Ўрта таркибли магматик жинслар - Геология - Рефераты

Ўрта таркибли магматик жинслар

Загружено в:

20.09.2019

Скачано:

0

Размер:

75.5 KB

Ўрта таркибли магматик жинслар Режа: 1. Ўрта таркибли вулкан жинслар 2. Ўрта ишқорли вулканик жинслар 3. Ўрта таркибли плутоник (интрузив) жинслар

Ўрта таркибли жинслар асос жинслардан кейин энг кўп тарқалган жинслардир. Уларда вулкан жинслари интрузив жинсларига қараганда жуда кўп тарқалган бўлиб Ер пўстида маълум бўлган ҳамма магматик жинсларни 23% ташкил қилади, интрузив жинслар эса фақат 2% гача қисмини эгаллайди. Ўрта таркибли жинслар Ер пўстини турли жойларида яъни бурмаланган харакатчан минтақаларда (Орол ёйларида ва қитъа чеккаларида) кенг тарқалган. Аммо континентлардаги платформаларда ва океан регионларида андезитлар унча характерли эмас. Андезитлар ғарбий ва Ўрталик Тянь-Шаннинг турли жойларида кенг тарқалган. Ўрта таркибли жинсларда кремний оксидини миқдори 53-64%ни ташкил этади. Аллюмин оксиди 14-18% гача боради. Темир оксидлари йиғиндиси (Fe 2 O 3 +FeO) 5-8%, MgO 1 дан 6% гача, CaO 5-10% ва ишқорли металлар оксидлари (К 2 О+Na 2 O) йиғиндиси 3,5 дан 10% гача етади. Ўрта таркибли жинслар ишқорлик даражасига кўра учта қаторга бўлинади: нормал ишқорли, ўрта ишқорли ва ишқорли қаторлар. Ўрта таркибли вулкан жинслар Ўрта таркибли вулкан жинслари ўз навбатида таркибидаги ишқорли металлар (К 2 О+Na 2 O)нинг миқдорига қараб уч қаторга бўлинади: нормал ишқорли, ўрта ишқорли ва ишқорли. Нормал ишқорли вулкан жинслар Нормал ишқорли вулкан жинсларга андезит-базальтлар ва андезитлар таалуқлидир. Андезит-базальтлар илгари асос ва ўрта вулкан жинслари оролиғидаги туркимига киритилар эди. Д.С.Штейнбергнинг олиб борган илмий-тадқиқот ишлари натижасида андезит-базальтларнинг ўрта жинсларга қарашлигини аниқланди. Андезит-базальтлар энг аввал базальтлардан кальцийни миқдорининг озлиги билан фарқ қилади. Улардаги SiO 2 нинг миқдори 53-57 га тенг дир.

Андезит-базальтлар билан биргаликда пирокласт жинслар, вулкан брекчиялари, туфлар ва туффитлар учрайди. Андезит-базальтларнинг рангги тўқ қорамтир, кулрангроқ бўлиб порфирли структурага эга, текстураси кўпинча массив ёки оқма (флюидал), гоҳо ғоваксимон. Асосий массасининг структураси гиалопилитли бўлиб, кўпинча оқма жойлари ажралиб туради. Порфир кўринишидаги минералларни миқдори андезит-базальтларда 20- 25% ташкил қилади. Порфирлар асос таркибли плагиоклаздан (лабрадор), ромбик ва моноклин пироксенлардан, гоҳо қўнғир рангли роговая обманка ва маъданли минераллардан иборатдир. Андезит-базальтларнинг асосий массасида вулкан шишасидан ташқари порфир минералларининг таркибига яқин микролитлари ҳам иштирок этади. Умуман олганда андезит-базальтлар минерал ва химиёвий таркибига кўра гиперстенли базальтларга яқин туради, фарқи андезит-базальтлардаги плагиоклазларда кальций камроқ, асосий массасида плагиоклаз андезинга тўғри келади. Оливин кам учрайди, роговая обманка эса тез-тез учраб туради. Андезит-базальтлар гиперстенли базальтлар билан биргаликда ягона жинс серияларини (уюшмаларини) ташкил этиб кўхна геосинклиналларда (Урал, +озоғистон, Тува) ва орол дўғалари вулкан уюшмаларида кенг тарқалган. Андезитлар (Анд сўзидан олинган, Анд тоғлари, Жанубий Америка). Андезитлар энг аввал андезит-базальтлардан SiO 2 нинг кўплиги билан (57- 64%) ва плагиоклаз таркибидаги кальцийнинг камлиги билан фарқланади. Ундан ташқари ҳақиқий андезитларда магний, темир оксидлари нисбатан кам бўлади. Андезитлар асл андезитлар ва ферроандезитларга (исландит) бўлинади. Андезитли магма турли газлар билан тўйинган бўлиб, газларнинг миқдори 9% гача бориши мумкин. Бинобарин андезитли вулканлар ўта эксплозив характерга эга бўлади. Шунинг учун ҳам андезит ҳосил қиладиган вулканлардан кўп бўшоқ пирокласт ҳосилалар келиб чиқади.

