Меласса (спирт) - Химия - Рефераты

Меласса (спирт)

Загружено в:

20.09.2019

Скачано:

0

Размер:

77.5 KB

Меласса Режа: 1. Меласса. Меласса тавсифи. 2. Мелассанинг кимёвий таркиби.

Меласса Меласса деб сахароза кристалларининг центрифугалашдан қолган эритмага айтилади. Меласса таркибида қанд лавлагида мавжуд бЎлган ва кимёвий тозалашда бартараф этилмайдиган ноқандлар ва кристализациянинг классик усули орқали ажратиш иқтисодий самарасиз бЎлган сахароза бЎлади. Қанд лавлагидан сахароза ишлаб чиқаришда лавлаги массасидан меласса чиқиши (сувсиз мелассага ҳисобланган) 3,5 дан 5,0 % гача бЎлади. Меласса билан бутун қандларнинг 10 дан 15 % гача сахароза чиқиб кетади. Меласса қуюқ, қовушқоқ, қорамтир жигар рангли суюқлик бЎлиб, карамел ва меланоидин ҳидли бЎлади. Қанд лавлаги мелассасидан треметил амин ва бетаин парчаланишида ҳосил бЎладиган бошқа учувчан аминлар ҳиди келиб туради. Спирт ишлаб чиқариш учун меласса яхши хом ашё бЎлиб хизмат қилади. Унинг афзаллиги шундан иборатки, сахароза миқдори юқори бЎлиши билан биргаликда ачитқи замбуруғлари кЎпайиши учун зарур бЎлган ҳамма моддалар учрайди. Мелассани қайта ишлашда хом ашёни пишириш ва крахмални гидролизлашга ҳожат қолмайди. Меласса шарбатидан декстринлар ва қандлаштирилмаган крахмал бЎлмаганлиги сабабли у тезроқ бижғийди, бижғитиладиган углеводларнинг йЎқотилиши камаяди, шартли крахмалга ҳисобланган спирт чиқими ортади. Натижада спирт таннархи ҳам камаяди. Меласса бардасидан эса дон - картошка бардасига нисбатан халқ хЎжалигида кенг ишлатиладиган маҳсулотлар олинади. Қанд лавлаги мелассасининг кимёвий таркиби Қанд лавлаги мелассаси мураккаб ва доимий бЎлмаган кимёвий таркибга эга. Унинг таркиби тупроқ-иқлим шароитлари, бериладиган Ўғитлар, ҳосилни йиғиб олиш усули, қанд лавлагининг сақлаш шароити ва давомийлиги, шакар олиш технологияси ва бошқа факторлардан боғлиқ.

Мелассада Ўртача 80 % қуруқ моддалар ва 20 % сув бЎлади. Мелассанинг бундай таркиблигини инобатга олиб, сувнинг сезиларли миқдори боғланган ҳолатда бЎлади деган хулоса чиқариш мумкин. Утфел (кристалланган сахароза эритмаси)ни центрифугалашдан сЎнг мелассада тахминан 85 % қуруқ моддалар бЎлади. Истеъмолчиларга етказиб бериладиган меласса труба қувурларни, сақловчи сиғимларни сув ва буғ билан ишлов бериш натижасида ҳосил бЎлган конденсат билан суюлиши ҳисобидан қуруқ моддалар концентрацияси нисбатан паст бЎлади. Мелассани сақлаш даврида сахароза қандлар кристалларининг ҳосил бЎлиши туфайли ҳам концентрация камаяди. Натижада меласса қовушқоқлиги камаяди, бу эса мелассасининг, айниқса, қиш кунларида, бир жойдан иккинчи жойга узатиш ва сақлаш сиғимларини тозалаш ишларини енгиллаштиради. Украина спирт саноати илмий текшириш институти (Укр ССИНТ)нинг аниқлашича, спирт заводига биринчи ярим йилликда келадиган меласса таркибидаги қуруқ моддалар миқдори 67,1-84,7 %, Ўртача ҳисобда 78,0 %; иккинчи ярим йилликда келган мелассада эса 78,9-84,0 %, Ўртача ҳисобда 80,2 % ни ташкил этади. П.М. Силиннинг аниқлашича, меласса таркибидаги қуруқ моддалар (Ўртача % мас.) қуйидаги нисбатда бЎлади: сахароза-60,0; азотсиз органик моддалар-16,7; азотли моддалар-14,8; кулдорлик 8,5. Шакар саноатида фақат асосий маҳсулот бЎлган сахароза миқдори ҳисобини олиб борадилар. Шу учун бошқа қандлар азотсиз органик моддалар сифатида қаралади. Спирт саноатида эса ачитқи замбуруғлари томонидан спиртгача тЎлиқ ёки қисман парчаланадиган қандлар ҳам инобатга олинади. Шунинг учун қандлар умумий миқдорини, бижғитиладиган қандлар деб аталади. Сахароза ва бижғитиладиган қандлар. Меласса таркибида сахароза миқдори 48 дан 62 % гача бЎлади ва лавлагининг миқдоридан боғлиқ бЎлади. Одатда, меласса сахарозанинг тЎйинган эритмаси деб қаралади,

