Интернетда бизнесни юритиш ва ривожлантириш тартибидан унумли фойдаланиш - Информатика и ИТ - Рефераты

Интернетда бизнесни юритиш ва ривожлантириш тартибидан унумли фойдаланиш

Загружено в:

22.09.2023

Скачано:

0

Размер:

1893 KB

Интернетда бизнесни юритиш ва ривожлантириш тартибидан унумли фойдаланиш Режа: 1. Электрон ҳукумат тушунчаси билан танишиш 2. “Электрон ҳукумат” тизими 3. Ягона интерактив давлат хизматлари портали ҳақида 4. Давлат интерактив хизматлари тавсифи 5. Ягона интерактив давлат хизматларидан фойдаланиш тартиблари 6. Тадбиркорлар учун имкониятлар ва улардан фойдаланиш тартиби 7. Интерактив хизматлардан фойдаланиш бўйича тавсиялар

Электрон ҳукумат тушунчаси билан танишиш Электрон ҳукумат (инглиз тилида e-goverment, электрон ҳукумат ёки электрон давлат маъносини англатади) – бу фуқароларга, бизнесга, ҳукуматнинг бошқа тармоқлари ва давлат ходимларига ахборот технологиялари ёрдамида ахборотни тақдим этиш ва давлат хизматларини кўрсатишни такомиллаштиришдир. Бунда давлат ва фуқаро ўртасидаги алоқага минимал вақт сарф этилади. Электрон ҳукумат тушунчаси 1990 йилда пайдо бўлган. Электрон ҳукумат ёрдамида давлат ва фуқаро ўртасидаги мулоқот тезроқ ўрнатилади, чунки фуқаролар ҳукумат ташкилотларига Интернет орқали тўғридан-тўғри мурожаат этиш имконига эга бўладилар. Бу албатта, ахборот технологияларидан унумли фойдаланишни тақозо этади. Электрон ҳукумат ахборот технологиялари тараққиёти маҳсулидир. Электрон ҳукумат бу давлат ва фуқароларнинг АКТ ёрдамидаги ўзаро мулоқотидир. «Электрон ҳукумат» қуйидаги вазифаларни амалга оширади: • Аҳоли ва бизнесга давлат хизматлари кўрсатилишини оптималлаштириш; • Барча сайловчиларнинг мам-лакат бошқаруви жараёнларида иштирокини такомиллаштириш; • Фуқароларнинг ўз-ўзига хиз-мат кўрсатиш имкониятларини кенгайтириш ва қўллаб- қувватлаш; • Аҳолининг технология соҳа-сидаги билим ва малакаларини ошириш; • Хизмат кўрсатилишига гео-график муҳит омилининг таъсирини камайтириш.

Электрон ҳукумат қуйидагиларни таъминлайди: • Бошқарув самарадорлиги ва кам харажатлилиги; • Фуқаролар ва ҳукумат ўзаро алоқаларининг такомиллашуви; • Демократиянинг ривожланиши ва ҳукуматнинг аҳоли олдида масъулияти ошиши. Электрон ҳукумат тизими дунёда фаол татбиқ қилинмоқда. ушбу тизим давлат бошқарувини, давлат ва тадбиркорлар ўртасидаги ўзаро алоқани мустаҳкамлаш орқали бизнесжараёнларни самарали ривожлантиришни, фуқароларга давлат xизматларини интерактив шаклда тақдим этиш имкониятларини яратади. Электрон ҳукумат асосий тамойилларидан бири – барча фуқаролар, ихтиёрий манзилдан ва ихтиёрий пайтда ҳукуматга мурожаат қилиш имкониятини яратишдан иборат. Электрон ҳукумат фуқароларга 24 соат давомида, унинг қайси манзилда ва қачон бўлишидан қатъий назар, давлат билан алоқада бўлиш имкониятини таъминлашдан иборат. Электрон ҳукуматда қуйидаги алоқа турлари мавжуд бўлади: • Давлат ва фуқаролар ўртасидаги алоқалар (G2C- Government-to- Citizen); • Давлат ва тадбиркорлик ўртасидаги алоқалар (G2B –Government-to-Business); • Давлат бошқаруви турли соҳалари ўртасидаги алоқалар (G2G - (Government-to-Government); Республикамизда ҳам бир неча йиллардан буён, аҳоли ва юридик шаxсларга интерактив давлат xизматлари давлат веб-сайтлари орқали амалга оширилмоқда. Ўзбекистон Республикасида 2013-2017 йилларда “Электрон ҳукумат” тизимини шакллантириш бўйича Концепция ва Комплекс дастури ишлаб чиқилган. унда “Электрон ҳукумат” тизимини шакллантириш ва ривожлантириш бўйича асосий вазифалар белгиланган ва тизимни жорий этиш самарадорлигини баҳолаш бўйича кўрсаткичлар ишлаб чиқилган.