Андезитлар кенг тарқалган тоғ жинси бўлиб, уларнинг рангги кулранг, тўқ кулранг ёки қора бўлади. Структураси порфирли, асосий массаси гиалопилитли ёки андезитли, пилотакситли ва шишасимон. Андезитларнинг таркиби: плагиоклазлар 45-50%, ромбик ва моноклин пироксенлар 12-20% ни ташкил қилади, магнетит ва титаномагнетит 10% гача, роговая обманка 7% ташкил қилиши мумкин. Яхши кристалланган андезитларда анортоклаз ва кварц минераллари ҳам иштирок этади. Андезитлар таркибида иштирок этган рангли минералларнинг турларига қараб икки пироксенли, ягона пироксенли, слюдали, пироксен-роговая обманкали турлари мавжуд. Андезитларда кўпинча турли жинс қўшимталари кузатилади. Улар орасида гомеоген (андезит магмасининг Ер пўсти чуқур қисмида қотишидан ҳосил бўлган) ва ксеноген (ўзга жинс) қўшимталари маълум. Андезитларнинг ўзгарган хилларини палеотип андезит деб аталади. Андезитларнинг ётиш шакллари ҳилма хил бўлиб, кўпинча қоплама, оқма, интрузив уюмлар, гумбаз ва дайка ҳолида учрайди. Булардан ташқари андезит магмаси, пирокласт, субвулкан ва экструзив жинсларни ҳам ҳосил қилади. Лава оқмалари базальт оқмаларидан қисқароқ, қалинлиги катта бўлиб, узунлиги одатда 10 км дан ошмайди. Субвулкан жинслар Ер юзасидан 1-2 км чуқурликда магманинг қотишидан таркиб топиб шток, дайка, лакколит шакллар ҳосил қилади. Андезитлар пироксласт маҳсулотларга жуда сероб бўлади. Гоҳо отилиб чиққан материаллари 70-90% ни ташкил этади. Бунга мисол қилиб Безўмяннўй, Шевелуч (Камчатка) ва Катмай вулканлари мисол бўла олади. Ўрта ишқорли вулканик жинслар Бу гуруҳга трахиандезитлар, трахитлар, кварцли трахитлар ва латитлар киради. Трахиандезитлар ва трахитлар андезитлар ва фельдшпатоидли тоғ жинслари фонолитлар билан боғлиқ равишда учрайди. Ўрта ишқорли

