Рангли металлар ишлаб чиқариш хом-ашёлари - Материаловедение - Рефераты

Рангли металлар ишлаб чиқариш хом-ашёлари

Загружено в:

20.09.2019

Скачано:

0

Размер:

71 KB

Рангли металлар ишлаб чиқариш хом- ашёлари Режа: 1. Руда ҳақида тушунча. 2. Бойитиш жараёнидан бойитма олиш. 3. Металл таркибли минералларни синфланиши.

Рангли металлургия ишлаб чиқариш саноатининг энг кўп хом ашё истеъмол қиладиган тармоғи ҳисобланади. Рангли металл ишлаб чиқаришда катта миқдорда турли фойдали қазилмалар, иккиламчи металл таркибли материаллар ва бошқа қўшимча материал сарфланади. Рангли металлар олишда рудали хом ашё кўп сарфланади. Рангли металларнинг хом ашё таркибида миқдори камлиги сабабли бирлик маҳсулот ишлаб чиқариш учун ниҳоятда кўп миқдорда хом ашё сарфланади, яъни қайта ишланаётган хом ашё таркибида металл миқдори қанча кам бўлса, корхонанинг йиллик режасини бажариш учун шунча кўп руда қайта ишланади. Шунинг учун рангли металлургия корхоналари ўзларининг ишлаб чиқариш дастурларини бажариш учун йилига ўн миллионлаб тонна руда қайта ишлашлари керак. Рангли металлургия саноат корхоналарида рудали хом ашёдан ташқари кўмир, табиий газ, флюс, ўтга чидамли материал ишлаб чиқариш учун минерал хом ашё каби бошқа турдаги фойдали қазилмалар кўп миқдорда қайта ишланади. Тоғ жинслари ернинг ички ёки устки қатламларида геологик жараёнлар таъсирида ҳосил бўлган табиий бирикмалар ҳисобланади. Руда ва бошқа турдаги фойдали қазилмаларнинг ер қатламида ҳосил бўлишини асосий сабаби айрим элемент ва унинг бирикмаларини алоҳида жойларда тўпланиш хусусияти борлигидир. Руда деб, таркибида металл ёки металлар етарлича миқдорда бўлган, ҳозирги замон бойитиш ва металлургия техникаси ёрдамида қайта ишлаганда иқтисодий самара олинадиган тоғ жинсига айтилади. “Руда” тушунчаси геологик, техник ва иқтисодий маънога эга. Рудани металлургик қайта ишлаш имконини берадиган асосий металлнинг рудадаги минимал миқдори рентабеллик минимуми дейилади. Руда бошқа тоғ жинслари сингари минерал – табиий кимёвий бирикмалардан ташкил топган. Руда таркибидаги минераллар, асосан таркибида қимматли компоненти бўлган рудали, ва кераксиз жинсларига

бўлинади. Кераксиз жинсларга одатда ажратиб олинаётган металл ва бошқа қимматли компонент бўлмаган минераллар киради. Кўпинча кераксиз жинс ҳосил қиладиган минераллар кварц, карбонат, силикат, алюмосиликалар ва бошқалар ҳисобланади. Кўпгина ҳолларда кераксиз жинсларга темир таркибли минералларни ҳам ҳисоблашади, бироқ ҳозирги вақтда бу тўғри ҳисобланмайди. “Кераксиз жинс” тушунчаси ҳам шартли ҳисобланади. Чиқитсиз металлургик жараёнларни яратишга йўналтирилган металлургик технологиялар тараққиёти бир қатор қурилиш материалари (цемент, шлак маҳсулотлари ва бошқалар) олиш учун кераксиз жинс компонентларидан тўлиқ фойдаланиш йўлларини ишлаб чиқди. Руда таркиби одатда кимёвий йўл билан аниқланади. Бироқ амалий мақсадлар учун кимёвий таркибни билиш етарли ҳисобланмайди. Хом ашё таркибидаги минераллар тури (минералогик таркиб) ва минераллар орасида ҳамма компонентларни тақсимланиши (фазовий таркиб) ни ҳам билиш керак. Минералогик ва фазовий таркибни билиш қайта ишланаётган хом ашёнинг ҳамма компонентлари металлургик қайта ишлаганда ўзини тутишини олдиндан айтиш, тўғри келадиган рационал технологияни танлаш ва металлургик ҳисоб-китобларни тўғри бажаришни имконини беради. Рудалар металл таркибли тоғ жинси сифатида бир қатор хусусиятлар бўйича таснифланади. Амалда таркибидан бир металл олинадиган рудалар оддий ёки монометалл рудалар дейилади. Бундай рудаларга мисол сифатида, ҳамда шартли равишда ҳозирги вақтда фақатгина темир рудаларининг айрим навларини келтириш мумкин. Рангли металл рудаларининг ҳаммаси, келиб чиқишига кўра полиметалл (ёки комплекс) ҳисобланади ва таркибида камида иккита ажратиб олинадиган металл бўлади. Кимёвий (шунингдек минералогик) таркибига кўра ҳозирда таркибидан 10-15 тагача қимматли компонент ажратиб олинаётган мис, мис – никелли, мис – рухли, мис – қўрғошин – рухли рудалар мураккаб ҳисобланади.

