Жазони ижро этиш муассасаларида режим - Юриспруденция - Рефераты

Жазони ижро этиш муассасаларида режим

Загружено в:

20.09.2019

Скачано:

0

Размер:

42.42578125 KB

Жазони ижро этиш муассасаларида режим Режа: 1. Жазони ижро этиш муассасаларида режим 2. Жазони ижро этиш муассасаларида тезкор-қидирув фаолияти

Жазони ижро этиш муассасаларида режим тушунчаси ва аҳамияти. Режимнинг асосий талаблари. Миллий қонунчиликни эркинлаштириш даврида жазони ижро этиш режимини енгиллаштириш. Жазони ижро этиш муассасаларида маҳкумлар кийими. Маҳкумларни батамом ажратиб қўйиш ва қўриқлаш. Маҳкумларни назорат қилиш ва текширишнинг техникавий воситаларидан фойдаланиш, тинтув ва кўздан кечириш. Маҳкумларга нисбатан жисмоний куч ишлатиш, тинчлантириш кўйлагини ва махсус воситаларни ишлатиш тартиби ва шартлари. Ўқ-отар қуролларни қўллаш, фойдаланиш асослари тартиби ва шартлари. Жазони ижро этиш муассасаларида алоҳида ҳолат жорий этиш тартиби ва шартлари. Маҳкумларнинг озиқ овқат маҳсулотлари ва энг зарур нарсаларни сотиб олиши. Маҳкумларнинг қариндошлари ва бошқа шахслар билан учрашиш тартиби ва шартлари. Маҳкумларнинг телефон орқали сўзлашуви ва ёзишмалари. Маҳкумларнинг посилкалар, йўқловлар, бандероллар ва пул жўнатмалари олиши ва юбориши. Маҳкумларнинг адабиёт ва ёзув ашёларини сотиб олишлари тартиби. Маҳкумларнинг кинофильмлар ва телекўрсатувлар кўриши, радио эшитиш тартиби. Маҳкумларнинг алоҳида ҳолларда муассаса доирасидан четга чиқиши. Маҳкумларнинг белгиланган муддатда жойига қайтишдан бўйин товлаганлик оқибатлари. Республикамиз ўз мустақиллигини қўлга қиритгач, жамият ҳаётининг барча соҳаси тубдан ислоҳ этилиб, демократик ҳуқуқий давлат, фуқаролик жамияти қуриш йўлида илк саъйи ҳаракатлар бошланди. Шу аснода суд-ҳуқуқ соҳасида олиб борилган ислоҳотлар, либераллаштириш сиёсати айниқса эътиборга молик бўлган ижобий ҳолат сифатида баҳоланмоқда. Суд-ҳуқуқ соҳасидаги ислоҳотларни янада чуқурлаштириш, бу борадаги қонунчиликни либераллаштириш ўз навбатида жиноят ижроия қонунчилигига қатор ўзгартиришлар киритилишига сабаб бўлди.

Мустақиллик даврида қонун ҳужжатини демократия талабларига мослаш йўлида эришилган ютуқлар талайгина. Бу борада Республикамизда эришилган ютуқлар ҳақида Президентимиз И. А. Каримов Ўзбекистон Республикаси Олий мажлиси Қонунчилик палатаси ва Сенатининг қўшма мажлисидаги 2005 йил 28 январдаги маърузаларида ҳам алоҳида тўхталиб ўтганлар. Хусусан, ушбу маърузада Президентимиз жиноят ижроия соҳасига тааллуқли қуйидаги фикрларни билдирганлар. “Жиноят-ижроия кодексига киритилган ўзгартиришлар жазони ўташ шароитларини анча яхшилаш, маҳкумларга муддатдан илгари озод бўлиш ҳуқуқини берадиган моддаларни кўпайтириш, жазони ўташ жойларида яшаш тартиби ва шароитини сезиларли даражада енгиллаштириш имконини яратади. Натижада жазони манзил колонияларда ўтаётган шахсларнинг улуши қамоқда сақланаётганлар сонига нисбатан анча кўпайди. Яъни 1990 йилда манзил-колонияларда жазони ўтаётган шахслар маҳбусларнинг умумий сонига нисбатан 7 фоиз бўлган бўлса, бугунги кунда бу рақам 21 фоизни ташкил этмоқди. Ҳозирги вақтда Ўзбекистонда ҳар 100 минг аҳолига нисбатан қамоқдагилар сони 158 кишини ташкил этади. Айни пайтда ушбу кўрсаткич, масалан, АҚШда-715, Россияда-584, Украинада-416, Қозоғистонда-386, Қирғизистонда-390, Эстонияда-339 кишидан иборат” 1 . Жазони ижро этиш муассасаларида режим жазодан кўзланган мақсадга эришиш учун белгиланади. 1 И. А. Каримов Бизнинг бош мақсадимиз – жамиятни демократлаштириш ва янгилаш, мамлакатни модерниз ация ва ислоҳ этишдир. Т.: Ўзбекистон, 2005 й., 45-46-бетлар.

Жазони ижро этиш муассасаларида режим Ўзбекистон Республикаси Ички ишлар вазирлиги томонидан тасдиқланган Ички тартиб қоидалар ва бошқа норматив ҳужжатлар билан тартибга солинади. Ички тартиб қоидалари Ўзбекистон Республикаси ички ишлар вазирлигининг барча жазони ижро этиш муассасалари учун мажбурий. ЖИКнинг 86-моддасига кўра Озодликдан маҳрум этишга ҳукм этилган шахслар, жазони манзил-колонияларда ўтаётган шахслар бундан мустасно республика бюджети ҳисобидан белгиланган намунада кийим, мавсумга қараб, маҳкумнинг жинси ва иқлим шароитларини инобатга олган ҳолда ички кийим ва пойабзал билан таъминланадилар. Жазони ижро этиш муаасасаларида, манзил колонияларини истисно этганда, маҳкумлар белгиланган намунадаги кийимлар киядилар. Кийимнинг кўриниши Ўзбекистон Республикаси Ички ишлар вазирлиги томонидан белгиланади. Ички тартиб қоидаларда назарда тутилган ҳолларда маҳкумларга фуқаролик намунасидаги кийимдан фойдаланишга рухсат этилади. РЕЖИМ ҚУЙИДАГИЛАРНИ ТАЪМИНЛАШ МАҚСАДИДА ҚЎЛЛАНАДИ маҳкумларни батамом ажратиб қўйиш, уларни қўриқлаш ва назорат қилиб туришни; маҳкумларнинг ҳуқуқлари ва қонуний манфаатларини рўёбга чиқариш, шунингдек уларнинг ўз мажбуриятларини адо этишини; муайян тоифадаги маҳкумларни алоҳида- алоҳида сақлашни муассаса турига қараб маҳкумларни ҳар хил шароитда сақлашни маҳкумларнинг ва муассаса ходимларининг хавфсизлигини;

