“Temur Tuzuklari” – tarixiy huquqiy manba - Юриспруденция - Рефераты

“Temur Tuzuklari” – tarixiy huquqiy manba

Загружено в:

20.09.2019

Скачано:

0

Размер:

62.5 KB

“Temur Tuzuklari” – tarixiy huquqiy manba Reja: 1. “Temur Tuzuklari” – temuriylar davlatining asosiy huquq manbasi. 2. Amir Temurning taxt vorislariga vasiyat va pand nasixatlari. 3. “Temur Tuzuklari” bo‘yicha mamlakatni boshqarish tartibi. 4. “Temur Tuzuklari”da vazir va davlat amaldorlarini tayinlash tartibi. 5. “Temur Tuzuklari” bo‘yicha taqdirlash va rag‘batlantirish.

Amir Temur nomi bilan bog‘liq bo‘lgan uning siyosiy-huquqiy qarashlari to‘plami “Temur Tuzuklari”, “Voqeati Temuriy” (Temurning boshidan kechirganlari) kabi nomlar bilan sharq va g‘arbda mashhur bo‘lgan to‘plam Temurning hayotiy tajribalari asosida ishlab chiqilgan, qonun darajasiga ko‘tarilgan va o‘zining vorislari uchun nasihatlarini o‘z ichiga olgan. “Temur Tuzuklari” XIV asrning II-yarmiga oid ijtimoiy-siyosiy voqealarni o‘rganishga doir Temur saltanati uning davlati tizimi, boshqarilishi, sud tuzilishiga oid juda muhim qoidalar va ma’lumotlarni o‘zida aks ettirgan tarixiy huquqiy manbadir. Tuzilishi jihatidan “Temur Tuzuklari” ma’muriy-harbiy kodeksdir. Tuzuklar ikki qismdan iborat bo‘lib,: birinchi qismi – birinchi maqola Sohibqiron Temurning 7 yoshidan to uning so‘nggi kunigacha bo‘lgan hayoti, siyosiy faoliyati haqida aniqrog‘i Amir Temurning asta-sekin Movarounnahrda hokimiyatini qo‘lga kiritish va uning keyingi yurishlari asosida Temuriylar saltanatiga asos solinishi haqida hikoya qilinadi. Birinchi maqolada 31 tadan 13 ta kengash birma bir sanab ko‘rsatiladi. Ikkinchi qism esa, Sohibqiron Temur nomidan shahzodalarga qaratilgan vasiyatlari, pand nasihatlaridir. Unda jahongir o‘z vorislariga qarata davlatni idora qilish san’atining nozik sirlari, tamoyillari haqida yozilgan. Amir, vazirlar va beklarni tanlash, ularni joy joyiga qo‘yish, qo‘shin boshliqlari, ularni xizmat-larini taqdirlash, sipohiylar va ularning maoshlari kabi masalalari xususida vasiyat qilinadi. “Temur Tuzuklari” 1783 yil Angliyada, 1785 yil va 1981 yil hindistonda, 1868 yil Eronda bosmadan chiqadi. 1787 yil frantsuz, 1830 yil ingliz, 1845 yil urdu, 1894 yil, 1934 yil rus, 1835 yil, 1857 yil turk (eski o‘zbek) tilida, o‘z ona yurtida esa 1991 yil nashr qilingan. Amir Temur toju-taxtlari vorislariga vasiyat va pand-nasixat-lar qilar ekan, jumladan shunday deydi: “Mamlakatlarni fatx etuvchi baxtli farzandlarim va jahonni idora etuvchi qudratli nabiralarimga ma’lum bo‘lsinki, tagri taolo darxogida umidim shulki, ko‘plab farzandlarim, avlodim saltanat taxtiga o‘tirib, mamlakatlarni idora etgay. Shuning uchun saltanat qurish, davlat tutish ishlarini bir

