Интернетда тез мулоқот қилиш турлари ва улардан фойдаланиш тартиблари - Информатика и ИТ - Рефераты

Интернетда тез мулоқот қилиш турлари ва улардан фойдаланиш тартиблари

Загружено в:

22.09.2023

Скачано:

0

Размер:

700 KB

Интернетда тез мулоқот қилиш турлари ва улардан фойдаланиш тартиблари Режа: 1. Интернетда тез мулоқот ва мурожаат қилиш турлари 2. Электрон почтадан мулоқот учун унумли фойдаланиш 3. Чат ёрдамида мулоқот 4. Блоглар ва саҳифалар ёрдамида мулоқот 5. Форум орқали мулоқот 6. Жамоа тармоғи орқали мулоқот 7. Интернет телефония орқали мулоқот 8. Видеоконференция орқали мулоқот

Тезкор мулоқот, бу тадбиркорликни жадаллаштириш имкониятидир Интернетда тез мулоқот ва мурожаат қилиш турлари Интернетнинг коммуникацион имкониятлари кенг бўлиб, улар мулоқот ва мурожаатларни тезлаштиради. Келинг, ушбу имкониятлар турларини санаб ўтайлик: • Электрон почта • Чат • Блог • Форум • жамоа тармоқлари • Интернет-телефония • Видеоконференция • Элекрон ҳукуматнинг мурожаат қилиш имкониятлари. Коммуникацион имкониятлар ёрдамида мулоқот ихтиёрий ва реал вақтда амалга оширилади. Интернет мулоқот қилишнинг энг арзон ва қулай усулидир. Қуйида ушбу имкониятлар тавсифи ва фойдаланиш тартиби билан танишамиз. Электрон почтадан мулоқот учун унумли фойдаланиш Электрон почта – бу дастур бўлиб, у электрона хатлар билан ишлашга мўлжалланган. Унинг ёрдамида хатни, ҳужжат ва умуман ихтиёрий файлни дунёнинг ихтиёрий жойидаги электрон манзилга жўнатиш ва Сизга келган хатларни қабул қилиш мумкин. Электрон почта махсус почта дастури ёки Интернет тармоғида ишлайди. Электрон почта ёрдамида қуйидагиларни амалга ошириш мумкин: • Хат жўнатиш ва қабул қилиш • Ҳужжатларни жўнатиш ва қабул қилиш • Маркетинг ва рекламани амалга ошириш

• Янгиликларни олиш ва юбориш • Савол ва сўровлар билан мурожаат қилиш • Ҳамкорлар ва харидорларга мурожаат қилиш • Лойиҳалар ва танловлар ҳақида маълумот олиш ва бериш • Тадбирлар ташкил этиш • Эълонлар ва хабарлар бериш • Мониторинг ўтказиш Электрон почта ёрдамида ушбу амалларни бажариш тартиби ҳамда ишлаш тартиблари да батафсил келтирилган. Электрон почтадан хат юборишда худди қоғозли шаклда хатни юбораётгандек, унинг кимга, қаерга ва кимданлигини ёзишингиз шарт. Сиз хатни бир неча манзилларга юборишингиз мумкин. Электрон хат ёзиш ва қабул қилиш учун электрон манзилга эга бўлиш зарур. Ҳар бир фойдаланувчи ўзининг почта қутисидан фойдаланиши мақсадга мувофиқ. Электрон манзилни очиш мураккаб эмас, шунинг учун уни шахсий мулоқот ва иш фаолияти учун алоҳида яратишингиз мумкин. Электрон почта хатлар юбориш учун жуда қулай. Қуйида Microsoft Office Outlook дастурида электрон почта билан унумли ишлашнинг баъзи тартиблари билан танишамиз. Электрон хатни ихтиёрий пайтда юбориш мумкин. унинг манзилга етиб боргани ҳақида хабар олиш мумкин. Бу Microsoft Office Outlook дастурида қуйидагича амалга оширилади. 1. Манзилни ёки манзилларни киритинг. 2. Хат мавзусини киритинг. 3. Хат матнини ёзинг. 4. Хат имзосини киритинг. 5. Параметры майдонида уведомить о доставке майдонини белгиланг. 6. Хатни жўнатинг.

7. Хат эгаси (адресат) қутисига тушганида, хат етиб боргани ҳақидаги хабар манзилингизга келади. Хат адресат томонидан ўқилгани ҳақидаги хабарни олиш учун эса Параметры майдонидаги уведомить о чтении майдонини белгилаш зарур. Хатнинг жуда муҳимлигини кўрсатиш мумкин. Бу адресатнинг хатингизга бўлган эътиборини кучайтиради. Бу қуйидагича амалга оширилади: 1. Хатни ёзинг. 2. Сообщение майдонида Высокая важность майдонини белгиланг. 3. Агар хат муҳим бўлмаса, Сообщение майдонида Низкая важность майдонини белгиланг. Шу билан бирга, хатни бажариш муддатларини кўрсатиш мумкин. Бу Сообщение майдонида К исполнению тугмачаси ёрдамида бажарилади. Тугмача чертилганда рўйхат ҳосил бўлади. Рўйхатда керакли муддатни танлаш зарур. Шу билан бирга, унда эслатмани добавить уведомление майдони ёрдамида қолдириш мумкин. Хатларни жилдларга ажратиш ёки фильтрация қилиш электрон почта ёрдамида мулоқотни тезлаштиради. Хатларни жилдларга Главная менюсининг Правила майдони ёрдамида жойлаштириш мумкин. Бунинг учун Входящие майдонида жилдларни яратиш зарур. Масалан, Хатлар , Шартномалар , Янгиликлар каби жилдларни очиш мумкин. Масалан, янгиликли хатларни Янгиликлар жилдига жойлаш мумкин. Главная менюсининг Фильтрация майдони ёрдамида хатларни ўқилган, ўқилмаган, муҳим, иловали, фақатгина Сизга юборилган хатларни ажратиш мумкин. Бу мулоқотни қулайлаштиради.

