Sensor alaliya - Дошкольное и начальное образование - Рефераты

Sensor alaliya

Загружено в:

20.09.2019

Скачано:

0

Размер:

26.9951171875 KB

Sensor alaliya Reja: 1. Sensor alaliya 2. Sensor alaliyada korreksion ta’sir tizimi

Sensor alaliya Sensor alaliyaning asosiy belgisi bosh miyaning chap yarim yuqori doirasining jarohatlanishi bilan bog‘liq, nutq-eshituv analizatori ishining natijasi bo‘lgan nutqni tushunishidagi kamchiliklar hisoblanadi. Bu esa nutq qo‘zg‘atuvchilarni tahlil va tarkibiy buzilishga, predmet va tovushli obraz o‘rtasidagi bog‘liqligining shakllanmasligiga olib keladi. Bola o‘ziga qaratilgan nutqni eshitadi, ammo tushunmaydi. Jarangli so‘z ta’siri ostida yuzaga keluvchi qo‘zg‘alish, miya to‘qimalarining rivojlanmaganligi sababli boshqa analizatorlarga tarqalmaydi va barcha so‘z bilan bog‘liq murakkab dinamik strukturaga qo‘zg‘almaydi. Sensor alaliyada birlamchi nutqiy tovush tahlilini amalga oshiruvchi nutq eshituv analizatorining ildizi (GEShel halqasi) faoliyatini og‘ir analitik-sintetik buzilishlari kuzatiladi. Bunday bolalarda fonematik idrok shakllanmaydi, fonemalar differensiallashmaydi va so‘z yaxlit idrok eshitilmaydi, akustik, gnostik jarayonlar rivojlanmaydi va nutqiy tovushlarni idrok etish qobiliyati pasaygan bo‘ladi. Sensor alaliya motor alaliyaga nisbatan kam o‘rganilgan. Bu holat ma’lum ma’noda sensor alaliyani amaliyotda juda kam o‘rganish bilan bog‘liq. Sensor alaliyani mustaqil nutq buzilishi sifatida ko‘rinishi haqida hozirgi kunda ham ayrim mualliflar aniq bir fikr ayta olmaydilar. Nutqiy tushunishning yetishmasligi yoki yo‘qligida, eng avvalo, odamning eshitish holati haqida savol tug‘iladi. Bir necha marotaba o‘tkazilgan maxsus tadqiqotlarning ko‘rsatishicha, ko‘pgina hollarda sensor alaliyali bolalarda tonal (jismoniy) eshituvning sezilarsiz pasayishi mavjud, biroq u nutqiy tushunishning rivojlanishini tormozlashi uchun unchalik jiddiy emas. N.N. Traugotning ma’lumotlariga ko‘ra, ma’lum bolalar 6 m uzoqlikda (bu normal eshitishda o‘rtacha balandlikda nutqni idrok etishning me’yoriy darajasi) o‘zlariga qaratilgan nutqni tushunadilar, lekin eshitganlarini ma’nosini tushunmaydilar, bu bolalarda aqliy zaiflik belgilari kuzatilmaydi. Tadqiqotchilar

fikriga ko‘ra, sensor alaliyada nutq pasayishining kuzatilishi mumkin, lekin bu nutqiy rivojlanmaganlikda asosiy rol o‘ynamaydi. Y.A. Florenskayaning ko‘rsatishicha sensor alaliyada (sensor-akustik sindromida) akustik ta’sirlanmaslikning alohida holati va eshituv funksiyasining toliqishi mavjud. Bu eshituv reaksiyalarining turg‘un emasligiga, eshituv differensatsiyalarining hosil bo‘lishidagi qiyinchiliklarga, eshituv analizi va sintezining sifatsizligiga olib keladi. Sensor alaliyada bolalarni eshitish qobiliyatini tekshirish juda murakkabdir. Maxsus elektroakustik apparatida tekshirilganida, eshituvning turg‘un emasligi aniqlangan: bir xil chastotali va balandlikdagi signallar goh idrok qilinadi, goh qilinmaydi. Sensor alaliyada eshituv diqqati va idrokining o‘ziga xos xususiyatlari, ularning sekinlashgani turg‘un emasligi eshitish holatini to‘g‘ri baholashga to‘sqinlik qiladi. Ixtiyoriy eshituv diqqatida ham kamchiliklar kuzatiladi: bolalar eshitmaydilar, tez charchaydilar, chalg‘iydilar, tovush ohangiga qiziqishni tez yo‘qotadilar va h.k. Audiometrik tekshiruv, qachonki uni bir necha marotaba o‘tkazilsa va bola vaziyatga ko‘nikib, vazifalarni to‘g‘ri tushuna boshlasagina birmuncha asosli bo‘ladi. Bolaning eshitish qobiliyati haqida yakuniy xulosalar, faqatgina 8 – 10 tekshirishlardan olingan ma’lumotlar, audiogrammalarni taqqoslash natijasida keltiriladi. Eshituv analizatori tovush o‘tkazish funksiyasining saqlangan holatida bolalarda fazoda tovushni o‘rnini bilish qobiliyatining yo‘qligi aniqlanadi, eshituv xotirasining buzilishi, tovush ta’sirlovchilariga loqaydlik kuzatiladi. Tushunish, qiziqish va javob olish uchun murojaat qilingan signal (kattalar nutqi) juda zaif bo‘lib chiqadi. Diqqatning uyg‘onmasligi va uning tez toliqishi – yetishmovchilik sur’atidagi o‘ziga xos ko‘rinishlardir. N.N. Traugott, S.I. Kaydanova (1975) sensor alaliyali bolalarda yuqori chastotali ovozga eshituvning pasayishi va tonal (nutqiy bo‘lmagan) hamda nutqiy eshituv buzilishining o‘ziga xosligini ko‘rsatadilar: bola uchun yetarli

