Бизнес психологияси - Экономика - Рефераты

Бизнес психологияси

Загружено в:

20.09.2019

Скачано:

0

Размер:

135 KB

Бизнес психологияси Режа: 1. Бизнесда рахбар фаолиятининг рухий-психологик хусусиятлари мазмуни. 2. Бизнесда рахбарнинг нутқ маданияти. 3.Рахбар фаолиятида мажорали ҳолатлар ва уларни ҳал этиш усуллари.

1. Бизнесда рахбар фаолиятининг фаолиятининг рухий-психологик хусусиятлари мазмуни. Бозор иқтисодиёти шароити рахбарлардан ишбилармонликни, бошқарув услубларини такомиллаштиришни талаб этади. Бошқариш услублари асосан онгли равишда муаян мақсадларга эришиш учун хизмат қилади. Улар моҳиятива мақсадига кура, тарбиявий, моддий- рагбатлантирувчи, маъмурий-ташкилий турларга бўлинади. Тарбиявий услуб асосан инсонни манавий такомиллашишига, психологиясиги ва бошқа ижтимоий характерига мос равишда ташкиллаштирилади. Моддий-рагбатлантирувчи услуб эса мехнат самарадорлигини ошириш, махсулот сифатини яхшилаш учун ишчиларни моддий кизиктириш йўллари билан ташкил этилади. Моддий рағбатлантириш тарбиявий услуб билан доимий уйгунлаштириб борилиши натижасида юқори курсаткичларга эришиш мумкин. Маъмурий-ташкилий услуб асосан жамият талабларини қондиришга қаратилган бўлиб, ишлаб чиқариш жараёнини ва мехнат тахсимотини режали олиб бориш учун қўлланилади. Бу услуб икки турда бўлиши мумкин: ўзоқ муддатга мослаштириладиган ва бир марталик ташкилий бўлиши мумкин. Шарт-шароитига кура керакли услуб қўлланилади ва такомиллаштириб борилади. Бошқариш усулларини такомиллаштиришдан асосий мақсад даромадни тўғри тақсимлаш, хар бир ишчи, хизматчи уз мехнати билан даромат олишини таъминлашдир. Демак, бошқариш услубларини хаётга шундай тадбик этиш керакки, хар бир инсон мехнат килсагина турмуши яхши бўлишига ишонч хосил килсин. Тадбиркорнинг ташкилотчилик кобиляти хамма нарсада муваффақиятга эришувининг мухим шартидир. қандай тадбиркор рахбар муваффақиятга тез эришади? Рухиятшунос олимлар унинг бир неча омилларга борликлигни таъкидлаганлар. Булар қуйидагилардир:

1. Тадбиркор рахбар ташкилотчилик кобилятининг унинг шахсида намоён бўлиши: -жамоада соф ахлоқий мухид пайдо қила олиши, хамманинг ҳамкорликда харакат қилишини таъминлай олиши; -одамлирни ишонтира олиши ва жамоада ўзаро яхши муносабатларни қарор топтириши учун шарт-шароит яратиши. 2. Тадбиркорлик рахбарнинг одамлар билан тил топиб ишлашмахорати: -тадбиркор уз кул остидагиларнинг нимага кодирлигини хисобга олиб ишларни тақсимлаши ; -одамларни уюштиришнинг энг мухим омилларидан фойдаланиши; -хар бир кишининг рухий- психологик кайфиятларига мос равишда мулокат қилиши. 3. Тадбиркор рахбарнинг мехнатга муносабатида ишбилармонлиги: -ишлаб чиқариш ва бошқа жабхаларда хар хил муаммоларни хал этишда энг кулай йўлларни излаб топиш; -виждонлилик ва адолатлилик; -бошлаган ишларни охирига етказиш. 4. Тадбиркор рахбарнинг фаолиятида ижро этиш кобиляти намоён бўлиши: -касбий малака ва куникмага эга бўлиши; -техник вазифаларни хал этишга укувлилиги; -янгиликлар ва гояларни ишлаб чиқаришга жорий этиб бориши. 5. Тадбиркор рахбарнинг қарорларни қабул қилишдаги укуви: -мустақил равишда қарорлар қабул қила олиши; -қабул қилган қарорининг окибати ва натижаларини кура билиши; -ишлаб чиқаришда содир булувчи турли холатларни хисобга олиб бориши, тнагликдан кутулиш йўлларини излаши; -нотўғри қарор қабул қилганда уз хатоларини буйнига олиши; -ходимларни бошқарув масалаларини хал этишга кўпроқ жалб этиши. 6. Тадбиркор рахбарнинг одамларга муносабати: -уз ваъдаси,сузининг устидан чиқиши ;

