Milliy uyg`onish davri ilk bosqichi adabiyotida nasr - Педагогиka - Рефераты

Milliy uyg`onish davri ilk bosqichi adabiyotida nasr

Загружено в:

20.09.2019

Скачано:

0

Размер:

32 KB

Milliy uyg`onish davri ilk bosqichi adabiyotida nasr Reja: 1. Jadidchilik davri o`zbek nasri. 2. 1905-1917 yillar orasida yaratilgan nasr namunalari. 3. Prozaning taraqqiyotida dramaturgiyaning ta`siri.

Jadidchilik davri o`zbek nasri .Milliy uyg`onish davri o`zbek adabiyotini 2 bosqichga ajratilgan: 1) Milliy uyg`onish davri o`zyuek adabiyotining ilk bosqichi (XIX asr oxirlari); 2) milliy va ijtimoiy kurashlar davri (XX asr birinchi choragi). Bu davr adabiyoti yangilanish davri adabiyotidir.Unda qadim davrlardan kelayotgan adabiy turlar saqlandi. Devon avdabiyotida she`riyat (poeziya) asosiy o`rin egalladi. Aruz asosiy vazn bo`ldi.G`azal,ruboiy,tuyuq,ta`rix,muammo, maxammas, masaddas, masamman va masnaviydan keng foydalanildi. Sayohat xotiralarini ifodalovchi sayohatnoma janri maydonga keldi. Bu davrlarda hikoya, qissa va romanchilik keng rivojlandi. H.H.Niyoziyning “YAngi saodat, yoxud Milliy roman” (1915), “Turmush achchiqlari”, “Uchrashuv”, Mirmuhsin SHermuhamedovning “Befarzand Ochildiboy”, “Zindon”, Abdulla Qodiiyning “Juvonboz”, “Uloqda” asarlarini nasr sohasidagi muhim namunalardir. Bulardan tashqari darsliklar, tarix,jug`rofiya,tabiat kabi fanlarga oid ilmiy hikoyalar yaratildi. Abdulla Avloniy (“Birinchi muallim”, 1909, “Ikkinchi muallim”,1912, “Turkiy Guliston yoxud Axloq”), Sadriddin Ayniy (Taxzibus-sibyon,1909), Behbudiy (“Muntaxabi jug`rofiyai umumiy”, “Madhali jug`rofiyai imroniy”, “Muhtasar geografiyai Rusiy”), Fitrat (“Ibtidoiy o`quv maktablarining so`nggi sinflari uchun”,1917)ning bolalar uchun yaratgan darsliklariga o`nlab hikoya va hikoyachalar kiritilgan. Ko`pisi asliyat, ko`pisi qardosh xalqlardan tarjimalardir. Bu davrda adabiyotning eng muhim vazifalaridan biri uning tarbiyaviy ahamiyatidir. Adabiyot jamiyatni, xalqni, olamni badiiy aks ettirish bilan birga insoniyatni tarbiyalash, ongini yoritish vazifasini ham bajaradi. Kichkintoylar uchun adabiyot yaratgan ma`rifatparvarlar kattalar uchun – jamiyat, xalq uchun ham mumtoz she`rlar, fol’klordan badiiy-estetik va g`oyaviy mazmuni bilan farq etadigan yangi Evropa tipidagi adabiyotni vujudga keltirdilar. Proza va drama janrlarida asarlar yaratishning naqadar zarur va muhim bo`lganligini “Sadoyi Turkiston” gazetasining 1915 yil sonida bosilgan “Muhtaram yozuvchilarimizga” degan maqolasidan ham ko`rish mumkin.

“...Bizga ko`p teatru, ro`man kitoblari yozmoq kerakdurkim, bu qarz bir hovuch ziyoli yoshlarimiz ila ahli qalam ustlariga tushadilar. Muhtaram qalam ahllari milliy maishatni yomon deb bezmay, zohira bo`lsa ham, to`ylarda, kechxonalarda, bichabozlar majlisida, bazmlarda va shunga o`xshash millatlarning eng tanqid qiladurg`on o`rinlarida birga aralashib yurmaklari kerakdurkim, toki komil o`shal odatlarini kitob sahifalarida chiroyliroq qilub yozgunday bo`lsunlar.Milliy maishatdan bezgan bilan bezilub, ko`mulub ketaberadi. Onda aralashub yurulsa andog`i so`zlarni, odatlarni o`rganmoqqa bo`ladurkim, kitob betlariga ko`chirib yozmakka materiallarning eng asllari xalq orasindan olinadi. Ovropaning katta-katta muharrirlari o`shal o`zlarining yaxshi- yomon odatlarining orasinda yuribdilar. So`ngra qo`llariga qalam olib yaxshisini yaxshi, yomonini yomon ko`rsatib yozubdurlar” (185-bet). Milliy uyg`onish davri adabiyotida Yevropa tipidagi proza, drama va lirika janrlari xalqning kundalik turmushi, urf-odatlarini, ijtimoiy tengsizlik va zulmdan ezilgan xalqni chuqur o`rganish natijasida paydo bo`ldi. Bu davr prozasi tasvirining diqqat markazidahar qanday insoniy huquqlardanmahrum shaxs- “kichkina odam” obrazi turadi. Bu yo`qsil dehqon, huquqsiz SHarq zaifasi, etim norasidalar bo`lib, o`zida davrning adolatsizligi va vahshiyligini aks ettiradi. Hamzaning “miliy romani”dagi Olimjon o`z boshidan otasizlik va yo`qsizlikning barcha qiyinchiliklari va dahshatlarini kechiradi. “Milliy roman”ning badiiy va g`oyaviy maqsadi ham adib tomonidan aniq beogilangan: “Bu risola esa eski maktabga maxsus bo`lmay, balki qora xalqimizning eru xotinlari orasida o`qulub turg`on “Jamshid”, “Zarqum”, “Aldarko`sa”, “Dalli Muxtor”, “Gulandom”, “Bayoz” kabi butun xurofot va axloqni buzadurg`on asossiz kitoblar o`rniga istifodalik bir qirat risolasi bo`lurmukin degan xayol ila yozilgan”, - deb ta`kidlaydi Hamza. Asar epik muqaddimadan boshlanadi. Unda xalqni, butun jamiyatni ko`p asrlar davomida o`rab olgan jaholat haqida gap boradi. Olimjonning ajdodlari ma`rifatdan yiroq kishilar bo`lgan. Hamza asarining qahramoni xalq hayotining dahshatli, dramatik sharoitlarida ko`rsatiladi. Bolaning otasi – Abduqahhor