вулканик жинслар бошқа жинсларга қараганда жуда кам тарқалган. Булар платформа ва бурмаланган минтақаларда қаттиқ тектоник структураларда жойлашган. Трахиандезитлар натрийли ва калийли қаторларга бўлинади. Калий-натрийли трахиандезитлар ҳам учраб туради. Трахиандезитларнинг структураси одатда порфирли бўлиб текстураси трахитли гоҳо оқмасимон (флюидал). Таркибида порфирли ажралмалар плагиоклаз-андезин, камроқ лабрадор ёки битовнитдан, ҳамда рангли минераллардан - роговая обманка, биотит, диопсид баъзан эгирин-авгитдан иборат. Асосий массаси яхши кристалланган ва бироз вулканик шиша, дала шпатлар микролитлари - плагиоклаз (олигоклазандезин), калий дала шпати (ортоклаз-санидин) ва бироз пироксен ва магнетитдан иборат. Асосий массасининг структураси трахитли, пилотакситли ва гиалопилитли. Ороген вилоятларида трахиандезитлар базальт-трахит уюшмаси таркибига киради. Трахиандезитларнинг палеотип муқобиллари трахиандезитли порфирит деб юритилади. Трахиандезитларнинг калийли хиллари Атлантик океанидаги Тристан да Кунья орол ёйларида трахибазальт-шошонит уюшмаларида тарқалган. Трахитлар (юнончадан «трахис» ғадир-бўдир сўздан олинган) - порфирли, баъзан афирли структурага эга бўлган лейкократ вулкан жинсидир. Улар таркибида Mg, Fe ва Са кам бўлади. Ишқорлар кўп (9-11,5%) натижада ишқорли дала шпатлар миқдори плагиоклаздан юқори туради. Трахитларнинг асосий минераллари калийли ёки калий-натрийли дала шпатлар, плагиоклаз, роговая обманка ва биотит ҳисобланади, камдан-кам пироксен ва ахёнахёнда оливин учрайди. Акцессор минераллардан: апатит ва магнетит. Калийли трахитларда дала шпати санидин бўлиб, биотит, клинопироксен ёки роговая обманка билан биргаликда учрайди. Натрийли трахитда дала шпати альбит бўлиб таркибида бироз ишқорли амфибол (рибекит) ва пироксенлар (эгирин) қатнашади. Агар таркибида ишқорли амфибол ва пироксенлар бўлса бундай жинсни ишқорли трахит деб аталади.

Дала шпатларни калийли шпатлар ташкил қилса ортофир, альбит бўлса кератофир деб юритилади. Кварцли трахитлар ва латитлар бир-бирларидан ишқорли металларнинг бирбирига бўлган муносабати билан ажраладилар. Кварцли трахитлар муҳим натрийли қатори ҳисобланиб базальт, трахибазальт, трахиандезит уюшмалари билан биргаликда учрайди. Латитлар калийли тоғ жинслари ҳисобланиб калийли трахит ва калийли липарит (игнимбрит) сериялар уюшмаларига таалуқлидир. Трахитлар океан оролларида (Атлантик океанидаги Авлиё Елена, Азор, Канар ва Тинч океанидаги Гавай, Галапагос оролларида) ва ёйсимон оролларда кенг тарқалган. Ишқорли (фельдшпатоидли) вулкан жинслар Бу гуруҳ жинсларига фонолитлар (натрийли қатор) ва лейцитофирлар (калийли қатор) киради. Фонолитлар («жаранглайди» деган сўздан олинган). Таркибига кўра нефелинли сиенитларга тўғри келади. Лейцитофирлар порфир кўринишда бўлиб лейцит ва санидиндан ташкил топган. Фонолитлар ва лейцитофирлар океан оролларида, ёйсимон оролларида ҳамда континентлардаги рифт зоналарида тарқалган.

Ўрта таркибли плутоник (интрузив) жинслар Ўрта таркибли плутоник тоғ жинслари, вулканик жинслари каби нормал ўрта ишқорли ва ишқорли қаторларга бўлинади. Нормал ишқорли плутоник жинслар Бу гуруҳ жинсларига диоритлар, кварцли диоритлар ва ферродиоритлар мансубдир. Диоритлар андезит-базальтларининг, кварцли диоритлар андезитларнинг ва ферродиоритлар исландитларнинг интрузив муқобиллари ҳисобланади. Диоритлар - донадор, баъзан порфирсимон ички тузилишга эга бўлган, ўрта плагиоклаз, роговая обманка ёки пироксендан ташкил топган тоғ жинси ҳисобланади. Уларнинг рангги оддатда кулранг ёки яшилсимон кулранг. Диоритларнинг габбролардан асосий фарқи плагиоклазнинг таркибидир. Диоритларда плагиоклазнинг ўртача таркиби андезинга, габброларда эса лабрадорга тўғри келади. Диоритларда рангли минераллар сифатида кўпинча роговая обманка, габброларда эса пироксенлар учрайди. Плагиоклазлар диоритларда (65-70%) кўпинча зонал тузилишга эга бўлиб унинг марказий қисмида лабрадор ёки битовнит ва чекка қисмида андезин ва олигоклазгача бўлади. Одатда йирик зонал плагиоклазларнинг чекка қисмининг таркиби асосий массасидаги плагиоклазнинг таркибига яқин бўлади. Рангли минераллар: яшил ёки қўнғир, роговая обманка, пироксенлар - авгит, диопсид, гиперстен ва қўнғир биотит. Уларнинг миқдори 30-35%, агар ундан кам бўлса лейкократ, кўп бўлса меланократ диоритлар деб юритилади. Иккинчи даражали минераллар: кварц, калийли дала шпати, кам ҳолларда темирли оливин. Акцессор минераллардан апатит, магнетит, ильменит, циркон, ортит ва бошқалар қатнашади. Иккиламчи минераллар: хлорит, уралит, серицит, эпидот, альбит, карбонат, лейкоксенлардан иборат. Диоритларнинг структураси гипидиоморф донали ёки призматик донали, камроқ субофитли.

