Тақсимланмаган фойда (қопланмаган зарар) ҳисоби - Экономика - Рефераты

Тақсимланмаган фойда (қопланмаган зарар) ҳисоби

Загружено в:

12.10.2022

Скачано:

0

Размер:

32.3955078125 KB

Тақсимланмаган фойда (қопланмаган зарар) ҳисоби Режа: 1. Тақсимланмаган фойда (қопланмаган зарар)нинг турлари ва улар ҳисобининг вазифалари 2. Тақсимланмаган фойда (қопланмаган зарар)нинг ҳисоб ва ҳисоботда акс эттириш тартиби

1.ТАҚСИМЛАНМАГАН ФОЙДА (ҚОПЛАНМАГАН ЗАРАР)НИНГ ТУРЛАРИ ВА УЛАР ҲИСОБИНИНГ ВАЗИФАЛАРИ Корхоналар хусусий капиталининг муҳим элементи бўлиб тақсимланмаган фойда (қопланмаган зарар) ҳисобланади. Тақсимланмаган фойда – бу корхонанинг фаолият юритиш даврларида тўпланиб келаётган ва тақсимланмасдан (ишлатилмасдан) қолинган фойдасидир. Тақсимланмаган (ишлатилмаган) фойданинг ошиши корхона хусусий капиталини ошишига олиб келади. Қопланмаган зарар – бу корхонанинг фаолият юритиш даврларида тўпланиб келаётган ва ҳисобдан чиқарилмасдан қолинган зараридир. Қопланмаган зарарнинг ошиши корхонанинг хусусий капиталини камайишига олиб келади. Тақсимланмаган фойда (қопланмаган зарар) иккита турга бўлинади (қуйидаги расмга қаранг). Ҳисобот йилининг тақсимланмаган фойдаси (қопланмаган зарари) деганда ҳисобот йилида эришилган соф фойда (қопланмаган зарар) тушунилади. Ушбу кўрсаткич «Молиявий натижалар тўғрисида ҳисобот»нинг энг охирги сатрида акс эттириладиган кўрсаткичидир. Ушбу сатрда кўрсатилган сумма 8710 «Ҳисобот йили тақсимланмаган фойдаси (қопланмаган зарари)» счётининг охирги қолдиғига тенг бўлиши керак. Тақсимланмаган фойда (қопланмаган зарар ) Ҳисобот йилининг т ақсимланмаган фойда си ( қопланмаган зарар и) Ўтган йилларнинг т ақсимланмаган фойда си ( қопланмаган зарар и)

Ўтган йилларнинг тақсимланмаган фойдаси (қопланмаган зарари) деганда олдинги йиллар ва ҳисобот йилида эришилган соф фойда (қопланмаган зарар) суммаларининг йиғиндиси тушунилади. Ушбу кўрсаткич «Бухгалтерия баланси» пассиви 1-бўлимининг «Тақсимланмаган фойда (қопланмаган зарар) сатрида (моддасида) акс эттириладиган кўрсаткичдир. Бухгалтерия балансининг ушбу сатрида кўрсатилган йил бошидаги сумма айнан ўтган даврларнинг тақсимланмаган фойдаси (қопланмаган зарари) суммасини, ҳисобот даврлари (чорак, йил) охиридаги сумма эса шу ҳисобот даври охирига жами тақсимланмасдан қолинган фойда (қопланмаган зарар) суммасини билдиради. Бухгалтерия балансининг йил боши ва охирида кўрсатилган тақсимламаган фойда (қопланмаган зарар) суммаси 8710 «Ҳисобот йили тақсимланмаган фойдаси (қопланмаган зарари)» ва 8720 «Ўтган йилларнинг тақсимланмаган фойдаси (қопланмаган зарари)» счётларининг мос равишдаги бош ва охирги қолдиқлари йиғиндисига тенг бўлиши керак. Демак, ҳисобот даврлари охиридаги жами ўтган йилларнинг тақсимланмаган фойдаси (қопланмаган зарари) қуйидагича топилади. Ўтган йилларнинг тақсимланмаган фойдаси (қопланмаган зарари) = Йил бошидаги ўтган даврларнинг тақсимланмаган фойдаси (қопланмаган зарари) + Ҳисобот йили тақсимланмаган фойдаси (зарари) - Ҳисобот йилида тақсимланмаган фойданинг ишлатилган қисми (қопланмаган зарарнинг қопланган қисми) Тақсимланмаган фойда (қопланмаган зарар) бўйича бухгалтерия ҳисобининг асосий вазифалари бўлиб қуйидагилар ҳисобланади:

