Озиқ-овқат махсулотлари технологияларининг илмий асослари - Пищевая технология - Рефераты

Озиқ-овқат махсулотлари технологияларининг илмий асослари

Загружено в:

20.09.2019

Скачано:

0

Размер:

82 KB

Озиқ-овқат махсулотлари технологияларининг илмий асослари Режа : 1. Озиқ-овқат технологияларининг физик-кимёвий асослари. 2. Экстракция . 3. Тозалаш - рафинациялаш . 4. Эритиш ва кристализациялаш . 5. Технологияларнинг реологик асослари . 6. Реологиянинг асосий тушунчалари. 7. Технологияларнинг теплофизик асослари. 8. Озиқ-овқат махсулотларининг теплофизик тафсифлари. 9. Озиқ-овқат махсулотларига оптимал термик ишлов беришни асослаш принциплари.

«Таянч» сўз ва иборалар: Бижғиш, фермент, микроорганизм, дрожжи, пресслаш, экстракция, тиндириш, филтрлаш, адсорбция, дезодорация, эритиш, кристаллаш, реологик кўрсаткич, термик ишлов. Озиқ-овқат технологияларининг физик-кимёвий асослари. Озиқ-овқат техноло-гияси хомашёларни махсулотларга айлантиришнинг қайта ишлаш усулларини ўрганади. У физика, кимё, биология ва бошқа илмлар қонуниятларига асосланади, чунки хар қандай технологик жараён бу хомашёга физикавий, кимёвий ва бошқа таъсирлар мажмуасидир. Озиқ-овқат технологик жараёнлари махсулот турлари сингари жуда хилма-хилдир. Технологик жараёнларни синфлаш ёки гурухларга ажратишда хомашёга ишлов бериш усулининг ўхшашлиги асос қилиб олинади. Шунинг учун уларни қайта ишлаш усулларининг умумийлиги асосида, шартли равишда тўртта гурухга бўлиш мумкин: I гурух – Бижғитишга асосланган ишлаб чиқаришлар, II гурух –физик-кимёвий ишлаб чиқаришлар, III гурух- механик-теплофизик ишлаб чиқаришлар, IV гурух – кимёвий ишлаб чиқаришлар. I . Бижғитишга асосланган ишлаб чиқаришларда асосий жараён бу бижғишдир. Бижғитиш нон ва нонвойчилик дрожжилари ишлаб чиқаришда, пиво, узум виноси, спирт ишлаб чиқариш корхоналарида ва бошқаларда қўлланилади. Бу гурух корхоналарнинг ўзига хослиги технологияларида углеводларни бижғитувчи микроорганизмларни қўллашидир. Микроорганизмларнинг хаёт фаолияти маълум технологик жараённи боришини таъминлайди. Микроорганизмлар ўз навбатида яшаш учун энергияни органик моддаларнинг оксидланишидан оладилар. Микроорганизмлар аэроб (кислородли) ёки анаэроб (кислородсиз) муҳитда яшашлари мумкин. Турли технологик жараёнларда микроорганизмларнинг бу иккала шароитда яшаш хусусиятларидан фойдаланилади.

Аэроб нафас олиш шароитида – микробиологик махсулотлар (нонвойчилик дрожжилари, ферментли препаратлар, айрим витаминлар ва бошқалар) ишлаб чиқарилади. Анаэроб нафас олиш (бижғиш) шароитида - асосан таркибида этил спирти бўлиши керак бўлган махсулотлар (алкоголли ичимликлар, вино, спирт ва бошқалар) ишлаб чиқарилади. II . Физик-кимёвий ишлаб чиқаришлар гурухи корхоналарига оқ қанд, крахмал, ўсимлик мойлари, кондитер махсулотлари ва бошқа ишлаб чиқариш технологиялари киради. Уларни умумлаштирувчи жараён – хомашё таркибидан керакли, фойдали моддаларни физик усулларда ажратиб олиш ва кимёвий усулда қайта ишлашликдир. Бунда асосий жараён экстракция ёки диффузиядир. Масалан, крахмал майдаланган хомашёдан сув билан ювиб (экстракциялаб) олинади. Айрим шарбатларни, қанд лавлагидан оқ қандни (сахароза), кунжарадан ўсимлик мойларини бензин билан эритиб олиш мисол бўла олади. III . Механик-теплофизик жараёнларга асосланган ишлаб чиқаришлар жуда кўп сохаларни қамраб олган. Бундай технологиялар асосида механик жараёнлардан аралаштириш, ажратиш, сепарациялаш, чақиш, майдалаш, босим остида ишлов бериш ва бошқалар; теплофизик жараёнлардан шамоллатиш, қуритиш, қайнатиш, қовуриш ва бошқалар ётади. Бу жараёнлар ун-ёрма, макарон, кондитер, консерва, ёғ-мой ишлаб чиқариш корхоналарида кенг тарқалган. IV .Кимёвий ишлаб чиқаришлар асосида кимёвий реакциялар ётади. Бундай технологиялар крахмални ноорганик ва биокатализаторлар Билан гидролизлаб, глюкоза ишлаб чиқаришда, мойларни гидрогенлаб ёки переэтерификациялаб, турли қаттиқ ёғ махсулотлари ҳамда совун ишлаб чиқаришда, этиленни гидротациялаб, этил спирти ишлаб чиқаришда ва бошқаларда қўлланилади. Кўриб чиқилган тўрт гурух ишлаб чиқаришларнинг ҳар бирида ўзига хос асосий жараёнлар, уларнинг тушунчалари ва қонуниятлари мавжуд.

