Ижодий топшириқлар ва уларни қўллаш методикаси - Музыка - Рефераты

Ижодий топшириқлар ва уларни қўллаш методикаси

Загружено в:

20.09.2019

Скачано:

0

Размер:

52 KB

И жодий топшириқлар ва уларни қўллаш методикаси Режа: 1. Масофавий ўқитиш технологиялари 2. Турли сатҳли ўқитиш: тушунча ва қўллаш методикаси 3. Жамоали ўзаро ўқтиш технологиялари

Репродуктив кўникмалардан изланувчан (ижодий) кўникмаларни шакллантиришга қандай ўтиш мумкин? Инглиз дидакти А.Ромишовски қуйидаги вариантни таклиф этади: 1) керакли билимларни етказиш; 2) репродуктив даражадаги кўникмаларни шакллантириш; а) фаолиятни яхлитлигича ва қисмларга бўлиб кўрсатиш (кўрсатиш+тушунтириш), б) кўникмаларни соддалаштирилган шароитда ўзлаштириш (масала шартини сунъий соддалаштириш, уни айрим қисмларга ажратиш), в) узлуксиз қайтувчан алоқа ва ижобий мустаҳкамлашга асосланган мустақил ишни ташкил этиш; 3) изланувчан яратувчанлик фазасига ўтиш: а) турли хил муаммоли вазиятларни - ностандарт мисолларни ечиш, англатувчи (имитицион) моделлаш, б) талабаларнинг ўз фаолиятларини ўзлари албатта таҳлил қилишлари, уни ўқитувчи билан мулоҳаза қилиш. Мисол тариқасида геометриядан теоремани исбот қилишни келтириш мумкин. Ўқитувчи мулоҳазанинг асосий усулларини тушунтиради (1-қадам), уларни бир неча мисолларда кўрсатади (2а-қадам), берилган катталиклардан фойдаланиб осонроқ йўл билан исботлашга (2б-қадам), сўнгра қийинроқ йўл билан исботлашга оид машқлар ечади (2в-қадам). Сўнгра талабаларга исботлаш учун ностандарт масалалар берилади ва улар кичик гурухларга бўлиниб, ёки ёзув тахтасида ишлайдилар (3а-қадам). Ўқувчиларни бир вақтни ўзида берилганларни исботлаш бўйича дастлабки фикрларини, танлаган ечим усулини, исботлашнинг боришини овоз чиқариб гапирадилар, ўз усулининг самарадорлигини ўзлари баҳолайдилар, уни қайта кўриб чиқадилар, тенг кучли ижодий ёндашишларни излайдилар (3-қадам). Масофавий ўқитиш технологиялари Юқоридагиларга асосланиб, таълим жараёнида айни вақтда қайта-қайта тилга олинаётган айрим терминлар тавсифи ва таърифларни келтириб ўтамиз: * Масофавий таълим - масофавий ўқитишга асосланган таълим;