Главная менюсининг Поиск людей майдони ёрдамида аниқ адресат ҳақида адреслар китобидан маълумот олиш мумкин. Microsoft Office Outlook дастури ёрдамида ўз вақтингизни ва ҳамкасблар вақтини бошқариш ва тежаш мумкин. Электрон почтадан унумли фойдаланишга оид маслаҳатлар • Хатни принтерда чоп этиш учун Файл менюсида Печать буйруғидан фойдаланинг. • Хатни алоҳида файлга ёзиб қўйиш учун Файл менюсининг сохранить как ёки сохранить буйруғидан фойдаланинг. • Хатларни қабул қилинганлиги ҳақида билиш зарур бўлса, хатни ёзаётганингизда Параметры майдонида Уведомление о доставке ва Уведомление о прочтении тугмачаларини белгилашингиз зарур. • Агар хатингизга алоҳида эътибор беришни истасангиз, Сообщение майдонидаги Высокая важность тугмачасидан фойдаланишингиз зарур. • Кераксиз хатларни Delete тугмачаси ёрдамида ўчиришни унутманг. • Хатларни жилдларда тартиблаш имкониятидан фойдаланишни унутманг. Бунинг учун переместить в папку буйруқларидан фойдаланиш зарур. Янги жилд Файл , жилд, создать менюлари ёрдамида очилади ёки создать правило менюсидан фойдаланиш мумкин. • Удаленные жилдидаги хатларни мунтазам равишда ўчиришни унутманг. • Хатлар номини алифбо тартибида, келган вақти, мазмуни ва иловасига қараб, саралашингиз мумкин. Бу Вид , сортировать буйруқлари ёрдамида амалга оширилади. • Хатга имзо киритиб қўйишингиз мумкин. Бунинг учун Опциялар менюсида Подпись пунктини топиб, унда имзони киритишингиз зарур. Масалан, исмингиз, фамилиянгиз, лавозимингиз, ишхона номи ва манзилини, телефон, факс рақамларини беришингиз мумкин. Бу Сизнинг

ишингизни енгиллаштиради. Ҳар доим бу маълумотни хатингизда ёзишга вақтингизни сарфламайсиз. • номаълум муаллифлар хатини очишда эҳтиёт бўлинг. Сўнгги вақтларда баъзи хатлар компьютерларни вирус билан зарарлантираяпти. Бу вируслар компьютерга катта зарар келтириши мумкин, айниқса, номаълум муаллифлардан келган иловали хатларни асло очманг ва уларни дарҳол ўчиринг. • Microsoft Office Outlook дастурида учрашувлар, ҳисоботлар, мажлислар учун эслатмалар яратиш мумкин. Бу ишингизни жуда енгиллаштиради. Бу амалдан фойдаланиш тартибини мустақил равишда ўрганишингизни тавсия этамиз. Бунинг учун Календарь майдонидан фойдаланишингиз зарур. ундан фойдаланиш жуда оддийдир. ! Демак, электрон почта дастури ёрдамида хатлар, ҳужжат ва умуман турли файлларни дунёнинг ихтиёрий жойидаги электрон манзилга тезда жўнатиш ва қабул қилиш мумкин. ! Электрон почтадан фойдаланишга оид маслаҳатларга катта эътибор беринг ва ундан унумли мулоқот учун фойдаланишни унутманг. Топшириқ: - Microsoft Office Outlook дастурида ўзингизнинг электрон почтангизни созланг. - Унда бир неча манзилга муҳим хат юборинг. Бунинг учун Высокая важность майдонидан фойдаланинг. - Ходимларингизга электрон почта орқали топшириқ беринг ва топшириқ билан танишганлигини билиш учун Уведомление о прочтении майдонидан фойдаланинг. - Входящие жилдидаги хатларни муаллиф номи, вақти, мавзуси бўйича тартибланг.

Чат ёрдамида мулоқот Чат бу махсус дастур бўлиб, унинг ёрдамида фойдаланувчилар бир пайтнинг ўзида ўзаро мулоқот қилиши мумкин. Чат сўзи инглиз тилида гаплашиш (суҳбатлашиш) маъносини англатади. Баъзан чат хонаси деб ҳам аталади. “Чатлашайлик” дегани – келинг, чат хонасида суҳбатлашайлик маъносини билдиради. Одатда, чатда бир-неча киши мулоқот қилади. Икки киши мулоқот қилиши ҳам мумкин, лекин бунинг учун бошқа қулайроқ имкониятлар мавжуд. Чатда мулоқот тезроқ, қисқа матнлар ёрдамида амалга оширилади. Мулоқот чат хонасида амалга оширилади. Чатда хабар клавиатура ёрдамида киритилади. Чат ёрдамида иш борасидаги савол, натижалар, муаммолар кабиларни муҳокама қилиш мумкин. Чат тарихини хотирада сақлаш мумкин. Бу жуда қулайдир. Чунки мулоқотдаги тавсияларни ихтиёрий пайтда яна ўқиш мумкин бўлади. Чат дастлабки мулоқот дастурларидан бири бўлиб, у кўпроқ ўқувчилар доирасида оммавий. Чат билан ишлаш тартиби қуйидагича: 1. Чат дастурини ишга туширинг. 2. унда ўзингизни қайд қилинг. Одатда, ҳар бир фойдаланувчи ўз исми (ник)га эга. ник сифатида исмингизни ёки ихтиёрий номни киритиш мумкин. Масалан, “Эксперт” ёки “Корхона”. 3. Чат хонасига киринг. Бунинг учун ник ва паролингизни киритинг. 4. Чат хонасида қисқача матн киритинг. Масалан, чатдагилар билан саломлашинг. 5. Хабар сатрида хабарингизни ёки саволингизни киритинг. Масалан, режалаштирилган йиғилиш ҳақидаги маълумотни киритинг. 6. Чат хонасида хабарларни барчага ёки айнан бирор иштирокчига ёзиш мумкин.

7. Мулоқот тугагандан сўнг чат хонасидан чиқинг. Бунинг учун Выход тугмачасини босиш етарли. Топшириқ: - Интернетда чатни топинг. Уни ишга туширинг ва мулоқот қилиб кўринг. Ушбу чат имкониятлари билан танишинг. Блоглар ва саҳифалар ёрдамида мулоқот Веб блог инглиз тилида интернет-кундалик маъносини англатади ва у блог деб аталади. Блог бу веб-саҳифа бўлиб, унинг мазмуни доимий равишда, матн, расм ва видео маълумотларни ўз ичига олади. Блог жамоага мўлжалланган қисқа янгилик, фикр ва мулоҳазалардан иборат бўлади. Блогда муаллиф каби фойдаланувчилар ҳам ўз фикр ва муносабатларини ёзиши мумкин, яъни блог тармоқда мулоқот муҳитини яратади. Блог муаллифи блоггер деб аталади. Биринчи блог 1992 йили янгиликларни ёритиш учун яратилган. 1999 йилда эса блоглар ҳақидаги сайт Blogger яратилган. Ўзбекистонда биринчи бўлиб, блоглар “Ахборот Асри қизлари” доирасида, 2006 йилда яратилган эди. Блогларни яратиш учун махсус дастурлар мавжуд. улар ёрдамида ихтиёрий фойдаланувчи ўз блогини яратиши ва олиб бориши мумкин. Баъзи блоглар аниқ мавзуга бағишланган бўлади. Блоглар билан ишлаш веб- саҳифалар билан ишлашга қараганда қулайроқ. уларда қисқача янгилик ва маълумотларни тезда киритиш осондир. Блог одатдаги кундаликни эслатади. Блоггер ихтиёрий пайтда блогдаги янгиликларга ўз фикри ва мулоҳазаларини ёзиши мумкин. Шахсий, жамоа ва корпоратив блог турлари мавжуд. • Шахсий блог блоггер томонидан яратилади ва олиб борилади. Дастлаб шахсий блоглар ёшлар учун хордиқ ва танишиш доираси сифатида яратилган эди. Ҳозирги кунда мутахассислар, шоирлар, созандалар ёки қўшиқчилар хусусий блогга эга. ундан ижодий янгиликлар

