Судда иштирок этувчи тарафларнинг асосий вазифалари - Юриспруденция - Рефераты

Судда иштирок этувчи тарафларнинг асосий вазифалари

Загружено в:

20.09.2019

Скачано:

0

Размер:

23.708984375 KB

Судда иштирок этувчи тарафларнинг асосий вазифалари Режа: 1. Судда иштирок этувчи тарафларнинг асосий вазифалари 2. Жиноят процессини оммавий тортишув процесси

Суриштирув, дастлабки тергов ва ишларни судда кўриш вақтида процессуал қонун ҳужжатларининг меъёрларига оғишмай риоя этиш ҳуқуқ- тартиботни, жамиятимиз манфаатларини, фуқароларнинг ҳуқуқ ва эркинликларини таъминлашнинг зарур шарти ҳамда воситаси бўлиб хизмат қилади. Фақат процессуал меъёрларнинг талабларига қаттиқ риоя этиш орқали иш бўйича асл ҳақиқатнинг аниқланишига, суднинг қонуний ҳамда асосланган ҳукм, ажрим ва қарор чиқаришига олиб келиши мумкин. Жиноят-процессуал фаолият жиноий судлов иштирокчиларининг махсус вазифаларига мос равишда бир қанча йўналишларга – жиноят-процессуал функцияларга эгадир. Ҳар бир юридик фан сингари жиноят-процессуал ҳуқуқининг ҳам ўз вазифалари ва бу вазифалардан келиб чиқувчи функциялари мавжуд. Бу функцияларнинг вазифалари жиноятларни тез ва тўла очиш, жиноят содир этган ҳар бир шахсга адолатли жазо берилиши ҳамда айби бўлмаган ҳеч бир шахс жавобгарликка тортилмаслиги ва ҳукм қилинмаслиги учун айбдорларни фош этишдан ҳамда қонунни тўғри татбиқ этилишини таъминлашдан иборатдир. Манбаларда функция сўзи (лотинча - functio ) муайян йўналиш, вазифа ва фаолиятни амалга оширмоқ, ишламоқ маъносини билдиради. Шундай экан, процессуал функция - бу жиноят процесси субъектларининг муайян вазифаларидан келиб чиқувчи фаолият, иш юритиш демакдир. Жиноят-процессуал функцияларга тергов, айблов, ҳимоя, судлов ёки ишни ҳал этиш, жамоатчиликнинг иштироки, қўшимча ва ёрдамчи функциялар киради. 1 Умумий қоидаларга кўра бу функцияларнинг биринчиси суриштирув ва дастлабки тергов органларига, иккинчиси – прокуратурага, учинчиси эса айбланувчи ва унинг ҳимоячисига, тўртинчиси эса судга, бешинчиси – жамоат ташкилотлари ва жамоаларга, олтинчиси – гувоҳ, эксперт, мутахассис ва таржимонларга, еттинчиси эса – фуқаровий даъвогар ва фуқаровий жавобгарга тегишлидир. Аммо бу умумий қоидадан истиснолар ҳам мавжуд. Масалан, қонунга биноан прокурор ҳам дастлабки 1 Никифорова Е.Н. Уголовный процесс.(Общая часть)..-Т.: Адолат,2000. -Б.17-18.

