Markaziy bankning valyuta siyosati - Экономика - Рефераты

Markaziy bankning valyuta siyosati

Загружено в:

20.09.2019

Скачано:

0

Размер:

25.138671875 KB

Markaziy bankning valyuta siyosati Reja: 1. Markaziy bankning valyuta siyosati mohiyati 2. Markaziy bank valyuta siyosatining asosiy shakllari

1. Markaziy bankning valyuta siyosati mohiyati «O’zbekiston Respublikasi Markaziy banki to’g’risida»gi O’zbekiston Respublikasi qonunining 3-moddasida: «Markaziy bankning asosiy maqsadi milliy valyuta barqarorligini ta’minlashdan, uning qadrini oshirish va shu orqali baholar barqarorligini ta’minlashdan iborat» deb yozib qo’ yilgan. «Valyuta barqarorligi» atamasi pul massasi, narx-navo va milliy valyuta ayirboshlash kursining barqaror bo’ lishi tushunchasini o’ z ichiga oladi. Bu esa Markaziy bankning iqtisodiyotni boshqarishdagi ahamiyatini aks ettiradi. Albatta, pul massasiga, narxlarga, ayirboshlash kurslariga ta’sir ko’ rsatuvchi omillar ko’ p bo’ lib, shulardan ayrimlari Markaziy bankning bevosita nazorati va ta’sirostidadir. Markaziy bankning asosiy vazifalari quyidagilardan iborat:  monetar siyosat va valyutani tartibga solish sohasidagi siyo-satni shakllantrish, qabul qilish hamda amalga oshirish;  O’zbekiston Respublikasida hisob-kitoblarning samarali ti-zimini tashkil etish va ta’minlash;  Bank faoliyatini tartibga solish va banklar ustidan nazorato’ rnatish;  O’zbekiston Respublikasining rasmiy oltin- valyuta zaxiralari-ni, shuningdek, hukumat zaxiralarini kelishuvga ko’ ra saqlash va boshqarish;  Moliya vazirligi bilan birga davlat budjetining kassa ijrosinitashkil etish. Markaziy bank o’ zi belgilangan eng kam miqdorda rezervlar saqlash to’ g’ risida banklarga ko’ rsatma beradi. Majburiy rezervlar Markaziy bankda naqd pul yoki omonatlar ko’ rinishida, Markaziy bank belgilangan tartibda depozitga o’ tkaziladi. Vakolatli banklarning moliyaviy jihatdan barqarorligini ta’minlash, kreditorlar va mablag’ larni bankka qo’ ygan mijozlarning manfaatini himoya qilish maqsadida MB chet el valyutasidagi operatsiyalar bo’ yicha iqtisodiy- me’yoriy hujjatlarni ishlab chiqqan. Valyuta operatsiyalarini amalga oshirish uchun obyektiv asos sifatida tashqi savdo, kapitallar va kreditlarning harakati xizmat qiladi. Xalqaro mehnat