билан ўртоқлашиш ва мухлислар фикр ва мулоҳазаларини билиш учун фойдаланадилар. • Жамоа блоглари блоггерлар гуруҳи томонидан олиб борилади. Гуруҳда кимдир бошқарувчи – администратор вазифасини бажаради. Масалан, экологияга, маданий жамоа масканларига оид мавзудаги фикр- мулоҳазалар муҳокама қилинади. • Корпоратив блоглар эса корхоналар томонидан яратилади ва олиб борилади. Одатда, корхона хизмат ва маҳсулотларига оид янгиликларни тақдим этади, истеъмолчи ва ҳамкорлар саволларига жавоб беради ва фикр-мулоҳозалари билан танишиб боради. Бу янги маҳсулот ёки хизмат мониторингини олиб бориш ва сотувни жадаллаштиришнинг мақбул усулларидан биридир. • Мавзу блоглари - таълим, маданият, туризм ва бошқа мавзудаги блоглар. Масалан, таомлар ҳақидаги блогларда таомларни тайёрлаш ва улар учун маҳсулотларни танлашга оид маслаҳатлар берилиши мумкин. Туризмга оид блогларда қайси дам олиш уйлари ёки масканларида дам олиш ҳақидаги фикр ва мулоҳазалар, шу билан бирга, тавсиялар билан танишиш мумкин. Блоглар ёрдамида истеъмолчилар билан мулоқот қилиш, уларнинг доирасини кенгайтириш, талабини тезда ўрганиш ва талаб асосида бизнесни ривожлантириш ҳамда янги ғоя ва лойиҳаларни яратиш мумкин. Блогларда саволномалар ташкил қилиб, улар ёрдамида истеъмолчиларнинг талабларини тезда билиш мумкин. Масалан, савдо растасини қайси манзилда очиш долзарблигини ўрганиш мумкин. Блогларда мулоқот қилиш жуда осон. ундаги хабарларни ўқиб, сизга қизиқарли бўлган мавзуга жавоб беришингиз ёки ўзингизнинг хабарингизни тезда юборишингиз мумкин. Баъзи блогларда хабар қолдириш учун ўзингизни қайд

қилишингиз зарур. Шу билан бирга, баъзи блоггерлар хабарларни модерация қилиши мумкин, яъни хабарингизни тасдиқлаши зарур бўлади. Веб-саҳифа – бу корхонанинг виртуал офисидир, яъни у офиснинг виртуал қабулхонасидир. Ушбу қабулхонага ҳамкорлар ва мижозлар 24 соат давомида дунёнинг ихтиёрий нуқтасидан мурожаат қилиш имконига эгадирлар. Шунинг учун виртуал офисда улар учун зарур маълумотлар ва хабарлар очиқ бўлиши мақсадга мувофиқ. Корхона веб-саҳифаси ёки саҳифалари мулоқотни унумли амалга оширишнинг йўлларидан биридир. Веб-саҳифа администратор, мазмун бўйича ва алоқалар бўйича мутахассислари ахборотнинг аниқлиги, долзарблиги ҳамда дизайнига жиддий эътибор бериши зарур. Веб-саҳифада кўпроқ бериладиган савол-жавоблар бўлими бўлса, у истеъмолчилар учун қулайлик яратади ва улар билан мақсадли равишдаги мулоқотни тезлаштиради. Шу билан бирга, веб-саҳифада мурожаат учун тўлиқ манзил кўрсатилгани маъқул. унда корхона тўлиқ манзили, телефонлари ва электрон манзили, веб-саҳифа манзиллари ва офис манзили харитаси кўрсатилиши мақсадга мувофиқ. Мурожаатлар учун махсус мурожаат майдонидан фойдаланиш мумкин. ушбу майдонда, одатда, хабар муаллифи электрон манзили, хабар мавзуси ва тавсифи киритилади. Веб-саҳифа номини танлашда у корхона фаолиятини акс эттириши ва эслаб қолишга осон бўлишига эътибор беринг. Масалан, www.uma.uz (Ўзбекистон менежерлари Ассоциацияси). Веб-саҳифа мазмуни таркиби журнал каби бўлиши зарур, яъни ундаги саҳифаларга ўтиш тартибли бўлиши керак. Веб-саҳифа мижози мақсадлари ва корхона таклифлари дарров кўзга ташланиши зарур. Мижоз уни қидиришга вақт сарф қилмайди. Саҳифа бўлимлари топишга қулай бўлиши зарур.

Веб-саҳифа турлари, имкониятлари ва яратиш тартиблари билан [10] нинг 6-бобида батафсил келтирилган. Корхона блогларидан ва веб-саҳифаларидан мулоқот учун тадбиркорликда унумли фойдаланасиз деган умиддамиз. Топшириқ: Мисол тариқасида, қуйидаги: www.nasimov.uz , www.azu. uz , www.mytashkent.uz , www.uma.uz . блоглар ва саҳифалар мавзуси билан танишинг ва уларнинг мухлислари доирасини ўрганинг. Форум орқали мулоқот Форум – бу бирор аниқ мавзу, муаммо ёки лойиҳаларни биргаликда, Интернетда муҳокама қилиш муҳитидир. Бу семинар, учрашув, тақдимот, муҳокама, конференция, йиғилиш ёки дарс тадбирлари бўлиши мумкин. Форумни администратор бошқариб боради. Администратор форум фойдаланувчиларига иштирокчи ва модераторлик ҳуқуқларини очиб беради. Қуйида модератор ва иштирокчи ҳуқуқлари билан танишамиз. Модератор – бирор мавзуни бошқариш ҳуқуқига эга бўлган форум фойдаланувчисидир. Модератор мавзуни очади, ушбу мавзу бўйича форумни бошқаради, маслаҳатлар беради, зарурат туғилганда саволларга жавоб беради, қатнашчиларни фаол ишга жалб қилади, барча қатнашчилар фикрларини ҳисобга олади ва ҳурмат қилади, қатнашчиларнинг жавобларини текширади, форумнинг тўғри йўналишда кетишини бошқариб боради. Зарур ҳолда, қўшимча материаллар билан қатнашчиларни таъминлайди, яъни модератор мунозара учун фаол муҳитни яратади. Модератор вазифасини тажрибали ходимлар бажариши мақсадга мувофиқ. Модераторлар форумдаги бир, бир неча ёки барча мавзуларни модерация қилиш ҳуқуқига эга бўлиши мумкин.

