Qora metall rudalariga ishlov berish - Горное дело - Рефераты

Qora metall rudalariga ishlov berish

Загружено в:

20.09.2019

Скачано:

0

Размер:

1152 KB

Qora metall rudalariga ishlov berish Reja: 1. Briketlash 2. Qovushtiruvchi qo‘shib briketlash 3. Qovushtiruvchilarsiz briketlash 4. Aglomeratsiyalash 5. Shixta tayyorlash 6. Aglomeratsiya sharoitida qattiq yonilg‘ining yonishi

Ruda va boyitmalarni briketlash termoqimyoviy jarayon bo‘lib, eritishga beriladigan shixtani bo‘laklashdan iborat. Odatda, bu ruda va shixta tarkibiga birikmalardan tashqari metallurgik korxonalar chiqindisi hamda flyuslar yig‘indisi kiradi. Briketlash – shixtani maxsus shaklga joylashtirib, uni presslash, hamda ma’lum darajada issiqlik berish natijasida amalga oshiriladi. Issiqlik berish natijasida hosil bo‘lgan briketlar tarkibidagi unsur elementlar (S, P, As) dan tozalanadi. Olingan briketlarning fizikkimyoviy xususiyatlariga quyidagi texnologik talablar qo‘yiladi. 5.1-chizma. Ikki tomondan presslovchi briketlanish sxemasi: I–VI – sikldagi ketma-ketlik 1– tepadan shtamp, 2 – pastdan shtamp, 3 – manba. Briketlar: 1) mustahkam bo‘lishi kerak – mustahkamlik darajasi yuqori haroratda ham (500–800 °C da ham) o‘z mustahkamligini saqlay bilishi kerak; 2) suv, tashqari havo va qizdirilgan bug‘ ta’siriga chidamli bo‘lishi kerak; 3) yetarli darajada g‘ovakli bo‘lishi kerak. Turli materiallarda g‘ovaklik turlicha bo‘ladi, g‘ovaklik darajasi 5–15 foizgacha bo‘lishi kerak. Briketlash mayda zarralarni zichlash jarayoni bo‘lib, u bir qator texnologik jarayonlardan iborat va o‘z navbatida bir necha sinflarga bo‘linadi. Buni quyidagi sxemada ko‘rsatish mumkin (chizma)

Ruda va birikmalarni briketlashda ikkita usul qo‘llanilib, bularga 1) qovushtiruvchilar qo‘shmasdan; 2) qovushtiruvchilar qo‘shib briketlash kiradi. Bu ikkala usul ham bitta hisoblanib, ya’ni shixtaga mayinlik xususiyatini berish va o‘z navbatida berilgan shaklni saqlashdir. 5.2-chizma. Briketlash sxemasi. Shaklning saqlanib qolishi ma’lum muddatli bo‘lib, shixta tarkibidagi zarralarning bir-biri bilan mexanik jipslashishiga bog‘liqdir.Shixtaning plastik xususiyatini tuproq, CaO va noruda elementlar belgilab beradi. Briketlashning asosida nam shixta komponentlarining,ma’lum shaklda, ma’lum kuch ostida kuch berish natijasida zarralarning mexanik birikishi yotadi. Hosil bo‘lgan briketlarning mustahkamlik darajasi quritilganda 98,7–147,1 n/sm, kuydirilgandan keyingisi 147,4 n/sm ni tashkil etadi. Odatda, briketlashning kuydirish harorati turlicha bo‘ladi. Bunga sabab, briketlanadigan material va uning xususiyatidir. Masalan: gematit va magnetit Fe rudalari uchun kuydirish jarayonining vaqti 40–60 daqiqa bo‘lib, buning natijasida ruda tarkibidagi 98 % oltingugurtdan tozalanadi.