тергов ҳаракатларини ўтказиши мумкин, хусусий айблов бўйича жиноят ишларида одатда айбловчи сифатида жабрланувчи фаолият кўрсатади; дастлабки тергов вақтида ишни тугатиш учун асослар мавжуд булса, терговчи ишни тугатиб, уни мазмунан ҳал қилиши мумкин. 2 Жиноят процессини оммавий-тортишув процесси деб аташни 3 ва суд назоратини жиноят процессининг дастлабки тергов босқичига ҳам татбиқ этишни 4 таклиф этаётган олимлар фикрига қўшилиш мумкин. Чунки бу амалиёт барча ривожланган хорижий мамлакатлар қонунчилигида мавжуд ва ўзини тўла оқлаб келмоқда. Кўп вақтларгача «функция» атамаси фақат назарий атама ҳисобланиб келган. Ўзбекистон Республикасининг 1994 йил 22 сентябрда қабул қилинган ЖПКнинг 25-моддасида «айблаш, ҳимоя қилиш ва ишни ҳал қилиш вазифалари бир-биридан алоҳида бажарилиб, айнан бир орган ёки айнан бир мансабдор шахс зиммасига юклатилиши мумкин эмас»лиги таъкидланган. Бу ерда функция сўзи ишлатилмаган бўлса ҳам, қонун чиқарувчи учта асосий функцияни бир биридан ажратилишини кўрсатган ҳолда, уни назарда тутган. Олимлар томонидан жиноят-процессуал функциялар деганда кўпинча процессуал фаолиятнинг асосий йўналишлари тушунилган. М.С.Строгович жиноят-процессуал функцияларга шундай таъриф берган: «Жиноят- процессуал функциялар – бири бирига мос келмайдиган ва бир бирини ўз ичига олмайдиган маълум бир томонлар, фаолиятнинг маълум бир йўналишларидир». 5 П.А.Лупинская эса функцияларга анча содда таъриф берган: «Субъектлар фаолиятининг турлари, уларнинг роли, ишда қатнашиш мақсади жиноят-процессуал функциялар дейилади». 6 Функцияларнинг бундай таърифланиши тарафдорлари жиноят судлов ишларида учта асосий жиноят-процессуал функциялар мавжудлигига 2 Уголовный процесс.Учебник для вузов./Под ред. К.Ф.Гуценко. –М.: Зерцало, 1997. -Б.21. 3 Смирнов А.В. Модели уголовного процесса. –СПб.: 2000. –Б.17-18; Петрухин И. Публичность и диспозитивность в уголовном процессе // Российская юстиция. -1999. -№ 3. -Б.24. 4 Иноғомжонова З.Ф. Жиноят процессининг айрим босқичларида суд назорати.// Инсон ҳуқуқларини суд ва суддан ташқарида ҳимоя қилиш муаммолари мавзусидаги илмий-амалий анжуман материаллари. –Т.:ТДЮИ, 2005. –Б.124-128. 5 Строгович М.С. Уголовное преследование в уголовном процессе -М.: 1951. - Б.15. 6 Уголовный процесс. Учебник для вузов./ Под ред. П.А.Лупинской. -М.: 1995. -Б.47.

асосланганлар: айблов (жиноий таъқиб), ҳимоя, ишни ҳал этиш. Бундай ёндашув анъанавий ҳисобланади, чунки тилга олинган функцияларни амалга ошириш учун жиноят процессининг тортишув лойиҳасидан фойдаланилади. З.З.Зинатуллин жиноят-процессуал функцияларни жиноят процесси иштирокчиларининг ўз мақсадларига эришишдаги процессуал фаолиятининг йўналиши деб ҳисоблайди. 7 Ушбу муаллифлардан анча илгари П.С.Элькинд ҳам шунга ўхшаш фикрни билдирган: «…жиноят процессининг функциялари – бу ҳуқуқ нормалари билан аниқланадиган ва жиноят-процессуал фаолиятнинг тегишли йўналишларида намоён бўладиган иштирокчиларнинг вазифаси ва ўрнидир». 8 З.З.Зинатуллиннинг фикрича, жиноят-процессуал функциялар қуйидаги хусусиятларга эга: а) функция – қонун томонидан тартибга солинадиган процессуал фаолият; б) функция жиноят процесси иштирокчилари томонидан амалга оширилади – ёки айблов томони вакиллари ёки айбловдан ҳимояланиш вакиллари томонидан; в) мазкур фаолият жиноят судлов ишлари мақсадларига эришишига йўналтирилган. 9 Таъкидлаш жоизки, собиқ совет тузуми даврида олимлар жиноят- процессуал функцияларга таъриф берганда, давлат ҳокимияти органлари мансабдор шахсларининг процессуал ҳолатига алоҳида урғу берар эдилар. Олимларнинг бундай позициясини тушуниш мумкин, чунки ўша вақтдаги жиноят-процессуал қонунчилиги тортишувни инкор этувчи давлат-омма манфаатлари муҳофазасига қаратилган эди. Бундай ҳолатда фуқароларнинг манфаатларини ҳимоялаш тўғрисида сўз юритиш ножоиз бўлган, албатта. Ҳозир эса жиноят судлов ишларининг вазифалари жиноят содир этган ҳар бир шахсга адолатли жазо берилишини, айби бўлмаган ҳеч бир шахс жавобгарликка тортилмаслигини кўзда тутади. Бу қоидалар ЖПКнинг 2- моддасида мустаҳкамланган ва улар жиноят-процессуал функциялар тақсимланишининг негизини ташкил этади. 7 Зинатуллин З.З., Зинатуллин Т.З. Уголовно-процессуальные функции. –Ижевск: 2002. -Б. 11. 8 Элькинд П.С. Сущность уголовно-процессуального права. -Л.: 1963. -Б.54. 9 Зинатуллин З.З., Зинатуллин Т.З. Уголовно-процессуальные функции. –Ижевск: 2002. -Б. 47 .