-одамларни бир-биридан ажратмаслиги-хаммага боб-баравар муносабатда бўлиши; -ўз қул остидагиларга ва бошқаларга тавозеъда бўлиши ва ўзини тута олиши, одоблилиги ва мулойимлилиги; -одамларга эхтиётлик билан муносабатда бўлиш, имкон кадар хар бир кишининг рухий-психологик хусусиятларини хисобга олиб, муомалада бўлиши. 7. Тадбиркор рахбарнинг ўз-ўзига талабчанлиги: -ўз хатти-харакатларини танкидий бахолай олиши; -ўз имкониятларини хисобга олиб ишлаши; -бошқаларнинг унга берган яхши ва ёмон бахоларни тахлил этиб бориши ва ўз фаолиятида намоён қилиши. Тадбиркор рахбар ўзида куйдаги рухий-психологик, физиологик, ахлоқий, маънавий ва ишбилармонлик хсусиятларини мужассамлаштирган бўлиши керак. Тадбиркор рахбарнинг рухий-психологик хсусиятлари: 1. Нутқ ва тафаккур сифатлари - кучли хотира, доимий диккат, соглом акл, фикр кенглиги, чуқурлиги, тезлиги, муаммо моҳиятини тез англаб олиш, ижодийлик, маънавий кизикишларнинг хар томонламалилиги, фикрни оғзаки ва ёзма шаклда қисқа, тушунарли аниқ тарзда ифодалаш. 2. Характер сифатлари-мақсадга интилувчанлик, далиллик, мардлик, ишонч, узини тута билиш, узи ва бошқаларни буйсунтира олиш ва таваккал қилиш кобиляти, кийин вазиятларда хам мулохазакор бўлиш кобиляти, хазил-мутоиба туйгуси бўлиши. 3. Хис-туйғу сифатлари-хис-туйғуларни турғунлиги, аниқлиги, ифодалилиги, кучли хаяжонли холатларда тўғри харакатлар қилиш кобиляти, мулокатга киришганда бошқалар кайфиятини хис-туйғуларини хисобга олиш, уз хис-хаяжонлари ва кайфиятларни бошқара олиш. 4. Хулк-атвор сифатлари - харакатга интилиш ва уни ҳимоя этиш, самимийлик, ҳалоллик.

Тадбиркор рахбар шахсининг рухий-физиологик сифатлари: 1. Арзимас нарсалардан жахли чикмаслик, аччикланмаслик, баъзан куриб курмаганга олиш. 2. Рухий жараёнларда босиклик. 3. Рухий, хаяжонли хавф - хатар холларида ўртача бўлиш. 4. Узини англашда фаоллик кайфиятда ута сезгирлик. 5. Жисмоний соглом ва бошқалар. Тадбиркор рахбарнинг ахлоқий, маънавий сифатлари: 1. Мехнатсеварлик, одамларга нисбатан дустлик, инсонпарварлик, самимийлик, ҳалоллик, виждонлик, сабр-матонат, холислик. 2. Тартиблилик ва интизомлилик, узига ва бошқаларга талабчанлик, узгалар фикрини тушуниш ва хисобга олиш. Тадбиркор рахбарнинг ишбилармонлик сифатлари: Соха ва касб сирларини яхши билиш, юқори укув ва малака, янги технология талабларига мос билими ва тажриба, ишлаб чиқариш техника ва технологичсини чуқур билиш, бошқариш усулларини яхши узлаштирган бўлиши, уз билими, малакаси куникмаларини ошириб бориш, ахборат айрибошлашни билиш ва хоказо. Тадбиркор рахбарнинг ташки куриниши -тоза озодалик, тартиблилик, зиёлилик, кийим-кечакда, хулк-атворда нафосатлилик, саранжон-саришталик ва бошқалар. Мана шу хусусиятларни уз фаолиятида намоён қилган тадбиркор рахбар бозор иқтисодиёти талабларига тўлиқ жавоб беради. Зеро, бозор муносабатлари мехнат жиддий асосларда технологик жараёнлар билан қўшиболиб боришни, тезкорликни, малака ва укувни, касб-хунарни яхши эгаллашни таказо қилади. Ишлаб чиқариш, савдо-тижорат, хизмат идоралари, халк хужалигининг барча тармоклари тадбиркорлари хорижликлар билан ҳамкорлик қилиш, шартномалар ва битимлар тузим, мўзоқаралар олиб бориш укувини намоён этишлари хам бозор муносабатлари талабидир.