Qovushtiruvchi qo‘shib briketlash Ruda va birikmalarni briketlashda qovushtiruvchilar sifatida organik va noorganik birikmalardan foydalanish mumkin.Organik birikmalarga o‘simliklar uni, hayvonlar chiqindisi, toshko‘mir smolasi, neftni qayta ishlash korxonalari chiqindilari kiradi. Noorganik birikmalarga kaolin, Ca(OH) 2 va hokazolar kiradi.Qolipdan chiqqan briketlarni kuydirishda va domna pechlarida erish davomida bu qovushtiruvchi materiallar qisman yonadi. Qisman havo ta’sirida o‘z tarkibini o‘zgartiradi. Metallurgiyada ko‘pincha tabiiy qovushtiruvchi materiallar sifatida Ca(OH) 2 bo‘tqasidan foydalaniladi. Briketlash 3,9–6,8 n/m kuch ostida olib borilib, shixtaning tarkibidagi namlik 10–18 %ni tashkil etadi. Bunday birikmalarning uzoq vaqt havoda saqlanib qolishi natijasida briketlarning tarkibidagi Ca(OH) 2 havodagi CO 2 bilan birikadi. Bunda karbonizatsiya uzoq davom etuvchi bo‘lib, briketning siqishiga qarshilik ko‘rsatuvchi kuchi 0,98 n/m bo‘lishi uchun tayyorlangan aralashma 5 sutka davomida havoda turishi kerak va aksincha, 100 °C haroratda esa 5–6 soat yetarli bo‘ladi. Ruda va boyitmalarni aglomeratsiyalash va briketlash bir xil usul deb qaralsada, ularning o‘ziga yarasha qo‘llanish sohalari mavjud. Jumladan, rangli metall rudalari uchun (asosan Zn li rudalar uchun) briketlashni umuman qo‘llab bo‘lmaydi. Bunga sabab uning tarkibidagi oltingugurtning ko‘pligidir. Qovushtiruvchilarsiz briketlash Qovushtiruvchilarsiz briketlash, asosan, Fe rudalari uchun qo‘llanilib, buning tarkibiga 7–8 % uglerodli yoqilg‘i qo‘shiladi va 40 minut davomida xom briketlar 1200–1300 °C da qizigan texnologik gazlar yordamida kuydiriladi. Bunda maxsus pechlar bo‘lib, uning ishlab chiqarish unumdorligi sutkasiga 50 tonnaga yetadi. Qovushtiruvchilarsiz briketlashda briketlarning tarkibiga qo‘ng‘ir temir yoki temir

zangi qo‘shiladi. Bunda qo‘ng‘ir temir havodagi namlik bilan tez kirishib, o‘zining igna sifat strukturasi sifatida jipslashtirishi to‘liq amalga oshadi va aksincha, ularni 250 °C haroratda ishlov berish natijasida uning mustahkamlik darajasi keskin ortadi. Qo‘shimchasiz briketlash arzon bo‘lsa-da, uning mustahkamligi uncha yuqori emas. Shuningdek, aglomeratsiyaga ketadigan ko‘mir briketlashga ketadigan ko‘mirdan 15–20 % ortiq. Aglomeratsiyalash Yuqori haroratda ishlayotgan metallurgik pechlarga xomashyoni, ya’ni shixtani (ruda, boyitma, flyuslarni va metallurgik chiqindilarni) yuklashdan oldin uni bo‘laklarga bo‘lish maqsadga muvofiqdir. Garchi maydalangan rudalarning yirikligi 5–25 mm bo‘lsada, ularning yirikligi bilan birga keladigan shixtaning tarkibiga kiruvchi boyitma,texnologik changlarning yiriklik darajasi 0,074–0,5 mm gacha bo‘ladi.Bunday yiriklikdagi xomashyo pechlarga yuklatilganda undagi bosim va pech ichidagi gazlarning harakati natijasida ko‘p miqdorda isrofgarchilik yuzaga keladi. Shu bilan bir qatorda pechlarning gaz aylanish tuynuklari to‘lib qoladi. Shu nuqtayi nazardan pechga yuklanadigan xomashyoni ma’lum darajagacha yirikligi maqsadga muvofiq bo‘ladi. Texnologik talablarga asosan metallurgiyada ruda va boyitmalarni bo‘laklash bir necha usulda bo‘ladi. 1. Aglomeratsiyalash. 2. Briketlash. 3. Granulalash. Bo‘laklashning aglomeratsiya usuli asosan qora metall rudalari hamda oltingugurtli rangli metall rudalari uchun qo‘llaniladi. Bunda ruda va boyitmalarni bo‘laklash bilan bir qatorda ular tarkibidagi oltingugurt va karbonatlardan ma’lum miqdorda tozalaniladi. Briketlash usulda bo‘laklash asosan mayda zarrachali va kukunsimon materiallar uchun qo‘llaniladi. Briketlash natijasida to‘gri va bir xil o‘lchamdagi

mahsulot (briket) hosil boladi. Granulalash bu ruda va boyitmaning mayin fraksiyalarini o‘zining o‘lchami va formasini yoqotmaydigan mustahkam shar ko‘rinishidagi granulalar olish jarayonidir. Metallurgiyada aglomeratsiyalash deb, ruda va boyitmalarni maxsus birikmalar yordamida aralashtirib, yuqori haroratda ishlov berish tushuniladi. Bu aralashmalarning tarkibiga asosan uglerodli bo‘linmalar (ko‘mir, koks va hokazolar, chizma) kiradi.