Диоритларнинг текстураси турли хилда, жумладан массив, гнейссимон, йўл-йўл, такситли, камроқ шарсимон. Рангли минералларнинг иштироқ этган хилларига кўра диоритлар гиперстенли, диопсидли, авгитли, биотит- гиперстенли, авгит-биотит-роговая обманкали ва кўпинча роговая обманкали турларига бўлинади. Акцессор минераллардан: апатит, циркон, ортит кўп учрайди. Маъданли минераллардан: магнетит, ильменит, темир сульфидлари, чангсимон титанит. Кварцли диоритларда кремний оксидининг миқдори ўртача 60% гача тўғри келади. Плагиоклаз 65-70%.Рангли минералларнинг миқдори эса 20- 30%ни ташкил этади. Кварц - 5-15%. Кварцли диоритлар кўпинча амфиболли ёки биотит-амфиболли бўлади. Баъзан ишқорли дала шпатлари қўшимталари қатнашади. Энг кўп тарқалгани биотитамфиболли диоритлар ҳисобланади. Акцессор минераллардан: апатит, титанли магнетит, ильменит, циркон, баъзан сфен учрайди. Структураси гипидиоморфли ёки гранитли. Бунда плагиоклаз қолган ҳамма минералларга қараганда идиоморф ҳолида учрайди. Кварц ва калийли дала шпатлари кўпинча минераллар оролиғидаги бўшлиқни ишғол қилади. Баъзи ҳолларда кварц ва калийли дала шпатлари микропегматит шаклида қатнашади. Кварцли диоритларнинг андезин, роговая обманка, биотит ва кварцдан иборат турлари тоналит номи билан маълум. Кварцга бой бўлиб гранодиоритларга яқин бўлган кварцли диоритларнинг тури трондъемит деб аталади. Диоритларни ҳамма турларининг томир жинс ҳиллари маълум. Буларга микродиоритлар ( малхитлар) ва диорит-порфиритлар киради. Бундан ташқари томир жинсларининг диасхист хилларига диорит-аплит, диорит- пегматитларни кўрсатиш мумкин. Томир жинсларнинг лампрофир турларига керсантит (биотит плагиоклазли) ва спессартит (роговая обманка плагиоклазли)лар киради. Диоритлар ва кварцли диоритлар гранит, габбро, сиенит уюшмалари билан бирга, ҳамда алоҳида мустақил массивлар - майда штоклар, лакколитлар ва