* Масофавий ўқитиш – ўзаро маълум бир масофада Интернет технология ёки бошқа интерактив усуллар ва барча ўқув жараёнлари компонентлари – мақсад, мазмун, метод, ташкилий шакллар ва ўқитиш усулларига асосланган талаба ва ўқитувчи ўртасидаги муносабат; *Масофавий ўқитиш тизими – масофавий ўқитиш шартлари асосида ташкил этиладиган ўқитиш тизими. Барча таълим тизимлари сингари масофавий ўқитиш тизими ўзининг таркибий мақсади, мазмуни, усуллари, воситалари ва ташкилий шаклларига эга; *Масофавий ўқитишнингИнновацион технологиялари – танланган ўқитиш концепциясига асосланган масофавий таълимнинг ўқув-тарбиявий жараёнини таъминловчи ўқитиш методи ва услублар мажмуаси; *Кейс-технология – масофавий ўқитишни ташкил қилишнинг шундай услубики, масофавий таълимда матнли, аудиовизуал ва мультимедиали (кейс) ўқув услубий материаллар мажмуаси қўлланишга асосланади; *ТВ-технология – масофавий ўқитишни ташкил қилишнинг шундай услубики, у талабаларга ўқув-методик маълумотларни телевидение воситаси ёрдамида етказишга хизмат қилади ва ташқи алоқали ихтиёрий интерактив усуллардан бири билан ўрнатишга асосланади. Масофавий ўқитишнинг таълим тизимида бир-биридан фарқланувчи модел ва шакллари мавжуд бўлиб, улар қуйидаги қўлланиш шартлари билан фарқланадилар: * географик шартлар (масалан, мамлакат территорияси, марказдан узоқликда жойлашуви, иқлими); * мамлакатнинг ахборотлашуви ва компьютерлаштириш умумий даражаси; * коммуникация ва транспорт воситаларининг ривожланиш даражаси; * таълим жараёнида ахборот ва коммуникация технологиялари воситаларининг қўлланиш даражаси; * таълимда қўлланиладиган анъаналари; *масофавий ўқитиш тизими учун илмий педагог кадрлар мавжудлиги ва уларнинг салоҳияти ва бошқалар.

Турли сатҳли ўқитиш: тушунча ва қўллаш методикаси Шахсга йўналтирилган технологиялар ҳар бир ўқувчининг индивидуал хусусиятларини ҳисобга олишга, яъни ҳар бир ўқувчига муайян билимлар, малака ва кўникмаларни ҳисобга олган ҳолда, ўқитишда дифференциал ёндашувга, шунингдек ўқитишнинг муваффақиятлилик даражасини нафақат белгилайди, лекин ўқув фаолиятни рағбатлантирган ҳолда, ўқувчиларга тарбиявий таъсирни кўрсатадиган мезонларга мўлжалланган. Турли даражада ўқитиш ҳар бир ўқувчига потенциал қобилиятларини ривожлантириш имкониятини яратиш учун зарурдир. Педагогик адабиётда ички ва ташқи дифференциация тушунчаларга ажратилади. Ички дифференциация – бу ўқувчиларнинг индивидуал қобилиятлари синфда ўқув фаолиятини ташкил этиш шароитларида ҳисобга олинадиган ўқув жараённи ташкил этади. Синфда ихтиёрий белгилар бўйича, кўп ҳолларда ўқимишлилик даражаси бўйича, яъни ўқув материални осон ва тез ўзлаштиришга кўра ўқувчилар гуруҳи тузилади. Ташқи дифференциация – билиш даражаси турлича бўлган ўқувчиларнинг қобилиятларини (ёки қобилиятсизларини) ҳисобга олган ҳолда, лойиҳалаштирилаётган касб, қизиқишлар бўйича ўқув гуруҳларга махсус бирлаштириладиган ўқув жараённи ташкил этади. Бунга фанларни чуқур ўқитиш синфлари, ўқитишнинг ўрнини босадиган профилли, факультатив машғулотлар киради. Ўқитишнинг дифференциацияси бугунги кунда ўқув жараёнга фаол киритилмоқда. Жамоали ўзаро ўқтиш технологиялари Бу усул 1918 йилда пайдо бўлган. Педагог Рибин педагогик тажриба ўтказди. Талабалар билан индивидуал ва жуфт-жуфт бўлиб ишлар эдилар: Масала ечар эдилар, конспект қилишарди, китоблардан реферат қилишарди, шеърлар ёдлашарди, маърузалар эшитишарди, бир-бирлари ва ўқитувчи олдида ҳисобот беришарди. Бу давр мобайнида ҳар бир талаба 3-4 йиллик ўқув курсини ўзлаштирди. Бунда талабаларнинг ривожланиши ҳайратли даражада юқори эди.