амалий жиҳатдан у сахарозанинг Ўта тЎйинган эритмасидир. Амалий жиҳатдан сахарозанинг Ўта тЎйинган эритмасини ҳосил қилиш сахароза ишлаб чиқаришда кристаллизация давомийлиги чегараганганлиги билан изоҳланади. Бундан ташқари сахароза миқдорига бирламчи сиропнинг зичлиги ва кристализациянинг охирги ҳарорати ҳам таъсир кЎрсатади. Яъни, биринчиси юқори бЎлиб, иккинчиси паст бЎлса (албатта рухсат берилган чегарада) мелассада қандлар кам миқдорда қолади. Инвертланган қанд - глюкоза ва фруктоза эквимолекуляр миқдордаги аралашмасидир. Одатда, мелассада глюкоза фруктозага нисбатан кЎпроқ миқдорда бЎлади, шунинг учун бу аралашмани редукцияловчи қандлар деб аташ Ўринли бЎлади. Одатда, инвертланган шакар атамаси остида фақат икки моносахарид - глюкоза ва фруктоза тушунганлиги сабабли кейинги фикрларда юқоридаги икки термин (яъни инвертланган қанд ва редукцияловчи қандлар) бир хил маънони билдириш учун ишлатилади. Инвертланган қандлар миқдори меласса массасига нисбатан, 0,4-1,5 % миқдорда бЎлади. Узоқ муддатда юкланган ёки биологик тинч ҳолатдан чиққан лавлагини қайта ишлаганда ҳамда ноқулай шароитларда узоқ муддатда сақланган мелассада инвертланган қандлар миқдори кескин ортади. Мелассада учсахаридлардан раффиноза (0,5-2,0%), кестоза ва неокестоза (0,5-1,6 %), плантеоза (0,01 %) учрайди. Раффиноза (мелитриоза, госсироза) фруктоза, глюкоза ва галактоза; кестоза ва изокестоза икки молекула фруктоза ва бир молекула глюкоза қолдиғидан ташкил топган. Раффиноза мелассага лавлагидан Ўтади. Кестоза ва неокестоза лавлагида мавжуд эмас. Кестоза ва неокестоза, шу билан биргаликда айрим олигосаридлар, шакар ишлаб чиқариш жараёнида ривожланадиган микроорганизмлар ҳаёт фаолияти натижасида ҳосил бЎлади, деб тахмин қилинади. Мелассада тетрасахаридлардан стахиоза учрайди ва унинг миқдори 0,02 % бЎлади.

