Мутахассислик фанларидан дарсларни тақвимий режалаштириш - Педагогиka - Рефераты

Мутахассислик фанларидан дарсларни тақвимий режалаштириш

Загружено в:

20.09.2019

Скачано:

0

Размер:

52.5 KB

Мутахассислик фанларидан дарсларни тақвимий режалаштириш Режа: 1. Дарсни режалаштириш турлари 2. Мутахассислик фанининг алоҳида мавзулари бўйича дарсни режалаштириш қоидалари 3. Дарснинг тақвимий режаси схемасини тузиш

Дарснинг самарадорлиги унинг материал ва методик жиҳатдан тайёргарлик сифати ва режалаштиришига боғлиқ бўлади. Дарс – яхлит тизим, унинг тузилиш жараёнида таълимий, тарбиявий, ривожлантирувчи мақсадлар, мазмун, шакл, услуб ва вазифалари юзага чиқади. Яхлит тизимни тузиш учун ўқитувчи дарсни режалаштириш керак, унга яхши тайёргарлик кўриш керак. Режалаштириш икки хил бўлади: - мавзунинг тақвимий режаси; - дарснинг тақвимий режаси. Тақвимий режа – биринчи навбатда дарс тизими ва дарсдан ташқари машғулотларда асосий функциялар (таълимий, тарбиявий, ривожлантирувчи)ни амалга оширишга оптимал йўлни танлашга хизмат қилади. Дарснинг тақвимий режаси – мавзунинг тақвимий режасидан фарқ қилади ва унда ҳар бир дарснинг ўқув ва ўқув материали мазмуни аниқ ифодаланди, ўқув материалини маълум бир вақт оралиғида ўрганиш тартиби, усуллари кўрсатилади. Замонавий ишлаб чиқаришнинг илмий асослари билан қуролланган, технологик жараёнлар ҳаракатининг умумий принципларини тушунадиган янги типдаги мутахассисларни шакллантириш фақатгина ўқув предметларининг фанлараро ва мавзулараро алоқадорлигидан фойдаланган тақдирдагина амалга ошади. Дарснинг тақвимий режасида – дарс режаси ҳар бир мавзу бўйича дарслар тизими қатъий мантиқий кетма-кетликда берилади. Бундай режа ўқитувчига олдиндан зарурий ўқитиш воситаларини танлаш, предметларнинг ўзаро алоқадорлигини ҳисобга олиш ва уларни амалга ошириш, ўқув материалини баён этишнинг турли методлари ва воситаларини ўзгартириб туриш имконини яратади. Дарсларни тақвимий режалаштириш дарсни самарали тайёрлаш ва ўтказишда имкон берадиган барча нарсаларни олдиндан назарга олиш имконияти ва зарурлигини таъминлаши лозим.

Ўқитувчида материал тўплаш, дарс ўтказишнинг муваффақиятли усулларини қайд қилиб қўйиш, ўз ишининг натижаларини таҳлил қилиш, илғор педагогик тажрибани умумлаштириш ва ўқув жараёнига тадбиқ этиш, ўз фаолиятини такомиллаштириш имконияти вужудга келади. Дарснинг тақвимий режаси узоқ фойдаланадиган ҳужжат ҳисобланади, шунинг учун мунтазам равишда такомиллашиб бориши керак. Мутахассислик фанининг алоҳида мавзулари бўйича ўқув ишини режалаштириш учун қуйидаги масалаларни пухта, мукаммал ўйлаб кўриш зарур: - ҳар бир машғулотнинг аниқ мақсади (талабаларда қандай янги тушунчалар, тасаввурлар ва ғояларни шакллантириш керак, талабалар қандай технологиялар, ускуналар ва асбобларни ўзлаштиришлари лозим, талабалар қандай билим ва кўникмаларни яхши ўрганиб олишлари лозим); - илгари ўрганилган фанлар ҳамда мазкур фан мавзулари ўртасидаги алоқа (талабаларга маълум бўлган материални янги юқори илмий савияда такрорламаслик, балки ундан янги тушунча ва тасаввурлар шакллантириш учун фойдаланиш мақсадида); - тушунтириладиган янги ўқув материалининг амалий йўналиши (назариянинг амалиёт билан боғлиқлиги); - муайян шароитларда таълим жараёнида таълим беришнинг турли методлари ва усулларидан бирга фойдаланиш; - кўргазмали қуроллар, таълим беришнинг техник ва дастурлаштирилган воситалари ҳамда ўқув машғулотларининг турли босқичларида улардан фойдаланиш методикаси; - талабаларнинг мустақил ишини рағбатлантириш ва ташкил этиш (мустақил ишларни уйда, махсус лабораторияларда, ўқув қўлланмалари ва махсус адабиёт устида бажариш, компьютер дастурлари устида ишлаш ва бошқалар; - ўқув қўлланмалари, тавсия этиладиган адабиётлар.

Бу масалаларнинг барчаси мавзу бўйича дарслар тизимини ўз ичига олувчи дарсларнинг тақвимий схемаси қуйида келтирилган. Дарсларнинг тақвимий режаси Дарснинг тартиб рақами 1 Дарснинг мавзуси 2 Дарснинг типи ва тури 3 Дарснинг мақсади 4 Ўқитиш методлари ва педагогик технологиялар 5 Таянч билимларни фаоллаштириш мақсадида материални такрорлаш 6 Билимларни назорат қилиш ва тескари алоқа турлари 7 Талабаларнинг билимлари, малакалари ва кўникмаларида режалаштирилаётган ўсишлар 8 Дарсдаги тарбиявий иш. Материални ҳаёт билан боғлаш. Касбга йўналтириш 9 Мавзуларнинг фанлараро ва ўзаро боғлиқлиги 10 Дидактик воситалар, ўқитишнинг техник воситалари 11 Дарсда талабаларнинг мустақил ишлари 12 Ўтилган материални мустаҳкамлаш 13 Уйга вазифа (Дарс материалини такрорлаш) 14 Бундай тақвимий режалаштириш дидактик мақсадлар изчиллигини аниқлаш, мазмундаги етакчи ғояларни, фаолиятнинг асосий турларини ажратиш, фанлараро алоқаларни ажратиб олиш, дарснинг ассоий жиҳозини ўйлаб чиқиш, натиажаларини лойиҳалаш имконини беради.

Фойдаланилган ва тавсия этиладиган а дабиётлар р ў йхати : 1. Левина Г.Г. Методика преподавания технических дисциплин. – Свердловск: МГМИ, 1986. - 102 с.

2. Сохор А.М. Логическое строение учебного материала. – М, 1974 – 186 с. 3. З.К. Исмоилова. Педагогикадан амалий машғулотлар . – Т: Фан, 2001. 159 б. 4. ЎМКҲТ ривожлантириш институти – “Замонавий таълим технологиялари: мазмун, лойиҳалаштириш ва амалга ошириш”, экспресс-қўлланма, Тошкент – 2001 5. К.Ж. Мирсаидов. Махсус фанларни ўқи итиш ва ишлаб чи қ ариш таълими. Т.: Ў китувчи, 1996. 6.www.Ziyonet.uz

Похожие

Мутахассислик фанларидан муммоли дарсларни ташкил этиш ва ўтказиш

Бакалаврларга куйиладиган талаблар, мутахассислик фанларини укитишни режалаштириш

Олий ўқув юртларида ўқув жараёнини ташкил этиш

Мутахассислик фанларини ўқитиш тамойиллари

Она тилидан ноанъанавий дарсларни ташкил этиш