Куйида ҳар бир гурухга мансуб жараёнларнинг асосий тушунчалари билан танишамиз ва асосий қонуниятларни таърифлаймиз. Биринчи гурух ишлаб чиқариш корхоналаридаги бижғитиш технологиясининг асосини микробиологик ва биокимёвий жараёнлар ташкил қилади. Бу жараёнлар хомашёдаги ёки микроорганизмлар ажратиб чиқарадиган ферментлар ёрдамида боради. Маълумки, ферментлар бу биокатализаторлардир, Уларнинг табиати, турлари, табиатда тарқалиши, хусусиятлари билан «Биокимё» курсида тўлиқ танишилган. Биотехнологик жараёнларни харакатлантирувчи яна бир куч бу дрожжилардир. Улар бир хужайрали микроорганизмлар бўлиб, уларнинг тузилиши, турлари, кўпайиши ва бошқалар хақидаги тўлиқ маълумот «Микробиология» курсида тўлиқ ўрганилади. Технологик жараёнларда микроорганизмлар нинг хомашёларга таъсирига келадиган бўлсак, уларнинг ҳаёт фаолияти натижасида синтезланган ва ажралиб чиққан ферментлар иштирокида борадиган биокимёвий ўзгаришлар натижасида, махсулот хосил қилинади. Турли микроорганизмлар турли ферментлар синтезлайди. Масалан, спирт ишлаб чиқаришда моғор замбуруғларининг ёки солоднинг (ундирилган арпа) амилаза ферметлари сусланинг (оралиқ махсулот) крахмали моно- ва дисахаридларга айлантирилади ва сўнгра улардан махсус дрожжиларнинг ферментлари таъсирида спирт хосил қилинади. Пиво ишлаб чиқаришда эса, солод таркибидаги комплекс (ҳар хил) амилолитик ва протеиназала ферментлари ва дрожжилар тъсирида этанол, кўп атомли спиртлар ва бошқа пивонинг таъм-мазасини белгиловчи моддалар хосил қилинади. Бундай мисолларни виночиликда, ацетон ишлаб чиқаришда, озуқа кислоталаридан лимон, сут кислоталари ишлаб чиқаришда, чой ва тамакини ферментлаш жараёнларида кўриш мумкин. Иккинчи гурух ишлаб чиқаришларда хомашёдан озуқавий ахамиятга эга бўлган мухим, фойдали моддаларни ажратиб олишнинг турли усуллари ичида кенг тарқалгани бу экстракция ва пресслаш усулларидир. Озиқ-овқат саноатида эктракция жараёнларига қанд лавлагисидан қандни; олма