necha tuzukka (dastur ul-amal) yozib qoldirdim, toki farzandlarim va avlodlarimdan bo‘lganlarining har biri unga muvofiq ish yuritsin, mehnatu mashoqatlar, ko‘p harbiy yurishlar, urush-taloshlar bilan tagrining inoyati va xazrat Muhammadning va salomlari bo‘lsin, tole’i bilan millatning sharofati, on xazrating ulug‘vor avlodi va qimmatli sahobalariga qilgan muhabbat va do‘stligim orqali qo‘lga kiritgan davlat va saltanatni saqlaganlar”. 1 Temur o‘z fikrini davom ettirib yana shunday degan: “Vorislarim bu tuzuklardan o‘z saltanat ishlarini boshqarishda qo‘llanma sifatida foydalangaylar, toki mendan ularga yetadigan davlat va saltanat zararu tanazzuldan ozod bo‘lgan. Endi mening nomdor bahtiyor farzandlarim, mamlakatlarni zabt etuvchi iqtidorli nabiralarimga yo‘l yo‘rig‘im shulki, men o‘n ikki narsani o‘zimga shior qilib olib, saltanat martabasiga erishdim. Shu o‘n ikki narsa yordamida mamlakatlarni zabt etib, saltanatimni boshqardim va saltanat taxtiga ziynat berdim. Ular ham ushbu tuzukka amal qilsinlar. Davlatu saltanatimni va o‘zlarini ehtiyot qilsinlar”. Amir Temur o‘z hayot tajribasida ko‘rgan-kechirganlaridan kelib chiqib, o‘zi doimo amal qilib kelgan o‘n ikki asosiy qonun-qoidani bayon qiladi. Temur toju-taxt egalarining tutumi va vazifalari haqida ham bir qator zarur qonun-qoidalarni belgilaydi. “Yana tajribada ko‘rib bildimki, - deydi Amir Temur, davlat agar dini oyin (tartib) asosida qurilmas ekan, to‘ra tuzukka bog‘lanmas ekan, unday saltanatning shukuhi, qudrati va tartibi yo‘qoladi. Bunday saltanat yalang‘och odamga o‘xshar ekan, uni ko‘rgan har kimsa nazarini olib qochadi. Yoxud kasu nokas tap tortmay kirib-chiqadigan, tomsiz, eshigi-to‘sig‘i yo‘q uyga o‘xshaydi”. Shuning uchun ham men, o‘z saltanatim binosini dini islom to‘ra va tuzuk asosida mustahkamladim. Salatanatimni boshqarishda uchra-gan har qanday voqea va ishni to‘ra va tuzuk asosida bajardim. Dilimning mashriqidan ko‘tarilgan birinchi tuzuk shundan iborat bo‘ldiki, islom dinini yoyib, Muhammad unga tagrinining marhamat-lari va salomlari bo‘lsin, shariatni quvvatladim. har bir shaharda masjidlar, madrasalar, xonaqolar (g‘aribxonalar) qurishni musofir 1 “Темур Тузуклари”. Тошкент. Ғофур Ғулом. 1991 йил. 53-бет.

yo‘lovchilar uchun yo‘l ustiga rabotlar (karvonsaroylar) bino qilishni, daryolar ustiga ko‘priklar qurishni buyurdim. Sohibqiron xuddi ana shu qoidaning muhimligiga bir necha bor e’tiborni qaratgan edi. Bu haqida “Shuning uchun ham men o‘z salta-natim binosini dinu- islom, to‘ra va tuzuk asosida musta h kamladim. Saltanatimni boshqarishda uchragan har qanday voqea va ishni to‘ra va tuzuk asosida bajardim”. Dinu shariat tuzukini tartibga keltirganimdan so‘ng, saltanatim korxonasining tuzugini tuzishga kirishdim. Saltanat ishlarini qonun va qoidalari (to‘ra va tuzuk)ka solib, uning martabalari tuzu-kini quyidagilarga tayanib tuzdim: birinchilar, saltanatim qonun qoidalarini islom dini va kishilarning eng xayrlisi (Xazrati Muhammadning)ning shariatiga bog‘lab, izzatu h urmatlash vojib bo‘lgan onhazratning avlodi va sahobalariga muhabbat bildirgan holda ularni mustahkamladim,saltanatim martabasini qonun-qoida asosida shunday saqladimki, saltanatim ishlarini aralashib, ziyon yetkazishga hech bir kimsaning qurbi yetmasdi. Ikkinchidan, sipohi raiyatni umid va ko‘rquv orasida saqladim. Do‘st- dushmanni murosayu-madora martabasida tutdim. Qilmishlarini, aytgan gaplarini gohida sabr-toqat, gohida bilib bilmaslikka olish bilan o‘tkazdim. Do‘st- dushamanlardan kimki menga iltijo qilib kelgudek bo‘lsa, do‘stlarga shunday muomila qildimki, do‘st-ligi yanada ortdi, dushmanlarga esa shunday munosabatda bo‘ldimki, ularning dushmanligi do‘stlikka aylandi. Menda biron kimsaning haqi bo‘lsa, haqini hech vaqt unutmadim. Biron kimsa bilan tanishgan bo‘lsam uni hech vaqt nazarimdan chetga qoldirmadim. Uchinchidan, hech kimdan o‘ch olish payida bo‘lmadim. Tuzimni tatib menga yomonlik qilganlardan hech narsa talab qilmay, ularni parvardigoru olamga topshirdim. Ish ko‘rgan, sinalgan shijoatli er-yigitlarni qoshimda tutdim, sofdil kishilar sayyidlar, olimlar va fozillarga dargohim doim ochiq bo‘ldi. Nafsi yomon himmatsiz kimsalarimni, ko‘ngli buzuq qo‘rqoqlarni majlisimdan quvib yubordim.