уларга асосан Ўзбекистон электрон ҳукумати тизимида қуйидаги алоқа турлари мавжуд: • Давлат ва фуқаролар ўртасидаги алоқалар (G2C – ДавлатФуқаролар учун); • Давлат ва чет эл фуқаролари билан алоқалар (G2F – Хорижий фуқароларга) • Давлат ва тадбиркорлик ўртасидаги алоқалар (G2B – Давлат Тадбиркорликка); • Давлат бошқаруви турли соҳалари ўртасидаги алоқалар (G2G, Ҳукумат билан алоқа). Электрон ҳукумат тушунчаси ва вазифалари билан танишдик. Қуйида ушбу тизим ва Ягона интерактив давлат хизматлари портали вазифалари ҳамда улардан фойдаланиш тартиблари келтирилади. “Электрон ҳукумат” тизими “Электрон ҳукумат” тизими “Электрон ҳукумат” тизимини ривожлантириш маркази томонидан бошқарилади. “Электрон ҳукумат” тизимини ривожлантириш маркази Ўзбекистон Республикаси Ахборот технологиялари ва коммуникацияларини ривожлантириш вазирлиги қошида ҳукуматнинг 250-ВМқ сонли қарорига асосан 2013 йилда ташкил этилган. Марказ қуйидаги вазифаларни бажаради: • “Электрон ҳукумат” тизимини ривожлантириш ва такомиллаштириш стратегик йўналишларини ишлаб чиқариш. • Тизимни шакллантиришда ягона технологик ёндашувни таъминлаш. • “Электрон ҳукумат” тизимини самарали татбиқ қилиш бўйича амалдаги меъёрий-ҳуқуқий базаларни такомиллаштириш бўйича таклифлар тайёрлаш.

• Давлат органлари фаолиятидаги АКТ самарадорлигини ўрганиш ва уни баҳолаш тизимини жорий этиш. • “Электрон ҳукумат” тизими лойиҳаларини амалга ошириш доирасида йўналтирилган индикаторлар ва кўрсаткичларни аниқлаш. • Интерактив давлат хизматларининг самарали тақдим этилиши ва фойдаланишининг асосий кўрсаткичларини аниқлаш методикасини ишлаб чиқиш. Ўзбекистонда Электрон ҳукуматни жорий қилишнинг асосий мақсади қуйидаги имкониятларни амалга оширувчи такомиллашган давлат бошқаруви электрон аппаратини яратишдир: • интерактив хизматларини тақдим этиш, • ҳукумат органлари фаолиятининг ҳисоботларини бериб бориш, • хизматлардан осон фойдалана олиш, • сиёсий жараёнларда фуқароларнинг натижали иштироки ва хабардорлигини ошириш, • эркин ахборот алмашуви, • аҳоли ва тадбиркорлик учун давлат хизматларини тақдим этишда қулай шароитлар яратиш, • фуқароларнинг ўз-ўзига хизмат кўрсатиш имкониятларини кенгайтиришни қўллаб-қувватлаш, • барча сайловчиларнинг бошқарув жараёнларида ва давлат бошқарувида иштирок этиш имкониятларини ошириш.

Электрон ҳукумат архитектураси Марказ веб-саҳифаси – www.egoverment.uz манзилида жойлашган. унинг бош саҳифаси кўриниши қуйи дагича: унда электрон ҳукумат, матбуот маркази, хизматлар, марказ ҳақида, ресурслар, форум, қидирув тизими мавжуд. Шу билан бирга, фуқаролар, хорижий фуқаролар, тадбиркорларга ва ҳукумат билан алоқани амалга оширишни таъминловчи бўлимлар бор. улардан тўғридан-тўғри тарзда фойдаланиш мумкин. Машқ: www.egoverment.uz манзилига кириб, “Электрон ҳукумат” тизимини ривожлантириш маркази фаолияти ва тадбиркорлар учун имкониятлари билан танишинг. Ягона интерактив давлат хизматлари портали ҳақида Ягона интерактив давлат хизматлари порталининг мақсади фуқароларга интерактив давлат хизматларини кўрсатишдир. у ягона ойна режимида