Тадбиркор рахбар ўз қул остидагиларга фаоллик, онглилик, ижодкорлик, интизомлилик, ўз-ўзини тарбиялаб бориш сифатларини қарор топтирсагина, у мехнатда хам, хизматда хам, эл-улус орасида хам обру топади. Шунингдек, тадбиркор рахбарнинг кўпчилик билан муомила- мулокат қилаолиш кобиляти хам унинг ташкилотчилигидан нишонадир. Тадбиркор рахбар ташкилотчилиги уз кучи ва вақтини тўғри тақсимлашида, қарорлар қабул қилиши ва хал этишда ғоят аниқлик, хукколик билан иш куришида хам намоён бўлади. Хсусан, тадбиркор рахбарнинг нихоятда акилли, тарбияланган, фикри теран бўлиши, бозор иқтисодиёти шароитининг мухим талабидир. Тадбиркор рахбар мехнат жамоаларини уюшиши, жипслашиши ва ривожланишининг рухий-психологик жараёнлари босқичларини хисобга олиши керак. 1. Уюшиш-жипслашиш босқичи. Жамоага уюшишнинг жипслиги ҳамкорликда фаолият килш заруратидан келиб чиқиб, аъзоларнинг малакаси, кобиляти, кизикишларининг бир жойга жамланиши билан изохланади. Шахсий эхтиёжларни қондиришдаги фаолият кишиларни жипслаштиради. Тадбиркор рахбар мехнат жараёнида кишиларнинг билими, касби,малакаси, ёшини хисобга олиб, уларни жамоага туплайди. Бунда тадбиркор рахбарнинг ташкилотчилик кобиляти намоён бўлади. 2. Жамоанинг таркиб топиш босқичи. Тадбиркор рахбар жамоа хар бир аъзосининг мехнатга муносабатини аниқлашга киришади. Кимки фаолиятининг ижтимоий аҳамиятини чуқур англасагина узининг бор кучи, ижодкорлигини ишга сафарбпр этади. Жамоада “фаоллар ва дангасалар, халакит берувчилар” бўлиши мумкин. Тадбиркор рахбар бундай холда ходимлар урнини алмаштириш, мехнатга муносабатини узгартириш,уз ишига кизиктириш, ташаббус кўрсатишга ундаш орқали жамоа фаоллигини тахминлайди. У бу ишларни кул остидагилар фаолиятини кузатиш, назорат қилиш, бахолаш, мехнат натижаларини салмоклаб куриш билан қўшиб олиб боради.

3. Хар бир аъзонинг жамоага мослашиш босқичи. Бу босқичда “колоклар”, халакит берувчилар” колмайди. Уларнинг шахсий кизикишлари ва эхтиёжлари жамоа фаолияти билан чирмашиб, мослашиб кетади. Соф ахлоқий-рухий мухид яратилган мехнат жамоасида фаоллик, ижодкорлик, касбга кизикувчанлик барқарор тус олади. Шахсда яхши ният пайдо бўлади, мақсад ва эхтиёжларини қондиришга интилиш, мехнатсеварлик кучаяди. Ҳамкорликдаги мехнатдан завк олиш шахслараро муносабатларни яхшилайди. 4. Инсоний кадриятларга эришиш босқичи. Шу босқичда жамоа хис- туйгулари бир мақсад йўлида умумлашади. Жамоавий фаоллик вужудга келади, анъанавийлик қарор топади. Инсон уз кизикишлари ва интилишларини жамоа хаётига боглайди. Атрофдагиларга ишончи ортади, дустлик ва мухаббат ришталари мустахкамланади. Бу жараёнларда тадбиркор рахбар зиммасига катта масъулият юки тушади. Бунда тадбиркорнинг узига хос иш юритиши, бошқарув укуви, ташкилотчилиги, тарбиявий ишлар олиб бориш махорати яккол намоён бўлади. Яхши тадбиркор рахбар учун маълум шахсий сифатлар зарур. У катъиятли ва чаққон, хакконий билимларга зийрак бўлиши керак. Тадбиркор узига керакли фикрларни йига билиши керак. 99 фоиз илгор гоялар мутахасислар билан мулокатда юзага келса, 1 фоиз гоялар илхом пайтида одамларни эшита билиши қараб юзага келади. Бунинг учун сухбатлашишни билиш, урганиш, шахсий гаразларни унутиш, гояларни тартибга солиш, энг асосийси доимо укиши керак. Акс холда у уз ишини бахолай олмайди. 11.2. Бизнесда рахбарнинг нутқ маданияти. Кишиларнинг тил воситасида ўзаро муносабатда бўлиш жараёни нутқ дейилади. "Нутқ" ва "тил" тушунчалари бир-биридан фарқ қилади. "Нутқ- одамларнинг ўзаро муносабатда бўлиш мақсадида тилдан фойдаланиш фаолиятидир. Хар бир киши муомалани узича амалга оширади. Муоала муайян тил воситалари ёрдамида юз беради.