balandlikdagi tovush ta’sirlovchilariga shartli aloqalar hosil bo‘lishi bolalarda qiyinlashgan. Normal rivojlanishida tushunish Shundan boshlanadi: idrok qilinayotgan so‘zlarni farqlash sodir bo‘ladi, ularni tanish amalga oshadi, bunda nerv aloqalari ishlab chiqiladi. Buning sharofati bilan turli tovush birikmalari so‘zda bog‘lanadi. Tovushlar so‘zda ma’lum tartibda talaffuz qilinadi va idrok qilinadi. Jaranglash va mazmun orasida aloqa o‘rnatiladi, aloqalar tizimi ishlanadi. Ko‘ruv, sezgi va boshqa his-tuyg‘ular bilan tovushlar kompleksi assotsiatsiyasi asta-sekin yuzaga keladi va mustahkamlanadi. Sensor alaliyada predmet (harakat) va uni ta’riflovchi so‘z o‘rtasida bog‘liqlik shakllanmaydi. Bu holatni tadqiqotchilar tutashuvi akupatiya deb nomlaydilar. Sensor alaliyada eshituvning sifatsizligini tadqiqotchilar bosh miya po‘stlog‘i to‘qimalarining jarohatlangan yoki rivojlanmagan o‘choqlarining kattaligi bilan, bola miyasida tor o‘choqli xarakterdagi jarohatning yo‘qligi bilan tushuntiradilar. Ayrim hollarda sensor alaliyalik bolalar asossiz ravishda kar va zaif eshituvchilar uchun mo‘ljallangan maxsus muassasalarga yuboriladilar. N.N. Traugott (1940) maxsus maktablarda 200 ta kar o‘quvchilarni tekshirib, ularning ichidan 8 ta noto‘g‘ri tasniflangan sensor alaliyalik bolalarni ajratib ko‘rsatadi. Sensor alaliyada nutqni tushunishdagi buzilishlar, eshitish pasayishi natijasida kelib chiqadigan kamchiliklardan farq qiladi. Kuzatishlarning ko‘rsatishicha, odatda, zaif eshituvchilar idrokida turg‘un va doimiy kamchilik kuzatiladi. Sensor buzilishlar esa idrokning turg‘un bo‘lmagan buzilishlari bilan farqlanadi. Bolalar bir xil balandlikdagi nutqiy signallarni goh eshitadilar, goh eshitmaydilar. Bu bolaning qo‘zg‘aluvchanligi yoki tormozlanganligidan ruhiy faolligi, atrof-muhit ta’siri, tekshirish paytidagi sharoit, signallarni berish usuli va qator boshqa omillar bilan bog‘liq. Miyaning rivojlanmaganligi yoki erta jarohatlanishi yetilmagan miya to‘qimalari ish qobiliyatini pasaytiradi. Bunda oliy nerv jarayonlari normal kecholmaydi. Gohida bolalar atrofdagilar nutqini ertalab yaxshiroq idrok etadi – tungi uyqudan so‘ng miya po‘stlog‘i ish funksiyasi yuqori, kechga borib toliquvchanlikning o‘sishiga qarab nutqni tushunish yomonlashadi. Boshqa