To‘rtinchidan, ochiq yuzlilik, rahm shavkat bilan xalqni o‘zimga rom qildim. Adolat bilan ish yuritib, jabr zulumdan uzoqroq bo‘lishga intildim. Amir Temurning takidlashicha, agar hukmdor davlatda kuchli h okimiyat bo‘lishini istasa quydagilarga amal qilishi kerak: “Saltanat korxonasi Tagri Taolo korxonasining bir kichik nusxasidirki, unda turli mansabdagi xodim va xizmatchilar (amal va fe’li) noiblar, eshik og‘alari (hujjat) bordir, ularning har biri martabasiga yara-sha o‘z yurishlari bilan mash h urdir. hech biri o‘z martabasidan chetga chiqmaydi va doimo olohning amriga muntazir bo‘lib turadilar. Amir Temur o‘zining “Tuzuklari”da vazirlar qanday bo‘lishlar zarurligi haqida ham fikr bildirib, jumladan shunday deydi: "Amir qildimki, vazirlar ushbu to‘rt sifatga ega bo‘lgan kishilardan bo‘lishlari lozim; birinchisi - asillik, toza nasllik; ikkinchisi - aql farosatlilik; uchinchisi - sipohi - raiyat ahvolidan xabardorlik ularga nisbatan xushmomalalik bo‘lishlik; to‘rtinchisi - sabr - chidamlik, tinchliksevarlik. Kimki, shu to‘rt sifatga ega bo‘lsa, unday odamni vazirlik martabasiga loyiq deb bilsinlar. Uni vazir yoki maslaxatchi etib tayinlasinlar. Bunday vazirga to‘rt imtiyoz; ishonch, e’tibor, ixtiyor va iqtidor berilsin. Sohibqron vazirlarga xos bo‘lgan noyob fazilatlarni sanar ekan, yana bunday deb yozgan edi: “Kamolga erishgan vazir ul kim, davlat muomalasini tartibga keltirib, mulkiy va moliyaviy ishlarni to‘g‘rilik bilan asl-nasli tozaligini ko‘rsatib ajoyib tarzda ko‘rsatadi”. Uning takidlashicha: “qaysi vazir soflilik, to‘g‘rilik bilan vazirlik ishiga kirishib, davlatning, moliyaviy-mulkiy ishlarini diyonat, savob bilan nafsi buziqlik qilmay, omonatga xiyonat etmay, bajarar ekan, unday vazirni eng oliy martabalarga yetkasinlar”. 2 Ma’lumki, Amir Temur bir vaqtlar o‘zi ham vazir bo‘lgan. Shuning uchun uning barcha siru-asrorlaridan voqif bo‘lgan. Bu haqida uning o‘zi shunday deydi: “Xalqqa yordamu-madat berish maqsadida men ham Tug‘luq Temurxonning o‘g‘li Ilyosxo‘jaga vazirlik hamda sipohsolarlik qilishga rozi bo‘lgan edim. Tangri 2 “Темур Тузуклари”. 75-бет.