Мелассага лавлагидан бироз миқдорда пектин моддалари ва улар билан биргаликда учрайдиган арабан ва галактан Ўтади. Сахароза, инвертланган қандлар ва манноза тЎлиқ спиртга бижғитилади. Раффиноза ачитқи замбуруғларининг β-фруктофуранозидаза (сахараза, инвертаза) ферменти таъсирида фруктоза ва дисахарид - мелибиозага парчаланади. Спирт саноатида ишлатиладиган айрим ачитки замбуруглари расалари (Я ва В) α-галактозидаза (мелибиоза) ферментини биосинтез қила олмайди. Шунинг учун булар раффиноза фақат 34 % га Ўзлаштира оладилар. Бироқ ачитқи замбуруғларининг янги расалари (Г-67, Г-73) ушбу ферментни биосинтез қила оладилар ва Ўз-Ўзидан равшанки раффинозани тЎлиқ бижғита оладилар. Бошқа қандлар миқдори жуда оз бЎлиб, улар ёки қисман бижғитилади ёки (масалан, пентозалар) бижғитилмайди. Шунинг учун бижғитиладиган қандларни одатда сахароза, инвертланган қанд ва 1/3 раффиноза киритилади. Кейинги икки қандлар сахарозага келтириб ҳисобланади. Азотсиз органик моддалар. Юқорида шакар ишлаб чиқаришда азотсиз органик моддаларга сахарозадан ташқари ҳамма қандлар, уларнинг кимёвий ва термик деструкцияси маҳсулотлари ва органик кислоталар киритилиши айтиб Ўтилган эди. Моносахаридларнинг ишқор таъсирида парчаланиш маҳсулотлари. Инвертланган қандлар айниқса, фруктоза, шакар саноатида ишлатиладиган ишқорий эритмаларда қиздирилганда тезда парчаланади. Бунда олдин кетоенол таутомерияси туфайли глюкоза ва фруктозанинг бир- бирига қайтар айланиши, сЎнгра манноза ва ксилоза сингари янги монозалар ҳосил бЎлади. Моносахаридларнинг парчаланишидан учувчан бЎлмаган рангли кислоталар - глюцин, аноглюцин, сахарум, мелассин ва юқори молекуляр гумин кислоталари, бироз миқдорда сут ва учувчан кислотлар - чумоли ва сирка кислоталари ҳосил бЎлади. Карамаллар. Карамеллар деб сахароза ва моносахаридларнинг термик парчаланишидан ҳосил бЎлган мураккаб таркибли маҳсулотлар

аралашмасига айтилади. Карамеллар таркибига қандларнинг ангидридлари, қора рангли ва бошқа кам Ўрганилган бирикмалар киради. Меланоидинлар. Меланоидинлар деб редуцияловчи қандларнинг аминокислоталар билан кимёвий таъсири натижасида ҳосил бЎлган мураккаб моддалар аралашмасига айтилади. Оз миқдорда азот сақловчи учувчан бЎлмаган бирикмалар билан бир қаторда алифатик альдегидлар, метилглиоксал, диацетил, ацетоин ва бошқалар бЎлади. Мелассада мелоноидин реакцияси туфайли ҳосил бЎлган 40 га яқин учувчан бирикмалар аниқланган бЎлиб улар асосан, пиразин ва фуран ҳосилалари бЎлиб, миқдори 7.10-6 да 0,01 % гача бЎлади. Меласса ранги, асосан, меланоидин реакцияси ва моноқандларнинг ишқор таъсирида парчаланиш маҳсулотлари туфайли ҳосил бЎлади. Ушбу моддалар Ўлчами 0,7 дан 4,2 нм гача бЎлган заррачалар бЎлиб, молекуляр ва коллоид дисперслик чегарасида бЎладилар. Ранг берувчи моддаларнинг талайгина қисми сувда чин эритма ҳосил қилади. ²амма ранг берувчи моддалар учун ранг жадаллиги муҳит рН-ига боғлиқ: рН қиймати тушиши билан ранг жадаллиги камаяди, ортиши билан ортади. Ушбу ҳодиса хромор гуруҳларининг диссоциацияси Ўзгариши билан изоҳланади. КЎпгина ранг берувчи моддаларда карбонил ва карбоксил гуруҳлари мавжуд бЎлиб улар оксидланган моддаларни қайтариш ва кислоталилик хусусиятларини намоён қиладилар. Айрим функционал гуруҳлар қайтар оксидланиш ва қайтарилиш қобилятига эга бЎлиб, эритманинг оксидланиш-қайтарилиш потенциалига таъсир қиладилар. Меласса рангдорлиги деб 94 мл дистилланган сувга йоднинг 0,1 н. ли эритмасидан қЎшиш билан ҳосил қилинган эритма рангининг интенсивлиги 2 %-ли меласса эритмаси интенсивлиги билан мос келиши учун сарфланган йод эритмасининг мл да Ўлчанган миқдорига айтилади. Меласса рангдорлиги кенг кЎламда - 1,2 дан 4,6 гача Ўзгариб туради. Аксарият ҳолларда меласса рангдорлиги йоднинг 0,1 н. ли эритмасининг 1,5-2,0 мл га тЎғри келади.

