanizm. - antronosofiya va teosofiya. - pragmatizm va ekzistensializm. Texnologiya tayangan, asosiy psixik rivojlanish omillari quyidagilar: 1.Psixikaning rivojlanishini biologik nasl (genetik) kodi orqali aniqlash mumkin bo'lgan, tashqi muhit irsiyatdan o'tganlarni qo'llaydi degan taxminni ilgari suruvchi biogen texnologiya; 2.Shaxsning ijtimoiy muhit ta‘sirida shakllangan sifatlari. 3.Insonning tajribalari asosida o'z-o'zini takomillashtirishini ko'rsatuvchi rivojlanishning psixologik natijalari.

4.Shaxs va uning sifatlari paydo bo'lganligini o'ziga xos e‘tirof etuvchi idealistik qarashlar. 5.Falsafiy-pedagogik ilmiy konsepsiyalar. Tushunchalarni shakllantirish nazariyasi. Ta'lim jarayoni ma‘lum bir o'zlashtirilgan tushunchalarni umumlashtiradi. Bu tushunchalar an'anaviy pedagogikada ham e'tirof etilgan. O'quvchilarning bilimlarni o'zlashtirish jarayoni quyidagi tushunchalarda o'z aksini topgan. 3-chizma Ana shu o'zlashtiish jaraonini tashkil etish o'qituvchidan katta mahorat, bilim va texnologiyani talab etadi. O'qituvchi o'quvchilarning bilimlarni o'zlashtirish jarayonini tashkil etish yo'llarini tinimsiz izlashi, o'quvchilar faoliyatini tashkil etish texnologiyasini puxta o'zlashtirgan bo'lishi zarur. Pedagogik texnologiyaga asoslangan ta'lim jarayonida o'quvchilarning bilimlarni o'zlashtirish jarayoni samarali kechadi.

Adabiyotlar: 1. O'zbekiston Respublikasi «Ta'lim to'g'risida»gi qonuni. – T.: 1997 2. O'zbekiston Respublikasi Kadrlar tayyorlash milliy dasturi. – T.: 1997 3. Azizxo'jaeva N.N. Pedagogik texnologiya. Pedagogik mahorat. – T.: “O'qituvchi”, 2003 4. Voinova M.G. Pedagogicheskie texnologii i pedagogicheskoe masterstvo (v prep. yurid.dissiplin) – Tashkent, “Iqtisod-moliya”, 2006 5. Aleshina G. P. O vejlivosti, takte i delikatnosti... — L., 1990

Похожие

Pedagogik texnologiyalarning ilmiy asoslari

Ilmiy-pedagogik tadqiqotlarning nazariy asoslari

Oliy maktabdagi muammoli o'qitish texnologiyasi

Pedagogik texnologiyaning nazariy va metodologik asoslari

Oila pedagogikasining nazariy, milliy va ilmiy asoslari