hollarda bolalar nutqni kechki payt yaxshi idrok etadilar, ko‘rinishidan, ertalab tormozlanish tungi uyqudan so‘ng hali ham o‘z ta’sirini ko‘rsatayotgan bo‘ladi, kechga borib esa, mashqlarga qarab idrok birmuncha yaxshilanadi, miya to‘qimalari misoli ishga kirishadi. Murojaat qilingan nutq balandligini ko‘tarish zaif eshituvchi bolalar tushunishini yaxshilaydi va sensor alaliyali bolalarda qayta samaraga erishiladi. 1. Haddan tashqari kuchli ta’sirlovchilar bosh miya po‘stlog‘ida haddan tashqari himoyalovchi tormozlanishni keltirib chiqaradi va bunda to‘qimalarning rivojlanmaganligi funksional blokada holatiga tushadi, tormozlanuvchi jarayon oshadi, to‘qimalar faoliyatdan o‘chadi. Sensor yetishmovchilikka ega bolalar, odatda, birmuncha sekin, tinch nutqni shovqinli, baland nutqga qaraganda yaxshiroq idrok qiladilar. Eshitish apparatlaridan foydalanish zaif eshituvchilar idrokini yaxshilaydi va sensor alaliyada idrokning yaxshilanishiga olib kelmaydi. Sensor alaliyali bolalar eshituvi haqida bir xil fikrlar bo‘lmasa ham, alohida tadqiqotchilarda shu narsa o‘rnatilgan: chastotaning barcha diapazonlarida eshituvning sezilarsiz pasayishi, eshituv diqqati va idrokining yuqori darajada toliqishi kuzatiladi. Sensor alaliyada idrok qilish imkoniyati tovush ta’sirlovchilarining kirish tempi, ular orasidagi intervalning borligi, tovushlar sifatiga (idrok uchun ko‘rsatiluvchi) bog‘liqdir. Toza ovozlar, odatda, yomonroq idrok qilinadi. Sensor alaliyada zaif eshituvchilardan farqli ravishda giperakuziyalar kuzatiladi (giperakuziya – atrofidagilar uchun befarq bo‘lgan tovushlarga sezgirlikning oshishi). Masalan, chakillab tomayotgan suv ovozi, eshik g‘irchillashi va h.k. Zaif eshituvchi bolalar bu signallarni idrok etmaydilar. Toliqish, ta’sirlanish, psixik buzilish, yuqori nevrozik holatidan tashqari sog‘lom odamlar bunday tovushlarni eshitadilar, biroq ularga beparvo qaraydilar, ularga ta’sirlanmaydilar. Sensor alaliyali bolalar bunday tovushlarni keskin idrok qiladi, ularga salbiy reaksiya ko‘rsatadilar: bezovtaladilar, yig‘laydilar, quloq va bosh og‘rig‘idan shikoyat qiladilar va h.k.lar. Bu bolada eshituvning saqlanganligi ortiqcha guvoh bo‘ladi va odatlanmagan jaranglashlar gohida miya po‘stlog‘ining

yetilmagan to‘qimalari uchun haddan tashqari kuchli ta’sirlovchi bo‘lishining ko‘rsatkichidir. Gohida istalgan balandlikdagi notanish tovushlarga sensor alaliyali bolalar butunlay ta’sirlanmaydilar. Sensor alaliyali bolalar alohida bo‘g‘inlarni, tovush birikmalarini, so‘z va qisqa iboralarni maxsus o‘rgatishsiz spontan takrorlashi mumkin, chunonchi ularni takrorlash turg‘un bo‘lmasa ham. Og‘ir darajadagi eshitishi buzilgan bolalar atrof- muhitdan so‘z va iboralarni mustaqil oddiy ololmaydilar. Sensor alaliyada tovushlarga taqlid qilish doimiy emas va ko‘p holda vaziyatga bog‘liq bo‘ladi. Sensor buzilish bolalarning predmet va uning nomi orasidagi aloqani hosil qilolmasligi, ular tomonidan eshitilgan va talaffuz etilgan so‘zlarning predmetli nisbati shakllanmaganligi bilan xarakterlanadi. Bolaning passiv lug‘ati turg‘un emas va faol lug‘atdan sezilarli orqada qoladi. Ko‘pincha bola istalgan vaziyatda predmetni nomlaydi va faqat tanlangan ma’lum sharoitlarda uning nomini bilib oladi. Eshituvi buzilgan bolalarda maxsus ta’lim natijasida so‘z va predmet o‘rtasidagi aloqa tez o‘rnatiladi va bu aloqa turg‘undir. Zaif eshituvchi va sensor alaliyali bolalarning ovozi turlichadir. Zaif eshituvchi bolalar ovozi jarangdor emas, ovoz balandligi va ohangi hissiy ma’no kasb etmaydi. Sensor alaliyada esa ovoz me’yorda bo‘lib, tovush va so‘zlarni me’yoriy ohang va modulyatsiyaga ko‘ra bayon etadilar. Zaif eshituvchi bolalar sensor alaliyali bolalarga nisbatan muloqotga tez kiradilar. Yuqorida keltirilgan va boshqa belgilar bolalardagi nutq buzilishlarni to‘g‘ri tasniflash imkonini beradi, to‘g‘ri tashxis esa korreksion tarbiyaviy ta’sir tizimida samarali metodik vositalarni to‘g‘ri tanlash imkonini beradi. Sensor alaliyada korreksion ta’sir tizimi Sensor alaliyada logopedik ta’sir nutq tarkibining ongli tahlilini tarbiyalash, fonematik idrokni rivojlantirishga, nutq tarkibini tushunishga qaratilgan bo‘ladi. Sensor alaliyali bolalarni o‘qitishda, faoliyatni rivojlantirishga yo‘naltirilgan, tovush va morfologik tahlilni va nutqning mazmun tomonini shakllantirishga yo‘naltirilgan maxsus usullar qo‘llaniladi. Bunda tushunishning, o‘z nutqining,