Бизнинг фикримизча, жиноят процесси функцияларини тақсимлаш асосида фаолиятнинг мақсади ва ҳар бир шахснинг вазифаси тушунилмаслиги керак. Агар жиноят-процессуал функцияларнинг ҳар бир жиноят судлов ишлари иштирокчисининг мақсадларига боғлиқ ҳолда тақсимланадиган бўлса, ҳар бир иштирокчига тегишли функция «ажратишга» тўғри келиб қолиши мумкин. Ушбу ҳолда процессуал функцияларнинг сони эса иштирокчилар сонига тенглашиши мумкин. Функциялар ҳажмининг ортиб бориши иштирокчиларга тааллуқли бўлади. Масалан, В.Н.Шпилёв функциялар сонининг ортишини шундай асослаган: «Чунончи, уч асосий процессуал функциялар назарияси қонун бўйича ҳар бир иштирокчи маълум функцияни бажарадиган ва маълум йўналишда ҳаракат қиладиган жиноят процессуал фаолиятни тўлиқ акс эттирмас экан, … процессуал функцияларнинг анча кенг тизимини лойиҳалаштиришга уринишлар бўлди». 10 Бу ерда муаллифнинг жиноят процессининг ҳар бир иштирокчисига фақат ўзига тааллуқли бўлган ва аниқ функция берилишига интилганини кўришимиз мумкин. В.Г.Даев жиноят процессида иштирок этувчи шахсларнинг манфаатлари асосида процессуал функцияларни тизимлаштиришни таклиф этган: 1) жиноят ишини тергов қилиш; 2) жиноят судлов ишлари давомида қонунийликка риоя этилиши устидан прокурор назорати; 3) шахсий процессуал манфаатларни ҳимоя қилиш; 4) жиноят судлов ишларини юритиш давомида унга кўмаклашиш. 11 В.С.Зеленецкий процессуал функцияларни умумий ва хусусий қисмларга, яъни бутун жиноят процесси давомида олиб бориладиган функцияларга ва процесснинг бир ёки бир неча босқичида амал қиладиган функцияларга ажратишни таклиф этган. 12 Фикримизча, муаллиф бу ерда «вазифа» ва «функция» тушунчаларини аралаштириб юборган. 10 Шпилев В.Н. Содержание и формы уголовного судопроизводства. –Минск: 1974. -Б.57. 11 Даев В.Г. Процессуальные функции и принцип состязательности в уголовном судопроизводстве // Правоведение. - 1974. - №1. - Б. 72. 12 Зеленецкий В.С Возбуждение государственного обвинения в советском уголовном процессе. – Харьков: Вища школа. - 1979. - Б. 57.

Бизнингча, жиноят-процессуал функцияларни процесс иштирокчиларининг тутган ўрнига қараб аниқлашда алоҳида гуруҳларга ажратилган иштирокчиларнинг манфаатлари ва тутган ўрнидан келиб чиқиш керак. Жиноят-процессуал функциялар бир гуруҳ иштирокчилар фаолиятининг йўналишини акс эттириши лозим. Акс ҳолда жиноят- процессуал функцияларнинг рўйхати жуда катталашиб кетади. Фикримизнинг исботи сифатида А.М.Лариннинг қуйидаги сўзларини келтириш мумкин: «Агар фақат процессуал-ҳуқуқ мақсадларидан келиб чиқилса, қанча процессуал актлар мавжуд бўлса, шунча процессуал функциялар амалда бўлиши керак». 13 Шунинг учун муаллифнинг қуйидаги хулосаси ўринлидир: «Функция – бу ҳаракат эмас, фаолиятдир, яъни мақсадлар бирлигида жамланган ҳаракат ва қарорлар йиғиндисидир». 14 Шунда ҳам баъзи масалалар мунозарали бўлиб қолади. Мустақил жиноят-процессуал функцияси ҳақида гапириш учун шахснинг нечта ҳаракатида ягона манфаат бўлиши керак? Турли иштирокчилар учун мақсаднинг ягоналиги қандай бўлиши лозим? Шубҳасиз, жиноят судлов ишларининг турли иштирокчилари турли мақсадларни кўзлайдилар ва уларнинг манфаатлари ҳам турлича. Бироқ, бу процессуал функцияларни гуруҳларга ажратилиши учун асос бўлиб хизмат қила олмайди. Мантиқан иштирокчилар манфаатини асос қилиб олиб, иштирокчилардан фарқли бошқа бир нарсани гуруҳлаштириш нотўғри. Жиноят-процессуал функцияларни жиноят судлов ишлари иштирокчиларининг мавжуд манфаатлари асосида гуруҳлаштириш мантиқий хатога йўл қўйиш демакдир. Иштирокчилардаги мавжуд бўлган манфаатларга қараб уларни бир бирига ўхшамайдиган бир неча гуруҳларга бўлиш мумкин. Мазкур гуруҳлар томонлар деб аталади. Натижада, гуруҳларга процесс иштирокчиларининг манфаатларига қараб ажратилади. Шунда ушбу гуруҳларнинг ҳар бири фақат ўзига хос бўлган, алоҳида жиноят-процессуал функцияни амалга оширади. 13 Ларин А.М. Расследование по уголовному делу: процессуальные функции. -М.: 1986. - Б.5. 14 Ў ша жойда. - Б.6.