5.3-chizma. Kuydirish boshlangandan keyingi turli vaqtlard chashali aglomeratsion dastgohning sxematik qismi. Aglomeratsiya jarayonida g‘ovaklangan bo‘laklar hosil bo‘ladi. Bu asosan temirli rudalarga tatbiq etilib, uni bo‘laklash bilan bir qatorda oltingugurtdan tozalanadi, ya’ni yuqori haroratda S yonib,SO 2 gaziga aylanadi va ajratib olinadi. Bunda sulfidlar tarkibidagi S ning 98 foizi, SO 4 ionining oltingugurti 36 foizgacha tozalanadi. Shu bilan bir qatorda gigroskopik jimlikdan xalos bo‘ladi. Unsur elementlardan P, As va boshqa aglomeratsiyalash jarayonida rudaning tarkibida qolib ketadi. Ruda va boyitmalarni aglomeratsiyalash orqali bo‘laklash olib borilayotgan texnologiya asosan 3 xil bo‘lishi mumkin: 1. Muallaq holda ishlovchi pechlar. 2. Aylanma trubali pechlar. 3. Aglomeratsion mashinalarda havo so‘rish orqali. 1,2 usullar o‘zining texnologik ko‘rsatkichlari hamda iqtisodiy samarasizligi tufayli kam qo‘llanilmoqda. Metallurgiyada ko‘pincha 3 usul qo‘llaniladi. Shixta tayyorlash Metallurgiya sanoatning mahsulot, shuningdek, yoqilg‘i va energiya ko‘p talab qiladigan tarmog‘i hisoblanadi. Rangli metallurgiyada o‘rtacha mahsulot tannarxining – 61–62 % xomashyo, asosiy va qo‘shimcha mahsulotlar uchun qilingan xarajatlarga – 11–12 % yoqilg‘i va energiya xarajatlariga to‘g‘ri keladi. Shunday qilib, tannarxning bu bo‘limlariga umumiy xarajatning ~ 75 % to‘g‘ri keladi.Melallurgiyaning ko‘p mahsulot talab qiladigan sohalariga qattiq qotishmalar (umumiy xarajatning – 80 %), mis (~ 70%) va qo‘rg‘oshin – rux (64

%), eng ko‘p energiya talab qiladigan aluminiy sanoati hisoblanadi. Shu sababli dastlabki xomashyoning metallurgik qayta ishlashga sifatli tayyorlanishi metallurgik bo‘limning texnik-iqtisodiy ko‘rsatkichlariga sezilarli ta’sir ko‘rsatadi. Qoida bo‘yicha metallurgik qayta ishlashga aniq bir metall tarkibli mahsulot emas, balki flyus va qaytarilgan mahsulot va turli tarkibli rudali xomashyo aralashmasi keladi. Qayta ishlashga yuborilgan aralashma (yoqilg‘isiz) shixta deyiladi. Metallurgik shixtaga qo‘yiladigan asosiy talablar qo‘yidagilar: 1. Kimyoviy tarkibning doimiyligi. 2. Kimyoviy, mineralogik va granulometrik tarkibning bir xilligi. 3. Shixta hosil qiluvchilarning o‘lchamlari chegaralanganligi. 4. Namlikning me’yorida bo‘lishi. Metallurgik uskunalarning doimiy bir me’yorda ishlashi, shixta doimiy va me’yorida bir xil tarkibda bo‘lgandagina amalga oshirilishi mumkin. Bir sutkada yuz, hatto bir necha ming tonna dastlabki mahsulot qayta ishlanadigan zamonaviy metallurgik korxonalarda bu talab xomashyo mahsulotini bir me’yorda uzatish va shixta tashkil etuvchilarni yaxshi aralashlirish bilan amalga oshiriladi. Qayta ishlanayotgan shixtaning o‘lchami qo‘llanilayotgan jarayon va u qo‘ygan talablarga ko‘ra belgilanadi. Shaxtali eritish uchun bo‘laklari o‘lchami 50–100 mm bo‘lgan va qattiq shixta, yallig‘ qaytaruvchi pechlarda eritish uchun shixta o‘lchami 2–5 mm dan yirik bo‘lmasligi talab etiladi. Gidrometallurgik texnologiya va ayrim avtogen jarayonlar bo‘laklari o‘lchami 70–100 mkm gacha bo‘lgan mayda shixta talab etadi. Kelayotgan shixta namligi ham texnologiya tomonidan belgilanadi. Gidrometallurgik jarayonlar dastlabki mahsulotning namligi yuqori bo‘lishiga ruxsat etsa, yallig‘ qaytaruvchi pechlarda eritish uchun shixta namligi 5– 8 foizgacha, elektr pechlarda eritish uchun namlik 3 % va undan kam, muallaq holda eritish uchun esa namlik 0,1–0,3 foizgacha bo‘lishi kerak. Shixta tayyorlashning asosiy maqsadini quyidagi misollarda ko‘rib chiqamiz. Metallurgik zavodlarda har xil shixta tayyorlash usullari qo‘llaniladi. Eng keng tarqalgan usul bu shixta komponentlarni lentali konveyerlarda aralashtirishdir. Maxsus bunkerlardan boyitma, flyus va aylanuvchi moddalar tarozlardan o‘tgan yig‘ma konveyerga yuklanadi. Harakatlanish davrida, qayta yuklash pog‘onasida va yallig‘ pechning bunkerida shixta komponentlari yaxshi aralashtiriladi. Bunday