• тақсимланмаган фойда (қопланмаган зарар)ни ҳисобот даврлари бош ва охирги кунига ҳисоб ва ҳисоботда реал акс эттириш; • ҳисобот даври тақсимланмаган фойдаси (қопланмаган зарари)ни тўғри ҳисоб-китоб қилиш, уни ҳисоб ва ҳисоботда реал акс эттириш; • ўтган йиллар ва ҳисобот даври тақсимланмаган фойдасини ишлатилганлигини (қопланмаган зарарларни ҳисобдан чиқарилганлигини) тўғри ҳисоб-китоб қилиш, уларни ҳисоб ва ҳисоботда реал акс эттириш; 2. ТАҚСИМЛАНМАГАН ФОЙДА (ҚОПЛАНМАГАН ЗАРАР) НИНГ ҲИСОБ ВА ҲИСОБОТДА АКС ЭТТИРИШ ТАРТИБИ 1.Ўтган йиллар тақсимланмаган фойда (қопланмаган зарар) ни вужудга келиши ва ишлатилишининг ҳисоби. Ўтган йиллар тақсимланмаган фойдаси (қопланмаган зарари)ни вужудга келиши ҳисобда илк бор қуйидаги ёзув билан акс эттирилади. 1.Фойда Дебет 8710 Кредит 8720 2.Зарар Дебет 8720 Кредит 8710 3.Ўтган йиллар фойдасининг ишлатилиши Дебет 8720 Кредит 6610 – дивиденд ҳисобланганда 8520 – резерв капиталига ажратмага 8330 – устав капиталини кўпайтиришга 8710 – ҳисобот йили зарари қопланганда 6410,6520 – ўтган даврлар учун қўшимча ҳисобланган солиқ ва тўловлар суммаларига 4.Ўтган йиллар зарарларининг қопланиши Дебет Кредит 8720 8710 – ҳисобот йили фойдаси ҳисобидан

8520 – резерв капитали ҳисобидан 8330 – устав капитали ҳисобидан 8800 – максадли тушум (дотация) ҳисобидан 2.Ҳисобот йили тақсимланмаган фойда (қопланмаган зарар)ни вужудга келиши ва ишлатилишининг ҳисоби. Ҳисобот йили тақсимланмаган фойдаси (қопланмаган зарари)ни вужудга келиши ҳисобда илк бор қуйидаги ёзув билан акс эттирилади. 1.Фойда Дебет 9910 Кредит 8710 2.Зарар Дебет 8710 Кредит 9910 3. Ҳисобот йили фойдасининг ишлатилиши Дебет 8710 Кредит 6610 – дивиденд ҳисобланганда 8520 – резерв капиталига ажратмага 8330 – устав капиталини кўпайтиришга 8720 – Ҳтган йиллар зарари қопланганда 6410,6520 – ўтган даврлар учун қўшимча ҳисобланган солиқ ва тўловлар суммаларига 4.Ҳисобот йили зарарларининг қопланиши Дебет Кредит 8720 8710 – ҳисобот йили фойдаси ҳисобидан 8520 – резерв капитали ҳисобидан 8330 – устав капитали ҳисобидан 8800 – максадли тушум (дотация) ҳисобидан

Фойдаланилган а дабиётлар . 1. Ўзбекистон Республикасининг «Бухгалтерия ҳисоби тўғрисида»ги қонуни. Т., «Халқ сўзи» газетаси, 1996. 2. Ўзбекистон Республикаси Молия Вазирлигининг 1997 йил 15-январ 5-сон буйруғи (йиллик ва ярим йиллик ҳисоботни тўлдириш тўғрисида). Т., «Ўзбекистон Республикаси Молиявий қонунлари» ойлик нашр, 1997. 3. Бухгалтерия ҳисобининг миллий стандарти 0-21. 4. Бобожонов О.,Хасанов Б. Финансов ы й учет. - изд. ТГЭУ, 2001 5. Бобожонов О.У. Молиявий ҳисоб. Т., «Меҳнат», 1999. 6. Молиявий ҳисоб. КАРАНА корпорацияси, Т., 2000. 7. Палий В.Ф. Управленческий учет - М.:Союзаудит. 1997. 8. Палий В.Ф., Палий В.В. Финансов ый учет., -М.: ФБК. 2001 9. Ризақулов А.А., Иброҳимов А.К., Ҳасанов Б.А., Усанов А.У., Маматов З.Т. Бухгалтерия ҳисобининг халқаро стандартлари. 1- III том. ТМИ ва ИУТ, 1994. 10. www.ziyonet.uz

Похожие

Сарф харажатлар, фойда ва зарар

Фавқулодда моддалар ва фойда солиғи ҳисоби

Молиявий натижалар ҳисоби

Қўшилган ва резерв капитали ҳисоби

Бошқа молиявий ҳисоботларини тузиш ва такдим этиш