Ғарб сиёсий-ҳуқуқий таълимотларида инсон ҳуқуқи масалалари ( Гарб сиёсий хукукий таълимотларида инсон хукуки масалалари - Юриспруденция - Рефераты

Ғарб сиёсий-ҳуқуқий таълимотларида инсон ҳуқуқи масалалари ( Гарб сиёсий хукукий таълимотларида инсон хукуки масалалари

Загружено в:

20.09.2019

Скачано:

0

Размер:

86.5 KB

Ғарб сиёсий-ҳуқуқий таълимотларида инсон ҳуқуқи масалалари Режа: Кириш 1. Эпикур сиёсий ҳуқуқий қарашлари 2. Ғарбда уйғониш даври сиёсий-ҳуқуқий қарашларга таъсири 3. Франсуа Мари Аруэ Вольтер сиёсий-ҳуқуқий қарашлари 4. Жан Жак Руссо сиёсий-ҳуқуқий қарашлари

Инсон ҳуқуқларини тушуниб етиш учун ниҳоятда муҳим бўлган одамларнинг табиий тенглик ғоялари қадим юнон мутафаккирлари ( Протагор , Антифонт , Ликофрон ) ва қадим Хитой донишмандлари ( Мао - цзи , Конфуций ) сиёсий ҳамда ҳуқуқий таълимотларида эрамиз дан аввалги VI-IV асрлардаёқ илгари сурилган . Қадим юнон донишмандларидан бири Эпикур сиёсий-ҳуқуқий ғояларида инсон ҳуқуқи масалалари ўз ифодасини топган. Эпикур (эрамиздан аввалги 341-270 йиллар) ўзининг сиёсий- ҳу қуқий қарашлари билан Демокрит таълимотининг давомчиси бўлиб қолди. Эпикурнинг фикрига кўра, табиат, худоларнинг инон- ихтиёр ларисиз, ўз қонуниятлари бўйича мустақил ривожланиб боради. Инсон эрки, Эпикур нуқтаи назарича, унинг ўз турмуш тарзини онгли танлаб олиш маъсулиятидир. Узлатга чекиниш, фаол ижтимо ий-сиёсий ҳаётда қатнашмасликни тарғиб қилиш Эпикур таълимотига хос хусусиятдир. Унинг назарида, давлат ҳокимияти ва сиёсий муло қотнинг асосий мақсади – кишиларнинг ўзаро хавфсизлигини таъ минлашдан, бир-бирларидан хавфсирашдан халос этишдан иборат дир. Эпикур таълимотига кўра, қонунлар бошқарувчи “дониш - манд”ларни (яъни комил инсонларни) “оломон”дан ажратиш ва муҳофаза қилишнинг, алоҳида шахс эркининг оммавий кафолатидир. “Қонунлар, – деб ёзади Эпикур, – донишмандлар ёмонлик қилмас лиги учун эмас, балки уларга бошқалар ёмонлик қилмаслиги учун яратилгандир”.

