Мелассани қайта ишлашга тайёрлаш (спирт) - Химия - Рефераты

Мелассани қайта ишлашга тайёрлаш (спирт)

Загружено в:

20.09.2019

Скачано:

0

Размер:

57 KB

Мелассани қайта ишлашга тайёрлаш Режа : 1. Мелассани қайта ишлашга тайёрлаш. 2. Мелассага кислота ва антисептиклар қўшиш. 3. Мелассани стеризациялаш.

Мелассани қайта ишлашга тайёрлаш Мелассани спирт ишлаб чиқаришга тайёрлашда у бир жинсли ҳолатга келтирилади (яъни, гомогенизацияланади), кислота, асептиклар ва ачитқи змбуруғлари учун озуқа моддалари қўшилади ҳамда сув билан суюлтирилади. Микроорганизмлар билан ўта ифлосланган меласса стерилизацияланади. Меласса бижғиган бўтқасидан нон саноатида ишлатиладиган ачитқи замбуруғлари ишлаб чиқаришда муаллақ заррачалардан тозаланади. Мелассани қайта ишлашда бир оқимли ёки икки оқимли технологик схемадан фойдаланилади. Шунинг учун технологик схемадан боғлиқ ҳолда 22 %-ли ёки 12 ва 32 %-ли қуруқ моддалари бўлган шарбат тайёрланади. Қуруқ моддалари 12 % бўлган шарбат ачитқи замбуруғлари етиштириш учун, 32 %-ли шарбат эса асосий шарбат хизмат қилади. Бир оқимли технологик схемада ҳам ачитқи замбуруғлари етиштириш учун ва асосий шарбат сифатида ҳам қуруқ моддалари 22 % бўлган шарбат хизмат қилади. Бир оқимли технологик схема спирт ҳамда ачитқи замбуруғлари (хамиртуруш) ишлаб чиқарадиган заводларда қўлланилади. Бир оқимли технологик схемада мелассани ўлчашдан олдин гомогенизацияланади. Бунинг учун мелассани гомогенизатор остидан насос орқали ускунанинг ҳар хил баландлигига юборилади. Дефектли меласса контактли қурилма (контактная головка) ёрдамида стеризацияланади, пластинкали иссиқлик амашинув қурилмасида совутилади, сўнгра нормал меласса билан қўшиш учун гомогенизаторга юборилади. ўлчангандан сўнг мелассага махсус аралаштиргич ёрдамида кислота, асептик моддалар ва ачитқи замбуруғлари учун озуқа моддалари қўшилади, 35-40 %-ли концентрациягача суюлтирилади. Сўнгра кларификатор ёрдамида муаллақ заррачалардан тозаланади ва 22%-ли концентрациягача суюлтирилади. Икки оқимли технологик схемада ачитқи замбуруғлари етиштириш учун мўлжалланган гомогенизацияланган меласса тарозида тортилади,

сўнгра бир оқимли технологик схема сингари кислота, асептик ва озуқа моддалар қўшилади ва 12 %-ли концентрациягача сув билан суюлтирилади. Бир кеча-кундузда сарфланадиган меласса миқдори заводнинг 1 т шартли крахмалдан спирт олиш нормаси ва мелассадаги бижғитиладиган (яъни ачитқи замбуруғлари томонидан ўзлаштириладиган) шакар миқдоридан келиб чиққан ҳолда ҳисобланади. Спирт заводининг бир кеча-кундуздаги ишлаб чиқариш қуввати ректификация маҳсулотларида мавжуд бўлган сувсиз (абсолют) спирт хом ашёси миқдорининг декалитрдаги миқдори билан ўлчанади. Бунда, албатта, етилган бўтқаданспиртни ажратиб олишдаги йўқотишлар (0,2 %) ҳам ҳисобга олинади. Бир кеча-кундузда заводда қуввати К а % ҳ. Бўлган А дал олий тоифадаги спирт ректификати, қуввати К в бўлган В дал эфир-альдегид фракцияси, қуввати К с бўлган С дал сивуш мойи ва қуввати К д бўлган Д дал сивуш спирти ишлаб чиқарилсин. Мос равишда, заводнинг бир кеча- кундуздаги ишлаб чиқариш қуввати Q (дал ҳисобида) қуйидагига тенг бўлади:1,002 100 К Д К С К В К А Q д с в а          . 1 т шартли крахмалдан V дал спирт чиқиши нормалаштирилган бўлсин ва меласса таркибидаги сахарозага ҳисобланган (келтирилган) ачитқи замбуруғлари томонидан ўзлаштириладиган моддалар миқдори Σ ўзл % бўлсин. Сарфланадиган меласса миқдори қуйидагига тенг бўлади: V 0,95 Q 100 М узл      ; бу ерда: 0, 95- сахарозани шартли крахмалга келтириш коэффициенти. Мелассага кислота ва асептиклар қўшиш Меласса шарбатини бижғитишда муҳитда ачитқи замбуруғлари ҳаёт фаолитяига салбий таъсир қилувчи моддалар биосинтез қиладиган