фаолият кўрсатади ва интерактив давлат хизматларидан фойдаланишнинг ягона нуқтаси ҳисобланади. Ягона портал замонавий технология ёрдамида фойдаланувчининг интерактив давлат хизматларидан фойдаланиш имкониятларини кенгайтириш учун мўлжалланган. Унинг вазифалари: • фойдаланувчиларга давлат органларига тўғридан-тўғри мурожаат қилиш учун имконият бериш; • фойдаланувчиларни АКТ соҳасидаги бошқа лойиҳалар билан интеграциялаш; • фойдаланувчиларнинг давлат органлари билан ўзаро ҳамкорлиги самарадорлигини ошириш; • давлат органларига мурожаат қилинганда, фойдаланувчилар учун бюрократик тўсиқларни қисқартириш ва уларни бартараф этиш; • “электрон ҳукумат” ни янада ривожлантириш ва давлат бошқарувига замонавий АКТ ни жорий этишда кўмаклашиш. Ягона интерактив давлат хизматлари портали 2013 йил 1 июлда ишга туширилди. у қуйидаги имкониятларга эга: • Давлат ташкилотлари ва хизматларига оид маълумотлардан фойдаланиш. • Давлат хизматидан фойдаланиш учун электрон шаклдаги сўровларни ва бошқа ҳужжатларни тўлдириш имконияти. • Давлат хизматидан фойдаланиш учун сўров (Ариза) юбориш. • Сўровларни ихтиёрий пайтда ва манзилдан юбориш. • Сўров қабул қилиниши учун навбатда туриш зарурати бўлмайди. • Сўровни юборувчи аризасининг бажарилишига оид маълумотлардан ихтиёрий пайтда хабардор бўлиш имконияти. • Давлат хизматлари берилиши ҳақидаги сўровни бериш. • Давлат хизмати сўрови натижаларини олиш имконияти. • Давлат хизмати берилиши тўловини амалга ошириш.

Ягона интерактив давлат хизматлари портали қуйидаги – www. my.gov.uz манзилида жойлашган. Портал қуйидаги бўлимлардан ташкил топади: • Барча хизматлар. • Барча ташкилотлар. • Қисқа рақамлар. • Тадбиркорлик. • нҲҲ (норматив-ҳуқуқий ҳужжат) муҳокамаси. Портал давлат интерактив хизматларидан фойдаланиш учун рўйхатдан ўтиш зарур. Рўйхатдан ўтгандан сўнг фойдаланувчи шахсий кабинетига эга бўлади. Рўйхатдан ўтиш тартиби билан қуйида танишамиз. Фойдаланувчининг шахсий кабинети – бу интерактив давлат хизматларини олишда давлат органлари билан ўзаро муносабатлар учун ўзида фойдаланувчи тўғрисидаги маълумотлар, шу жумладан, шахсий маълумотлар мавжуд бўлган Ягона порталдаги электрон ресурсдир. Ягона Портал фойдаланувчилари сони ва сўровлари сони кунданкунга кўпайиб бормоқда. Сўровлар фуқаролар, юридик шахслар ва тадбиркорлардан тушмоқда. Тадбиркорлардан сўровлар кўпроқ юборилмоқда. Сўровлар динамикаси билан қуйидаги диаграммаларда танишиш мумкин.

Ягона Портал орқали юборилган сўровлар статистикаси Шундай қилиб, Ягона портал орқали рўйхатдан ўтган фойдаланувчилар сони ошиб бормоқда. Портал имкониятларидан фойдаланишни кенгайтириш мақсадида Ягона портал имкониятлари тақдимотлари ва тренинглари талабалар, тадбиркорлар ва хизматчилар доирасида ўтказилмоқда. Давлат интерактив хизматлари тавсифи Ягона порталда интерактив давлат хизматлари рўйхати Барча хизматлар , Барча ташкилотлар ва Тадбиркорлик бўлимларида келтирилади. Майдон тугмачасини босиш натижасида, унда мавжуд бўлган соҳалар рўйхати ҳосил бўлади. Ҳар бир соҳа имкониятлари рўйхати ва тавсифи унинг майдонида келтирилади. Барча хизматлар бўлимига кириш натижасида қуйи даги соҳалар рўйхати экранда ҳосил бўлади:Топшириқ: www.my.gov.uz манзилига киринг ва Ягона Портал интерактив хизматлари тавсифи билан танишинг.