Қадимги Рим ҳуқуқшунослари “қонун олдида ҳамманинг тенг лиги” ғояларини илгари суришган. Цицерон “Ҳамма қонун таъсири остида бўлиши керак”, деб таъкидлаган эди. Қонун томонидан инсон ҳуқуқлари факат қулдорлар учун имти ёз сифатида қараб чиқилиб, қуллар ҳуқуқи инкор этилар эди. Ўрта асрларда ҳам инсон ҳуқуқи айрим табақаларнинг имтиёзи ҳисобланиб, ҳуқуқий тенглик муайян табақага мансублик билангина белгиланарди. Инглизларнинг 1215 йилги “Эркинликларнинг улуғ хартияси”да “Хеч бир эркин инсон ҳибс килинмайди, қамоққа маҳкум этилмайди, мол-мулки тортиб олинмайди, бирор-бир восита билан ночор аҳволга солинмайди. Факат қонуний ҳукм ва давлат қонуни бўйича чоралар кўрилади” деб ёзилган бўлса-да, лекин амалда ундай эмас эди. Ўрта асрлар сўнггида Ғарбий Европа давлатларида содир бўлган муҳим воқеалар – Уйғониш (Ренессанс) даври ва Реформация (лотин ча reformatio – ўзгартириш, ислоҳ қилиш) билан боғлиқдир. Реформа ция – XVI асрда Ғарбий Европада католик черкови ва Рим папаси ҳокимиятига қарши олиб борилган ижтимоий-сиёсий, диний-мафку равий ҳаракатдир. Ҳудди шу даврга келиб, феодал тузумнинг инқи розга юз тутганлиги аён бўлиб қолди. Жамият турмуш-тарзида туб дан янги бўлган меъёрлар тизими шакллана бошлади. Бу эса Уйғо ниш ва Реформация даврининг негизини ташкил этади. Уйғониш дав рининг бошланиши Рим католик черковининг инқирози ҳамда мада ният, санъат ва эркин дунёқараш ривожланишининг бошланиш дав ридир.

Бу даврда ҳар бир шахснинг умумий фаровонлик йўлида беғараз хизмат қилишини тарғиб қилувчи ғоя сиёсий ва ҳуқуқий қарашлар тизимида долзарб аҳамият касб этган тезисга айланганди. Умумий фаровонлик ибораси мазмунида республика тузилиши шаклидаги, фуқаролар тенглиги ва адолатпарварлик тамойилларига асосланган давлат моҳияти акс этади. Шунга кўра ўзаро тенглик ва адолат кафо латлари қабул қилинаётган қонунларда ўз ифодасини топиши лозим эди. Машҳур француз мутафаккири Франсуа Мари Аруэ Вольтер (1694-1778)нинг замондошлари Шарл Луи Монтескье ва Жан Жак Руссолардан фарқли жиҳати шундаки, унинг сиёсий-ҳуқуқий қараш лари аниқ бир асарда ёритиб берилмаган. Шундай бўлса-да, у ўзи нинг турли мавзулардаги асарларида сиёсат ва ҳуқуққа оид масалалар борасида фикр юритади. Унинг фикрича, эркинлик чегаралари қонунлар билан белгила нади. Шу сабабдан “ҳуқуқ ҳукмронлиги” ғояси Ғарбда кенг тарқал ган. Вольтер сўз эркинлиги, виждон эркинлиги, мулкнинг дахлсиз - лиги каби мавзулар билан бирга, меҳнат эркинлигини ҳам тарғиб қилади. Меҳнат эркинлиги мавзусининг ёритилиши шу даврда фран цуз жамиятида сиёсий-иқтисодий қарашларнинг чўққиси, янги давр нинг ўзига хос жиҳати эди. Вольтер фикрига кўра, меҳнат ҳеч қандай мулкка эга бўлмаганларнинг мулки ҳисобланиб, улар ўз меҳнатлари учун ким кўп ҳақ тўласа, ўшанга сотиш ҳуқуқига эгадирлар. Вольтер феодал жамиятни ислоҳ қилиш тарафдори бўлиб, давлат бошқаруви да мутлақ монархияни афзал кўрган. Агар