Иштирокчи – бу форум мавзуси бўйича фикрини билдириш ёки алмашишни хоҳлаётган фойдаланувчидир. Иштирокчи савол бериш, жавоб бериш, яъни муҳокама жараёнида фаол қатнашиш имкониятига эга. Интерфаоллик ва индивидуаллик унга мавзуни ўз эҳтиёжларини чуқур ҳисобга олган ҳолда, муҳокама қилиш ёки ўрганиш имконини беради. Мулоқотда иштирок этиш имконияти, унинг қулайлиги, виртуаллиги қатнашчига дадиллик ва ишонч беради, уни суст қатнашчидан фаол иштирокчига айлантиради. Муҳокама қилинаётган мавзуни ўрганиш устида фаол иш бошланади, бу эса ундан муҳокама қилинаётган мавзу бўйича билимларни такомиллаштиришни талаб этади. Чунки унинг фикр ва саволлари ҳамма учун очиқ бўлади. Иштирокчилар корхона ходимлари ва маъмурияти, мижозлар, ҳамкорлар ва рақобатчилар ҳамда Интернетнинг бошқа фойдаланувчилари бўлиши мумкин. Форумда рўйхатдан ўтган ҳамда меҳмон – рўйхатдан ўтмаган иштирокчи сифатида қатнашиш мумкин. Форумда янги ғоя лойиҳасини ёки ҳисоботларни тақдим қилиш ва муҳокама этиш ёки истеъмолчилар талабини тезда ўрганиш ҳамда бўлажак кадрларни танлаш имкониятлари мавжуд. Форумни офф-лайн ёки он-лайнда (яъни реал вақтда) ўтказиш мумкин. Агар бирор-бир саволга тезда жавоб йиғиш зарур бўлса, уни реал вақтда ўтказиш мақсадга мувофиқ. Агар сиз саволга кенгроқ жавоб олмоқчи бўлсангиз, уни офф-лайнда ўтказганингиз маъқул, чунки форум иштирокчиларини бир пайтда йиғиш қийинроқ. Бир неча кун давомида уларнинг фикрини йиғиш имконияти юқорироқдир. Чунки иштирокчилар ўз вақтларини ҳисобга олган ҳолда, уларга қулай бўлган пайтда фикрларини билдириш имкониятига эга бўладилар. Иккала форматда ҳам форум ҳақидаги хабарни олдиндан эълон қилишингиз мақсадга мувофиқ.

Форумнинг мулоқот ва мурожаат учун имкониятлари: Мулоқотнинг қулайлиги Қулай вақтда мулоқотда қатнашиш, материаллар билан танишиш, ўйлаш, кейин ўз фикри ёки жавобини ёзиш имконияти, яъни иштирокчи иш вақ тини бошқариш имконияти туғилади. Бу эса мулоқотнинг унумли бўлишини таъминлайди. Одатда, эрталаб ёки кечқурун форум билан ишлаш қулай. Мурожаатнинг қулайлиги Қулай вақтда мурожаат қилиш мумкин. Масалан, савол бериш, фикр ва мулоҳазаларни йиғиш, мониторинг ва баҳолашни ўрганиш мақсадида мурожаат қилиш мумкин. Мурожаат ўз манзилига ёки эгасига дарҳол етиб боради ва унга жавоб келиши тезлашади. Бу эса ишингизни жадаллаштиради. Адресат ёки адресатлар ўзларига қулай вақтда жавоб бериш имкониятига эга бўладилар.

Янги ғоя ва лойиҳалар устида биргаликда ишлаш Янги ғоя ёки лойиҳа устида ҳамкорлар ва истеъмолчилар билан биргаликда тезда ишлаш ва уни такомиллаштириш мумкин. Масалан, янги лойиҳа ғоялари, режаларига тезда истеъмолчилар фикр- мулоҳазалари ва тавсияларини олиш мумкин. Янги билимлар ва ғоялар олиш Иштирокчилар янгиликларни ўқиш, фикр ва тажрибалари билан танишиш, билим ва кўникмалари билан ўртоқлашиши натижасида янги билимлар ва ғояларга эга бўлиш мумкин. Сизни қизиқтирган мавзу бўйича бошқаларнинг фикрини ўқишингиз ва ўзингизга зарур бўлган ёрқин ва долзарб маълумот ҳамда билимлардан фойдаланиш имкониятига эга бўлишингиз мумкин. Бу табиий равишда, форум қатнашчиларининг малакаси ошишига ва билимлари такомиллашишига ёрдам

беради. Масалан, тажрибали ва ёш мутахассисларнинг форумдаги ўзаро мулоқоти корхона унумдорлигига ижобий таъсир кўрсатади. Янги ҳамкорлар ва имкониятлар топиш имконияти Форумларда янги лойиҳалар ҳақида маълумотлар бериш ёки олиш, уларни такомиллаштириш ва янги ҳамкорлар топиш мумкин. Бу корхона учун янги имкониятларни тезда яратади. Шунинг учун турли форумларда саволжавоб билан қатнашиш, тақдимотлар бериб бориш фойдалидир. Шу билан бирга, форумда тадбиркорларнинг турли он- лайн жамоатчиликлари ҳақида маълумот олиш мумкиндир. Маркетинг ва реклама Компания хизматларини ва маҳсулотларига бўлган эҳтиёжларни ўрганиш ва уларни тарғибот қилиш мумкин. Компания мижозлари форумда доимий равишда, тўғридантўғри

мулоқотни олиб бориши мумкин. Мижозларга савол- жавоб ва маслаҳатлар асосида ёрдам кўрсатиш мумкин. Форумда мижоз ва ҳамкорлар билан маъруза ва савол-жавоб билан учрашувлар, лойиҳа ва танловлар ташкил этиб, натижалардан маркетинг, мониторинг ва бизнесни ривожлантиришда фойдаланиш мумкин. Форумнинг мулоқот ва мурожаат учун имкониятларидан тўла фойдаланиш учун форумда рўйхатдан ўтишингиз, мавзулар билан таниш бўлишингиз, хабарларни ўқиш ва ёзишни, янги мавзуларни очишни ва саволномаларни яратишни билишингиз етарлидир. Форумда рўйхатдан ўтиш тартиби, хабарлар ёзиш ва ўқиш тартиби, форум турлари ва иштирокчилари ҳақидаги батафсил маълумот билан да танишишингиз мумкин. Топшириқ: www.businessinfo.uz форумига киринг. Санаб ўтилган мулоқот имкониятларини ўрганинг. Улардан фойдаланиш учун режа тузинг. Машқ: www.businessinfo.uz форумига киринг ва унда ўзингизни рўйхатдан ўтказинг. Форумга киринг ва ундаги мавзуларни ўрганинг. Отраслевое развитие бўлимини топиб, унга киринг ва хабарлар билан танишиб чиқинг. Ўзингизнинг фикрингизни ёки саволингизни киритинг. Форумдан чиқинг. Қуйида www.uforum.uz мисолида янги мавзу очиш ва учрашув ташкил этиш тартиблари билан танишамиз.