Тил-ана шу воситалар-товушлар, сузлар, жумлалар, уларнинг богланишлари тизими, яъни товуш ва суз бойлиги хамда грамматик шаклларидир. Тил-нутқ воситасида муомала жараёнида пайдо бўлади ва тайёр холда узлаштирилади. Нутқ билан тафаккур ўзаро узвий богланган. Одам уйлаётганида фикрларини аввал ичига сузлар, жумлалар тарзида-ички нутқида ифодалайди. Нутқ муомаланинг ишончли воситаси бўлиши учун муайян талабларга жавоб бериши, айникса, икки сифатга эга бўлиши керак: 1) нутқ муайян тил қоидаларига риоя қилиши; 2) нутқ тингловчида ишонч хосил қилиши, яъни мазмундор, аниқ, тушунарли, мантикий, образли, хис- хаяжонли бўлиши керак. Нутқ-мантикий изчиллик ва адабий тил қоидаларига риоя килингандагина сифатга эга бўлади. Лексик, грамматик, услубий қоидалар адабий тилнинг хамма куринишлари учун характерли бўлса, орфография ва пунктуация нормалари адабий тилнинг факат ёзма шакли учун, орфоэпия нормалари эса оғзаки шакли учун хос бўлади. Нутқ маданияти деганда мантикий изчилликка ва адабий тил нормаларига риоя қилган холда тўғри, аниқ, ва ёкимли сузлаш тушунилади. Нутқ қанчалик тўғри ва аниқ бўлса, у шунчалик тушунарли бўлади; нутқ қанчалик ёкимли ва ифодали бўлса, у тингловчига (укувчига) шунчалик кучли таъсир этади. Тўғри, аниқ ва ёкимли гапириш учун тил бойликларида мазмунга мос зарур сузни танлай олиш, сузни уринсиз такрорламаслик (лексик нормаларга риоя қилиш), суз шаклини ва гап турини тўғри куллаш (грамматик нормаларни ва қоидаларни яхши билиш), услуб бирлигини сақлаш (услубий нормаларга риоя қилиш), Нутқнинг таъсирчан бўлишини таъминлаш оғзаки Нутқда орфоэпия, ёзма Нутқда эса тўғри ёзиш қоидаларига риоя қилиш) лозим. Тилнинг софлини, мазмуннинг аниқлиги ва таъсирчанлиги учун кураш маданият Қуроли учун курашдир. Бу Қурол қанчалик уткир, мақсадга канчали аниқ йуналган бўлса, у шунчалик ғолиб бўлади.

Нутқда одамларнинг карашлари, сайи-харакатлари, эътикодларига таъсир этади. Айтилаётган суз тўғрилигича, унинг панд-насихатларига амал қилиш зарурлигига ишонч пайдо килди. Нутқда одамнинг сифат ва фазилатлари-хушфеъллиги ёки бадфеъллиги, самимийлиги ёки тошюраклиги, мулойимлиги ёки кўполлиги, жасурлиги ёки журъатсизлиги акс этади. Нутқ оғзаки ва ёзма куринишларга эса. Нутқнинг бу шакллари, аввало, у ёки бу тил воситасида вужудга келиб, улар грамматик тузилиши, баён усули билан бир-биридан фарқ қилади. Оғзаки Нутқ. Хар қандай ишнинг ечими на факат билиш, балки коммуникатив жараён хамдир. Агар билиш томони кўпинча ёзма нутқ шаклида гавдалантирилса, коммуникатив жараён эса асосан оғзаки нутқ билан боғлиқдир. Оғзаки нутқ расмий вазиятда (турмуш вазияти, уй шароитидан фарқли уларок) икки ёки бир неча киши ўртасидаги гаплашув (диалог ёки монолог) сифатида куринади. Жонли алоқанинг соддалиги оғзаки нутқнинг бирмунча тартибсизликка олиб келади: одам бир вақтнинг ўзида хам фикрлайди, хам гапиради, сузларни пухта танлаш учун унда деярли имконият йўқ, фикрни идодалаш шакли хам уни унчалик ташвишлантирмайди - агар сухбатдоши тушунмаса қайта сурашига ишонади, бунинг устига оғзаки алоқа пайтида кўпинча имо-ишора, мимика, баъзан эса гапирувчиларнинг назар доирасида бўлган ашёлар хам "ёрдам беради". Хатто олдиндан тайёрланган оғзаки нутқ сузлашаётган пайтда гапираётган киши узини қайта тиклаб, нутқини "табиий" йўлга йўналтираётганда тузилган аниқ вазият туфайли қатор узгартиришларга дуч келиши мумкин. Нотиқлик санъати кухна санъатлардан бири. Бу санъатда тарихий давр ва жамият хаёти акс этади. Ижтимоий-иқтисодий ва маънавий хаёт уз ифодасини топган. Тараккиёт ва таназзул даволари бўлган. Овропада юнон, Шаркда Хитой, Хинд, ислом нотиқлик санъатлари тараккиёт этган. Жамият хаётининг хамма жабхаларида нотиқлик санъати мавжуд. Нотиклар - рахбарлар, диндорлар, муаллимлар, ҳуқуқ ходимлари ва