Пастдаги Бар ча соҳалар тугмачасини босиш натижасида барча соҳалар рўйхати экранда ҳосил бўлади. Қуйидаги расмларда улар билан танишиш мумкин: Агар соҳаларни экранда қисман кўрмоқчи бўл сангиз, ўнгдан пастдаги Ёпиш тугмачасини босишингиз етарли. Фуқаролик соҳаси бўйича давлат хизматлари билан танишиш учун унга кириш зарур. натижада ушбу соҳага оид давлат хизматлари рўйхати келтирилади. Қуйидаги менюда Фуқаролик соҳасига оид хизматлар рўйхати билан танишишингиз мумкин:

Келинг, энди Барча ташкилотлар бўлими имкони ятлари билан та нишайлик. ушбу бўлимга кириш натижасида қуйидаги ташкилотлар (тоифалар) рўйхати экранда намоён бў лади: Агар Сиз ташкилотларни экранда қисман кўрмоқчи бўлсангиз, ўнгдан пастдаги Ёпиш тугмачасини босишингиз етарли бўлади. Ташкилот хизматлари билан танишиш учун ташкилот майдонини очишингиз етарли. натижада ташкилот тизими экранда ҳосил бўлади. Ҳар бир ташкилот ўз тизимига эга, улар билан танишиш учун ташкилотга кириш керак. Давлат хизматларидан фойдаланиш учун одатда, ҳар бир ташкилотнинг офисига бориш ва зарур бўлган бўлим ва сўнг хонага киришингиз керак

бўлади. Давлат интерактив хизматидан фойдаланиш учун одатдагидек ташкилотнинг офисига эмас, балки виртуал офисига, виртуал бўлими ва виртуал хоналарига кириш зарур бўлади. Лекин бунда офисдан – бўлимга, бўлимдан – хонага кириш учун деярли вақт сарфламайсиз. Қириш учун навбатда турмайсиз. Агар зарур хонани топишда қийналсангиз, корхона қабулхонаси ходимига мурожаат қилиш мумкин. у Сизни зарур манзилга зудлик билан етказади. Келинг, Вазирлик лар интерактив хизматлари билан танишайлик. Бунинг учун унга кириш етарли, натижада экранда қуйидаги рўйхат ҳосил бўлади: Ҳар бир вазирлик давлат реестрида қайд қилинган интерактив хизматларини кўрсатади. Вазирлик ўз соҳаси доирасида қайд этилган реестр бўйича давлат интерактив хизматларини кўрсатади. улар билан танишиш учун Вазирлик майдонига кириш етарли бўлади. натижада экранда хизматлар рўйхати тақдим этилади. Тадбиркорларга оид давлат хизматлари тавсифи 5.6. параграфда келтирилади. Ягона портал фойдаланувчилар учун янги давлат интерактив хизматларини яратиш бўйича таклифларни киритиш имкониятига ҳам эгадир. Бунинг учун Барча хизматлар бўлимида Хизматни таклиф этиш майдонидан фойдаланиш зарур. натижада экранда таклиф киритиш учун қуйидаги шакл ҳосил бўлади.

Унда зарур майдонларни киритиб ёки белгилаб, таклифни юбориш зарур. Таклиф бўйича жавоблар ўрнатилган тартибда олувчи томонидан юборилади. Ягона порталга боғланган ташкилотлар бўйича маълумот қуйидаги шаклда тасвирланган: Шаклдаги маълу мотлар асосида Ягона портал фойдаланувчилари барча давлат ташкилотларига мурожаат қилиш имконига эга эканлигини кў риш мумкин. Шунинг учун портал фойдаланувчилари сони ўсиши табиийдир. Ягона порталда бошқа хизматлар ҳам мавжуд. Қисқа рақамлар бўлимида тезкор хизмат ва ишончли хизмат рўйхати ва телефонлари келтирилади. Вакансия хизмати ҳам мавжуд. унинг ёрдамида давлат ташкилотларига фойдаланувчилар иш бўйича аризалар юбориши мумкин. Вакансиялар бўйича охирги маълумот статистикаси порталда мавжуд. Қуйидаги дарчада ушбу маълумот билан танишиш мумкин:

Ягона порталда норматив-ҳуқуқий актлар ва концепция лойиҳалари муҳокама этилади. Келажакда қарор ва қонунлар муҳокамасида барча фойдаланувчилар иштирок этиши, тавсия ёки фикр-мулоҳазалар билан ўз ҳиссасини қўшиши мумкин. Шундай қилиб, Ягона портал давлат интерактив хизматлари тавсифи билан танишдик. улар бизнесни юритиш, такомиллаштириш ва ривожлантириш мақсадида давлат интерактив хизматларини тўғри танлашда сизга ёрдам беришига ишонамиз. Ягона интерактив давлат хизматларидан фойдаланиш тартиблари Ягона порталдан фойдаланиш учун унда рўйхатдан ўтиш зарур. Рўй хатдан ўтиш қуйи даги усулларда амалга оширилади:Топшириқ : www. my. gov. uz манзилига киринг ва Ягона Портал интерактив хизматлари тавсифи билан танишинг.