tizim oson va kam xarajatlidir, lekin shixtaning bir xil tarkibini ushlab turishi qiyin. Eng yaxshi shixta tayyorlash usuli bu beding-sistema. Shixta komponentlari qatlam-qatlam usuli bilan joylashtirilib, vertikal kesimi bilan olib transporterga beriladi. Bunday sistema Yaponiyada keng qo‘llaniladi. Sistema sanoqsiz moddalar ishtirokida shixta tayyorlashga imkon yaratadi. Shixtaning tarkibi yetarli darajada bir xil bo‘ladi. Koks olish va shixta tayyorlash Koks sun’iy yoqilg‘i turlariga kiradi. U maxsus navli toshko‘mirni 900–1000 °C haroratda zich yopilgan kameralar – koksli batareyalarda quruq haydash yo‘li bilan olinadi. Kokslash vaqtida yengil komponentlarni gaz va bug‘ ko‘rinishida haydash bilan toshko‘mirni termik parchalanishi boradi. Yengil komponentlar sovutgichga yuboriladi, u yerda bir qator qimmatli komponentlarning kondensatsiyalanishi kechadi. Tozalangan gaz esa sovutgichdan chiqarilib, marten pechlarini qizdirish uchun yoqilg‘i sifatida va boshqa maqsadlarda ishlatiladi. Koks eng qimmat va tanqis yoqilg‘i turi hisoblanadi. Ubo‘lakli va mustahkam materiallarni qayta ishlaganda (misol uchun,shaxtali pechlarda) ishlatiladi.Koks toshko‘mirni havosiz sharoitda 1000–1100 °C haroratda quruq qizdirish orqali olinadi. Kimyo sanoatida koks tayyorlash jarayoni maxsus texnologiyada olib boriladi. Bu jarayon maxsus koks tayyorlash batareyalarida olib boriladi. Kokslash jarayoni natijasida quyidagi mahsulotlar olinadi. Massaga nisbatan % hisobida 78 % koks, 15 % koks gazi, 3,5 % toshko‘mir moyi, 0,3 % ammiak, 07 % xomaki benzol va 2,5 % yog‘li suv.

