Пўлат ишлаб чиқариш - Материаловедение - Рефераты

Пўлат ишлаб чиқариш

Загружено в:

20.09.2019

Скачано:

0

Размер:

45.5 KB

Пўлат ишлаб чиқариш Режа: 1. Электр ёй ва индўқцион печларда пўлат олиш 2. Кислородли конвертер усули 3. Пўлатни қуйиш

Электр усулида пўлат олишда иссиқлик манбаи сифатида электр энергиясидан фойдаланилади, электр энергияси иссиқлик энергиясига электр печларида айлантирилади. Электр ёй печлари шихтани қиздириш усулига кўра учта асосий турга бўлинади. Биринчи турга ёйи бевосита таъсир этувчи печлар, иккинчи турга ёйи бил босита таъсир этувчи печлар ва учинчи турга эса ёйи берк печлар киради. Ёйи бевосита таъсир этувчи печларнинг сиғими 0,5-180 т га етади. Уларнинг электроди вертикал жойлашган бўлиб, электр ёйи электродлар билан металл орасида ҳосил бўлади ва шихтага бевосита таъсир этади. Печнинг кожухи пўлат листлардан ясалган, ички томони ўтга чидамли ғишт билан қопланган печда учта электрод бўлиб, уч фазали ток билан ишлайди. Электродлар сифатида прессланган кўмир ёки графит ишлатилади ва уларнинг диаметри 200-500 мм га етади. Печга шихта материаллари солингандан кейин олдинги дарча қопқоғи беркитилади ёки гумбаз ўз жойига ўрнатилади, шундан сўнг электродларга ток берилиб, ёй ҳосил қилинади. Тайёр пўлат печнинг орқа девори нов орқали чиқарилади. Бунда печ махсус механизм орқали қиялатилади. Печ трансформаторининг бирламчи чулғамига юқори (6000-30000 В) кучланишли ток келтирилади, бу ток трансформаторнинг иккиламчи чулғамида 220-650 В кучланишли токка айланади. 10 т дан ортиқ сиғимли печлар металлургия корхоналарида, сиғими 10 т дан кам бўлган печлар эса машинасозлик заводларининг қуймакорлик цехларида ишлатилади. Олинадиган пўлат маркасига қараб, 1 т металл учун 600-950 квт соат гача элктр энергияси сарф бўлади. Индукцион печлар Индукцион печь, бирламчи чулғам (индуктор) билан тигелдан иборат. Индуктор мис найдан, тигел эса кислотавий ёки асосий ўтга чидамли материаллардан тайёрланади. Индукцион печнинг тигелига шихта материаллари солиниб, индукторга ўзгарувчан ток берилади. Ток берилганда тигелдаги металда ток индукцияланади, ток энергияси эса иссиқликга

айланади. Натижада печда юқори температура ҳосил бўлиб, шихтани суюқлантиради ва пўлат олиш жараёни тезлашади. Индукцион печлар темир ўзакли ва ўзаксиз бўлиши мумкин. Темир ўзакли индукцион печларда рангли металл қотишмалари олинади. Юқори частотали индукцион печлар кўп легирланган пўлат ва кам углеродли махсус қотишмалар суюқлантириб олиш учун ишлатилади. Уларнинг сиғими 10 кг дан 10 т гача бўлади. Кислородли конвертор усули Бу усул фақат суюқ чўяндангина пўлат олишда қўлланилади. Бунинг моҳияти шундаки, суюқ чўян конвертор деб аталадиган ва олдиндан қиздириб олинган идишга солинади, чўян орқали ҳаво хайдалади. Хайдаладиган ҳаво таркибидаги кислород чўяндаги углеродни ва қўшимча элементларни оксидлайди (ёндириб юборади), натижада чўян таркибидаги углерод билан қўшимчалар миқдори камаяди ва пўлат ҳосил бўлади. Конвертор 15-25 мм ли қалинликдаги пўлат листдан нок шаклида ясалган идиш бўлиб, унинг ички девори ўтга чидамли ғиштдан терилган. Конвертор усулида чўяндан пўлат олиш учун тишли рейка ҳаракатлантирилиб, конвертор горизонтал вазиятга келтирилади ва унга фурмалар сатҳидан пастроқгача суюқ чўян қуйилади. Шундан кейин конверторга ҳаво хайдай бошланади ва айни вақтда конвертор секин-аста вертикал вазиятга келтирилади. Ҳаво босимини ҳам ошириб борилади. Конвертор вертикал вазиятга келганда ҳаво босими 2,5 ат га етказилади. Конверторга хайдалган ҳаво суюқ чўян орқали ўтаётганда унинг кислороди чўян таркибидаги углероднинг маълум қисмини ва қўшимчаларни оксидлайди, натижада чўян пўлатга айланади. Шундан кейин, конвертор горизонтал вазиятга келтирилиб, ҳаво хайдаш тўхтатилади, пўлатнинг кимёвий таркиби текшириб кўрилади ва суюқ пўлатга ферросилиций, ферромарганец қўшиб, пўлат оксидсизлантирилади. Тайёр пўлат ковшларга

