Қора металлар ишлаб чиқариш асослари - Материаловедение - Рефераты

Қора металлар ишлаб чиқариш асослари

Загружено в:

20.09.2019

Скачано:

0

Размер:

54.5 KB

Қ ора металлар ишлаб чиқариш асослари Режа: 1. Чўян ва пўлат олиш. 2. Хром, марганец, пўлат ва чўян металлургияси. 3. Металларга ишлов бериш. Қўймачилик иши.

Металлар орасида темир ўзига хос ўринга эга. Кишилик жамиятининг маданияти, техник тараққиёти темир ишлаб чиқариш усулларининг ривожланиши, такомиллашиши билан тўғридан-тўғри боғлиқ. Шуни таъкидлаш керакки, амалда тоза темир ишлатилмайди, балки унинг бошқа элементлар, биринчи навбатда углерод билан қотишмаларидан фойдаланилади. Бу қотишмалар қора металлар деб ном олди. Хоссаларига кўра – таркибидаги углерод миқдорига қараб – қора металлар уч гуруҳга бўлинади: темир (техник) 0,02% гача С, пўлат – 0,02-2,14% гача ва чўян – 2,14-7 % С. Жами ишлаб чиқарилаётган металлнинг қарийб 95% қора металларга тўғри келади. Қора металлар, айниқса пўлат саноат, транспорт, қурилиш ва маиший техникада кенг қўлланилади. Қора металларнингбундай кенг қўлланишига асосан иккита сабаб мавжуд. Биринчидан , ер юзасида темир таркибли хом ашёнинг 2 ата захиралари мавжуд, рудалардан темир ажратиб олиш таннархи нисбатан юқори эмас. Ер юзасида тарқалиши жиҳатидан темир тўртинчи (кислород, кремний, алюминийдан кейин) ўринни эгаллайди. Кўпгина темир руда конлари юз миллионлаб, ҳаттоки бир неча миллиард тоннали захираларга эгалиги, йирик кончилик корхоналари қуриш имконини беради, 1 тонна рудани қазиб олишга кетадиган харажатлар кам бўлади. Рангли ва ноёб металларга нисбатан рудаларда темир миқдорининг юқорилиги (40-65%) ва рудадаги минералларда 2 ата 2 рва кислород ўзаро яхши боғланмаганлиги, қора металларнинг ишлаб чиқариш таннархи пастлигини кўрсатади. Темир ва кислороднинг ўзаро яхши боғланмаганлиги темирни қайтариш учун нисбатан арзон ва кенг тарқалган кимёвий реагентлар: углерод, углерод монооксиди (кокс, табиий газдан) фойдаланиш имконини беради. Иккинчидан , қора металлар машинасозлик, электротехника, қурилиш ва саноатнинг бошқа тармоқлари конструкцион материалларига қўйиладиган талабларга жавоб беради. Турли пўлатлар (механик, магнит, электр, кимёвий ва б.) нинг хилма-хил хоссаларга эга бўлиши, қотишмаларга легирловчи

