Рангли металлар ишлаб чиқариш жараёнлари асослари - Материаловедение - Рефераты

Рангли металлар ишлаб чиқариш жараёнлари асослари

Загружено в:

20.09.2019

Скачано:

0

Размер:

80 KB

Р англи металлар ишлаб чиқариш жараёнлари асослари Режа: 1. Рангли металлар ишлаб чиқариш жараёнлари асослари. 2. Рангли металлар олишда ёрдамчи материалларни қўлланилиши. 3. Рангли металлар ишлаб чиқаришнинг асосий жараёнлари ва кўрсаткичлари.

Алюминий – муҳим енгил рангли металл ҳисобланади. Ишлаб чиқариш ва ишлатилиши бўйича у металлар орасида иккинчи ўринни эгаллайди. Халқ хўжалигининг деярли ҳамма тармоқларида алюминийнинг ишлатилишига сабаб бўлган муҳим физик хоссаларига зичликнинг кичиклиги, юқори эгилувчанлик, иссиқлик ва электр ўтказувчанлик киради. Алюминийнинг кўпгина физик хоссалари унинг тозалик даражасига боғлиқ ҳолда ўзгаради. Ҳозирги вақтда алюминий соф металл, туз ва оксидлардан иборат кўпгина қотишмалар кўринишида кенг ишлатилмоқда. Таркибида алюминий бўлган 250 га яқин минерал маълум. Муҳим алюминий таркибли рудалар бокситлар, нефелинлар, алунитлар ҳисобланади. Алюминий таркибли рудалардан дастлаб техник алюминий оксиди – глинозём, ундан эса металл алюминий олинади. Алюминий таркибли тоғ жинсларидан алюминий олиш учун хом ашё сифатида фойдаланиш, маълум бўлган қайта ишлаш усулларини қўллаш мумкинлигини ҳисобга олган ҳолда бажарилган техник-иқтисодий натижалар билан аниқланади. Оғир рангли металлар ишлаб чиқарадиган улкан корхоналар кон, бойитиш ва металлургик ишлаб чиқаришдан таркиб топган кон-металлургия корхоналари шаклида ташкил этилса, замонавий алюминий саноати эса глинозём ва алюминий заводлари аниқ ва алоҳида жойлашиши билан характерланади. Бу шу билан асосланадики, алюминийни электролитик усулда олиш кўп энергия талаб қиладиган ишлаб чиқариш категориясига киради ва бундай заводларнинг жойлашиши электростанциянинг электр энергияси арзон бўлган районларда жойлаштирилади. Глинозём ишлаб чиқариш аксинча, алюминий хом ашёси қазиб олинадиган конларга яқин жойларда жойлаштирилади, бу электролиз заводларига ташиладиган хом ашё ҳажмини камайтиради. Металл алюминий олиш жараёни мураккаб бўлиб, у тўртта алоҳида технологиялардан ташкил топган: 1) глинозём ишлаб чиқариш; 2) криолит ва фторли тузлар ишлаб чиқариш; 3) кўмир маҳсулотлари ишлаб чиқариш;

4) электролит алюминий ишлаб чиқариш. Алюминий ишлаб чиқаришнинг электролитик усули очилганидан ва қўланила бошланган вақтдан бери унинг ривожланиши қўлланилаётган қурилма ва ускуналарнинг конструкциясини яхшилаш, технологик жараёнларни механизациялаш ва автоматлаштириш, ҳамда уни такомиллаштириш йўлидан борилди. Усулнинг олиб борилиши ўзгармасдан қолаверди. Алюминийни эритмаларни электролиз қилиш билан олиш усулининг кўпгина қулайликларига қамасдан, бу технология бошқа рангли металларни кўп миқдорда ишлаб чиқаришга нисбатан маълум камчиликларга эга: 1) ҳатто энг йирик электролизёрларнинг бир қуввати пастлиги; 2) электроэнергиянинг солиштирма сарфи юқорилиги; 3) ўзгарувчан токнинг ўзгармас тока айлантириш кераклиги; 4) глинозём ишлаб чиқариш технологик схемасининг мураккаблиги; 5) қимматли тоза фторли тузларнинг кўп сарфланиши; 6) паст навли алюминий таркибли хом ашёлардан фойдаланиб бўлмаслиги. Глинозём ишлаб чиқариш. Тоза алюминий оксиди AI 2 O 3 – глинозём – алюминийни олишда асосий хом ашё ҳисобланади. Техник глинозём сифатини баҳолашда унинг физик хусусиятлари: намлик, зичлик, солиштирма оғирлиги, гранулометрик таркиби ва ҳоказоларга 3 ата эътибор берилади. Бу хусусиятларга боғлиқ жараёнларга глинозёмни жўнатиш, электролизёрларга юклаш ва электролиз жараёнлари киради. Ҳозирда деярли ҳамма глинозём ишқорий усуллар билан олинади. Ишқорий усул ўз навбатида гидрокимёвий, термик, аралаш усулларга бўлинади. Глинозёмни Байер усули бўйича олиш. Байер усули гидрокимёвий усулларга киради. Байер усули асосида қайтар кимёвий реакция ётибди: AI(OH) 3 + NaOH ↔ NaAIO 2 + 2H 2 O (1)