Озодликдан маҳрум этишга ҳукм қилинган шахсларни батамом ажратиб қўйиш ва қўриқлаш, шунингдек улар сақлнадиган ва меҳнат қиладиган объектларни қўриқлаш Ўзбекистон Республикаси Ички ишлар вазирлиги томонидан қонун ҳужжатларида белгиланган тартибда амалга оширилади. Бунда ҳар бир муассасада қатъий белгилаб қўйилган кун тартиби тузилади, бу кун тартиби маҳкумларнинг у ёки бу контингенти билан олиб бориладиган ишларнинг хусусиятига, тезкор вазият ҳолатига, ишлаб чиқариш шароитига, йилнинг фаслига, маҳаллий шароитлар ҳамда бошқа аниқ ҳолатларга боғлиқ бўлади. Маҳкумлар томонидан кун тартибини бажаришни таъминлаш учун муассаса бошлиғининг буруғи билан сигнал ва буйруқ бериш тизими жорий этилади. Муассасаларда ҳар куни икки маротаба маҳкумларни бор-йўқлигини умумий текшируви ўтказилади. Озодликдан маҳрум этиш жойларидан қочиш ва бошқа жиноятларнинг, жазони ўташнинг белгиланган тартибини бузишларнинг олдини олиш, маҳкумлар хулқ-атвори тўғрисида зарур ахборот олиш учун жазони ижро этиш муассасаларида назорат ва текширишнинг аудиовизуал, электрон ва бошқа техникавийвоситаларидан фойдаланилади. Муассаса маъмурияти маҳкумларни назорат ва текширишнинг техникавий воситалари қўлланилаётганлигидан хабардор этиши шарт. Назорат ва текширишнинг техникавий воситалари рўйхати, улардан фойдаланиш тартиби Ўзбекистон Республикаси Ички ишлар вазирлиги томонидан белгиланади. Озодликдан ма ҳ рум этишга ҳ укм қ илинган шахсларга ўз ёнида сақлашга рухсат этилган нарсалар ва буюмлар рўйхати Ўзбекистон Республикаси Ички ишлар вазирлиги томонидан белгиланади. Маҳкумлар ёнидан топилган, фойдаланишга рухсат этилмаган нарсалар ва буюмлар муассаса бошлиғи қарорига биноан олиб қўйилади ҳамда маҳкум озод бўлгунга қадар сақлаш учун топширилади ёки йўқ

қилиб ташланади ёҳуд давлат фойдасига ўтказилади ва бу ҳақда тегишли ҳужжат тузилади. Нарсалар ва буюмларни давлат фойдасига ўтказиш тўғрисидаги қарор прокурор томонидан тасдиқланади. Олиб қўйилган пуллар ва қимматли ашёлар уларни олиб қўйган мансабдор шахснинг далолатномаси ёки рапорти бўйича узоғи билан бир суткалик муддат ичида муассаса бошлиғининг навбатчи ёрдамчиси томонидан кассага ёки бухгалтерияга топширилади. Уларнинг ҳисобини юритиш маҳкумлардан олиб қўйилган пуллар ва қимматликлар дафтарида қайд этилади, дафтар муассасанинг навбатчилик хизмати томонидан юритилади. Назорат хизматини ўташ самарадорлиги устидан назорат қилиш мақсадида бундай дафтарлар контролерлар ҳарбий нарядлари бошлиқлари томонидан ҳам юритилади. Жазони ижро этиш муассасаларида фойдаланиш ман этилмаган, лекин маҳкумларнинг ёнида белгиланган тур ва миқдордагидан ортиқча нарса ва ашёлар олиб қўйилади ҳамда сақлаш учун омборга топширилиб, бу хусусда тегишли далолатнома тузилади. Агар омборда сақланаётган нарсалар ёки ашёлар маҳкумга керак бўлиб қолса ва улар белгиланган тур ва миқдордагидан ортиқча бўлмаса, улар берилган ариза асосида эгаларига топширилади. Маҳкумлар сақлаши ман этилган, улардан олиб қўйилган, аммо қимматли нарса ва ашёлар жумласига кирмайдиган нарса ва ашёлар (спиртли ичимликлар ва ҳ.к.), шунингдек, ноқонуний йўл билан олинган озиқ-овқат маҳсулотлари маҳкумларнинг ҳозирлигида йўқ қилиб ташаланади ёки омборхонага топширилиб, бу хусусда далолатнома топширилади. Маҳкумларнинг ёнидан сақлаш ман этилган нарса ва ашёлар, шунингдек ноқонуний йўл билан олинган озиқ-овқат маҳсулотлари топилганлиги ва олиб қўйилганлиги ҳоллари юзасидан хизмат текшируви ўтказилиб, уларнинг натижалари асосида айбдор шахсларга нисбатан интизомий таъсир чоралари кўрилади.

Озодликдан маҳрум этишга ҳукм қилинган шахслар, уларнинг буюмлари ва кийимлари, шунингдек жазони ижро этиш муассасаларининг объектлари ва хоналари тинтув қилиниши ҳамда кўздан кечирилиши мумкин. Шахсий тинтув маҳкум билан бир жинсда бўлган шахслар томонидан амалга оширилади. Турар жой биноларини уларда маҳкумлар бўлган чоғда тинтув қилишга кечиктириб бўлмайдиган ҳоллардагина йўл қўйилади. Жазони ижро этиш муассасаси маъмурияти ушбу муассасага ҳамда маҳкумлар ишлаётган объектларга кираётган ва чиқаётган шахсларнинг транспорт воситаларини, буюмлари ва кийимини кўздан кечиришга ҳақли, қонун ҳужжатларида назарда тутилган ҳоллар бундан мустасно. Тинтув қилиш ва кўздан кечириш тартиби Ўзбекистон Республикаси Ички ишлар вазирлиги томонидан белгиланади. Жазони ижро этиш муассасаларида тезкор-қидирув фаолияти: 1. маҳкумлар, муассаса ходимлари ва бошқа шахслар хавфсизлигини таъминлаш; 2. маҳкумлар мазкур муассасага етиб келгунга қадар содир этган жиноятларни аниқлаш ва фош этиш; жиноятларни ҳамда белгиланган сақлаш режимини бузиш ҳолларини аниқлаш ва уларнинг олдини олиш; 3. жазони ижро этиш муассасаларида содир этилган жиноятларни фош этиш; озодликдан маҳрум этиш жойларидан қочган маҳкумларни қидириш; 4. бошқа жиноятларни фош этишда ёрдам бериш мақсадида амалга оширилади. Тезкор-қидирув фаолиятини жазони ижро этиш муассасаларининг тезкор хизматлар ходимлари, шунингдек бошқа ваколатли органлар қонун ҳужжатларида белгиланган тартибда амалга оширадилар. Озодликдан маҳрум этишга ҳукм қилинган шахслар томонидан содир этилаётган жиноятлар ва ҳуқуқбузарликларни тўхтатиб қолиш мақсадида, шунингдек уларни ушлаш чоғида, агар бошқа усуллар билан