bilish faoliyatining rivojlanmaganligi darajasi, bola shaxsiyatining umumiy xususiyatlari hisobga olinadi. Bola nutqiy faoliyatining barcha tomonlariga ketma-ket sistemali ta’siri korreksion ishning asosiy tamoyili hisoblanadi. Ish, faqat shifokor tomonidan, MNS faoliyatini normallashtiruvchi, bosh miya po‘stlog‘i to‘qimalari yetilishini rag‘batlovchi maxsus muolajalar o‘tkazilgandagina samarali bo‘ladi. Korreksion ishlarni boshlashdan avval bola hayotining sharoiti, uni o‘rab turgan muhit, yaqin odamlar, o‘yinchoqlari bilan tanishish, qiziqish va imkoniyatlari doirasini aniqlash olib boriladigan ish dasturini va muloqotga kiritish yo‘llarini belgilash kerak. Oilada qo‘llaniluvchi bolaga qaratilgan murojaatlar hajmi va xarakteri aniqlanadi. O‘qituvchi va ota-onalar o‘zgarmaydigan ko‘rinishda mashg‘ulotda, ham bolaning uydagi kundalik – maishiy xarakterga ega aniq ifodalangan (standartlashgan) ko‘rsatma-istaklar ro‘yxatini tuzadilar. Uning nutqsiz xarakterga ega tovushlarga bo‘lgan zehn darajasi, butunlay jimlik va shovqin sharoitlarida aniqlanadi. Dastlab nutqiy muloqot chegaralanadi, bolaning tartibsiz nutqi tormozlanadi. Ish bolaning nutqiy tartibni tashkil etishdan boshlanadi. Bola uchun dam olish soatlari va kunlari joriy etiladi. Kundalik hayotida ovozli apparatlar olib tashlanadi (televizor, radio va h.k.). Avaylovchi tovushli rejim yaratiladi, nutqiy va nutqsiz signallar kirishi chegaralanadi. Freshels bola atrofida faqat jimjitlik yaratilmay, balki ko‘ruv ochligi vaziyatini ham yaratishni tavsiya qilgan: rasmlarni, o‘yinchoqlarni ko‘rsatmaslik va h.k. Faqat Shunday tinchlantirish asosida ishga kirishish mumkin, bu bolaning tovushlarga zehnliligini oshirishga yordam beradi. Asta-sekin diqqat, idrok holati aniqlanadi, so‘ng ularni rivojlantirish, kengaytirishga qaratilgan ishlar olib boriladi. Ishning asosiy vazifalari quyidagilardan iborat: tevarak-atrofidagi tovushlarga, nutqiy tovushlarga nisbatan qiziqish uyg‘otish, ularga taqlid qilishga

ehtiyoj, xohish va imkoniyatini rivojlantirish, nutqiy va nutqiy bo‘lmagan tovushlarni farqlash. Umumpedagogik ish, asosiy faoliyat ko‘rinishlarini olib boruvchi nutqning psixofiziologik asoslarini shakllantirishga, ixtiyoriy diqqatni, ko‘ruv va akustik ko‘rsatmalar hamda differensatsiyalarni rivojlantirishga yo‘naltirilgan. Ish nutqiy tovushlardan boshlanmaydi, nutqsiz xarakterga ega tovushlar, shovqinlarni farqlashdan boshlanadi. Biroq bu, bola yetarlicha uyushgan va unda elementar diqqatni to‘play olish qobiliyati bo‘lsa, unumli faoliyat imkoniyati tarbiyalangan taqdirdagina mumkin bo‘ladi. Bolalarning diqqati va ish qobiliyatini rivojlantirish uchun turli qo‘llanmalardan foydalaniladi: kesma rasmlar, tayoqchalar (hisob tayoqchalaridan geometrik shakllarni yasash), predmetlarni rangi, shakli hajmiga ko‘ra tasniflash. Bolaning yetarlicha uyushganligida, diqqatini to‘play olishida, faoliyatning elementar ko‘rinishlari shakllanganida tovushlarni idrok qilish bo‘yicha olib boriladigan ish mumkin hisoblanadi. Ko‘ruv taqlidchanligi asosidagi faoliyatni rivojlantirishga diqqat qaratiladi, vazifalar murakkabligi asta-sekin o‘sib boradi. Vazifalarni nutqiy sharhlash olib tashlanadi, chunki rivojlanishning bu bosqichida bola o‘ziga qaratilgan nutqni tushunmaydi. Faoliyatni tarbiyalash va uni nazorat qilish asosida, nutqiy faoliyatni yo‘naltirilgan shakllanish bo‘yicha ish olib boriladi: muloqot ehtiyojini rivojlantirish, uning motivatsion asoslarini rivojlantirish. Bolani nutqda diqqatni jamlashga o‘rgatadilar, fonematik idrokni kengaytiradilar va aniqlaydilar. Bola diqqati, taqlidchanligi va ish qobiliyati yetarli rivojlanishida, bir qator turli xarakterga ega, uyushmagan tovushlarni farqlashga o‘rgatishga o‘tiladi. Bunda birmuncha qo‘pol differensatsiyalarni tarbiyalash bilan birmuncha yorqin, kuchli ifodalangan jaranglanishlardan boshlanadi: hamyondagi tangalar jarangi, stakandagi qalamlar taqillashi va h.k. Astasekin birmuncha past, shiddatsiz, o‘zaro birmuncha yaqin tovushlarni farqlashga o‘tiladi: silliq qog‘oz shovqini, qutidagi