монарх маърифатли бўлса, бу – жамият учун фойдалидир, шунда мутлақ монархия бошқаруви маърифатли ҳисобланади. Ҳукмдор эга бўлиши лозим бўлган фази латлар фақатгина унинг маърифатли бўлиши билан чекланмаслиги керак. Жамиятни адолатли бошқариш учун ҳукмдор ўз табақалари нинг истакларини тўғри англаб етиши ва марҳаматли бўлиши лозим. Вольтер бошқарувда черков судларини тугатиш, табақалар имтиёзла рини бекор қилиш, одил судловни амалга ошириш ва ушбу жараёнда адвокатлар иштирокини таъминлаш лозимлигини таъкидлайди. У инқилобий ўзгаришларга қарши чиқиб, юксак маънавиятли ва ахлоқ ли монарх феодал жамиятдаги мавжуд ижтимоий, иқтисодий қийин - чиликларга барҳам бера олишини уқтиради. Жан Жак Руссо (1712-1778) – буюк француз файласуфи ва ёзув чиси. Руссонинг сиёсий-ҳуқуқий қарашлари замирида камбағал ки шилар тўғрисида қайғуриш, инсонларнинг “табиий ҳолат” ини, яъни ҳамма тенг ва озод бўлган даврни улуғлаш ётади. У “Инсонлар ўрта сидаги тенгсизликнинг келиб чиқиши ва асослари тўғрисида мулоҳа залар” (1755) номли асарида ижтимоий тенгсизликни қоралайди. Рус сонинг фикрича, инсонлар ўртасидаги тенгсизликнинг бош сабаби – ерга бўлган хусусий мулкчиликдир. Бироқ инсон ҳуқуқларининг табиий ҳуқуқий концепциясини шакллантиришда XVI-XVIII асрларда яшаб ўтган инглиз ҳуқушуноси Ж.Локк, америкалик Т.Пэйн ва Жефферсон, французлар Руссо, Мон тескье, Вольтер, голландиялик Гроций каби маърифатпарвар мута факкирлар етакчи ўрин тутадилар. Уларнинг одамларнинг тенглиги, туғилишдан уларга ато этилган яшаш,

эркинлик ва хавфсизлик каби ҳуқуқларнинг даҳлсизлигига доир ғоялари буржуа инқилоблари ва буржуа давлатларининг шаклланиш жараёнидаги конституциялар Англияда 1628 йилдаги “ҳуқуқлар тўғрисидаги арзнома”, “ҳуқуқлар тўғрисидаги лойиха”да , Америкада “Виржиния ҳуқуқлари тўғриси даги декларация” (1689), “АҚШ мустақиллик декларацияси” (1776) ҳамда “ҳуқуқлар тўғрисидаги лойиҳа” (1791), Францияда “Инсон ва фукароларнинг ҳуқуқлари декларацияси” (1789) да ўз ифодасини топди. Шу жиҳатдан “Виржиния ҳуқуқлари декларацияси” диққатга сазовордир. Бу инсон ҳуқуқлари консепцияси баён этилган конститу ция типидаги дастлабки ҳужжат эди. Унда барча одамлар Тангри то монидан тенг қилиб яратилган ва уларга ажралмас муайян ҳуқуқлар ато этилган, деган қоида мавжуд. Ҳаёт, эркинлик, ҳамда бахт-саодат га интилиш шу ҳуқуқлар сирасига киради. Францияда 1789 йилги қабул қилинган “Инсон ва фуқаролар - нинг ҳуқуқлари декларацияси” юқорида санаб ўтилган ҳужжатлар орасида муҳим ўрин эгаллайди. Инсон ҳуқуқларининг мазмун-мо - ҳияти унда аниқ ва ихчам таърифланган, инсон шахсининг қадр- қим мати таъкидланган фуқаролик жамиятида, шахс мақомини белгилаш да, давлатнинг роли белгилаб берилган. Инсон ҳуқуқларини тартибга солувчи ҳозирги халкаро ҳуқуқий ҳужжатлар тизимида БМТнинг “Инсон ҳуқуқлари умумжаҳон декла рацияси” алоҳида ўрин тутади. Уни “Инсоният тарихида энг ноёб ҳужжат”, “Бутун инсоният учун эркинлик хартияси”, деб таърифла шади.