сиқмаларидан пектин моддаларини; виночиликда узум сиқмаларидан вино букетига кирувчи вино кислотасининг тузлари ва қандни; фармацевтикада дастлабки замбуруғли хомашёдан ферментли препаратларни; ёғ-мой саноатида кунжарадан экстракция мойини ажратиш каби технологияларни мисол қилиш мумкин. Экстракция усули иқтисодий самарали бўлса, пресслаб ажратиб олинган махсулотлар анча сифатли ҳисобланади. Шунинг учун иккала усулдан кетма-кет фойдаланиш самаралидир. Экстракция бу турли моддалардан ташкил топган мураккаб аралашмадан танловчанлик хусусиятига эга бўлган эритувчи ёрдамида бир ёки бир нечта моддани эритиб, ажратиб олиш тушинилади. Хомашё таркибидаги хужайрадан эрувчан моддаларни ажратиб олиш икки босқичли жараёнда боради. Биринчи босқичда эритувчи хомашё тўқимасига диффузияланса, иккинчи босқичда эритувчига хомашёдан модда узатиш амалга ошади. Фик таърифлаган молекуляр диффузиянинг асосий қонуни экстракцияланаётган мода миқдори ва жараённинг асосий параметрлари (кўрсаткичлари) орасидаги боғлиқликни белгилайди: dG = - D (  c /  x ) dF d  Бунда, dG –  вақт ичида, хомашёда модда концентрация градиенти  c /  x бўлгандаги, F изоконцентрацион юза орқали шимилаётган эритувчи миқдоридир. D – диффузия коэффициенти бўлиб, хомашёнинг физик параметри бўлиб, шу хомашё концетрация градиенти бирга тенг бўлгандаги, бир бирлик юзасидан бир вақт бирлигида диффузияланадиган мода миқдорига тенг. Ўлчам бирлиги – м 2 / с. Бу тенглама хомашёда эритувчи тўпланмаса, модда концентрацияси ўзгармас бўлсагина қўлланилиши мумкин. Бироқ экстракция жараёнида хомашёда доимий равишда модда концентрацияси камаяди. Шунинг учун бундай масалалар махсус дифференциал тенгламалар билан ечилади. Экстракция жараёнининг иккинчи босқичида экстракцияланаётган модда қаттиқ хомашё юзасидан суюқ фазага молекуляр диффузия ва

конвекция туфайли харакати амалга ошади. Бу жараён анча мураккаб, бироқ мухандислик амалиётида қуйидаги тенглама ишлатилади: dG =  ( C п - С  ) F d  Бунда,  - масса узатиш ёки масса алмашиш коэффициенти, м/с; C п – эритувчининг оқимдаги концентрацияси; С  - эритувчининг хомашё юзасидаги концентрацияси. Диффузия коэффициентидан фарқли равишда масса алмашиш коэффициенти доимий катталик бўлмай майдаланган хомашё ўлчамлари ва шаклига, эритувчининг физик хусусиятлари ва тезлигига, жараённинг харорати ва бошқаларга боғлиқдир. Экстракция жараёниниг асосий конунияти шундан иборатки, экстракциянинг харакатлантирувчи кучи бу концентрациялар фарқидир. Тозалаш-рафинация. Ўсимлик хомашёсидан ажратиб олинган фаза, олиниш усулининг туридан қатъий назар, у қўшимча тозаланиши керак. Озиқ-овқат саноатида тозалаш рафинация деб юритилади. Қуйида тозалашнинг кенг тарқалган усуллари билан танишамиз. Тозалашнинг физик ва физик-кимёвий усуллари маълум. Суюқ моддаларни тозалашнинг физик усулларига тиндириш , филтрлаш , сепарациялаш , жараёнлари киради. Тиндириш – майда заррачаларнинг суюқлик ичида оғирлик кучи таъсирида чўкишидир. Тиндириш тезлиги заррачаларнинг зичлигига, ўлчамига ва суюқликнинг физик хоссаларига боғлиқ. Саноатда асосан даврий ва узлуксиз ишлайдиган тиндиргичлар қўлланилади. Тиндириш жараёниниг асосий қонунияти шундан иборатки, ускуналар унумдорлиги уларнинг баландлигига эмас, балки тиндириш юзасининг катталигига ва заррачаларнинг чўкиш тезлигига боғлиқ. Филтрлаш – ғовак тўсиқлар ёрдамида суспензияларнинг таркибидаги заррачаларни тутиб қолиб, суюқ фазасини ажратишдир. Бу жараённинг харакатлантирувчи кучи тўсиқ олди ва орқасидаги босимлар фарқидир. Босимларнинг бу фарқи филтрланаётган суспензияни насос ёрдамида узати ёки гидростатик босим ҳисобига; вакуум хосил қилиш ҳисобига; сиқилган