Келтирилган усуллардан бирини танлаш, масалан, SMS орқали тасдиқлаш усулини танлаш натижасида қуйидаги шакл ҳосил бўлади: Ушбу шаклда зарур бўлган майдонларни тўлдиринг. улар қизил “*” белгиси билан белгиланган. Майдонларни тўлдиришда рўй хатдан ўтиш йўриқномасидан фойда ланишингиз мумкин. Ягона портал қоидаларини эъти бор билан ўқиб чи қинг. Майдонларни тўлдириб бўлганингиздан кейин Рўйхатдан ўтиш тугмачасини босинг. Рўйхатдан ўтиш натижасида, сиз Ягона порталда шахсий кабинетга эга бўласиз. Рўйхатдан ўт гандан сўнг сиз алоқа учун қуйидаги имкониятлардан фойдаланишингиз мумкин бўлади:

Давлат ташкилотларига Ягона порталдаги шахсий ариза ва таклифлар юбориш, қабулга ёзилиш ҳамда телефон орқали мурожаат этишингиз мумкин бўлади. Ягона портал давлат интерактив хизматларидан фойдаланиш тартиблари: • Фойдаланувчи давлат интерактив хизматидан фойдаланиш рухсатнома асосида амалга оширилади. • Фойдаланувчи аризасига асосан рухсатнома бериш ва уни беркитиб ёки ёпиб қўйиш ҳуқуқларига “Ўзинфоком” маркази ёки Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги компьютерлаштириш марказлари эга, яъни ушбу марказлар ушбу фаолиятни олиб бориш ваколатига эга ва масъул марказлар ҳисобланади. • жисмоний шахслар (ариза ва паспорт асосида) ва юридик шахс лар (ариза ва рўйхатдан ўтказилганлиги тўғрисидаги гувоҳнома асосида) учун шахсий кабинетдан эркин фойдаланишга рухсатнома бир ёки икки кун мобайнида масъул марказлар томонидан берилади. • Фойдаланувчи ўзи тўғрисидаги ҳар қандай маълумотлар ўзгарганда беш кун муддатда бу ҳақда масъул марказга хабар бериши шарт. Ягона портал орқали интерактив давлат хизматларидан фойдаланиш тартиблари Ягона портал низомида батафсил келтирилган [8]. Қуйида аризани бериш, жавоб бериш, рад этиш, кўриб чиқиш тартиби ва муддати ҳамда назоратига оид тартибларини қисқача келтирамиз. Аризани бериш тартиби • Фойдаланувчилар шахсий кабинет орқали ўз мурожаатларини Ўзбекистон Республикаси Вазирлар Маҳкамасига ва давлат ташкилотларига юборишлари мумкин. • Мурожаат бир вақтнинг ўзида Ўзбекистон Республикаси Вазирлар Маҳкамасига ҳамда мурожаатларда қўйилган масалаларни ҳал этиш ваколатига кирадиган бир нечта давлат органларига юборилиши мумкин.

• Фойдаланувчи шахсий кабинетидан юборган мурожаат элект рон рақамли имзо ва уларни идентификацияловчи бошқа ҳужжатлар билан тасдиқланиши керак. • Фойдаланувчи аризага зарур ҳужжатлар, хатлар ва расмларни илова қилиши мумкин. Аризани қабул қилиш тартиби: • Масъул ходим ариза қабул қилинганлиги тўғрисида фойдаланувчига хабар жўнатади. Аризага жавоб бериш тартиби: • Фойдаланувчи аризасига жавоб кўрсатилган почта манзилига юборилади. • Фойдаланувчи аризаси мурожаатлар учун белгиланган тартиб ва муддатда кўриб чиқилади. • Фойдаланувчи аризасига жавоб олувчининг ёки бошқа ваколатли ходимнинг электрон рақамли имзоси билан тасдиқланади. Ариза рад этилиш тартиби: Қуйидагилар фойдаланувчи мурожаатини кўриб чиқишни рад этиш учун асос ҳисобланади: • Одобсизлик мазмунидаги мурожаатлар (ахлоқсиз ёхуд ҳақоратли иборалар, таҳдидлар, мантиқ ва маъноси бўлмаган таклифлар ва шунга ўхшаш мурожаатлар). • Матнда тушунарсиз қисқартиришлар ёки реклама материаллари мавжуд бўлган аризалар. • Таркибида аниқ аризалар, шикоятлар ёки таклифлар бўлмаган мурожаатлар. • Рад этишнинг асосланган сабаблари кўрсатилган рад жавоби фойдаланувчига бир иш куни мобайнида юборилади. • Ариза ваколатига кирмайдиган давлат органларига тушганда, у беш кун муддатда, фойдаланувчи хабардор қилинган ҳолда тегишли органга юборилади.