gugurt cho‘plarining shitirlashi va h.k. YA’ni, birmuncha nozik akustik differensatsiyalarni tarbiyalashga asta-sekin o‘tib boriladi. Ovoz chiqaruvchi o‘yinchoq va asboblar signalidan foydalaniladi. Bolaning o‘yinchoqni qo‘lida ushlab turishi, jaranglashida vibratsiyani sezishi foydalidir. Avval u pedagog u yoki bu tovushni qanday keltirib chiqarayotganini kuzatadi, ularni o‘zi keltirib chiqarishga urinadi. So‘ng logoped imo-ishora bilan bolaga ko‘zini yopishni yoki o‘girilib turishni taklif qiladi (ovoz chiqaruvchi predmetlarni shirma, ekran ortiga joylashtirishi mumkin) va bola faqat jarangi bo‘yicha mos keluvchi predmetlarni-tovushlar manbasini farqlashi lozim. Ishda chapak chalishdan, oyoqni polga urib tapillatishdan, stolni taqillatishdan foydalanmaslik kerak, chunki bunday hollarda jaranglash idrok qilinmay, tebranish, suyak o‘tkazuvchanligidan vibratsiya idrok qilinadi. Asta-sekin tovushlar, shovqinlar qatori murakkablashib boradi va turli xil bo‘ladi. Unga yangi tovushlar, avval uzoq va bir-biriga o‘xshamaydigan, so‘ng nozik akustik ishni talab qiluvchi birmuncha yaqin tovushlar kiritiladi. Bolaning eshituv maydoni shinday kengaytiriladi va yaxshilanadi. Bu ishning muvaffaqiyatiga qarab shovqinli qatorga kuchli nutqiy tovushlar qo‘shiladi (a, r, u, va h.k.), bu predmet yoki hodisa bilan bog‘lanadi. Agar bola tez toliqsa chalg‘uvchan, juda ta’sirchan, notinch bo‘lib qoladi, esnashni boshlaydi, ish o‘zining samarasini yo‘qotadi. Bolaga dam berish yoki faoliyat ko‘rinishini o‘zgartirish lozim. Bunday mashqlar butun ish davomida o‘tkaziladi, biroq har bir mashg‘ulotda akustik yuklamaning qat’iy me’yorini o‘rnatish lozim. Bir mashg‘ulotda bunday mashqlarga bir necha marotaba qaytish maqsadga muvofiqdir, biroq bolaning toliqib qolishiga yo‘l qo‘ymasdan bir marotaba juda chegaralangan miqdorda o‘tkazish lozim. Faol eshituv diqqatining hajmi sekin ko‘payadi. Bu ish bilan parallel, bolaning faoliyati, ish qobiliyati, xulqini normallashtirishga yo‘naltirilgan tarbiyaviy ta’sir davom ettiriladi: uni to‘g‘ri o‘tirishga, ko‘rishga, nusxa olishga, nutqsiz ko‘rsatmalarga bo‘ysunishga, bajargan ishiga pedagogning reaksiyasini (ma’qulladi yoki ma’qullamadi) hisobga olishga,