taqsimotining yuzaga kelishi va rivojlanishi eksport-import operatsiyalarining yuzaga kelishi va takomillashishiga asosiy sabab bo’ ladi. Valyuta operatsiyalarining keng ko’ lamda rivojlanishi markaziy banklarga ushbu bozorda erkin harakat qilishga va ayni vaqtda ularni tartibga solishga imkon yaratdi. Markaziy bankning valyuta operatsiyalarini amalga oshirishga imkon beruvchi bir qator asoslar mavjud bo’ lib, ulardan asosiylari sifatida quyidagilarni ajratib ko’ rsatish mumkin: a) Markaziy bankning yetarli miqdorda oltin- valyuta zaxiralariga ega bo’ lishi. Bizga ma’lumki, ko’ plab rivojlangan davlatlarda, xususan, AQSH, Germaniya, Avstriya, Buyuk Britaniyada davlatga tegishli barcha oltin- valyuta zaxiralari Markaziy (Federal, Rezerv) bank balansiga o’ tkazilgan. Markaziy bankning vazifasi ushbu rezervlardan oqilona foydalanish bilan birga ularni oshirib borish hisoblanadi. Demak, u o’ z balansida chet el valyuta zaxiralariga suyangan holda, hukumat tomonidan belgilangan valyuta siyosati doirasidagi barcha operatsiyalarni amalga oshiradi. Masalan, valyuta investitsiyasini amalga oshirish uchun valyuta kursining tebranishlariga barham bera oladigan miqdorda likvid mablag’ larga ega bo’ lishi lozim (Angliya Markaziy banki ana shu maqsadga xizmat qiluvchi 40 milrd AQSH dollaridagi zaxiraga ega). b) Markaziy bankning xorijiy mamlakatlarning banklari bilan korrespondent munosabatlarining mavjudligi. Markaziy bankning xalqaro valyuta bozorlaridagi barcha operatsiyalari uning o’ z milliy va xorijiy valyutalardagi korrespondent hisobvaraqlari orqali amalga oshiriladi. Har bir valyuta turiga bittadan korrespondent hisobvarag’ i ochiladi va Markaziy bank boshqa mamlakatlarning Markaziy banklarida o’ z huquqiy holatidan kelib chiqqan holda erkin tarzda korrespondent hisobvaraqlarini yuritishga haqlidirlar. Hozirgi kunda Markaziy banklar xalqaro valyuta bozorida tijorat banklari bilan raqobat qila olmaydi. Tijorat banklari har yili ulkan miqdordagi mablag’ larni

valyuta kursining o’ zgarishini chamalash, valyuta riskini boshqarish maqsadiga sarflaydi. Buning ustiga, Markaziy banklar bevosita tijorat tizimlari bilan kredit, hisob-kitob xizmati ko’ rsatish operatsiyalarini rivojlantirish imkoniyatini cheklaydi. Bunga sabab, ular tijorat strukturalariga xizmat ko’ rsatmaydilar. Markaziy bankning dilerlariga, odatda, korrespondent hisobvaraqlarining qoldig’ i minimal bo’ lishi kerak, degan majburiy shart qo’ yiladi. Yuqorida keltirilgan omillarning mavjudligi ana shu shartlar bajarilishini taqozo qiladi. c) Markaziy bankka valyuta operatsiyalarini amalga oshirish tartibini belgilab beruvchi me’yoriy hujjatlarning mavjudligi. Respublikamizda «O’zbekiston Respublikasining Markaziy banki to’ g’ risida»gi, «Valyutani tartibga solish to’ g’ risida»gi O’zbekiston Respublikasi Qonunlari, Prezident farmonlari va Vazirlar Mahkamasining qarorlari Markaziy bankning valyuta operatsiyalarini amalga oshirish uchun huquqiy asos bo’ lib xizmat qiladi. Xususan, «O’zbekiston Respublikasi Markaziy banki to’ g’ risida»gi Qonunning VI bobida valyutani tartibga solish va xalqaro rezervlarni boshqarish masalalari belgilab berilgan. Ushbu me’yoriy hujjatlarga muvofiq, Markaziy bank rasmiy valyuta munosabatlarini tartibga soluvchi davlat organi sifatida faoliyat ko’ rsatadi. U o’ z balansidagi rasmiy oltin- valyuta rezervlarini mustaqil tarzda boshqarish huquqiga ega, ayni vaqtda esa ularni samarali boshqarish yuzasidan ham javobgardir. d) Chet el valyutalari bilan savdo qilishda mavjud bo’ lgan savdo qoidalariga rioya qilish. Xalqaro valyuta savdosidagi qonunlarda yoki shartnomalarda belgilab qo’ yilmaydigan, ammo hamisha unga rioya qilinadigan ana shunday muhim qoidalar toifasiga quyidagilarni kiritish mumkin: Spot bitimlari bo’ yicha valyutalarni 2 ish kuni mobaynida o’ tkazish. Ushbu muddatda ulgurmagan tomon, albatta, jarima to’ laydi. e) Kotirovkalarni e’lon qilish. Diler valyuta sotmoqchi yoki sotib olmoqchi bo’ lsa, avvalo, o’ zining bankidagi xalqaro ma’lumotlar tizimidan foydalanadi. U kompyuterning