ҳаво босими ҳисобига хосил қилинади. Озиқ-овқат саноатида асосан тўсиқ ва чўкма қатлами орқали филтрлаш кенг қўлланилади. Суспензия кам концентрацияли ва заррачалар жуда майда бўлса, махсус (диатомит, перлит, целлюлоза, асбест ва бошқа) филтрловчи моддалар тўсиқ юзасига юритилиб ғовакларнинг тўлиб қолишининг олди олинади. Бу моддалар суспензия таркибига 1% гача қўшиб ишлатилади. Саноатда рамали, патронли, барабанли, дискли ва вакуумли филтрлар кенг тарқалган. Филтрлаш жараёнининг асосий қонуниятлари қуйидагичадир. Қатлам қалинлиги ошиши билан босимлар фарқи ўзгармас бўлса, филтрация тезлиги камаяди. Қатлам қалинлиги ортиши билан босимлар фарқи ортиб борса, филтрация тезлиги ўзгармас бўлади. Демак, филтрация тезлиги босимлар фарқига тўғри пропорционал бўлиб, тўсиқ ва қатлам умумий қаршилигига тескари пропорционалдир. Физик-кимёвий тозалаш усулларига адсорбция ва дезодорация жараёнларини мисол қилса бўлади. Маълумки, адсорбция бу эритмадан бир ёки бир неча компонентларни қаттиқ мода юзасига ютилишидир. Адсорбция танловчан ва қайтар бўлиши мумкин. Адсорбент сифатида ғовак қаттиқ моддалар (активланган кўмир, силикагел, целлюлоза массаси, кизельгур, оқловчи тупроқлар) қўлланилади. Қанд ишлаб чиқариш, виночилик, сок экстракциялаш ва пахта мойи ишлаб чиқаришда оқлаш адсорбция усулида амалга оширилади. Адсорбция физик ёки кимёвий бўлади. Кимёвий адсорбцияда, физик адсорбциядан фарқли равишда, адсорбент ва ютилган модда молекулалари орасида кимёвий реакция ва кимёвий боғ хосил бўлади. Саноатда жараёнлар, асосан адсорбентнинг харакатсиз ёки харакатли ҳолатда бўлишига кўра, даврий ва узлуксиз турларга бўлинади. Дезодорация – хид берувчи моддаларни маълум шароитда, ишлов берилаётган махсулотнинг сифатига зарар етказмаган холда, буғлатиб учриб юборишдир. Буғлатиш ўткир буғ ёрдамида аралаштириш билан қўшиб олиб борилади. Бу жараён асосан мойларни доғлашда қўлланилади. Мойнинг

оксидланишини олдини олиш учун буғ таркибида кислород бўлмаслиги таъминлаш керак. Эритиш ва кристаллаш . Кристалл моддалар эриш хусусиятига эга. Озиқ-овқат саноатида эриш ходисаси экстракция жараёнида қўлланилишини кўриб чиқдик. Эриган моддани эритмадан яна кристалл холатга келтириш оқ қанд (сахароза) ишлаб чиқариш жараёнининг иккинчи босқичини ташкил қилади. Сахароза мисолида кўрадиган бўлсак, у фақат ўта тўйинган эритмадан кристалл холатга ўтиши мумкин, Кристалланиш марказларини хосил, кристаллни ўстириш ва эритмани ўта тўйинган холатда ушлаб туриш, қайнатиш орқали амалга оширилади. Ўта тўйинганлик эритмадаги мода миқдорининг эритма суви миқдорига нисбати билан ўлчанади. Бу коэффициент ўта тўйинганлик коэффициенти дейилади. Агар эритмада қанд бўлмаган моддалар бўлса, сахарозанинг бундай эритмадаги эрувчанлиги Яна хам ортади. Бундай эритмаларда сахароза эритмасининг тўйиниш коэффициенти (  1 ) катталиги киритилади:  1 = Н  / Н Бунда, Н  - сахарозанинг дистилланган сувдаги эрувчанлиги Н – сахарозанинг аралаш эритмадаги эрувчанлиги. Эритманинг ўта тўйинганлиги (  ) коэффициент билан ўлчанади.  = Н 1 / Н  Бунда, Н 1 – эритмадаги сахароза миқдорининг бир бирлик эритма суви миқдорига нисбати. Агар  = 1 бўлса, эритма тўйинган;  1 бўлса, эритма тўйинмаган;  1 бўлса, эритма ўта тўйинган ҳисобланади. Саноатда ўта тўйинган эритмалардан сахароза кристалларини ажратиб олишда эритманинг  = 1,0 – 1,1 пассив ўта тўйинганлик оралиғи,  =1,1 - 1,3 актив ўта тўйинганлик оралиғи ва   1,3 бўлса, интенсив ўта тўйинганлик холати чегаралари бўлиб, хар бир ўта тўйиниш холати маълум мақсадда хосил қилинади. Сахарозани кристаллаш учун оптимал оралиқ  =1,1 - 1,3