boshlangan ishni oxiriga yetkazishga va shu kabilarga o‘rgatadilar. Akustik diqqat va idrok, xotirani, predmetli-amaliy faoliyatni, quntlilikning rivojlanishiga qarab yaxshilanadi. Bola tomonidan o‘zlashtirilayotgan, nutqiy bo‘lmagan tovushlardan ajratilayotgan, farqlanayotgan har bir tovush ma’lum aniq vaziyat, harakat, rasm, predmet bilan bog‘lanib, uning belgisiga aylanadi. Ishning boshlang‘ich bosqichlarida predmet va ovoz o‘rtasida shartli bog‘lanishni shakllantirish maqsadida ekvivalent so‘zlar, tovush majmui ishlab chiqiladi (r-samolyot ovozi, irilayotgan it, mo‘-sigir va h.k.). Ma’lum miqdordagi tovushlarning differensiatsiyasidan so‘ng, aniq predmet yoki harakat bilan bog‘liq bo‘g‘inlarni farqlashga o‘tiladi. Ikkita unli, unli va undosh tovushlarning birga kelishiga ko‘ra bo‘g‘inlar tanlanadi-ua, au, am, so, ochiq bo‘g‘inlar ma, pa, na, ta va h.k. Bola so‘zlarni farqlashga qaratilgan mashg‘ulotlarda avval bir-birida ma’nosi, aytilishi jarangdorligiga ko‘ra keskin farq qiladigan so‘zlar tanlanadi. Bola idrok etayotgan har bir so‘z harakat, ko‘ruv, taktil ravishda mustahkamlanadi. Ko‘rish, oynali nazorat, yuzdan o‘qish keng qo‘llaniladi. Bola idrok qiluvchi birinchi so‘zlar o‘zgarmas ohang bilan talaffuz qilinadi. Alohida ohang va unga tayanish bolaga muloqotda mo‘ljal ola bilishga yordam beradi, nutqga ohang berish bolaga qilingan murojaat mazmunini aniqlashda yetakchi tayanch hisoblanadi. Passiv lug‘atni to‘plash ustida rejali ish olib boriladi, bir vaqtning o‘zida o‘z nutqi rivojlantiriladi. Nomi bo‘yicha bola rasmlarni ko‘rsatadi, harakatlarni bajarishni ko‘rsatib beradi. Harakatlar kompleksi o‘rganiladi. Bola asta-sekin avval pedagogning nutqiy nazorati ostida o‘rgangan tartibi bo‘yicha bajaradi, so‘ng ayrim-ayrim, har yeriga odatlanadi: “qo‘lni ko‘tar, yonga ...”. Hissiy – o‘yin jarayoni davomida tovushlarga qiziqish tarbiyalanadi. Bola bu jarayon davomida tovush tabiatini aniqlash, tovush kelayotgan joyni aniqlash, berkitilgan ovozli o‘yinchoqni topish, tovush signalini kuchi, davomiyligini aniqlashga, ma’lum tovushlarga nisbatan reaksiya ko‘rsatishga o‘rganib boradi.

Bola tushunadigan so‘zlarni jamlashda, bola bir vaqtning o‘zida shu so‘zni eshitishi, ko‘rishi (rasm), predmetni ushlab ko‘rishi va talaffuz etishi alohida o‘rin tutadi. So‘z va predmet o‘rtasidagi bog‘liqlik eshituv va ko‘ruv sezgilarini bir necha marotaba taqqoslab ko‘rilganidagina amalga oshiriladi. Bolalarni ko‘rgan, eshitganlari ustida hayratga solishdan ko‘ra, qiziqishlarini kuchaytirish, hayron qoldirish va h.k. lar muhim sanaladi. Agar bola ular bilan ishlay olish imkoniyatiga ega bo‘lsa, u holda nafaqat predmet nomlari, balki ular haqidagi tasavvurlar ham oson shakllanadi. So‘zni tushunchaga aylantirish uchun so‘z bilan umumlashtiruvchi ahamiyatni kasb etish uchun oddiy takrorlashdan tashqari imkonicha, ko‘p shartli aloqalarni, ko‘pincha harakatli aloqalarni ishlab chiqish muhimdir. Predmetli amaliy faoliyat davomida bolalar nutqiy instruksiya asosida predmet bilan ko‘pgina topshiriqlarni bajarish ko‘nikma, malakasini egallaydilar: sutni ich, sutni piyolaga quy, sutni puflab sovut va h.k. Harakat bilan ifodalangan yuqoridagiga o‘xshash so‘zlar ona tilining grammatik andozalarini egallashga yordam beradi. Imkoniyatga qarab, bolani erta so‘z birikmalari va iboralarni idrok qilishga o‘rgatadilar. Odatda, dastlabkilari standartlashgan bo‘ladi: so‘z o‘zgarmagan ohang bilan ma’lum tartibda talaffuz etiladi. Bolaga murojaat qilinuvchi ko‘rsatmalar kundalik-maishiy xarakterga egadir. Avval u faqat bir kishini tushunishga odatlanadi, so‘ng bolaning o‘suvchi imkoniyatlariga qarab bu ishga uning atrofidagi kattalar jalb etiladi. Ibora o‘z-o‘zidan tushunilmaydi, bolaning nerv tizimiga birmuncha umumiy ta’sir etishning bir qismi singari tushuniladi. Iboralarni tushunish avval faqat vaziyatli, ma’lum detallarga bog‘liq bo‘ladi, shu sababli so‘z tartibini o‘zgartiradi. Iboralarni gapirishda ohang tavsiya etilmaydi. Bola quyidagilarga o‘xshash nutqiy buyruqlarni tushunishga o‘rgatiladi: “yeshikni och”, “ro‘molni ol”, “kitobni olib kel”, “stulga o‘tir” va h.k. Yuqorida keltirilgan nutqiy buyruqlarga o‘xshash buyruqlarni tushunishga o‘rgatish ishlarida