displeyidan xalqaro valyuta bozorlaridagi kotirovkalarni kuzatishi mumkin. Shundan keyingina valyuta kursi o’ ziga ma’qul bo’ lgan bankka murojaat qiladi. Qabul qilingan qoida shundan iboratki, hech qaysi diler hech qachon birdan valyutani sotmoqchi yoki sotib olmoqchi ekanligini aytmaydi. Faqat sotish yoki sotib olish kursini so’ raydi. Kurslar to’ g’ risidagi ma’lumotni olgandan so’ ng, o’ z fikrini izxor qiladi. Bunda bozorda qabul qilingan minimal bitimlar summasi, albatta, e’tiborga olinishi kerak. Masalan, 500 ming AQSH dollari, 1 mln Germaniya markasi, 1 mln Shveysariya franki bo’ lishi mumkin. Amalda valyuta savdosi minimal summadan bir necha barobar yuqori summada amalga oshiriladi. Shunisi e’tiborliki, yetakchi valyutalar verguldan keyin 4-raqamgacha aniqlikda kotirovka qilinadi. f) Bitimning yozma tarzda shartnomalarsiz amalga oshiri-lishi. Valyuta savdosi asosan telefon yoki telegraf orqali amalga oshirilgan kelishuvlar asosida sodir bo’ ladi. Birjada esa og’ zaki tarzda bitimlar tuziladi. Ammo ularni bajarish tomonlar uchun majburiy bo’ lib, so’ zsiz bajariladi. Gap yirik summalar ustida ketayotganligi sababli, bitimlarning imzolanishi darhol hujjatlar bilan tasdiqlanadi. Bu esa ularning ishonchliligini oshiradi. Bitimning imzolanishi quyidagilarni o’ z ichiga olishi kerak: – ayirboshlanadigan valyutalarni aniqlash; – kurslarni belgilash; – yirik, ixchamlashtirilgan bitim summasini belgilab olish; – valyutada to’ lash; – valyuta o’ tkazilishi lozim bo’ lgan manzilni ko’ rsatish; O’zbekiston Respublikasi Markaziy bankining valyuta operatsiyalari, hozirgi kunda, Respublika Oliy Majlisi va hukumatimiz tomonidan aniqlangan monetar siyosatning asosiy yo’ nalishlariga muvofiq amalga oshirilmoqda. Ta’kidlab o’ tish joizki, valyuta savdosida maqsadlilik va ustuvorlik prinsiðiga ko’ proq e’tibor berilmoqda. Ushbu maqsadlarga quyidagilar kiradi: – eksport uchun mahsulot ishlab chiqarish bilan mashg’ ulbo’ lgan korxonalar;

– chet el investitsiyasi ishtirokidagi korxonalarning O’ zbekistonda ishlab chiqarish faoliyati natijasida olgan foydalari va dividendlari; – Respublika iqtisodiyotining yetakchi tarmoqlaridagi ustu-vor loyihalarda qatnashayotgan korxonalarning so’ m mablag’ lari; – xalqaro turizm xizmati, xalqaro aloqalar bo’ yicha xizmat,xizmat safari va xorijda ta’lim olish bilan bog’ liq xarajatlar. Ushbu maqsadlar uchun valyuta savdosini amalga oshirish tartibi faqat O’zbekiston Respublikasi Markaziy banki tomonidan belgilanadi. Shunday qilib, O’zbekiston Respublikasi Markaziy banki valyuta operatsiyalarini amalga oshirish uchun zarur bo’ lgan barcha asoslarga ega. 2. Markaziy bank valyuta siyosatining asosiy shakllari Markaziy bank foyda olish maqsadida faoliyat yuritmaydi. Lekin qonunda uning xarajatlari o’ z daromadlaridan qoplanishi qayd etilgan. Markaziy bank budjet tashkiloti hisoblanmaydi. Amaliyotdan ma’lumki, Markaziy bankning bosh maqsadi – milliy valyuta barqarorligini ta’minlash va shu orqali mamlakatda narx barqarorligiga erishishdan iborat. Markaziy bankning valyuta siyosati shu bosh maqsadga erishishning muhim vositasidir. Markaziy bankning valyuta siyosati deganda uning valyuta munosabatlarini tashkil qilish va tartibga solish sohasidagi tadbirlarining majmuyi tushuniladi. Markaziy bank valyuta siyosatining asosiy shakllariga quyidagilar kiradi: – diskont siyosati; – deviz siyosati: a) valyuta intervensiyasi; b) devalvatsiya; c) revalvatsiya; d) valyuta rezervlarini diversifikatsiyalash. Diskont siyosati – bu Markaziy bankning hisob stavkasini o’ zgartirish yo’ li bilan milliy valyuta kursiga va to’ lov balansining holatiga ta’sir etish maqsadida amalga oshiriladigan valyuta siyosatidir.