муассаса маъмуриятининг қонуний талабларини таъминлашнинг иложи бўлмаса, маҳкумларга нисбатан жисмоний куч ишлатилиши мумкин. Жисмоний куч ишлатиш натижасида маҳкумлар ҳаёти ва соғлиғига зарар етказилган ҳар бир ҳодиса ҳақида прокурорга хабар қилинади. Маҳкумларга нисбатан, агар улар жазавага тушсалар, тинчлантириш кўйлагини қўллашга йўл қўйилади. Тинчлантириш кўйлаги тиббий ходим иштирокида қўлланилади ҳамда уни қўллаш муддати икки соатдан ошмаслиги керак. Тинчлантириш кўйлаги вояга етмаган маҳкумларга ва маҳкума аёлларга нисбатан қўлланилмайди. Тинчлантириш кўйлаги батамом ажаритб қўйилган жойда (интизомий бўлинмада ёки контолернинг хонасида) фақат муассаса бошлиғи ёки унинг ўрнини босувчи шахс кўрсатмаси асосида, тиббиёт ходимининг рухсати билан ва унинг кузатуви остида қўлланилади. Тиббиёт ходими тиббий кўрсатмаларига асосан тинчлантириш кўйлаги қўллаб бўлмаслиги ёки бундай қўйлакни қўллашни қўллашни тўхтатиш тўғрисидаги талаби дарҳол бажарилиши керак. Тинчлантириш кўйлаги қўлланилган ҳар бир ҳодиса ҳақида далолатнома тузилади, далолатнома муассаса бошлиғи ёки унинг ўрнини босувчи шахс томонидан тасдиқланади. Маҳкумларнинг ғайриҳуқуқий хатти-ҳаракатларини тўхтатиш, шунингдек ўзига ўзи зарар етказишининг олдини олиш мақсадида уларга нисбатан махсус воситалар ишлатилиши мумкин. Бошқа усуллар билан муассаса маъмурияти вакилларининг қонуний талаблари маҳкумлар томонидан бажарилишини таъминлашнинг иложи бўлмаган ҳоллардагина жисмоний куч ва махсус воситалар ишлатилади. Махсус воситалар жумласига резина таёқлар, қўлкишанлар ёки бошқача боғлаш воситалари, хизмат итлари, кўздан ёш чиқарувчи моддалар, чалғитма таъсир кўрсатувчи нур-товуш мосламалари, тўсиқ- ғовларни бартараф этувчи воситалар, сув билан зарба берувчи ва зирҳли машиналар, иншоотларни очиш, транспортни мажбурий тўхтатиш мосламалари ҳамда қонунда назарда тутилган бошқа воситалар киради.

Махсус воситалар қуйидаги ҳолларда қўлланилади: 1. маҳкумларнинг муассаса маъмурияти вакилларига, бошқа маҳкумларга ва ўзга шахсларга ҳужумини даф этиш чоғида; маҳкумлар томонидан содир этилган оммавий тартибсизликларни, жамоат тартибини гуруҳ бўлиб бузишларни тўхтатиш, муассаса маъмуриятига ашаддий бўйсунмаётган ёки қаршилик кўрсатаётган ҳуқуқбузарларни ушлаш чоғида; 2. гаровга олинганларни, маҳкумлар эгаллаб олган биноларни, иншоотларни, хоналарни ва транспорт воситаларини озод қилиш чоғида; 3. маҳкумларни қўриқлаб бориш ва қўриқлаб туриш чоғида - қочишнинг олдини олиш учун; 4. жазони ижро этиш муассасасидан қочган маҳкумларни ушлаш чоғида. 5. Махсус воситалар қонунда назарда тутилган бошқа ҳолларда ҳам қўлланилиши мумкин. Махсус воситалар турлари, уларни ишлатиш интенсивлиги юзага келган вазият, ҳуқуқбузарлик хусусияти ва ҳуқуқбузарнинг шахсини инобатга олган ҳолда белгиланади. Махсус воситаларни қўллаш маҳкумларга ва бошқа шахсларга мумкин қадар кам зарар келтириши лозим. Ҳомиладорлик белгилари сезилиб турган аёлларга, ногиронлик белгилари аниқ кўриниб турган шахсларга ҳамда ёши аниқ кўриниб турган ёки маълум бўлган вояга етмаган шахсларга нисбатан махсус воситалар ишлатиш тақиқланади, улар томонидан қуролли қаршилик кўрсатилган ёки фуқаролар ҳаёти ва соғлиғига таҳдид этиб, гуруҳ бўлиб ҳужум қилинган ҳоллар бундан мустасно. Махсус воситаларни қўллаш натижасида маҳкумлар ва бошқа шахслар ҳаёти ва соғлиғига зарар етказилган ҳар бир ҳодиса ҳақида прокурорга хабар қилинади.