Инсон ҳуқуқлари мазкур умумжаҳон декларациясини барча халқлар ва барча давлатлар бажаришга интилиши лозим бўлган вази фа сифатида эълон қилган 1 . Бошқа бирорта халқаро ҳужжат бундай юксак баҳоларга сазовор бўлмаган. Инсоният тараққиёти жараёнида инсон ҳуқуқларига оид бўлган маҳсус қонунчилик тизимини яратган. Бу тизим ўз тараққиё тида учта катта босқични босиб ўтган. Биринчи босқич: 1789 йилги Франция инқилобининг Инсон ва фуқаро ҳуқуқлари декларацияси қабул қилинганидан бошланиб би - ринчи жаҳон урушигача бўлган (1914 йил) даврни ўз ичига олади. Бу даврда шахс эркинлиги ва фуқаролар тенглиги, шахс дахлсизлиги, ҳусусий мулкка эгалик, сайлаш ва сайланиш каби шахсий ва сиёсий ҳуқуқлар билан боғлиқ масалалар тартибга солинган. Иккинчи босқичда (1914-1950) инсонларнинг турли ғоя ва ҳара катлар таъсирида меҳнат килиш, дам олиш, ижтимоий ёрдам олиш билан боғлиқ ижтимоий- иқтисодий ҳуқуқларига оид қонунчилик ри вожланган. Учинчи босқич XX асрнинг 2 ярмидан бугунги кунларгача бўлган даврни ўз ичига олади. Бу даврда тинч яшаш, атроф-муҳит то залигига эришиш, ахборот олиш ҳуқуқи билан боғлиқ масалалар фаол муҳокама қилиниб, уларни ҳал этиш йўллари қидирилмоқда. Бу дав рда инсон ҳуқуқлари соҳасида халқаро қонунчилик тизими шакллан ди. БМТ томонидан 70 га яқин, Европа Кенгаши Бош Ассамблеяси томонидан 160 дан ортиқ, ЮНЕСКОда 70 дан ортиқ, ЕХҲТ томони дан 30 дан кўпроқ инсон ҳуқуқларига тааллуқли 1 “Инсон хукуклари умумжахон декларациясига шархлар”. Т. “Адолат” 1999 й. (ж.80б). -Б. 9.

халқаро конвенция лар, декларациялар, пактлар қабул қилинди. Ҳозирги пайтда инсон ҳуқуқлари бўйича 400 га яқин халқаро ҳужжат мавжуд.

F o y d a l a n i l g a n a d a b i y o t l a r 1. Karimov I.A. «O`zbekiston XXI asrga intilmoqda». «O`zbekiston», Toshkent. 2000 y. 2. Karimov I.A. «O`zbekiston XXI asr bo`sag`asida: xavfsizlikka taxdid, barqarorlik shartlari va taraqqiyot kafolotlari». «O`zbekiston», Toshkent 1997 y. 3. Karimov I.A. «O`zbekiston – bozor munosabatlariga o`tishning o`ziga xos yo`li». «O`zbekiston», Toshkent 1995 y. 4. Karimov I.A. «O`zbekiston iqtisodiy islohotlarni chuqurlashtirish yo`lida». «O`zbekiston», Toshkent 2000 y. 5. Karimov I.A. «O`zbekiston Konstitutsiyasining 9-yilligiga bag`ishlangan tantanali marosidagi nutqi». «O`zbekiston ovozi», 2001 y, 8.XII. 6. www.ziyonet.uz

Похожие

Шарк мутафаккирлари таълимотларида инсон хукуклари гояси

Қадимги юнонистонда сиёсий ва ҳуқуқий таълимотлар ( Кадимги Юнонистон сиёсий ва хукукий таълимотлари

Қадимги Шарқда сиёсий ва ҳуқуқий таълимотлар ( Кадимги Шаркда сиёсий ва хукукий таълимотлар

Ўзбекистонда инсон ва фуқаролар сиёсий ҳуқуқларининг конституциявий асослари

Ўрта асрларда Шарқ ва Ғарб мамлакатларида сиёсий ва ҳуқуқий таълимотлар