Markaziy bankning diskont siyosati kapitallarning davlatlararo harakatini jadallashtiradigan muhim vositadir. Ammo ushbu qoidani MDH davlatlariga nisbatan qo’ llab bo’ lmaydi. Valyutalarning konvertirlashtirish muammosini to’ laqonli hal etilmaganligi kapitallarning erkin harakat qilishidagi jiddiy to’ siqdir. Shuning uchun bu mamlakatlarda hisob stavkasining o’ zgarishi kapitallarning harakatiga bevosita ta’sir qilmaydi. Markaziy bankning milliy valyuta kursiga ta’sir etish maqsadida valyuta bozorida chet el valyutalarini sotib olishi va sotishi valyuta intervensiyasi deyiladi. Hozirgi davrda valyuta intervensiyasidan ko’ zlangan maqsad valyuta kursining qisqa vaqt oralig’ida kutilmaganda yuzaga keladigan keskin tebranishlariga barham berish hisoblanadi. Markaziy banklar valyuta kursini istalgan darajada o’ zgartirish imkoniga ega emas, chunki ular valyuta bozorlarida tijorat banklari bilan raqobat qila olmaydi. Shu sababli, valyuta intervensiyasidan maqsad valyuta kursining keskin tebranishlari oqibatlarini yumshatish hisoblanadi. valyuta intervensiyasi rasmiy oltin- valyuta zaxiralari yoki markaziy banklarning banklararo «svop» bitimlari hisobiga amalga oshiriladi. Intervensiyaning psixologik effekti katta ahamiyatga ega: Markaziy bankning operatsiyalarining oshkoralik darajasi qanchalik yuqori bo’ lsa, valyuta bozoridagi subyektlar organlarining tazyiqiga shunchalik darajada bo’ ysunishini taxmin qilish mumkin. Devalvatsiya – milliy valyuta kursining qonuniy asosda pasaytirilishidir. Uning yuzaga kelishiga quyidagi ikki omil sabab bo’ ladi: – eksportni rag’ batlantirish zarurligi; – milliy valyutaning rasmiy kursi bilan uning real xarid quv-vati o’ rtasida sezilarli farqning paydo bo’ lganligi. Devalvatsiyani mamlakat to’ lov balansi yomonlashganda va mamlakatga import oqimi kuchayganda amalda qo’ llash iqtisodiyotga ijobiy ta’sir etish mumkin.