Органик кислоталар. Лавлагидан кЎпчиллик органик кислоталар диффузион шарбатни дефекация қилишда кальций гидрооксиди билан эримайдиган туз ҳосил қилиб, муҳитдан чиқиб кетади. Мелассага асосан кальций гидрооксиди билан чЎкма ҳосил қилмайдиган кислоталар - глутар, глиоксил, адипин, каҳрабо, трикарбаллил, аконит, гликол ва олма кабилан Ўтади. Учувчан бЎлмаган ёғ кислоталаридан капрон, каприл, каприн, лаурин, миристин ва пальмитин кислоталарининг излари аникланган. Учувчан кислоталардан чумоли (0,1-1,2 %), сирка (0,6-1,3 %), пропион (0,02- 0,3 %), н-ёғ (0,6 % гача), н-валериан (0,2 % гача) ва 20 га якин ароматик катор кислоталари аникланган. Сирка кислота пектин моддалари ва моносахаридларнинг дефекация жараёни вақтида ишқор таъсирида парчаланишидан ҳосил бЎлади. Бирок сирка кислота, шу билан бир қаторда кЎпгина учувчан органик кислоталар микроорганизмлар ҳаёт фаолияти натижасида ҳосил бЎлади. Одатда мелассадаги ҳамма учувчан ва учувчан бЎлмаган кислоталар калийли ва кальцийли тузлар кЎринишида учрайди. Азотли моддалар. Азотли моддалар меласса массасига нисбатан 5 дан 20 % гача (N  6,25) миқдорида учрайди. Азотли моддалар миқдори лавлагига солинган Ўғитлар миқдори, ёққан ёмғир, Ўсимлик Ўсиш давридаги ҳарорат ва давлагини сақлаш давомийлигидан боғлиқ. Турли шаклларидаги азот миқдорининг Ўзаро нисбати кенг кЎламда Ўзгаради. Маълумотларга қараганда, мелассада амин азоти Ўртача 32 %, бетаин азоти 63 %, оқсил азоти 4 % ва тахминан 2 % атрофида амид, аммиак ва нитрат азоти учрайди. УкрССИТИ маълумоти бЎйича эса азотли моддалар миқдори (% да) қуйидаги нисбатда бЎлади: амин азоти Ўртача 8,2, бетаин азоти 73,9, оқсил азоти 3,0, петон азоти 1,9 ва нитрат азоти 2,0. Айрим ҳолларда амин азоти 20 %-ни ташкил этади. Мелассанинг аминоксилоталари таркиби 3-жадвалда келтирилган. 3-жадвал Аминокислоталар Меласса массасига Аминокислоталар Меласса массасига

нисбатан, % нисбатан, % Лейцин+изолейцин 0,6-2,9 Треонин+глицин 0,2-0,9 Фенилаланин Излари Глютамин кислотаси 0,6-1,8 Валин+метионин+трип- тофан 0,4-1,3 Серин 0,7-2,5 γ-аминомой кислотаси 0,7-1,8 Аспарагин кислотаси 0,2-0,5 Тирозин 0,8-0,9 Аргинин+гистидин+лизи н Излари-0,7 Пролин Излари Цистин Излари Аланин 0,5-2,3 Мелассага лавлагидаги аминокислоталарнинг 50-60 % Ўтади. γ- аминомой кислотаси лавлагида мавжуд эмас, лекин у шакар ишлаб чиқариш жараёнида глютамин кислотасининг декарбоксилланишидан ҳосиб бЎлади. Глютамин кислотаси молекуласидан сувни ажратиб чиқариб циклик шаклдаги пирролидонкарбон кислотасини ҳосил қилади. Мелассада ҳам асосан шу шаклда (75 %) учрайди. Лавлагидаги бетаин мелассага деярли тЎлиқ Ўтади. Амидлар - аспарагин ва глутамин ишқор таъсирида гидролизланиб (ёки совунланиб) аммиак ва мос равишдаги аминокислотани ҳосил қилади. Мелассада бетаиннинг қисман парчаланишидан ҳосил бЎладиган учувчан аминлар бЎлади. Уларнинг 14 таси ажратилган ва идентификация қилинган бЎлиб, улар: диметил- ва триметиламин, этиламин, диамин ва бошқалар. Мелассадан ачитқи замбуруғлари Ўзлаштира оладиган азот миқдори азотнинг умумий миқдоридан 12 дан 20 % гача бЎлади. Азотнинг умумий миқдори ортиши билан ачитқи замбуруғлари Ўзлаштира оладиган миқдори ҳам ортади. Масалан, азот умумий миқдори 1 % бЎлса, Ўзлаштириладиган азот миқдори 0,15 %, 1,3 % бЎлганда 0,25%, 1,7 % бЎлганда эса 0,35 % бЎлади. Ачитқи замбуруғлари нормаль ҳаёт кечиришлари учун Ўзлаштириладиган азот миқдори 0,25 % бЎлса етарли. Витаминлар. Мелассада қуйидаги витаминлар мавжуд (Ўртача мг/100 г ҳисобдан)