Ривожланмаган қишлоқ ўсмирлари 1 йилдан сўнг, мантиқли фикрлайдиган, исботлай оладиган, мунозара қила оладиган, мураккаб матнларни таҳлил қила оладиган, ҳаттоки педагогик қобилиятини намоён қила оладиган даражага етди. Бу қишлоқда 3 та кашфиёт қилинди: *1-марта маҳаллий ва ҳорижий педагогикада йил давомида интенсив равишда ўқув фаолият амалга оширилди. Унда ўзгарувчан жуфтлик ва микро гуруҳ бўлиб, иш олиб боришди. *Ўқув тарбиявий ишнинг янги технологияси ишлаб чиқилди ва синовдан ўтказилди. *1-марта турли ёшдаги бир-бирини ўқитадиган ўқув жамоаси тузилди. Ўқитишнинг бундай усули замондошлар томонидан яхши қабул қилинмади . Ҳамкорлик технологияси Узлуксиз таълимниг қандай турларида ҳамкорликдаги ўқитишлардан фойдаланиш мумкин ва нима учун? Ҳамкорликда ўрганиш - талабаларнинг билимини ўзлаштириш, сингдириш, мустаҳкамлаш бўйича репродуктив фаолиятини таъминловчи, маҳорат ва малакани кетма-кетлик бўйича талабанинг бевосита бошчилигида ишга солишни ташкил этишга асосланган ўқитиш ва билим олишдир. У талабаларнинг мустақил гуруҳларда ишлаши эвазига таълим олишини кўзда тутадиган методлардан иборат. Буларга китоб билан ишлаш, ўқув суҳбати, давра суҳбати, ақлий хужум, кичик гуруҳларда ишлаш, баҳс-мунозара каби методларни киритиш мумкин. Ҳамкорлик – деганда ўқув жараёни қатнашчиларининг ягона мақсадга эришиш йўлидаги ҳамкорликдаги фаолияти тушунилади. Бунда қуйидаги 3 та компонента бўлиши зарур: 1.Мақсадларнинг борлигини аниқ англаб етиш; 2.Ҳамкорлик қилаётган томонларнинг фаолиятини аниқ белгилаб, чегаралаб бериш;

3.Қўйилган мақсадга эришишни таъминловчи вазифаларни ечишда ўзаро ёрдам бериш. Модулли ўқитиш технологияси Ўқитувчи томонидан фаннинг қатор мвзуларини бирлаштирувчи бўлимларга (модулларга) ажратиши бўлиб, одатда фан 10-15 та бўлаклардан иборат бўлади ва энг оддий ҳолларда дарсликнинг бобларига мос тушиши мумкин. Ҳар бир таълим олувчи ҳар қайси модул юзасидан изчил йўл-йўриқ олади.Унда модулнинг мақсадлари кўрсатилади. Ўқув ишларининг маълум турдаги тавсия қилинади.Модул бўйича мустақил иш топшириқлари келтирилади. Таълим олувчилар томонидан ўқув фаолияти турлари эркин танланади ва модул бўйича алоҳида синов ўтказилади. Модулли ўқити таълим беришнинг истиқболли шаклларидан бири бўлиб, у таълим олувчиларнинг билим имкониятларини ва ижодий қобилиятларини ривожлантириш тизимига энг яхши мослашгандир. Ў йин технологиялари ва уларни ўқиш жараёнида қўллаш Меҳнат ва ўқиш билан бир қаторда ўйин ҳам инсон фаолиятининг энг асосий турларидан биридир. Ўйиннинг структураси ўз ичига қуйидаги босқичларни олади: *мақсадларни қўйиш; *режалаштириш; * амалга ошириш (мақсадни) ; * натижани таҳлил қилиш. Ўйинли фаолиятнинг мотивацияси энг ихтиёрийлиги, танлаш имконияти ва мусобақа элементларининг борлиги, эҳтиёжларни қондириш, ўзини англаш ва ўзини сафарбар қилиш билан таъминланади. Ўйин струтурасига қуйидаги жараёнлар киради: *ўйинчилар ўзларига олган роллар; *бу ролларни амалга ошириш воситалар сифатидаги ўйинли омиллар; *предметларнинг ўйинли қўлланилиши, яъни, ҳақиқий нарсаларни ўйинли шартлари билан алмаштириш;

