Жазони ижро этиш муассасаларида режим - Юриспруденция - Рефераты

Жазони ижро этиш муассасаларида режим

Загружено в:

20.09.2019

Скачано:

0

Размер:

65.5 KB

Жазони ижро этиш муассасаларида режим РЕЖА: 1. Режимнинг асосий талаблари. 2. Маҳкумларни батамом ажратиб қўйиш ва қўриқлаш , маҳкумларни кийими. 3. Назорат ва текширувнинг техникавий воситалари 4. Маҳкумларни нарсалари ва буюмлари. Тинтув ва кўздан кечириш. 5. Жазони ижро этувчи муассасаларда тезкор қидирув фаолият. 6. Маҳкумларга нисбатан жисмонан куч ишлатиш. 7. Ўқ отар қуролни қўллаш тартиби. 8. Маҳкумларни телефон орқали сўзлашувлари ва ёзишмалари.

Жазони ижро этиш муассасаларида режим тушунчаси ва аҳамияти. Режимнинг моҳияти ва асосий талабалари. Режимни ташкил этишдан мақсад. Жазони ижро этиш муассасаларида режим талабларига кўра маҳкумлар кийими. Режим талабларига кўра маҳкумларни назорат қилиш, текширишнинг техникавий воситаларидан фойдаланиш, тинтув ва кўздан кечириш. Маҳкумларнинг нарса ва буюмларини текшириш. Жазони ижро этиш муассасаларида тезкор қидирув фаолиятлардан фойдаланиш мақсади, тартиби ва шартлари. Маҳкумларни нисбатан жисмоний куч ишлатиш, тинчлантириш кўйлагини ва махсус воситаларни ишлатиш тартиби, шартлари ва асослари. Маҳкумларни сақлаш шароитида ўқотар қурол воситаларидан фойдаланиш асослари, тартиби ва шартлари. Жазони ижро этиш муассасаларида режим талабларига мувофиқ алоҳида ҳолат жорий этиш тартиби ва шартлари. Жазони ижро этиш муассасаларида режим талабларига мувофиқ маҳкумларга бериладиган имтиёзлар. Маҳкумларнинг озиқ-овқат маҳсулотлари ва энг зарур нарсаларни сотиб олиши, маҳкумларнинг энг яқин қариндошлари ва бошқа шахслар билан учрашувлари, қисқа муддатли ва узоқ муддатли дийдор кўришув тартиби шартлари ва вақти. Маҳкумларнинг телефон орқали сўзлашуви ва ёзишмалари. Маҳкумларнинг посилка, йўқлов, бандерол ва пул жўнатмалари юбориши. Маҳкумларнинг адабиёт ва ёзув ашёларни сотиб олишлари тартиби. Маҳкумларнинг кинофильмлар, телекўрсатувлар кўриш ва радио эшитиш тартиби. Маҳкумларнинг соқчисиз ёки кузатувчисиз юришлари шартлари. Маҳкумларга алоҳида ҳолларда муассаса доирасидан четга чиқишларига рухсат берилиши тартиби ва шартлари. Маҳкумларнинг четга чиқиш тартибини бузганлари учун келиб чиқадиган ҳуқуқий оқибатлар. Жазони ижро этиш муассасаларида режим жазодан кўзланган мақсадга эришиш учун белгиланади.