Алоҳида ҳолларда, агар жиноятни бошқа воситалар билан тўхтатишнинг иложи бўлмаса, энг сўнгги чора сифатида ўқотар қурол қўллашга йўл қўйилади. Ўқотар қурол қуйидаги ҳолларда қўлланилиши мумкин: 1. муассаса маъмурияти вакилларини, бошқа маҳкумларни ва ўзга шахсларни уларнинг ҳаёти ва соғлиғига аниқ таҳдид этувчи ҳужумдан ҳимоя қилиш, шунингдек қуролни қўлга киритиш мақсадида қилинган ҳужумни даф этиш чоғида; 2. гаровга олинганларни, маҳкумлар эгаллаб олган биноларни, иншоотларни, хоналарни ва транспорт воситаларини озод қилиш чоғида; 3. жазони ижро этиш муассасасининг қўриқланадиган объектларига, транспорт воситаларига гуруҳ бўлиб қилинган ёки қуролли ҳужумни даф этиш ёхуд маҳкумларни зўрлик билан озод қилишга уринишларни тўхтатиш чоғида; 4. озодликдан маҳрум этиш жойларидан қочаётган ёки қуролли қаршилик кўрсатаётган маҳкумни ушлаш чоғида; 5. маҳкумлар қочишда фойдаланаётган транспорт воситасини тўхтатиш чоғида. Ўқотар қурол қонунда назарда тутилган бошқа ҳолларда ҳам қўлланилиши мумкин. Ўқотар қуролни қўллашдан олдин қурол қўлланилиши мумкинлиги ҳақида огоҳлантириш ва юқорига қараб огоҳлантирувчи ўқ отиш керак. Қуйидаги ҳолларда ўқотар қурол огоҳлантиришсиз қўлланилиши мумкин:  қўққисдан ҳужум қилинганда;  қуролли ҳужумни ёки жанговар техника, транспорт воситалари, учиш аппаратлари, денгиз ва дарё кемаларидан фойдаланган ҳолда қилинган ҳужумни даф этишда;  гаровга олинганларни озод қилишда;  озодликдан маҳрум этиш жойларидан қурол билан, транспорт воситалари ёрдамида ёки юриб кетаётган транспорт воситаларида;

 тунда ёки кўриш чекланган шароитда қочилганда. Ўқотар қурол қўлланилганда фуқаролар хавфсизлигини таъминлаш, шунингдек жабрланганларга тиббий ёрдам кўрсатиш учун иложи борича барча чоралар кўрилиши зарур. Ўқотар қурол қўлланилган ҳар бир ҳодиса ҳақида рапорт тузилади ва дарҳол прокурорга хабар қилинади. Табиий офат рўй берган, жазони ижро этиш муассасаси жойлашган ерда фавқулодда ёки ҳарбий ҳолат жорий этилган тақдирда, уруш даври мобайнида, маҳкумлар томонидан гуруҳ бўлиб бўйсунмаслик, шунингдек оммавий тартибсизлик содир этилганда муассасаларда алоҳида ҳолат жорий этилиши мумкин. Алоҳида ҳолат Ўзбекистон Республикаси Ички ишлар вазири томонидан Ўзбекистон Республикаси Бош прокурори билан келишилган ҳолда ўттиз суткагача бўлган муддатга жорий этилади. Алоҳида ҳолатнинг амал қилиш вақти алоҳида ҳолларда қўшимча равишда яна ўттиз суткагача узайтирилиши мумкин. Алоҳида ҳолат амал қилиб турган даврда муассасаларда қўриқлаш ва назоратнинг кучайтирилган тури, объектларга киришнинг алоҳида тартиби жорий этилади, кун тартиби ўзгартирилиши, айрим хизматларнинг фаолияти чекланиши мумкин. Айни вақтда маҳкумларнинг айрим ҳуқуқлари чекланишига йўл қўйилади. Озодликдан маҳрум этишга ҳукм қилинган шахслар ўз шахсий ҳисобварағидаги пул ҳисобидан озиқ-овқат маҳсулотлари ва энг зарур нарсаларни пул ўтказиш йўли билан сотиб олишлари мумкин. Сарфлашга рухсат этиладиган пул миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади. Маҳкумлар енгиллаштирилган сақлаш шароитига ўтказилганда, меҳнат нормаси ва меҳнат вазифаларини бажарганда, шунингдек байрам кунлари рағбатлантириш тарзида, маҳкумларга энг кам иш ҳақи

белгиланган миқдорининг ўн фоизигача бўлган миқдорда қўшимча пул сарфлашга рухсат этилади. Бир ой давомида сарфлашга рухсат этилган пулнинг умумий суммаси қуйидаги миқдорлардан ошмаслиги лозим: 1) умумий тартибли колонияларда – белгиланган энг кам иш ҳақи миқдорининг уч бараваридан; 2) қаттиқ тартибли колонияларда – белгиланган энг кам иш ҳақи миқдорининг икки ярим бараваридан; 3) махсус тартибли колонияларда – белгиланган энг кам иш ҳақи миқдорининг икки бараваридан; 4) турмаларда – белгиланган энг кам иш ҳақи миқдорининг бир ярим бараваридан; 5) тарбия колонияларида, ихтисослаштирилган даволаш муассасаларида, шунингдек маҳкум биринчи ва иккинчи гуруҳ ногиронлари, ҳомиладор аёллар ва жазони ижро этиш муассасасидаги болалар уйида болалари бўлган аёллар учун – белгиланган энг кам иш ҳақи миқдорининг уч ярим бараваридан. Муассаса бошлиғи янги келган маҳкумга озиқ-овқат маҳсулотлари ва энг зарур нарсалар сотиб олиш учун белгиланган энг кам иш ҳақи миқдорининг эллик фоизигача, манзил-колонияларда эса - тўлиқ миқдоригача бўлган суммада аванс беришга ҳақли. Озодликдан маҳрум этишга ҳукм қилинган шахсларга қисқа муддатли ва узоқ муддатли учрашув ҳуқуқи берилади. Маҳкумларга қариндошлари ёки бошқа шахслар билан муддати тўрт соатгача бўлган қисқа муддатли учрашувга рухсат берилади. Қ исқа муддатли учрашувлар муассаса маъмуриятининг вакиллари назорати остида ўтади. Бошқа шахслар билан учрашувлар , жазони ижро этиш муассасаси маъмуриятининг фикрича, маҳкумга салбий таъсир кўрсата олмайдиган ҳоллардагина берилади.