bolaga mujassam ko‘ruv-obrazli-harakatli vaziyatni nutq bilan bog‘lagan holda tushunishda imo-ishora, mimikalardan foydalaniladi. Idrok qilish imkoniyati sekin rivojlanadi, tushunish ko‘ruv va taktilvibratsiya analizatori tomonidan tayyorlanganidan so‘ng mumkin bo‘ladi: fonatsiyada ovoz boylamlarini sezish va h.k. Asta-sekin eshituv va harakat differensatsiyalari aniqlanadi, bolaning o‘z nutqi va tushunishi tarbiyalanadi. Dastlab akustik noaniqliklar yo‘qoladi, keyinroq o‘z nutqidagi xatolar barham topadi. Fonematik idrok, nozik akustik differensatsiyalar rivojlanishiga qarab, o‘z nutqini shakllantirish mumkin bo‘ladi. Butun ish mobaynida asosiy urg‘u bolada nutqni ongli analiz va sintez qilishni tarbiyalashga beriladi. N.I. Jinkin (1972) bola bilan birgalikda so‘zlarni qaytarish va yodlash o‘rniga, uni turli fikrlovchi misollarda qo‘llashga, ongli tanlashni amalga oshirishni tavsiya etadi. Predmetli-nutqiy kombinatsiyalardan samarali foydalanilgandan so‘ng, hikoya va qayta hikoya qilish ishlari olib boriladi. Bolada mantiqiy, grammatik va mavzularga oid so‘zlar guruhini tushunish shakllantiriladi. Masalan, idish-tovoqlar; uy jihozlari; qo‘lni yuvish; sovun, sochiq, suv, yuvmoq, artmoq va h.k. Asta-sekin murakkablashuvchi iboralarni tushunish, detallashgan vazifalar, ko‘rsatmalar, o‘z nutqiy va atrofdagilar nutqi tarkibini ongli tahlil qilish ustida ish olib boriladi. Bolaning iboralarni oxirigacha eshitishga, mazmuniga kira olishga, impulsiv harakat qilmay, ko‘pincha, birlamchi noto‘g‘ri taassurotlarga qarab harakat qilmaslikka o‘rgatadilar. Bola tomonidan nutqni tushunish uzoq vaqtgacha vaziyat, bolaning umumiy holati, mashg‘ulotdagi hissiy kayfiyati va turli omillarga bog‘liq bo‘ladi. Predmetlarni umumlashtirish malakasi egallangach, ularni aniqlashtirish jarayoni kechadi, rang-qizil, oq; mazasi – shirin, nordon va hokazo. Shuningdek, grammatik konstruksiyalarni tushunishni ta’minlovchi aniq akustik differensirovkalar (yeshitish-ko‘rsatish) shakllantiriladi. Bolada atrofdagilar nutqiga diqqat, o‘z nutqini nazorat qilish, unga tanqidiy yondashish tarbiyalanib boriladi.

Bola atrof-muhitdagi tovushlarga yanada ko‘proq quloq sola boshlaydi, ularga qiziqadi, taqlid qiladi. Bu ko‘pincha hayotining sokin vaqtlariga to‘g‘ri keladi, masalan, ertalab uyg‘onganida. Birmuncha yengil hollarda bola jaranglanishi bo‘yicha yaqin, bir fonema bilan farqlanuvchi so‘zlarni differensatsiyalashga, bir xil urg‘uli, bir xil tayanchli so‘z birikmalari bilan, turli miqdordagi bo‘g‘inlari bilan so‘zlarni farqlashga o‘rganadi, so‘zlarda tovush ketma-ketligini aniqlashga o‘rganadi. So‘z va gaplar bola tomonidan ularni qo‘llash orqali, muloqotda mos keluvchi vaziyatni yaratish jarayonida mustahkamlanadi. Eshitishi va o‘zi takrorlab gapirishida, tovushlar differensatsiyasi va idrokni mukammallashuviga yo‘naltirilgan turli mashqlar qo‘llaniladi. Eshitilgan hikoya mazmunini, ibora, so‘zni bola to‘g‘ri tushundimi yoki yo‘qmi doimo tekshiriladi. Shu maqsadda turli xil rasmlar, so‘z va gaplarning grafik sxemasi, nutqning tuzilishi va tovush tarkibini mustahkamlash uchun rangli fishkalardan foydalaniladi, ramzlar yordamida so‘zning morfologik ahamiyatini o‘zgarishi, gap tuzilishining o‘zgarishi ko‘rsatib beriladi. Sensor alaliyali bolalarni savodga o‘rgatish mumkin, lekin ularning o‘qish va yozishlarida xatolar kuzatiladi. Savodga bolalar imkon qadar erta o‘rgatishlari kerak. Savodga o‘rgatish orqali bolalar tushunchalarini kengaytirish, aniqlashga, leksik-grammatik va fonetik taraqqiyotlari rivojlantiriladi. Sensor alaliyali bolalarni savodga o‘rgatishda tovush-harf yo‘li samarali hisoblanmaydi. Bu yo‘l tovush, bo‘g‘in, so‘z va gap bilan bog‘liq bolaning analitik-sintetik faoliyatiga tayanadi. Savodga o‘rgatishda global o‘qish yo‘li samaralidir. O‘qishni egallab u o‘zining artikulyatsion va akustik imkoniyatlarini kengaytiradi, Shundan so‘nggina idrok qilinuvchi va talaffuz qilinuvchi nutq bilan chuqur analitik-sintetik ish olib borish davom ettiriladi. Bolalarda ayrim tovushlar yo‘q bo‘lgan hollarda ham bolalarni savodga o‘rgatadilar. Mualliflarning ta’kidlashicha, bu savodga o‘rgatish uchun to‘siq bo‘la olmaydi.