ўйинчилар орасидаги реал муносабатлар, Сюжет (мазмун) - ўйинда кўрсатилаётган ҳақиқий аҳвол. Муаммоли ўқитиш технологиялари Таълим беришнинг энг самарали усулларидан бўлиб, у асосан илмий билимлар асосида муаммоли вазиятлар мантиқини шакллантиради. Унда ўқитувчи аввало муаммоли вазият яратади, саволлар қўяди, масалаларни, тажриба топшириқларини таклиф қилади, уларни ечишга қаратилган мухокамани уюштиради, хулосаларнинг тўғрилигини тасдиқлайди. Таълим олувчилар олдинги билим ва кўникмаларига асосланиб, муаммоли вазиятни ҳал қилиш йўлларини қидирадилар ва таклифлар киритадилар. Ҳодисалар сабабларини аниқлаган ҳолда уларни келиб чиқишини тушунтирадилар, муаммоли вазиятни ечишнинг энг оқилона вариантини танлайдилар. Бу усул таълим олувчиларнинг қизиқишини оширади, фикрлаш қобилиятини ривожлантиради. Замонавий ахборот-коммуникация технологиялар муҳитида ўқитувчи ва талабаларнинг ўзаро ҳамкорлик шакллари Видеоконференция – бу шундай компьютер технологиясики, у орқали фойдаланувчи шахслар бир-бирларини реал вақтда кўради, эшитади ва маълумотлар билан алмашади. Видеоконференция тарихи 1964 йил AT&T компанияси томонидан ишлаб чиқилган Videophone (реал вақтда овоз ва тасвирни алмашиш) қурилмасидан бошланади. Видеоконференция ўтказиш учун асосан иккита шартни бажариш лозим: а) видеоконференцияни амалга ошириш учун зарур бўлган компьютер (техник) қурилмалари; б) видеоконференцияни ўтказиш талабига жавоб берувчи алоқа каналларидан фойдаланган ҳолда, мулоқотга чиқувчилар билан боғланиш. Масофавий ўқитиш – ўзаро маълум бир масофада Интернет технология ёки бошқа интерактив усуллар ва барча ўқув жараёнлари компонентлари –

мақсад, мазмун, метод, ташкилий шакллар ва ўқитиш усулларига асосланган талаба ва ўқитувчи ўртасидаги муносабат. Масофавий ўқитиш тизими – масофавий ўқитиш шартлари асосида ташкил этиладиган ўқитиш тизими. Барча таълим тизимлари сингари масофавий ўқитиш тизими ўзининг таркибий мақсади, мазмуни, усуллари, воситалари ва ташкилий шаклларига эга. Масофавий ўқитишнингИнновацион технологиялари – танланган ўқитиш концепциясига асосланган масофавий таълимнинг ўқув-тарбиявий жараёнини таъминловчи ўқитиш методи ва услублар мажмуаси. Кейс-технология – масофавий ўқитишни ташкил қилишнинг шундай услубики, масофавий таълимда матнли, аудиовизуал ва мультимедиали (кейс) ўқув услубий материаллар мажмуаси қўлланишга асосланади. ТВ-технология (медиа таълим) – масофавий ўқитишни ташкил қилишнинг шундай услубики, у талабаларга ўқув-методик маълумотларни телевидение воситаси ёрдамида етказишга хизмат қилади ва ташқи алоқали ихтиёрий интерактив усуллардан бири билан ўрнатишга асосланади.

Похожие

Ақлий хужум ва Брейнсторм усулларини ташкил этиш методикаси

Туртинчи синфда мусика укитишнинг мазмуни ва методикаси

Мактабгача таълим муассасаларида мусиқа Тарбияси ва методикаси

Олтинчи синфда мусика укитишни мазмуни ва методикаси

Мусиқа ўқитиш методикаси педагогик принциплар тизимида