элементлар қўшилиши ва термик қайта ишлаш усуллари ишлатилиши билан изоҳланади. Рудалардан темир ажратиб олиш ва қора металларни қайта ишлаш билан шуғулланадиган саноат тармоғи қора металлургия дейилади. Археологик қазишмалар шуни кўрсатмоқдаки, инсоният темирдан бир неча минг йил фойдаланиб келмоқда. Соф ҳолда табиатда темир учрамайди. Ер юзида у турли кўринишда, кимёвий бирикмалар, кўпинча кислород билан бириккан ҳолда, таркибида темир бўлмаган кераксиз жинс билан аралашиб кетган оксид кўринишида учрайди. Рудалардан темир ажратиб олиш, яъни металл кўринишида олиш икки масалани ҳал қилишни талаб этади: 1) унинг оксидларидан темирни қайтариш; 2) қайтарилган темирни кераксиз жинсдан ажратиш. Вақт ўтиши билан металлни олиш такомиллашиб борди. Самарали йўналиш бўлиб, биринчидан, газ оқими энергиясидан фойдаланишни яхшиланишига олиб келган печнинг баландлигини ошириш, иккинчидан, печга ҳаво пуркайдиган махсус қурилмалардан фойдаланиш бўлиб қолди. Натижада ёқилғини ёниш фаоллигин ортди, печда ҳарорат кўтарилди, ёқилғининг солиштирма сарфи камайди ва печларнинг иш унумдорлиги оширилди. ХХ асрнинг 50-йилларида саноат миқёсида кислород олишнинг ўзлаштирилиши янги техника асосида конвертерлаш жараёнини қайтадан туғилишига олиб келди. Кислород – конвертерли жараёнда ҳосил бўладиган ортиқча иссиқлик, талаб этилган пўлатнинг ҳароратини туширмасдан, металл ломларни қайта эритиш, кўп миқдордаги шлак таркибидан олтингугурт ва фосфорни чиқариб ташлаш учун эритишга иссиқликни сарфлашга олиб келди. Ҳозирда пўлат ишлаб чиқаришнинг юқори иқтисодий самарадорлиги, юқори ишлаб чиқариш қувватига эга ва тежамли металлургик агрегатлар: домна печлари ва кислородли конвертерлар қўллаш билан изоҳланади. Сўнгги йилларда пўлатни электр печларида эритиш кенг тарқалмоқда. Бу

печлар кам миқдорда машинасозлик заводларида пўлат олиш учун қулай. Электрометаллургия юқори сифатли легирланган пўлатлар, ферроқотишмалар ва зарурат туғилганда қийин эрийдиган металл ва қотишмалар олишда 4 ата афзалликларга эга. ХХ аср охирида печларнинг янги тури – индукцион печлар пайдо бўлди. Темир, аниқроқ пўлат олиш тўрт босқичдан иборат: 1 босқич – темир рудаларини механик бойитиш ва йириклаштириш (окускование); 2 босқич – темир оксидини қайтариш ва темирни кераксиз жинсдан пирометаллургик усул – домнали эритиш билан ажратиш; 3 босқич – ярим маҳсулотни – чўянни кераксиз қўшимчалардан тозалаш, керакли кимёвий таркибли пўлат олиш; 4 босқич – турли пўлатларни керакли хоссаларини яхшилаш учун уни газсимон ва металлмас қўшимчалардан тозалашнинг комплекс техник усуллари. Темир олиш учун хом ашё сифатида темир рудалари бўлиб, улар таркибидаги минералга кўра тўрт гуруҳга бўлинади: 1. қизил темир – рудали минерал – гематит – Fe 2 O 3 2. магнитли темир – рудали минерал – магнетит – Fe 3 O 4 3. қўнғир темир – рудали минерал – темир гидрооксиди – Fe 2 O 3 * nH 2 O 4. сидеритлар – рудали минерал – FeCO 3 Айрим ҳолларда темир рудаларида оз миқдорда қўшимчалар бўлади: - фойдали: Mn , V , Cr , Ni ва бошқалар. - зарарли: S , P , As , Zn ва бошқалар. Минерал хом ашёдан комплекс фойдаланиш мақсадида домна печлари шихтасида кўпинча домнали эритишнинг қайтарилган маҳсулотлари ва таркибида темир миқдори ва бошқа қимматли компонентлари кўп бўлган ишлаб чиқариш чиқиндиларидан фойдаланилади. Замонавий домна ишлаб чиқариш темир таркибли рудаларга гранулометрик ва кимёвий таркиб, зарарли қўшимчалар, қаттиқлиги,