Tovush, bo‘g‘in, so‘zni eshitib bola bo‘g‘in, so‘zli jadval yoki harfni ko‘rsatadi, kesma harflardan bo‘g‘in, so‘z tuzadi. Sekin-asta bolada fonema, grafema va artikulemalar o‘rtasida bog‘liqlik shakllanadi. Sensor alaliyani butunlay bartaraf etish imkoniyati tadqiqotchilarni ikkilantiradi. Kechishi yetarli aniqlanmagan, u bir qator omillarga bog‘liq: eshituv sezgirligining holati, o‘tkazilgan davolash vaqti va xarakteri, korreksion-tarbiyaviy ta’sir, bolaning yoshi va aqliy rivojlanishi va h.k. Buzilishning ko‘p turliligi kuzatiladi, xususan, ko‘p hollarda tushunish va shaxsiy nutqning ilgari rivojlanishi kuzatilsa ham, kechishi haqida ishonch bilan gapirish qiyin. Ishning dastlabki bosqichlarida va birmuncha og‘ir hollarda, bola bilan uzoq sistemali ish olib borish natijasida ishda muvaffaqiyatga erishiladi. Ish ko‘pincha, yakka, ayrim hollarda bolalarga faol nutqiy amaliyotni tashkil qilish kerak bo‘lganda kichik guruhlar tuzib olib boriladi. Maxsuslashtirilgan statsionar sharoitidagi korreksion ishda nuqsonning qisman kompensatsiyalanishi tezroq amalga oshadi. Bunday bolalar bilan ishlash murakkab, turli holatlarda turli natijalar beradi. A.G. Ippolitova fikricha, bolaning butunlay nutqsizligi va tushunmasligining eng og‘ir hollarida, ishning dastlabki 3 – 4 oyida 8 – 10 ta so‘zni tushunishga erishish mumkin, biroq 2 – 4 tagina so‘z faol lug‘atida paydo bo‘ladi. Agar natija kam bo‘lsa, ishlash maqsadga muvofiqmi degan savol tug‘iladi. Biroq M.Yye. Xvattsev ish ahamiyatini ta’kidlay turib Shunday deydi: “Tushunmaydigan va gapirmaydigan bola uchun 1 – 2 ta so‘z, normal rivojlanuvchi bola uchun 1000 ta so‘zdek ko‘pdir”. Sensor alaliyali bolalar alohida muassasalarida kam, ular bilan kontaktga kirishish qiyin, xulqi o‘ziga xos, intellekti qoida bo‘yicha pasaygan. Shunga bog‘liq ish tempi sekinlashgan, pauzalar uzoq davomli, mashg‘ulotlar muddati bola holatiga bog‘liq ravishda turli xildir – 3 – 5 daqiqadan 20 – 30 daqiqagacha, kuniga 2 – 3 marta, maxsuslashgan statsionar va maxsus bolalar bog‘chasida, keyinchalik ambulator ishda 20 – 30 daqiqa shug‘ullanadi qo‘shimcha har kungi mustahkamlovchi uy ishi bilan birga.

Sensor alaliyali bolalarning ayrimlari og‘ir nutq nuqsonlariga bolalar uchun mo‘ljallangan nutq maktablarida yoki yordamchi maktablarida (logoped bilan shug‘ullaniladi) o‘qitiladilar. Sensor alaliyani tashxis qilish murakkab bo‘lib, ko‘p hollarda taxminiy tashxis qo‘yiladi. Sensor alaliyali bolalarni yanada o‘rganish va ular bilan korreksion tarbiyaviy ishning yaxlit, bir butun tizimini yaratish – logopediya nazariyasi va amaliyotining dolzarb muammosidir.

Adabiyotlar: 1.Ayupova M.Y. Logopediya. Darslik. T.: O‘zbekiston faylasuflari milliy jamiyati, 2007. 2.Logopediya L.S.Volkova, S.I.Shaxovskaya. Izd-vo «Vlados» – M., 2002. 3. Golubeva G.G. Korreksiya narusheniy foneticheskoy storoni rechi u doshkolnikov. Izd-vo «Soyuz» – M., 2001. 4. Krauze YE.N. Logopediya. Izd-vo «Korone print» – M., 2003. 5. Mo‘minov L., Ayupova M. Logopediya. – T., 1993. 6. Xrestomatiya po logopedii T.2. (pod.red. Volkova S.L., Seliverstov V.I.) Izd-vo «Vlados» – M., 1997.

Похожие

Alaliya

Nutqida kamchiligi bo‘lgan bolalarning tavsifnomasi

Nutqida buzilishlari bo‘lgan bolalarning shaxs va shaxslararo munosabati xususiyatlari

Logopsixologiya kursining predmeti maqsad va vazifalari

Logopedik ritmikaning tamoyillari va usullari