Дастлабки руда натрий оксиди билан ишланганда (эритилганда) бу реакция ўнг томонга, яъни алюминий эритмага натрий алюминий кўринишида ўтади. Олинган эритмалар парчаланганда реакция тескари йўналишда боради ва кристалл алюминий гидрооксиди ҳосил бўлиши билан алюминийли эритма гидролизланади. Байер усулида ишқор бўйича бутун технологик цикл ёпиқ. Юқори сифатли таркибида кремнезём миқдори кам бўлган бокситларни қайта ишлаш учун Байер усули ишлатилади. Дастлаб боксит майдаланади, сўнгра концентрланган ишқор эритмаси муҳитида янчилади. Кейинчалик бўтана алюминий оксидини эритмага ўтказиш учун эритилади. Бокситларни эритганда эримайдиган натрий гидроалюмосиликати кўп миқдорда тўпланиб қолишига йўл қўйилмайди, чунки бу қайтариб бўлмайдиган қимматли ишқор йўқолишига ва эритмага алюминий кам ўтишига олиб келади. Шу сабабли таркибида кремнезём миқдори кўп бўлган бокстиларни Байер усули билан қайта ишлаш мақсадга мувофиқ эмас. Бокситларни эритиш учун 180-240 0 С дан кам бўлмаган ҳарорат талаб этилади. Бундай шароитда сувли эритмаларнинг тўйинган буғ босими атмосфера босимига қараганда, анча юқори бўлади. Эритишда ҳосил бўладиган алюминийли эритмалар парчаланишга мойил, яъни улардан қайтадан алюминий гидрооксиди ажралиб чиқади. Алюминийли эритмаларнинг бардошлиги, амалиётда каустик модуль α к билан характерланадиган ортиқча ишқорга боғлиқ. Каустик модуль Na 2 O : AI 2 O 3 нинг 4 ата нисбати билан ифодаланади ва қайтарилган эритмада унинг миқдори (3,5-4) бўлиши керак. Каустик модуль қанча 4 ата бўлса, алюминийли эритма шунча бардошли бўлади ва эритиш тез боради. Алюминийли эритма шламдан одатда қуюлтириш, кейинчалик майда заррачалардан тозалаш учун фильтрация ўтказилади. Қуюлтиргичдан чиқарилган шлам қарама-қарши оқим принципи бўйиа кўп марта ювилади, бу уни алюминат эритмаларидан тўлиқ ювиш ва юқори концентрацияли сувлар олиш имконини беради. Ювилган қизил шлам чиқитхонага чиқариб юборилади. Қуюлтиришдан кейинги алюминатли