бўлиб, шунда ҳам кристалларни бошлаш учун («затравка») оз миқдорда қанд уни қайнатилаётган эритмага солинади. Реологиянинг асосий тушунчалари. Озиқ-овқат саноати хомашё ва махсулотлари асосий реологик хусусиятларига қовушқоқлик, таранглик, эгилувчанлик ва мустахкамлик киради. Айнан бир материал холати ва таъсир турига кўра хар хил хусусият намоиш қилиши мумкин. Масалан, макарон хамири тез куч таъсир эттириб қайтарилса, у таранглик намоиш қилади. Агар аста секин давомий куч тасир эттирилса, қовушқок ва ёпишқоқлик намоиш қилади. Кўплаб технологогик жараёнларда қайта ишланаётган материал бир реологик холатдан мутлоқ қарама-қарши реологик холатга ўтади айрим холларда қисман ўзгартиради. Бунда аввал ҳаво ёки суюқликни йўқотиш ҳисобига зичлашиш, сўнгра материал заррачаларининг зичлашиши ҳисобига пластик деформацияланиш содир бўлади. Хомашё, яриммахсулот ва махсулотларнинг реологик хусусиятларини ўрганиш технологик ускуналар конструкцияси, асосий қисмлари мустахкалиги ва кинематикасини қайта ишланаётган материал физик-механик хусусиятлари билан узвий боғлаш имкониятини беради. Босим остида хар тарафлама сиқилиш шароитида материал массасининг хажмий деформациясини ўрганиш босимнинг масса хажми ичида тарқалишини, материал сиқилиш даражасини, материал зичлиги ва босим орасидаги боғлиқликни ва бошқа масалаларни хал қилиш имкониятини беради. Бу эса ўз навбатида технологик жараёнларда охирги махсулот сифатига ижобий таъсир қиладиган босимни таъминлаш имкониятини беради. Озиқ-овқат махсулотларининг теплофизик тафсифлари ва оптимал термик ишлов беришни асослаш принциплари . Технологик жараёнларда иссиқлик ва масса узатиш ходисалари муҳим аҳамиятга эга. Кўпчилик холларда бу ностационар ва қайтмас жараёнлар бўлиб, хомашё ва яриммахсулотларнинг хоссалари, структураси ва сифатини ўзтартиришга олиб келади.

Озиқ-овқат саноати хомашё ва материаллари гетероген системалар бўлиб, турли структурага эга бўлган қаттиқ моддалар ва газланган суюқликлардир. Бундай материалларнинг теплофизик кўрсаткичлари авваламбор кимёвий таркиби ва намлигига боғлиқ бўлиб, қайта ишлаш жараёнида сезиларли ўзгариши мумкин. Шуни инобатка олиш керак-ки, исситиш ёки совутиш усули ва тезлиги махсулот структураси ва хоссасини турлича ўзгартириши мумкин. Материалларнинг теплофизик катталикларини ўрганиб, озуқа махсулотлари-нинг теплофизик хусусиятларини баҳолаш ҳамда қайта ишлаш технологик жараёнлари билан тўғри боғлаш, махсулот сифатини таъминлайди. Қайта ишлаш жараёнининг оптимал танлаган термик шароити юқори сифатли махсулотни юқори унумдорлик ва иқтисодий самара билан ишлаб чиқаришни таъминлайди.

АДАБИЁТЛАР 1.Н.И.Назаров и др. Общая технология пищевых производств.-М.: Легкая и пищевая промышленность, 1981.-360 с. 2.У.Х.Халимова. Ўсимлик ёғлари ишлаб чиқариш технологияси. –Т.: Ўқитувчи, 1982. -246 б. 3.М.Г.Васиев, М.А.Васиева. Нон, макарон ва қандолат махсулотлари ишлаб чиқариш технологияси. –Т.: 2002. 4.П.М.Мальцев. Технология бродильных производств. –М.: Пищевая промышленность, 1980. -360 с. 5.П.Я.Бачурин, В.А.Смирнов Технология ликеро-водочного производства. –М: Пищевая промышленносить, 1975.-256 с. 6.Т.Х.Икромов, Ў.Р.Қўчқоров. Чорва, парранда ва балиқ маҳсулотларини қайта ишлаш технологияси. –Т.: Шарқ, 2001. -285 б. 7.Руководство по методам исследования, технохимическому контролю и учёту производства. – Л.: ВНИИЖ, 1987, 1-том. 8.Л.И.Пучкова. Лабораторный практикум по технологии хлебопекарного производства. –М.: 1971, «Пищ.пром.» -192с. 9.Л.В.Муравицкая. Технохимический контроль пивоваренного и безалкогольного производств и основы управления качеством продукции. – М.: 1987, «Агропром», -256 с. 10. www.QMII.uz

Похожие

Озиқ-овқат махсулотлари технологияларининг илмий асослари.

Озиқ-овқат маҳсулотларини сақлаш асослари

Озиқ-овқат маҳсулотларининг тавсифи

Озиқ-овқат маҳсулотларини туркумлаш

Озиқ-овқат маҳсулотларини консервалаш