микроорганизмлар ривожланишига йўл қўймаслик лозим. Спирт саноатида энг хавфли микроорганизмлар бўлиб кислота ҳосил қилувчи бактериялар ҳисобланади. Булар кислота ва спиртга юқори бардошликка эгалар. Меласса шарбатини муҳит рН-и 5 бўлганда бижғитиш тавсия этилади. Муҳитдаги бегона микроорганизмлар ҳаётини бартараф этиш мақсадида бижғитишни водород ионлари фаол концентрациясини 2,8-3,0 қийматида олиб бориш яхши натижалар беради. Бироқ рН-нинг ушбу қиймати ачитқи замбуруғларининг кўпайиш ва бижғиш энергиясига салбий таъсир кўрсатиши ва, ҳато, уларнинг ҳалок бўлишига олиб келиши мумкин. Шунинг учун бир оқимли технологик схемада бижғитишни муҳит рН=5 қийматда олиб борадилар. рН-нинг Ушбу қиймати 0,4-0,6 о кислоталиликка тўғри келади (албатта, мелассанинг буфер сиғимидан боғлиқ ҳолда). Икки оқимли технологик схемада бижғитишда ачитқи замбуруғлари етиштириладиган шарбат кислоталилиги 1,1-1,3 о га тенг бўлади. Ушбу шарбат асосий шарбат билан қўшилгандан сўнг муҳит кислоталилиги 0,6-0,7 о гача пасаяди. ²ар иккала технологик схемаларда ҳам бегона микрофлораларни ўлдириш учун антимикроб моддалар қўшилади. Суюлтирилмаган мелассага кислота ва антисептик моддалар қўшиш самарали ҳисобланади. Яъни бунда микроорганизмларга ҳалок этувчи таъсирга эга бўлган кислоталилик қиймати (бир оқимли технологик схемада 1,6-2,4 о гача ва икки оқимли технологик схемада 3,5-4,5 о гача) ва антисептик моддалар концентрацияси юқори бўлади. Мелассага кислота қўшишда сульфат ва хлорид кислоталаридан фойдаланилади. Кислота сифатида хлорид кислотаси ишлатилганида гипс ҳосил бўлишининг олди олинади. Натижада ачитқи замбуруғлари сифати ортади, сепарация қилиш шароити яхшиланади ва ҳ.к. Бундан ташқари хлорид кислотаси сарфи сульфат кислотаси сарфидан оз (1000 дал абсолют алкогол ишлаб чиқаришда 140 кг 100 %-ли хлорид кислотаси сарфланса, 250 кг 100 %-ли сульфат кислотаси сарфланади). Бироқ хлорид кислотасини ташиш ноқулайликлар туғдиради ҳамда ускуналар кислотага чидамли