Режим қуйидагиларни таъминлайди: Маҳкумларни батамом ажратиб қўйиш, уларни қўриқлаш ва назорат қилиб туришни; Маҳкумларни ҳуқуқлари ва қонуний манфатларини рўёбга чиқариш,шунингдек уларнинг ўз мажбуриятларини адо этишини; Муайян тоифадаги маҳкумларни алоҳида-алоҳида сақлашни; Муассаса турига қараб маҳкумларни ҳар-хил шароитда сақлаш; Маҳкумларнинг ва муассаса ҳодимларининг ҳавфсизлигини таъминлаш. Озодликдан маҳрум этишга ҳукм қилинган шахсларни батамом ажратиб қўйиш ва қўриқлаш,шунингдек улар сақланадиган ва меҳнат қиладиган обoектларни қўриқлаш Ўзбекистон Республикаси ИИВ томонидан қонун ҳужжатларида белгиланган тартибда амалга оширилади. Маҳкумлар кийими:жазони ижро этиш муассасаларида, манзил колонияларни истисно этганда,маҳкумлар белгиланган намунада кийим киядилар. Кийимнинг кўриниши Ўзбекистон Республикаси ИИВ томонидан белгиланади. Ички тартиб қоидаларида назарда тутилган ҳолларда маҳкумларга фуқаролик намунасидаги кийимдан фойдаланишга рухсат этилади. Озодликдан маҳрум этиш жойларидан қочиш ва бошқа жиноятларнинг,жазони ўташнинг белгиланган тартибини бузишларни олдини олиш,маҳкумлар ҳулқ-атвори тўғрисида зарур ахборот олиш учун жазони ижро этиш муассасаларида назорат ва текширувнинг аудиовизуал,электрон ва бошқа техникавий воситалардан фойдаланилади. Муассаса маъмурияти маҳкумларни назорат ва текширувнинг техникавий воситалари қўлланилаётганлигидан хабардор қилиши шарт. Назорат ва текширувнинг техникавий воситалари рўйхати, улардан фойдаланиш тартиби Ўзбекистон Республикаси ИИВ томонидан белгиланади.

Маҳкумларнинг ёнидан топилган фойдаланишга рухсат этилмаган нарсалар ва буюмлар муассаса бошлиғининг қарорига биноан олиб қўйилади,ҳамда маҳкум озод бўлгунга қадар сақлаш учун топширилади ёки йўқ қилиб ташланади,ёҳуд давлат фойдасига ўтказилади ва бу ҳақда тегишли хужжат тузилади. Озодликдан маҳрум этишга ҳукм қилинган шахслар,уларнинг буюмлари тинтув ўтказилиши ва кўздан кечирилиши мумкин. Шахсий тинтув маҳкум билан бир жинсда бўлган шахслар томонидан амалга оширилади. Турар жой бинолари уларда маҳкумлар бўлган чоғда тинтув қилишга кечиктириб бўлмайдиган ҳоллардагина йўл қўйилади. Жазони ижро этиш муассаси маъмурияти ушбу муассасага хамда маҳкумлар ишлайдиган обектларга кираётган ва чиқаётган шахсларни, транспорт воситаларини, буюмлари ва кийимини кўздан кечиришга хақли, қонун хужжатларида назарда тутилган ҳоллар бундан мустасно. Жазони ижро этиш муассасларида тезкор қидирув фаолияти: Маҳкумлар, муассаса ходимлари ва бошқа шахслар хавфсизлигини таъминлаш; Маҳкумлар мазкур муассасага етиб келгунга қадар содир этган жиноятларни аниқлаш ва фош этиш; Жиноятларни ва белгиланган сақлаш режимини бузиш ҳолларини аниқлаш ва уларнинг олдини олиш; Жазони ижро этувчи муассасада содир этилган жиноятларни фош этиш; Озодликдан маҳрум этиш жойларидан кочган маҳкумларни қидириш; Бошқа жиноятларни фош этишда ёрдам бериш мақсадида амалга оширилади. Тезкор қидирув фаолиятини жазони ижро этиш муассасаларининг тезкор хизмат ходимлари, шунингдек ваколатли органлар қонун ҳужжатларида белгиланган тартибда амалга оширилади.