Маҳкумларга яқин қариндошлари (эр, хотин, ота-оналар, болалар, ўғил (қиз) қилиб олган шахслар, ўғил (қиз) қилиб олинган шахслар, ака- укалар, опа-сингиллар, бувалар, бувилар, неваралар) билан узоқ муддатли учрашув муассаса ҳудудида ёки, Жиноят -ижроия кодекси нинг 114 ва 130- моддаларида назарда тутилган ҳолларда, муассаса ҳудудидан ташқарида улар билан бирга яшаш ҳуқуқи билан берилади. Узоқ муддатли учрашув муддати қуйидагича белгиланади:  муассаса ҳудудида - бир суткадан уч суткагача,  муассаса ҳудудидан ташқарида эса - уч суткадан беш суткагача. Қисқа муддатли ва узоқ муддатли учрашув миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади. Юқумли касалликларга чалинган беморларга учрашувлар шифокор рухсати асосида берилади. Учрашув учун берилган вақт мобайнида маҳкумлар ишдан озод этиб қўйилади, ана шу кунлар учун уларга иш ҳақи ёзилмайди. Узоқ муддатли учрашув маҳкумнинг илтимосига кўра қисқа муддатли учрашув ёки телефон орқали сўзлашув билан, қисқа муддатли учрашув эса телефон орқали сўзлашув билан алмаштирилиши мумкин. Қисқа муддатли ёки узоқ муддатли учрашув бериш рад этилган тақдирда маҳкумнинг ёки у билан учрашиш истагини билдирган шахснинг аризасига рад этиш сабаблари кўрсатилган ҳолда тегишли ёзув ёзиб қўйилади.Учрашувларни ўтказиш тартиби Ўзбекистон Республикаси Ички ишлар вазирлиги томонидан белгиланади. Ўзбекистон Республикаси Ички ишлар вазирлигининг 2001 йил 8 майдаги 118-сонли буйруғига илованинг 40§ ида учрашувларга рухсат бериш ва уларни ўтказиш тартиби баён этилган. Унга кўра маҳкумларга учрашувлар муассаса бошлиғининг тарбиявий ишлар бўйича ўринбосари томонидан тасдиқланган ҳар ойлик жадвалга мувофиқ берилади. Муассаса бўйича учрашувлар ўтказиш жадвали ҳар бир отряд бўйича туркумлар

бошлиқлари томонидан тузиладиган учрашувлар жадваллари асосида ишлаб чиқилади. Учрашувга рухсат жазон ижро этиш муассининг бошлиғи ёки тарбиявий ишла бўйича ўринбосари томонидан берилади. Маҳкум билан учрашувга келган шахс учрашувга рухсат олиш учун муассаса номига ариза беради. Аризанинг намунаси учрашувга келган қариндошларга мўлжалланган кутиш хонасиша осиб қўйилади. Учрашувга келган фуқароларнинг шахсини, шунингдек уларнинг маҳкумлар билан қариндошлик алоқасини тасдиқловчи хужжатлар паспорт, шахсий гувоҳнома, туғилгандик тўғрисидаги гувоҳнома (вояга етмаганлар учун), никоҳ тўғрисидаги гувоҳномадир. Учрашувга келган шахслар муассаса бошлиғи ёки унинг тарбиявий ишлар бўйича ўринбосари томондан қабул қилинади. Мазкур шахслар учрашув вақтида хулқ-атвор қоидалари тўғрисида, нолегал йўқловлар берганлик учун жавобгарлик ва бунинг оқибатлари хусусида, шу жумладан белгиланган қоидалар бузилган тақдирда учрашув дарҳол тўхтатиб қўйилиши ҳақида огоҳлантириладилар. Зарурат бўлганда қариндош билан суҳбатлашувга туркум бошлиқлари жалб этилади, улар маҳкумларнинг хулқ-атвори тўғрисида ахборот бериб ўтадилар. Учрашувга келган шахслар пул, қимматбаҳо буюмлар, шунингдек жазони ижро этиш муассасаларида фойдаланиш ман этилган нарсаларн учрашувлар ўтказиш бўйича текширувчига сақлаш учун топшириб, ундан тилхат оладилар, пул, буюм ва нарсалар махсус дафтарга қайд этилади. Учрашувга келган шахс жазони ижро этиш муассасасида сақлаш ман этилган нарса ёки буюмларни маҳкумга бериш ёки маҳкумдан яширин тарзда қандайдир материалларни олиш ниятида деб, мўлжаллаш учун етралича асослар мавжуд бўлган тақдирда, жазони ижро этиш муассасаси бошлиғи, ёки унинг тарбиявий ишлар бўйича ўринбосари бундай шахсга учрашувга рухсат унинг бюумлари, усти боши учрашувдан олдин ва кейин кўздан кечирилишига рози бўлган тақдирдагина берилажагини

маълум қилади. Агар учрашувга келган шахс буюмлари ва уст боши кўздан кечирилишидан бош тортса, унга маҳкум билан учрашувга рухсат этилмайди. Учрашув бериш рад этилганлиги сабаблари хусусида маҳкум хабардор этилади. Кўздан кечиришда яшириб қўйилган, таъқиқланган нарсалар ва бундай нарсаларни маҳкумларга беришга уринган шахслар аниқланган тақдирда, муассаса маъмурияти маъмурий ёки жиноий жавобгарлик тўўрисидаги амалдаги қонун ҳужжатларига мувофиқ иш тутади. Маҳкумга иккитадан кўп бўлмаган катта ёшли шахслар билан учрашувга рухсат этилади, маҳкумнинг вояга етмаган фарзандлари улар билан бирга бўлиши мумкин. Учрашувларнинг муддати жазони ижро этиш муассасасининг маъмурияти томонидан белгиланади. Барча ҳолларда қисқа муддатли учрашувлар муддати 2 соатдан кам, узоқ муддатли учрашувларнинг муддати эса 1 суткадан кам, агар учрашув берилаётган шахснинг ўзи бундан қисқароқ муддат сўраб туриб олмаса, белгиланиши мумкин эмас. Учрашувга маҳкумлар ораста кўринишда келишлари лозим. Узоқ муддатли учрашувлар вақтида уларга учрашувга келган шахслар келтирган фуқаролар киядиган кийим кийиб юришга рухсат берилади, учрашув тугагандан кейин бу кийимларни уларни олиб келган шахсларнинг ўзи қайтариб олиб кетадилар. Маҳкумлар учрашувдан олдин ва кейин тўлиқ тинтув қилинади. Уларга узоқ муддатли учрашувлар ўтказиладиган хонага ўзлари билан ювиниш, таранишда ишлатиладиган ва чекиш учун зарур бўлган нарсаларни олиб кириш имкони берилади. Узоқ муддатли учрашув хоналарига озиқ-овқат маҳсулотларини (вино, ароқ маҳсулотлари ва пиво бундан мустасно), учрашув кунларини ҳисобга олган ҳолда, шунингдек, маҳкумларга ёнларида сақлаш ман этилмаган нарсалар, буюмлар ва ашёларни (тоза қоғоз ва ёзув ашёлари бундан мустасно) олиб кириш мумкин. Маҳумларга узоқ муддатли