Аризаларни кўриб чиқиш тартиби: • Фойдаланувчи шахсий кабинет орқали берилган аризаси мажбурий қабул қилиниши ва кўриб чиқилиши керак, қонун ҳужжатларида назарда тутилган ҳоллар бундан мус тасно. Бунда ушбу мурожаат Масъул ходим электрон почтасига келиб тушган сана – мурожаат қабул қилинган сана ҳисобланади. Аризаларни кўриб чиқиш муддати: • Таклифлар – бир ойгача муддатда. Агар қўшимча ўрганишлар талаб қилинса, бу тўғрида фойдаланувчи ўн кун муддатда хабардор қилинади. Бунда муддат ариза олувчига тушгандан бошлаб ҳисобланади. • Ариза ёки шикоятлар – ўн беш кун муддатда. Агар қўшимча ўрганиш ва (ёки) текшириш ўтказиш, қўшимча ҳужжатлар талаб этилса – бир ойгача муддатда. Бунда муддат ариза Масъул ходимга тушгандан бошлаб ҳисобланади. Ариза назорати ва жавобгарлик тартиби: • Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича давлат инспекцияси интерактив давлат хизматлари кўрсатиш тартибига риоя қилиниши юзасидан назоратни амалга оширади. • Давлат ташкилотлари раҳбарлари ва Ўзбекистон Республикаси Вазирлар Маҳкамасининг таркибий бўлинмалари Ягона портал орқали кўрсатиладиган интерактив давлат хизматлари кўрсатишнинг асоссиз рад этилганлиги ва хизматлар сифатсиз кўрсатилганлиги учун жавоб берадилар. • Фойдаланувчи аризада нотўғри маълумотлар берганлиги, уйдирма ва ҳақоратлар бўлган мурожаатлар узатганлиги учун қонун ҳужжатларида белгиланган тартибда жавоб беради.

Ягона порталдан фойдаланишнинг фойдаланувчи учун баъзи имкониятлари • Коммунал хизмат, электр энергия ва сув истеъмолчилари ушбу хизмат харажатлари ҳақидаги шаxсий маьлумотлардан фойдаланиш имконияти яратилди. Бу имкониятдан фойдаланиш тартиби жуда осондир. ушбу хизматга доир ариза ва шикоятларни Ягона портал орқали тезда жўнатиш ва ҳал қилиш имконияти яратилди. Бунда аризага ҳужжатлар ва расмларни илова қилиш имконияти мавжуд. • Чет эл фуқаролари Ўзбекистонга виза расмийлаштириш учун интерактив хизматдан фойдаланиши мумкин. Бунинг учун ҳамкасб ёки дўстларини безовта қилиш зарурати йўқолди. • Ягона портал самарали имкониятларидан бири алоқа натижалари СМС хабарлар ёрдамида жў на ти лишидир. Бу ало қани қулай ва самарали бўлишини таъминлайди. Чунки фойдаланувчи ариза етиб борганлиги ва ишга тушганлиги ҳақида хабардор бўлади ва бу ҳақда Ягона порталдан хабарлар ёзиб, ходимларни қўшимча саволлар ва эътибор билан безовта қилмайди. натижада фойдаланувчи безовта бўлмайди ва ходимлар қулай шароитда ариза кўрилиши тартибига риоя қилган ҳолда ишини давом эттиради.

• Ягона порталнинг «MYGOV» мобил иловаси 2014 йилда яратилган. ундан фойдаланиш жуда қулайдир. Бу имконият фойдаланувчига 24 соат давомида ихтиёрий жойдан Ягона порталга аризалар юборишни, ариза натижаларидан хабардор бўлиш имкониятини яратади. Бунинг учун Интернет зарурлиги Сизга маълум. «MYGOV» мобил иловаси фойдаланувчилари сони кундан-кунга кўпаймоқда. Топшириқ: Ягона порталга ( www.my.gov.uz ) киринг ва унда рўйхатдан ўтинг, ўз шахсий кабинетингизга кириб, ўзингиз ҳақингиздаги маълумотларни янгиланг. Ягона порталда мурожаатларни кўриб чиқиш ва назорат қилиниши тартиблари билан танишинг.