Озодликдан маҳрум этишга ҳукм қилинган шахслар томонидан содир этилаётган жиноятлар ва ҳуқуқ бузарликларни тўхтатиб қолиш мақсадида, шунингдек уларни ушлаш чоғида, агарда бошқа усуллар билан муассаса маъмуриятининг қонуний талабларини таъминлашнинг иложи бўлмаса, маҳкумларга нисбатан жисмоний куч ишлатилиши мумкин. Жисмоний ишлатилиши натижасида маҳкумлар хаёти ва соғлигига зарар етказилган ҳар бир ҳодиса ҳақида прокурорга хабар қилинади. Тинчла н тириш кўйлаги: маҳкумларга нисбатан, агар улар жазавага тушсалар тинчлантириш кўйлагини қўллашга йўл қўйилади. Тинчлантириш кўйлаги тиббий ходим иштирокида қўлланилади, ҳамда уни қўллаш муддати икки соатдан ошмаслиги керак. Маҳсус воситалар жумласига резина таёқлар, қўл кишанлари ёки бошқача боғлаш воситалари, хизмат итлари, кўздан ёш чиқарувчи моддалар, чалғитма таoсир кўрсатувчи товуш мосламалари, тўсиқ-ғовларни бартараф этувчи воситалар, сув билан зарба берувчи ва зирхли машиналар, иншоатларни очиш, транспортни мажбуран тўхтатиш мосламалари ҳамда қонунда назарда тутилган бошқа воситалар киради. Маҳсус воситалар қуйидаги ҳолларда кўлланилади: Маҳкумларни муассаса маъмурияти вакилларига бошқа маҳкумларга ва ўзга шахсларга ҳужумини даф этиш чоғида; Маҳкумлар томонидан содир этилган оммавий тартибсизликлар, жамоат тартибини гуруҳ бўлиб тўхтатиш муассаса маъмуриятига ашадий бойсунмаётган ёки қаршилик кўрсатаётган ҳуқуқбузарликларни ушлаш чоғида; Гаровга олинганларни маҳкумлар эгалаб олган биноларни иншоатларни, хоналарни ва транспорт воситаларини озод қилиш чоғида; Маҳкумларни қўриқлаб бориш ва қўриқлаб туриш чоғида; Жазони ижро этиш муассасаларидан қочган маҳкумларни ушлаш чоғида;

Маҳсус воситалар қонунда назарда тутилган бошқа ҳолларда ҳам қўлланилиши мумкин. Маҳсус воситалар турлари, уларни ишлатиш интенсивлиги юзага келган вазият, ҳуқуқбузарлик хусусияти ва ҳуқуқбузарнинг шахсини инобатга олган ҳолда белгиланади. Аёллар, вояга етмаган шахслар ва ногиронлар томонидан қаршилик кўрсатган тақдирда маҳсус воситалар қўлланилиши мумкин. Ҳар қандан маҳсус воситалар ишлатилган тақдирда натижалари ҳақида прокурорга хабар қилинади. Ўқ-отар қуролини қўллаш тартиби:Ўқ отар қуролни қўлланшдан олдин қурол қўлланилиши мумкинлиги ҳақида огохлантириш ва юқорига қараб огоҳлантирувчи ўқ отиш керак. қуйидаги ҳолларда огохлантиришсиз қўлланилади: қўққисдан хужум қилинганда, қуролли хужумни ёки жангавор техникани, учиш опаратларини денгиз ва дарё кемаларидан фойдалангани ҳолда қилинган хужумни даф этишда, гаровга олинганларни озод қилишда, озодликдан маҳрум этиш жойларидан қурол билан, транспорт воситалари ёрдамида ёки юриб кетаётган транспорт транспорт воситалари ёрдамида ёки тунда кўриш чекланган шароитларда қочилганда. Ўқ отар қуролини қўллаш асослари: Алоҳида холларда, агар жиноятчини бошқа воситалар билан тўхтатишнинг иложи бўлмаса энг сўнгги чора сифатида ўқ отар қурол қўллашга йўл қўйилади. Маҳкумларга техникавий имкониятлар мавжуд бўлган тақдирда телефон орқали сўзлашув ҳуқуқи берилади. Телефон орқали сўзлашув текширув остида олиб борилади ҳамда ҳақи маҳкумнинг шахсий ҳисоб варағидан тўланади. Сўзлашув миқдори шароитига қараб белгиланади ва маҳкумни илтимосномасига кўра берилиши мумкин.