учрашув жойларидан учрашув тугаганидан кейин қолган озиқ-овқат маҳсулотлари ва ашёларни ёнларида сақлашга рухсат этилган миқдорда ва турда олиб чиқишга рухсат этилади. Учрашувлар вақтида маҳкумларга бирон бир ҳужжат, ёзув, чизма ва ҳоказоларни бериш ёки улардан шундай нарсаларни олишга, шунингдек, маҳкумлар билан қисқа муддатли учрашувга келган шахсларнинг бирон бир озиқ-овқат маҳсулоти ёки ашёларни олиб киришига йўл қўйилмайди. Қисқа муддатли учрашувларда суҳбат сўзлашув учрашувга келган шахслар танлаган тилда олиб борилади. Агар жазони ижро этиш муассасаси ходимларидан ёки қоровул қўшинлари бўлинмалари ҳарбий хизматчиларидан биронтаси ҳам сўзлашув олиб борилаётган тилни билмаса, у ҳолда суҳбат мазмунини назорат қилиш учун таржимон ёки бу тилни биладиган бошқа шахс (маҳкумлар бундан мустасно) таклиф этилиши мумкин. Учрашувни ўтказишнинг белгиланган тартиби бузилган тақдирда учрашув шу заҳоти тўхтатилади, бу хусусда контролер учрашувга рухсат этган шахсга, унинг йўқлигида эса колония (турма) бошлиғининг навбатчи ёрдамчисига ахборот беради, улар учрашувни давом эттириш ёким тугатиш тўғрисида узил-кесил қарор қабул қиладилар. Маҳкумлар билан учрашувга келган шахсларн жойлаштириш учун жазон ижро этиш муассасалари ҳузурида меҳмонхона типида қурилган махсус уйлар барпо этилади. Бу жойлардан шунингдек, узоқ муддатли учрашувлар хоналаридан фойдаланганлик учун учрашувга келган шахслардан ёки маҳкумлардан меҳмонхоналар учун белгиланган тегишли тарифлар ставкалари бўйича ҳақ олинади. Учрашувлар хонаси рўйхатга мувофиқ ускуна ва инвентар билан жиҳозланади. Муассаса ҳудуди доирасидан ташқаридаги учрашувлар қонун ҳужжатларида белгиланган ҳолларда берилади. шу мақсадда муассаса жойлашган ерда, унинг қўриқланадиган ҳудуди чегарасидан ташқарида

махсус жойлар жиҳозланади. Бундай учрашувларни ўтказиш учун келувчиларга мўлжалланган уйлардан ҳам фойдаланиш мумкин. Озодликдан маҳрум этишга ҳукм қилинган шахсларга техникавий имкониятлар мавжуд бўлган тақдирда телефон орқали сўзлашув ҳуқуқи берилади, бундай сўзлашувлар муассаса маъмурияти назорати остида ўтказилади ва уларнинг ҳақи Ўзбекистон Почта ва телокоммуникациялар агентлиги томонидан белгиланган тариф асосида маҳкумнинг шахсий ҳисобварағидаги маблағ ҳисобидан тўланади. Телефон орқали сўзлашувлар миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади. Маҳкумнинг илтимосига кўра, маҳкум жазони ижро этиш муассасасига етиб келганидан кейин, шунингдек алоҳида ҳолларда унга қўшимча равишда телефон орқали сўзлашувга рухсат этилиши мумкин. Интизомий бўлинмаларда сақланаётган маҳкумларга фақат алоҳида ҳолларда телефон орқали сўзлашувга рухсат этилиши мумкин. Маҳкумларга қариндошлари ҳамда бошқа шахслар билан телефон орқали сўзлашувга рухсат этилади. Озодликдан маҳрум этиш жойларида сақланаётган маҳкумларнинг телефон орқали ўзаро сўзлашувлари тақиқланади. Маҳкумларга телефон орқали сўзлашувга рухсат этиш тартиби Ўзбекистон Республикаси Ички ишлар вазирлиги томонидан белгиланади. Телефон орқали сўзлашув чоғида муассасанинг ички тартиб қоидаларига риоя этилиши лозим. Телефон орқали сўзлашувларни муассаса маъмуриятининг рухсатисиз ва маъмурият назоратисиз олиб бориш жазони ўташ тартибини қўпол бузиш сифатида баҳоланади. Телефон орқали сўзлашувлар одатда маҳкум ишламайдиган вақтда берилади. Уяли алоқа аппаратларида, кечқурунги ётиш чоғидан эрталаб ўриндан туришгача бўлган вақтда телефон сўзлашув ҳуқуқини бериш ва

шундай сўзлашувни амалга ошириш, телефон орқали иккита ёки бир нечта сўзлашувларни бирлаштириш, иккита ёки ундан ортиқ миқдордаги маҳкумлар гуруҳининг ёки маҳкумлар гуруҳи номидан телефон орқали сўзлашув, шунингдек, телефон орқали сўзлашув ҳуқуқини бошқа шахсга бериш таъқиқланади. Маҳкумлар телефон орқали сўзлашув берилиши илтимоси баён этилган аризани жадвалда  белгиланган муддатга камида уч кун қолганда берилади. Аризага турма бошлиғи, шунингдек, маҳкумнинг шахсий ҳисобварағида маблағи борлигини кўрсатган ҳолда бухгалтерия ходими ўз ризолик белгисини қўяди. тасдиқланган жадвалдан кўчирмалар ҳар бир туркумда осиб қўйилади. Агар маҳкум телефон орқали сўзлашув берилиши илтимоси баён этилган аризани вақтида бермаган бўлса ёки унга шахсий ҳисобварағида пули йўқлиги боисидан сўзлашув рад этилган бўлса, унинг телефон орқали мазкур сўзлашувни ўтказиш ҳуқуқи йўққа чиқади. Маҳкум телефон орқали сўзлашувга рухсат олганда фақат бир абонент билан боғланиш ҳуқуқига эга. Маҳкумлар агар абонент жавоб бермаган бўлса, башарти бошқа абонент билан уланиб қолинган бўлса ёки сўзлашув техникавий сабабларга кўра узилиб қолган бўлса, телефон орқали сўзлашув ҳуқуқини такроран олиш ҳуқуқига эга. Телефон орқали сўзлашув муддати ИИВ томонидан тасдиқланган қоидаларга мувофиқ, 10 дақиқадан ошмаслиги лозим. Телефон орқали сўзлашувлар одатда, давлат тилида ёки контролер ёҳуд муассаса маъмуриятининг бошқа вакили тушунадиган тилда олиб борилиши лозим. Маҳкумлар телефон орқали сўзлашувга муассаса бошлиғининг навбатчи ёрдамчиси томонидан овоз кучайтиргич орқали, беш кишидан кўп бўлмаган гуруҳ билан чақирилади. Маҳкумларнинг телефон орқали сўзлашувлар ҳисобини юритиш “Маҳкумларнинг   Телефон орқали сўзлашув навбати жазони ижро этиш муассаса си маъмурияти томонидан муассаса бошлиғининг тарбиявий ишлар бўйича ўринбосари тасди қлайдиган ҳар ойлик жадвал да белгиланади .