Kokslash jarayonida ajralib chiqqan gazning issiqlik sig‘imi taxminan 4500 kkal/ m 3 ni tashkil etib, yuqori haroratda ishlaydigan metallurgik pechlarda, koks tayyorlash pechlarida yoqilg‘i sifatida ishlatiladi. Koks toshko‘mirga nisbatan mexanik mustahkam, issiqlik berishenergiyasi (1 = 6600 kg/kkal) va kollorimetrik harorati 700 °C ga teng. Koksning bu ko‘rsatkichlari uni metallurgik pechlarda shaxtali, domna va hokazo hamda metallurgik jarayonlarda qaytaruvchi sifatida keng foydalanishga asosiy omil bo‘ladi. Aglomeratsiya sharoitida qattiq yonilg‘ining yonishi Ruda va boyitmalarni aglomeratsiya usulida boyitishda qattiq yonilg‘i sifatida ko‘mir, koks va antratsit qo‘llaniladi. Odatda, shixta tarkibidagi ko‘mirning miqdori ruda va boyitmaning tarkibiga qarab 4 foizdan 6 foizgacha bo‘ladi. Yonilg‘i aglomeratsiya jarayonida quyidagi asosiy azifalarni bajaradi: 1) yonilg‘i sifatida shixtaning ustki qismiga solinadi (qalinligi 3-5 sm); 2) shixtaga yonilg‘i aralashgan bo‘lib qaytargich vazifasini bajaradi; 3) shixta tarkibidagi yonilg‘ining yonib ketishi hisobidagi aglomeratda g‘ovak g‘ovaklar bo‘ladi. Bu esa aglomerat sifatiga to‘liq javob beradi. Texnologik jarayonni tasavvur qilish uchun dastlabki xomashyo va olinadigan mahsulot 3 fraksiyaga ajratiladi: 1) tayyor mahsulot (15 mm va undan katta); 2) palletlarga (xomashyo joylashadigan qurilma) joylanadigan bo‘lak (6–15 mm); 3) 6 mm dan kichigi qaytarma mahsulot. Texnologik jarayonning borishi shixtaning aralashishi, yonilg‘ining sifatiga va unga berilayotgan havoning tarkibidagi kislorodning miqdoriga bog‘liq. Amaliyotda yonilg‘idan to‘liq foydalanish maqsadida asosiy yoqilg‘ini shixtaga 3 xil usulda joylashtirish

mumkin. Bu joylashtirishda O 2 ning taqsimoti sxemada ko‘rsatiladi (chizma). Quyidagi chizmada ko‘rsatilganidek, aglomeratsiya jarayonida yonilg‘ini shixtaga 3 xil tartibda joylashtirish mumkin: Sxemadan ko‘rinib turibdiki, yonilg‘ining yonishi uchun sarflanadigan O 2 turlicha miqdorda bo‘lib, oxirgi chiqindi gazlardagi O 2 ning miqdori birinchisiga yaqin.

Samaradorlik jihatidan: a – usul keng qo‘llanilib, jarayonning to‘liq borishini ta’minlaydi; b – usulda yonilg‘i ustidagi shixta to‘liq aglomeratni hosil qilmasligi ko‘riladi; d – usulda samaradorlik yuqori bo‘lsa-da, O 2 ning sarfi ko‘p bo‘ladi. Bunga sabab oraliqdagi yonilg‘ining yonish hisobiga CO yana yonishi kerak bo‘ladi. Jarayon davomida aglomeratsiya borayotgan dastgohda harakatning taqsimoti quyidagicha bo‘ladi.

5.4-chizma. Ikki qatlamda boradigan kuydirish kesimi a – shixtaning ustki qismiga; b – shixtaning orasiga; d – ustki qismi va orasiga. Tayyor aglomeratning yana bir sifat ko‘rsatkichi uning erish davridagi yumshash tezligidir, ya’ni po‘lat eritish pechiga yuklanyotgan aglomerat temir ta’sirida qancha tez yumshasa, ya’ni erish xususiyatiga ega bo‘lsa, uning sifati yuqori hisoblanadi. Bu esa o‘z navbatida erish jarayonining tez borishini yuqoridan yuklanayotgan aglomeratning ichida to‘xtab qolmasligini ta’minlaydi. Aglomerat tarkibidagi asosiy begona elementlardan 14%i oltingugurtdir (S). U olinadigan qora metallning sifatiga katta salbiy ta’sir ko‘rsatadi. Shu nuqtayi nazardan aglomeratsiyada S dan tozalash kata ahamiyatga ega. Odatda, temirli rudalarda oltingugurt FeS 2 holida uchraydi. Oltingugurtdan tozalash bir necha bosqichli bo‘lib, bu bosqichlar harakat o‘zgarishiga qarab taqsimlanadi.FeS 2 ning boshi, dissotsiatsiyalanish 280–565 °C. 4FeS 2 + 11O 2 = 2Fe 2 O 3 + 8SO 2 . Termik dissotsiatsiyalanish va S ning oksidlanishi 565–1385 °C. 2FeS 2 = 2FeS +S 2 ; S 2 +2O 2 = 2SO 2 , 4FeS 2 +11O 2 = 2Fe 2 O 3 +8SO 2 .