Металл таркибли минераллар турига (кўриниши) кўра рангли металл рудалари қўйидаги асосий гуруҳларга бўлинади: 1. сулфидли – таркибидаги металл олтингугурт билан бирикиб сулфид кўринишида бўлади. Бундай рудаларга мисли, мисс-рухли, мисс- молибденли, мисс-никелли, қўрғошин-рухли (полиметалл) рудалар таалуқлидир; 2. оксидли – таркибидаги металл турли кислород бирикмалари: оксидлар, карбонатлар, гидрооксидлар ва ҳоказолар билан бириккан кўринишда бўлади. Бундай рудаларга мисол қилиб алюминийли, оксидланган никелли, қалайли, мис ва камёб металл рудаларининг айрим кўринишларини келтириш мумкин; 3. соф – таркибида металл эркин ҳолда учрайди. Табиатда эркин ҳолда олтин, кумуш, мис, платина, висмут, симоб учрайди; 4. – аралаш – металл сулфидли, оксидли кўринишда, айрим ҳолларда эркин ҳолда бўлади (мис рудалари); 5. – хлоридли – таркибида металл водород хлорид кислотаси тузлари кўринишида бўлади. Бундай рудалардан магний, шунингдек бир қатор енгил ва ноёб металлар ажратиб олинади. Сулфидли минераллар минерализацияланиш хусусиятига кўра, ўз навбатида деярли тўлиқ сулфидлардан ташкил топган, ва қисман сулфидлар кераксиз жинс ичида бирикиб келадиганларга бўлинади. Рангли металл рудалари кўпчилик ҳолларда камбағал ҳисобланади ва уларда бир неча фоиз, ҳаттоки фоиздан бир неча улуш миқдорида асосий металл бўлиш мумкин. Асосий металлга йўлдош компонент сифатида учрайдиган элементлар миқдори асосий металлга нисбатан бир неча марта кам бўлади. Бироқ кўпчилик йўлдош компонентлар қиймати жиҳатдан асосий металл билан тенг, айрим ҳолларда эса руданинг асосий компонентларидан қиммат ҳисобланади. Қимматли компонентлар қаторига рангли металл рудаларида 40-50% (массаси бўйича) ва ундан ортиқ

миқдорда бўлган темирни киритиш мумкин. Рангли металл рудаларини комплекс қайта ишлашнинг иқтисодий аҳамияти 3- жадвалда келтирилган. жадвал Руда тури Компонент Cu Zn Pb Ni Co Fe S нодир металла р Мисли (пиритли) 2.58/17 .3 1.09/ 5.2 - - - 40/ 20.4 46/ 20.4 -/15.0 Мис- рухли 2..5/15. 4 2.5/ 11 0.5/ 2. 5 - - 37/ 17.3 40/ 33.8 -/ 20 Мис-никелли 2.5/ 14.7 - - 1.5/ 32.6 0.05/ 0. 6 27/ 12 25/ 20.1 -/ 20 Оксидланган никели 0.01/ 0.14 - - 1.2/ 60.2 0.1/ 2 .81 35/ 36.8 - - Полиметалли 0.5/ 1.9 13/ 34.6 9/ 27 - - 8.5/ 2. 4 18/ 9.1 -/25 Изоҳ. 1. Суратда – компонентнинг рудадаги миқдори, %, махражда – компонентнинг нисбий қиймати, %. 2. Нодир металларнинг нисбий қиймати шартли қабул қилинган. 3. Руда компонентларининг нисбий қиймати 1981 й. нархларида ҳисобланган. Рангли металл рудаларини комплекс қайта ишлашнинг иқтисодий аҳамияти Таркиби жиҳатдан мураккаб бўлган полиметалл рудаларини қайта ишлаганда унинг ҳамма компонентларидан, шу жумладан кераксиз жинслардан ҳам тўлиқ фойдаланишга эришиш керак яъни чиқитсиз технологияни қўллашга интилиш керак. Кон-металлургия ишлаб чиқаришининг ривожланиш даражаси ва қўлланилаётган технология ҳақида биринчи навбатда тайёр маҳсулотга ўтказилган компонентлар қийматини, уларнинг дастлабки хом ашё рудаси таркибидаги қийматига