Форумда қатнашиш тартиби Рўйхатданмуваффақиятлиўтганингиздан сўнг авторизация саҳифасига кирасиз. Бунда тегишли майдонга фойдаланувчи исмини (login) ва паролни киритиш керак бўлади. Фойдаланувчи исми ва пароль тўғри киритилгач, рўйхатдан ўтган фойдаланувчи сифатида форумга кирасиз. Форум мавзулари ва тавсифларига эътибор қаратишингизни ва хоҳлаган бўлим ва мавзуни танлашингизни тавсия этамиз. Сиз ҳар қандай мунозарага ҳамкасбларнинг хатларини ўқиб, қандай масалалар ва муаммолар муҳокама қилинишини билиб оласиз. Агар форум мавзулари кўп бўлса, у ҳолда ойнанинг энг пастки қисмида саҳифалар сони ва уларнинг тартиб рақами кўрсатилган тугмачани кўрасиз. Ҳар қандай саҳифага ўтиш учун саҳифалар тартиб рақами кўрсатилган тугмачани босишингиз мумкин. Форумга киришингиз билан сизга форумларнинг бир неча бўлимлари ва мавзулари таклиф этилади. Сиз ўзингиз учун мос келадиганини, масалан, Тадбиркорлар учун бўлимини танлашингиз лозим. Форумда бирор мавзу бўйича модераторлик қилмоқчи бўлсангиз, аввало, ушбу мавзуни очишингиз зарур. Агарда бўлимга модераторлик қилмоқчи бўлсангиз, администраторга ушбу ваколатга эга бўлиш учун мурожаат қилишингиз зарур. Янги мавзуни очиш тартиби Агар сиз янги ғоя ёки лойиҳа билан ҳамкорлар ва истеъмолчиларни таништирмоқчи ва уларнинг фикрларини билмоқчи бўлсангиз, у ҳолда янги мавзу очишингиз зарур. Бунинг учун форумда открыть тему тугмачасини чертиб, янги мавзуни очишингиз мумкин. натижада янги мавзуни очиш саҳифасига ўтасиз. ушбу саҳифада қуйидагиларни киритишингиз лозим: • Наименование темы майдонида мавзуни киритиш зарур. Масалан, агар бу янги маҳсулот ҳақидаги тақдимот бўлса, мавзуни маҳсулот номи билан аташ мумкин.

• Описание темы майдонида маҳсулот тавсифи берилади. Бу ерда мавзунинг қисқача тавсифини ва форумдан кутилаётган натижаларингизни киритишингиз мумкин. Масалан, маҳсулот номи ва унга бўлган истеъмолчиларнинг фикрмулоҳазаларини кўрсатишингиз мумкин. • Форум мавзуси учун матн. Описание темы майдонидан пастроқдаги жойга матнни киритиш лозим. Одатда, бу форум модератори кириш сўзи бўлиб, у форум мавзуси, санаси ва иштирокчилари ҳақида маълумот беради. Масалан, маҳсулот ҳақида қисқа ва аниқ маълумот, мавзунинг мақсади, фикр ва мулоҳазалар учун аввалдан миннатдорчилик билдириш мумкин. Форумда учрашув ташкил этиш Форумда учрашув ташкил этиш учун тайёргарлик кўриш лозим, бу эса қуйидагиларни ўз ичига олади: • Форум мавзусидаги керакли маълумотларни топиш ва улар билан батафсил танишиш. • Форум санаси, вақти ва қатнашчиларини белгилаш. • Форумда ундан 1-2 ҳафта олдин санаси, вақти, форум қатнашчилари, мавзуси, тавсифи, мақсади ва модераторини кўрсатган ҳолда мавзуни яратиш. Шу билан бирга, танишиш учун форум мавзусидаги материалларга йўлланма кўрсатилади. • Форум ҳақида барча ҳамкорларга ва мижозларга почта орқали хабар бериш. • Форум иштирокчилари форумга тайёргарлик кўриши зарур. Бунинг учун форумда мавзуга оид материалларни бериш мақсадга мувофиқ. Жамоа тармоғи орқали мулоқотМаш қ:www. businessinfo. uz саҳифасидаги форумга киринг ва унда янги мавзуни очиб кўринг.

Биринчи жамоа тармоғи лойиҳаси Интернетда 1995 йилда пайдо бўлди. Ушбу лойиҳа натижалари бошқаларни ҳам жамоа тармоқларини яратишга ундади ва натижада бир неча жамоа тармоқлари яратилди. 2003 йилда Linkledin ва Facebook каби жамоа тармоқлари ишга туширилди ҳамда жамоа тармоқлари расмий равишда яратилди. жамоа тармоқлари – бу ҳозирги кунда жадаллик билан ривожланиб бораётган Интернет хизматидир. у жамоа муносабатларини яратишга ва ривожлантиришга қаратилган он-лайн хизматдир. Жамоа тармоқлари фойдаланувчилари сони ҳар сонияда ошиб бормоқда. унинг имкониятларидан фойдаланаётган давлат ташкилотлари ва муассасалари ҳамда шахсий корхона ва ташкилотлар сони ҳам кўпайиб бормоқда. Шунинг учун жамоа тармоқлари энг унумли маркетинг ҳамда оммавий ахборот воситасига айланмоқда. Корхона хизматлари ва маҳсулотлари ҳақидаги маълумотлар 24 соат давомида ҳар куни фойдаланувчилар эътиборига ҳавола этилади, яъни корхона ҳақидаги маълумотларни дунёнинг ихтиёрий нуқтасида ва ихтиёрий вақтда олиш имкониятини яратади. Фойдаланувчилар эътиборини жалб этиш учун корхона ҳақидаги маълумотларни доимий равишда, янгилаб туриш