бошқалар. Нотиқлик санъати ижтимоий мавқе жихатдан куидаги гуруҳларга бўлинади: I . Ижтимоий-сиёсий нотиқлик: 1) ижтимоий-сиёсий, иқтисодий-маънавий мавзудаги маърузалар; 2) хисобот маърузалари; 3) сиёсий нутқлар; 4) дипломатик нутқлар; 5) митинг нутқлари; 6) харбий мавзудаги нутқлар; 7) илмий-оммабоп нутқлар; 8) тарғибот нутқлари; 9) сиёсий шархлар. II . Илмий (академик) нотиқлик: 1) укув маърузалари; 2) илмий маърузалар; 3) илмий ахборотлар; 4) илмий шархлар. III . Суд нотиклиги: 1) кораловчи (прокурор) нутқи; 2) окловчи (адвокат) нутқи; 3) уз-узини ҳимоя қилиш нутқи. IV . Ижтимоий-маиший нотиқлик: 1) маддия (юбилей, багишлов) нутқлари; 2) таъзия (мотам) нутқи; 3) табрик-кутлов нутқи. V . Диний нотикли: 1) хутба (жума ва хайит номозида диний арбоб нутқи) 2) ваъз (кенг оммага мулжалланган бадиий-эмоционал нутқ). Нутқ мадинияти анча сертармок, мураккаб вокелик. Нутқ маданияти тушунчаси тил грамматикасининг барча қонун-қоидаларини, адабий

талаффуз нормаларининг мажмуасидан иборат бўлган орфоэпик қоидаларни, талаффуз масалаларини, билим, маданий савия ва ахлоқий карашлар каби жуда кўп сохаларни уз учига олади. Содда, хар бир конкрет вазиятда тушунарли бўлган, адабий талаффуз нормаларига мос келувчи аниқ ва равон нутқни маданиятли нутқ дейиш мумкин. Бирок аниқлик, соддалик, тушунарлилик ходисаларининг узи хам нисбий характерга эга. Ана шундан нутқ маданияти ходисасига хос бўлган хусусият, яъни нутқ маданиятининг касб-кор билар, аниқроги, нутқ маданиятининг турли сохалар билан алоқадор бўлган хусусияти келиб чиқади. Бошқача қилиб айтганда, нутқ маданиятининг узи, оғзаки маънода хам, ёзма маънода хам бир неча куринишга бўлинади. Улардан энг мухимлари: 1) оммавий нутқ маданияти; 2) касб-кор нутқ маданияти; 3) сахна нутқи маданияти. Ана шу хар бир соханинг узи таркибан яна бир талай хусусиятларга эгаки, уларнинг хар бири хам айрим-айрим мулохаза юритишни такозо этади. Хуш, нутқ маданиятининг касб-кор билан алоқадор бўлган хусусияти ёки нутқ маданиятидаги ана шу куринишнинг табиати қандай? Телефонда сузлашишнинг узига хос маданияти, одоби, қоидалари борки, кундалик хаётда бунга хамиша хам амал қилавермаймиз. Айтайлик, бирок жойга телефон килмокчисиз. Шунда биринчи галда сизга нима керак бўлади? Албатта уша жойдаги телефон рақамида. Нега хаммага аён бу оддин хакикатни эслаяпсиз дейсизми? Хуллас, нотиқлик санъати- нутқ мадиняти, сузлашиш одобининг мухим таркибий қисмидир. Яхши нутқ - кобилиятлилик ва истеъдодлилик нишонасидир. 11.3. Рахбар фаолиятида мажорали ҳолатлар ва уларни