Баъзи функцияларнинг, жумладан юқорида В.Г.Даев томонидан таклиф этилган прокурор назорати функциясининг татбиқ этилиши тортишув принципларига тамоман зиддир. Бунда айблов томони ҳимоя томонига қараганда кўпроқ ваколатларга эга бўлади. Айблов томонида иштирок этаётган прокурорга баҳс юритувчи томонларга хос бўлмаган ваколатлар берилиши мақсадга мувофиқ эмас. ЖПКнинг 25-моддасида айблов, ҳимоя ва ишни ҳал этиш бир биридан қатъий ажратилганлиги учун, бу томонларга бошқа қўшимча ваколатлар берилиши мумкин эмас. Қонунда учта процессуал функциянинг ажратиб кўрсатилганлигини тўғри деб ҳисоблаймиз. Акс ҳолда «…процесснинг барча тарихи мобайнида процесс шаклини аниқлашга асос бўлиб хизмат қилган функциялар ўзининг моҳиятини йўқотиши мумкин». 15 В.М.Савицкийнинг фикрига кўра, «…прокурор судда айбловни қувватлайди, дастлабки тергов босқичида раҳбарлик қилиш билан айбловнинг шаклланишида иштирок этади». 16 Бизнингча, бу ҳолатда прокурор айблов (жиноий таъқиб)нинг қонунийлиги ва асосланганлиги учун жавобгар шахс сифатида иштирок этади, дастлабки тергов босқичида эса терговни бошқариш билан бирга назорат ваколатларини ҳам қўшиб олиб боради. 17 М.С.Строговичнинг бу тўғридаги фикрларини ўринли деб ҳисоблаймиз: «…прокурор ишнинг тўғри тергов қилинганлиги, терговнинг қонунийлиги, айблов хулосасида келтирилган ҳолатларнинг асосланганлиги учун жавобгардир». 18 Шундай қилиб, жиноят-процессуал функциялар – бу турли гуруҳларга манфаатлар ва олдида турган мақсадлар (вазифалар) ягоналиги асосида 15 Уголовный процесс / Под ред.: Л.Н.Башкатова, Г.Н.Ветрова и др. –М: 2001. – Б. 422. 16 Савицкий В.М. Презумпция невинности. –М.: Норма-Инфра, 1997. – Б. 121 . 17 МДҲ Парламентлараро Ассамблеяси 1996 йил 17 февралда тасдиқлаган ЖПК Моделининг 84- моддаси 2 ва 3-бандларида прокурорнинг дастлабки тергов босқичидаги барча фаолияти унинг «назорат» олиб бориш фаолияти билан биргаликда тергов устидан процессуал бошқарув деб номланган. Бундай ёндашув ўзини тўла оқлайди. Қаранг: Модельный Уголовно–процессуальный кодекс для Государств – Участников СНГ // Информационный бюллетень Межпарламентской Ассамблеи СНГ. –1996. –№10. Приложение. 18 Строгович М.С. Курс уголовного процесса. Т. 1. - М.: 1968. - Б. 205.