эритма босим остида ишлайдиган фильтрларда қайта ишланади. Кейин эритма парчаланиш (декомпозиция) га юборилади. Парчалаш жараёнини ўтказишдан мақсад AI ( OH ) 3 эритмасини кристаллизациялашдир. Унинг асосида жараён шароитида ўнгдан чапга (1) реакциянинг қайтарилиши ётади. Алюминатли эритмани парчалаш жараёнини амалга ошириш учун эритмани суюқлантириш, уни совутиш, «затравка» (олдин олинган алюминий гидрооксидининг майда кристаллари) ни киритиш ва йирик кристаллар ҳосил қилиш учун бўтанани 50-90 соат давомида аралаштириш керак. Парчалаш натижасида олинган эритма ва турли катталикдаги алюминий гидрооксиди кристаллари қуюлтиришга юборилади. Гидрооксидни эритмадан ажратиш учун ва гидрооксидни синфлаш учун гидросепараторлар, гидроциклон ва қуюлтиргичлардан фойдаланилади; қуюлтирилган бўтана фильтрланади ва барабанли – вакуум фильтрларда ювилади. Бўтана синфлашдан сўнг, алюминий гидрооксидининг икки синфи (фракция) ва эритма олинади. Заррачалари ўлчами 40-100 мкм дан катта бўлмаган йирик фракция кальцинацияга юбориладиган гидрооксидли маҳсулот ҳисобланади, майда заррали фракция эса алюминатли эритмаларни парчалашда затравка сифатида ишлатилади. Гидрооксид ажратиб олингандан сўнг, ҳосил бўлган эритма оқава сувлар билан бирлаштирилиб буғлантиришга юборилади. Алюминий гидрооксидининг йирик фракцияси ювилгандан ва фильтрлангандан сўнг, глинозем олишнинг сўнгги босқичи – кальцинацияга юборилади. Кальцинация жараёнининг мақсади – гидрооксидни сувсизлантиришдир. Алюминий олишнинг электролитик усули. Алюминий кучланиш қаторида электроманфий металлар қаторида тургани сабабли, уни таркибида алюминий ионларига нисбатан электромусбат ионли металлар мавжуд бўлмаган электролитлардан электролиз усулида ажратиб олиш мумкин. Бундай электролитларга таркибида ишқорий ва ишқорий-ер металлар катионалари мавжуд бўлган ва глинозёмни етарлича яхши эрита оладиган тузли эритмалар киради. Замонавий саноатда ишлатиладиган электролит

асосини криолит – глинозём ( Na 3 AIF 6 – AI 2 O 3 ) системаси ташкил этади. Электролитни эриш ҳароратини пасайтириш, унинг электрўтказувчанлигини ошириш, анодни электролит билан намланишини яхшилаш ва унга бир қатор хусусиятларни бериш учун электролит таркибига умумий ҳолда 6-10% дан ошмаган миқдорда турли қўшимчалар қўшилади. Нормал ишлаётган электролизёрдаги электролит ҳарорати 950-970 0 С атрофида бўлади. Глинозёмни электролиз қилиш жараёни давомида унинг концентрацияси рухсат этилгангача узлуксиз равишда камайиб боради. Электролит таркибида глинозём камайиши қовушқоқликнинг пасайишига, унинг зичлигини бироз камайишига ва аноднинг эритма билан намланиши ёмонлашишига олиб келади. Электролит таркибида глинозёмни камайиши узлуксиз ёки даврий равишда тўлдириб борилади. Электрокимёвий жараённинг охирги натижалари қўйидаги реакциялар билан ёзилиши мумкин: 6 ата 6 р 2 AI 3+ + 6 e → 2 AI ; 6 ата 6 3О 2- - 6е → 3О. Алюминийни электролитик усулда олиш жараёнининг асосий маҳсулотлари металл алюминий ва анодли газлар ҳисобланади. Электролиз усули билан олинган алюминий таркибида металл, металлмас ва газсимон қўшимчалар бўлади. Алюминийни тозалаш (рафинирлаш). Қўшимчалар алюминийни механик, электролитик ва қўйма хусусиятларини ёмонлаштиради, шунингдек, унинг коррозияга бардошлигини пасайтиради. Электролиз ваннасидан олинган алюминийни механик қўшимчалар ва эриган газлардан тозалаш учун қўйилишдан олдин у хлорланади. Хлор билан ишлов берилгандан сўнг алюминий яллиғ қайтарувчи электр печларига қўйилади. Бу жараёндан мақсад: а) металлни қушимча металлмас қўшимчалардан узоқ вақт тиндириш йўли билан тозалаш; б) турли ванналардан олинган