қуйиб олинади. Конверторнинг ички девори 1000-2000 марта гача пўлат олишга чидайди, туби эса 20-30 марта пўлат олингандан кейин ишга яроқсиз бўлиб қолади ва янгисига алмаштирилади. Пўлатни қуйиш Тайёр пўлат конвертор ёки печдан махсус ковшга тўлдирилади, бундан эса қолипларга қуйиб чиқилади. Пўлатни қуйишда, кўпинча,стопорли ковшлар ишлатилади. Ковшнинг кожухи пўлат листлардан ясалган бўлиб, кожухнинг ички томонига шамот ғишти терилган, сиртқи томонига эса пўлат халқи кийдирилган. Бу халқага ковшни кран воситаси кўтариш учун иккита цапфа ўрнатилган. Ковшнинг тубида ўтга чидамли материалдан ясалган махсус стакан, бу стаканда эса тешик бор. Ковшдаги суюқ пўлат қолипларга ана шу тешик орқали қуйилади. Стопор воситасида зарур вақтда очилади ва беркитилади. Стопор пўлат стержен бўлиб, суюқ металл таъсиридан сақлаш учун унга ўтга чидамли материаллардан ясалган махсус найлар кийдирилган. Пўлат стерженнинг пастки учига шамот ёки графитдан ясалган қопқоқ маҳкамланган. Бу қопқоқ стакандаги тешикни беркитиш учун хизмат қилади. Стопор ричагли махсус механизм воситасида кўтарилади ва туширилади. Ковшнинг шамот ғиштидан терилган ички қоплами 25-50 марта пўлат қуйишга ярайди, шундан кейин таъмирланади. Ферромарганец билан қайтарилган пўлат қайнайдиган пўлат деб, ферромарганец, ферросилиций, алюминий билан қайтарилган пўлат эса қайнамайдиган пўлат деб аталади. Қайнайдиган пўлатни қуйиш учун тубсиз қолиплар, қайнамайдиган пўлатни қуйиш учун эса тубли қолиплар ишлатилади.

Фойдаланилган адабиётлар : 1. В.А. Мирбобоев. Конструкцион материаллар технологияси. –Т.: Ўқитувчи, 1991 й. 2. А.Н. Дальский. и др. «Технология конструкционнўх материалов». – М.: Машиностроение, 1990 г. 3. С.А. Тўрахонов. Металлар технологияси. –Т.: Ўқитувчи, 1991 й. 4. В.А. Мирбобоев. Конструкцион материаллар технологиясидан қисқача луғат. –Т.: Ўзбекистон. 1995 й. 5. Политехнический словарь. (Спец. редактор Т.Р. Рашидов, акад. АНУз). –Т.: 1989 г. 6. И.Носиров «Материалшунослик» 1993 й 7. И.Носиров «Материалшунослик» 2002 й 8. Кучер А.М Металлар технологияси-Т .Ўқитувчи, 1977-632 б 9. Мирбобоев В.А, Умаров Э, Аҳмадхужаев М,Конструкцион материаллар технологияси курсидан лаборатория ишлари.- Т. Ўқитувчи, 1993-176 б 10. Қаландаров Р. Конструкцион материаллар технологияси- Т. Ўқитувчи, 1989. -255 б 11. Козлов Ю.С Материалшунослик. –Т. Ўқитувчи, 1987 -84 б 12. Алан С.И, Григорьев П.М, Ростовцев А.Н . Технология конструкционнўх Материалов МП росвешение 1980-224 с

Похожие

Саноатда пўлат ишлаб чиқариш

Қора металлар ишлаб чиқариш асослари

Саноатда рангли металлар ишлаб чиқариш

Рангли металлар ишлаб чиқариш жараёнлари асослари

Рангли металлар ишлаб чиқариш хом-ашёлари