Тадбиркорлар учун имкониятлар ва улардан фойдаланиш тартиби Ягона портал тадбиркорлар учун махсус бўлимга эга эканлигини юқо рида таъкидлаган эдик. Келинг, Ягона порталнинг тадбиркорлар учун имкониятлари билан танишайлик. Авваламбор, Тадбиркорлик бўли мига кирайлик. натижада қуйидаги рўйхат экранда ҳосил бўлади: Ҳар бир тоифа ўз рўйхатига эга. Келинг, Юридик шахс ташкил этган тадбиркорлик субъектини рўйхатдан ўтказиш тоифасига кирайлик. натижада экранда қуйидаги рўйхат ҳосил бўлади: учун турли ташкилотларга бориб, вақтингизни сарфлаш ва кутиш зарурати йўқолди. Албатта, корхонани одатдаги усулда ҳам қайд қилишингиз мумкин. Ягона портал ёрдамидан фойдалансангиз, вақтингизни ва харажатларни камайтирасиз. Келинг, юридик корхонани рўй хатдан ўтказиш тартиби билан танишайлик. Бў лимда рўйхатдан ўтиш учун зарур ҳужжатлар рўйхати келтирилган.ушбу рўйхатда зарурини танла-шингиз мумкин. Ягона портал ёрдамида корхонани рўйхатдан ўтказишингиз мумкин. Бунинг

Кўрсатилган ҳуж жатларни тайёрлаб, аризани шахсий кабинетингиздан юборишингиз зарур. натижани олиш усулини аризада кўрсатиш лозим. Қуйидаги дарчада хизмат натижасига оид маълумотлар тавсифланган. Ушбу хизмат кўрсатиш муддати – 2 кун ва хизмат нархи – 1 минимал иш ҳақи миқдорида тўланади. Мазкур тартиб ушбу хизматнинг қулайлигини ва самарадорлигини тасдиқлайди. Тадбиркорлар учун баъзи имкониятлар Коммунал хизматларини таъминлаш борасидаги тадбиркорларнинг шикоятлари учун махсус бўлим мавжуд. ушбу бўлим имкониятлари билан батафсил танишиш учун унга кириш зарур. Зарур хизматни танлаб электрон шикоятни юбориш зарур. Шикоят масъул ходим ва мутахассислар томонидан кўриб чиқилади ва натижа кўрсатилган муддатда юборилади. Бунинг учун коммунал хизмати ташкилотларига бориб, зарур бўлимни ва ходимни топиш, унинг қабулига кириш учун навбатда туриш, қўшимча маълумот зарур бўлса, у билан қайта-қайта учрашиш зарурати бўлмайди. Бу

эса тадбиркорнинг вақтини тежайди. Тежалган вақтни тадбиркор бизнесни юритишга, ривожлантиришга, малакасини оширишга сарфлаш имконига эга бўлади. Ўлчов воситаларини метрологик текширувдан ўтказишни ҳам электрон ариза ёрдамида амалга ошириши мумкин. Бунинг учун қуйидаги махсус бўлимдан фойдаланиш зарур: Корхона статистик ҳисоботлар бўйича савол ва аризаларни Барча хизматлар бўлимида ёки Барча ташкилотлар бўлимидаги махсус тоифа ёрдамида амалга ошириши мумкин. Корхона статистика ҳисоботларни тадбиркорлик субъектларидан электрон кўринишда йиғиш ва қайта ишлаш тизими ёрдамида жўнатиши мумкин. Солиқ юзасидан савол ва аризаларни Барча хизматлар бўлимида ёки Барча ташкилотлар бўлимидаги махсус тоифа ёрдамида амалга ошириши мумкин. Корхона солиқ ҳисоботларни тадбиркорлик субъектларидан электрон кўринишда йиғиш ва қайта ишлаш тизими ёрдамида жўнатиши мумкин. Тадбиркор Ягона порталнинг деярли барча хизматларидан, жумладан, божхона ва архив каби хизматларидан фойдаланиш мумкин. Шу билан бирга, савол ва таклифлари билан мақсадли равишда тегишли ҳукумат ташкилотлари билан интерактив тарзда боғланиши мумкин. Машқ: www.my.gov.uz манзилига киринг ва Ягона Портал тадбиркорлар учун интерактив хизматлари тавсифи билан танишинг. Хизматлардан унумли фойдаланишни режалаштиринг. Янги корхонани рўйхатдан ўтказиш тартиби билан танишинг.