алюминийни аралаштириш йўли билан ўртачалаштириш. Бу ишлов усуллари ва ўртачалаштириш бажарилгандан сўнг, алюминий қўймаларга қўйилади. Қўрғошин металлургияси. Қўрғошин – жуда қадимдан ишлатилаётган металлардан бири ҳисобланади. Қўрғошин кўпчилик металлар билан халқ хўжалиги учун муҳим бўлган қотишмалар ҳосил қилади. Қўрғошин техниканинг турли тармоқларида кенг қўлланилмоқда. Кўп миқдорда қўрғошин аккумулятор ва кабелларнинг коррозияга қарши қопламалари ишлаб чиқаришда ишлатилади. Чет элда қўрғошин ишлаб чиқарувчи давлатлар АҚШ, Германия, Буюк Британия, Япония, Австралия, Франция, Канада ҳисобланади. Қўрғошин ишлаб чиқаришда асосий хом ашё сулфидли полиметалл рудалар ҳисобланади. Қўрғошин-рухли ва 7 ата- қўрғошин-рухли рудалар кенг тарқалган. Асосий қўрғошин минерали галенит Р bS дир. 7 ата 7 рва 7 оксидли рудаларда церуссит PbCO 3 ва англезит PbSO 4 учрайди. Таркибида 8- 9 % Pb бўлган қўрғошинли рудалар тўғридан-тўғри металлургик қайта ишлашга яроқли эмас. Шу сабабли деярли ҳамма рудалар флотация усулида бойитиш учун юборилади. Қўрғошин таркибли рудаларни бойитишда иккита мақсад кўзланади: кераксиз жинснинг 7 ата қисмини ажратиш ва бир вақтнинг ўзида асосий қиммат компонентларни алоҳида бойитмаларга ажратиш. Сулфидли қўрғошин бойитмаларини қайта ишлашда пирометаллургик ва гидрометаллургик технологиялар ишлатилиши мумкин. Бироқ қўрғошинни ажратиб олиш учун технологияси охиригача мукаммаллаштирилмаган гидрометаллургик усуллар пирометаллургия усуллари билан рақобатлаша олмайди ва ҳозирги вақтгача саноатда фойдаланилмаяпти. Сулфидли бойитмалардан қўрғошинни эритишнинг уч варианти мавжуд: реакцияли, чўктириш, қайтариб эритиш. Қўрғошинни реакцияли эритиш асосида қисман қўйидаги реакциялар бўйича оксидлаб куйдириш ётади:

2PbS + 3O 2 = 2PbO + 2SO 2 ; (1) PbS + 2O 2 = PbSO 4 . (2) Кейинчалик куйдириш маҳсулотларининг оксидланмай қолган қўрғошин сулфиди қолдиғи билан ўзаро таъсирлашади : PbS + 2 PbO = 3Pb + SO 2 ; (3) PbS + PbSO 4 = 2Pb + 2SO 2 . (4) Реакцияли эритиш асосидаги электр эритиш усули ва кивцэт жараёни билан ҳозирги вақтда қўрғошин олинмоқда . Чўктириб эритиш қўрғошинни унинг сулфидларидан темир билан сиқиб чиқариш реакциясига асосланган . PbS + Fe = Pb + FeS. (5) Чўктириб эритиш ҳозирда саноатда қўлланилмаётган бўлсада , унинг асосида ётган реакция , қисман шахтали қайтариб эритиш амалиётида ишлатилади . Сулфидларни оддий углеродли қайтарувчилар билан тўғридан - тўғри тиклаш – мураккаб масала ва саноат миқёсида технологик жиҳатдан амалга ошириб бўлмайди . Сулфидли бойитмалардан қайтариб эритиш усули билан қўрғошин олиш учун , улар дастлаб бир вақтнинг ўзида пишириб оксидлаб куйдирилади , чунки қорамтир қўрғошинга эритиш шахтали печларда амалга оширилади . Куйдирилган агломерат кокс билан эритилади ; бу пайтда қўрғошин қўйидаги реакция бўйича қайтарилади : PbO + CO = Pb + CO 2 . Эритиш пайтида кислород билан бирикишга мойил қўшимчалар шлак , кислород билан бирикишга мойиллиги кам қўшимчалар металл ҳолатигача тикланади ва қўрғошинда эрийди . Қорамтир қўрғошин печдан чиққандан сўнг , суюқ ҳолда тозалашга юборилади . Қорамтир қўрғошинни тозалаш