ҳал этиш усуллари. Тадбиркор рахбар фаолиятида хар хил зиддият (конфликт)лар ва можоролар учраб туради. Мехнат шарт-шароитлари, мехнат натижалари, моддий ва маънавий эхтиёжларнинг кондирилмаслиги, мехнатдан коникмаслик туфайли тадбиркор рахбар ва ходимлар ўртасида зиддиятлар ва можаролар келиб чиқади. Бу ерда тадбиркор рахбар билан ходимлар ўртасидаги ва шахслараро зиддиятларни фикрлаш керак. Бу холлардаги зиддиятларнинг бир неча сабаблари мавжуд. 1. Моддий-техник сабаблар - мехнат воситалари билан мехнат жараёнлари, шарт-шароитлари ўртасидаги зиддиятлар. Асбоб-ускуналар, жихозлар эскилиги учун мехнат шароити ёмон, мехнат унумдорлиги паст ва хоказо. Булар ходимларга гамхурлик қилишга тусик, моддий ва маънавий эхтиёжлар кондирилмаслигига сабаб бўлади. 2. Хўжалик-ташкилий сабаблар - мехнат натижаларини тўғри бахоламаслик, мехнатни тўғри тахсимламаслик. Булар ходимларга норозилик тугдиради. 3. Ижтимоий-касбий сабаблар - ходимларнинг билими, малакаси ва касбмахоратини назар-писанд этмаслик, ходимдан уз урнида фойдаланмаслик, мехнат қонунчилигига амал килмаслик. 4. Ижтимоий-демографик сабаблар -ходимларнинг ёши, жинси, миллати, маълумоти каби омилларни, оилавий шароитларини инобатга олмаслик. 5.Ижтимоий-психологик сабаб -ходимлар фаолиятидан яккол кузга ташланадиган яхши ва ёмон хулкларини, кобляти, кизикишлари, хотираси, тафаккури, хис-туйгуси каби рухий холатлар билан хисоблашмаслик. Тадбиркор рахбар фаолиятида кул остидагилар билан мулокат- муомилада хам зиддиятли холатлар руй беради. Бунда тадбиркор рахбарнинг ёки ходимнинг калондимоглиги, муомила маданиятининг пастлиги, кизиккон-жиззакилиги, курс-кўполлиги, тундлиги ва бошқалар сабаб бўлади.

Ходимнинг дангасалиги, ялковлиги, махтанчоглиги, лоқайдлиги, бепарволиги каби ёмон хислатлар хам баъзан зиддиятлартугдиради. Тадбиркор рахбар ва ходимлар ўртасидаги рухий-психологик зиддиятлар келиб чиқиши уч холатда яккол кузга ташланади: 1) мехнат жараёниниг нотўғри уюштирилиши; 2) шахслараро муносабатларнинг хилма- хиллиги ва мураккаблиги; 3) жамоа аъзосининг шахсий узига хослиги. Тадбиркор рахбарнинг хар қандай зиддият ва мажорани бартараф этиш йўллари: 1. Мажоронинг келиб чиқиш сабабларини аниқлаши ва унинг уткирлашишига йўл куймаслик учун чора-тадбирлар куриши. 2. Мажорали вазиятни юмшатиши-зиддиятга борган кишилар билан ошкора сухбат ва улар сонини камайтириш чораларини излаши. 3. Вазиятни тула идрок этиши узлаштириши - “ахвол”нинг хужайини бўлиб олиши ва қатъий чора куриши. 4. Мажоро ва унинг айни вазиятларини чуқур тахлил қилиши: а) мажоралашаётган томонлар ва гувохлар алохида сухбатлашиши; б) уларнинг мақсади, кизикишлари, хулк-атвори, касби, тажрибаси, турмуш шароити ва бошқа рухий-маънавий жихатларни урганиш; в) мажорали вазиятнинг сабаблари, нима масалада экани, унга жамоанинг муносабатини аниқлаши; г) мажора хакидаги хар хил ахборотларни асли билан солиштириш; 5. Мажорани хал этишнинг хар хил усулларини ишлаб чиқилиши ва тахлил қилиши. 6. Мажорани хал этишнинг энг кулай усули, шакли, воситаси ва шароитларини танлаш. 7. Танланган усулларни жамоанинг тарбияси, мехнат вазифалари, мақсадлари билан киёсланиб, торозига солиб куриши. 8. Танланган ва текширилган усулни қўллаб мажорани бартараф этиш. 9. Мажора бартараф этилганидан хаммани хабардор қилиш.