Bundan yuqori haroratlarda quyidagi reaksiyalar amalga oshadi 16Fe 2 O 3 +FeS 2 11Fe 3 O 4 + 2SO 2 , 10Fe 2 O 3 + FeS 7Fe 3 O 4 + SO 2 . Shuningdek, jarayon davomida SO 3 CaO bilan reaksiyaga kirishib, SaSO 4 ni hosil qilishi mumkin CaO+SO 3 = CaSO 4 . Temirli rudalar tarkibida ma’lum miqdorda margimush bo‘lib, u quyidagi ko‘rinishda bo‘ladi: FeAsS. 2FeAsS + 7O 2 = Fe 2 O 3 +As 2 O 3 + 4 SO 2 . Bu jarayon 800–900 °C ga yetganda As 2 O 3 kislorod bilan birikib, uning yuqori oksidlarini (AsO 2 , As 2 O 5 ) hosil qiladi. Bu esa maqsadga muvofiq emas. Shuning uchun shixtaning tarkibida S ning ko‘p bo‘lishi As ning yuqori oksidlarini As 2 O 3 ga qaytarish xususiyatiga ega. As 2 O 5 + O 2 = As 2 O 3 + 2O 2 , As 2 O 5 + 2CO = As 2 O 3 + 2CO 2 , As 2 O 5 + 2C = As 2 O 3 + 2CO. 460–500 °C da As 2 H 2 havoda bo‘ladi (As 2 +H 2 o‘ta zaharli gaz). Agar aglomeratning tarkibida As ning miqdori 0,8–1,2 foizgacha bo‘lsa, uni tozalash maqsadida 2–5 foizli CaCl 2 tuzi aralashtiriladi.Natijada texnologik gazga As AsCl 3 holida o‘tadi. Shuningdek, CaCl 2 ning qo‘shilishi aglomeratsiya jarayonida 90 % Pb dan va 65 % Zn dan tozalash imkonini beradi.

Aglomeratlarni sovitish va qotirish Aglomeratsion mashinalardan chiqadigan tayyor mahsulot harorati 800–900 °C bo‘lib, uni bir joydan ikkinchi joyga uzatish bir qator muammolarni keltirib chiqaradi. Shu nuqtayi nazardan aglomeratlar sovitiladi. Aglomeratlarning sovitilishi katta ahamiyatga ega. Sovitish usuli va tezligi olinadigan aglomeratning mustahkamligiga ta’sir etadi.Aglomeratning mustahkamlik ko‘rsatkichlari uni ma’lum muddatgacha sifati buzilmasdan saqlanishini kafolatlaydi. Sovitish jarayoni alohida texnologiya bo‘lib, bir necha usullardan iborat: 1) havo yordamida; 2) suv yomg‘iri yordamida; 3) aralash holda sovitish; Bu usullarni tanlash aglomeratning tarkibiga va fizik xossalariga bog‘liqdir. 1. Ko‘pgina metallurgik korxonalarda havo yordamida sovitish 4 xil usulda bo‘ladi: a) maxsus vagonlarga yuklab, ma’lum masofada harakatlantirish bunga agar havo harorati 5–10 °C bo‘lsa, sovitish 10 soat davom etishi mumkin. Bu o‘z navbatida katta sarf-xarajatlar talab qiladi; b) aglomeratlarni omborlarda sovitish. Tayyor mahsulot lentali transportyorlar yordamida maxsus omborlarga uzatiladi va ikki tomoni ochiq (yelvizak) omborlarda 10–15 sutka saqlanishi kerak. Garchi bu jarayon uzoq davom etsada, samarali hisoblanadi; d) aglomeratsion mashinalarning o‘zida sovitish. Tasmasining uzunligi 2–2,5 marta uzaytirilishi bilan amalga oshiriladi. Bu esa o‘z navbatida mashinaning samaradorligini kamaytiradi; e) aglomeratlarni aylana bo‘ylab harakatlanuvchi texnologik likopchalarda

sovitish. 2. Aglomeratlarni suv yomg‘iri yordamida sovitish 3 xil usulda amalga oshiriladi: a) temir yo‘l vagonlariga yoki hovuzlarga yuklab sovitish. Bunda mahsulot suv yomg‘iri ostidan o‘tkaziladi. Bu suvning ko‘p isrof bo‘lishi, vagonlarning chirishiga olib keladi; b) suv tumani orqali sovitish – bunda aglomeratlarning o‘nggi qismiga suv purkash uskunalari o‘rnatiladi, bu purkagich juda kichkina bo‘lganligi sababli tumanga o‘xshaydi; d) aglomeratlarni bunkerlarda suv yordamida sovitish

Похожие

Qora va rangli metallarga ishlov berish

Qora va rangli metall qotishmalari

Rudalarni boyitish va ishlov berish

Metall foydali qazilmalar

Rangli metall boyitmalarini kuydirish