пирометаллуригик усуллар билан амалга оширилади , айрим заводларда бу мақсадда электролиз ишлатилади . Рух металлургияси. Рух қадимдан маълум металлардан бири ҳисобланади. 9 ата 9 рв қайнаш ҳарорати 419,5 ва 906 0 С ни ташкил этади. Рух – электроманфий металл ҳисобланади. У 9 ата, никел, кобалт, қўрғошин, қалай ва нодир металларни эритмалардан сиқиб чиқаради. Рухнинг бу хусусиятидан металлургия амалиётида эритмалардан бир қатор металларни цементация усулида сиқиб чиқариш учун фойдаланилади. Ҳозирги вақтда рух ишлаб чиқарилиш ва ишлатилиши бўйича рангли металлар орасида алюминий ва мисдан кейинги учинчи ўринни эгаллайди. Рух олишнинг асосий манбалари 9 ата-қўрғошин-рухли, 9 ата-рухли, қўрғошин-рухли рудалар ҳисобланади. Сулфидли рудаларда рух одатда сфалерит ZnS кўринишида учрайди. Маълум миқдорда рух қўрғошин олинадиган рудалардан ҳам олинади деб ҳисоблаш мумкин. Оксидланган рух таркибли рудалар таркибида рухнинг смитсонит ZnCO 3 , цинкит ZnO , каламин 2 ZnO • SiO 2 • H 2 O каби минераллари учрайди. Сулфидли полиметалл рудаларда рух миқдори 1-3 %ни ташкил этади. Бу рудалар мураккаб таркибга эга. Флотация усулида олинган бойитмалар таркибида 60% гача Zn бўлади. Рух бойитмасини қайта ишлаш икки хил усул билан амалга оширилади: пирометаллургик (дистилляцияли) ва гидрометаллургик. Пирометаллургик усул асосида рух оксидини 1000-1100 0 С ҳароратда қайтариш жараёни ётади, чунки бундай ҳароратда буғсимон ҳолатда уни ажралиши ва буғ кўринишида ҳайдалишини таъминланади: д ZnO + C ↔ Zn пар + CO; ZnO + CO ↔ Zn пар + CO 2 Кейинчалик рух буғлари конденсацияланади . Пирометаллургик усул билан олинадиган рух таркибида ҳайдаладиган ёки чиқариб юборилаётган газ таркибидаги чанг орқали кўпгина металл

қўшимчалар бўлади . Шунинг учун дистилляцияланган рух албатта тозаланади . Рух ишлаб чиқаришда дистилляция жараёнларидан фойдаланишнинг чегараланганлиги ва улардан кейинчалик фойдаланишнинг истиқболи йўқлиги сабабли ҳозирги вақтда бу усулдан фойдаланиш чегараланган . Ҳозирги вақтда кўпгина рух заводларида гидрометаллургик жараёнлар кенг қўлланилмоқда . Улар қўйидаги афзалликларга эга : 1) рух ва унга йўлдош элементларни ажратиб олишнинг юқорилиги ; 2) хом ашёдан комплекс фойланишнинг юқорилиги; 3) рухнинг сифати юқори бўлиши; 4) кўп меҳнат талаб қиладиган жараёнларни механизацияланиши. Бу усул билан рух дастлаб куйдирилган бойитмадан сульфат кислота билан эритиб олинади. Рух куйиндисини сульфат кислотада эритганда рух, рух сульфати кўринишида эритма таркибига қўйидаги реакция бўйича ўтади: ZnO + H 2 SO 4 = ZnSO 4 + H 2 O Рух куйиндисини эритишда эритма таркибига куйинди таркибидаги қўшимчалар ҳам қисман ўтади. Электролитик усул билан чўктириб олинган рух сифати эритманинг тозалигига боғлиқ: электролизга қанча тоза эритма келса, шунча тоза рух олинади. Шунинг учун электролиздан олдин эритма қўшимчалардан тозаланади. Электролиз вақтида рух 10 ата 10 р чўктирилади, 10 ата 10 кейинги куйдириш жараёни маҳсулотларини эритиш учун зарур бўлган сульфат кислота тозаланади ва кислород ажралиб чиқади. Катодли рух чўкмаси қайта эритилади. Эритишдан сўнг олинадиган кек, унинг таркибидан рух ва бошқа қимматли компонентларни ажратиб олиш учун қўшимча қайта ишланади.

Фойдаланилган адабиётлар руйхати: 1. Н.И.Уткин «Производство цветных металлов» М. «Интермет Инжиниринг» 2000 й. 2. Под редукцией В.И.Коротича «Начала металлургии» Екатеринбург УГТУ 2000 й. 3. Гудима Н.В. и др. «Технологические расчёты в металлургии тяжёлых цветных металлов». М.; Металлургия 1977 й. 4. Кучерский Н.И. «Золото Кызылкумов» Т. «Шарк»1998 й. 5. «Цветные металлы» журнали 1999- 2004 й. 6. «Ўзбекистон кончилик хабарномаси» журнали. 2000- 2004 й. 7. «Горный журнал» журнали 2000 - 2004 й. 8.Arxiv.uz

Похожие

Саноатда рангли металлар ишлаб чиқариш

Рангли металлар ишлаб чиқариш хом-ашёлари

Қора металлар ишлаб чиқариш асослари

Рангли металлар ва уларнинг қотишмалари

Бойитиш жараёнлари асослари