10. Мажора келтириб чиқарган томоннинг но ҳақлиги исботлангандан сунг уларни тўғри йўлга бошлаши ва бошқалар. Хуллас, бозор иқтисодиёти шароитида хар кайси бугиндаги тадбиркор шуни тушуниб етмоги керакки, хар қандай шароитда хам инсонга гамхурлик қилиш, инсон рухий холатини барқарор этишга қаратилган жараёнларни ташкил этиш ва ёуналтириш, жамоанинг хар бир аъзосини мехнатдан моддий ва маънавий коникиш хосил қилишига эриштириш унинг зиммасидаги мукаддас вазифадир. ҚИСҚА ХУЛОСАЛАР Бизнесда рахбар фаолиятининг рухий-психологик хусусиятлари мазмуни. Бизнесда рахбарнинг нутқ маданияти. Рахбар фаолиятида мажорали ҳолатлар ва уларни ҳал этиш усуллари. Тарбиявий услуб асосан инсонни манавий такомиллашишига, психологиясиги ва бошқа ижтимоий характерига мос равишда ташкиллаштирилади. Ижтимоий-сиёсий нотиқлик, ижтимоий-сиёсий, иқтисодий-маънавий мавзудаги маърузалар, хисобот маърузалари, сиёсий нутқлар, дипломатик нутқлар, митинг нутқлари, харбий мавзудаги нутқлар, илмий-оммабоп нутқлар, тарғибот нутқлари, сиёсий шархлар, Суд нотиқлиги, қораловчи (прокурор) нутқи, оқловчи (адвокат) нутқи, ўз-ўзини ҳимоя қилиш нутқи, Ижтимоий-маиший нотиқлик, таъзия (мотам) нутқи, табрик-қутлов нутқи, Диний нотиқли, хутба (жума ва хайит номозида диний арбоб нутқи), ваъз (кенг оммага мулжалланган бадиий- эмоционал нутқ). Нутқ мадинияти анча сертармок, мураккаб вокелик. ТАЯНЧ ИБОРАЛАР. Бошқарув услублари: тарбиявий услуб, моддий-рагбатлантирувчи услуб, маъмурий-ташкилий услуб, бошқариш санъати, Япониянинг бокариш услуби, бошқарув қарорлари, рахбарнинг ташкилотчилик қобилияти, рахбарнинг рухий-психологик хусусиятлари, рахбарнинг рухий-физиологик сифатлари, рахбарнинг ишбилармонлик сифатлари, рахбарнинг Нутқ маданияти, рахбар томонидан зиддиятларни бартараф этиш усуллари.

Адабиётлар руйхати Асосий адабиётлар: 1. Ўзбекистон Республикаси Президентининг “Бозор ислоҳатларини чуқурлаштириш ва иқтисодиётни янада эркинлаштириш соҳасидаги устивор йўналишлар амалга оширилишини жадаллаштириш чора-тадбирлар тўғрисида”ги Фармони // Халқ сўзи, 2005, 15 июн. 2. Каримов И.А. “Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир”. Ўзбекистон Республикаси Президентининг Олий Мажлис Қонунчилик палатасм ва Сенатининг қушма мажлисидаги маърузаси // Халқ сўзи, 2005, 29 январ, 20- сон. 3. Ходиев Б.Ю., Қосимова М.С., Самадов А.Н., Мухиддинова У.С. Кичик бизнесни бошқариш. –Т.: “Ўқитувчи”, 2003. 4. Абдуллаев Ё., Каримов Ф. Кичик бизнес ва тадбиркорлик асослари.-Т.: Меҳнат, 2000. 5. Еременко А. Разработка бизнес-приложениий в Microsoft Business solutions-Alapta в ерсии. 3.0 / Фелексей Ермененко, Руслан Шашков. –М.: Альпина Бизнес Букс, 2005.-503 с. 6. Ходиев Б.Ю., ва бошқалар. Кичик тадбиркорлик асослари(ўқув-амалий қўлланма)-Т.:ЕҲ. ТЕМПУС “Консаудит”, 2004. 7. Rambler-http ://wwwҒrambler, ru; 8. www. gov. uz. ФОЙДАЛАНИЛГАН АДАБИЁТЛАР РЎЙХАТИ 1. Ўзбекистон Республикаси Президентининг “Тадбиркорлик субьектлари томонидан тақдим этиладиган ҳисобот тизимини такомиллаштириш ва уни ноқонуний талаб этганлиги учун жавобгарликни кучайтириш тўғрисида”ги Фармони // Халқ сўзи, 2005, 17 июн. 2. Ўзбекистон Республикаси Президентининг “Тадбиркорлик субьектларини ҳуқуқий ҳимоя қилиш тизимини янада такомиллаштириш чора-тадбирлар тўғрисида”ги Фармони // Халқ сўзи, 2005, 16 июн.