Revalvatsiya – lotincha so’ zdan olingan bo’ lib, milliy valyutani xalqaro hisob-kitob pul birliklari sanalgan chet el valyutalariga (SDR, EKYU) nisbatan qadrini oshirishdir. Revalvatsiya qadri kuchli valyutalarga nisbatan qo’ llaniladi. Masalan, Yevropa davlatlarining valyutalariga nisbatan qo’ llash mumkin. Revalvatsiyaning kelib chiqishiga sabab inflyatsiyaning nihoyatda past darajada bo’ lishi, uzoq vaqt davomida mamlakat to’ lov balansining aktiv bo’ lishi hamda milliy firma va kompaniyalarning jahon bozorida juda raqobatbardoshligidir. Revalvatsiya devalvatsiyaga nisbatan jahon amaliyotida kamroq qo’ llanilgan. valyuta rezervlarini diversifikatsiyalash deganda bir vaqtning o’ zida bir nechta valyutada rezervlar tashkil qilish tushuniladi. Bu valyuta rezervlarining tarkibi barqaror valyutalar hisobiga yangilanadi. Masalan, hozirgi kunda Germaniya markasi, Yaponiya iyeni, Shveysariya franki devalvatsiya quroli hisoblanmoqda. Hozirgi kunda valyuta siyosatining iqtisodiy konyunkturaga va pul massasiga ta’sirchanligini oshirish O’zbekiston Respublikasi Markaziy banki faoliyatidagi asosiy masalalardan biri hisoblanadi. Ushbu dolzarb masalani hal qilishiga ko’ maklashish uchun, birinchidan, Markaziy bankning svop operatsiyalarini rivojlantirish, ikkinchidan, eksportga yo’ naltirilgan korxonalarga chet el valyutasida kreditlar berish va ularni rag’ batlantirish zarur. Markaziy bankning valyuta operatsiyalarining asosiy qismi svop operatsiyalariga to’ g’ ri keladi. Svop operatsiyalarining pul bozoriga ta’siri sezilarlidir. Markaziy bank tijorat banklaridan svop bitimlari bo’ yicha chet el valyutasini, masalan, AQSH dollarini sotib oldi. Bunda u banklar ixtiyoriga Markaziy bank pullarini ma’lum davrga berib qo’ yadi. Aksincha, u svop bitimi bo’ yicha banklarga AQSH dollarini sotdi, unda mamlakat pul bozori ma’lum vaqtgacha ancha likvidlikdan mahrum bo’ ladi. Markaziy bank valyuta siyosatining muhim jihatlaridan biri shundaki, u orqali kredit institutlarining likvidligiga ta’sir etishning muhim usullaridan biri garov

evaziga ssudalar berish bilan bog’ liq valyuta operatsiyalarini amalga oshirishdir. Ushbu operatsiyalarni amalga oshirish uchun tijorat banklariga Markaziy bankning chet el valyutasidagi aktivlaridan vaqtinchalik foydalanish huquqi beriladi. Aktivlarning o’ zi esa Markaziy bankning mulki bo’ lib qolaveradi, shu sababli unga foiz hisoblanadi. Markaziy bank xo’ jaligidagi taklif va holatlarning tarkibiga asoslanib, shuningdek «O’zbekiston Respublikasining Markaziy banki to’ g’ risida»gi Qonunning qoidalariga muvofiq o’ z faoliyatining maqsadlari, ustuvor yo’ nalishlarini tanlaydi, pulkredit siyosatining strategiyasi va taktikasini ishlab chiqadi. Ular qo’ yilgan maqsadlarga erishishning muayyan usullari, dastaklari hamda vositalarini tanlashda aniqlanadi. Markaziy bank valyuta siyosatini amalga oshirish jarayonida kreditlar va pul massasi miqdorlarining zarur darajada kengayishini ta’minlashga harakat qiladi. Markaziy bank hukumat bilan munosabatlarga kirishadi hamda jahon amaliyotga muvofiq uning bankiri, fiksal agenti hisoblanib, mamlakat rasmiy oltin- valyuta zaxiralarini saqlab, xalqaro hisobkitoblarda zaxira aktivi va kafolat-sug’ urta fondi vazifasini bajarish uning asosiy yo’ nalishlaridan biri hisoblanadi. Shuni alohida ta’kidlab o’ tish joizki, O’ zbekistonda bozor iqtisodiyoti munosabatlari shakllanayotgan davrda O’zbekiston Respublikasi Markaziy bankining valyuta siyosati o’ ziga xos xususiyatlarga ega ekanligi tabiiy. Hozirgi vaqtga kelib barcha rivojlangan mamlakatlar valyuta cheklovlarini mutlaqo bekor qilgan. Qisman valyuta cheklovlari qolgan davlatlarda esa bu jarayon davom etmoqda. Masalan, Buyuk Britaniyada 1979-yildan beri valyuta cheklovlari mutlaqo yo’ q. Erkin suzuvchi valyuta kurslari tizimida Markaziy bankning valyuta siyosatining iqtisodiyotga ta’siri kapitallarni eksport va import qilishni rag’ batlantirishda namoyon bo’ ladi. Uning mazmuni milliy valyuta kursini barqaror saqlab turish bilan belgilanadi. Shu bilan birga, Markaziy bank o’ zining balansidagi valyuta rezervlarini diversifikatsiya qilishi lozim. Bu ham valyuta siyosatiga ta’sir etadi.