бирлаштирилган жиноят судлов ишлари иштирокчиларининг қонун томонидан тартибга солинадиган фаолиятининг йўналишлари ҳисобланади. Бизнингча, ҳар бир функция бир биридан келиб чиқади, яъни айблов бўлмаса ҳимоя мавжуд бўлмайди ёки уларнинг иккиси бўлмаган тақдирда судлов вужудга келмайди ва бу функциялардан ҳеч бирига алоҳида имтиёз берилмайди. Айрим функцияларнинг алоҳида аҳамиятли эканлиги улар олдида турган жиноят судлов ишлари вазифаларидан келиб чиқмайди, чунки ҳар қандай вазифа муҳимдир, яъни жамият учун айбдорларни фош этиш ва айби бўлмаган шахсни ҳимоя қилишнинг зарурати бир меъёрда. Айблов, судлов ва ҳимоя функцияларининг барчаси асосий ҳисобланиб, улар ажралмас бирликда амал қилади, уларнинг ҳар бири қолган иккиси мавжудлигидан дарак беради, функцияларнинг ҳар қайсиниси қолган икки функция амалда бўлса ва ривожлансагина, амалда бўлади ва ривожланади. 19 Ҳимоясиз айбловнинг ўзи судлов ишларига бирёқламалик, айблов характерини берган бўларди. Айбловсиз ҳимоя ҳақида гапириш ҳам ноўрин ёки бундай ҳимояни ташкил этиш мантиқан мумкин эмас. Ишни тўғри ҳал этишга эса айблов ва ҳимоя томони иштирокида тортишув принципи асосида эришиш мумкин. Асосий уч функциянинг бошқаларидан фарқи айблов, ҳимоя ва одил судлов функцияларини амалга ошириш барча суд муҳокамалари учун мажбурийлигидир. Шу ўринда таъкидлаш жоизки, асосий процессуал функциялар тушунчаси фақат оммавий-тортишув асосида ташкил этиладиган суд муҳокамасига хосдир. Чунки, бундай тартибдаги суд муҳокамасида асосий функциялар қатъий чегараланган, айблов ва ҳимоя функциялари одил судловни юритиш функциясидан ажратилган. Айблов ва ҳимоя функциялари фақат чегара билан бир-биридан ажралиб қолмай, улар бир-бирига зид бўлган функцияларни ўзида ифода этади. Суд муҳокамасида тортишув айнан шундай шаклда намоён бўлиши мумкин. Қуйида тотишувнинг асосини 19 Зинатуллин З.З., Зинатуллин Т.З. Еще раз об уголовно-процессуальных функциях. // Проблемы совершенствования и применения законодательства о борьбе с преступностью: Материалы Всероссийской научно-практической конференции, посвященной 95-летию Башкирского государственного университета. Часть I. - Уфа: РИО БашГУ, 2004. –Б.46.

ташкил этувчи функцияларнинг мазмуни, уларни амалга оширувчи субъектларга тўхталиб ўтамиз.

Фойдаланилган адабиётлар: 1. Абдумажидов Г. Актуальные вопросы реализации принципа состязательности и равноправия сторон в судопроизводстве Адвокат. - 1999. –Декабр. - Б. 49-50. 2. Абдумажидов Ғ.А. Конституция ва суд мустақиллиги – адолат гарови. Давлат ва ҳуқуқ. -2002. -№4(12). –Б.31-35. 3. Абдумажидов Ғ.А. Ҳимояланиш ҳуқуқи ва тарафларнинг ўзаро тортишуви. Ишонч. -1999. -21 июль. 4. Асомутдинов А. Оценка доказательств в уголовном процессе. Ҳуқуқ, Право, Law. -2000. -№4. –Б.60. 5. Балакшин В. Истина в уголовном процессе. Российская юстиция. -1998. - №2. –Б.19. 6. Башкатов Л., Ветрова Г. О состязательности Российская юстиция. - 1995. -№ 1. -Б. 8-9.

Похожие

Хўжалик процессуал ҳуқуқининг тамойиллари ( принциплари ) ( Хужалик процессуал хукукининг тамойиллари

Фуқаролик процессуал ҳуқуқи фанининг предмети ва тизими

Фуқаролик жараёнида тарафлар

Фуқаролик процессуал ҳуқуқий муносабатлар ва уларнинг субъектлари

Судларда фуқаролик ишларини ва хўжалик низоларини кўриб чиқишда прокурор ваколатлари