зарур, яъни мижозлар доимо охирги маълумотлардан фойдаланишга ҳаракат қилишини эътиборга олиш керак. Жамоа тармоқларининг ишлаш тартиби қуйидагичадир: • жамоа тармоғида фойдаланувчилар тезда ва бепул рўйхатдан ўтади ва жамоа тармоғида ўз саҳифасига эга бўладилар. • Фойдаланувчилар ўзи ҳақида маълумотларни, имкониятлари, истак ва талабларини доимий равишда, дўстлари ва бошқалар билан хабарлар ёрдамида ўз доирасида ўртоқлашадилар. Хабарлар матн, расмлар, аудио ва видеолавҳалар, веб-саҳифа ва блогларга кўрсатмалардан ҳамда турли ахборотлардан иборат бўлиши мумкин. Фойдаланувчи доирасидаги фойдаланувчилар ушбу хабарни ўқиш, муносабатини билдириш ва ўртоқлашиш имкониятларига эга бўладилар. • жамоа тармоқлари махсус ҳисоблагичлар ёрдамида хабар мухлисларини ҳисоблайдилар ва хабар билан биргаликда ёритиб боради. натижада қисқа вақт ичида хабар мухлислари сони тезда ошиб кетади. • Доирадаги фойдаланувчилар олган хабарни ўз тармо ғида ўртоқлашиши мумкин. • ушбу жараён бошқа фойдаланувчилар доираларида ҳам давом этади ва натижада истеъмолчилар талаблари ва имкониятларидан иборат яхшигина бепул ахборот манбаси яратилади. • Ҳар бир фойдаланувчи ўз жамоа тармоғига янги фойдаланувчиларни таклиф этиш имкониятларига эга бўлиб, улар қисқа вақт ичида ўз жамоа тармоғини сезиларли даражада кенгайтиришлари мумкин бўлади. • Айнан шу манба маркетинг тадқиқотлари учун бебаҳо ҳисобланади. • жамоа тармоқлари ҳамкор ва истеъмолчилар кенг доираси билан тезкор боғланиш имкониятига эга. Интернет орқали ихтиёрий жойдан ва ихтиёрий пайтда талаблар, таклифлар ва фикр-мулоҳазалар юборилиши

мумкин. Хабарлар бир зумда корхона саҳифасида пайдо бўлади. Корхона хабари ёки жавоби тезда истеъмолчиларнинг кенг доирасига жўнатилади. Жамоа тармоқлари халқаро бозорга ва инвестициялар бозорига чиқишнинг энг тезкор ва арзон имкониятига эга. Жамоа тармоқларида янгиликларни тезда тарқатиш, ҳамкор ва дўстларни тезда топиши мумкин. Жамоа тармоқлари ёрдамида маркетинг тадбирларини тезда ва арзон ўтказиш мумкин. Бунда сўровларга мижозлар кенг доирасини жалб этиш мумкин. Жамоа тармоқларида бепул ва пуллик тижорат имкониятлари мавжуд. Тижоратни мақсадли равишда, аниқ сўровларга жавоб берувчи доираларда ҳам олиб бориш имкониятлари мавжуд. ! Жамоа тармоқлари ёрдамида ҳалокатга учраганларни қидиришда ҳам фойдаланиш мумкин. Масалан, Непалда бўлиб ўтган зилзила ҳақидаги хабар ва расмлар зудлик билан жамоа тармоқларида тарқалди. Натижада, баъзи фойдаланувчилар оиласи, қариндошлари ҳақидаги хабарни олишга ва уларга ёрдам бериш имконига эга бўлдилар. Ҳалокатга учраган баъзи фойдаланувчилар уларнинг ҳудуд харитасидаги координатлари ёрдамида тезда топилди ва ёрдам берилди. Маълумотлар ҳар сонияда янгиланиб борилди ва қутқарувчилар ишини анча енгиллаштирди. Жамоа тармоқларидан сўнг хабарларни оммавий ахборот воситалари ҳам тарқатишга киришдилар. Жамоа тармоқлари ёрдамида Непалга ёрдам пули тўплашга ҳам киришилди. Facebook саҳифасида “Непалга ёрдам бергин” тугмачаси киритилди. Жамоа тармоқларидан биринчи бор, Гаитидаги зилзила натижасида ҳалокатга учраганларни қидириш ва уларга тезда ёрдам бериш учун фойдаланган эди. Машқ: Facebook саҳифасида рўйхатдан ўтинг ва Савдо-Саноат палатаси саҳифаси билан танишиб чиқинг.

Интернет телефония орқали мулоқот IP-телефония (Интернет телефония) мулоқот учун қулайдир. IP-телефония, яъни VoIP (инглиз тилидан «Voice over IP» IP орқали овоз маъносини англатади. Бунда овоз сигналлари Интернет ёки бошқа IP-тармоқлари орқали узатилади. ушбу алоқа одатдаги телефон алоқасига қараганда, анча арзондир. Бунда Интернет тармоғи орқали турли мамлакатлардаги абонентга телефон қилишингиз ва у билан мулоқотда бўлишингиз мумкин. Бундай алоқа усулидан корхоналарда ҳам фойдаланилади. Алоқа сифати юқори даражада бўлади. IPтелефония имконияти сиз учун қўшимча телефон тармоғини яратади. у аудио ёки видео конференция ташкил этиш хусусиятига эга. Имкониятлари IP-телефония оддий телефондаги каби автомат тарзда рақамларни териш ва телефон қилаётган абонент телефонини аниқлаш каби имкониятларга эга. Яна бир қулай томони рўйхатдан мамлакатни танлаб, фақатгина телефон рақамни териш етарли. Мамлакат кодларини қидириш зарурати бўлмайди, у автомат тарзда фойдаланади. Телефон қилиш учун Интернет тармоғи зарур. Агар Интернет тезлиги суст бўлса, овоз узатилиши сустроқ бўлади, чунки овозни рақамли форматга ўтказишга, узатишга ва рақамдан овозга ўтказишга вақт талаб этилади. Хавфсизлик IP-телефонияда алоқанинг хавфсизлигини криптографик шифрлаш амалга оширади, лекин IP-телефония фойдаланувчилари кўпчилиги ундан фойдаланмайди. Эҳтиёт чораси сифатида ҳимояланган тармоқлардан фойдаланган мақсадга мувофиқ. Шахсий тармоқдаги маълумотларни очиқ қолдирмаслик керак. Skype дастури ёрдамида телефон қилиш жуда қулайдир. Бунда қуйидагича қўнғироқ қилиш мумкин:

• компьютердан – компьютерга • компьютердан телефонга Компьютердан телефонга қўнғироқ қилиш бепул эмас, лекин телефондантелефонга пуллик қўнғироқ қилишдан анча арзондир. Skype ёрдамида аудио ва видеоконференциялар ташкил қилиш қулайдир. Бир пайтнинг ўзида бир неча абонент билан мулоқот қилиш мумкин. Бунинг учун аудио қурилмалари (наушник, мик рофон) зарурдир. ушбу дастур хавфсизлик тизимига эга. Видеоконференция орқали мулоқот Видеоконференция нима, унинг имкониятлари ва турлари, уни ташкил этиш ва унда қатнашиш тартиб лари қандай каби саволларга жавоб биланда батафсил танишиш мумкин. Видеоконференцияда 2 ва ундан ортиқ фойдаланувчи иштирок этиши мумкин. Иштирокчилар одатда турли манзиллардан: офислардан, шаҳарлар ёки мамлакатлардан бўлиши мумкин, яъни иштирокчилар орасидаги масофанинг аҳамияти бўлмайди. Иштирокчилар маъруза, тақдимот ёки муҳокамада фаол қатнашиш имкониятларига эгадир. Масалан, бир корхонада тақдимот ўтаётган бўлсин. Бошқа корхоналардаги иштирокчилар ҳам ушбу тақдимотни кўриши,Видеоконференция – бу компьютер ва Интернет ёрдамида ўзаро видео-мулоқот қилиш имкониятидир. Бунда иштирокчилар бир-бирини кўриш ва эшитиш имконига эга бўладила р.