O’zbekiston Respublikasi Markaziy banki valyuta siyosati pul bozoriga sezilarli darajada ta’sir qilish imkoniyatiga ega emas. Chunki birinchidan, u yetarli miqdorda chet el valyutasidagi rezervlarga endigina ega bo’ lmoqda; ikkinchidan, haqiqiy ma’nodagi pul bozorining shakllanish jarayoni nihoyasiga yetgani yo’ q. O’ zbek so’ mining hozirgi vaqtda cheklangan ichki konvertirlikka ega ekanligini va respublika valyuta bozorining holati O’zbekiston Respublikasi Markaziy bankining valyuta siyosatining maqsadi va yo’ nalishlarining o’ ziga xosligini yuzaga keltiradi. Bu o’ ziga xoslik, eng avvalo, so’ mning AQSH dollariga nisbatan kursini barqarorlashtirish va ichki valyuta bozorini rivojlantirish valyuta siyosatining birlamchi vazifalaridan ekanligida namoyon bo’ ladi. Mamlakat oltin- valyuta rezervlarining to’ liq Markaziy bank balansiga o’ tkazilishi bilan uning valyuta siyosati ta’sirchanligi oshadi. Shu bilan birga, 1995- yil 1-yanvardan boshlab markazlashgan resurslarni eksport qilishdan tushgan valyuta tushumlari to’ liq Markaziy bankka sotilayotganligi uning valyuta bazasini yanada (maksimal) mustahkamlashga xizmat qiladi. Ayni vaqtda, Xalqaro valyuta Fondi tomonidan respublikamizga 160 mln AQSH dollari miqdorida reabilitatsion zayomning berilishi va uning asosiy qismi valyuta birjasi orqali realizatsiya qilinishi Markaziy bank valyuta siyosati ta’sirchanligini oshirishga xizmat qiladi. Respublikada valyuta bozorini rivojlantirish sohasidagi jiddiy tadbirlardan yana biri – tashqi iqtisodiy faoliyat bilan shug’ ullanuvchi korxonalarni ro’ yxatdan o’ tkazish va chetga chiqariladigan mahsulotlar uchun ruxsatnoma berish tartibining ancha soddalashtirilganligi bo’ ldi. O’zbekiston Respublikasi Markaziy bankining valyuta siyosati doirasidagi amalga oshiradigan asosiy vazifalaridan biri mamlakatda tijorat xarakteridagi valyuta operatsiyalarini rivojlantirish uchun qulay muhit yaratish hisoblanadi. Hozirgi kunda muddatli operatsiyalarni rivojlantirish juda dolzarb va murakkab masala bo’ lib qolmoqda. Buning uchun esa valyuta bozorini rivojlantirish lozim. Chunki har qanday turdagi valyuta operatsiyasi – svop, forvard, valyutaviy opsionlar va fyucherslar bilan bog’ liq operatsiyalar pirovard natijada spot