пўлатдан тайёрланиши лозим. Шуни эътироф этиш лозимки, юқорида келтирилган кислоталар сарфи норматив сарф бўлиб, мелассанинг ишкорлилиги ва буфер сиғимидан боғлиқ. Қандларнинг парчаланишини олдини олиш мақсадида сульфат кислотаси қўшилишидан олдин 4-5 марта сув билан суюлтирилади. Антимикроб моддалари юқори бактерицидлик хусусиятига эга бўлиши, шу билан биргаликда ачитқи замбуруғлари ҳаёт фаолиятига ва спирт сифатига салбий таъсир кўрсатмаслиги лозим. Антимикроб моддалари сарфи нормаси қуйидагича (1000 дал спиртга кг ҳисобида): хлор оҳаки - 16; 40 %-ли формалин - 5,0; сульфанол - 5,2. Бижғитилган меласса шарбатидан хамиртуруш ачитқи замбуруғлари олишда хлор оҳаки сарфи 20-25 кг гача кўпайтирилади. Хлор оҳаки декантацияланган сувли эритма сифатида қўлланилади. Мелассани кислота ва антисептик билан қўшиш қуйида келтирилган аралаштиргичда амалга оширилади. Аралаштиргич цилиндрсимон идиш (1) бўлиб, ичида вал (4) ўрнатилган. Вал (4)да қўзғалувчан (2) ва қўзғалмас (3) стерженлар ўрнатилган. Аралаштиргич ички корпуси юзасида ҳам қўзғалмас стержанлар ўрнатилган. Қўзғалувчан ва қўзғалмас стерженларнинг бирин- кетин ўрнатилиши гирдобланишга олиб келади. Натижада меласса кислота ва антисептик моддалар билан обдан аралашади. Валнинг айланиш тезлиги 70- 80 айл/мин га тенг. Аралаштиргич ҳажми унда суюқлик 20-30 сек давомида бўлишига мўлжалланган. Меласса ва қўшиладиган кимёвий моддалар патрубог (5) орқали киритилади ва патрубог (6) орқали чиқарилади. Чиқадиган меласса икки-уч дона йиғгичга юборилади. Ушбу идишлар умумий ҳажми бир кеча-кундузлик заҳирага тенг бўлиши лозим.

1.5-расм. 1-корпус. 2-қўзғалмас стержень. 3-қўзғалувчан стержень. 4-вал. 5-киритиш патрубоги. 6-чиқариш патрубоги. Мелассани стеризациялаш Меласса микроорганизмлар билан ўта ифлосланганда у стеризацияланади. Қуйида ушбу ишлов беришнинг технологик схемаси келтирилган. 1.6-расм. Мелассани суюлтириш, кларификациялаш ва стеризациялаш схемаси Меласса йиғгиш идиши (1)дан ва сув эса йиғиш идиши (2)дан насос (3) ёрдамида сўриб олиш орқали аралаштирилади, яъни меласса суюлтирилади. Бунда оқим шундай мосланадики, суюлтирилган мелассада 45-50 % қуруқ моддалар бўлсин. Суюлтирилган меласса йиғиш идиши (4)га юборилади. Йиғиш идиши (4)дан эса кларификатор (5)га юборилади. Кларификатордан чиқишда ҳосил бўладиган ортиқча босим туфайли тиндирилган эритма йиғиш сиғими (6)га, ундан насос орқали иссиқлик алмашиниш қурилмаси (7)га юборилади. Бу ускунада меласса эритмаси икки босқичда: биринчи босқичда - буғлатиш камераси (9)да ҳосил бўлган иккиламчи буғ билан; иккинчи босқичда - ўткир буғ билан 85-90 о С гача қиздирилади ҳамда стерилизатор (8)га насос орқали узатилади. Стерилизатор (8)да ўткир буғ билан 140 о С гача қиздирилади. Суюлтирилган меласса эритмаси стерилизаторда 4 сек давомида сақлангач буғлатиш камераси (9)га юборилади. Буғлатиш камераси (9)да кучсиз вакуум ҳосил қилинади. Ушбу

камерада иккиламчи буғ ажралиб чиқиши натижасида эритма 85 о С гача совуйди. Ажралиб чиққан иккиламчи буғ иссиқлик алмашиниш ускунаси (7)га юборилади. Эритмани совутиш учун насос орқали пластинкали иссиқлик алмашиниш ускунаси (10)га юборилади. Совутишда ишлатилган сув мелассани суюлтиришда ишлатилиши мумкин.

Адабиётлар рўйхати 1. Под редакцией доктора технических наук профессора В.А. Смирнова. Технология спирта. Москва: «Легкая и пищевая промышленность». 1981 год.416 стр. 2. А.А. Фукс. Технология спиртового производства. Москва: «Пищепромиздат», 1954 год. 650 стр. 3. П.М. Мальцев. Технология бродильных производств. Москва: «Пищевая промышленность», 1980 год. 560 стр.

Похожие

Хом ашёни қайта ишлашга тайёрлаш (спирт)

Солод тайёрлаш (спирт)

Спирт саноатида ишлатиладиган солод тайёрлаш

Сақлашда борадиган биокимёвий ўзгаришлар (спирт)

Спирт саноатида ишлатиладиган солод тайёрлаш технологиясининг ўзига хос хусусиятлари