телефон орқали сўзлашувларини қайд этиш дафтари” бўйича контролер ёки муассаса маъмуриятининг бундай сўзлашувларни олиб бориш тартиби ва қоидаларига риоя этилиши устидан назорат қилувчи бошқа вакили томонидан амалга оширилади. Телефон станциясидан телефон орқали сўзлашганлик учун ҳисоб- китоб варағи олингач, сўзлашув муддати ҳамда телефон орқали сўзлашганлик ҳақи учун унинг шахсий ҳисоб-варағидан чиқарилган пул миқдори маҳкумнинг эътиборига етказилади. Маҳкум жазони ижро этувчи бир муассасадан иккинчисига ўтказилганда, навбатдаги телефон орқали сўзлашув маҳкум бу ҳуқуқдан охирги маротаба қачон фойдаланганлигига қараб белгиланади. Озодликдан маҳрум этишга ҳукм қилинган шахслар жазони ижро этиш муассасасига етиб келган кундан бошлаб посилка, йўқлов ва бандерол олишлари ҳамда жўнатишлари мумкин. Посилка, йўқлов ва бандероллар кўздан кечирилади. Битта посилка ёки бандеролнинг оғирлиги почта қоидаларида белгилаб қўйилган нормадан, йўқловнинг оғирлиги эса посилканинг белгиланган вазнидан ошиб кетиши мумкин эмас. Олинадиган посилка, йўқлов ва бандеролларнинг миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади. Ҳукм қилинган ҳомиладор аёлларнинг ва жазони ижро этиш муассасасидаги болалар уйида болалари бўлган аёлларнинг, шунингдек врач хулосасига кўра даволаниш ва кучли таомга муҳтож деб эътироф этилган беморларнинг, биринчи ёки иккинчи гуруҳ ногиронларининг тиббий хулосада белгиланадиган миқдорда ва хилларда қўшимча посилкалар, йўқловлар ва бандероллар олишига рухсат этилади. Маҳкумлар чекланмаган миқдорда пул жўнатмалари олишлари ва юборишлари мумкин. Пул жўнатмалари маҳкумнинг шахсий ҳисобварағига келиб тушади. Маҳкумлар ўзларига яқин қариндош

бўлмаган шахсларга, шунингдек корхона, муассаса ва ташкилотларга фақат жазони ижро этиш муассасаси маъмуриятининг рухсати билан пул жўнатмалари юборишлари мумкин. Пул жўнатмалари почта ор қ али ўтказилади ёки муассасас кассасига келиб тушиши мумкин. Келиб тушган барча жўнатмалар ма ҳ кумнинг шахсий ҳисоб варағига ўтказилиб, бу хусусда у хабардор қилинади. пул жўнатмаларини юбориш учун маҳкум жўнатма миқдорини, олувчининг манзили, фамиляси, исми, отасининг исмини кўрсатган ҳолда муассаса бошлиғининг номига ариза беради. Зарур ҳолларда , жўнатма нима сабабдан юборилаётганлиги тушунтирилади. Маҳкумнинг аризаси бухгалтерияга йўлланади, бухгалтерия айтилган миқдорни белгиланган тартибда кўрсатилган манзилга ўтказиб, бу хусусда ариза берувчини хабардор этади. Маҳкумларнинг посилкалар, йўқловлар, бандероллар ва пул жўнатмаларини олиши ҳамда юбориши тартиби Ўзбекистон Республикаси Ички ишлар вазирлиги томонидан белгиланади. Озодликдан маҳрум этишга ҳукм қилинган шахслар чекланмаган миқдорда хат ва телеграммалар олишлари ҳамда жўнатишлари мумкин. Маҳкумларнинг хатлари ва бошқа жўнатмалари цензурадан ўтказилади, жазони манзил-колонияларда ўтаётган шахслар бундан мустасно. Маҳкумларга хатларни топшириш ва уларнинг хатларини кўрсатилган манзилга жўнатиш муассаса маъмурияти томонидан хат келиб тушган ёки жўнатиш учун топширилган кундан бошлаб уч кунлик муддат ичида амалга оширилади. Телеграммалар эгаларига дарҳол топширилади ва жўнатилади. Хатлар ва бошқа жўнатмалар олиш ҳамда юбориш, шунингдек уларни цензурадан ўтказиш тартиби Ўзбекистон Республикаси Ички ишлар вазирлиги томонидан белгиланади. Маҳкумларнинг хатларни юбориши фақат жазони ижро этиш муассасасининг маъмурияти орқали амалга ошири лади. Шу мақсадда колониялар ҳудудида почта қутилари қуйилган бўлади, уларни шунга ваколат берилган мансабдор шахслар ҳар

куни очиб текшириб турадилар. Турмаларда ва умумий тартибли , қаттиқ тартибли колониялар нинг карцерларида , махсус тартибли колонияларнинг камера типидаги жойларида маҳкумлар жўнатиш учун хатларни маъмурият вакилларига берадилар. Хатлар елимланмасдан (ёпиштирилмаган ҳолда) почта қутиларига ташланади ёки маъмурият вакилларига берилади. Махфий белгилар билан ёзилган, рамзий нарсалар ифодаланган, шифр ёки бошқа шартли белгилар қўлланилган, шунингдек беадаб, баҳаё тусдаги, таҳдид, ўч олиш билан пўписа қилинган ёҳуд ошкор этиш мумкин бўлмаган маълумотларни акс эттирувчи хатлар кўрсатилган манзилга юборилмайди, бу хусусда маҳкумга маълум қилиниб, хатлар йўқ қилиб ташланади. Озодликдан маҳрум этиш жойларида сақланаётган маҳкумлар ўртасида ёзишма олиб бориш ман этилади. Озодликдан маҳрум этиш жойларида сақланаётган маҳкумлар ўртасида хат ёзишмалари фақат ўзаро қариндошлар ўртасида ва муассаса маъмуриятининг рухсати билан амалга оширилиши мумкин. Прокурор номига йўлланган таклиф, ариза ва шикоятлар кўздан кечирилмайди ҳамда бир суткалик муддат ичида тегишлилиги бўйича жўнатилади. Жазони умумий, қаттиқ тартибли колониялар, тарбия колониялари қабул бўлинмаларининг камераларида, шунингдек махсус тартибли колонияларнинг камераларида ўтаётган озодликдан маҳрум этилган маҳкумлар, агар улар очиқ ҳавода ишлаётган бўлмаса, ҳар куни муддати икки соатлик сайр қилиш ҳуқуқига эга. Сайр қилишнинг муддати жазони ижро этиш колонияларининг, тергов ҳибсхоналари ва турмаларнинг интизомий бўлинмаларида сақланаётган маҳкумлар учун Жиноят -ижроия кодекси нинг 109 ва 127-моддалари билан, жазони турмаларда ўтаётган маҳкумлар учун эса 123-моддаси билан белгиланади.