bozorining likvidligiga bog’ liq. Agar valyuta birjasida va birjadan tashqari valyuta bozorida erkin ayirboshlanadigan valyutalar bo’ yicha to’ liq likvidlik ta’minlansa, ya’ni barcha talablar muvofiq ravishda o’ z vaqtida qondirilsa, bu milliy valyuta – so’ mning qadrini oshirishga xizmat qiladi. Markaziy bankning valyuta siyosati orqali muomaladagi pul massasiga ta’sir qilish imkoniyatini kuchaytiruvchi muhim omillardan biri tashqi savdo aylanmasini o’ sish tendensiyasiga ega ekanligidir. O’zbekiston Respublikasi iqtisodiyotining hozirgi rivojlanish bosqichida ushbu omilning ahamiyati juda katta. Chunki xalqaro savdo respublika to’ lov balansining joriy operatsiyalar bo’ limining mutlaq asosiy qismini tashkil etadi va to’ lov balansining umumiy hajmida katta salmoqni egallaydi. Respublikamizda valyuta tizimidan soliq olishning bekor qilinishi va uning o’ rniga valyuta tushumining 30 %i vakolatli banklarga hamda markazlashgan eksportdan tushgan tushumning 100 %ini Respublika Markaziy bankiga majburiy sotish joriy etilganligi tashqi savdo omilining Markaziy bank valyuta siyosatidagi ahamiyatini yanada oshiradi. Shunday qilib, valyuta siyosatining asosiy richagi bo’ lgan valyuta bozorini respublikada rivojlantirish uchun quyidagi ishlarni amalga oshirish maqsadga muvofiq: – valyuta va tashqi savdo tizimini yanada liberallashtirish. Va-kolatli banklar imkon qadar erkin ayirboshlanadigan valyuta qo’ shimcha resurslar jalb qilishga, shu jumladan jismoniy shaxslarning xorijiy valyutadagi jamg’ armalarini rag’ batlantirish orqali harakat qilishlari lozim. Bunga erishish uchun esa, birichidan, valyuta sohasidagi xizmat turini ko’ paytirish lozim; ikkinchidan, xizmat xarajatlarini kamaytirish, uchinchidan, xorijiy valyutadagi depozitlar uchun bank tomonidan to’ lanadigan foiz stavkalarini qayta ko’ rib chiqish kerak; – korrespondent munosabatlarni rivojlantirish. Milliy valyutadagi korrespondent aloqalarni rivojlantirish bevosita xalqaro savdo aloqalariga milliy valyutamiz – so’ mdan keng miqyosda foydalanishga asos bo’ ladi. Xususan,

O’zbekiston Respublikasi bilan erkin savdo tizimi va oliy darajada qulayliklar yaratilishini ko’ zda tutuvchi bitimlar imzolagan davlatlarning xo’ jalik yurituvchi subyektlari bilan milliy valyutada tovarlar, ish va xizmatlarni eksport va import qilish uchun respublikamiz korxona va tashkilotlar tomonidan shartnomalar imzolanishi maqsadga muvofiq.