эшитиши, савол ва жавоб билан қатнашиши ҳамда фаол қатнашчини экранда кўриши мумкин. Тақдимот қилувчи иштирокчи эса иштирок этаётганларни экранда кўриши мумкин. ! 100 марта эшитгандан кўра бир марта кўрган яхшидир. Телефон орқали 10 фоиз маълумот қабул қилинади. Видео орқали эса 60 фоиз маълумот қабул қилинади. Шунинг учун видеоконференциянинг таълимда, тиббиётда ва бизнесда ҳам фойдаси жуда аҳамиятлидир. Албатта реал, яъни юзма-юз мулоқот яхшироқдир, лекин бу вақт ва харажат талаб этади. Видеоконференция эса вақт ва харажатни сезиларли даражада тежалишини таъминлайди. Шу билан бирга, ушбу йиғилишлар самарадорлиги билан тавсифланади. Бунинг сабаби иштирокчилар вақтдан унумли фойдалана олишидадир. Демак, видеоконференция мулоқотнинг тезкорлиги, қулайлиги, тежамлилиги, самарадорлиги ва хавфсизлиги билан қулайдир, айниқса, тиббиётда ундан фойдаланиш тиббий маслаҳатлар беришда ва консилиумлар ташкил этишда унумли фойдаланилади. Тиббиёт мутахассиси оғир беморни даволаш учун зарур маслаҳатларни бошқа мамлакатлардаги тиббиёт мутахассисидан тезда олиши жуда муҳимдир. ушбу тажриба телетиббиёт деб аталади. Бу тажриба Ўзбекистонда бир неча йиллар давомида фойдаланиб келинмоқда. Видеоконференцияни ташкил этиш тартиби

Видеоконференция орқали мулоқотни ташкил этиш қуйидагича амалга оширилади: • Овозни эшитиш ва узатиш учун микрофон ва наушник, тасвирни қабул қилиш ва узатиш учун веб-камера ўрнатилган компьютер ёки Nootbook ва Интернет тармоғи имкониятларидан фойдаланган ҳолда видеоконференция ташкил этиш мумкин. Масалан, Logitech корхонаси веб-камералари ва мик рофонлари сифатлидир. Nootbookлар одатда овозни эшитиш ва камера билан таъминланган бўлади. Бунда Интернет тезлиги қанчалик тез бўлса, видеоалоқа сифати шунчалик юқори бўлади, масалан, ADSL тармоғида аудио ва видеони узатиш тезлиги сифати яхшидир. Телетиббиётда видеоалоқа сифати жуда катта аҳамиятга эгадир. Видеоконференция учун камида 256 кбит/с тезликдан фойдаланиш мақсадга мувофиқ. • Видеоконференция учун махсус қурилмалар ҳам мавжуд. уларнинг сифати юқори ва нархи ҳам баланд бўлади. Кўп нуқтали видеоконференция учун ушбу қурилмадан фойдаланиш мақсадга мувофиқдир. ушбу қурилма видеосервер деб аталади. Бундай видеосервер ёрдамида 3 дан 10 тагача нуқтали конференция ташкил этиш мумкин. ушбу қурилма барча нуқталардаги видеооқимни қабул қилиб, таҳлил этади ва пропорционал тарзда, ҳар бир компьютерга узатилишини таъминлайди, яъни асосий юк видеосерверга тушади. Махсус видеокодек билан юқори ҳажмдаги аудио ва видео маълумотларни зичлаш ва очиш мумкин. Бу қурилма юқори сифатли видеомулоқот учун ишлатилиши керак. Бунда маълумотларни зичлаш тезлиги аҳамиятга эгадир. Агар ушбу тезлик суст бўлса, аудио ва видеони узатиш сифати паст бўлади. Масалан, баъзи сўзлар эшитилмайди ва тасвирлар кўринмайди. Бу эса мулоқот сифатини ва аҳамиятини анча сусайтиради. ! Ҳозирги кунда баъзи корхоналар ва университетлар ушбу махсус қурилмага эга. Зарур ҳолда, улардан келишган ҳолда фойдаланган

мақсадга мувофиқдир. Форумлар марказида ҳам видеоконференциялар учун қурилма мавжуддир. Ушбу қурилмалар ёрдамида тадбирларда барча вилоятлардан иштирокчилар қатнашиши имкониятига эга бўлмоқда. Масалан, Инха университетида абитуриентлар ва уларнинг ота-оналари учун он-лайн консультация ташкил этилади ёки танлов натижалари тақдимоти барча вилоят ларда намойиш этилади. • Видеоконференция алоқаси учун қуйидаги дастурлардан фойдаланиш мумкин: Netmeeting , Lync , Skype , Mailagent ва бошқалар. Бу дастурлар билан ишлаш жуда соддадир. Масалан, Skype ёрдамида икки иштирокчи ўзаро видеомулоқот қилиши мумкин. Бунинг учун рўйхатдан иштирокчини топиб, унга қўнғироқ қилиш ва видеоалоқа тугмачасини босиш етарли. ушбу алоқа ҳамкор билан мулоқотингизни самарали қилади. Бундай алоқа учун харажат талаб этилмайди. Бунинг учун Интернетга боғланишингиз етарли бўлади. Skype воситасида чат ёрдамида тез хабар юбориш, телефон қилиш ва аудиоконференция имкониятлари мавжуд. Ҳозирги кунда Skype нинг бизнес учун тури яратилган. унда мулоқот хотирага ёзиб қўйилади ва “логлар” деб аталади. Lync дастури видеоконференция, аудиоконференция, чат орқали тезкор хабар юбориш ва телефон орқали мулоқот қилиш, мажлислар ҳамда учрашувлар ўтказиш имкониятларига эга. у тадбиркорлар учун жуда асқотади, чунки унда мулоқотлар ва муҳокамалар фойдаланилган туридан қатъий назар, хотирада – Беседа бўлимида сақланади. Зарур ҳолда, ушбу маълумотлардан фойдаланиш мумкин, масалан, мулоқот давомида шартнома муҳокама этилган бўлса, мулоқот Беседа бўлими ёрдамида шартнома тафсилотларини зарур ҳолда, эслаш ёки аниқлаштириш мумкин. Бу эса ишингизни жадаллаштиради ва шартномани яна муҳокама қилишдан сизни халос этади. натижада вақтингиз тежалади ва ишингиз унумли бўлади. Савдо-саноат палатаси мазкур дастурдан мулоқот учун унумли фойдаланмоқда.