Биотин 0,01 Никотин кислотаси 5,1 Тиамин 0,3 Пантотен кислотаси 8,0 Рибофлавин 0,04 Фол кислотаси 0,02 Пиридоксин 0,54 Инозит 700 Минерал моддалар. Минерал моддаларнинг ўртача миқдори 8,5 % бЎлиб, булар, асосан, тоза кул деб аталувчи оксидлар умумий йиғиндисига тенг. Оддий куллаштиришда олинадиган карбонатли кулдорлик миқдори бир оз кЎпроқ бЎлиб, 14 %-ни ташкил килади. Куллаштиришни тезлаштириш мақсадида концентрланган сульфат кислотаси қЎшилганлиги сабабли кул ҳосил қилувчи моддаларнинг сульфат кислотаси тузи олинади. Ўз навбатида ушбу кулдорлик карбонатли кулдорликдан тахминан 1,1 марта каттароқ қийматга эга. Мелассадаги тоза кул таркиби меласса массасига нисбатан 4,5 % гача МgO ва 7,3 дан 13,8 % гача CaO дан ташкил топган. Лавлагидаги 97 % фосфор шакар ишлаб чиқариш жараёнида йЎқотилади. Соғлом лавлагини кайта ишлашда меласса тоза кулида 0,6 % ёки меласса массасига нисбатан 0,03-0,06 % Р 2 О 5 бЎлади. Соғлом меласса кучсиз ишқорий ёки нейтрал муҳитга (рН=8,3-7,2) эга бЎлиб, унинг ишқорлиги 2-0,5 градусга тенг. (1 мл 1н. ли сульфат кислотаси эритмаси 100 гр мелассани нейтраллашга сарфланса унинг ишқорлилиги 1 градусга тенг ҳисобланади.) Айрим мелассаларда кучсиз кислотали муҳит унда кислота ҳосил қилувчи бактериялар ривожланшганидан дарак беради. Албатта, бундай мелассанинг сифати паст ҳисобланади. Шуни эътироф этиш лозимки, ушбу мелассада кислоталарни нейтраллаш учун сЎндирилган оҳак қЎшиш мутлақо нотЎғри ишдир. Мелассада кучли ишқорлар ва кучсиз кислоталардан ҳосил бЎлган тузлар мавжуд бЎлганлиги сабабли улар буферлик хусусиятини намоён киладилар. Мелассанинг буферлик хусусияти деб 1:1 нисбатда суюлтирилган

100 гр меласса рН муҳитини 4,5 гача тушириш учун сарфланган 1 н.ли сульфат кислотасининг миллилитрлардаги ҳажмига айтилади. Унинг қиймати 14 дан 45 гача Ўзгаради.

Адабиётлар рўйхати 1. Под редакцией доктора технических наук профессора В.А. Смирнова. Технология спирта. Москва: «Легкая и пищевая промышленность». 1981 год.416 стр. 2. А.А. Фукс. Технология спиртового производства. Москва: «Пищепромиздат», 1954 год. 650 стр. 3. П.М. Мальцев. Технология бродильных производств. Москва: «Пищевая промышленность», 1980 год. 560 стр. 4. Цыганков П.М., Цыганков М.П. Руководство по ректификации спирта. Москва: «Пищепромиздат», 2001 год. 450 стр.

Похожие

Солод тайёрлаш (спирт)

Винницк ускунасида пишириш (спирт)

Донни қабул килиш ( спирт )

Мелассани қайта ишлашга тайёрлаш (спирт)

Хом ашёни пишириш усуллари (спирт)