Озодликдан маҳрум этиш жойларида сақланаётган маҳкумларнинг телефон оркали сўзлашуви тақиқланади. Озодликдан маҳрум этишга ҳукум қилинган шахслар чекланмаган миқдорда хат ва телеграммаларни олиши ва жўнатиши мумкин. Маҳкумларни хатлари ва жўнатмалари цензурадан ўтказилади, жазони манзил колонияларда ўтаётган шахслар бундан мустасно. Озодликдан маҳрум этиш жойларида сақланаётган маҳкумлар ўртасида хат ёзишмалари фақат ўзаро қариндошлар ўртасида ва муассаса маъмуриятининг рухсати билан амалга оширилади. Прокурор номига йўлланган таклиф,ариза ва шикоятлар кўздан кечирилмайди ҳамда бир суткалик муддат ичида тегишлилиги бўйича жўнатилади. Маҳкумларга алоҳида ҳоллар ( якин қориндошнинг вафоти ёки ҳаёти учун хавфли бўлган оғир касалиги, унинг оиласига жиддий зарар етказган воқеа) муносабати билан бориш келиш учун кетадиган вақтни ҳисобга олмаган ҳолда етти суткагача бўлган муддатга жазони ижро этиш муассасасидан четга чиқишга рухсат этилиши мумкин. Маҳкум аризаси маъмурият томонидан бир сутка давомида қўриб чиқилади ва рухсатнома прокурор томонидан тақиқланади. қуйидагилар: Ўта хавфли рецидивистлар; Умрбод озодликдан маҳрум қилиш жазоси авф этиш тартибида узоқ муддатли озодликдан маҳрум қилиш жазоси билан алмаштирилган шахслар; Ўта оғир жинояти учун ҳукм қилинган шахслар; Мажбурий даволанишни ўтаётган ва юкумлик касаликка чалинган маҳкумларга четга чиқишга рухсат берилмайди. Четга чиқиш вақти жазони ўташ муддатига қўшилади. Четга чиқиш билан боғлиқ ҳаражатлар маҳкум маблағлари ҳисобидан ёки бошқа шахслар томонидан тўланади.

Маҳкумнинг белгиланган муддатда жойига қайтиб келишини қийинлаштирувчи кутилмаган ҳолатлар юз берган тақдирда у борган жойдаги ИИ Б бошлиғини қарорига биноан қайтиш муддати, жазони ижро этиш муассасаси маъмуриятини албатта огоҳлантирган ҳолда беш суткагача узайтирилиши мумкин. Маҳкум белгиланган муддатда жойига қайтишдан бўйин товлаган вақтда, у ИИБ томонидан ушланади ва жазони ўташ жойига жўнатилади. Озодликдан маҳрум этишга ҳукм қилинган ижобий тавсифга эга шахсларга муассасани қўриқланадиган ҳудуд доирасидан ташқарида соқчисиз ва кузатувчисиз юришга рухсат этилиши мумкин. Соқчисиз ва кузатувчисиз юриш ҳуқуқи маҳкумларга қуйидаги ҳолларда бериланди: Унча оғир жиноят учун тайинланган жазо муддатини камида учдан бир қисми ўталганидан сўнг; Оғир жиноят чун тайинланган жазо муддатини камида ярмини ўтаганидан сўнг. Ўта оғир жиноят учун, шунингдек илгари жазодан муддатидан олдин шартли озод қилинган ёки жазоси енгилроқ жазо билан алмаштирилган ва жазони ўталмаган қисми мобайнида қасддан янги жиноят содир этган шахсга тайинланган жазо муддатини камида 3 дан 2 қисми ўталганидан кейин. қуйидагиларни соқчисиз ёки кузатувчисиз юришига йўл қўйилмайди: Интизомий жазоси бор маҳкумлар; Юқумли касалликка чалинган, шунингдек мажбурий даволанишдан ўтаётган маҳкумлар; Биринчи, иккинчи гуруҳ ногиронлари; Мазкур муассасага келганига 6 ой тўлмаган маҳкумлар.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст.

Похожие

Жазони ижро этиш муассасаларида режим

Жазони ижро этиш муассасаси маъмуриятининг қонуний талаблари

Жазони ижро этиш муассасаси ходимларининг психологик тайёргарлиги

Жазони ижро этиш муассасаси ходими касбий фаолиятининг психологик хусусиятлари

Кушимча жазоларни ижро этиш. Колония ва турмаларда жазони ўташ