Интерактив хизматлардан фойдаланиш бўйича тавсиялар • Электрон ҳукумати тизимини ривожлантириш маркази янгиликлари ва ҳисоботлари билан мунтазам равишда, танишиб боринг. ушбу маълумотлар тадбиркорликни юритиш малакасини оширишда асқотади. Корхона ходимларига ҳам ушбу янгиликлардан ва ҳисоботлардан бохабар бўлишни тавсия қилинг. • Ягона портал янгиликларини мунтазам равишда, кузатиб боринг, чунки порталга янги имкониятлар киритилади. ушбу имкониятлар тавсифи ва фойдаланиш тартиблари билан танишинг. • Ягона портал сўровлари билан танишиб боринг, айниқса, тадбиркорлар сўровлари мазмуни Сизга ҳам корхона фаолиятида фойдали бўлиши мумкин. • Ходимлар АКТ малакасини ошириш борасида семинар ва тренинглар ташкил қилиниши мақсадга мувофиқ. Чунки АКТ жадал тараққиёти мунтазам равишда, янги билим ва кўникмаларни эгаллашни талаб қилади. Бу эса АКТдан бизнесда самарали фойдаланишни таъминлайди. • Электрон ҳукумат давлат хизматлари одатдаги хизматни инкор этмайди. Аксинча, давлат хизматининг ўзингизга қулай бўлган усулини танлаш имконига эга бўласиз, лекин электрон ҳукуматнинг ривожланиши фуқароларга хизмат кўрсатишни тезлаштириб ва қулайлаштириб боради. • Ариза юборганда ариза мазмуни аниқ ёзилган ва зарур маълумотлар кўрсатилиши ҳамда зарур ҳужжатлар, хатлар ва расмларни илова қилиш тавсия этилади. Бу аризангизнинг тезда кўриб чиқилишини таъминлайди. • Электрон ҳукуматини ривожланишида оммавий ахборот воситаларининг роли жуда каттадир. Оммавий ахборот воситаларидаги янгиликлар ва шарҳларни ўқинг ва Ягона портал янгиликларидан фойдаланинг. ! Ягона портал янгиликлари билан мунтазам равишда танишинг. Унинг имкониятлари доимий такомиллашиб ва кенгайиб боришини ҳисобга олинг.

! Ягона порталда янги давлат лойиҳалари ва концепциялари муҳокамасида фаол қатнашинг, унда ўз тавсия, фикр ва мулоҳазаларингиз билан қатнашинг.

Адабиётлар : 1. “Ўзбекистон Республикаси ахборот ресурсларини тайёрлаш ва уларни маълумотларни узатиш тармоқларида, шу жумладан, Интернетда тарқатиш тартиби тўғрисидаги низомни тасдиқлаш тўғрисида”, Ўзбекистон Республикаси Вазирлар Маҳкамасининг қарори, 137-сон, 1999 йил 26 март. 2. Указ Президента Республики Узбекистан "О дальнейшем развитии компьютеризации и внедрении информационнокоммуникационных технологий" (30 мая 2002 г. № УП-3080) 3. “Ахборотлаштириш тўғрисида” ги 2003 йил 11 декабрь 560-II-сон Ўзбекистон Республикаси Қонуни. 4. “Давлат ва хўжалик бошқаруви, маҳаллий давлат ҳоқимияти органларининг ахборот-коммуникация технологияларидан фойдаланган ҳолда юридик ва жисмоний шахслар билан ўзаро ҳамкорлигини янада такомиллаштириш чора-тадбирлари тўғрисида”, Ўзбекистон Республикаси Вазирлар Маҳкамасининг қарори, 181-сон, 2007 йил 23 август. 5. “Интернет тармоғида Ўзбекистон Республикасининг Ҳукумат порталини янада ривожлантириш чора-тадбирлари тўғрисида”, Ўзбекистон Республикаси Вазирлар Маҳкамасининг қарори, 259сон, 2007 йил 17 декабрь. 6. O‘zbekiston Respublikasi Vazirlar Mahkamasining 2012-yil 30-dekabrdagi “Interaktiv davlat xizmatlari kо‘rsatishni hisobga olgan holda Internet tarmog‘ida O‘zbekiston Respublikasining Hukumat portali faoliyatini yanada takomillashtirish chora-tadbirlari tо‘g‘risida”gi 378-son qarori.

Похожие

Интернетда бизнесни юритиш ва ривожлантириш тартиби

Интернет технологиялари ҳақида нималарни билиш зарур

Интернетда тез мулоқот қилиш турлари ва улардан фойдаланиш тартиблари

Интернет ҳақида нималарни билиш зарур

Интернетда танишиш