3. Ўзбекистон Республикаси Президентининг “Микрофирмалар ва кичик корхоналарни ривожлантириш борасида Қўшимча чора-тадбирлар тўғрисида”ги Фармони // Халқ сўзи, 2005, 21 июн. 4. Ўзбекистон Республикаси Президентининг “Бозор ислоҳатларини чуқурлаштириш ва иқтисодиётни янада эркинлаштириш соҳасидаги устивор йўналишлар амалга оширилишини жадаллаштириш чора-тадбирлар тўғрисида”ги Фармони // Халқ сўзи, 2005, 15 июн. 5. Каримов И.А. “Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир”. Ўзбекистон Республикаси Президентининг Олий Мажлис Қонунчилик палатасм ва Сенатининг Қушма мажлисидаги маърузаси // Халқ сўзи, 2005, 29 январ, 20- сон. 6. Абдуллаев Ё., Каримов Ф. Кичик бизнес ва тадбиркорлик асослари.-Т.: Меҳнат, 2000. 7. Ходиев Б.Ю., Қосимова М.С., Самадов А.Н., Мухиддинова У.С. Кичик бизнесни бошқариш. –Т.: “Ўқитувчи”, 2003. 8. Ходиев Б.Ю., Самадов Ғ., Юсупов М.С., Мелибоев Ш.А., Ишмуродов С.Т. Кичик тадбиркорлик асослари.-Т.: “Консаудит”, 2004. 9 . Егерев И.А. Стоимость бизнеса: Искусство управления: Учеб. Посб.-М.: Дело, 2003.-480 с. 10. Еременко А. Разработка бизнес-приложениий в Microsoft Business solutions-Alapta в ерсии. 3.0/Фелексей Ермененко, Руслан Шашков. –М.: Альпина Бизнес Букс, 2005.-503 с. 1 1 . Кемпбелл К. Венчурный бизнес: новые подходы/Пер. с англ.- М.: Альпина Бизнес Букс , 2004-418 с. 1 2 . Малый бизнес. Организация, экономика, управление: Учеб. пособие для вузов/Под ред. Проф. В.Я.Горфинкеля, проф. В.А Швандара.-2е изд.,пререб. И доп.-М.: ЮНИТИТИ- ДАНА, 2003-283 с. 1 3 . Менеджмент и маркетинг бизне в международных компаниях. Под ред. В.М. Попова.- М.: фиС, 2001.-384с.

1 4 . Моррел Д. Как делать прогнозы в бизнесе. О руководство для предпринимателей/Перевод с англ. М.: НИППО, 2004.-283с. 1 5 . Петрунин Ю.Ю., Борисов В.К. Этика бизнеса: Учеб. пособ. 3 –е изд., перераб. И доп.-М.: Дело, 2004.-400с. 1 6 . Просчеты в международном бизнесе. Пер. с англ.: Издетельский дом «Вильямс», 2004.-192с. 1 7 . Сборники бизнес – планов: С рекомендациями и комментариями: Учебно–методическое посоие. Под ред. Д-ра экон. наук, проф. В.М.Попова и д-ра экон. Наук С.И. Ляпунова.- 5-е изд., перераб.- М.: КНОРУС, 2004.-336с. 1 8 . Хеников С.Ю. Реинжиниринг бизнес – процессов. Экспеременое моделирование, управление, планирование и оценка.-М: «Ось-89», 2004.- 288с. Интернет веб-сайтлари 1. www. piter.com. 2. Rambler-http ://www/rambler, ru; 3. Я ndex- http : // yandex / ru; 4. Апорт!- http :// www / aport . ru ; 5. “@rus”- http : // atrus.ru.; 6. List .ru- http ://www.list.ru; 7. Russia on the Net- http ://www.ru.; 8. www.katalog.7st.ru.maket.phtml 9 . http://www.ced.bg/eng/projects/project12/publication/book.htm 10. http://www.unece.org/sme/cjnfrm01.htm

Похожие

Кичик бизнес корхоналарида бизнес режа

Бизнес мулокоти

Бизнес инфраструктураси

Бизнес тузилмавий лойиҳалар (бизнес - структуравий лойиҳалар)

Маркетинг бизнес - режаси