Taoloning bandalariga yordam qilganimdan bo‘lsa kerakki, Olloh Taolo menga saltanat martabasiga yetkazdi”. 3 Xos ul-xos navkarlarimdan uch yuz o‘n uch kishiga amirlik mansabi berishni buyurdim, chunki ular asli toza, pok nasllik, aql-farosatlik, bahodir, dovyurak, tadbirkor, sergak, ehtiyotkor, oldini va orqasini o‘ylab ish tutadigan kishilar edi. Ularning har biriga o‘rin bosar tayinladim. Agar amirlardan birontasi vafot etsa, u holda, o‘rinbosari uning o‘rniga o‘tiradi. Uni amirlikka nomzod (muntazir ul amorat) deb aytadilar. Tajribalardan sinab bildimki, jangning sir asrorlarini, g‘anim askarlarini sindirish yo‘lini bilgan, jang qiziganda o‘zini yo‘qotmasdan, qo‘l-oyog‘i bo‘shamasdan, lashkar favjlarini jangga boshlay oladigan, raxna tushsa uni tezda tuzata oladigan kishi amirlik va hukmdorlikka loyiq hisoblanadi. Amirliklarda amirlar, mingboshilar, yuzboshilar, o‘nboshilar va boshqa sipohiylarga quyidagi tartibda moash berilgan: oddiy sipohiyga o‘z vazifasini o‘rinlatib bajarishi sharti bilan maoshi mingan otining bahosi bo‘lgan. Bahodirlarning maoshi ikki ot bahosidan to‘rt ot bahosigacha, o‘nboshilar maoshi qo‘l ostidagi oddiy sipoxiylardan o‘n baravar ortik, yuzboshilar maoshi o‘nboshilarga qaraganda ikki baravar ko‘p, mingboshilarniki esa ziyoda etib belgilangan. Sipohiylardan qaysi biri xatolikka yo‘l qo‘ysa, maoshidan o‘ndan birini kamaytirganlar. Amir Temur saltanatni o‘z erkida saqlash uchun o‘z erkida saqlash uchun o‘n ikki narsani o‘ziga shior qilib oldi jumladan: o‘z so‘ziga ega bo‘lish, ishini o‘zi bilib qilish, ya’ni raiyat podshosining ayttan so‘zini, qilgan ishini o‘zi aytishi. “Sultonni har narsada adolat-pesha bo‘lishi, qoshida insofli, adolatli vazirlar saqlashi, toki podshox zulm qilgudek bo‘lsa, odil vazir uning chorasini topsin”. Butun mamlakatda buyruq farmon berish ishlarining podsho ixtiyo-rida bo‘lishi. Podshoxning o‘z qarorlarida bo‘lishi, ya’ni har qanday ishni qasd qilar ekan, to bitirmaguncha undan qo‘l tortmaslik. 3 “Темур Тузуклари”. 76-бет.

Podshoxlik ishlarini tamoman boshqaga topshirib, erkni unga berib qo‘ymaslik. Saltanat ishlarida har kimning so‘zini eshitish, har kimdan fikr olish, qaysi biri foydaliroq bo‘lsa, uni ko‘ngil xazinasida saqlab, vaqtida ishlatish. Saltanat ishlarida sipoxu raiyatga bog‘liq masalalarda boshqalarning so‘z va fe’liga qarab amal qilmaslik. Podsho h hayati sipoxu raiyat ko‘nglida shunday o‘rnashgan bo‘lishi kerakki uning amr-farmoniga hech kim qarshilik qilishga jur’at etolmasin. Podsho h nima qilsa o‘z erkicha qilsin, nima desa o‘z so‘zida tursin. Saltanat ishlarida, hukm yurgizishda podshox o‘zini yagona bilib, hech kimni o‘ziga saltanat sherigi qilmasin. Podsho h majlis ahvolidan ogoh va hushyor bo‘lsinkim, ular ko‘pincha ayb axtarib, uni tashqariga tashiydilar. Amir Temur o‘z tuzuklarida davlat arboblarining va qo‘shin boshliqlarining ham burch hamda vazifalari xususida o‘z fikrlarini bayon qiladi. Vazirlarning xizmat qilish turi quyidagicha amr etilgan: To‘rt vazir har kuni devonxonada hozir bo‘lsinlar. Birinchi-mamlakat va raiyat vaziri, bu vazir mamlakatdagi muhim ishlarni, kundalik muammolarni, raiyat ahvolini, viloyatlardan olingan hosil, soliq, o‘lponlar, ularni taqsimlash, kirim-chiqimlarni, mam-lakat obodonchiligini, aholining farovonligini, xazinani qanday qilib tartibga keltirayotganini menga bildirib tursin. Ikkinchi-sipoh vazirdirkim, u sipohiylarning maoshlari, tanholarini boshqarsin va tarqoq holatga tushib qolmasligi uchun doimo sipoh ahvolidan ogoh bo‘lib tursin, ularning ahvoli to‘g‘ri-sida menga xabar berib tursin. Uchinchisi-egasiz qolgan, o‘lib ketgan, qochganlarga tegishli mollarni, kelib-ketayotgan savdogarlar mol-mulkidan olinadigan zakot va bojlarni, mamlakat chorvalarini, ularning o‘tloq va yaylov-larni boshqarib, bularning hammasidan yig‘ilgan daromadlarni omonat tarzida saqlaydigan vazirdir. To‘rtinchisi-saltanat ishlarini yurituvchi vazir. U butun saltanat idoralarining kirim-chiqimlari, xazinadan sarf qilingan taom xarajatlardan ogoh bo‘lishi kerak. Shu tariqa Amir Temur barcha davlat arboblarini hamda qo‘shin boshliqlarining burch va vazifalarini belgilab bergan.

