Статик ва динамик синовларда ишлатиладиган ўлчов асбоблари - Метрология - Рефераты

Статик ва динамик синовларда ишлатиладиган ўлчов асбоблари

Загружено в:

20.09.2019

Скачано:

0

Размер:

918.984375 KB

С татик ва динамик синовларда ишлатиладиган ўлчов асбоблари Режа: 1. Ричагли-механик асбоблар 2. Динамометрлар 3. Механик тебранишларни ўлчовчи асбоблар

Ричагли-механик асбоблар Ричагли-механик асбоблар туркумига индикаторлар, ричагли чангаклар, индикаторли нутромер ва чангаклар, ўлчаш каллаклари ва бошқалар киради. Бу асбобларда, механизмнинг узатишлар сонини орттириб берадиган ричагли механик мосламалар ишлатилганлиги туфайли, юқори аниқликда ўлчашларни бажариш мумкин. Мазкур асбоблар асосан нисбий ўлчашга мўлжалланган, лекин уларнинг айримлари ёрдамида мутлоқ ўлчамларни ҳам ўлчаш мумкин. Индикаторлар икки турда: соатсимон, ричагли-тишли бўлади. Соатсимон индикаторлар, цилиндрик корпус ва унга киритилган тишли рейкали стержендан таркиб топади. Стержен қабул қилган чизиқли кўчиш рейка тишлари ғилдираклар воситасида айланма стрелкага узатилади. Тишли ғилдираклар тизими шундай танланганки, бунда ўлчаш стержени 1 мм га чизиқли кўчганда стрелка бир марта тўлиқ айланади. Индикаторларнинг доиравий шкаласи 100 бўлакдан иборат бўлиб, 1 бўлак қиймати 0,01 мм га тенг. Аниқлиги 0 ва 1 синфга мансуб бўлади. Ў лчаш чегараси эса 10 мм гача. Шунингдек, бўлак қиймати - 0,001 ва 0,002, ўлчаш чегараси мос равишда 1 мм ва 2 мм бўлган индикаторлар ҳам амалда ишлатилади (7.1-расм).

7.1-расм. Соатсимон индикаторлар Ричагли-тишли индикаторлар 1 мм гача бўлган кўчишларни ўлчайди, шкала бирлиги 0,01 га тенг. Унинг асосини тишли секторга эга ричаг ва унга туташтирилган стрелкали трибка ташкил этади (7.2-расм).

7.2-расм. Ричагли – тишли индикаторлар (ўлчов каллаклари) Индикаторлар ишлатиш энг қулай бўлган ўлчаш воситаларидир. Динамометрлар Динамометрлар қурилиш конструкцияларини синашда ишлатиладиган энг муҳим воситалардан саналади. Улар ёрдамида конструкцияларни синаш пайтида зўриқишлар ўлчанади, домкратлар ва синов машиналарнинг саноқ қурилмалари созланади. Динамометрлар ишлаш тамойилига кўра 3 турга бўлинади:  пружинали динамометрлар (ДП);  гидравлик динометрлар (ДГ);  электр динометрлар (ДЭ); 7.3 – расмда пружинали динометрларнинг тузилиши ва таркибий қисмлари кўрсатилган.

Ишчи динометрларни созлаш 2 разряд аниқлигидаги куч ўлчаш машиналарида, тўртинчи синфдаги донадор юклар воситасида, намунавий динамометрлар билан юкланиш шароитида таққослаш орқали ёки синов машинасида амалга оширилиши мумкин. 7.3-расм. Пружинали динамометр: а – умумий кўриниши; б - кнематик схемаси; 1 – ярим эллиптик пружиналар; 2 – корпусга маҳкамланган тортқи; 3 – қўзғалувчи тортқи; 4 – тишли сектор; 5 – тишли ғилдирак; 6 – кўрсаткич. Лаборатория шароитида динамометрларни созлаш учун Н.Г.Токар русумидаги намунавий динамометрлар ишлатилади (7.4 – расм).

7.4 – расм. Н.Г.Токар русумидаги намунавий динамометрнинг тузилиши: 1 – эгилувчан рама; 2 – пластиналар; 3 – хомут; 4 – соатсимон индикатор; 5 – учлик; 6 – пўлат игна; 7 – корпуснинг юқори ва қуйи таянчлари; 8 – винт. Механик тебранишларни ўлчовчи асбоблар Қурилиш конструкциялари ва иншоотларининг механик тебранишларини ўлчаш учун виброметрлар ишлатилади. Тебраниш частотасини аниқлашга мўлжалланган виброметрлар частотомерлар, тебраниш амплитудасиини аниқлашга мўлжалланган виброметрлар амплитудомерлар дейилади. Энг оддий частотомер турли узунликдаги пўлат пластинкалар (симлар) мажмуасидан иборат бўлиб, ҳаммасининг бир учи ягона таянчга бириктирилади, бир учига эса юклар билан та o минланган. Юклар шундай танланганки, ҳар бир пластина ма o лум частотага созланган бўлади. Асбоб тебранаётган конструкцияга бириктирилади ва пластиналар ҳолати кузатилади. Агар пластиналардан қайси бири резонанс ҳолатига тушса, демак, унинг хусусий частотаси конструкциянинг тебраниш частотасига яқиндир. Резонанс ҳолатидаги пластинанинг тебраниш частотаси олдиндан ма o лум, демак, унга асосланиб конструкциянинг тебраниш частотасини баҳолаш мумкин. Тебранишлар амплитудасини виброграмма ёзувларисиз аниқлаш учун вибромаркалар, индикаторлар, маятниклар ва бошқа асбоблар ўлчов воситаси сифатида ишлатилиши мумкин. Вибромарка (ўлчовли пона) тебраниш амплитудасини тезлик билан, юқори аниқлик талаб этилмай аниқлашда ишлатилади. Вибромарка (7.5 – расм) чизма қоғозининг бир бўлаги бўлиб, унга узунлиги 100 мм ва баландлиги 5 мм бўлган понасимон учбурчакдан иборат. Вибромарка тебранаётган конструкциянинг вертикал юзасига ёпиштирилади. Амплитудани вибромаркалар асосида аниқлаш инсон