нисбати билан аниқланадиган, қайта ишланаётган хом ашёдан комплекс фойдаланишнинг амалий коэффициенти орқали баҳоланади. Рудани металлургик қайта ишлаш мумкинлиги ва мақсадга мувофиқлигини белгилайдиган рентабеллик минимуми, яъни асосий металлнинг минимал миқдори вақт ўтган сайин камаймоқда. Агар XIX аср охирида мис рудаси синфига таркибида мис миқдори 1,5 % кам бўлмаган тоғ жинслари ҳисобланган бўлса, ҳозирда бу кўрсаткич 0,4-0,5% гача тушиб кетди. Рентабеллик минимуми камайишига бойитиш ва металлургия техникасининг такомиллашиши ва ривожланиши, ҳамда хом ашёдан комплекс фойдаланиш коэффициенти ортиши сабаб бўлмоқда, яъни қанча кўп қиммат компонентлар ажратиб олинса, шунча асосий металл миқдори кам бўлган рудаларни иқтисодий ва техник жиҳатдан самарали қазиб олиш ва қайта ишлаш мумкин. Рудалар ҳам бошқа фойдали қазилмалар сингари, ер қатламида табиий ҳолда тўпланади, ва бу тўпланиш конлар деб аталади. Қимматли компонентларнинг конлардаги миқдори, кларк деб аталадиган ер қатламидаги ўртача миқдоридан анча юқори бўлади. Табиатда кенг тарқалаган металл алюминий ҳисобланади. Унга нисбатан кенгроқ тарқалган элемент кислород (47,0%) ва кремний (29,5%) ҳисобланади. Айрим металларнинг ер қатламида тарқалиши қўйидаги берилганлар билан характерланади, % ҳисобида: жадвал. Алюмини й 8,05 Вольфрам 7*10 -2 Темир 4,65 Молибде н 1*10 -3 Кальций 2,96 Қўрғоши н 8*10 -4 Натрий 2,50 Қалай 6*10 -4

Калий 2,50 Уран 5*10 -4 Магний 1,87 Селен 8*10 -5 Титан 0,45 Платина 2*10 -5 Мис 0,01 Кумуш 4*10 -6 Рух 0,02 Олтин 5*10 -7 Никел 0,018 Рений 1*10 -7 Кларки 10 -15 % га яқин бўлган актиний ва полоний табиатда камроқ учрайди. Бу металлар одатда унча юқори бўлмаган миқдорда асосий металл минералларида қўшимча сифатида учрайди. Рангли металл заҳиралари инсоният қадами етган жойларда металлургик ишлаб чиқаришни ва унга боғлиқ ҳолда рудани қазиб олишнинг узлуксиз ривожланиши натижасида камайиб бормоқда. Бироқ уларнинг табиий заҳираси эриган тузлар кўринишида рангли металлари бўлган денгиз ва океан сувлари ҳисобидан анчага оширилиши мумкин. Рудали хом ашёдан ташқари иккиламчи хом ашёдан ҳам фойдаланишади. Иккиламчи хом ашёга металл қайта ишлаш саноати чиқитлари, брак ва ўз муддатини ўтаб бўлган металл деталлар ва маҳсулотлар, турли метали лом, маиший жиҳозлар ва бошқалар киради. Ҳозирда кўплаб миқдорда иккиламчи хом ашёдан алюминий ва асосий оғир металлар ишлаб чиқарилмоқда. Замонавий иқтисодиёт учун иккиламчи қимматбаҳо металлар ишлаб чиқариш муҳим аҳамият касб этмоқда. Иккиламчи хом ашёни металлургик ишлаб чиқаришга жалб этилиши табиий руда хом ашёларидан тежаб сарфлаш, оддий ва арзон металлургик усуллар билан металл олиш, металл маҳсулотлар ишлаб чиқаришни кўпайтириш имконини беради. Келажакда иккиламчи хом ашё айрим рангли металлар ишлаб чиқариш учун асосий хом ашё бўлиши, рудали хом ашёни қайта ишлаш ҳисобидан эса шу металлни ишлаб чиқариш ва истеъмол қилиш орасидаги етишмовчилик қопланиши керак.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й.

Похожие

Саноатда рангли металлар ишлаб чиқариш

Рангли металлар ишлаб чиқариш жараёнлари асослари

Қора металлар ишлаб чиқариш асослари

Рангли металлар ва уларнинг қотишмалари

Пўлат ишлаб чиқариш