Amir Temur xizmatchilarini taqdirlashga alohida e’tibor bergan, u amirlar, vazirlar, sipoh hamda raiyatni taqdirlab, in’om va sovg‘alar berish yuzasidan quyidagi tuzuklarni belgilaydi: qaysi bir amir biron mamlakatni fath etsa yo g‘anim lashkarini yengsa, uni uch narsa bilan mumtoz qilsinlar: birinchisi-fahrli xijob. Tug‘ va nog‘ora berib uni “bahodir” deb atasinlar. Ikkinchisi-uni davlat va saltanat sherigi bilib, kengash majlisiga kirgizsinlar. Uchinchisi-unga chegara viloyati topshirilsin va o‘sha yerlik amirlar unga bo‘ysinsinlar. Agar amirlardan qaysi birovi to‘rani (xon o‘g‘lini) yengsa yoki biron amirga shikast yetkazsa, yo biron o‘lkani mag‘lub etsa, uni yuqoridagi yo‘sinda mukofotlasinlar. Jangda o‘zini ko‘rsatib, qarshisidagi g‘anim lashkarini sindirgan bir amirning martabasini oshirsinlar. O‘nboshi, yuzboshi, mingboshilardan qaysi biri dushman safini buzib, o‘z qarshisidagi askar favjini sindirsa, o‘nboshi bo‘lsa shahar hokimligini bersinlar. Yuz boshi bo‘lsa, uni biron mamlakat hukmdori etsinlar. Amirlardan qaysi biri g‘anim qo‘lidagi biron mamlakatni fath etib dushman tasarrufidan ozod qilsa shu mamlakatni uch yilga unga in’om tariqasida bersinlar. qaysi bir asqar qilich chopib bahodirlik ko‘rsatsa, unga in’om tariqasida cho‘mok, qimmatbaho toshlar qadalgan o‘tog‘a, kamor turna bellik qilich va bir ot bersinlar, o‘nboshilik martabasiga ko‘tarsin-lar. Ikkinchi bor bahodirlik ko‘rsatsa yuzboshi martabasiga yetishadi. Amir Temur shu tariqa amirlar vazirlar, sipohlar hamda raiyatning ko‘rsatgan bahodirligiga qarab taqdirlab, in’om sovg‘alar berishni joriy etgan. "Tuzuk" yozish odati Amir Temurdan avval ham, keyin ham bo‘lgan. Bu asarlarda davlatni idora qilish tartib-qoidalari, turli mansab egalarining vazifalari, xayri-sadaqa qilish tartib-qoidalari turli mansab egalarining vazifalari va unga amal qilish tartibi, soliq solish va uni to‘plash tartibi, harbiy yurishlarni o‘tkazish va ko‘zg‘olonni bostirish qoidalari bayon etiladi. "Temur tuzuklari" ana shunday asarlardan biridir. "Temur tuzuklari" Amir Temur tarixi uning zamonida aniqrog‘i 1342-1405 yillar orasida Movarounnahrni ijtimoiy-siyosiy ahvoli Temur va temuriylar davlati hamda qo‘shining tuzilishi,