дайка шаклларида учрайдилар. Диоритларнинг габбро массивлари билан боғлиқлиги Уралда, Украинада, Тянь-Шаньда, Қозоғистонда ва бошқа жойларда қайд қилиб ўтилган. Ўзбекистонда диоритлар Чатқол-Қурама, Ҳисор, Нурота тоғларида учрайди. Диорит ва кварцли диоритлар билан темир, мис, олтин конлари боғлиқ. Диоритларнинг ўзи қурилиш материаллари сифатида ишлатилади. Ўрта ишқорли ва ишқорли жинслар Бу гуруҳга сиенитлар, монцонитлар (габбро-сиенитлар), сиенит-диоритлар ва граносиенитлар мансубдир. Сиенитлар ер қаъриси чуқурлигида ҳосил бўлган бир хил донадор камроқ порфирсимон, кварцсиз ёки кварцга камбағал (5% дан кам) тоғ жинсларидир. Таркибида калийли дала шпати кўп (65-90%). Рангли минераллар эса 10-20% ни ташкил этади. Сиенитлар доналарининг катта кичиклигига қараб йирик донали ва майда донали хилларга бўлинади. Ишқорли даражасига кўра уч қаторга ажратилади: нормал ишқорли, ўрта ишқорли ва ишқорли қаторлари. Нормал ишқорли сиенитлар калий дала шпати (ортоклаз, микроклин), плагиоклаз (олигоклаз ёки андезин, гоҳо лабрадор), роговая обманка, биотит ва пироксен (авгит ёки диопсид) дан ташкил топган. Иккинчи даражали минераллар: кварц, камдан-кам оливин, нефелин қатнашади. Акцессор минераллар: апатит, сфен, циркон, ортит, магнетит, титаномагнетит, ильменит ва пирит. Иккиламчи минераллар - серицит, эпидот, кальцит, хлорит ва бошқалар. Структураси - гипидиоморф ва порфирсимон, текстураси - массив. Ишқорли элементларнинг миқдори 8% гача. Рангли минералларнинг қатнашишига кўра биотитли (слюдали), роговая обманкали, пироксенли, баъзан пироксен биотитли хилларга ажралади. Ишқорли сиенитларда натрий ва калийнинг миқдори ўртача 13%га етади. Монцонитлар (Тиролдаги Монцоний тоғи номи билан аталган). Таркиби: плагиоклаз (кўпинча лабрадор, камроқ битовнит ёки андезин), ортоклаз ва рангли минераллар (авгит, биотит, роговая обманка, баъзан гиперстен ва оливин) дан иборат.

Плагиоклаз ва ортоклазнинг миқдорлари бир-бирига тенг бўлиб рангли минераллари 30-35% бўлади. Брёггер (1895) маълумотига кўра Тиролдаги типик монцонит қуйидаги таркибга эга. Кварц - 2,5%, натрийли ортоклаз - 30%, плагиоклаз (№43-50) - 32%, биотит ва роговая обманка - 15%, авгит - 15%. Бу гуруҳнинг томир жинсларининг асхист ва диасхист турлари маълум. Асхист турларидан майда доналиси микросиенит ва порфирсимони сиенитпорфир. Сиенит-порфирларда кварц бўлиши мумкин, фақат асосий массасида. Асосий массасини структураси микрогранитли, микропегматитли, кварцсизларники эса трахитли, ортофирли, баъзан бостонитли. Сиенит-порфирларнинг лейкократ хиллари бостонит деб аталади, унда рангли минерал бўлмайди. Унда порфирсимон ажралмалари - анортоклаздан иборат, асосий массаси эса фақат ишқорли дала шпатлардан ташкил топган бўлиб бу дала шпатларининг кўриниши арра шаклига ўхшаш бўлади (зубчатўй контур). Диасхист тоғ жинсларига - сиенит-аплитлар, сиенит-пегматитлар ва лампрофирлар (минетта, вогезитлар) киради. Кўпчилик нормал ишқорли сиенитлар габбро ва гранит массивларининг чекка фациясини ташкил қилади, камроқ алоҳида массивида ҳосил қилиши мумкин.

АДАБИЁТЛАР 1.Жариков В.А. Физико-химические основы петрографии. М.,1976. 2.Заварицкий А.Н. Изверженные горные породы. Изд. АН СССР, М., 1961. 3.Кузнецов А.А. Краткий курс петрографии магматических и метаморфических пород. М., изд. МГУ, 1970. 4.Маракушев А.А. и др. Петрография. М., т.1, 1976, т.2, 1981, т.3, 1985. 5. Маракушев А.А. Петрология. М., 1988. 6. Тернер Ф., Ферхуген Дж. Петрология изверженных и метаморфических пород. М., 1961. 7. Хамрабаев И.Х., Раджабов Ф.Ш. Петрография асослари. Т., «Ўқитувчи», 1964, 1984. 8.Қодиров М.Х. Қўшмуродов О.Қ. Петрография, 1994. 9. Геологиядан русча- ўзбекча изоҳли луғат. Т. «Ўзбекистон» 1995.

Похожие

Нордон магматик жинслар

Ўта асос магматик жинслар

Petrografiya (петрология) фанининг ривожланиш тарихи

Магматизм

Тоғ жинслари