қайтарилиши бўйича юқори талаблар қўйилади. Шунинг учун қазиб олинадиган деярли ҳамма темир рудалари тўлиқ комплекс тайёрлаш: майдалаш, янчиш, ғалвирлаш, синфлаш, бойитиш, ўртачалаштириш, йириклаштиришга юборилади. Темир рудаларидан темирни ажратиб олувчи асосий қурилма домна печи ҳисобланади. Домнали эритиш натижасида олинадиган чўян ишлатилиш соҳаси чегараланган, чунки у мўрт, эгилувчан эмас, мустаҳкамлиги юқори эмас. Пўлат эритиб ишлаб чикаришнинг асосий вазифаси чўянни дастлабки маҳсулот сифатида ишлатиб, яхши механик хоссаларга эга қотишма – пўлат олиш ҳисобланади. Пўлат эритиб ишлаб чиқаришнинг домна ишлаб чиқаришдан биринчи фарқи – бу жараёнларнинг оксидлаш шароитида олиб борилишидир. Иккинчи фарқ, пўлат ишлаб чиқариш чўян ишлаб чиқаришга нисбатан юқори ҳарорат талаб қилишидир. Учинчи фарқ, металлургик қурилмага маълум миқдорда чўян ва бошқа маҳсулотлар берилганда ва чўянни пўлатга айлантириш бошланганда ишлаб чиқаришнинг даврий бўлиши. Оксидлаш жараёнлари керакли ҳажм ва вақт давомида олиб борилгандан сўнг, тайёр пўлат печ ёки конвертердан чиқариб юборилади. Шундан сўнг, навбатдаги эритиш бошланади. Қўймачилик тайёр машина деталлари ишлаб чиқаришда кенг тарқалган усуллардан ҳисобланади. 70% га яқин тайёр детал қўймачилик билан олинади, машинасозликнинг айрим соҳаларида, мисол учун, станоксозликда 90% га яқин шу йўл билан олинади. Машинасозлик ёки асбобсозликнинг ҳеч бир тармоғи йўқки, қўйма деталлар ишлатилмаса. Қўймачилик саноатининг бундай кенг тарқалиши тайёр детал тайёрлашнинг бошқа усуллари (ковка, штамповка) га қараганда 5 ата афзалликларга эга эканлиги билан изоҳланади: қўймачилик билан деярли истаган муракабликдаги деталларни минимал йўқотишлар билан тайёрлаш мумкин, бу металл сарфини камайтиради, кесиб ишлов беришга кетадиган харажатларни қисқартиради, маҳсулотнинг таннархини камайтиради.

Ҳозирги вақтда қўймаларнинг кўпчилиги бир марталик формаларда қўйилади. Бу усулнинг олиб борилиши қўйидагича: тайёрланаётган деталнинг натурал ўлчамидан сал каттароқ бўлган нусхадан ташкил топган модел ёрдамида формовка аралашмасида деталга ўхшаган бўш бўшлиқ ҳосил қилинади, кейин у эритилган металл билан тўлдирилади. Формовка аралашмаси – уч компонент: асосий (қум, глина), боғловчи ва қўшимчалардан ташкил топган сочма маҳсулот бўлиб, ундан форма тайёрланади. Қўймачилик саноатида бир марталик, яримдоимий ва доимий формалар ишлатилади. Моделлар ёғоч, металл, платмассадан тайёрланади. Металларга босим остида ишлов бериш – технологиялар мажмуаси бўлиб, унинг ёрдамида кўпгина металларнинг ташқи кучлар таъсири остида пластик деформацияланиш мумкинлигидан фойдаланилган ҳолда, керакли шакл ва ўлчамда металл маҳсулотлари олинади. Металларнинг эгилувчанлиги кристалл панжаранинг тузилиши, ҳарорат, дефоермация тезлиги ва миқдори ва ниҳоят зўриқиш ҳолати кўриниши, яъни деформациялаётган металлнинг уч ўлчовли ҳажмда зўриқиш миқдори ва йўналишига боғлиқ. Саноатда ишлатиладиган металларга ишлов беришнинг турли усуллари бир қатор афзалликларга эга: олинаётган буюмлар текис юзага, ўлчамларнинг ўта аниқлигига эга, пластик деформацияланиш натижасида металларнинг механик хоссалари ошади. Металларга босим остида ишлов берувчи қурилмалар юқори иш унумдорлигига эга, металл чиқити кам чиқади; жараёнлар осонликча автоматлаштирилади. Буларнинг ҳаммаси ишлаб чиқарилаётган металларнинг 90 %, жумладан, пўлатларнинг 80 % прокатланиш сабабини тушунтириб беради.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й. 8.Arxiv.uz

Похожие

Рангли металлар ишлаб чиқариш жараёнлари асослари

Қора металлар металлургияси

Саноатда рангли металлар ишлаб чиқариш

Рангли металлар ишлаб чиқариш хом-ашёлари

Пўлат ишлаб чиқариш