кўзининг кўриш хусусиятларига асосланади. Инсон кўзи вибрация частотаси 8 Гц дан катта бўлганда учбурчакнинг тасвирининг ўзгаришини пайқамайди ва уни чекка ҳолатлар бўйича яхлит тасвир сифатида қабул қилади. 7.5 – расм. Вибромаркалар схемаси: а – вибрация пайтида; б – вибрациясиз ҳолатда. Учбурчакнинг чекка ҳолатлари кўз орқали учбурчак учидан х масофада кесишиш нуқталарида пайқалади. Амплитуда қиймати ўхшаш учбурчаклар хоссаларидан фойдаланиб топилади:a h= x l;a=hx l (7.1) Механик тебранишларнинг даври частотаси амплитудаси ва тебраниш шаклини аниқлаш учун виброграммалардан фойдаланилади (7.6–расм). Виброграммалар ёрдамида сўнувчи, мажбурий тебранишлар, зарб та o сирлари остидаги динамик тебранишларни ўрганиш мумкин. 7.6 – расм. Тебранишларни ёзиш натижасида олинадиган виброграммаларнинг асосий турлари: а – сўнувчи тебранишлар; б – бир тонли оддий тебраниш; в – икки тонли мураккаб тебраниш; г – уч тонли мураккаб тебраниш; д – зарб та o сиридан тебраниш; е – резонанс ҳолатдаги тебраниш.

Виброграммалар вибрографлар воситасида ёзиб олинади. Вибрографлар синов пайтида текширилаётган объектга боғлаб қўйилган ва боғланмаган бўлиши мумкин. Вибрографлар синалаётган конструкцияга ўрнатилади ва у билан бирга тебранади. Вибрографда ёзиш қурилмси бўлиб, узлуксиз ҳолда тебранишни ёзиб боради (7.7 – расм). 7.7 – расм. ВР-1 русумдаги вибрографнинг тузилиш схемаси: 1- учлик; 2 – найча; 3 – штифт; 4 – қисқич винт; 5 – пружина; 6 – ёзувчи ричаг; 7 – ёзув лентаси; 8 – вақтни қайд этувчи; 9 – юритма бўлинмаси; 10 – батарея бўлинмаси; 11 – калит; 12 – пружина. Тебранишларни ёзиш билан боғлиқ синовлар тугагандан кейин лентани йиртиб олинади ва ёзувни таҳлилдан ўтказилади (7.8 – расм).

7.8 – расм. ВР-1 русумдаги виброграф ёрдамида олинган тебранишлар амплитудаси ва частотаси ёзувининг схемаси: 1 – ёзув лентаси; 2 – вақт белгиси; 3 – амплитуда ёзуви. Тебранишлар амплитудасини қуйидаги формуладан топилади: А=knd 2 (7.2) бунда k – асбоб коэффициенти, n –микроскоп шкаласи бўлаклари сони орқали ифодаланган иккиланган амплитуда катталиги; d – микроскопнинг битта бўлаги қиймати.

А дабиётлар: 1. А.Г.Сергеев, В.В.Крохин. Метрология. Учебное пособие. М.: Логос, 2001. - 408 с.: ил. 2. В.П.Коротков. Основ метрологии и теории точности измерителнх устройств. М.: Изд. Стандартов, 1978. - 352 с. 3. Б.Э.Мухамедов. Метрология, технологик параметрларни ўлчаш усуллари ва асбоблари. Т.: Уқитувчи. 1991. – 320 б. 4. Р.Ж. Тожиев, А. Йўлдошев, Ш.Д. Султонов. Аҳмад ал-Фарғоний ҳаёти ва ижоди. Т.: Фан. 1998. 5. А.Абдураҳмонов. Улуғбек академияси. Т.: Қомуслар Бош таҳририяти, 1993.

Похожие

Температурани ўлчаш ҳақида асосий маълумотлар ва ўлчов асбоблари

Иншоот ва қурилиш тузилмаларини натурада текшириш ва синаш

Улчаш усуллари ва воситалари

Ўлчаш усуллари ва воситалари

АНАЛОГЛИ ЎЛЧАШ АСБОБЛАРИ