o‘sha yillarda Temur davlatining qo‘shni mamlakatlar va xalqlari bilan bo‘lgan munosa-batlari haqida hikoya qiladi. Temur davrida davlat asosini 12 ijtimoiy toifa tashkil et-gan, uning taqdirini esa uch narsa: podsho, xazina va askar hal qilgan Amir Temur o‘zining ulkan imperiyasini uluslarga bo‘lib idora qilgan. Movarounnahrdan boshqa uning tasarrufida bo‘lgan barcha viloyatlar va mamlakatlar to‘rt ulusga bo‘linib ularga Temurning o‘g‘illari hukmronlik qilgan. “Tuzuklar”da vazirlar, amirlar va voliylar haqida ham muhim ma’lumotlar keltirilgan. Vazirlar deyiladi "Tuzuklar"da, saltanat ustunlaridir... Mamlakat obodonchiligini, raiyatning tinchli-gini sipoharning birligini, xazina boyligini doimo ko‘zda tutadi-lar. Davlat, saltanat ishlarini yuzaga chiqarishda kamchilikka yo‘l qo‘ymaslik, saltanatga zararli narsalarni qaytarishda molu-jonini ayamaydilar. Xulosa qilib shuni aytish joizki “Temur tuzuklari” bu faqat Amir Temurning tarjimai holidan iborat asar emas, balki Movarounnahrning hali yaxshi o‘rganilmagan ijtimoiy-siyosii tarixi hamdir. Ikkiichidan, bu asar Amir Temur asos solgan nisbatan markazlashgan feodal tuzilishini, XIV asrda jahonga dahshat solgan Temur qo‘shining tarkibi, feodal munosabatlarini va boshqa ilmiy masalalarni o‘rganishda muhim manba vazifasini o‘tashi mumkin. “Temur tuzuklari”ni o‘rganish hozirgi kunda juda muhimdir, chunki uning tuzuklari ko‘pchilikni muomala madaniyatini o‘rganishga, o‘zini idora etishga o‘rgatadigan manbalardan biridir. "Temur Tuzuklari" -O‘rta Osiyo xalqlarining harbiy sanatini o‘rganishda ham muhim vazifani o‘tashi mumkin.

Fo ydalanilgan adabiyotlar 1. Karimov I.A. O’zbekiston: milliy istiqlol, iqtisod, siyosat, mafkura. T.1.-T., 1996 y. 1. Karimov I.A. Yangicha fikrlash va ishlash davr talabi. T.5.-T., 1997 y. 2. Karimov I.A. Havfsizlik va tinchlik uchun kurashmoq kerak. T.10.-T., 2002 y. 3. 4.Karimov I.A.Bizning bosh maqsadimiz-jamiyatni demokratlashtirish va yangilash, mamlakatni modernizatsiya va isloh etishdir. T: ’’O`zbekiston’’ 2005 - 96 bet 4. O’zbekiston Respublikasi Konstitutsiyasi. T: «O’zbekiston” 2003 yil. 5. Jamiyatda huquqiy madaniyatni yuksaltirish milliy dasturi. O`zbekiston Respublikasi Oily Majlisining ahborotnomasi. 1997 yil 9-son 6. .Saidov A.X.Hozirgi zamon huquqiy tizimlari T: TDYU 2004 – 428 B 7. Saidov A.X.Xalqaro huquq. 2-tom T: 2001 yil 8. Raxmonqulov X.-A. Mustaqil O`zbekiston yangi huquq tizimining shakillanishi va rivojlanishi. “O`zbekistonda ijtimoiy fanlar”. 2006 yil 4-5 sonlar 8-14 betlar

Похожие

«Avesto» - buyuk tarixiy huquqiy manba

Amir Temur davlati va huquqi

Amir Temur va temuriylar davridagi siyosiy va huquqiy ta'limotlar

O‘zbekiston davlati va huquqi tarixi tarixiy-huquqiy fan

O’zbekistonda tezkor qidiruv faoliyatini shakllanishi, uni rivojlanish tarixi hamda jinoyatchiqlikka qarshi kurashdagi o’rni