Adabiyotlar ro‘yxati 1. O‘zbekiston Respublikasi Konstitutsiyasi. 1992-yil 8 dekabr. 2. «O‘zbekiston Respublikasi Markaziy banki to‘g‘risida»giQonun. – T.: «O‘zbekiston». 1995-yil. 3. O‘zbekiston Respublikasining «Banklar va bank faoliyatito‘g‘risida»gi Qonuni. 1996-yil 25-aprel. 4. O‘zbekiston Respublikasining «Tashqi iqtisodiy faoliyatto‘g‘risida»gi Qonuni. 2000-yil. 5. O‘zbekiston Respublikasining bank tizimida valutanitartibga solishga oid qonunchilik hujjatlari to‘plami. – T.: «O‘zbekiston», 2004. 6. O‘zbekiston bank tizimini isloh qilish va erkinlashtirishbo‘yicha qonunchilik hujjatlari to‘plami. – T.: «O‘zbekiston», 2003-yil. 7. Karimov I.A. O‘zbekiston milliy istiqlol, iqtisod, siyosat,mafkura. – T.: «O‘zbekiston», 1996-yil. 8. Karimov I.A. O‘zbekiston XXI asr bo‘sag‘asida: xavfsizlikka tahdid, barqarorlik shartlari va taraqqiyot kafolatlari. – T.: «O‘zbekiston», 1997-yil. 9. Karimov I.A. Yuksak ma’naviyat – yengilmas kuch. 1jild, – T.: «Ma’naviyat», 2008. 10. Karimov I.A. Jahon moliyaviy-iqtisodiy inqirozi, O‘zbekiston sharoitida uni bartaraf etishning yo‘llari va choralari. – T.: «O‘zbekiston», 2009. 11. Mamlakatimizni modernizatsiya qilish va yangilashni izchildavom ettirish – davr talabi. Prezident Islom Karimovning 2008yilda mamlakatni ijtimoiy- iqtisodiy rivojlantirish yakunlari va 2009-yilda mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasi majlisidagi ma’ruzasi «Turkiston» gazetasi, 2009-yil 14-fevral. 12. Inson manfaatlari ustuvorligini ta’minlash – barcha islohot va o‘zgarishlarimizning bosh maqsadidir. O‘zbekiston Respublikasi Prezidenti Islom Karimovning 2007-yilda mamlakatni ijtimoiy-iqtisodiy rivojlantirish yakunlari va 2008-yilda iqtisodiy islohotlarni chuqurlashtirishning eng muhim ustuvor yo‘nalishlariga bag‘ishlangan Vazirlar Mahkamasi majlisidagi ma’ruzasi // Xalq so‘zi, 2008-yil 9-fevral. 13. Abdullayeva Sh.Z. Bank ishi. O‘quv qo‘llanma. – T.«Moliya». 2000-yil 14. Abdullayeva Sh.Z. Bank risklari va kreditlash. – T.: «Moliya»,2002-yil. 15. Abdullayeva Sh.Z. Pul, kredit va banklar. – T.: «O‘qituvchi», 2003-yil. 16. Abdullayeva Sh.Z. Xalqaro valuta-kredit munosabatlari.Darslik. – T.: «Iqtisod-moliya», 2005-yil. 588 bet. 17. Burxanov U. Kredit inqirozi: mas’uliyatsizlik natijasimi?/Ilmiy-ommabop risola.– T., 2009.

18. G‘afurov U.V. «Prezident I. Karimovning Jahon moliyaviy-iqtisodiy inqirozi, O‘zbekiston sharoitida uni bartaraf etishning yo‘llari va choralari» asarini o‘rganish bo‘yicha, o‘quvuslubiy qo‘llanma. – T.: TDIU. -120 b, 2009-yil. 19. Jumayev N.X., Yuldashev M.I. Jahon moliyaviy inqirozi va uning O‘zbekiston iqtisodiyotiga ta’siri. // «Fan va turmush» jurnali, 2008. ¹ 6. 20. Xamidov I.A., Alimov A.M. O‘zbekiston Respublikasidatashqi iqtisodiy faoliyat asoslari. Darslik / Mas’ul muharrir: X.Boboyev – T.: O‘zbekiston yozuvchilar uyushmasi «Adabiyot jamg‘armasi» nashr., 2001-yil. 21. Xudoyberdiyev Z.Ya., G‘afurov U.V., Xomitov K.Z.Jahon moliyaviy-iqtisodiy inqirozi, O‘zbekiston sharoitida uni bartaraf etishning yo‘llari va choralari. O‘quv qo‘llanma. – T.: «O‘zbekiston». 2009-yil. 22. Shodmonov Sh.Sh., G‘afurov U.V. Globallashuv jarayoni va moliyaviy inqiroz sabablari // Adolat, 2009-yil 27-fevral. 23. Internet saytlari http://cbu.st.uz/uz/press http://uba.uz/news.aspx?nidq584 http://www.bfa.re.uz http://www.bankir.ru http://www.gov.uz http://www.uza.uz –

Похожие

Xalqaro valyuta munosabatlarini muvofiqlashtirish. Valyuta siyosati

Valyuta siyosati va uning asosiy shakllari

Bankning aktiv operatsiyalari tahlili

Valyuta munosabatlari va valyuta tizimi

Valyuta kursi