Маҳкумларнинг сайр қилиши махсус жиҳозланган сайр қилиш ҳовлиларида кундузги вақтда ўтказилади. Сайр қилиш, маҳкум жазони ижро этиш муассасаларининг ички тартиб қоидаларини бузган тақдирда, муддатидан илгари тугатилиши мумкин. Маҳкумлар посилка, йўқлов ва бандеролларда ёзув ашёлари, адабиётлар олишлари, шунингдек уларни савдо шохобчалари орқали сотиб олишлари, чекланмаган миқдорда газета ва журналларга обуна бўлишлари мумкин. Маҳкумларга урушни, миллий ва диний адоватни, зўрлик ва шафқатсизликни тарғиб қилувчи нашрларни, шунингдек беҳаё нашрларни олиш, сотиб олиш, сақлаш ва тарқатиш тақиқланади. Маҳкум савдо шохобчалари орқали сотиб олган адабиёт у олишга ҳақли бўлган посилка ва бандероллар сонига кирмайди. Маҳкум ўз ёнида кўпи билан ўн нусха китоб ва журнал сақлаши мумкин. Мазкур миқдордан ортиқча адабиёт маҳкумнинг розилиги билан сақлаш учун топширилади, фойдаланиш учун кутубхонага берилади ёки унинг қариндошлари ва бошқа шахсларга жўнатилади. Озодликдан маҳрум этишга ҳукм қилинган шахсларга ҳафтада камида бир марта кинофильм намойиш этилади, улар ишдан бўш соатларида, тунги дам олиш вақтидан ташқари, телекўрсатувлар кўриш, радиоэшиттиришлар эшитиш ҳуқуқига эга. Камераларда жазо ўтаётган маҳкумларга кинофильм ва телекўрсатувлар кўришга рухсат этилмайди. Маҳкумларга алоҳида ҳоллар (яқин қариндошининг вафоти ёки ҳаёти учун хавфли бўлган оғир касаллиги, маҳкумга ёки унинг оиласига жиддий моддий зарар етказган воқеа) муносабати билан бориш-келиш учун кетадиган вақтни (тўрт суткагача) ҳисобга олмаган ҳолда, етти суткагача бўлган муддатга жазони ижро этиш муассасаси доирасидан четга чиқишга рухсат этилиши мумкин. Маҳкумларга Ўзбекистон Республикаси доирасида четга чиқишга рухсат этилади.

Маҳкумнинг четга чиқишга рухсат сўраб ёзган аризасини муассаса маъмурияти бир сутка ичида кўриб чиқади. Бу ҳақда маҳкумнинг шахси, хулқ-атвори, тасдиқловчи ҳужжатлар бор-йўқлигидан келиб чиқиб қарор қабул қилинади. Четга чиқишга бериладиган рухсатнома прокурор томонидан тасдиқланади. Қуйидагиларга: 1) ўта хавфли рецидивистлар; 2) умрбод озодликдан маҳрум қилиш авф этиш тартибида озодликдан маҳрум қилиш жазоси билан алмаштирилган шахслар; 3) ўта оғир жиноятлар учун ҳукм қилинган шахслар; мажбурий даволанишдан ўтаётган ва юқумли касалликка чалинган маҳкумларга четга чиқишга рухсат берилмайди. Четга чиқиш вақти жазони ўташ муддати ҳисобига қўшилади. Четга чиқиш билан боғлиқ харажатлар маҳкум маблағлари ҳисобидан ёки бошқа шахслар томонидан тўланади. Маҳкумнинг белгиланган муддатда жойига қайтиб келишини қийинлаштирувчи кутилмаган ҳоллар юз берган тақдирда у борган жойдаги ички ишлар органи бошлиғининг қарорига биноан қайтиш муддати, жазони ижро этиш муассасаси маъмуриятини албатта огоҳлантирган ҳолда, беш суткагача узайтирилиши мумкин. Маҳкум белгиланган муддатда жойига қайтишдан бўйин товлаган тақдирда у ички ишлар органи томонидан ушланади ва жазони ўташ жойига жўнатилади. Маҳкумларнинг муассаса доирасидан четга чиқиш тартиби Ўзбекистон Республикаси Ички ишлар вазирлиги томонидан белгиланади.

Фойдаланилган адабиётлар 1. Jinoyat-ijroiya huquqi. Darslik. Mualliflar jamoasi. Mas’ul muharrir- yu.f.n., dots. B.J.Axrorov. –T.: O‘qituvchi, 2002. – 208b. 2. Jinoyat-ijroiya kodeksiga sharhlar. Rustamboyev M.H., Axrarov B.J. va boshqalar. Ma’sul muharrir: yu.f.d., prof. M.H.Rustamboyev. – T.: TDYUI, 2007. – 574 b. 3. Kommentariy k Ispravitelno-trudovomu kodeksu Respubliki Uzbekistan. –T.: Uzbekistan, 1997.- 345s. 4. Abduxaliqov M.A., Payzullayev Q., Abduqodirov Sh.Y. Jinoyat -ijroiya huquqi (albom sxemalar). –T.: TDYUI, 2005. – 142 b.

Похожие

Жазони ижро этиш муассасаларида режим

Жазони ижро этиш муассасаси маъмуриятининг қонуний талаблари

Жазони ижро этиш муассасаси ходимларининг психологик тайёргарлиги

Жазони ижро этиш муассасаси ходими касбий фаолиятининг психологик хусусиятлари

Кушимча жазоларни ижро этиш. Колония ва турмаларда жазони ўташ