o`qimagan, johil kishi edi. Bu hol uning yaramas yo`lga kirishiga sababchi bo`ladi. U xotinining bisotini, otasidan meros qolgan butun molu mulkini qahvaxonlarda aysh-ishratga sarflab, qimorga yutqazadi. Keyin 4 yashar Olimjon va 3 yashar Hadicha ismli farzandlarini, xotini va onasini tashlab g`oyib bo`ladi. Oila esa boquvsiz, og`ir ahvolda qoladi. Qissada Olimjonning o`qishi, his-kechinmalari, ma`rifatni egallashdagi harakati birma-bir kuzatilib, tasvir etib boriladi. Asar kompozitsion jihatdan shunday qurilganki, undagi voqea –hodisalar ijobiy qahramon –Olimjon atrofiga birlashtirilib, uning xarakterini mukammal va yorqinroq ochish uchun xizmat qilgan. Olimjon taqdirida chngi usuldagi maktab muallimi katta o`rin egallaydi. U sofdil boladagi nochor va ayanchli ahvolni ko`rib, ich-ichidan achinadi, rahmi keladi. Olimjonning egnida toza, lekin kiyilaverib uvadasi chiqib ketgan chopon, eskirib ketgan kalish, ko`zida yosh. SHunda muallim tahqirlangan va o`ksik qalbli bola ahvoliga achinib, uning peshonasini silaydi. Muallimning ko`ngil ko`taruvchan iliq so`zlari Olimjonga yoqimli tuyuladi. “Qo`yaber, - deydi u bolaga,- hali otang qaytib keladi. Hozircha men senga otalik qilaman”. Hamzaning “Milliy roman”idagi Muallim xalq himoyachisi, ezilgan va tahqirlanganlarning panohi sifatida tasvirlangan. U o`z ma`rifatparvar g`oyalari yo`lida kurashish uchun etarli darajada qat`iyatli, sabotli, ahdida mustahkam, o`zgalarga e`tiborli, insonparvar. Prozaning taraqqiyotida dramaturgiyaning ta`siri ijobiy o`ringa ega. Ma`rifatparvarlik prozasining o`ziga xos takrorlanmas xususiyati va fazilatlari bori edi. Bular epik janrdagi asarlarda hayot ma`lum aniq, falsafiy-ijtimoiy va badiiy nuqtai nazardan obrazlar sistemasi orqali gavdalantirilgan. Nasriy asarlarda hayotning qandayligidan tashqari, uning qanday bo`lishi kerakligi ham tasvirlana boshlangan. Prozaning (nasrning) bu fazilati ma`rifatparvarlik adabiyotining umumiy g`oyaviy badiiy yutuqlaridandir. XX asr boshlarida Turkiston xalqlari ham yangi davrning talablariga javob beradigan hayotga muhtoj edilar. Buni his etgan ma`rifatparvarlar o`z darslik va

turli janrdagi asarlarida u yoki bu darajada ijtimoiy-falsafiy va axloqiy-siyosiy masalalarni yoritishga intilganlar va axloqiy asarlar yaratishga jur`at etganlar. 1905-1917 yillar adabiyotining nasriy asarlarida voqealar tizmasi, dramatik holatlar, epik elementlar, dialog va monologlar, peyzaj, portret va boshqa badiiy asarni tashkil qiladigan uslub va metod orqali birlashtirilib, muayyan ijtimoiy- tarixiy va milliy muhit doirasida gavdalantiriladi.

Adabiyotlar ro`yxati: 1. Adabiyot nazariyasi. Ikki jildlik.1 - jild. - T.:”Fan”,1978. 418 bet. 2. Adabiyot nazariyasi. Ikki jildlik.2 - jild. - T.:”Fan”,1979. 449 bet. 3. Aristotel. Poetika. - T.: G`.G`ulom nomidagi Adabiyot va san`at nashriyoti,1980. 52 bet. 4. Alisher Navoiy. Mukammal asarlar to`plami. 20 ji ldlik. - T..1987-1992. 5. Vohidov R., eshonqulov H.O`zbek mumtoz adabiyoti tarixi.1 –kitob. Buxoro- 2005. 6. Ishoqov Y. Navoiy poetikasi. – T.: “Fan”, 1983.167 bet. 7. Ishoqov Y. So`z san`ati so`zligi. – T.: “Zarqalam”, 2006.125 bet.

Похожие

Sharq uyg`onish davri va unda ta`lim-tarbiya masalalari

Uchinchi mingyillikning bolasi dasturidagi ilk yoshli va kichik guruh davri tashkili

Hozirgi zamon ilmiy-texnika taraqqiyoti va maktab ta`limi

Odobnoma darslarida davlat ta’lim standarti talablarining tahlili

Fan va taraqqiyot