ушбу дастурдан бизнесда фойдаланилади. Агар бу дастурдан фойдалансангиз, мазкур дастурдан фойдаланувчилар тармоғидан ҳамкорларингизни, янги ҳамкорларни топишингиз мумкин ва улар билан осонгина мулоқот қила оласиз. ушбу дастурдан фойдаланиш жуда қулайдир. Машқ: Skype дастурида ўзингизни қайд қилинг. Унинг ёрдамида ҳамкасб ёки ҳамкорлар билан видеоалоқа ўрнатинг. Видеотасвирни ва овоз параметрларини текширинг. Дастурнинг чати ёрдамида тез хабар юбориш орқали хабарлар юборинг. Чат логини очинг ва мулоқот тафсилотларини қараб чиқинг. ! Элекрон ҳукуматнинг мурожаат қилиш имкониятлари жуда унумлидир. Ушбу имконият ҳақидаги маълумотлар ва фойдаланиш тартиби 5-бобда келтирилади. Мулоқотни ташкил этиш ва бошқариш бўйича тавсиялар • Интернет ёрдамида тез мулоқот ва мурожаат қилиш мумкин. Бунинг учун унинг мулоқот қилиш имкониятлари билан батафсил танишиш ва улардан мақсадли равишда фойдаланиш зарур. Шу билан бирга, ҳамкорлар имкониятларини ҳам ҳисобга олиш мақсадга мувофиқ. • Интернет орқали мулоқотда он-лайн мулоқот қонун- қоидаларига риоя қилиш тавсия этилади. Хабарлар аниқ ва тўғри бўлиши ва бошқалар учун таҳдид қилмаслиги ёки зарар келтирмаслиги зарур. Шу билан бирга, муаллифлик ҳуқуқларига жавоб бериши зарур. • Блоглар қисқача янгилик, хабар ва маълумотларни киритишда фойдалидир. Шунинг учун блоглардан корхона янги хизматлари ва маҳсулотларини истеъмолчилар доирасида тарғибот қилиш мақсадида фойдаланган мақсадга мувофиқ. • Форум ёрдамида мавзу, муаммо ёки лойиҳаларни биргаликда муҳокама қилиш, семинар, учрашув, муҳокама, конференция,

йиғилишларни ўтказиш мумкин. Форумда янги ғоялар ва лойиҳалар бўйича фикр ва мулоҳазаларни олиш қулайдир. Форумда мулоқотни модерация қилиш мақсадга мувофиқ, чунки баъзи фойдаланувчилар мавзуга оид бўлмаган ёки ахлоққа тўғри келмайдиган хабарларни атайлаб зарар етказиш учун юбориши мумкин. Модерация давомида хабарларни ўқиш ва саралаш имконияти форумда зарарли хабарларнинг чиқишидан сизни эҳтиёт қилади. Модерацияни албатта зарур малакага бўлган корхона мутахассислари олиб бориши зарур. Ҳозирги кунда кўпчилик корхоналарда ушбу вазифани бажарувчи махсус ходимлар мавжуд. • Видеоконференция ёрдамида эса иштирокчилар маъруза, тақдимот ёки муҳокамада он-лайн тарздаюзмаюз қатнашиш имкониятига эгадир. Шунинг учун ҳамкорлар билан муҳим муҳокамаларни, учрашувларни, тақдимотларни ва бўлажак ходимлар билан интервьюларни ўтказишда видеоконфренциядан фойдаланган унумлидир. ! Интернет фойданувчилари сони ҳар сонияда ўсиб бормоқда. Шунинг учун Интернетда мулоқот қилиш имкониятидан тадбиркорликни жадаллаштириш мақсадида фойдаланиш мақсадга мувофиқдир. Интернетда мулоқот қилиш имкониятлари ҳам ривожланаётганини ҳисобга олинг ва улардан бохабар бўлишни унутманг. ! Интернет мулоқотдан мақсадли равишда унумли фойдаланишга ҳаракат қилинг ва мулоқот қонунқоидаларига риоя қилинг.

Адабиётлар : 1. “Ўзбекистон Республикаси ахборот ресурсларини тайёрлаш ва уларни маълумотларни узатиш тармоқларида, шу жумладан, Интернетда тарқатиш тартиби тўғрисидаги низомни тасдиқлаш тўғрисида”, Ўзбекистон Республикаси Вазирлар Маҳкамасининг қарори, 137-сон, 1999 йил 26 март. 2. Указ Президента Республики Узбекистан "О дальнейшем развитии компьютеризации и внедрении информационнокоммуникационных технологий" (30 мая 2002 г. № УП-3080) 3. “Ахборотлаштириш тўғрисида” ги 2003 йил 11 декабрь 560-II-сон Ўзбекистон Республикаси Қонуни. 4. “Давлат ва хўжалик бошқаруви, маҳаллий давлат ҳоқимияти органларининг ахборот-коммуникация технологияларидан фойдаланган ҳолда юридик ва жисмоний шахслар билан ўзаро ҳамкорлигини янада такомиллаштириш чора-тадбирлари тўғрисида”, Ўзбекистон Республикаси Вазирлар Маҳкамасининг қарори, 181-сон, 2007 йил 23 август. 5. “Интернет тармоғида Ўзбекистон Республикасининг Ҳукумат порталини янада ривожлантириш чора-тадбирлари тўғрисида”, Ўзбекистон Республикаси Вазирлар Маҳкамасининг қарори, 259сон, 2007 йил 17 декабрь. 6. O‘zbekiston Respublikasi Vazirlar Mahkamasining 2012-yil 30-dekabrdagi “Interaktiv davlat xizmatlari kо‘rsatishni hisobga olgan holda Internet tarmog‘ida O‘zbekiston Respublikasining Hukumat portali faoliyatini yanada takomillashtirish chora-tadbirlari tо‘g‘risida”gi 378-son qarori.

Похожие

Интернетда тез мулоқот қилиш имкониятлари

Интернетдан фойдаланиш ва уни ўрнатиш тартиблари

Интернетда мавжуд хизматлар турлари

Интернетда ахборот таъминоти ва хавфсизлиги

Ахборот технологиялари ва улардан фойдаланиш йўллари